🔹دخلت فحالي للدار و الصباح كيتعاود فبالي .. دوشت بدلت عليا ووقفت كانشف شعري ، جبدت التصويرة من ورا المراية ، كانت ديال ديك الليلة ، اول مرة عتارفات ليا باش كاتحس ..
وخا ملامحها ماباينينش ولكن الجو لي ضاير بيها بان فيه واحد الجانب من ماريا !
طولت فيها الشوفة عاد رديتها لبلاصتها ...
🔹مشيت للريسطو ، رصيت العشا مع الدراري و عطيتهوم يبداو الخدمة فالكوزينة !
طلعت للفوق من الدروج لي كيوصلو للبالكون ، قبل منحط رجلي لداخل سمعت سميتها فالهضرة .. :
نسرين : براكة هدشي كامل لي خبيت عليها !
مروى : وا تبتي لرض ، الا بقيتي كاترعدي غاتخرجي علينا !
نسرين : صافي صافي .. زبل هاد فهد تاهو شنو بغا ، عاد تفكرنا ؟
مروى : دبا نتي مالك سيد جاي ضيف عندي !!
🔹دخلت عندهوم بابتسامة : لبنات ، مرحبا !
مروى : ترحب بيك الجنة اخويا ..
- گلسو مالكوم واقفين!
مروى : غير هضرت مع الدراري باش نقادو البلاصة ، للعشية غايتزاد معانا و احد الضيف !
- مرحبا بيه .. كانعرفو ؟
مروى : لا لا هدا صديق قديييم ديالنا...
[ حرك راسو ] مرحبا !
🔹بدلو الطريقة باش كانو كايهضرو و گلسو عادي ، دخلني الشك شوية .. تقدر تكون فراسهوم بلان إحسان و لا عاونوها ؟
لعنت الشيطان و نزلت لكوزينتي ، كون كانت شيحاجة متأكد ماريا هي لولة كانت غاتعيق بيها ! ....
◽خرجت من المحكمة انا و سهام كاناقشو التفاصيل لي بقاو :
سهام : شحال دالزحام ولا هنا تقول سوق ماشي محكمة !
- اوا بنادم ولا على سبة .. مشكل صغير كيحفرو فيه تا كيكبر...
◽قاطعني صونيط الطيليفون :
- الو هيثم ..
- زيني ، خدامة ؟
- يلاه كي لقيتينا خرجنا من المحكمة انا و سهام !
◽طلعنا للطموبيل .. :
- الله يعاونك.. بغيت غير نقول ليك ، العشية غانتجمعو هنا ! ماكرهتش تكوني معايا ...
◽وليت كانخاف نتجمع معاه فبلاصة بوحدنا صراحة ! وخايفة من راسي كتر ، حيت عارفة غادي نضعاف قدامو .. : اه واخة نجي ..
- غانتسناك !
- يلاه بااي
- تهلاي ...
◽قطعت معاه خدينا غداتنا فالطريق عاد مشينا للبيرو نكملو الخدمة لي بقات ...
20:00 ..
◽دخلت للريسطو و بانو ليا مجموعين كيما العادة : السلام عليكم!
الجميع : وعليكم السلام ...
◽قرب عندي هيثم معنقني قدام عينيهوم كاملين .. زيرت على قاميجتو حيت حسيت بشوية د الإحراج ، عاد بعد مقابل معايا : كنت كانتسناك!
[ ابتاسمات ] قلت ليك غادي نجي ...
◽ضحك و جرني من يدي مگلسني حداه ، كلشي بقا كيشوف .. :
مروى : احم ماريا ، ماقدمتش ليك الضيف ديالنا .. دكتور فهد !.. فهد هادي ماريا
فهد : متشرفين!
◽مد ليا يديه و سلمت عليه ، ولكن وجهو كانو عليه ملامح استغراب بحالا فايت شافني و ماعاقلش ..
