◽رجعنا للبيرو ..
كملت وراق الملف مع الموكل ، ودزت خدامة على حوايج خرين ! تسمعو طرقات خفاف فالباب موراهم بثواني دخلات سهام : ها الكود الجديد وصل !- حطيه غير هنا تا نسالي ونشوفو ..
◽حركات راسها و قبل ماتخرج وقفات بتردد ورجعات واقفة قدامي .. : ماريا ..
◽طلعت عيني فاتجاهها و عاد لاحظت الارتباك لي على ملامحها ، عينيها كانو مخلطين فيهوم المشاعر و الافكار.. : - بغيت نهضر معاك واحد الشوية!
◽سديت الملف ، و ديك الساعة عطيتها اهتمامي كلو .. گلسات قدامي و استجمعات كلماتها عاد نطقات : - نتي عارفة ، من النهار لول لي حطيت فيه رجلي فالقانون و انا عندي توجه واحد ..[ حركات راسها عاطياها فرصة تكمل ] ولكن.. المدة الاخيرة حسيت راسي ، تالفة..بعدت .. بحالا مترددة و .. و.. [ سكتات ثواني مسترجعة توازن كلامها ] يمكن الطريق لي كنت كانحلم بيها ماشي ديالي !
◽سكت ثواني و ترسمات على وجهي ابتسامة .. : بالعكس [ ناضت گلسات حداها ] هادي إشارة قوية على انك قربتي و بزاف !
- زعمة ؟
[ حركات راسها بتأكيد ] قبل مانحل البيرو ، كنت كانخدم بالليل و بالنهار ، و كانطلب غير امتا نوصل و ندير البيرو ديالي و نبدا المسيرة .. ولكن ، نهار وصلت لهاد المرحلة ، وليت كاندير السبة و نأجل ، حتى استوعبت بلي الخوف هو لي خلاني هكاك !- ولكن.. الا كنتي واجدة و عندك كلشي فيديك ، علاش غاتخافي ؟
- من كلشي ! [ شافت فيها باستغراب ] الخوف من المستقبل لي ماكانعرفو عليه والو ، و الخوف من انك غادخلي فمرحلة جديدة غريبة عليك .. الخوف من انك تخرجي من دكشي لي ولفتي ! [ شدات يديها ] هدشي عادي ، غير ماتخليهش يجرك لور .. حيت غاتندمي !
◽ابتاسمات و ملامحها ترخفو شوية .. : غانحاول نكمل تا لخر ..
- هدشي لي بغيت ! و ديري فبالك.. انا ديما غانكون معاك ..
◽حسيت بالكلمات هربو من لسانها و لكن الاطمئنان كان بادي على وجهها و هدشي لي بغيت .. سهام انسانة لي كاتخدم و فين ما حطيتيها كاتحرك ! راسها خفيف و كاتبغي تعلم .. تخصصها القانون التجاري و قانون العقود والالتزامات! يعني بلاصتها خاص تكون مع أحسن الشركات ...[ 6:40 pm ]
◽أدن المغرب مخليني نحبس الشغل لي فيدي و نتكي راسي اللور بعياء .. جهدي تسالا اليوم ، وخا هكاك ماقديتش نمشي للدار و انا عارفة هيثم مغايكونش!
مابقيتش حاملة نگلس بوحدي ! وفنفس الوقت ماقديتش نزيد نرهق راسي بالخدمة كتر .. استسلمت للواقع ووقفت كانجمع الروينة لي فوق البيرو ، على أمل نضيع وقت كتر ! عاد خديت صاكي و الكود الجديد فيدي خارجة من تما ....🔹خرجنا فحيط ! حرفيا ..
أفكاري نشفو و تسالاو و ياسين تاهو طفا ، مابقينا عارفين شنو نسبقو شنو نوخرو.. : اجي زياد !
- نعام اشاف..- ختار مابين هاد الجوج .. اينا وحدة بانت ليك نتا حسن ، تناسب شي ريسطو !
- لي ختاريتيها نتا مناسبة !
[ شاف فيه كيقوليه من نيتك ] وا دوي نيشان بلا تمرگين!!
🔹ضور عينيه بيناتنا بتردد و ماقدر يوجه لتا اختيار .. : غاتجاوبنا اليوم و لا نرجعو غدا ؟[ ابتاسم بقلة حيلة ] والله ماعرفت.. غا لي بان ليكوم ، كلهوم مزيانين..
🔹شاف فيا ياسين بمعنى غادي يخرجنا فحيط آخر .. : عرفتي شنو ، زيدنا غير قهوة..- هي لولة!
ياسين : زيدو غير هو! [ شاف فهيثم ] خاصني نعس اليوم بكري ، غدا غاندي الدراري لعند جداتهوم ![ حرك راسو كيفكر فنفس الوقت ] عندهوم عطلة ؟
- اه..- اوا غدا نخويو الصباح ، دوز معاهوم وقت شوية .. ولعشية ديهوم ، و بالليل نشدوها خدمة !
- نرجعو نخدمو تاني الليل تا للفجر ..
- بحال لي ولفنا!- بلان .. نيت كيكون السكات و الدنيا خاوية !
- مشات؟
- مشات ..
🔹انا من النوع د الناس لي ، مع الاسف ، التركيز ديالهوم كيكون طالع بالوقيتا دالليل كتر من النهار ! و هدشي لي ماكيفهومش بزاف د الناس ، منهوم ياسين .. حيت بالنسبة ليه التركيز ديالك تقدر تحكم فيه بالوعي كيف بغيتي ! والا نعستي مزيان راك تقد تركز بالليل كيما النهار ...
ولكن هاد المرة قدرت نلقا رقعة مشتركة فين نستافدو بجوج ! ..#يتبع ..
🌹❤️
YOU ARE READING
𝐌𝐲 𝐂𝐚𝐬𝐞 // قــضـيــتــيــــــــے
Romanceقــصـة بـعــنـــوان ⚖ قـــضـــــيـــتـــــي ⚖ بـقـــلــم : 𝐌𝐚𝐫𝐲𝐭𝐚𝐥𝐞𝐬 ━━━━━━━━ ⚖ ━━━━━━━━ ماذا لو أحبتڪَ مــحامـــيــة و ڪــنـتَ قـــضــيــتــها.. دراما اجتماعية بطابع الرومانسية الهادئة ! من مراهقة حبكا...