(Unicode)
နောက်တစ်နေ့မနက်ရောက်တော့ ဒေါ်မေခသည် စက္ကကို ထပ်တွေ့ရန် ဦးမင်းမြတ်တို့အိမ်သို့ သွားလိုက်သည်။ ဦးမင်းမြတ်က သူ့ကိုတွေ့တော့ ပြုံးပြပြီး စက္ကကို လှမ်းခေါ်ပေးလေသည်။
" မေ သားနဲ့ စကားပြောပြီးပြီလား"
" အင်း"
" အဆင်ပြေမှာပါ၊ သားက မေ့ကို မမုန်းပါဘူး"
ဦးမင်းမြတ်က ထိုသို့ ပြောပေမဲ့ စက္ကက သူ့ကိုလည်း တွေ့ရော ရှောင်ထွက်သွားဖို့ ကြိုးစားလေသည်။
" သား"
" အမေ သည်ကို ဘာလာလုပ်တာလဲ၊ သည်အိမ်က အမေလာသင့်တဲ့နေရာမဟုတ်ဘူး၊ အမေ့ဂုဏ်၊ အမေ့အဆင့်အတန်းနဲ့ဆိုရင် ကျွန်တော်တို့နေရာက နိမ့်ကျလွန်းတယ်"
" သား အမေ့ကို အမေတစ်ယောက်လို လက်မခံနိုင်ဘူးဆိုတာ အမေ သိပါတယ်၊ အမေလုပ်ခဲ့သမျှတွေကို သား အမေ့ကို ကြိုက်သလောက် အပြစ်ပေးနိုင်တယ်၊ ဒါပေမဲ့ အမေ့ကိုတော့ ဥပေက္ခာမပြုလိုက်ပါနဲ့"
" မဟုတ်ဘူး၊ အမေ မှားနေပြီ။ အခုကကျွန်တော် အမေ့ဂုဏ်သိက္ခာအတွက် ပြောနေတာ၊ အမေ့ကို မုန်းလို့လည်းမဟုတ်သလို စိတ်နာလို့လည်းမဟုတ်ဘူး"
သူတို့ သားအမိနှစ်ယောက်၏စကားဝိုင်းကို ဦးမင်းမြတ်ကတော့ ပြုံးလျက်သာ နားထောင်နေပြီး ဘာစကားတစ်ခွန်းမှ ဝင်မပြောပေ။ သည်လို အခြေအနေကို တစ်ချိန်ကြုံတွေ့လာမှာပဲဆိုတာ ဦးမင်းမြတ် သိသည်။ စက္ကနှင့်အတူ နေလာတာမဟုတ်သည့်မေကတော့ စက္က၏စိတ်ရင်းကို နားလည်မည်မဟုတ်ချေ။ အမြဲတမ်း သူထင်ရာတွေးပြီး သူ လုပ်တာမှန်တယ်ဆိုသည့်မေက ယခုတော့ သားနှင့်မှ အခက်ကြုံလေပြီ။
" အမေတောင်းပန်ရမှာ ကျွန်တော့်ကို မဟုတ်ဘူး၊ အဖေ့ကိုပါ၊ အဖေ့ကို အများကြီးအားနာသင့်တယ်၊ ကျွန်တော် အလုပ်သွားတော့မယ်"
" ဘာအလုပ်လဲ၊ သား အဲ့အလုပ်တွေ ဆက်လုပ်မနေနဲ့တော့၊ အမေ မကြိုက်ဘူး၊ သည်အလုပ်တွေက ဘယ်လောက်တောင်..."
" အမေပြောတဲ့ အဲ့သည့်အောက်တန်းကျတဲ့အလုပ်ကပဲ ကျွန်တော့်ကို ထမင်းကျွေးခဲ့တာပါ၊ တကယ်တော့ အမေကျွန်တော့်ကိုရော၊ ကျွန်တော့်ရှင်သန်ရပ်တည်မှုကိုရော လက်မခံနိုင်သေးပါဘူး၊ ကျွန်တော် သွားတော့မယ်"
ESTÀS LLEGINT
မောင့်ခြေဖျားကအထက်တန်းစားဝိုင် (Completed)
Literatura romànticaGong - ထက်ဦးခန့် ,စက္ကမင်းမြတ် Shou - နေခမင်းမြတ်, ဟန်လင်းညို Gong - ထက္ဦးခန္႔ ,စကၠမင္းျမတ္ Shou - ေနခမင္းျမတ္, ဟန္လင္းညိဳ
