𝐌𝐲 𝐂𝐚𝐬𝐞 // قــضـيــتــيــــــــے

𝐂𝐡𝐚𝐩𝐭𝐞𝐫 𝟐𝟕

◽من جهة خرى .. هاد المشاعر و هاد الهضرة كلها لي قال هي لي كنت محتاجة نسمع .. رجعني للحياة منين كنت واقفة على الطرف، كانتسنا نسمة خفيفة دالبرد تلوحني للموت !
عرفت بلي وخا دور عليا الدنيا الف مرة ، عندي علامن نتوكل و عندي علامن نحط الراس فلخر .. عندي شي واحد لي غاياخد يدي ومايطلقهاش !..

◽طلعت راسي بخفة و كان قريب ليا بزاف لدرجة شفايفنا كان بيناتهوم مسافة خيط! ماترددش و حطهوم من الفوق محركهوم برقة تجاوبت معاه تا تقطع نفسي عاد بعدهوم متكي جبهتو على جبهتي و يديه تابتين على دراعي .. : كانبغيك و غانبقا ديما نبغيك !

- حتى انا ...
◽رجعت متكية بلاصتي بينما هو خرج من البيت .. شديت الطيلي كانقلب تا وصلني ميساج من نورة : 💬 شوية وغانجيو خاصك شيحاجة ؟

[ ابتاسمات ] 💬 سلامتكوم احبيبتي 💕

◽جاب ليا هيثم الفطور و انا مخنوقة ماقادة نهبط الضغمة مع حلقي .. وكلني بيديه و بزز مني : صافي براكة عليا !
- كملي غير كاسك بعدا ..
◽خديتو فيدي كانشرب منو شوية بشوية تا كملتو .. رجعت راسي لور و خليتو كيجمع البلاطو ، رجع حاط ليا قرعة دالما حدايا و عاود مشا ...
🔹تكيت راسي على الحيط مطولا كانحس بصدري ضاق عليا .. ماشي وقتو !! مابقيت فاهم هادشي واش مرض جسدي و لا نفسي ، مرة كانكون بيخير مرة شوية دالحريق و لكن دايز و مرات كايشدني الوجع تا كانقول صافي هنا غايسكت ليا قلبي !
حليت عيني واخد نفس عميق منين سمعت الدقان فالباب... استقبلتهوم بابتسامة : مرحبا بيكوم !
- كيبقيتي اولدي مزيان ..
- الحمدلله ا خالتي .. زيدو دخلو ماريا الفوق !

🔹خديت منهوم الساشيات و خليتهوم يسبقو للبيت بينما درت الغدا يوجد.. دقائق عاود سمعت الدقان ، كانت الواليدة و سارة :
- كيبقات ماريا شوية ؟
- الحمدلله.. راها الفوق!
زينب : نطلع نشوفها ..

🔹دخلت للكوزينة..
دكشي لي خاصو يبرد درتو فالثلاجة و سارة كاتستف دكشي لي جابت معاها ..:
- خويا نعاونك مزال فشي حاجة ؟
- لا ساليت..
🔹يلاه خرجنا من الكوزينة لوات دراعها مع دراعي : - نتا مزيان ، ماشادش فخاطرك ؟

- مكتاب الله كيتصرف عادي!
🔹ابتاسمات مكملين طريقنا فالدروج تا عاود سمعت الدقان .. : سيري نتي انا نشوف شكون ..
🔹حليت الباب كانو ياسين وليلى لي تاهوما مادخلوش بيديهوم خاويين .. : عدبتو راسكوم !
- ماتقولش هاكة مادرنا والو.. ماريا فايقة ؟
- اه سيرو راها الفوق ..
🔹سبقات ليلى وجا ياسين حدايا :
- كاين فاش نعاون ؟
🔹حركت راسي بالنفي .. و بقا مطول الشوفة بصمت : قول شنو فبالك..!
- مامخبي عليا والو ؟

[ حرك راسو بخفة ] لا..

- مزيان .. عنداك تهور و تاخد شي قرار مزروب !
- ماعرفتش هاد الساعة ..
- ماكاين لا هاد الساعة لا ساعة خرى أهيثم.. خدم عقلك ! هداك وضع و هدا وضع مختالف كليا !
🔹حركت راسي بإيماء متقبل هضرتو و التاحقنا بيهوم الفوق .. فرحت لي جاو و عمرو عليها الدار هاكة ، بعدا وخا تنسى غير شوية و دوز الوقت ! عاد وجود باباها حداها بان ليا عاونها وبزاف ....