𝐌𝐲 𝐂𝐚𝐬𝐞 // قــضـيــتــيــــــــے

𝐂𝐡𝐚𝐩𝐭𝐞𝐫 𝟑𝟏

               ◽داز الوقت تما بلاما نحسو.. بزز باش خلاتنا نمشيو ، كانت باغة تشدنا عاد للعشا و لكن ماقديتش نعدبها كتر .. و عاد كان خاصها ترتاح !
             ودعاتنا مأكدة على ماما باش تعاود تجي عندها ..
                      ◽وصلتها تاهي فحالها عاد دخلت .. لقيت السكات فالدار ، هيثم باقي مارجع !
            بدلت عليا و درت قهوة گالسة فالبيرو نخدم شوية .. ساعتاين من بعد طارو بلا حساب !
                      رجعت راسي لور كانرتاح عاد وقفت طافية البيسي طلقت شعري على طولتو بارتياح و خرجت للبالكون مخلية الريح الخفيف ديال الليل يضرب على وجهي .. كانحس بالراحة !

                     ◽عقلي كان كيضور بين الافكار .. كلشي لي عاودات خلاني نفهم بزاف دلحوايج و نشوفها عن قرب ! بحال خوف هيثم و تنبيهو ليا ، و كفاش كان مستاعد يدير عملية گاع غير باش مانتضرش ! ..
                  كان خايف يرجع يوقع ليا نفس الشي و صحتي ضعاف .. مسكين هيثم ، تحرم من مو و تحرم من باه فواحد الوقيتا لي كان محتاج ليهوم بجوج ، وهدشي كلو ماخلاهش يكرههوم ولو شوية ! بالعكس ، كانشوف الحب فيعينه وتصرفاتو و باغي غير يتقرب منهوم يرضيهوم و يكونو مرتاحين ..

                      ◽هادا هو نوع الرجال لي تمنيت نعرف فحياتي .. الصراحة فرحانة لي قلبي ضرب لإنسان بحالو ، كتبت عليه شلا سيناريوهات من قبل ولكن عمرني تخيلت هادا ...
               على أفكاري بان ليا داخل من باب الگاراج ، ابتاسمت  كانطل قدامي بينما طلع .. دقائق تا سمعت خطاويه ورايا جا نيشان عنقني من لور متكي راسو على كتفي : - توحشتك !

[ ابتاسمات ] تانا .. اليوم ماشفتكش گاع ! 

- اممم سمحي ليا اغزالتي ..
                       ◽تقاد فالوقفة مضورني جهتو ، سكت شوية قبل مايكمل هضرتو عينيه غير كيتساراو :
- حسيت بحالا داز بزاف دالوقت باش ماشفتكش ..

[ ضحكات بخفة ] هادي طريقة خرى باش تقوليا توحشتك بزااف أمراتي !

                        ◽ حرك راسو بإيماء و طبع قبلة على جبهتي .. جرني من يدي داخلين ، وقف كيحيد الفوق و شد عنقو من لور بتعب : - عييت ..

[ قربات مدوزة يديها على صدرو ] ماساج ؟
- ماكرهتش ..

                             ◽رجع گلس و وقفت موراه كانمسد بيدي تحت عنقو و بين كتافو تا غمض عينيه مرخي .. : شفت خالتي ولات حسن بزاف من داك النهار !

- الحمدلله ..
                            🔹يديها كانو بحال الدوا غير كادوزهوم على شي بلاصة كانحس بالحريق و العيا كلو كيتجر معاها .. مايمكنش شحال ترخيت ! .. :
- واش يقدر يوقع ليها هاكة مرة  خرى ؟

[ بنبرة تقيلة ] ماعرفتش ..

- همم..و ماكاينش الحل زعمة؟ ياك كانت متبعة شي علاج قبل ، علاش ماترجعش تكملو ؟ [لا رد ] انا غير قلت زعمة.. اللهم داك الشوية د الألم و تبرا و لا تبقا معدبة...
                   ◽حط يدو على يدي حابسني .. :
- صافي براكة!

- غير خليني نكمل راك مزال متعوب ..
                   ◽حل عينيه كيشوف قدامو و كملت الماساج .. رجعت كانضور الهضرة على نفس الموضوع تا نطق : جيني من لخر [ ضار جهتها ] شنو فبالك !

