𝐌𝐲 𝐂𝐚𝐬𝐞 // قــضـيــتــيــــــــے

𝐂𝐡𝐚𝐩𝐭𝐞𝐫 𝟏𝟓

🔹خرج العوفير يقضي شغالو ، والدراري تاهوما تفرقو لخدمتهوم ! جات عندي ليلى ، قاتليا ماريا ماقدرات تاكل والو و خرجات غير برا!
مشيت نشوفها و قبل مانوصل عندها .. :

عاشور : الا بغيتي ، نجيب ليك الرمان ! غايحيد ليك الدوخة شوية ..

- شكرا مكاين لاش ..

- صافي انا نرجع للخدمة ، الا حسيتي براسك مزيان تقدي تجي عندنا !

🔹حركات راسها بإيماء مبتاسمة ..
مال هادا ؟ علاش كيقلب ؟ الخاتم راه باين وواضح فيدها ، و معروفة بلي هي خطيبتي ، لاش كيضور عليها الله و أعلم .. خرجت گلست حداها ، كنت نيت جايب ليها شوية دالرمان باش توگد راسها .. حطيتو قدامها و طلقت عيني لبعيد .. :

ماريا : ماقديت على والو ..

- غير خودي منو شوية ، كيحيد الدوخة!

- اه دكشي لي گال ليا عاشور ..

- اه راه كيفهم فكلشي !

- علاش كاتقول هكا ؟..

[ شاف فيها مخنزر ] السيد بحالا رتاح معاك شوية كتر من القياس !

- الدري من قبيلة و هو كيهضر ليا غير على الفيرمة و الخدمة فيها .. نتا لي كتفكر عوج !

- ايييه دبا انا لي ولا مني الغلط ! و كادافعي عليه من الفوق ..

- و شنو نقول انا لي كاضل تعنق فصحاباتك ، لا هادي ختي ، هادي تربيت معاها ، هادي جارتنا !! دكشي عندك نتا زوين عادي ...

[ قوص حواجبو ] دبا نتي أصلا هااد الأفكار كلها فبالك و ساكتا ، بردي قلبك دبا منين لقيتي عاشور .. يلاه ، شنو باقي مزال ، غاتردي ليا الخاتم ؟؟

[ ضحكات ] اوا من اللول قوليا كاتقلب على السبة باش تفرتك هدشي و السلام...
◽ماخليتو يزيد تا كلمة خرى ، دخلت فحالي گلست مع ياسين و ليلى .. :

ليلى : شوية دبا ؟

- اه حمدلله ..

- مزيان .. فين هيثم باش نمشيو !

- برا...

◽ليلى دارت إشارة لياسين باش ينوض لعندو و يخلينا .. :
- ياكما تخاصمتو ؟

- بغا يفسخ الخطوبة !

- اويلي لهاد الدرجة !! ياك عاد كنتو سمن على عسل ..

- وا ماعرت اختي ، بنادم كيتقلب بحال الزمان !.. عرفتي شنو يلاه نرجعو للدار ، مانديروش المشاكل تا عند الناس !

- وخا ، يلاه..

قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎

🔹.. :
ياسين : مالك ؟

- والو .. الساعة لله وصافي ..

- دوي دوي ، شنو طرا ؟

- فينما كاندوي معاها كاتجبد ليا الفراق ..

- غير لحظة غصب وصافي ، ماتخليش الاعصاب تلعب عليك !

- وا ديما انا لي خاص نتحكم فراسي.. عييت!

- مافيها باس.. هانا قدامك ! شحال من عام وانا كندير ليها فالخاطر، ههههه ويالااااه جاب ربي التيسير ..
🔹خلاني نضحك بزز مني .. هدشي باش كيعجبني ياسين ، فاش كتشعل القضية ، ديما كيحاول يطفيها و يبردها .. ماشي يبقى يزيد فيه كتر !
.. دبا خاصني حل معاها! على ابسط حاجة كاتلقا الفراق اول حل .. كفاش غانتيق فمشاعرها ليا وانا كانشوف كل نهار كفاش كاتعرف على ناس جداد و تبني معاهوم علاقة نقية !

◽حتى قربنا نوصلو لجهة الباب عاد قالت ليا بلي نسات طيليفونها لداخل ..
گلست فواحد من الكراسى لي تما نتسناها ، دقائق بان ليا ياسين جاي .. وانا نفهم ! .. :
- وخا نگلس !

