(Unicode)
နေခမင်းမြတ်သည် အိမ်ထဲ၌ ပိတ်ခံထားရသဖြင့် သောင်းကျန်းနေလေသည်။ ခက်ဇော်လည်း တားလို့မရ။ ပန်းအိုးတွေရော၊ ဖန်ခွက်တွေပါ ရိုက်ခွဲနေတော့သည်။ နေ့စဥ်ကျွေးသမျှ အစားအသောက်ကို အချိန်မှန်မှန်စားပြီးလျှင် ဖျက်ဆီးရေးအလုပ်ကို စတင်သည်။ သူ့အိပ်ခန်းတစ်ခန်းလုံးလည်း ရစရာကို မရှိ။ မီးဖိုချောင်ထဲက ပန်းကန်တွေလည်း အထပ်လိုက်ကို အားရပါးရခွဲ၏။ အဲ့တာပြီးလျှင် ခြံထဲရှိ ပန်းအိုးတွေရော ကြာလျှင် သူ့အမေ၏မွဲကိန်းကို ခက်ဇော် ကြိုမြင်မိသည်။
" ခက်ဇော် ငါ့ကို အခုမောင့်ဆီ ပို့ပေးပါ"
" နေခ ငါ မင်းကို ကူညီပေးချင်ပေမဲ့ ငါ မင်းအမေကို ငါ့အမေထက် ပိုကြောက်ရတယ်ဟ"
" မရဘူးကွာ၊ ငါ့ကို မောင့်ဆီ ပို့ပေး၊ မပို့ပေးရင် မင်း ငါနဲ့ မပေါင်းနဲ့တော့"
" ပြောရမခက်နဲ့ နေခ၊ လိုက်မပို့ပေးနိုင်ဘူး"
ကိုယ့်သူငယ်ချင်း၏လင်ဒါရူးလယ်ဗယ်က အရမ်းမြင့်နေတာ သိပေမဲ့လည်း လိုက်ပို့လိုက်၍မရ။ ဒေါ်မေခကို သူ အလွန်ကြောက်ရသည်။ ဟိုကောင်နှင့်မှ သွားကြိုက်ရသလားဟု သူ အံ့သြမိသည်။ ဘယ်လိုကောင်စားမျိုးလဲ ဆိုတာလည်း သူ သေချာပြောပြထားပြီးသား။ သည်ကောင်ကိုက သွားပတ်သက်တာ။
( ဗုန်း! ခွမ်း!)
" ဟမ်..."
နေခအနားက ပျောက်သွား၍ လက်လျော့လိုက်ပြီ ထင်နေတာ။ သူက နောက်တစ်ခု ထပ်သွားဖျက်ဆီးပစ်နေပြန်သည်။ သူ သွားကြည့်လိုက်တော့ သူ့အမေကိုယ်တိုင်မြတ်နိုးလွန်း၍ ဝယ်စုထားသည့် ပန်းချိီကားနှစ်ချပ်မှာ ကြမ်းပြင်ပေါ်၌ အစိတ်စိတ်အမွှာမွှာ ဖြစ်နေရှာသည်။
" နေခ မင်း ဘာလုပ်လိုက်တာလဲ၊ မင့်အမေပြန်လာရင်တော့ ငါ့သတ်တော့မှာပဲ"
" ငါ့ကို လိုက်ပို့ပေးမှာလား၊ မပေးဘူးလား၊ လိုက်မပို့ပေးရင် သည်ဟာတွေ မင်း ခွဲတာလို့ မားကို တိုင်လိုက်မယ်"
" ဟင် နေခမင်းမြတ် မင်း! မင်း ရူးသွားပြီလား ဟာ..."
" ဘယ်လိုသဘောရလဲ"
YOU ARE READING
မောင့်ခြေဖျားကအထက်တန်းစားဝိုင် (Completed)
RomanceGong - ထက်ဦးခန့် ,စက္ကမင်းမြတ် Shou - နေခမင်းမြတ်, ဟန်လင်းညို Gong - ထက္ဦးခန္႔ ,စကၠမင္းျမတ္ Shou - ေနခမင္းျမတ္, ဟန္လင္းညိဳ
