قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎
[ نهار العراضة ]
◽الكليكة كانت كلها حاضرة فدار نسرين .. :- مرحباا بيكوم ، نهار كبير هدا !
[ الجميع ] : شكرا .. ربي يخليك .. ترحب بيك الجنة ..
◽فلول مبانلياش حسو ، گلسنا شويا معاها عاد جا داخل .. بأناقتو المعتادة لي مانقدرش نكرها !.. :
نسرين : مرحبا بيك إحسان ! عتابري الدار دارك ..
إحسان : شكرا احبيبة ، ربي يخليك!
نسرين : هيثم .. نتا راك مول الدار.. ماتحتاجش عراضة.
هيثم : عارف لي كاين
◽ماشافش جهتي الوقت كامل ..و تانا الصراحة ماتسوقتش ، وخا حسيت الوضع محرج شوية للناس لخرين ...
◽قبل مانوصلو على الغدا .. حطات لينا صينية د أتاي مع حلوة و بقينا مجمعين عليها شحال .. :
مروى : اوا فهاد الجماعة الزوينة ..إحسان بغات تگول ليكوم شيحاجة !إحسان : نتوما لولين لي غاتعرفو بهدشي من بعد العائلة ..
🔹ماشافتش فيا ثانية وحدة ، وخا غير بالغلط .. تما عرفتها نساتني ، ودكشي كولو لي كان ، سالا قبل مايبدا .. :- أنا و هيثم ، تخطبنا !
◽ديك ساعة حسيت هضرتها نزلات عليا بحال الرعدة ! كفاش؟؟ انا لي كنت معولا غايطفا الغضب و يرجع كلشي لبلاصتو!! حسيت براسي حمارة ! و هادي كانت تاني مرة غايخليني نحس بالشمتا ...
◽كلشي بدا كيبارك ليهوم ، نضت تانا درت الصواب و فرحت مع ديك البنت ، لي ماعندها دنب فهدشي ..
ماقدرتش نبين الحزن قدامو و لا حتى وراه ، مشا الله يعاون و خا دارها بالغدر ولكن عادي ...قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎🔹صورتها و صوتها و هي واقفة قدامي كتبارك ليا ، مبغاتش تفارق بالي .. خايبة تبغي شي حد و تبلا بيه ، حتى تلقا راسك كتقلب على دواك منو ! ..
◽زادو كملو عليا بديك الحفلة الليلية لي بغاو يديرو ، باش يفرحو بيهوم زعمة !..
و بغيتيني نقوليهوم لا مانحضرش ، باش هي هاااديك يطبع عليا مدلولة دوريجين ..
◽جمعت دكشي لي بقا ليا فالصبر ومشيت نحضر معاهوم .. نيت نشوف بعيني شكون بغيت و فيمن تقت !🔹ماعرت لاش زادوني تاهوما بهاد الحفلة ! هدشي غير دوينا مزال تاحاجة ماكاينة ، غير هي بغات تسبقها وصافي ! وصراحة تانا ماصححتش. هصؤتها حيت كنت بغيت نشوف ماريا شنو غادير .. ولكن .. الله يخرج السربيس على خير ، حيت ماعندي گانة !
◽الحفلة كانت فواحد اليخت فالبحر .. هو لي كراه ديك الليلة !
اوا مشيت على سعدي ووعدي ، مقادة و كنضحك ! گلسنا ، شمن عصير و شمن حلوى و شمن ديكورات ، بحالا ماعرت شنو كاين ..
و طبعا الحاجة الوحيدة لي ماندمتش عليها هي الماكلة ، بحال ديما ، كانت بنينة !
.. جاو الكوبل داخلين و شاد فيها و هي فرحانة ، و كيصورو فيهوم و الحالة ..
كترت الرومانسية..
القضية كانت صعب من لي تخيلت ، بقيت لابسة ماسك و لكن تخنقت بزاف و درت بحالا صونا ليا الطيلي باس خرجت لبرا معزولة عليهوم .. كان ضاير شوية دالبرد ، مع جو البحر .. جا على گانتي !
دقائق .. خرج تاهو وقف حدايا وجبد يكمي .. وهادي كانت أول مرة غادي يكمي قريب ليا لهاد الدرجة ! .. :
- مبروك مادرتي .. فرحت ليك!
◽كدبة بيضة مادات ماجابت .. :
- شكرا !
◽ضورتها فراسي شوية و قلت الله يلعن الشيطان ، تا الا تفارقنا ، تكون الخواطر صافية .. :
- سمحليا ! على ديك لهضرة لي قلت دك النهار ! يوقع لي يوقع عمرني كان خاص نجبد دكشي ..
YOU ARE READING
𝐌𝐲 𝐂𝐚𝐬𝐞 // قــضـيــتــيــــــــے
Romanceقــصـة بـعــنـــوان ⚖ قـــضـــــيـــتـــــي ⚖ بـقـــلــم : 𝐌𝐚𝐫𝐲𝐭𝐚𝐥𝐞𝐬 ━━━━━━━━ ⚖ ━━━━━━━━ ماذا لو أحبتڪَ مــحامـــيــة و ڪــنـتَ قـــضــيــتــها.. دراما اجتماعية بطابع الرومانسية الهادئة ! من مراهقة حبكا...