[ حركات راسها بإيماء ]
- الجو هنا زوين و نقي .. كيصفي الخاطر ، و يخلي بنادم يتفك من السلبيات كاملين !

- ياسين عفاك.. بلاش !

- ماتخافيش ، انا بغيت نهضر معاك نتي و نشكرك على دكشي لي درتي !

[ باستغراب ] مادرت والو..

[ ابتاسم ] انا ، كنشوف كلشي و ماشي مكلخ! شحال من عام هدا وانا تابع ليلى على الزواج ، و كانت ديما كاتردد و فلخر كترفض... ولكن هد المرة ، هي لي زعمات و عبرات بدكشي كولو لي كاتمة فقلبها ! و هد الزعامة مجاتش من فراغ ..

- انا غير خليتها تسمع لقلبها...

🔹جات عندي ليلى فعينيها نضرات كنعرفهوم مزيان .. :

- والله ماضلمتها فشي حاجة !

- انا ماقلت والو.. خليني غير نگلس بعدا ..
🔹گلسات فهدوء ، لا انا هضرت لا هي نطقات .. مدة قليلة حتى بدات الموضوع .. :

- الغيرة خايبة.. كتبدا غير بحوايج تافهين حتى كتوصل لشي مصائب كبار ! .. ونت زعمة لي كنتي كاتوصي ياسين بهدشي!

- بعض المرات ما تقدرش تحكم فراسك...

- ولكن عاوتاني خاصك تكون متفهم !

- كتر من هاكة أ ليلى !!.. كانخاصك تشوفيها كفاش دافعات عليه و وصلات معايا للفراق گاع !

- طبيعي تجبد الفراق ونتا كاتحاسبها بحالا ماعارفش الفرق بينها و بين غيرها!!
- علامن داوية ؟

- راك عارف ..

◽.. :

- تاني حاجة بغيت نشكرك عليها ، هي دكشي لي درتي مع صاحبي فهاد العاماين ! رديتي ليه الضحكة و الأمل و الحب و دكشي لي كان فواحد الوقيتا ، قلبو كحال من جهتو ! رديتي ليه شيحاجة لي ماقدرتش انا براسي نردو .. قدرتي تخرجيه من الضلمة ! .. و غير هدشي خلاني نحتارمك و نديرك فمرتبة عالية..

- هضرتك كاتعني ليا بزاف !

- هدي الصراحة .. و ايلا سمحتي ، بغيت نطلب منك حاجة وحدة !

- كانسمعك ..

- ماكرهتش تانتي تسمعي لقلبك شوية.. حيت ربي لي عالم بشحال هيثم كيبغيك ، و بيناتكوم شي حاجةلي ماكاتعوضش ، مابغيتش تخسروها !

قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎

🔹.. :
- كوثر شخص و ماريا شخص آخر .. ماتخلطش المواضيع ، خاصك تخطا الماضي الا بغيتي تحافض عليها !

[ طول فيها الشوفة و تنهد ] فيناهي دبا ؟

- حدا الباب ، كانت باغة ترجع للدار ..

[ حرك راسو ] ماكرهت هاد الزواج يتم فاقرب وقت!!

- بالعكس ، غير خودو وقتكوم ولكن استاغلوه فالإيجابيات ...

- كانبغيها و حياتي مغاتكملش بلا بيها ! هي ماحاساش بهدشي ولكن راه نموت و هي بعيدة عليا..

[ شافت فيها بابتسامة ] هي ديالك و نتا ديالها ، ماتخليش الشيطان يلعب بيناتكوم ..

◽ضورت هضرتو فعقلي شوية !
انا عارفة دبا ليلى غاتكون دايرة نفس الشي مع هيثم ! ولكن ، بغيتو هو يفهمني و يحس بيا ، بلاما يتدخل شيحد .. : اي نوع د الإدمان ، طريقو كتدي للهلاك ! وخا فالحب ..

- اوا هي لا حنيتي من جهتو شوية ! .. نتي بوحدك لي تقدي تفكيه من هاد الحالة .. بوحدك !

◽قبل مانجاوب بانت ليا ليلى جاية من البعيد فاتجاهنا .. :

- ياكما تعطلت عليك !
◽شفت فيها بمعنى دكشي لي فراسك راني فاهماااه .. :
-لا عادي ..

◽ماشي بزاف د الوقت حتى بان ليا هيثم جاي .. وقف معانا فهدوء :

ياسين : يلاه نشوفو الخيل شوية ..