حطو العشا ،وبدينا ماكلتنا فنفس الاجواء دالهضرة ، سولت هيثم بهمس : فين ياسين ؟
- لتحت قاليك مافيه لي يتعشا ..
◽حركت راسي بإيماء.. هو الوحيد فصحابو لي كايعجبني نهضر معاه ، مربي و محتارم و اهم حاجة هي عزيز عليه هيثم و دايرو خوه دبصح ...
🔹وصلني ميساج من عندو :
💬 سرق واحد الدقيقة الا قدرتي واجي شوف ليا هدشي كيطلع !
🔹غير كيقول ليا هكا كانعرفو دار شيحاجة واعرة و تصدم انها صدقات ليه ، ولا كيدير شي زبلة ماكيعرف منين يجمعها ... جاوبتو و رديت الطيلي لجيبي !
جمعو الدراري الطبلة و خليتهوم مجمعين بينما خرجت نكمي فالبالكون ، تا لحقات عليا .. بغيت نطفيه و لكن حبساتني : غير كمل!
ولوات يديها على دراعي ساهية فالمنظر قدامها ...
- باقي مكمل فالصيام ؟
- ضروري ..
[ حركات راسها ] مزيان!
🔹 شديت يدها عندي : غانزل نشوف ياسين ، تجي معايا؟
- واخا ..
◽نزلنا للكوزينة لتحت لي معزولة ، ياسين تما كيجمع الروينة و ليلى گالسة على جنب حداه الطيلي فيديها .. غير حسات بينا طلعات راسها فيا نيشان و ماعرفاتش شمن رد فعل دير .. :
هيثم : ليلى مرحبا بيك !
- ربي يخليك..
- هادي ماريا ، راكي كاتعرفيها ...
◽قربات باش تسلم عليا و مديت ليها يدي بابتسامة عريضة : و اخيرا جاتني فرصة نشوفك ! تشرفت ..
- الشرف ليا ..
◽عاد ترخفات فيها النفس و ابتاسمات تاهي :
- گلسو أ لبنات ..
◽قرب عند ياسين و بقيت انا وياها : كيدايرين وليداتك ، لباس عليهوم ؟
- حمدلله سول فيك الخير ..
[ لحظة صمت ] ونتي .. كيدايرة أمورك ؟
- الحمدلله ..
◽شوية بشوية تطلقنا فالهضرة و مابقاش داك الإحراج لي كان فلول حتى گلسو حدانا الدراري .. : دوقي هادو ، ياسين لي قادهوم !
- الله يعطيك الصحة أياسين ، جاو لذاد!
- بالصحة و الراحة اختي ..
ليلى : الله يعطيك الصحة ..
- بصحتك ..
◽بقيت مراقبة كفاش عينيه بداو كيبريو فهضرتو معاها ، وكان كيطول فيها الشوفة .. واش بيناتهوم شيحاجة ؟ و لا عاد غاتبدا بيناتهوم شيحاجة ؟ غير شفت فهيثم حرك راسو بحالا قرا أسئلتي و جاولني عليهوم .. : يلاه نرجعو لفوق !
🔹حركات راسها بإيماء .. : ليلى.. غانعاود نشوفك ؟
- ضروري ..!
🔹ابتاسمات ليها و جات شادة فيدي بعفوية باش نمشيو .. زيرت على يدها و طلعنا للفوق !
گلسنا مكملين جماعتنا تا صونا ليا الطيلي : الو حبيبتي ..
- ولدي غانبرزطك شوية..
- آمري شنو خاصك!
◽دار ليا إشارة بيديه غايخرج يهضر .. حركت ليه راسي بإيماء .. جا حدايا فهد : تاخدي قهوة ؟
- لا شكرا..
◽سكت شوية وعاود نطق : ماريا ياك ؟
- اه..
- خت يوسف الهادي ..
[ طلعات راسها فيه ] كاتعرفو ؟
[ حرك راسو ] الله يرحمو!
