𝐌𝐲 𝐂𝐚𝐬𝐞 // قــضـيــتــيــــــــے

𝐂𝐡𝐚𝐩𝐭𝐞𝐫 𝟓𝟓

         🔹تبلوكيت بين فكرة انني غير كانتخيل و لا هي بصح لي واقفة قدام عيني.. فقت منين تحركات داخلة من الطيراس ، ديك الساعة حبست التفكير وكنت باغي غير نلحق عليها !..

                     🔹ضورت عيني على كل بلاصة ، حتى بانت ليا الطموبيل تحركات من الجهة لخرى و نيشان شدات الطريق مدينارية دقة وحدة.. دوزت يدي على راسي ماعارف شنو ندير.. قدما كانحاول نقتانع بفكؤة ان الغلط مكانش كبير والمشكل يقدر يتحل ،قدما الأمور كاتعقد كتر  ...
                 🔹طلعت للشومبر بالخف خديت الطيلي، لقيت شي مية ابيل من ياسين.. دوزت نمرتها هي لولة مجاوباتش .. دحلت لواتساب ، لقيت ياسين مصيفط ليا ميساجات عاد فهمت كفاش وصلات لهنا ! ولكن هدا كان آخر همي ، حرفيا ...

                     ◽كنت محتاجة گلسة حدا البحر نشف فيها دموعي كاملين قبل مانرجع ..  قلبت الطريق ديك الساعة، رجع الطيلي كيصوني سكتو فمرة و لحتو للجنب متجاهلاه ! ...

                     🔹ديك الساعة خرجت من تما ، خديت طموبيلتي ، كنت غانمشي للدار ولكن فكرت انها تقدر تكون مشات لبلاصة خرى ، وفهاد الليل ! خاص نلقاها دغيا ، وديك الساعة تقدر دير فيا لي بغات، ماشي مهم..
                    حاولت نتبع الطيلي ديالها و من الزهر كان الgps مآكتيفي ، قدرت نحدد الطريق لي هي فيها و يت مختصى من تما نيشان لعندها ....
                 🔹30 دقيقة من بعد قدرت نوصل للبلاصة فين الإشارة كانت واقفة .. طلقت عيني حتى بانت الطموبيل واقفة على جنب فبلاصة معزولة شوية !

                  ◽گالسة فهدوء و كانشوف فالفراغ ، الدموع مابقاوش و اصلا مالقيتش الجهد باش نبكي .. غير گلست كانتأمل سخرية الموقف لي انا فيه!
          سمع طرقات خفاف فالزاج ، طلعت راسي فيه و حليت الطموبيل مخلياه يطلع ..الصمت !
             🔹توقعت بزاف دلحوايج ولكن هاد السكات بهاد الطريقة خلعني .. ماعرفتش شنو كيضور فبالها و لا شنو باغة دير ! وانا فالجهة لخرى مزال ماستوعبت تا حاجة من لي وقع ، فين كنت و فين وصلت! طفيت صوت الأفكار المخربقة فعقلي و نطقت بأول حاجة بانت ليا منطقية ديك الساعة...

                     ◽مور كلشي قررت نسمح ليه و نتجاوز ، ناخد طلاقي و كل واحد يشد طريقو بسلام.. مابغاش ، تعكس معايا قال الموت لي غاتفرقنا ! حاولت نبين ليه بلي دكشي لي دار ماساهلش و كون كان أي بنت خرى فبلاصتي كانت غاتأتر على مستوى آخرر.. ماتسوقش و قال انا لي مكانفهمش فالحب !

                الوقت لي انا جات فبالي فكرة فرصة ثانية و نعاودو نبنيو العلاقة من لول ، هو تجاوز و بدا كيداوي جراحو بعلاقة خرى .. الوقت لي انا بغيت نتنازل جات قدامي الحقيقة بأوضح الصور ! ولكن ، واش لخاطري انا رجعت ؟...
- لي بغيتيها غانديرها .. الا كنتي-

[ قاطعاتو بسخرية ] انا غلطت أ ماريا! عارف راسي شنو درت.. ولكن ، انا كانبغيك ، و من كترة الحب ديالي ليك انا كنت كانشوفك نتي فديك البنت! فهميني ..[ شافت فيه بملامح جدية ] هانا اختاصرت عليك الطريق..