FINAL EPISODE (Unicode)
ပထမနှစ်ဝက်ရဲ့ စာသင်ကာလတွေ ပြီးဆုံးသွားချိန်မှာတော့ ကျွန်တော်နဲ့ထယ်ထယ်တို့အတွက် နှစ်ယောက်အတူရှိဖို့ အချိန်လေးတွေ ပိုရလာခဲ့ပါပြီ။ နွေရာသီလည်း ရောက်လာခဲ့ပြီမို့ ပူနွေးနွေးပတ်ဝန်းကျင်က ကျွန်တော်တို့နှလုံးသားတွေကိုလည်း ထပ်တူနွေးထွေးနေစေပါတယ်။
လေတဖြူးဖြူးတိုက်ခတ်နေတဲ့ နွေရာသီရဲ့ သာသာယာယာ ညနေခင်းလေးတစ်ခုမှာ ကျွန်တော်နဲ့ထယ်ထယ်တို့ နမ်ဆန်းတောင်ဘက် အလည်အပတ်ထွက်ခဲ့ကြတယ်။ မှတ်မိကြဦးမလား မသိပေမယ့် ထယ်ယောင်းနဲ့ Yerinတို့ ရည်းစားအတု စဖြစ်တဲ့နေ့က ကျွန်တော်နဲ့ထယ်ထယ် ဒီကို လာခဲ့ပါသေးတယ်။
ဒီတစ်ကြိမ်ကတော့ ပထမအကြိမ်နဲ့ အများကြီးကွာခြားသွားခဲ့ပြီ။ ခံစားရတဲ့ ခံစားချက်ရော ရှူရှိုက်နေရတဲ့လေထုရော မျက်လုံးထဲဝင်ရောက်လာတဲ့ မြင်ကွင်းကအစ အရာရာ ခြားနားနေခဲ့တယ်။ အထူးသဖြင့် ထယ်ယောင်းကို ကျွန်တော့်ချစ်သူအဖြစ်နဲ့ ဒီနေရာဆီ ပြန်ခေါ်လာနိုင်ခဲ့တာ ကျွန်တော့်အတွက် ဂုဏ်အယူရဆုံးပါ။
" ထယ်ထယ် ငါမင်းကို ဒီနေရာမှာ တောင်းပန်စရာလေးရှိတယ် "
ကျွန်တော့်စကားကြောင့် ကျွန်တော့်ရဲ့ထယ်ထယ်က သူ့မျက်ဝန်းလှလှလေးတွေ ဝိုင်းစက်သွားတဲ့အထိ တအံ့တသြ ပြန်ကြည့်လာခဲ့တယ်။ သူ့အမြင်မှာတော့ ကျွန်တော် သူ့အပေါ် ဘာအပြစ်မှမလုပ်ထားဘဲ တောင်းပန်စရာရှိတယ်ပြောလာတာ အံ့သြစရာဖြစ်နေပါလိမ့်မယ်။
" မင်းက ငါ့ကို ဘာအတွက်နဲ့ တောင်းပန်မှာလဲ ဂျောင်ဂု။ ငါနဲ့တွဲလာတဲ့ တစ်လျှောက်လုံး မင်းငါ့အပေါ် တောင်းပန်ရလောက်တဲ့ အပြစ်မျိုး မလုပ်ဖူးပါဘူး "
ကျွန်တော် သူ့ကို ခပ်ယဲ့ယဲ့ကလေးပြုံးရင်း ခေါင်းတစ်ချက်ငြိမ့်ပြလိုက်တယ်။ ကြည့်ပါဦး အခုထိ သူ့မျက်ဝန်းလှလှတွေက ကျွန်တော့်ကို နားမလည်သလို စိုက်ကြည့်နေသေးတာ။ ကျွန်တော် ပြောလာမယ့် တောင်းပန်စကားကို သူအတော်လေး မျှော်လင့်နေပုံပဲ။
" အခုအတွက်မဟုတ်ပေမယ့် မင်းနဲ့ငါ ဒီကို ပထမအကြိမ်လာခဲ့တုန်းက မင်းကို တောင်တက်လမ်းနံရံကပ်ပြီး နမ်းမလိုလုပ်ခဲ့ဖူးတယ်လေ။ အဲ့ဒီတုန်းက မင်းငါ့ကြောင့်နဲ့ အတော်လေး စိတ်မသက်မသာဖြစ်ခဲ့ရမှာပဲ။ အဲ့ဒီအတွက် ငါမင်းကို ပြန်တောင်းပန်ပါရစေ "
YOU ARE READING
Love Scenario (KookV/Completed)
FanfictionTop- kook အချစ်အပေါ် ခံယူချက်ချင်းမတူညီသော လူငယ်ငါးယောက်ကြား ပေါက်ဖွားလာခဲ့သော အချစ်ဇာတ်လမ်းတစ်ပုဒ်။
