EPISODE - 8 (Unicode)
တီ!!!
အခန်းရှေ့မှ လူခေါ်ဘဲလ်သံကြောင့် ဆော့ဂျင် တအံ့တသြဖြစ်ကာ နေရာချလက်စ ပစ္စည်းအချို့ကို ဒီအတိုင်းထားပြီး အခန်းတံခါးဝဆီ ထွက်လာခဲ့သည်။ ဒီနေ့မှ စပြောင်းခါစအခန်းကို ဘယ်သူလာလည်ပါသနည်း။ ဒီအခြေအနေက တကယ်ထူးဆန်းသည်။
အခန်းတံခါးနား နီးလာသည်နှင့်အမျှ စိတ်လှုပ်ရှားမှုက တစ်စထက်တစ်စ တိုး၍လာသည်။ လုံခြုံရေးစနစ် ကောင်းမွန်သော ကွန်ဒိုဖြစ်၍ မဟုတ်ကဟုတ်ကလူတွေလည်း လာမည်မဟုတ်။ ဤသို့ဆိုလျှင် မဖိတ်ခေါ်ဘဲရောက်လာသည့် ထိုလူက မည်သူနည်း။ ဆော့ဂျင် သိချင်စိတ်တို့ ထိန်းမရတော့ဘဲ တံခါးကို အမြန်ဖွင့်လိုက်သည်။
ဝက်ဝံရုပ်လေးပိုက်လျှက် ကြည်လင်သောအပြုံးဖြင့် တံခါးဝမှာရပ်နေသည့် တစ်ယောက်သောသူ။ ထိုသူကိုမြင်တော့ ဆော့ဂျင် အံ့သြခြင်းတို့ဖြင့် နှုတ်ခမ်းနှစ်လွှာပွင့်ဟသွားပြီး ထိုလူ့မျက်နှာကို ကြောင်ကြည့်နေမိသည်။ ယောက်ျားပီသ၍ စတိုင်ကျသော ထိုလူ။ သေချာပါသည်။ ထိုလူက ဆော့ဂျင် မြင်မြင်ချင်းကြွေခဲ့ရတဲ့ လူကြီးရယ်ပါ။
ရေစက်ဆိုတာ ဒါမျိုးလား။ ဘယ်အရာတွေပဲ ကာဆီးနေပါစေ၊ ရေစက်ပါလာရင် လူနှစ်ယောက်က မထင်မှတ်တဲ့နေရာမှာ မထင်မှတ်တဲ့ပုံစံနဲ့ ဆုံတွေ့ရတတ်တယ်တဲ့။ ဆော့ဂျင် ဒီစကားကို အခုပဲ အကြွင်းမဲ့လက်ခံလိုက်သည်။ မြင်မြင်ချင်းကြွေခဲ့ရတဲ့ သူ့ရဲ့လူကြီးက အခု သူ့ရှေ့ရောက်လာခဲ့ပြီလေ။
" ဘာတွေ ကြောင်ကြည့်နေတာလဲ။ ဧည့်သည်ကို အထဲမဝင်ခိုင်းတော့ဘူးလား။ ဒါနဲ့ ငါ့ကိုမှတ်မိပါတယ်နော် "
ပါးချိုင့်ပေါ်အောင်ပြုံးပြရင်း အထဲမခေါ်ဘူးလား မေးလာသော သူ့ရဲ့လူကြီးကြောင့် ဆော့ဂျင် သတိပြန်ဝင်လာကာ တံခါးဝကနေ ဘေးဖယ်ပေးလိုက်သည်။ စပြောင်းလာကာစမို့ ဧည့်ခန်းက ဘာမှမပြင်မဆင်ရသေး။ အခန်းငှားကတည်းက အသင့်ပါပြီးဖြစ်သည့် အသုံးအဆောင်များသာရှိသည်။
ဧည့်ခန်းမှာ ထိုင်စရာဟူ၍ TVစင်ရှေ့မျက်နှာမူထားသော အလျားရှည်ရှည် ဆိုဖာတစ်လုံးသာရှိ၍ နမ်ဂျွန်း ထိုနေရမှာပဲ ဝင်ထိုင်လိုက်သည်။ ဆော့ဂျင်ကတော့ စာကြည့်စားပွဲဘက်သွားကာ သူထိုင်ဖို့ ထိုင်ခုံတစ်လုံးသွားယူသည်။ သူ့နားလာထိုင်မည်ထင်ပြီး ဆိုဖာပေါ်ဘေးကပ်ထိုင်နေပေးသော နမ်ဂျွန်းမှာတော့ အံ့သြခြင်းများစွာဖြင့်။
YOU ARE READING
Love Scenario (KookV/Completed)
ספרות חובביםTop- kook အချစ်အပေါ် ခံယူချက်ချင်းမတူညီသော လူငယ်ငါးယောက်ကြား ပေါက်ဖွားလာခဲ့သော အချစ်ဇာတ်လမ်းတစ်ပုဒ်။