'ဟိုနေ့ကပြောခဲ့တာအတွက် ငါတောင်းပန်တယ်မာယာ...'
ဘယ်သောအခါမှတောင်းပန်စကားကို လွယ်လွယ်မဆိုတတ်သူထံမှ အခုတလောဆက်တိုက်ဆိုသလို တောင်းပန်စကားတို့ ထွက်ကျလာတတ်သည်။
တကယ်ကတောင်းပန်စရာမလိုဘူးလှိုင်း။
ငါကိုကနင့်ကိုဆိုရင် ဘာလုပ်လုပ် စိတ်မဆိုးနိုင်လောက်အောင် ခွင့်လွတ်ထားပြီးသားဖြစ်နေတာ။သို့သော်လှိုင်းဘွဲ့ပုံစံက ထိုအမှားတစ်ခုထဲအတွက်တောင်းပန်နေခြင်းနှင့်မတူ။ တခြားအမှားပေါင်းများစွာကို မာယာမသိအောင်လုပ်ထားသေးလို့ တောင်းပန်နေပုံနှင့်တူသည်။ ထိုအခါ ခွင့်လွတ်တယ်ဆိုသောစကားကို မာယာလွယ်လွယ်ပြန်မပြောရဲသေး။
ဒီရက်ပိုင်းတွေအတွင်း လှိုင်းပြောထားသည့်အတိုင်း အကိုလေးတွေနှင့်ထိပ်တိုက်ရင်မဆိုင်မိအောင်
မာယာအတတ်နိုင်ဆုံးရှောင်သည်။ နောက်လှည့်မရသည့်အခြေအနေမျိုးတွင် စကားစကိုအမြန်ဖြတ်ကာ မအားကြောင်းအကြောင်းပြသည်။ ကိုယ့်အပေါ်လွမ်းမိုးတာမျိုးမကြိုက်သည့်တိုင် လှိုင်းဘွဲ့စကားကိုဆို မာယာအလိုလိုနာခံချင်နေမိတာ။အခုတလောဘွားဘွားကြီးနှင့်လည်း သွားမတွေ့ဖြစ်။ ယခင်ကဆို မာယာလိုချင်တာတစ်ခုရှိတိုင်း ဘယ်သူမှမသိအောင် ဘွားနှင့် ကစားပွဲတွေကစားလေ့ရှိသည်။ အရင်ပွဲမှာ အစပိုင်းအထိဘွားနိုင်နေခဲ့ပေမယ့် ကိုကြီးမာန်ထက်ကြောင့် ကစားပွဲရလာဒ်ပြောင်းသွားခြင်း။
ဘွားကလည်း သူ့ကိုခေါ်တွေ့တာမျိုးမရှိသေး။
ဘာတွေစီစဉ်နေသည်တော့ မာယာခန့်မှန်းမရ။'မနက်ဖြန် ငါနဲ့အပြင်သွားရအောင် နင့်ကိုအဝတ်အစားအသုံးအဆောင်တချို့လဲ ဝယ်ပေးချင်လို့မာယာ... ပြီးတော့နင်သွားချင်တဲ့နေရာရှိရင်လဲ လိုက်ပို့မယ်'
အပြင်ထွက်ရတာမကြိုက်တဲ့သူက ဒီစကားတွေဘာလို့ပြောနေရတာလဲ။
'မလိုဘူးလှိုင်းဘွဲ့...ငါမှာဝတ်စရာတွေရှိတယ်'
'ငါသိတယ် နင်အပြင်မထွက်ရတာကြာပြီလေ ငါလိုက်ပို့ချင်လို့ပါ...'
![](https://img.wattpad.com/cover/289568878-288-k236742.jpg)
KAMU SEDANG MEMBACA
MAYA (မာယာ)
Romansaဒီအိမ်တော်မှာနေရင် ဘယ်သူမှအချင်းချင်းချစ်ခွင့်မရှိဘူး ဒါဟာဒီဘွဲ့အိမ်တော်ရဲ့စည်းကမ်းပဲ!! ဒီအိမ်တော်ရဲ့စည်းကမ်းတွေကို လိုက်နာလက်ခံနိုင်ရင်နေခွင့်ရှိမယ် မလိုက်နာနိုင်ရင် လုံးဝနေခွင့်မရှိဘူး ဒီအိမ္ေတာ္မွာေနရင္ ဘယ္သူမွအခ်င္းခ်င္းခ်စ္ခြင့္မရွိဘူး ဒါဟာဒီဘ...