قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎◽الطريق كاملة و انا مسطريسيا گالسة على الشوك... بقيت كانعت ليه الطريق تا وصلنا :
شكرا بزاف اهيثم و سمح ليا عدبتك !
- الا حتاجيتو شي حاجة عيطي ليا اماريا وخا ؟
- كون هاني ..
◽طلعت عندها و دقيت من المرة لولة حلات عليا الباب ، وتلاحت معنقاني كاتبكي :
- ياك لباس !!- منعم ..
◽بغات تنطق و لكن الهضرة تقطعات بشهقاتها .. دخلتها للدار و عطيتها كاس دلما ترتاح ! كانت الروينة تما و شي حوايج طايحين من بلاصتهوم ومهرسين ...
بقات ساكتا مدة كاترد فيها الروح :
- شنو وقع انورة ؟- بحال ديما .. غير جبدت معاه الموضوع و تقلب عليا ! ولكن هاد لمرة زاد فيه... وبزاف
- واش ضربك ؟
◽ديك الساعة حركات راسها بالنفي و كانت صادقة فجوابها :
-لا ماقاصنيش.. ولكن تعصب و رجع لسانو كاينطق غير السم!!
- ماديريش فبالك اختي .. [ ضورات عينيها على البلاصة ] فين سمير بعدا ؟
- داه معاه وخرج!! قتلني اختي قتلني ..
◽حطيت يدي على كتافها كنواسيها :
- واش انا غالطة اختي؟ واش انا غالطة حيت باغة نولد معاه .. واش انا غاطلة حيت باغة نزيد خوت لسمير و نكبرو عائلتنا ؟؟- مغالطاش انورة .. نتي طلبتي غير حقك
◽حطات راسها على كتافي كاتبكي بهدوء : فين طيلي علاش خداه؟- هدشي كامل بدا فاش رجعت من السبوع عند صاحبتي ، بديت كانوريه تصاور و نعاود ليه كيف داز دكشي .. [ شهقات بخفة ] هدشي لاش خداه مني!
◽بقات شحال حاطة راسها عندي كاترتاح تا داها نعاس! قاديت ليها راسها على مخدة و غطيتها ...
حاولت نجمع الروينة بلا ما نصدعها ، لي تهرسات الزبل و رديت الشي لاخر بلاصتو .. دخلت لبيت سمير ، فراشو باقي كيما نعس فيه ! حليت البلاكار ، ماخداش الحوايج كاملين ، هز غير بعشوائية ، وماداش بزاف ...
كيبقا فيا هاد الولد ، ماتت ماماه مخليا عندو عاماين ، لقا نورة حط عليها الراس و عوض بيها بلاصة الام !ضرت كانقلب و نحيد الروينة تا بان ليا الطيلي طايح جنب البلاكار و سيلونص ...
🔹كملت الخدمة و رجعت للدار ، كنت مهدود ديال بصح ، ماعرفتش شنو وقع مع ماريا و لكن قلت تا للصباح و نعيط ليها ...
[ صباح الجمعة ]
🔹فقت شوية بكري و خديت الواليدة فالطريق باش نتجمعو فالدار عند الواليد .. عاد صراحة ولات كتحلا ليا الگلسة فوق ديك الطبلة منين كنشوف بلاصتها عامرة ! ..
[ 1:00 PM ]
◽اليوم الجمعة ، جات ماما وبابا عند نورة للدار ! لقاو شوية مفدقادة على الروينة دلبارح و لكن ، كان بادي شي حاجة ما هياش .. عاودات ليهوم شنو وقع و هو ما بقاو معاها خففو عليها..
مشيت لخدمتي الصباح و رجعت مع ديك 12.. نورة شوية ولات حسن ، بابا وجد راسو باش يمشي للجامع و مابقاش الوقت نطيبو الغدا ، مشيت جبت شيحاجة من برا و خليتها تا نتجمعو ....
YOU ARE READING
𝐌𝐲 𝐂𝐚𝐬𝐞 // قــضـيــتــيــــــــے
Romanceقــصـة بـعــنـــوان ⚖ قـــضـــــيـــتـــــي ⚖ بـقـــلــم : 𝐌𝐚𝐫𝐲𝐭𝐚𝐥𝐞𝐬 ━━━━━━━━ ⚖ ━━━━━━━━ ماذا لو أحبتڪَ مــحامـــيــة و ڪــنـتَ قـــضــيــتــها.. دراما اجتماعية بطابع الرومانسية الهادئة ! من مراهقة حبكا...