اقتباس

6.8K 556 51
                                    

-"عاصي أنتَ بطلت تحبني ؟! "

قفل جفونه للحظة ليستوعب حجم الأمر محافظًا على هدوئه وهو يضم كفيهـا كالصدفة التي تحوي لؤلؤتها  :

-واضح أن أعصابك تعبانة شوية .

هبت بوجهه بحرقة إثر أيام الكتمان التي توقدت بنفسها :
-ماتقولش أعصابك تعبانة !! لأنك عارف انت غلطان ومش عاصي اللي عرفته وحبيته .. في حاجة غلط ؟!

-طيب ممكن بس تستحمليني اليومين دول وبس !! عارف إني قصرت معاكِ ، بس مش لدرجـة الجنان اللي في دماغك وبطلت تحبني وكلّ الأوهام دي!!

سالت دموعهـا بعجز :
-طيب في أيه ؟! أنتَ أول مرة الشغل ياخدك للدرجة دي ، وأنا من حقي أفهم ، عشان مش لاقية مبرر لكل ده ؟!

قبل كفّيها بحب وكأنه أراد طبع زهور الاعتذار عليهما :
-الفكرة كلها إني ببدأ من أول وجديد فـ الوقت اللي مفيش فيه مجال للخسارة ، فكل خطوة لازم تكون محسـوبة ..

ثم غير مجرى الحديث ممازحًا ليلطف الأجواء بينهم  :
-بس لو أعرف إن الشغل هيزعلك أوي كده ، في داهيـة الشغل اللي يشغلني عنك .. قوليلي أعمل أيـه عشان اصالحك  .

شرقت شمس ابتسامتها مع شمس مطلع النهار من بين ليل كاحل وقالت :
-شوف أنت بقا !!

دنى منهـا خطوة :
-طيب غششيني ؟!!!

-كمان أغششك !!

ثم تركت يده وقالت بصوت خافت وهي تمسك بفنجان القهـوة وتمدها إليه :
-قهوتك .. حلوة ولا أعمل غيرها ؟!

ارتشف رشفة خفيفة من فنجانه وقال بتفكيـر :
-هي بردت ، بس هتعاقب واشربهـا .

ردت على الفـور :
-ليـه ، هعملك غيرها ..

نظر في ساعة يده :
-السـاعة جات 6 .. يادوب ألحق انزل عشان استلم الشحنة الجديدة بنفسي .

انكمشت ملامحها مرة آخرى  :
-بردو يا عاصي !! 

ثم شدت فنجان القهوة من يده :
-طيب هات دي ، مفيش قهوة أصلًا ، روح يلا شوف شغلك .

ضحكت بصوت منخفض ثم مال على أذنها قائلًا :
-هعوضك عن كل اللي فات ، بس اخلص من تجهيزات المصنع .

ختم جملته وهي يضم بين شفتيه شفتها السفليـة بحنـو طابعًا بصمة اعتذار جديدة وقال بتوسـل :
-يومين بس ...

ثم تركها وغادر المكتب سريعًا بعد ما تناول سترته السوداء ومسكها وراء ظهره .. في تلك الاثناء التي خرج فيها عاصي من غُرفتـه ، اندست خلف الحائط و توارت أذان " فريال" المتجسسة على حوارهم بنظرات يملأها الشـر ودخان الانتقام لأخيها " فريد " وهي تتوعد قائلة :

-ولسـه يا رسيل .. مبقاش اسمي فريال لو ما خليت حياتك كُلها جحيـم .

*****

اقتباس خفيف لطيف مفيهوش قلق 😂 إلى أن انزلكم بالاعلان اللي بجد بقا

١مايو٢٠٢٤
كونوا على موعد🥰🥰🥰🥰😘😘😘

غوى بـ عصيانه قلبي ❤️‍🔥حيث تعيش القصص. اكتشف الآن