قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎◽دازت سيمانة على آخر مرة هضرت معاه ! تخيلي ..
و ماشي تعفرت ولا شي حاجة ، بلعكس .. صيفط ليه ميساجات و عيطت ليه ، ولكن مجاوبنيش ! صافي ، خليتو على خاطرو ..
درت الغدا يوجد و مشيت تكيت على خدمتي شوية ، نورة مشات تجيب سمير من عند جداتو، شوية ويرجعو..
داز علي الوقت وانا غارقة فدوك الوراق و الخدمة ماعقلت گاع شنو كاين ، تا خرجني من الدوامة الدقان فالباب ..:
- على سلامة !
سمير عنقني فالباب ماطلقش مني تا دخلنا للصالة : كيف داز الويكاند ؟
- زوييين! لعبت بزاف مع با سيدي و مي لالة..
- مزياان
◽قاطع حوارنا صونيط الطيليفون :
- الو ؟ .. اه نعام..
كفاش ؟؟... ماما !!!نورة : ماريا ؟ ياك لباس ؟ مال ماما!!
🌿 الأم .. شناهي هد الكلمة بالنسبة ليك ؟
كل واحد غايجاوب فشكل ..
كاين لي غايقول هي السند .. هي الحب .. هي الوفاء و التضحية .. هي لي كتفهمني و كتحس بيا .. هي الانسان الوحيد لي غاتبقا ديما محتاج حضنو مهما كبرتي و عشتي .. !
ولكن ، فالجهة لخرى ..
كاين لي غايقولك هي مشكل حياتي .. هي العقدة ديالي .. هي الشرير لول فقصتي .. حضنها بارد عمرني عرفت نحط راسي عليه .. ما فقلبها حنان و لا إحساس .. هي لي لاحتني للعافية بيديها !..و انا .. غانقول ليكوم ..
فكلتا الحالتين ، مالقيتهاش !
نهار ضاقت بيا الدنيا و ضلامت فعيني ، كرهتها ..
نهار قطعات من لحمي و لاحتني فالعافية بدم بارد ، قلبي طفا من جيهتها !
لدرجة نهار كانت كتحتاضر فسبيطار كنت كنطلب من قلبي باش عمرها تعاود تحل عينيها و لا نعاود نسمع صوتها ! ..
ولكن ..جا واحد النهار غير متوقع ..
نهار حتاجيت حبها المسموم ، حنانها الناقص و دفء احضانها البارد ، نسيت دكشي كامل .. و ديك العافية ولات كتجيني جنة !
.. بغيت نواسي و نصبر راسي ، مشيت نتكا عليها .. ولكن لقيت مشا الحال .. بزاف گاع ..
حيت لقيت راسي متكيا على قبر قاصح و بارد ، غير من حجر و تراب ، فهمت بلي حضنها كان دفى من نار الحقد لي زرعت فقلبي ! ...قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎◽لساني تشلل و مابقيتش عارفة شنو نقول .. ماشي اول مرة نصادف خبار كحلة بحال هادي ! ولكن هد المرة مختااالفة و بزاف ...
[ نهار الچنازة ]
◽هد النهار هو لي عرفت فيه معنى الحزن د بصح ! .. من ماما ، لختي ، ليا انا .. كلنا الدنيا ضلامت علينا فداك النهار ، السما تغيمات و نقطات الشتا بحال دموع مواساة لهاد القلوب الضعيفة لي ماصبراتش للفراق ...
هدا نهار خسرنا جداتي ، البركة ديال الدار ! الحب لول لكل واحد فينا .. الحنان و الأمان ! معزتها عندي كانت كتر من الدنيا كاملة !
هدا هو النهار لي فهمت ،معنى تشعل العافية فقلبك و ماتقدرش طفيها ! و فهمت معنى الموت مكاترحمش ! والحمد لله على كل حال ...
YOU ARE READING
𝐌𝐲 𝐂𝐚𝐬𝐞 // قــضـيــتــيــــــــے
Romanceقــصـة بـعــنـــوان ⚖ قـــضـــــيـــتـــــي ⚖ بـقـــلــم : 𝐌𝐚𝐫𝐲𝐭𝐚𝐥𝐞𝐬 ━━━━━━━━ ⚖ ━━━━━━━━ ماذا لو أحبتڪَ مــحامـــيــة و ڪــنـتَ قـــضــيــتــها.. دراما اجتماعية بطابع الرومانسية الهادئة ! من مراهقة حبكا...