ليلى : اه واخة !
◽يلاه غانتمشا موراهوم حتى جرني من دراعي بخفة .. :
- نتي بقاي ! بغيت نهضر معاك ..

- نتي ؟ مابقاتش عندي سمية ؟

[ ميل راسو بتعب ] ماريا...

[ ربعات يديها ] كنسمعك!

- سمحي ليا .. ماقصدتش نقلقك ! بالعكس انا جبتك هنا باش دوزي وقت زوين !

[ تنهدات ] المشكل مني انا.. انا لي خسرت عليك و على راسي الجو ...

🔹حركت راسي بنفي و سكتات شوية بتفكير عاد نطقات .. :
بغيت نسولك ..
- قولي !

- شنو يقدر يوقع الا شي نهار كتاب علينا نتفارقو ؟

- مايمكنش. غير نساي هاد السيناريو ..

- ربي لي عارف شنو جاي !

- جاي غير الخير .. تفائلي و خرجي الفراق من بالك ! حنا عاد باديين..

◽خدا يدي لعندو و طبع قبلة على ضهرها و عينيه بنضرات كلهوم صدق .. :
- ما تفرقني عليك ، غير الموت !

- وعد ؟
- وعد ..
◽أول مرة فحياتي نجرب هد الإحساس .. موالفة الناس عندي زايدة ناقصة ، لي مشا الله يعاونو و لي بقا مرحبا بيه ! اما هيثم ، ماشي اي ناس بالنسبة ليا .. وهنا تأكدت بلي دكشي لي فقلبي ، صحيح و مافيهش الشك ! . :
- اول انسان غانبغيه بقلبي وعقلي .. هو نتا !

- ليا الشرف ...
قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎

◽بدا الجو كيبرد مع لعشية .. وبدا تا الوجع كيتزاد معاها .. :
- وخا نرجعو للدار ، عييت ..

- يلاه..
◽ليلى و ياسين كانو مشغولين و باقيين بغاو يدوزو الوقت تما .. دكشي علاش سبقناهوم حنا للدار !
الطريق كلها و حنا ساكتين .. انا يلاه مكافية مع الوجع , وهو .. هو كيفكر فشيحاجة ولا يمكن غير مستمتع بالجو ...

🔹حسيت بيها مريضة و عيانة ، ماعرفتش شنو بيها و لكن فضلت نسكت ونخليها على راحتها ...

◽وصلنا للدار واخيرا .. رجلي مابقيتش كنحس بيهوم و ترخيت بزاف ، ماقديت تا نطلع فالدروج ..
مشيت للصالون ، أقرب لحاف و گلست .. دقائق حتى جا گلس حدايا و فيديه كاس دالما : واش كاضرك شيحاجة ؟
- غير باقة مروعة ..
◽حرك راسو و ناض للكوزينة ، دقائق حتى جاب ليا كاس د الزعتر : هدا غايخفف عليك!

[ ابتاسمات بخفة ] : شكرا ..
◽كان دافي شوية ، بقيت كنشرب جغمة بجمغة حتى كملت و الوجع مابغاش يكمل.. عييت صابرة فلخر فشلت ملوية على كرشي باش نبرد الحريق .. :
- واش نمشي ناخد ليك شي دوا و لا شيحاجة ؟

- لا.. بلا.ش دبا يفوووتني ..

- اجي طلعي للبيت حسن ترتاحي ، هنا كاين البرد ..

◽بصح كان خاصني غير نتخشا فالفراش و نتغطا مزيان تا يفوتني .. ولكن فين الركابي باش نطلع تا للبيت :
[ بنبرة خافتة ] ماقدرتش ..

◽عطاني دراعو باش نعاون بيها غير تاوصلنا لجهة الدروج و هزني بين يديه ، لقطة رومانسية اه ! ولكن انا كنت كنموت ماحسيتش بحلاوتها .. لي عقلت هو غطاني وخرج ساد الباب وراه ! بقيت كانتقطع بشوية ، حتى نعست على نفس الالم ...

🔹مرة مرة كنت كانطل عليها .. حطينا العشا ، طلعت لقيتها نعسات ! ضلمت عليها البيت و غطيتها مزيان مخليها ترتاح ...

#👇🏻👇🏻👇🏻..

رجعنااااا 😍 كانبغي نعتادر على الغبرة ظروف خارجة على الإرادة.. ولكن شحاال توحشت نحط و توحشت الزينات لي متبعين معايا القصة ! ماتمشيو فين غانزيدو فصل آخر ..