◽لعشية مشيت للدار .. عيات فيا نورة باش نبات معاهوم ، ولكن كنت محتاجة نبقا بحدي ، ومابغيتش يشوفو الحالة السلبية لي انا فيها .. مع دخلت عيني تغرغرو بالدموع ، هاد الدار الفرحة لي دخلات لقابي فاش دخلت ليها اول مرة ما كاتوصفش.. دكراياتي فيها ما كيتسالاوش! داز فيها الزوين و الخايب !
◽حبست افكاري ديك الساعة و مشيت كانحل الشراجم باش تهوا شوية .. وخا هكاك كانت نقية ، حيت هو كان موصي الخدامات يجيو كل سيمانة باش يخملوها و يحيدو الغبرة و دكشي !
نيشان للدوش طلقت عليا ما دافي و حاولت نرتاح .. ساعة من بعد عاد خرجت لابسة عليا حوايجي ! تلاحيت فزق الفراش بتعب و برونشيت الطيلي حدايا شاعلاه ، لقيت مليون ابيل منو .. تجاهلتهوم و دخلت مصيفطة لنورة : 💬راني وصلت.. كلشي مزيان!💬على سلامتك.. رتاحي شوية 😘
◽حطيتو على جنب .. وخا هكاك ماعرفتش شحال غانقد نگلس فهاد الدار مزال ! ماعنديش فين نمشي ، حتى واليديا مامسيقاش ليهوم الخبار بلي واقعة شيحاجة .. غانحاول نرطز على دبا و لي جاي تا نوصل ليه و نشوف شنو غادي ندير... تغمضو عيني على هاد الافكار ![ صباح جديد ]
◽اول حاجة وليت كانديرها هي الماكياج ، كانطلي وجهي كلو عاد كانخرج من البيت.. وجدت فطوري و الطيلي حدايا كانشوف ابيل مور ابيل من عندو ، مخلي حتى ميساجات و لكن مادخلتش نقراهوم بمرة ! طفيت الطيلي و كملت فطوري .. عاد طلعت كانبدل !
◽مشيت للگاراج و ابتاسمت كانشوف طموبيلتي .. 3 شهور ماقصتها و لا شفتها ، بحالا توحشتها شوية ! حيدت الباش و حاولت نسمح الزاج من الغبرة الخفيفة ، قلبت واش كلشي هو هاداك عاد خرجت من تما نيشان للسطاسيون ، لعند واليديا .. توحشتهوم بزاف ! ....🔹.. :
- كاين شي جديد ؟
[ حرك راسو ] غاتحمقني.. مرة خدام مرة طافي!- صافي رخف عليها ، تا تبرد و ديك الساعة هي غاتعطيك الفرصة ..
- علاش ماخواتش الدار قبل ؟ علاش بقات ديك المدة كلها .. عاطياني أمل
🔹سكت لايح الطيلي للجهة لخرى .. :
- غانخرج الدراري للمول شوية ، تجي معانا؟
- مافياش..
- و عندك ماتلبس و لا غاتبقا مشارط معا فداك البلاكار؟- مابقات تاحاجة صحيحة.. ومافياش لي يبدا يشري من لول!
[ ضحك ] فهادي صرعاتك..
[ لاح عليه المخدة ووقف مدوز ابيل ]🔹غير قطعت مع الواليدة رجعت گلست حداه.. من جهة كانقول راخا بيخير و غاتطون مشات عند عائلتها و من جهة خرى كانقول عندتك تكون وقعات ليها شيحاجة و لا ضغطات راسها فشي حالة ماهياش .. ومابفيتش عارف شنو نفكر!
◽.. :
- سمحو ليا جيت على الصباح..
نادية : ماتقوليش هاكة ابنتي دارك هادي!- بابا ما كاينش؟
- خرج يتمشا.. شوية ويجي!
◽دخلت معاوناها فالفطور ، و متبادلين الهضرة .. : - ولفتي كازا شوية ؟
- ماشي بزاف .. الصراحة ماقدرتش نتأقلم فيها مزيان!
YOU ARE READING
𝐌𝐲 𝐂𝐚𝐬𝐞 // قــضـيــتــيــــــــے
Romanceقــصـة بـعــنـــوان ⚖ قـــضـــــيـــتـــــي ⚖ بـقـــلــم : 𝐌𝐚𝐫𝐲𝐭𝐚𝐥𝐞𝐬 ━━━━━━━━ ⚖ ━━━━━━━━ ماذا لو أحبتڪَ مــحامـــيــة و ڪــنـتَ قـــضــيــتــها.. دراما اجتماعية بطابع الرومانسية الهادئة ! من مراهقة حبكا...