حبيبة بغضب :حرام عليكو بقى والله حرام عليكم
انتو بتتخانقو علي انى ادخل خاص ولا تسفرونى اكمل تعليم بره عشان مجموعى الزبالة اللي طبعا ميناسبش مكانتكم العظيمة وسط الناس ده اللي فارق معاكم ده اللي يهمكم مش مهم انا حسا بايه دلوقتى مش مهم انا اصلا جبت المجموع الزبالة ده ليه
اكرم :انتى ازاى تعلي صوتك علينا
غادة :انتى جبتى المجموع ده بسبب اهمالك مش محتاجين نسال ولا نفكر
حبيبة وهى بتضحك :بجد والله بسبب اهمالي مش بسبب انى عايشة يتيمة وانا وسط ابويا وامى مش بسبب ان كل واحد فيكم عايش حياته وناسينى
ازاى اعلي صوتى يا بابا بتعلم من حضرتك هو من امتى صوت حضرتك مكنش عالي من امتى انت وماما مكنتوش بتتخانقو اي حاجة بعملها هى بسببكم بسببكم انتم
اكرم :انتى هتعملينا شماعة تعلقى عليها فشلك
حبيبة بصوت عالي :انا مفشلتش انتو اللي فشلتو في انكم تكونو اب وام انتو اللي فشلتو انكم تبنو بيت زى بقية خلق الله انتو اللي فشلة مش انا سامعنى انتو اللي فشلة انت وهى فاشلين اكتر من بعض
اكرم وهو بيضربها بالقلم :اخرسي يا قليلة الادب
ادى اخرى تربيتك يا هانم سامعة بنتك المحترمة
حبيبة وهى حطا ايدها علي خدها :انت بتضربنى ليه بصفتك مين انت مش ابويا انا معنديش اب لا انا ولا بهاء اللي شرب سجاير وهو عنده تلتاشر سنة يا بابا اللي ادمن وهو عنده سبعتاشر سنة عارف ليه علشان انت مكنتش موجود علشان تمنعه علشان متعرفش هو مصاحب مين ولا بيعمل ايه علشان انت مكنتش فاضى تربينى ولا تربيه علشان انت مش اب
بتلومها علي تربيتها لمين هى زيها زيك كانت ربت مين هى بهاء اتجوز واحدة اكبر منه باتناشر سنة تفتكرى شاف فيها ايه يا ماما يخليه يعند ويتحداكم ويتجوزها
غادة :شاف فيها ايه اخوكى زيه زيك مترباش
حبيبة :صح احنا متربناش ما انتو مش فاضين علشان تربونا
بس اقولك انا شاف فيها ام يا ماما بهاء عاش طول عمره من غير ام وعلشان كده اتجوزها علشان تملا مكان انتى سيباه فاضى علشان محتاج يكونله ام علشان انتى عمرك مكنتي ولا هتكونى ام انا بكرهكم وبهاء بيكرهكم لانكم متتحبوش انتو تتكرهو بس فاهمين يعنى ايه تتكرهو بس
سيبتهم وجريت علي اوضتى اعيط فيها للمرة اللي معرفش عددها بطلت اعد من كترهم هو انا متحملاهم ليه مكملة حياتى معاهم ليه مكملة حياتى ليه اصلا انا هروح للي خلقنى هو هيكون احن عليا وارحم بيا منهم وهما مش هيفرق معاهم وجودى مش هيفرق مع اي حد وجودى من عدمه ما عدا هو الوحيد اللي هيزعل علشانى بس مسيره ينسانى حياته هتكمل من غيرى هو لسه المستقبل قدامه وحياته لسه بتبتدى انما انا حياتى خلصت خلاص خلصت من قبل متبدء بسببهم
بس لازم اسمع صوته لازم اقوله انه هيوحشنى لازم اتاسفله علي اللي هعمله ده بس والله انا مبقتش متحملة وهما مسابوليش اختيار تانى
مسكت موبايلي وكلمته ورد علي طول كالعادة
ناجى :حبيبة الحبيبة اخبارك ايه
حبيبة :
ناجى :ايه يا بت انتى رنيتى بالغلط ولا ايه حبيبببببة
حبيبة وهى بتعيط :هتوحشنى اوى يا ناجى هتوحشنى اوى لو فيه حد هيوحشنى فهو انت وبس انت ومفيش غيرك...انا اسفة علي اللي هعمله متزعلش منى ..بس والله معنديش حل تانى تعبت ومش قادرة اتحمل...افتكرنى بالخير ولو النسيان هيكون احسن بالنسبالك انسانى
ناجى :انا مش فاهم حاجة في ايه يا حبيبة
حبيبة وهى بتعيط اكتر :لا متنسنيش يا ناجى اوعى تنسانى كفاية هما هينسونى كفاية هما طول عمرهم نسينى افتكرنى يا ناجى افتكرنى دايما انا اسفة والله سامحنى هتوحشنى هتوحشنى اوى
ناجى :حبيبة انتى...
