Chapter 40
ရှီကျောင်သည် ပိတ်ရက်တိုင်း လူများ ပြည့်နှက်၍ စည်ကားလေ့ရှိသော နေရာ ဖြစ်လေသည် ။
ကျွန်တော် ဝင်လာသည်ကို မြင်လိုက်သည်နှင့် ယွမ်က ဝမ်းသာအားရ ကျွန်တော့်ကို လက်ပြပြီး အော်ကြီးဟစ်ကျယ် အော်ခေါ်လေတော့သည် ။" ဟေး... ယော့ဝန်း... ဒီကို ဘယ်လို ရောက်လာတာတုန်း... ငါပို့လိုက်တဲ့စာ ရလို့ လာတာလား... "
ယွမ်က လူပျိုဖော်ဝင်လာပြီ ဖြစ်သောကြောင့် နောက်ဆုံး မြင်ခဲ့တုန်းကထက်ပင် အရပ်ပိုရှည်လာ၍ လူကောင် ပိုထွားလာလေသည် ။
" မင်းကို ချန်းကော တစ်ခုခု မပြောထားဘူးလား ယွမ်... "" ဟမ်... မပြောထားပါဘူး... ဘာဖြစ်လို့လဲ... "
" ငါ သူနဲ့ အလုပ်လုပ်တော့မလို့ ယွမ်... "
ကျွန်တော် ကူကယ်ရာမဲ့စွာဖြင့် စိတ်လက်မသာမယာ ပြန်ဖြေလိုက်မိလေသည် ။" ဘာ... ယော့ဝန်း... မင်းရဲ့ သက်တော်စောင့် အလုပ်ကနေ အလုပ်ထုတ်ခံလိုက်ရတာလား ... ဘာဖြစ်လို့ အဲ့ကောင် ချန်းနဲ့ အလုပ်တွဲလုပ်မှာလဲ... ဟမ်... "
ယွမ်က ကျွန်တော့် ပုခုံးကို ဆုပ်ကိုင်ကာ လှုပ်ရင်းမယုံနိုင်သည့်ပုံဖြင့် အသံကျယ်ကျယ် အော်ဟစ်ကာ မေးလေသည် ။" မဟုတ်ပါဘူး... အလုပ်ထုတ်မခံရပါဘူး... ငါက ဆန်းဒေးနဲ့ မန်းဒေး နှစ်ရက်ပဲ ချန်းကော ဆီမှာ အလုပ်လုပ်မှာပါ... ဘာအလုပ်လဲတော့ မသိပေမယ့် သူက ငါ့ကို အဲ့ ၂ရက် သူနဲ့ လာကူရမယ် ပြောထားလို့... "
" ဘာလုပ်ရမှန်းတောင် မသိဘဲနဲ့ မင်းက ဘယ်လို ကူမှာတုန်း ယော့ဝန်းရ... ဘာလဲ... ပိုက်ဆံကြောင့်ပဲ မဟုတ်လား... "
" အင်း... "
ကျွန်တော် အနည်းငယ် ရှက်ရွံ့စွာဖြင့် ကိုယ့်မျက်နှာကိုကိုယ် လက်ဖြင့် အမှုမှတ်မဲ့ အုပ်ထားလိုက်မိသည် ။
ယွမ်က စိတ်လျှော့လိုက်ပုံဖြင့် သက်ပြင်းချလေသည် ။
YOU ARE READING
ရေပြင်ပေါ်၌ လမ်းလျှောက်ခြင်း Completed ( မြန်မာဘာသာပြန်)
RomanceAbout the life and love of Gay Porn Actors Total 62 Chapters + 4 extra Chapters