◽ماعرفتش علاش فرحت منين لقيت شي حد كان كيعرف خويا ، و عاقل عليه و كيترحم عليه .. حسيت بلي يوسف ماتنساش ، ومابقاش عايش غير فعقلي انا .. رجع هيثم حدانا .. :
كفاش كنتي كاتعرفو ؟
◽سها شوية قدامو و ابتاسم : كان صاحبي فالباك ! وكان الحلم ديالنا بجوج نيرو الطب و بجوج وجدنا و تقاتلنا باش نقراو دكشي لي باغيين ! [ نزل راسو ] وخا.. مكتابش ليه يكمل ، ولكن هدشي لي كتاب عليه!
- خويا من ديما بغا يولي طبيب دالقلب ..
🔹ولات كاترجف و دموع تجمعو فعينيها ، ضارت كاتعاود ليا بحالا هادي الطريقة الوحيدة باش تقاوم دموعها .. : حيت.. حيت كان مرض ليه قلبو و.. وتعدب فصغرو! كان بغا يولي طبيب باش يعاون الوليدات كاملين لي بحالو ..
🔹توترات بزاف وحطات راسها على ثدري مخبية دموعها .. همسات بخفة : كان باغي يدير جمعية أهيثم .. كان باغي يعاون الناس!
🔹هزات راسها كاتمسح دموعها ، عطيتها كلينيكس و بقات كاتلتاقط انفاسها .. مزال كاتحاول تكبح دموعها .. :
فهد [ عينيه حمارو و تجمعو فيهوم الدموع ] سمحي ليا ..
- لا بالعكس.. بالعكس ، فرحت حيت عرفت كاين شي حد مفكرو من غير عائلتو ، شي حد لي عاقل على شكون كان يوسف الهادي !
فهد : سمحيلي ليا على كلشي !
[ عقدات حواجبها بتساؤل ] علاش غانسمح ليك اخويا..
[ الصدمة على وجهو ] انا..
🔹شاف فمروى لي بدات كاتحرك راسها بلا ، نسرين عينيها دامعين .. ماريا بادي على ملامحها التساؤل :
[ تنهد تالف ] كي.. كيسحابلي نسرين عاودات ليك ..
🔹شفت اللون كيمشي من وجهها شوبة بشوية .. ضارت كاتشوف فنسرين و شافت فيه و قلبها نحلف عليه الا صوت دقاتو و صل لودني .. ماعرفتش شنو غايقولو ولكن شديت يدها عندها حيت حسيت جاية شي مصيبة ماضرباتش ليها حساب ! ....
قــضـيــتــيــــــــے 🍂
ʙʏ { ᴘᴇᴛʀᴏᴠᴀ} シ︎
نسرين : شكاتخربق نتا !!؟
◽شفت على وجهو كفاش استوعب الوضع.. : انا مانقدرش نكدب عليك ، ضميري بلا شي معدبني!
نسرين : سير اخويا نوض خرج فحاالك!!!
[ بحدة ] خليه يقول شنو بغا يقول !
مروى : اش عندو مايقول ..
فهد : حرام هدشي لي كاديرو فيه! واش ماعندكش ضمير ؟؟
مروى : فهد شكاتقول !!
فهد : ربي راه كيشوف كلشي...
مروى : شنو شايفنا كانديرو راه-
[ قاطعاتهوم بحدة ] صافي سكتوو!! خليوه هو يهضر !
هيثم : ماريا..
[ نترات يديها ] دوي خلاص!!
فهد : خوك مات بأوڤر دوز ..عطيناه مخدر غير باش يدوخ ، ماكنا شعارفين غايموت !
◽التصفار .. التصفار هو لي بقيت كانسمع فودني! وقفت باغة نخرج حسيت الحيوط بداو كيتجمعو عليا ، البلاصة بدات كاضيق عليا .. :
- كفتش ماعرفتوش .. شكون نتوما ؟
◽جات نسرين قدامي على ركابيها و كاتبكي بهستيريا : مادرت والو غير كتمت السر والله ، كنا صغار و خارجين بلا خبار واليدينا.. سمحي ليا اختي عفاك اماريا !!