قفلت السكة مش هقدر اقوله حاجة تانية ولا هينفع اشرحله خلاص انا هرتاح انا قررت ارتاح مسكت القطر بتاعى وحطيته علي ايدى ونطقت الشهادة فكرت يا ترى ربنا هيسامحنى علي اللي بعمله ده وبعدين افتكرت ان محدش فيهم جه ورايا يطمن عليا بعد كل اللي قلتهولهم ده وانهم حتى ممكن ميعرفوش انى انتحرت غير بكرة او حتى بعده ربنا هيسامحنى هو عارف انا بتعذب ازاي في الجحيم اللي عايشة معاهم فيه ده
نطقت الشهادة تانى وقطعت شرايينى ايدى فضلت تنزف لحد ما بقيت مش حاسة بحاجة مش عارفة مت ولا بس اغمى عليا
فوقت لقتنى في المستشفى وامى بس اللي جنبي وناجى واقف في اخر الاوضة وبيبصلي بصته فيها مشاعر كتير مش عارفة احددها بالظبط بس اللي اعرفه انه مش هيعديلي اللي عملته بالساهل
غادة :حمدلله علي سلامتك اكرم مشي علشان شغله بس هيرجع تانى
حبيبة بسخرية :ولا ميرجعش مش فارقة
غادة :انا...هروح المحل ساعتين بس فيه ورق محتاج يتمضي همضيه واجى
حبيبة :اتفضلي يا ماما مفيش حاجة تستاهل تعطلى شغلك علشانها
غادة :مش هتأخر عليكى
حبيبة :
انا سكت وهى مشيت طبعا كالعادة شغلهم اهم منى
ناجى فضل واقف في اخر الاوضة خمس دقايق لا هو بيقرب ويتكلم ولا انا عارفة اتكلم اقول ايه وبعدين لقيته جه وقف قدامى
ناجى وهو بيضربها بالقلم : انتى انانية وضعيفة ومبيهمكيش غير نفسك بتنتحرى يا حبيبة عايزة تروحى لربنا وانتى عاملة معصية كبيرة زى دى مفكرتيش هتقوليله ايه
حبيبية وهى بتعيط :
هو عارف انا عملت كده ليه محدش يعرف اكتر منه انا ايه اللي وصلنى لكده
ناجى وهو بيحضنها :وانا مفكرتيش فيا هيبقي ايه احساسي لما اجلكم جرى بعد مكالمتك دى وادخل اوضتك الاقيكى واقعة علي الارض وسايحة في دمك مفكرتيش هعمل ايه من غيرك مفكرتيش في احساسي هيبقي ايه بعد ما اكتشف انك اتخليتى عنى وسبتينى بمزاجك
حبيبة وهى بتعيط اكتر :مش بمزاجى يا ناجى والله ما بمزاجى هما اللي مسابوليش اختيار تانى صعبو حياتى عليا اوى يا ناجى خلوها مستحيلة ولا تحتمل
ناجى :والحل انك تستسلمى وتنهى حياتك بنفسك علشان يبقي هما دمرو دنيتك وانتى بايدك خسرتى اخرتك
هما هيتحاسبو عنك يا حبيبة بس انتى كمان هتتحاسبي عن اللي كنتى عايزة تعمليه ده اشد الحساب لو كان لا قدر الله كمل وملحقنكيش لانك مسئولة عن حياتك وعن قرارتك مهما كان الوضع صعب صدقينى انتى دايما بيكون عندك الاختيار بين طريقين متستسهليش وتختارى الطريق القصير اللي مفيهوش تعب حاولي علشان نفسك علشان انتى تستاهلي حياة احلي حياة تكونى مرتاحة فيها ومبسوطة اكتر من كده
حبيبة :بيقتلو أملي في كل ده بيدمرو احلامى باهمالهم بيدمرونى بقسوة قلبهم يا ناجى انا مبقتش احس انى استاهل اي حاجة حلوة او ان في اي حاجة كويسة هتحصل
انا...انا جثة علي قيد الحياة انا بس كنت هصحح الوضع واطلع روحى للي خلقها بدل ما هى ميتة جوايا كده
ناجى :انتى عايشة يا حبيبة ومش علشانهم عيشي علشان نفسك قربي لربنا اكتر اعملي تلتمية الف حاجة لسه معملتيهمش في حياتك انتى لسه ياما هيحصلك وياما هتقابلي ناس عيشى علشانى عيشي علشان تحلمى من تانى وتحققى حلمك
حبيبة :هحاول ..بس..تفتكر هقدر
ناجى :اه هتقدرى حبيبة تقدر تعمل اي حاجة هى عايزاها لو حطيتها في دماغها وده اللى انا عايزه تحطى الموضوع في دماغك تتمسكى بالحياة وتدافعى عن حقك في انك تعيشيها
حبيبة :يا رب اقدر يا رب
