◽.. :
- شنو المشكل ؟
◽جرها مبعدين على الزحام نيشان لطموبيلتو .. جبد الملف و مدو ليها : - هدا الملف الشخصي ديال الضحية ، سوابق فالتعاطي و السرقة و زيد و زيد!- عادي.. يقدر يكون جبد الصداع مع شي حد من الريوس الكبار و صفاوها ليه ..
- هادشي لي كاين .. دكشي علاش وجدنا ليسط فيها الناس لي تعامل معاهوم فالتبزنيز ، كيما قلتي ، من الريوس الكبار.. ولاقينا شي نقط [ جبد ورقة خرى ] الشكوك كلها كاتجر لهدا !
◽فثواني حسيت النظرة ديالي لهاد القضية كلها تبدلات .. رجعت شفت فيه : واش متاكد ؟ كاين شي دليل ؟[ حرك راسو و دار ليها إشارة بيديه ] قلبي للصفحة لخرى
◽غير شفت التصاور دغيا قلبت عيني من المنظر المقزز.. الجثة مكانش بادي عليها قتل عادي ! رجعت كنحاول نقرا التصاور و الاشمئزاز بادي عليا :
- ماشي اي واحد عندو الجهد باش يقتل بهاد الطريقة .. و مخلي حتى البصمة و التوقيع ديالو لي كان معروف بيه من قبل !
◽حركت راسي بإيماء متبعة هضرتو ، التوقيع كان واضح بالرمز لي تحفر فاللحم د وجهو : ما كاينش احتمال ان شي حد استاغل التوقيع ديالو باش تلصق فيه التهمة ؟- صعيب .. حيت كيما قلت ، جريمة بحال هادي محتاجة نفوذ كبير!
[ حركت راسي ] مادام شاكين فيه ضروري غاتديه للاستنطاق ياك ؟
- و نتي كمحامية ديالو خاصك تكوني حاضرة..
◽ضورتها فراسي ، صورت معلومات من الملف عندي فالطيلي .. : انا غانمشي دب للبيرو ناخد الوراق و نتلاقاو فالكوميسارية !
- صافي ..◽مسافة طريق .. كنا فغرفة التحقيق ، مع الموكل ديالي "بن عمر" هاد الراجل دوز حياتو كلها خارج داخل للحبس و بطريقة ما قدر يطلع فلوس من هدشي و يدير مشروع و يستاقر..
مؤخرا و لا كيبعد على الخدمة ديال الظل و بغا يحسن الملف ديالو و هي فين شديت القضية ديالو بشأن تحويل مبالغ كبيرة من حسابات عملية لحسابات شخصية .. و كنا خدامين على برائتو بإثبات حسن السيرة الشخصية و المهنية !
ولكن ، المجرى لي غاديين فيه الأحداث غايضرب لينا كلشي فالزيرو.. :
صفوان : سي بن عمر ، تقدر تجاوب على الاسئلة و تعاون باش نساليو هدشي ولا ، تبقا محبوس هنا.. و بما انك المتهم الاول ، القضية غاتعقد عندك- لي عندي قلتو !
- أقوالو واضحين .. و عندو عذر فحين البوليس ماعندهومش دلائل كافية !صفوان : ولكن كلشي واضح و الا بغيت-
- تا القانون واضح ! و كيعطيه حق الاختيار فالاجوبة ديالو .. الاتهام ديالكوم باطل ، هدشي علاش غانحبس هاد التحقيق هنا ، و الا كانت اي حاجة وصلوها ليا انا !
◽حرك راسو و سد الملف .. خرجت مع الموكل ديالي حتى لقدام الطموبيل : - واش كاين شي حل؟- خدمتي نلقا الحل راني دايراها.. اما نتا حسب خطاويك كاملين قبل ماديرهوم ! و عندك ساعتاين تستحضر عقلك مزياان و تقول ليا الحقيقة كاملة !.. حيت الا حصلت عليك كدبة وحدة ، قادرة نقلب عليك القضية..
[ قرب على وجهو ملامح استخفاف ] ماعندكش الحق تهدديني ، نتي محامية زعمة و عارفة القانون !
[ نطقات بهدوء و بلاما ترمش ] سي بن عمر ، عطيت وقتي لقضيتك وخا مكاتستاهلش.. على الاقل استاغلو لمصلحتك !
◽رجعت لور منساحبة : ساعتاين ! الوقت كيجري ..
◽ماخليتوش يشوف فيا ذرة تردد و لا خوف .. طلعت للطموبيل و تحركت من تما !
هاد النوع د القضايا ماشي ديالي .. انا كانخدم مع العائلات فالطلاق و حقوق ولادهوم و الورث! و لكن التبزنيز مكانحطش فيه يدي ، وخا فيه فلوس و يقدر يطلعك لمراتب عالية بزربة ! كيما يقدر يهبطك بنفس السرعة ..
بنعمر قضيتو ساهلة بالنسبة ليا و لعبة حفضت قواعدها .. غادي نساليها و نسالي معاه الشغل ! حيت على ما بان ليا ، لي كيخلوض مرة كيعاودها كل مرة و ماعمرو كيتوب ...[ 9:00 pm ]
◽تكيت راسي على صدرو و غير ثواني حسيتو سد الكتاب لي فيديه و دوز صباعو بين خصلات شعري .. : - كي داز نهارك ؟
- عادي بحال گاع الايام ![ حرك راسو ] مزال مطولة خدمتك فالكوميسارية ؟
- بقا ليا شهر و نرجع للبيرو و للمحاكم تاني ..
- امم ، وشنو لي حسن ؟
[ طلعات راسها ] الصراحة .. بجوج ! [ رجعات متكية ] ولكن انا ولفت المرافعة فالمحكمة ، الكوميسارية قنطاتني شوية .. [ ناضت گالسة كاتشرح ليه و مندامجة فالهضرة ] و لي كيمرضني هو منين كانشد شي خيط فقضية و كانطلع للسما و نزل لرض باش نفكو و فلخر ، كيقوليك صافي اري دكشي كلوو و تسناي المحكمة لي تقرر ! [ عضات على صبعها بانفعال ] الفقصة !!◽كنت محتاجة نقول هاد الهضرة بالجهد صراحة .. تنهدت مبردة و غير شفت فيه كان شاد الضحكة بابتسامة مفروشة : غير ضحك نتا لي جات معاك ..
◽عنقني لعندو وهو كيضحك من قلبو.. حطيت راسي عندو بابتسامة و بقيت كانسمع لكلامو لي كيحاول يخفف عليا و يشجعني فنفس الوقت ...#يتبع ..
ماريا جربات عالم آخر من خدمتها كيجاتكوم 👀 ؟
ESTÁS LEYENDO
𝐌𝐲 𝐂𝐚𝐬𝐞 // قــضـيــتــيــــــــے
Romanceقــصـة بـعــنـــوان ⚖ قـــضـــــيـــتـــــي ⚖ بـقـــلــم : 𝐌𝐚𝐫𝐲𝐭𝐚𝐥𝐞𝐬 ━━━━━━━━ ⚖ ━━━━━━━━ ماذا لو أحبتڪَ مــحامـــيــة و ڪــنـتَ قـــضــيــتــها.. دراما اجتماعية بطابع الرومانسية الهادئة ! من مراهقة حبكا...