◽يا غانموت يا غانقتلهوم ، حسيت بالدنيا كاضور و رغسي ضاير معاها ، كلشي كيهضر كلشي كيغوت بزاف دلمعلومات دقة وحدة ، ماقدرتش نستوعب !
ماعقلت على تاحاجة تا لقيت راسي گالسة قدام القبر.. السكات ، النبيح دلكلاب ، السمرة طايحة وهيثم حدايا ! ...
🔹خرجتها للبالكون تگلس ، النفس تقطع ليها و حسيتها غاتموت ، طلع ياسين فيدو كاس د لما بالخف!
مديتو ليها ماقدراتش تنزل منو تا قطرة ، كلها كاترعد و دموعها دايزين .. : ماريا ! ماريا كااتسمعيني!!
🔹لا رد ..سمعت صوتهوم باقيين كيتغاوتو لداخل و هي مصدومة هنا ! خليت معاها ليلى ورجعت لداخل : كلشي يخرج من هنا!!
نسرين [ غادة جهة الباب بدموعها ] : خليني غير نشرح ليها ، غانهضر معاها .. ماريا! ماريا !
[ حبسها ] ماشي دبا ، سيري فحالك..
[ بنبرة حادة ] قلت كلشي برااا..
🔹خرجو و رجعت عندها ، طلعات فيا عينيها ميتين :
- بغيت خويا .. ديني عند خويا ..
🔹ديتها للمقبرة و خليتها تاخد راحتها تما بلاما نضرب حساب للوقت .. درت عليها جاكيطتي من السمرة ، وخا هكاك داتها بردات .. : يلاه نمشيو أ ماريا..
- قتلوه.. قتلو ليا خويا أ هيثم .. حرام... حرام عليهوم ..
🔹عنقتها عندي و هي غير كاتهلوس ، على لسانها قتلوه .. ماعرفت شنو ندير باش نطفي العافية لي فقلبها! قتلوخا و الروح مزال فيها ..
◽الصباح.. حليت عيني كلشي كيضرني ، اول فكرة حات فبالي ، «خويا قتلوه » رجعو ليا الاحاسيس ديال لبارح كاملة و عاود نزل عليا الهم بنفس التقل ..
حليت الباب قدامي لي ماعرفت فين و لا ديالاش ، خرجت لقيت قدامي الصالة و نورة گالسة .. غير سمعاتني ناضت معنقاني و كاتبكي.. حنا لي مضرورين و حنا لي حاسين بالدقة !
رجعو ليا دكرايات الجنازة بحال فيلم فعقلي و رجع ليا نفس الحزن ! بكيت بحال لي بكيت اول مرة فاش ووصلاتني خبارو.. :
نورة : شغانديرو دبا ؟
- ماعرفتش ..
◽مد ليا منعم الما و حل باب الدار لي دخل منو هيثم .. :
نورة : أمدرا اخويا لقيتي شيحاجة ؟
هيثم : هضرتو كلها بصح! الكريز لي شداتو سبابها مخدر ! والطبيب لي شدو ديك الليلة ، هو بات فهد .. باش مايتورطش ولدو گالو سكتة قلبية !
◽مع كمل هضرتو شفت الطيلي كيصوني.. قطعت و رجعت ساهية فهاد الفيلم كامل لي طرا ..
نورة : نسرين كانت عارفة كلشي و ساكتة ، گالسة معانا حضرات فالجنازة! شافت الكبدة د واليدين كاتشوا !!
منعم [ حط يديو على كتفها ] : رخفي على راسك ..
◽مدة و حنا گالسين كل واحد ساهي فقنت بهدوء .. مشيت مع نورة لبيتها ترتاح ، هي باقة واحلة فراسها و تزادها هم آخر ! بقيت گالسة انا وياها كانهضرو شوية ، اللهم هكا و لا نحملق مع أفكاري : كيغانقولوها لماما ؟
- والله ماعرفت اختي ...
