Yves's POV
"Yves." napatingin ako sa harap ng palasyo ng may tumawag sa akin. Nandito na kami ngayon sa Dragon Kingdom. Kababalik lang namin. Si Frost ang tumawag sa akin. "Nakabalik na kayo." masayang sabi niya ng nasa harap na namin siya. Ngumiti lang ako pero napatingin siya sa mga kasama namin. May mga nagsilapitan na ding mga kalahi ko at pati na rin mga taga-Aragon. Nagtataka sila sa mga kasama namin. Sumama sa pagbalik namin si Archangel. At nagsama rin siya ng apat na Angel na sila daw ang pinakamalakas sa pangkat nila. Ang apat ay lumilipad sa itaas na parang nagbabantay sa paligid.
"Tawagin mo ang Mahal na Reyna." utos ko kay Frost.
"Hindi na kailangan." napatingin ako sa nagsalita. Ang Ina ko. Naglalakad siya palapit sa kinaroroonan namin kasama ang Ama ko. Kasama rin nila ang mga magulang ni Cris pati na rin ang mga Guardian.
"Lucy." narinig kong sabi ni Archangel.
"Ama.?" hindi makapaniwalang sabi ng Ina ko. Tumakbo siya palapit sa kanya at mahigpit niya itong yinakap. "Namiss po kita.. sobra." maluha luhang sabi niya habang nakayakap ito sa ama niya.
"Ganun din ako." sagot niya. Halata sa boses niya ang sobrang saya na nararamdaman niya ngayon. "Hindi ko akalain na makikita ulit kita."
"Sino siya?" napatingin ako sa nagtanong sa akin. Si Frost.
"Hindi mo siya kilala?" nagtatakang tanong ko sa kanya.
"Huwag mong sabihing.." tinignan niya ako na halatang nagulat siya. "Si Archangel??" ngumiti lang ako. "At?? Ama siya ng Ina mo?" tumango ako. "Siya ang Lolo mo??" gulat na sabi niya dahilan yun para mapatawa ako sa naging reaksiyon niya. "Wow." mahinang dagdag niya.
"Babe." napatingin ako kay Cris dahil hinawakan niya ang likod ko. "Ipasok ko lang siya." tinutukoy niya si Dale na karga karga niya. Natutulog na siya.
"Sasama na ako." sagot ko.
"Hindi na.. Dito ka muna." tumango na lamang ako bago siya pumasok sa palasyo.
"Kamusta si Dale?" bumalik ang atensiyon ko kay Frost.
"Maayos na siya." malungkot na sagot ko.
"Bakit?. May problema ba?"
Ngumiti ako ng pilit. "Nalulungkot lang ako.." sabi ko. "Dahil hindi na muna niya magagamit ang majika niya."
"Pero, mas mabuti na yon.. Mas magiging ligtas siya." tumango na lamang ako.
"Yves." napatingin ako kay Archangel. Lumapit ako sa kanya. "Aalis na kami." paalam niya.
"Kailan po ulit kita makikita?"
"Sa tamang panahon." nakangiting sagot niya. Ngumiti na lamang ako bago ko siya yakapin. Humiwalay ako sa kanya tsaka dumistansiya. "Hanggang sa muli." sabi niya bago sila kunin ng liwanag mula sa kalangitan.
"Anak." napatingin ako sa aking Ina. Lumapit ako sa kanya tsaka siya yinakap. "Maraming salamat." napangiti na lamang ako.
"Magpapahinga na po muna ako." sabi ko sa kanya ng humiwalay ako. Tumango lang siya habang nakangiti. Yinakap ko muna ang Ama ko bago ako pumasok sa palasyo at tinungo ang kwarto namin.
"Mabuti naman at nakabalik ka ng ligtas." narinig ko mula sa loob ng kwarto ko dahilan yun para mapatigil ako sa pagbukas ng pinto nito. Nagtaka ako kung sino ito kaya sumilip ako mula sa pinto.
"Kagura?" mahinang bigkas ko. At ang hindi ko naiintindihan ay kung bakit magkayakap sila?. Pumikit ako ng mariin para pakalmahin ang sarili ko. Huminga muna ako ng malalim bago ako umalis sa harap ng kwarto ko.
Napaatras ako ng biglang may nabangga ako sa biglang pagliko ko. "Kaizer?" napaangat ako ng ulo. Si Dad. "Anong problema?"
Umiling ako. "Saan po kayo papunta?" tanong ko sa kanya. Tinignan ko ang mga tagasunod na nasa likod niya.
"Sa kwarto.. Gusto ko na munang magpahinga." nakangiting sagot niya.
Ngumiti ako sa kanya. "Pwede po bang? Sumama muna ako sa'yo Dad."
Tinignan niya ako ng nagtataka. "Parang may kakaiba sa'yo ngayon.?"
