لعشية ..
🔹غير صليت العصر ، مشيت ندوز الوقت فالگاراج .. كان خاصني نتأكد بلي الطموبيل مزيانة من كل جهة و الا ناقصة شيحاجة نقادها .. وعاد كانت تما واحد الروينة بغيت نجمعها باش نلهي عقلي من التفكير ! ..
ماعارفش كيغادي نواجه هدشي لي جاي ، خصوصا مع ماريا .. هي ماغاتبغيش ضلمني و غاتلوم راسها ، و اصلا اكبر ظلم يقدر يوقع هو تفارقني عليها.. واش نسبق ليها الهضرة و نعرف شنو تحت راسها و لا نديرها فيد الله على أمل يكون خير من مور هدشي .. ماغانفكرش على اساس ! .. :
- فين وصلتي ؟[ فاق من سهوتو ] غير هنا .. مزيان ؟
[ قربات ليه ] الحمدلله..
🔹تكات راسها على صدري معنقاني بدراعها و سكتات مدة عاد بعدات مبتاسمة .. بقيت متبعها تا خرجات للجردة مسحت يدي و لحقت عليها : - هاد الجردة بقات خاوية ..[ وقف حداها ] شنو بان ليك ؟
- ماعرفتش.. بغيت ترجع للون لي كان فيها و تعمر بالورد [ ضارت جهتو ] بغيت الشوفة فيها ترد الروح !- وخا .. نقادوها ألالة !
◽ابتاسمت بخفة و رجعت كانضور عيني على كل بلاصة و كانفكر .. شوية فشنو غاندير فالجردة و بزاااف فاشنو كيتسناني غدا ، عييت نتفادا التفكير و لكن.. : هيثم عييت ، حاسة براسي غانحماق !
◽حط يديه على دراعي متبتني قدامو :
- يوقع لي وقع حنا فيها بجوج .. وخا ؟
◽حركت راسي بإيماء و عنقني عندو .. حسيت بالبرد شوية ، دخلت للدار و خليتو هو مكمل شغالو تما ! ...
[ صباح جديد ]
◽شادة الطيلي فيدي و غادة جاية بحال الحمقة .. كانتسنا منو غير شي خبار ! ماخلانيش نمشي معاه بحكم الطبيبة غاتقرا غير التحاليل و تعرف نشو كاين !
صيفطت ليه الميساج المليون و باقي ماجاوب : ياااربي هادا مالو تعطل!!
◽زفرت بملل وصبري تقادا دوزت لابيل ديك الساعة غير جاوب : فينك غابر؟؟ علاش ماكاتجاوبش ميساجاتي ؟ شنو وقع ؟؟
- دبا باش نبدا ؟- شنو قالت ليك الطبيبة أهيثم!!
- نجي و نهضرو .. راني قريب !
◽عاود سولتو و هو يقطع عليا ديك الساعة .. تنهدت شادة راسي باغي يقتلني صافي ! دقائق سمعت صوت الطموبيل مشيت تلاقيتو فالباب : شنو؟
- ماتخافيش [ ابتاسم ] كلشي مزيان ![ ترخفو ملامحها ] يعني ؟
- يعني ما غاديريش العملية ..
🔹وأخيرا شفت ابتسامتها و تلاحت معنقاني بارتياح .. دوزت يدي على شعرها و دخلنا گالسين : الدوا غاتكمليه تا لخر ، وزيد خاصك تاكلي مزيان و تنساي شيحاجة سميتها القهوة ![ حركات راسها بتأكيد ] كون هاني ..
- ردي البال لراسك مزيان ، و غانساو الدراري تا دوز مدة طويلة .. بغيتك تبراي جسديا و نفسيا !
◽ميلت راسي بابتسامة و حطيت يدي على وجهو : وخا .. شي حاجة خرى ؟
YOU ARE READING
𝐌𝐲 𝐂𝐚𝐬𝐞 // قــضـيــتــيــــــــے
Romanceقــصـة بـعــنـــوان ⚖ قـــضـــــيـــتـــــي ⚖ بـقـــلــم : 𝐌𝐚𝐫𝐲𝐭𝐚𝐥𝐞𝐬 ━━━━━━━━ ⚖ ━━━━━━━━ ماذا لو أحبتڪَ مــحامـــيــة و ڪــنـتَ قـــضــيــتــها.. دراما اجتماعية بطابع الرومانسية الهادئة ! من مراهقة حبكا...