قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎
اوا هكااك ..وخا حاسة بيها قريبة !- وا هنينا صافي..
🔹قلت ليك راه كطيرها فالسما ، دغيا كتقراني ، خاصني غير نعتارف .. :
- شي خبار على خالتي ؟- حالتها هي حالتها ..
- وا يكون خير .. ماديرش فبالك !
- ان شاء الله ..
🔹 ديما كتسول فيك و تاهي حسات ببلاصتك لي خوات ! ..
◽من بعد ما ضرنا النص دلمول انا و نورة
قدرات تلقا شنو بغات ! سمير هو ولد راجلها ، ولايني كبر معاها منين كانت عندو عاماين ، دايراه بحال ولدها و كتر .. :- كون مكانوش عندو هادوك الطريكوات، كون خديت ليه منهوم مزال.
- ماعليش ، هكا يبدل حتى الشكال و مايقنطش ، راه باقي صغير..
- دكشي لي قلت تانا ..
◽ جا السيرفور و خدينا لي بغينا فلاطيراس مبرد و فيه شوية السكات .. كنهضرو و ناكلو مدوزين وقيتا زوينة!
الصراحة.. بغيت نعاود ليها على هيثم ، ولكن فنفس الوقت مبغيتش نزرب! ولكن من هدشي لي وقع تحمست و محتاجة نعاود لختي .. :
- نورة .. بغيت نقولك واحد الحاجة و لكن تبقا سر بيناتنا !- كوني هانية ، راك عارفاني مكنعاود هضرتنا لحد ..
- هادي مبغيتش تا ماما تقوليها ليها !
- وا صافي قولي ..
◽عاودت ليها على كولشي منين تلاقيتو حتى لفين عرض عليا للعشا ، طبعا ، مقلت ليها والو على دك كوكب الأحلام ديالي .. غير الواقع و صافي .. :
- و دبا شنو زعمة ، غاتلاقايه ؟- اه عادي .. حنا اصلا كنا موالفين نتجمعو ! دونك كاين احتمال كبير مايكون والو من هدشي لي قتليك ..
- اممم .. وا حاولي نتي تجبدي منو الهضرة و فهمي شنو تحت راسو !
- مازعمتش! خفت نتقمع ، خصوصا مادازش بزاف على الطلاق ودكشي..
- لا عادي! اصلا قلتي ليا هو تفارق مع مرتو عام قبل ماتعارفو .. يعني صفحة و طواها !
◽عندها الحق من جهة ، اصلا الا بغينا المساواة راه خاصها تكون فكولشي .. ولكن لا ، باقي الحال .. :
- ماعرفتش .. مبغيتش نزرب !- مافيها والو.. وتاهو زعمة عمرو لمح ليك ؟
- لا ، كيهضر معايا باحترام ، يمكن ... كاين تلميحات فأفعالو!
- همم.. و بعدا شي بوگوص؟ كانعرفك نتيا و دوك الاخلاق و المبادئ ديالك!!
◽ وريتها تصاورو فانسطا ، وبان ليا نظرة ايجابية فعينيها.. :
- وا زوين صراحة ، حروفو غزالين ماشاء الله..
DU LIEST GERADE
𝐌𝐲 𝐂𝐚𝐬𝐞 // قــضـيــتــيــــــــے
Romantikقــصـة بـعــنـــوان ⚖ قـــضـــــيـــتـــــي ⚖ بـقـــلــم : 𝐌𝐚𝐫𝐲𝐭𝐚𝐥𝐞𝐬 ━━━━━━━━ ⚖ ━━━━━━━━ ماذا لو أحبتڪَ مــحامـــيــة و ڪــنـتَ قـــضــيــتــها.. دراما اجتماعية بطابع الرومانسية الهادئة ! من مراهقة حبكا...