𝐌𝐲 𝐂𝐚𝐬𝐞 // قــضـيــتــيــــــــے

𝐂𝐡𝐚𝐩𝐭𝐞𝐫 𝟐𝟏

🔹الساروت ديالها ماقدرتش نخليه عندي ، حيت خفت يلعب الشيطان بعقلي و ندير شيحاجة ماهياش ! النهار لي بغيتها قصدت الحلال ، وبغيت نبقا هكا تا ناخدها فالحلال ...
مسافة طريق كنت عندها.. خديت معايا الحلوى لي كاتعجبها عاد دخلت :
- عدبتي راسك!
- مادرت والو..
◽خرج گلس حدايا فالبالكون على المنضر الزوين : قهوة أ هيثم ؟
- واخة ..
🔹انساحبات للكوزينة و طلقت عيني من تما كانشوف المنظر لي عندها.. ضرت كانشوف الطبلة الصغيرة لي حداها ، كانت حاطة رواية و دفتار الجلد صغير فالجنب .. هزيتو فيدي بابتسامة عحبني الديزاين ديالو ! ..
رجعات فيديها طاس القهوة والما.. : شنو كاتكتبي فهاد الدفتار ؟
- غير افكاري عامة وصافي..
[ حرك راسو ] زوين!
◽الحمدلله حطو من يديه ، كون قراك امدكرتي كنت نتلاح من داك البالكون ديك الساعة .. گلس فهدوء مرتاشف من قهوتو عاد نطق : تبداي و لا نبدا !
- بحال بحال ..
◽مد يدو للجيب و خرج منها ساروت .. : هدا الدوبل ديالك.. خديتو داك النهار حيت كنت خايف توقع ليك شي حاجة !ولكن ، من الاحسن مايبقاش عندي.. خصوصا بلا خبارك

[ شافت فيه ] شكرا..
◽مدو ليا و شفت فعينيه عاد خديتو منو .. وسولتو بمزاح : ودبا.. الا وقعات ليا شيحاجة هنا ؟

[ بجدية ] باذن الله مغايوقع والو..

◽حركت راسي بايماء و حطيتو بعيد كانفكر فدكشي لي انا بغيت نعطيه .. : شنو امنيتك فالحياة ؟
◽ضحك بخفة مستغرب من سؤالي .. طول الشوفة قدامو عاد نطق : بغيت فحياتي كلها لي جاية تكوني معايا .. فالخايب و الزوين! تشاركيني گاع التفاصيل و تحضري معايا لكلشي ...

◽سهل عليا الطريق و گال النص فدكشي لي كنت باغة نقول ! خرجت الكارطونة الصغيرة واخدة منها الخاتم ، نزلت قدامو عيني فعينيه لي كانو محتارين : هيثم! [ بلعات ريقها بتوتر ] هيثم عامر ، تقبل تزوج بيا و تكون قضيتي لي بقا فالعمر كلو ؟

◽عينيه توسعو بدهشة و تبلوكا لثواني كيشوف فيا ، عينيه رجعو كيلمعو و لكن سكاتو طول ومية فكرة ضارت ليا فبالي ، كلهوم خايبين...
اخيرا تحرك مقرب بكتافو لجهتي كتر ، جمع يدي بجوج عندو و نطق بنبرة بقات كاتعاود فودنيا ... : قابل نكون ديالك العمر كلو ...
◽تنهدت بارتياج و الفرحة بانت على وجهي اكيد..وقفت ملبساه الخاتم فصبعو ، كان نفسو لي عطيتو و ردو ليا من بعد .. مالقيتش شي فرصة حسن من هادي باش نخدْمو !
وقف مقابل معايا و كوب وجهي بين يديه عاد جرني ضامني لصدرو كتر ...

◽ديك الگلسة فالبالكون هضرنا فيها على بزاف دلحوايج من لي جايين و هيثم تحمس بزاف ماكره غدا نديرو العرس ...

🔹بالليل ..
دخلت للدار دوشت و حليت البيسي ديالي كانراجع التنظيم ديال ( l'événement ) لي تابعني .. خاص كلشي يكون مضبوط و كامل، حيت هو فنفس الوقت فرصة نشهرو سميتنا و نبينو الصورة حسن ...
..كلشي فبلاصتو ، صيفطت البلان لياسين و دخلت حال باج جديدة باش نقاد البلان للعرس .. العرس لي كنت كانحلم بيه من نهار تلاقيتها !
ديجا كنت داير شي افكار فراسي ، حطيتهوم هوما لولين و قيدت دكشي لي غايخص كامل مخلي التفاصيل تا ناخد رأيها فيهوم ...