𝐌𝐲 𝐂𝐚𝐬𝐞 // قــضـيــتــيــــــــے

𝐂𝐡𝐚𝐩𝐭𝐞𝐫 𝟏𝟏

                   🔹مدة من بعد ،خرجنا من المقبرة گالسين برا فهدوء .. رجعات متكية راسها على صدري وملوية على دراعي بحالا شاداني نبقا معاها :
- بقيت غير انا وياك و سيدي ربي فوق منا !
                  🔹حركات راسها بإيماء بلا ما تنطق كلمة وحدة :
-  غير قبيلة كنتي باغة تجري عليا و تهربي مني !

[ ابتاسمات ] بغيت نسولك ..

- سولي ..

- شي نهار منين نتزوجو ، غاتبغي يكونو عندنا ولاد ؟

- معلوم ..
            🔹شحال وانا كانتسناها تعاود تهضر ولكن قطعات حسها .. :
- ماريا ؟
       🔹لا رد .. حركتها بشوية كانت مرخية، ديجا نعسات ! فيقتها  تا ركبات بلاصتها و رجعات ناعسة مرة خرى .. بقيت شاد اطول طريق قدامي باش مانوصلوش للدار و نفيقها مرة خرى ....

                    ◽فقت الصباح على فراش مرتاحة ، ماسخيتش گاع نوض .. بزز حليت عيني على سقف غريب ، شوية بشوية بديت كانستوعب بلي البيت كلو غريب عليا ! .. :
- صباح النور ..
                  ◽صوتو جا من الباب .. شفت فيه و كون غير ماشفتش ! كان لابس ستيل سپور ، شعرو نازل فازگ على عينيه ، و متكي على الباب كايشوف جهتي بابتسامة : فين انا ؟ 
- فداري .. مرحبا بيك !
                 ◽حسيت بالتزنيگة طلعات مع وجهي ، و جربت عليا الغطا بحالا باغة نتخبا .. :
[ بتبت

[ بابتسامة ] الا بغيتي الحمام راه هو الباب لي مقابل معاك ..
                      ◽دخل حل الشرجم مخلي ضو الصباح يدخل : غانتسناك لتحت باش نفطرو !

- كيفاش وصلت انا بعدا هنا ؟؟ وعلاش ؟
- براكة من الأسئلة على الصباح ، و خرجي شوية من الجلد دمحامية !
                     ◽لاح ليا ابتاسمة زوينة و خرج ساد الباب وراه.. نضت نيشان للطواليط حسيت براسي غانرض من السطريس ! غسلت و جهي و وقفت كانقاد شعري قدام المراية ..
الحمام كان زوين .. خرجت للبيت كانضور فيه تاهو ، عجبوني الالوان والتناسق لي داير ..
            ضربات ليا فراسي ، من امتا و هو واقف حدا الباب! واش كان حاضيني قبل ؟ ولا غير ماسمعتوش فاش دخل ...
            ◽جات عيني على روايحو لي مستفين فوق  الكوافوز ، خديت وحدة رشيتها فالهوا .. ومن زهري طحت فنفس الريحة ديال داك النهار فالبيرو! تخلطو عليا المشاعر و ماعرفت واش نفرح و لا نتعصب، الريحة زوينة وخا هكاك ...

                     ◽نزلت لتحت لقيتو حاط الطبلة د لفطور ، عامرة و كاتشهي ! يلاه قربت للطبلة جا من الكوزينة فيديه العصير : گلسي ..
- عدبتي راسك!
- مكاين لا عداب لا والو ...
                    ◽گلست كناكل غير شوية ، كنت مسطريسيا و انا حاسة بعينيه عليا ، تا نطق .. :

- لبارح نعستي فالطموبيل و مابغيتش نفيقك ..

- ماشي مشكل !
                 ◽رجعنا كملنا فطورنا فهدوء .. مرة مرة كيقول ليا شيحاجة كانجاوبو على قد هضرتو و نرجع للسكات .. رجعت لور : الله يعطيك الصحة ، كلشي بنين..
- وا كملي فطورك ..
- والله تا شبعت !
                   🔹عجبني الحال نشوفها حشمانة هكا ! ديما كانشوفها زعيمة و كاتهضر و تعبر فراحتها .. ولكن دبا غير گالسة خايفة غير تحرك تا من بلاصتها : مالكي ساكتا ؟
- والو غير .. والو !
                  ◽حرك راسو بإيماء و على وجهو ابتسامة ماحيدهاش منين گلست .. سالا ماكلتو و ناض خدا كاس دلما مع كينة ! اول مرة شفتو كيشرب شي دوا .. : ضاراك شيحاجة ؟
- غير راسي شوية دالصداع ..
- قطعتي صيامك ؟
- غير لبارح [ رجع گلس قدامها ] ولكن اليوم رجعت ..
                    ◽حركت راسي بإيماء ، ماشي مشكل الا ضعاف فالبدية ، منين غايولف غايلقا راسو قوي قدام البلية كتر. من هكا ! ....