                         🔹سكتات شوية كاتشوف فيا عاد نزلات گالسة حدايا .. :
- ماماك عاودات ليا كلشي ..

[ تنهد ] كون كان بيدي كون عتقتها فلول .. ولكن ، هدشي لي مكتاب !
                       🔹سكتات و انا غارق فأفكاري ، بصح كانقول كون غير درت شي حاجة باش نعتقها و خا كنت صغير و ماعندي جهد ، ومافاهم تاحاجة اصلا .. هادشي كيجرني لفكرة خرى وهي كفاش كانلوم راسي وخا ماداير والو و ماكان عندي ماندير .. عاد هي ؟ شمن تأنيب غايكون عندها و كفاش نفسيتها غادي تكون من مور هاد السنوات كلها ! .. حطات يديها على يدي :
- ولكن قدرتي تعتقني انا..
  
               🔹شفت فيها كفاش مبتاسمة و نبرتها كانت فيها امتنان .. بحالا  قرات افكاري و عرفات شنو ضاير فعقلي !

                         ◽وقف مدوز يدو على شعري و دخل للدوش .. تنهدت بارتياح و تخشيت بلاصتي مرتاحة بينما سالا ! غير دقائق ، طفا الضواو و تخشا بلاصتو معنقني فهدوء ...

              [ بعد مرور سنة .. ]
                      ◽خديت قهوة فيدي و وقفت قدام البلاكار كانحاول نسق شي لبسة زوينة لغدا .. كاين عيد ميلاد دانية ! دخل و جا نيشان محيد ليا الكاس من يدي :
- هادي بلاش ..

- خليني أ هيثم اليوم راني دايخة !

[ عنقها ] علاش مالك ؟
- ماعرفتش .. حاسة بالقنطة و تالفة غير بوحدي !

- خرجي من أفكارك شوية ، غدا زعمة راه محتافلين !
[ ابتاسمات ] الخايبة دغيا كبرات !
- وا دغيا الوقت كيدوز .. هدشي علاش خاصنا نستاغلوه ماشي نضيعوه فوالو ! [ ضورها عندو ] ياك؟
                         ◽حركت راسي بإيماء و بدا كيحرك يد على داتي بحرية .. :
- ختاريتي شنو غاتلبسي ؟

- مزال.. حايرة بين هاد الجوج صراحة ! [ طلعات راسها ] شنو بان ليك ؟

- بجوج زوينين..

- و شغاندير مانقدش نلبسهوم بجوج ..

- علاش لا !  [ شافت فيه بتساؤل ] : لبسي وحدة غدا ووحدة اليوم.. حيت اليوم غانتعشاو برا !

[ ابتاسمات ] وفين غانمشيو ؟

- فينما بغيتي انا معاك !
                     🔹جمعات يديها بجوج بحماس و كاتحاول تفكر .. بقيت مراقبها تا رجعات شافت فيا : نمشيو نجربو داك الريسطو لي حل جديد فالسونطر ، كاندوز عليه فالطريق للخدمة كيبان زوين صراحة !

- صافي نمشيو ..
                     🔹خليتها تبدل فالدريسينغ و تكيت فوق الفراش مغمض عيني نرتاح شوية .. طاح واحد الهدوء ل دقائق ماقاطعو غير صوت الطيلي ديالها  : ماريا !
- غير الخدمة بلاما تجاوب ..

                    🔹قطعت ليه الصوت و نضت كانبدل عليا تا خرجات كاتقاد شعرها .. : توقيت خدمتك غادي وكيتعقد شوية

- وليت خدامة على قضايا من الكوميسارية هكا استشارات و اجراءات و راك عارف .. دكشي باش
               🔹ابتاسمت محرك راسي و قربت حداها كاتقاد شعرها : الله يعاونك !

[ ابتاسمات بفرحة ] امييين..

#يتبع..
سمحوليا على البارت قصير .. هادو هوما بداية الأحداث لي غيرونو سيرورة الاحداث و يجرنا للجانب الآخر من القصة 😉🔥🔥
كونو حاضرين 😍❤️