غُربة وَطن.

تعقيب

مساء الخير.

كان يا مكان... في مساء اليوم العشرين من شهر اكتوبر عام ألفين وعشرين.

كنت محتارة في اسم بطل الرواية الجديدة اللي كان عندي اسم بطلتها من شهر تقريباً والفكرة الأولية كمان.

عملت poll في جروب wattpad sarcasm Society عن اسم البطل بعد ما عملت سيرش في جوجل... لقيت "هَنا" بتحط اسم نوح وذي ما حضرتك شايف يا عزيزي كان في إجماع أنه يبقا نوح.

نوح مش نواه.

وقد كان بالفعل بدأت انشر فيها من يوم واحد وعشرين أكتوبر نظرًا اني كنت كاتبة منها فصول كتير وكدا.

خلصتها في ثاني أيام شهر مارس عام ألفين واحد وعشرين مع حصيلة فصول تُقدر ب 100 فصل أولهم لا يتعدى الخمسين كلمة وآخرهم 2460 كلمة، مع أحداث كتير اوي ووصف للمشاعر والشخصيات.

النهاردة روايتي القصيرة دي كملت ألفين وخمسائة 2500 ڤوت وسبع ألاف ومائتين 7200 مشاهدة وبمعدل ارتفاع نسبة المشاهدة دا هتكمل ال عشر ألاف 10000 في خلال شهر او أقل بإذن ربنا.

نوح و ڤيونا آخر شخصيات منحتها حياة وهمية في خيالي وعرضت حياتهم على القراء.

بذكر القراء ف شكر كبير اوي مني ليكم اي حد قالي كلمة لطيفة او شجعني استمر في موهبتي.

شكر عظيم مني لأحدهم اللي قبل ما يعرفني حتى قالي "متضيعيش فرصة لاستغلال موهبتك ذي ما غيرك ضيعها وندم"

واضعاف هذا الشكر دعوة بالرحمة له.

حبيت أوثق غُربة وطن هنا معاكم ذي ما بعمل مع اي كتاب عشان لما أفقد الشغف تاني الاقي ذكريات ترجعني للكتابة.... لو وصلت للنقطة دي من هذا البوست الطويل العريض الممل فلك مني خالص الشكر على وقتك يا جميل.