𝐌𝐲 𝐂𝐚𝐬𝐞 // قــضـيــتــيــــــــے

𝐂𝐡𝐚𝐩𝐭𝐞𝐫 𝟏𝟕

                  [ بعد مرور أسبوع] ..
            
            ◽اليوم عرس ليلى وياسين ، انا متحمسة كتر منهوم گاع !
بعدا اللبسة : قفطان ديالي كان فالقهوي، و لون التوب كان هو لون الطرزة يعني دكشي سامبل و خفيف .. درت معاه بوط قصير فلكحل ، ماكياج مناسب و خليت شعري مطلوق ..
لبست خاتمي ، زدت عليه حوالق هكا خفاف و صاك صغير تاهو فلكحل ...
             ◽ ماجيت فين نوجد حتى صونا عليا هيثم باش نزل ..
غير من نضراتو ليا فالباب ، وقبل مانسولو كي جيت ، عرفت بلي عجبتو .. :
- مزيان ؟

- جيتي زوينة.. بزاف ..

- شكرا !
                  ◽حل ليا الباب حتى ركبت و رجع بلاصتو و ملامحو باقي باين عليهوم الإعجاب .. تاهو الصراحة ، جا زوين وانيق ؛ طريكو كحل مطراسي على عضلاتو وسروال دجين  مع ميني بوط فنفس اللون ، من الفوق مونطو طويل فالباج .. جا زوين ! ..
               
      ◽مسافة طريق وصلنا للعنوان ..
     دارو العرس فواحد الفيلا كبيرة! الديكور كان زوين و الطوابل و دكشي كلشي فبلاصتو..
       گلسنا انا وياه فطبلة مع سارة و ولاد ليلى و ختها ! .. اما واليدين هيثم گلسو مع عائلة العريس...
         حنا من الأوائل لي وصلنا ، هيثم كان باغي يعاون فالتنظيم باش يهني ياسين هاد الليلة يخليه مكافي غير مع راسو ..!

               🔹كلشي كان مقاد كيفما بغاه ، الصراحة فرحت ليه و رتاحيت من جهتو .. ولكن لي زين هدشي كامل هو هد البنيتا لي معايا ! تا كنتلف راسي و بلاما نحس كنرجع نشوف فيها ...

                  ◽دخلو العرسان! بدات الموسيقى و الأنظار كلها توجهات ليهوم .. كانو مواتيين بگاع تفاصيلهوم !
      بدات الحفلة بانواع الموسيقى و بنادم غير كيشطح منين دخلو .. واقيلة طبلتنا بوحدها لي بقينا گالسين !

                🔹داز الوقت زوين تما و بنادم كلشي كان ناشط و فرحان .. جا وقت الماكلة ، دارو طبلة فيها العرسان بجوج مع ناس قراب ليهوم ، وقاليك ياسن والو تجي تگلس معانا !
.. انا حشمت غير حيت كانو واليديه ، ولكن منين بقا شاد فكلمتو مشيت معاهوم ...

                ◽هيثم تفرض عليه يگلس معاهوم .. كنعرفو ماكيحملش يكون محط انتباه الناس بزاف ! يعني ياسين بصح عزيز عليه و بزاف .. :

سارة : هيثم كاره حياتو دبا ..

- ههههه واييه
                ◽سالاو الماكلة و ناضو رجعو لبلايصهوم بينما العرسان دخلو يبدلو .. جات خت ليلى تاهي .. :

- البنات تجيو معايا نعاونو ليلى تبدل !

سارة : واخا .. ماريا ؟
                  ◽ضرت شفت فهيثم دار ليا إشارة بعينيه بابتسامة .. :
- وخا يلاه ..

فدوى : هيثم نخلي معاك الدراري حتى نجيو ..

- اه غير تهناي !
                   ◽دخلنا عندها ، كانت كادير ماكياجها و بادي عليها التوتر .. غير شافتنا ابتاسمات :
- ناري الحمدلله منين جيتو!