"Fluctuating"
Kakatapos lang ng interview ko sa GMA. May mga press parin na kumakausap sakin. Kumuha ako ng pagkakataon na hindi sila nakatingin sakin. Sinilip ko ang cellphone ko.
I'll pick you up.
Napakunot noo naman ako. Nang matapos ang interview pumunta ako kaagad sa dressing room ko. Nandun sila Papa at Mama. Nagbihis ako ng mas kumportableng damit.
"Anak? Kanina ko pa napapansin na hindi ka mapakali. May gumugulo ba sa isip mo?" Sabi ni Mama.
"Naku, isa lang naman ang nagpapagulo sa isip at sa puso niyan eh." Ngisi naman ni Papa.
Napapailing nalang ako.
"Tara na po?"
Tumango naman sila. Bumaba na kami. Habang nasa elevator kami hindi maalis ang tingin ko sa cellphone ko.
I'm here at the lobby.
Hmm. Paano ba kita haharapin? Ano bang kailangan mo sakin? Pagkababa namin sa lobby agad akong tumingin sa paligid. Wala namang tao. Baka prank lang. Huminga ako ng malalim.
"Okay ka lang, nak?"
Ngumiti ako. "Okay lang po, Ma."
Kukunin na sana ni Papa ang kotse ng biglang may tumawag sa pangalan ko.
"JULIE!"
Napalingon kami. Nanlaki ang mata ko. So totoo na nandito siya? Nang makalapit siya samin ngumiti siya kaagad.
"Hello po."
Ngumiti naman sila Papa.
"Hi Julie."
"Uhm, Hi.."
"Ah..pwede ko po na mahiram si Julie Anne? Mag coffee lang po kami, something like that."
Nagkatinginan si Mama at Papa.
"Okay lang naman basta okay sa anak namin. Tska sure ba na walang makakakita sainyo?"
Umiling siya. "Wala po."
Tumingin sila sakin.
"Julie Anne?"
Napabuntong hininga ako. Hindi ko talaga alam kung bakit pero baka nga kailangan ko to.
"Una na po kayo, Mama, Papa."
Hinawakan ni Mama ang kamay ko.
"Baka ito na yung closure na hinahanap mo anak. Minsan kasi kailangan din ito."
Ngumiti ako. "Salamat po."
Tumingin sila sakanya.
"Ikaw na ang bahala sa anak namin?"
Ngumiti siya. "Makakaasa po kayo na safe si Julie Anne."
"Okay sige."
Dumating ang kotse niya. Sumakay kaming dalawa. Hindi kami nagsasalita sa kotse. Ilang sandali pa huminto ang kotse na sinasakyan namin. Bumaba ang driver niya at iniwan kami nito sa loob. Napalunok ako. Hindi naman sa natatakot ako pero bakit nga ba ako sumama at ano nga ba ang dahilan niya?
"Julie.."
Ito na. Tumingin ako sakanya.
"Hmm.."
"Galit ka ba sakin?"
Napatingin ako sakanya. Hindi muna ko nagsalita.
"Wag ka mag alala hindi ako masasaktan sa isasagot mo."
