"យេជូ!!" សម្លេងបន្លឺឡើងដង្ហើមស្រីបម្រើអោយមកក្បែរ ខណៈសាមីខ្លួនកំពុងតែអង្គុយផឹកកាហ្វេមើលឯកសារការងារនៅក្នុងបន្ទប់ទទួលភ្ញៀវ ជាការផ្លាស់ប្តូរបរិយាកាសម្តង ។
"ចាសលោកប្រុស?!"
"មានរឿងអ្វីកើតឡើងទៅលើ យ៉ុងជីន មែនទេ?" មិនសូញសាញច្រើន ជុងហ្គុក ក៏ចាប់ផ្តើមសួរយក កែវភ្នែកមុតស្រួចរបស់គេសម្លឹងមើលនាងមិនដាក់ចុះ វាមិនអាចធ្វើអោយ យេជូ មិននិយាយការពិតចេញមកមិនបាននោះឡើយ ។
"ហេតុអីមិនប្រាប់យើងតាំងពីព្រឹកមិញ!!" ក្រោយដឹងរឿងហេតុកើតឡើងទៅលើអាល្អិតសំណព្វចិត្ត ជុងហ្គុក ខឹងច្រឡោតយកតែមែនទែនព្រោះតែគ្មាននរណាប្រាប់នាយទាល់តែសោះ ។ យេជូ គ្រាន់តែត្រូវនាយសម្លុតបែបនេះក៏ប្រញាប់លត់ជង្គង់សូមទោស ទាំងដែលវាមិនមែនជាកំហុសរបស់នាង នាងគ្រាន់តែធ្វើតាមអ្វីដែល ថេហ្យុង ស្នើរសុំប៉ុណ្ណោះ ។
"ចង្រៃយ៍..!!!"
"ថេហ្យុង ហ៎ា...." ជុងហ្គុក ឡើងមកបន្ទប់គេបើកទ្វារថ្នមៗដើរទៅអង្គុយជាយគ្រែលើកដៃដាស់អាល្អិតបំណងអោយភ្ញាក់ ។ នេះមិនដឹងថាជាភ័យយ៉ាងណានោះទេ?
"ក្រោកមកទៅញាំបាយ"
"ថេហ៍ មិនឃ្លានទេ"
"នៅអន់ចិត្តជាមួយយើងតើមែនទេ?? បានៗស្អែកយើងនឹងនាំឯងទៅជាមួយល្អទេ?"
"ពិតទេ? ពូមិនកុហកទេហ្ហេស?" ក្មេងតូចកាលបើបានឮដូច្នេះគេសប្បាយចិត្តមកវិញមិនស្ទើរទេ ទើបខំស្ទុះក្រោកអង្គុយទាំងគ្មានកម្លាំងមកចាប់ដៃគេអង្រួនសួរបញ្ជាក់ម្តងហើយម្តងទៀត ដើម្បីអោយប្រាកដចិត្តថាគេមិនបានកុហកខ្លួន ។
"ហិហិ..ស្រឡាញ់ពូបំផុត" សញ្ជាតិញាណជាក្មេងគឺនៅតែជាក្មេងមិនផ្លាស់ប្តូរដដែល ។ពេលខឹងក៏ឆាប់បាត់ អន់ចិត្តក៏ឆាប់បាត់មិនដូចជាមនុស្សធំនោះទេពេលខ្លះខឹងក៏គុំទុកក្នុងចិត្ត ពេលខ្លះទៀតអន់ចិត្តក៏ស្ងាត់លួងក៏មិនងាយបានដូចគ្នា ។
"ទៅញាំបាយបានឬនៅ??"
"បានហើយបាទ" ថេហ្យុង សើចស្ញេញបម្រុងនឹងចុះដើរដោយខ្លួនឯងទៅហើយ ប៉ុន្តែ ជុងហ្គុក ក៏ស្រាប់តែបីគេបានមិនយ៉ាងរហ័សបើទោះជាខំប្រឹងរើ នឹងប្រាប់អោយនាយទម្លាក់ខ្លួនចុះយ៉ាងណាក៏គេមិនស្តាប់នោះដែរ ។
YOU ARE READING
គ្រងស្នេហ៍ ឧត្តមសេនីយ៍ចន (Completed)
Actionគ្រាន់តែបើកភ្នែកឡើង គេក៏បានក្លាយទៅជាភរិយារបស់ឧត្តមសេនីយ៍ឯកចនបាត់ទៅហើយ! JEON JUNGKOOK/KIM TAEHYUNG
