𝐌𝐲 𝐂𝐚𝐬𝐞 // قــضـيــتــيــــــــے

𝐂𝐡𝐚𝐩𝐭𝐞𝐫 𝟏𝟐

- هيث..م عفاك ، عتق..ني ..
             🔹 هدي آخر هضرة قالت قبل ماطيح سخفانة بين يديا .. بقيت كنضرب على وجهها بخفة باش تفيق :
- كوثر .. كوثر نوضي ..
               🔹خرجات عندنا ليلى .. :
- شنو واقع ؟
- ماعرفتش غير تا لقيتها قدامي ..
                  🔹تلاقاو عينينا لثواني قلال و بحالا قرات شنو ضاير فبالي : ياكما .. ياكما هي لي!

         🔹مالقيت باش نجاوب.. دخلتها لداخل باش يشوفو شنو عندها ، بقات مدة و هي فاقدة وعيها ..
      
      فوسط روينة أفكاري بدات كاتفيق.. تقادات فالگلسة كاتحاول توگد .. قربت حداها ماد ليها كاس د الما ، طلعات راسها فيا مدة طويلة عاد شداتو .. :
- شكرا ..
                🔹شفت وجهها كلو زرق ، يديها مخبوشين و جهة عنقها تاهو. .. عامرة ضرابي ، قدام و جداد !تنهدات بنوع من الارتياح و طلعات فيا عينيها مرة خرى.. :
- شكرا .. حيت بقيتي هنا!
      🔹اكتافيت بالصمت دقائق ، تا دخلات. ليلى سادة الباب وراها .. :
- كوثر صافا ؟
[ حركات راسها بإيماء ] .. الجروح لي فداتك صعاب شوية ، ولكن الحمدلله ماعندك مناش تخافي ،على راسك وعلى.. [ شافت فهيثم ]. وعلى الجنين !
                      
     🔹ملامحها تبدلو للحزن و القلق فعوض الارتياح .. حطات يديها على كرشها و طولت فسكاتها ! ليلى شافت فيا مرة خرى بحالا كاتشاورني واش تهضر و لا تسكت .. :
كوثر : بغيت نمشي فحالي!
ليلى : رتاحي شوية بعدا
            🔹حركات راسها بالنفي كاتحاول توقف .. تا نطقات ليلى بوضوح خلاتها ترجع تگلس ركابيها فاشلين عليها :
- كوثر ، لي فكرشك بزز باش عتقناه! حاولتي طيحي الجنين ، وهدشي ماشي عادي !
                    
       🔹هضرتها صدماتني شوية .. كوثر كانشوف فيها بزاف دلحوايج ، ولكن ، تقتل ولد فكرشها و هي لي كانت غاتحماق و يكونو عندها الدراري .. هادي ماشي كوثر ! .. :
ليلى : الا بغيتي نقدرو نعاونوك ، غاديري تحاليل و فحص من الطبيب وهو غايخرج ليك شهادة بلي كاتعيشي عنف منزلي .. تقدري تبتيها تا بالضغط النفسي ! .. و القانون غايدير ليك الحل

[ رفضات بحدة ] مابغيتش ، مامحتاجة لتا حد يعاوني !
      🔹وقفات متجاهلة هضرة ليلى بزز كاتحاول تلبس جاكيطتها حتى دخل كيجري و على وجهو ملامح ذعر .. :
- كوثر !!
                 🔹قفزات من بلاصتها و بلا وعي جات جهتي مخبية .. العروق فيديه تزيرو و زير على سنانو : كوثر ماتخافيش .. ماتخافيش انا جيت هنا نعاونك !
                   🔹نزلات دمعة من عينيها و مشات عندو معنقاه و محتامية بيه .. ليلى شافت فيا بمعنى شنو واقع ، سكت حيت تانا مافهمت والو .. دوز يديه على وجهها :
- گلسي رتاحي شوية ، وماتخافيش !
 
                       🔹غير گلسها شوية شاف فيا ، و لأول مرة من مدة طويلة عيني غايجيو فعينيه .. : واحد الدقيقة ؟
          🔹خرج من الشومبر و انا تابعو تا وقفنا فالكولوار .. : راه ماشي انا لي كانضربها ! [ سكت مدة طويلة ] من نهار عائلتها عرفو شنو وقع بيناتكوم.. و هوما معيشينها العداب ! بززو عليها تصالح معاك ، و ترجع ليك... كرهاتك و كرهتك حتى انا أهيثم [ شاف فيه بنضرات مهرسة ]
[بهدوء ]دبا انا لي غالط ! انا لي رونت ليكوم حياتكوم !