ثم توقفت خطواتها عن الدوران و أكملت :
-واحدة ضامنينها ، وضامنين شغلها لازم نكسبها ! ثانيًا عمامك رصاصهم طايش ، ومش أنا اللي هقولك هما مستنين موتك أزاي عشان يورثوا الإمبراطورية دي كلها ، لازم تفكر في وريث شرعي للعيلة .. مش ابن زنا زي تميم أخوك !
واصلت ألتفافها حوله حتى وقفت أمامه وقالت بترنح :
-بناتك محتاجين اللي ياخد باله منهم ، وهنلاقي فين أكتر من هدير عشان نستأمنها عليهم ..
ثم رفعت نبرة صوتها فجاة كالرعد وأشارت نحو الباب :
-مش جايب لي واحدة من الشارع ،نذوة و غلطة ليلة وعايز تنسب لابنها اسم زي اسم دويدار ! انسى يا عاصي ! حفيدي مش هيبقي ابن حرام ! خططتك متدخلش دماغ طفل صغير ، مش علي عبلة المحلاوي ؟! دانا جيباها من تحت أوي يا ابن شهاب !
توارت يديه خلف ظهره بعد ما سردت كلماتها على اذانه وبنبرة أشبه بالسخرية مغلفة بالعناد :
-وأن قلت لا ؟!
-يبقي تنسى اني اتنازل عن نصيبي ! إن شاء الله تتهد على الكل .
كانت نبرتها قوية كـ الزئير ثم تحولت لفحيحٍ وأتبعت بتخابث وهي تراقص اصبعها بوجهه :
-مش قدامك غير خمس أيام ! ومجلس الإدارة الأجنبي هيشرف ، ويبقى له الكلمة الأولى والأخيرة ، وسيادتك مجرد برواز !
ثم نصبت عودها متنهدة :
-فكر واحسبها صح ! أنت بزنس مان شاطر وهتمشي ورا المصلحة ..
كادت أن تخطو لتنصرف ولكنها توقفت كمن تذكر شيء :
-ااه قبل ما أنسى ، متشلش هم البتاعة اللي فوق ، هخلصك من حوار حملها وكأنها لم تكن .
•••••••••••
-الحمد لله درجة الحرارة انخفضت .
أردفت شمس جُملتها الأخيرة وهي تشد الغطاء فوق تلك الصغيرة النائمة بعد ما تناولت جرعة لا بأس بها من الإبر والأدوية الشراب ثم أكملت :
-هتابعها طول الليل ، ولو رجعت سخنت تاني يبقي لازم تروح المستشفى .
تنهدت عالية وحياة بارتياح وكل منها يربت على جسد تلك المسكينة بحنان وشفقة ، لاحظت " حياة " بتقوس توأمها بأحد أركان الغرفة فتسللتت نحوها وجلست أرضًا بجوارها وربتت على ظهرها :
-متقلقيش هي هتبقى كويسة !
جففت الصغيرة دموعها بكفوفها الناعمة وقالت شاهقة بحرقة :
-خايفة تسيبني وتمشي هي كمان ! أنا مش هعرف أعيش لوحدي ، كلهم سايبنا لوحدنا ، بس هي دايما معايا .. هي هتبقى كويسة مش كدا وهترجع تلعب معايا تاني ؟
تأزمت حالة قلبها من فرط ما روته تلك الصغيرة ، ضمتها إلى صدرها وقبلت رأسها وقائلة بحنان :
-متعيطيش ، هي هتبقى زي الفل ، وهتلعبوا سوا كمان ، خليكي قوية .
اقتربت منها عالية وهي تتفحص تلك الشخصية الجديدة التي انتسبت لأخيها وقالت بتردد :
-تقدري ترجعي أوضتك أنا هبات معاهم .
YOU ARE READING
غوى بـ عصيانه قلبي ❤️🔥
Mystery / Thrillerولأنني امرأة مسرفة في مشاعرها ، أحببتك بقلبي كاملاً دون أن أدّخر منه شيئًا لأيام الحنين والغياب والاحتياج ، بتُ ملازمًا لقلبي كـ نبضه ، أحببتك في زمنٍ كذّبوا الحُب فيه، في وطنٍ يُعارض كُل شُعور، بين أُناسٍ يجهلون العاطفة، أَحببتك على أرضٍ جافّة، تحت...
الفصل التاسع
Start from the beginning
