ថេហ្យុង នៅអង្គុយលេងក្នុងបន្ទប់ធ្វើការរបស់ ជុងហ្គុក រហូតដល់ធុញទ្រាន់ គេក៏សុំចេញមកស្រូបខ្យល់អាកាសនៅខាងក្រៅអោយបានបន្តិច ។ ដំបូង ជុងហ្គុក ក៏បដិសេធតែដោយសារក្មេងរំអុកខ្លាំងពេក ក៏ដាច់ចិត្តអោយទៅទាំងមិនចង់ ។
"ទីនេះធំដល់ហើយ" នាយតូចកំពុងតែដើរមើលបរិវេណទីស្នាក់ការបណ្តើរនិយាយតែម្នាក់ឯងបណ្តើរ រហូតដល់ហត់ទើបទៅអង្គុយនៅបង់ដែលដាក់ចោលក្រោមម្លប់ឈើ ។ អង្គុយលេងសុខៗក៏ស្រាប់តែមាននរណាមិនដឹង ដើរមករកគេនិយាយរាក់ទាក់របៀបញ៉ែញ៉មយ៉ាងចម្លែក ។ នេះបើ ជុងហ្គុក ឃើញនឹងបានឮប្រហែលបុរសម្នាក់នោះត្រូវរត់គេចគ្រាប់កាំភ្លើងស្លាប់ហើយមើលទៅ?!
"ឯងស្អាតដល់ហើយ ខ្ញុំនិយាយមែនណា!!" ពលទាហានមហាច្រឡើមបន្លឺឡើងសរសើរ ថេហ្យុង មិនដាច់ពីមាត់ ឯខ្លួនក៏ចេះតែរំកិលចូលមកក្បែរ រាងតូចជារឿយៗ គេនេះព្រហើនពេកហើយ!!
"ខិតបន្តិចបានទេ?" ថេហ្យុង ធ្វើមុខកាចៗដាក់នាយកំលោះនឹងអោយគេខិតចេញពីខ្លួនបន្តិច ព្រោះពេលនេះពួកគេទាំងពីរនាក់គឺអង្គុយកៀកគ្នាខ្លាំងណាស់ ។ គេខំខិតចេញ នាយម្នាក់នោះកាន់តែខិតចូល ចំជាគួរអោយស្អប់មែន!!
"ខិតទៅណា? ខិតទៅជិតឯងឬ?!"
"ខិតទៅអោយឆ្ងាយពីខ្ញុំ!!"
"អរ... ខិតហើយៗ"
"យើងឈ្មោះជីមីន ផាក ចុះឯងឈ្មោះអីដែរ? ម៉េចបានជាស្រស់ស្អាតខ្លាំងយ៉ាងនេះ??" ព្រះអើយ!! អង្គុយញ៉ែញ៉ង់ប្រពន្ធគេមួយថ្ងៃហើយចេះភ្លេចណែនាំឈ្មោះទៅកើត!! ជីមីន ណែនាំខ្លួនឯងញញឹមពព្រាយ គ្រប់ម៉ាត់ដែលគេនិយាយចេញមកសុទ្ធតែថា ថេហ្យុង ស្រស់ស្អាត គួរអោយស្រឡាញ់ ស្តាប់ហើយស្រគាលត្រចៀកណាស់ ។
"ខ្ញុំឈ្មោះផាក.. គឺផាក យ៉ុងជីន ហៅ ថេហ្យុង ក៏បាន"
"ហីយ៉ា!! ឈ្មោះពីរោះដល់ហើយថែមទាំងត្រកូលដូចគ្នាទៀត និស្ស័យច្បាស់ណាស់ ហឹសហឹសៗ"
"ខ្ញុំទៅវិញហើយ"
"ឯងទៅណា? ចាំយើងជូនទៅអូឃេឬអត់? យើងខ្លាចឯងវង្វេងណា"
YOU ARE READING
គ្រងស្នេហ៍ ឧត្តមសេនីយ៍ចន (Completed)
Actionគ្រាន់តែបើកភ្នែកឡើង គេក៏បានក្លាយទៅជាភរិយារបស់ឧត្តមសេនីយ៍ឯកចនបាត់ទៅហើយ! JEON JUNGKOOK/KIM TAEHYUNG
