ប៉ុន្មានថ្ងៃក្រោយមក ថេហ្យុង នៅតែបន្តរស់នៅក្នុងរាងកាយរបស់ យ៉ុងជីន ដដែល ។ គេទទួលបានការមើលថែយ៉ាងល្អពីសំណាក់មនុស្សមួយចំនួននៅក្បែរខ្លួន ជាពិសេសគឺ ជុងហ្គុក ផ្ទាល់ ។
"នឹកលោកពូដល់ហើយ..." សម្លេងតូចឆ្មាៗបន្លឺឡើងរងាំរង៉ូវព្រោះតែនឹករលឹកដោយលោកឧត្តមសេនីយ៍ឯកចន ជុងហ្គុក ដែលបានទៅបំពេញភារកិច្ចការងារនៅក្រៅប្រទេសមួយរយៈ ។ បើគិតទៅវាអស់ពេល៣ថ្ងៃហើយដែល ជុងហ្គុក ទៅប្រទេសជប៉ុននោះ ។
"ពេលណាទើបពូមកវិញទៅ? ហ្ហឹមម..." ថេហ្យុង ពេបមាត់តិចៗនឹងដកដង្ហើមធំៗសួរសំណួរដដែលៗបែបនេះមកកាន់ខ្លួនឯងស្ទើរតែរាល់ថ្ងៃ ។
"នឹកយើងខ្លាំងណាស់ឬ??" ភ្លាមនោះសម្លេងរឹងកំព្រឹសបន្លឺឡើងពីខាងក្រោយខ្នង ថេហ្យុង ប្រញាប់ងាកមើលក៏ឃើញលោកពូដែលគេនឹកនៅឈរចំពោះមុខ តើគេមិនបានយល់សុបិនទេឬ?
"លោកពូ... ជាពូពិតមែន ហ្ហឹកៗ នឹកខ្លាំងណាស់" ដោយប្រាកដថាជាមនុស្សដែលខ្លួនកំពុងនឹកពិតមែន ថេហ្យុង ស្ទុះអោបរាងកាយសង្ហាដែលគ្រងឈុតធ្វើការងារជាឧត្តមសេនីយ៍ឯកនោះជាប់ ។ ជើងស្រលូនតូចៗហក់គៀវចង្កេះបាវខ្សាច់ជាប់ដូចជាខ្លាចនាយទៅណាចោលគេទៀតយ៉ាងអ៊ីចឹង ។
"លែងសិនទៅមើល អោបនោះអោប!!" ជុងហ្គុក ធ្វើជាមិនរំភើបនៅស្តីអោយមាឌតូចច្រឡឹងព្រលែងនាយអោយមានសេរីភាព តែគេបែរជាញញឹមញញែមស្ទើរតែបិទមាត់មិនជិតទៅវិញ ថែមទាំងយកដៃទប់ចង្កេះ ថេហ្យុង ជាប់ខ្លាចក្រែងរាងតូចរបូតដៃធ្លាក់អុកគូទទៅលើរានហាលនៃបន្ទប់ ។
"មិន!!" ថេហ្យុង ប្រកែកគេផ្គើនអោបនាយកាន់តែខ្លាំងនឹងដាក់ចង្កាលើស្មាមាំទូលាយ បិទភ្នែកសង្ងំស្រង់ក្លិនក្រអូបប្រហើររបស់មនុស្សប្រុសចេញពីរាងកាយរបស់ ជុងហ្គុក រហូតដល់គេងលក់ ។ គិតទៅគេពិតជាល្មោភគេងខ្លាំងណាស់លោកអើយ!!
"ផាច់* ចំមែនចេះមកគេងបែបនេះទៅកើត" ឧត្តមសេនីយ៍ឯករូបសង្ហា គ្រវីក្បាលហួសចិត្តមិនស្ទើរនោះឡើយទើបនាយយារដៃប្រថាប់ត្រាលើសាច់គូទទន់ៗរបស់ ថេហ៍ តិចៗព្រមទាំងនាំនាយតូចយកទៅដាក់អោយគេងលើពូក ។
YOU ARE READING
គ្រងស្នេហ៍ ឧត្តមសេនីយ៍ចន (Completed)
Actionគ្រាន់តែបើកភ្នែកឡើង គេក៏បានក្លាយទៅជាភរិយារបស់ឧត្តមសេនីយ៍ឯកចនបាត់ទៅហើយ! JEON JUNGKOOK/KIM TAEHYUNG
