🔹داز الوقت و حنا متبعين الفيلم تا بدات كاتحرك بملل : - بدا كيجيني النعاس !
[ طبع قبلة على راسها ] نوضي لبلاصتك.. انا غانبقا شوية مزال!
🔹حركات راسها و وقفات غادة فاتجاه الدوش .. بقيت مراقب جسدها كيف كيتمايل تحت الما ، وشعرها كيتحرك معاها ، زاد طوال ، تا ولا واصل لنص ضهرها !
ميلت راسي حاضي كل حركة كاديرها تا سالات ، جرات فوطة ملوياها عليها و وقفات قدام المراية كاتنشف شعرها بوحدة صغيرة .. : بالصحة !
[ ابتاسمات ] الله يعطيك الصحة ..
◽حطيت الفوطة من يدي وقربت عندو گالسة على الحافة : فين وصل الفيلم ؟
- ماعرفتش..
- امم وفين كنتي كاتشوف ؟
◽ضحك فاهم قصدي و تحنيت شوية لجهتو كانرش عليه الما تا بدا كيحيد ليا يدي :
- وا صافي ريحي !
◽بقيت كانضحك عليه تا عييت و هو مخليني ندير فيه لي بغيت :
[ ابتاسم ] سيري لبسي من البرد..
🔹حركات راسها خارجة من الحمام.. بقيت وراها مرتاح شوية ، عاد نضت جمعت الحمام و الروينة لي تم و دوشت خارج للبيت نلبس عليا .. ضرت الفوطات فالشمش ، و طليت على ماريا ، كانت ناعسة بعياء ! تخشيت حداها تانا فهدوء ....
[ نهار جديد .. ]
◽ساليت نهاري فالخدمة و رجعت فحالي للدار ، يلاه وقفت بطموبيلتي كيبان ليا هيثم خارج طاير لطموبيلتو لدرجة ماردش ليا البال گاع .. تحرك غادي فالاتجاه لاخر : ياربي السلامة .. شنو غايكون واقع!
◽دخلت بالي مشغول حطيت الملفات على جنب و بدلت عليا مخليا ليه ميساج .. دقائق جاوبني :
💬 : غير نسالي نعيط ليك
◽حطيتو على جنب و مشيت نصايب ماناكل و كانخدم فنفس الوقت .. ساعة من بعد جمع ااماعن و دوزت لابيل : هيثم ! ياك لباس ؟
[ تنهد ] الواليدة صحتها عيات تاني ، داوها للكلينيك غير هد الصباح !
- و دبا كيف بقات ؟؟
- ماعرفتش مزال مغيبة و الطبيب معاها ..ماقالو لينا والو !
◽من صوتو باين الوضع ماشي تا لهيه : يكون خير، ماديرش فبالك!
- ان شاء الله !
- قول ليا واش خاصها شيحاجة ؟ نجيبها معايا!
◽طول فسكاتو شوية عاد نطق : هاد الساعة كلشي كاين !
- اوا صافي شوية نكون عندك..
◽قطعت معاه و لبست عليا غادة فاتجاه دارها هي لولة ، بغيت نتخد ليها غير حوايج معايا .. لقيت خالتي زهرة موجدة كلشي ! خديتها معايا و مشينا للكلينيك لي فالسونطر هو فين متبعة ديما ..
◽غير دخلنا لقيت كلشي مجموع تما من غير هيثم .. :
سارة : مزال مافاقتش ولكن سمحو ليها بالزيارة..
- هيثم معاها دبا ؟
◽حركات راسها بإيماء .. مشيت دخلت عندو كانت ناعسة فوق الفراش و كلها سلوكة ، باين عليها التعب والمرض .. اما هيثم كان گالس فكرسي و متكي بيديه على الفراش عينيه مغمضين !
قربت حاطة يدي على كتفو تا فاق : كيبقات ؟
◽حرك راسو بتعب .. تفقد حرارتها و دوز يدو على وجهها برقة :
[ نطق بهمس ] فيقي براكة.. ماتخلعينيش عليك !
◽دوزت يدي على كتفو بمواساة : ان شاء الله خير ، ماتخافش !
◽غير ثواني دخل عمي عمر ، ماقادش يشوف فيها و فحالتها ! قرب گالس حداها بهدوء و بادي عليه الحزن و الخوف.. بقا غير كيشوف فيها تا تنهد عينيه تجمعو فيهم الدموع !
شاف فيا هيثم حركت راسي و خرجنا مخليينو معاها .. لويت يدي على دراعو تا خرجنا للكولوار جات سارة معنقاه و كاتواسيه !
◽خليتهوم شوية بحدهوم و بعدت كاندوي مع نورة .. دقائق من بعد دخلات سارة و خالتي زهرة لعندها وجا هيثم گالس حدايا ، ديك الساعة حيدت الطيلي من يدي ! .. : شوية ؟
- ماعرفتش ..
- رخف على راسك كلشي غايدوز !
◽اكتافى بالصمت شحال ساهي قدامو ، عاد رجع راسو متكي على كتفي .. دوزت يدي على شعرو مخلياه على راحتو !
