𝐌𝐲 𝐂𝐚𝐬𝐞 // قــضـيــتــيــــــــے

𝐂𝐡𝐚𝐩𝐭𝐞𝐫 𝟎𝟔

        قــضـيــتــيــــــــے  🍂
ʙʏ { ᴘᴇᴛʀᴏᴠᴀ} シ︎
     ◽نعست و قلبي مقبوط عليا ..
روتيني ولا من الخدمة للدار ! وخا رجعت لنمطي ، نهضر و نضحك عادي ، مكاينش شي حد شاف دموعي من مور الچنازة ..ولكن ، ربي بوحدو لي عالي و عالم بلي فقلبي .. و هو الوحيد لي غنشكيلو همي ! حيت هد المرة ، حتى نتي امدكرتي ، ماريحونيش سطورك لي نضل نكتب فيهوم ...
[ 4:30 AM ]
         
           🔹 توضيت و صليت الفجر الله يقبل .. طولت فالسجود ، باش همي يتفاجى .. إحساس غاب عليا شحال ! ..
      و من بعد گلست غير كنهضر و ندعي دعاوي د الخير فوق ديك الزربية بداية بماريا لي عارف غاتكون مجروحة!
   .. غير ساليت ، رجعت تكيت شويا بلاصتي حتى داني النعاس ..

[ 11:43 PM ]
           ◽فقت على صوت الدقان فالباب .. نايضة مقلوبة ، نيشان حليت .. :

- هيثم !!

- صباح الخير .. سمحيليا فيقتك !

- ياك لباس؟

- والو ..غير جيت نشوف زعمة الا بغيتي نخرجو شويا نبدلو الجو !

           ◽انا مبوقا ديال بصح ، زرب عليا والله ..:
- اا . نا.. دبا ؟ ..

- الابغيتي ..

- تقدر تسنا ؟

- خودي وقتك ! هانا لتحت ..

- شكرا ..

           ◽سديت الباب و خدمت الكرونو فعقلي ، منين غانبدا .. مشيت طايرة للحمام ، غسلت وجهي ، حكيت سناني و فنفس الوقت خرجت لبست حوايجي .. مشطت شعري بزربا و درت واقي الشمس ، عكر و ريحا عاد نزلت كنقاد صاكي  .. :

- سمحليا ، ياكما تعطلت عليك !

- لا ! .. مشينا

- يلاه..

           ◽كان واقف قدام طموبيلتو كيتسناني ..  حل ليا الباب وحط يديه من الفوق باش منضربش راسي ! حسيتو دارها تلقائيا و لكن ، قلبي كيتهز فبلاصتو !!
ركب حدايا و ديمارا .. :

- فين غادي نمشيو ؟

- فينما بغيتي ..

- ماعرفتش .. نتا لي عرضتي عليا ، فين كنتي ناوي تديني ؟

-  تا نوصلو و غاتعرفي ..

           ◽اكتافست بابتسامة و عيني على الشرجم ..صراحة ماعرفتش كفاش تقت و ركبت معاه بلاما نعرف فين و علاش! و المشكل انني كنت گالسة مرتاحة بحالا مانقصني خيؤ.. فحين ان أغلب حالات الاختفاء و الاختطاف كاتكون هاكة و من اقرب ااناس للضحية ! .. ولكن نقدر نخلي شيحاجة لي تبين على انه هو آحر واحد كنت معاه... دبا انا علاش وصلت لهاد الافكار كاملة !
          ماعمرني تقت فشي حد هاككة يمكن ، دكشي علاش.. الخلاصة ، الا شي نهار غبرت عرفيه غايكون غير هو لي دارها !....
       
قــضـيــتــيــــــــے  🍂
ʙʏ { ᴘᴇᴛʀᴏᴠᴀ} シ︎