"Wala po.. Wala po.." depensa ko. "Gusto ko lamang po kayong makasama." wala na siyang nagawa kundi ang sumang-ayon.
"Magtapat ka nga sa akin." tanong niya ng makapasok kami sa loob ng kwarto. Hindi na sumunod ang mga tagasilbi at nasa labas lang sila. "May problema ba?" halata na sa kanya ang pag-aalala. Yumakap ako sa kanya. "Nag-aalala na talaga ako sa'yo."
"Huwag niyo na po akong alalahanin.. Pagod lang po siguro ako." sabi ko ng kumalas ako sa Ama ko.
"Kung gayon, ay magpahinga ka na muna." nakangiting sabi niya. Tumango lang ako bago ko tinungo ang kama nila ng Ina ko at humiga dito. Hindi ko na siya narinig na nagsalita kaya natulog na ako.
----
Nagising ako ng may naramdaman akong humawak sa pisngi ko.
"Mom." mahinang bigkas ko. Sinubukan kong bumangon.
"Bakit dito ka natulog?" tanong niya sa akin.
"Gusto ko lamang po kayong makasama." pagsisinungaling ko. Hindi na siya nagsalita at umiling na lang ito bago tumayo mula sa pagkakaupo sa gilid ko. Liningon ko ang bintana at napansing madilim na. "Saan po kayo pupunta?" tanong ko sa Ina ko ng patungo siya sa pinto ng kwarto.
"Titignan ko lamang sila." sagot niya.
"Sino pong sila?" taka kong tanong.
"Magpapadala kami ng mga tao para tignan ang Aragon." sagot niya tsaka siya lumingon sa akin. "Naniniwala kami na buhay pa ang mga Elemental Dragon. At kailangan natin silang mahanap." lumapit ako sa kanya.
"Ako na po ang mangunguna." seryoso kong sabi.
"Ngunit, kababalik mo lang." nag-aalalang sabi niya.
"Ayos lamang po ako. Huwag niyo po akong alalahanin." nakangiting sabi ko.
Hinawakan niya ang pisngi ko. "Mukhang may problema nga gaya ng sabi ng Ama mo sa akin."
Umiling ako. "Wala po ito."
Huminga siya ng malalim. "Sigurado ka bang kaya mo?" Tumango na lamang ako sa kanya bago kami lumabas at pumunta sa isang kwarto.
"Sila po ang ipapadala niyo?" taka kong tanong pagpasok namin. Pumunta kami sa tabi ng Ama ko. Nakahanay sila at nakaharap sa amin. Nasa kabilang gilid niya ang Hari at Reyna ng Aragon. Si Aries, Cyclone, Burn, Warren, at si Jack ang tinutukoy ko. Mukhang sasama din si Aria at Rain sa kanila. Ngumiti lang ang Ina ko sa akin. "Kung gayon ay sasama na rin ako." sabi ko dahilan yun para mapalingon ang Ama ko ganun din ang mga nasa tabi nito.
"Hindi ako makakapayag sa kagustuhan mo." seryosong sabi ng Ama ko sa akin.
"Dad..." tinignan ko siya ng seryoso. "Hindi na po ako ang mangunguna sa kanila." tumingin ako sa Ina ko bago ko tignan ulit ang Ama ko. "Sasama po ako sa kanila.. At buo na po ang desisyon ko." matigas na sabi ko.
"Matigas talaga ang ulo mo." sabi ng Ina ko sa Link kaya napalingon ako sa kanya. "Alam na ba ito ni Cris?"
"Huwag niyo na lang po ipaalam sa kanya." sagot ko sa kanya gamit ang Link.
"Pero, paniguradong mag-aalala yun sa'yo." sabi niya. Hinawakan niya ang braso ko.
"Kung naaalala pa niya ako." malungkot na sabi ko bago ko hawakan ang kamay ng Ina ko na nakahawak sa akin.
"Anong ibig mong sabihin?" sabi niya gamit pa rin ang Link namin.
"Anong pinag-uusapan niyo?" sabay kaming napatingin sa Ama ko ng magsalita ito dahilan yun para maabala kami sa pag-uusap namin ng Ina ko. Umiling na lamang ako. Lumapit ang Ina ko sa kanya tsaka niya hinawakan ang braso niya.
"Mag-iingat kayo." sabi ng Ama ko sa kanila bago kami umalis patungo sa Aragon. Napangiti na lang ako ng mapansin kong suot ko pa rin ang kasuotan ko nung pumunta kami sa Land of Deity. Napailing na lang ako bago ko sinundan ang mga kasama ko palabas ng palasyo.
---------
A/N: Keep it up..
(thank you po sa vote at sa pag-follow sa akin... love you guys... next week ulit... mwahhhh..)