◽داز الوقت وحنا تما .. الطبيب تفقد حالتها و خرج كيهضر مع هيثم ، گلست حدا خالتي زهرة عاطياها الما حالتها كانت عيانة و ماحبساتش من البكا .. :
- ياربي تكون معاها و تحفضها لعائلتها ياربي !
- - امين
◽عنقاتها سارة بمواساة : -ماتخافيش ان شاء الله خير اخالتي !
◽غير سالا هيثم مع الطبيب جا عندنا ، قال كلشي مزيان و خاصها غير تبع العلاج ديالها فهاد اليوماين و ترتاح و غاتكون بيخير !.. هاد الخبار ريحاتنا نسبيا و كلشي حْمدالله حيت ماوصلاتش للخطر .. انساحبو داخلين يشوفوها ، بينما وقفت حدا هيثم : يلاه ترتاح شوية ماحدهوم معاها !
[ حرك راسو بالنفي ] مانقدش نخليها .. [ حط يدو على دراعها ] نتي لي عدبتك معايا .. سيري رتاحي!
- مانقدش نخليك بوحدك ..
[ طول الشوفة فعينيها و عنقها ] اصلا مابغيتكش تخليني بحدي !
◽حط راسو عليا و جريتو گلسنا : ماقلتيش ليا شنو مرضها ؟
- صحتها من ديما عيانة و متعوبة .. منين كاتجهد على راسها كايوقع ليها هاكة !
◽حركت راسي بتفهم ، ماعمرو عطاني راس الخيط و لا قال ليا مرضها شنو بالضبط .. مابغيتش نكتر عليه الأسئلة دكشي علاش سكت و خليتو يرتاح شوية فهدوء ! ...
🔹طاح الليل.. بقيت فالشومبر كانحاول ندوي معاها باش توگض شوية.. : - عدبتك معايا !
🔹حركت راسي بالنفي و مسحت على شعرها كانشوف الابتسامة لي على وجهها رغم كلشي لي هي فيه .. دخل عمر فيديه الماكلة عاونها تا گلسات :
- غاتاكلي و تاخدي دواك باش ترتاحي شوية !
- ماقدرتش ..
- لا ضروري !!
🔹خدا المعلقة مخرج دكشي من الساشيات و بدا كيوكلها بيديه شاد ليها الخاطر .. ابتاسمت كانشوف فيهوم كيف باقيين مندامجين كيف كانو ! هو خايف عليها من نسمة الهوا و هي مطمائنة غير لوجودو معاها ...
◽واقفة قدام الزاج د برا و عيني عليهوم.. تعامل عمر مع مرتو هو نسخة قريبة من تعامل هيثم معايا ! نفس الاهتمام و الخوف لي جايين من حب .. ضرت للجهة لخرى متكية بضهري على الحيط بديت كانعيا و شديت راسي حاسة بالدوخة :
- ماريا ؟
◽شفت جهتو : - مالك ؟ واش لباس ؟
- بيخير.. غير عييت شوية
◽قرب شاد يدي عندو .. : سيري نتي للدار ، واخة؟
◽حركت راسي و لويت يدي على دراعو خارج معايا تا لبرا : رد البال لراسك !
🔹حركت راسي بإيماء و بقيت مراقبها تا بعدات ..
ساعة من بعد كانت حاطة راسها و ناعسة بهدوء ، نقصنا عليها الضواو و خرجنا .. :
- بلاما تبقا هنا دبا .. تا للصباح و نرجعو !
- مانقدش نخليها بحدها ..
🔹حركت راسي بهدوء حيت عارف مهما قلت ليه دبا مغايسمعش مني .. عارف تا بلاصة فهاد الدنيا مغاتخليه يرتاح الا حداها ! الدار الا دخل ليها و هي مافيهاش غايحسها بحال الخلا .. هدشي كلو كانعرفو و حسيت بيه ! : انا غانمشي دبا ، خاصك شيحاجة نجيبها معايا ؟
- لا اولدي ، غير سير..
🔹ودعتو وخرجنا انا و مّي زهرة من تما.. وصلتها للدار عاد دخلت فحالي تانا ! كليت شوية باش ناخد الدوا و طلعت للبيت حدا حبيبة ديالي .. هي لي رداتني لهنا و على ودها جيت ! ..
[ صباح جديد .. ]
◽الصباح ماكنتش خدامة فقت شوية معطلة .. بانت ليا بلاصتو مرونة ، عرفتو جا للدار ولكن ماحسيتش بيه گاع !
لبست عليا و نزلت نفطر عاد صونيت ليه.. : كلشي مزيان بعدا ؟
- الحمدلله ..
- اوا مانطولش عليك ، الا كان شي جديد علمني !
- ضروري..
◽قطعت معاه و رجعت مكملة شغالي فالدار ...
#يتبع...
فنظركوم شنو مرضها ؟
خليو ليا آرائكم 🥰 و قبلو على البارت وخا قصير، شوية بشوية غانرجعو للريتم ديالنا ❤️❤️