"Salad"
Hanggang ngayon hindi ko pa din makalimutan yung sinabi sakin ni ni Maqui kanina. Tumawag kasi siya sakin para mangamusta. Simula ng magkabati kaming dalawa o kahit dati pa man hindi na mawawala na masali sa usapan namin ang dahilan kung bakit ako ganito.
"Huy!"
Nagulat ako ng may humawak sa balikat ko. Si Barbie lang pala.
"Ayos ka lang? Bakit tulala ka?"
"W..Wala Barbara."
"Asus. Alam ko na, iniisip mo nanaman kung anong ipopose mo mamaya sa rooftop noh?"
Natawa siya sa sinabi niya samantalang ako naman binigyan lang siya ng maliit na ngiti. Mukha namang nagtaka siya sa naging reaksyon ko.
"Come on, tell me."
Nagseryoso na si Barbie. Napabuntong hininga naman ako at inaya siya sa may pantry. Kumuha muna ko ng maiinom bago bumalik kung nasaan si Barbie nakaupo.
"Barbara.."
"Hmm?"
"Ang tao ba kapag nasaktan gumaganti?"
Bigla naman siyang ngumiti.
"Julie, ikaw lang din naman ang makakasagot ng tanong mo."
"H..Ha?"
"Diba yun naman ang ginagawa mo all along? Nasaktan ka kasi kaya ka ganyan."
"Anong ibig mong sabihin?"
Huminga siya ng malalim bago ipagpatuloy ang sasabihin niya.
"Tingnan mo nalang ah? Nawalan ka na ng pakialam sa sasabihin ng iba. Sa sasabihin ng mga fans mo. Wala ka ng pakialam kung may masaktan ka pa. Alam mo kung gaano sila masasaktan sa mga ginagawa mo pero pinagpapatuloy mo lang."
Napabuntong hininga naman ako.
"Ganun ba yun Barb? Wala na ba talaga ako agad pakialam? Hindi ba pwedeng nagmamahal lang?"
"Hulyeta, magkaiba ang nagmamahal sa naghihiganti."
"Hindi naman ganun ang pakay ko.."
"Nung panahon na siya ang nasa posisyon mo kahit gaano kahirap pa ang takbo ng relasyon niyo hindi mo siya iniwan. Nasaktan ka, Oo pero yung saya na dulot niya sayo hindi mapapantayan yun. Ngayon naman na nagkabaliktad na ang takbo ng panahon at ikaw na itong nagsasabi na may minamahal ka na at siya naman itong titingnan ka sa malayo, ang tanong, hindi ba paghihiganti yun?"
Tiningnan ko lang si Barbie. Natahimik ako sa mga sinabi niya.
"D..Diba masaya ka naman para sakin? Yung samin ni Ben?"
Ngumiti siya.
"Oo naman. Masaya naman talaga ako para sayo malamang kaibigan kita pero kaibigan ko din siya."
Parang yung linya na sinabi ni Maqui. Hindi lang kasama yung pagiging masaya niya samin ni Ben.
"Hindi ko na alam.."
"Sorry Julie ah? Mas lalo ka bang naguluhan sa sinabi ko?"
Umiling naman ako at pilit na ngumiti.
"Ayos lang."
"Para sayo din naman yung sinabi ko."
Tumango tango ako.
"I know."
"Oh teka, kailangan na ko ni Direk. Mag aala kissy muna ko."
Tumayo na siya. Lalabas na sana siya ng pantry ng tawagin niya ko ulit.
