حكايات منار

حكاية " اللقا نصيب "

بعد اسبوعين
رنا :طارق موبايلى معاك صح هاته علشان...ايه ده فى ايه مالك يا طارق
طارق :حنين اتخطبت
رنا :ايه بالسرعة دى
طارق :واضح انها سابتنى علشانه انا طلعت المغفل اللى هيا بتضيع معاه وقت ومع اول فرصة مع عريس جاهز سابتنى لا سابتنى ايه قولى رمتنى رمية الكلاب علشانه
رنا :متقولش كده هى اللى متستاهلكش انت اللى كتير عليها يا حبيبى
طارق بوجع :انا مش فارق معاها اصلا يا رنا
رنا :علشان هى معندهاش قلب يحس
طارق وهو بيعيط :بس انا قلبى بيوجعنى اوى لا مش بيوحعنى قلبى بيتحرق يا رنا حاسس انى هموت من الوجع
رنا وهى بتحضنه :بعد الشر عليك هى متستاهلش عارف انت وجعك ده مش عليها ده عليك على الحب اللى حبتهولها وهى متستاهلوش بكرة تجيلك اللى تستاهل قلبك اللى زى الماس ده
طارق وهو بيعيط :حاسس انى مستاهلش اتحب
رنا :انت تستاهل كل الحب اللى فى الدنيا
مصطفى بصوت عالى :رناااااا
رنا :اخوك هيعمل عليا شوربة متنساش تاخد منه طبق
طارق وهو بيضحك وبيمسح دموعه ومدى مصطفى ضهره :اشمعنى
رنا :اصلى كنت جاية اخد منك موبايلى وانزل لانى هروح معاه ننقى اوضة النوم
مصطفى وهو بيمسك ايديها :مش يلا ولا ايه
رنا :اه يلا
مصطفى :انتى فى اوضة طارق ليه اصلا ده وقت تدردشو فيه وانا ملطوع مستنيكى تحت
طارق :لا هى بس كانت جاية تسألنى على موبايلها
مصطفى :وهى موبايلها معاك ليه
رنا :كان بيصلحلى فيه حاجة اصله مهنج
مصطفى :يبقى تقوليلى واجبلك واحد غيره وخلاص
رنا :مش مستاهلة طارق عرف يصلحه يلا علشان منتأخرش اكتر من كده
مصطفى :يلا

فى عربية مصطفى
مصطفى :اقدر افهم ايه اللى حصل ده
رنا :اسفة انى اتأخرت عليك مكنش قصدى انا كنت رايحة اخد من طارق موبايلى و...
مصطفى :مبتكلمش عن التأخير انتى ازاى تحضنى طارق
رنا :وايه المشكلة ده اخويا انت ناسى ان ماما رضعته
مصطفى :وده يخليكى تحضنيه
رنا :اه ده مش حرام
مصطفى :ايوه بس
رنا :بس ايه ده اخويا واصغر منى بسنة واخوك وعايشة انا وهو فى بيت واحد بقالنا سنتين وانا فعلا بحس ان طارق اخويا اللى ابويا وامى مجابوهوش
مصطفى :وده مبرر انك تحضنيه
رنا :مش فاهمة ايه مشكلتك بصراحة
مصطفى :اااا..هو ..مكنتش اعرف ان انتى وطارق قريبين من بعض اوى كده
رنا بابتسامة :طارق ده اعز اصحابى واخويا هو وسارة صاحبتى اقرب اتنين ليا فى الدنيا
مصطفى :وانتى على كده بتحضنيه قبل ما تنزلى دايما
رنا :لا مش للدرجة دى هو مش ابويا يعنى بس هو كان محتاج اعمل كده
مصطفى :ومحتاجك تعملى كده ليه ان شاء الله
رنا :اااا..عادى كمان انا مش فاهمة احنا بنتناقش النقاش ده ليه اصلا
مصطفى :مستغرب انتى لما حطيت ايدى على كتفك بعد ما كتبنا الكتاب اتنفضتى واتخضيتى ولما بمسك ايدك بلاقيها بترجف فى ايدى فمستغرب انك كده معايا فى حين انك بتحضنى طارق عادى
رنا :هو اصلى بس..بتكسف منك..قصدى بتحرج يعنى ولسه مش متعودة على فكرة اننا كتبنا الكتاب دى فمكسوفة بس ولسه مخدتش عليك
مصطفى :ومبتتكسفيش من طارق وواخدة على طارق
رنا :الموضوع بقى ابسط لما عشت معاه فى نفس البيت كمان انا مش بحضنه عمال على بطال يعنى
مصطفى :يعنى دى مش اول مرة
رنا :لا
مصطفى :اومال دى المرة الكام قولى قولى وفرحى قلبى
رنا :ايه يا مصطفى انت مكبر الموضوع ليه طارق اخوك الصغير ومتربى معايا وراضع عليا وعايشين فى بيت واحد بقالنا سنتين انت شاكك فيا ولا فيه مش فاهمة
مصطفى :ايه الهبل اللى بتقوليه ده اكيد مش شاكك فى حد فيكم
رنا :وعموما هجاوب سؤالك دى تالت مرة يا مصطفى اول مرة كانت من سنة لما عدى سنة على موت بابا وتانى مرة كانت من سبع شهور يوم حفل التخرج بتاعى لانى فى اليومين كنت منهارة لانى كنت محتاجة بابا وماما جمبى
مصطفى :انا كلمتك فى اليومين دول وانتى قولتيلى انك كويسة
رنا :وانت صدقت انى كويسة وعموما مش لوحدك اللى صدقت سارة صدقت وعمى وخالتى صدقو الوحيد اللى مصدقش كان طارق وفضل ورايا لحد ما عيطت وطلعت اللى فى قلبى وحسسنى انى مش لوحدى
مصطفى :انتى مش لوحدك انا معاكى ولو فى اليومين دول مكنش جمبك غير طارق فده لانى كنت مسافر بس خلاص انا مش هسافر تانى وهنفضل سوا دايما
رنا بابتسامة :ان شاء الله مع بعض دنيا وجنة
مصطفى بابتسامة :حلوة اوى الدعوة دى ادعى بيها دايما
رنا :اتعلمتها من سارة
مصطفى :واضح انك بتحبى سارة دى اوى
رنا بابتسامة :اه جدا هى صاحبتى الوحيدة من بعد ما جيت اعيش هنا ونقلت من كليتى وانا واصحابى اللى كانو معايا فى كليتى القديمة بعدنا عن بعض البعيد عن العين بعيد عن القلب زى ما بيقولو بس سارة من ساعة ما اتعرفت عليها وهى معوضانى عنهم دى زى اختى واكتر انا بعشقها مش بس بحبها
مصطفى :يا بختها
رنا :ها
مصطفى :وصلنا يلا علشان ننزل
رنا وهى بتفتح باب العربية :حاضر