◽داز الوقت ، جا سمير مخشي حدا نورة حت داهوم النعاس بجوج .. ضلمت ليهوم البيت و خرجت :
منعم : ناعسين ؟
- اه.. خليك حداها أمنعم ، باش ماتهلكش صحتها !
- كون غير بقيتي معانا حتى نتي ، ترتاحي شوية!
- غير خليني نمشي نرتاح ، باش نعرف شغاندير ..
- على خاطرك..
◽خرج معانا تا للباب ، بقا كايهضر هو و هيثم شوية .. : ماساهلاش! غير رد ليها البال اخويا..
- كون هاني ..
◽نزلنا لتحت :
- عدبتك معايا !
- ماتقوليش هكا ! يلاه نوصلك بعدا..
- هيثم .. [ شاف فيها ] عييت...
◽قرب مدوز يديه على شعري بمواساة عاد ركبنا .. : تقدر توصلني لدار واليديا ؟
◽حرك راسو ، مسافة طريق وصلنا .. تفرقنا فباب العمارة ! وخا كانت صعيبة على كلشي و لكن ماقديتش مانكونش مع واليديا .. : بابا !
◽عنقني بلاما يهضر و بقا شحال ضامني لصدرو عاد طلقني مزير يديه على كتافي : ماماك لداخل ..
◽قبل مايخرج من الدار نطقت موقفاه : بابا ... غاناخد ليه حقو! كنواعدك !
◽خرج مكمل طريقو لبرا بلاما يجاوب و دخلت عند ماما لبيتها ...
🔹ماعطانيش خاطري نمشي بقيت واقف لتحت ، قلت يمكن تبغي ترجع لدارها و لا شيحاجة .. حتى تلاقات عيني مع عينيه .. :
- مالك اولدي واقف هنا !
- ماعرفتش ...
🔹حرك راسو و ابتاسم ، وقف حدايا متكي على الطموبيل : باقي عندك شي واحد ؟
🔹طولت السكات عاد جبدت ليه گارو ، شدو بين صباعو و بقا هكاك يلاما يشعلو .. طلع عينيه فيا كيقرا التساؤل على وجهي و نطق.. :
- سيمانة قبل مايموت ولدي ، تافقت انا وياه ، باش نقطعو الگارو و نحيدو البلية ! بدينا و كل واحد كان كيشجع لاخر ..
[ نزل عينيه للگارو ] واحد النهار تغلبت! هاد الشبر [ طلعو قدام عينيه ] هاد الشبر غلبني ! طلعت كميت واحد كانقول مادا ماجاب و نزلت فحالي للدار ، تما وصلاتني خبارو بلي مات ...
- ربي كتب لي أجلو ، ماعندك مادير !
[ حرك راسو ] كنت على الاقل نحافض على الوعد ديالي و هو عايش ..
🔹قطع الگارو بين يديه و لاحو : عتق راسك اولدي قبل ماتندم !
🔹ومشا مخليني ساهي فافكاري .. عاد فهمت الحرقة لي كانت كاتنصحني بيها ماريا منين جاية !
[ فلاشباك ]
◽قبل المرافعة ، شديت الطريق انا وصفوان نيشان عندو .. مشينا بطوموبيل د البوليس .. :
- هاحنا وصلنا !
- اناغانطلع ، نتا خليك هنا !
- متأكدة اماريا !
- اه غير رد البال ..
◽طلعت مع الدروج ، كانت عمارة زوينة الصراحة .. دخلت عند البنت لي فالاستقبال و قاتليا نتسنا شويا !
ضورت عيني مزيان على البلاصة ، كنماركي الكاميرات لي تما .. :
- تفضلي امدام !
- شكرا ..
🔹كنت گالس فالريسطو كنتسنا غير خبار توصل من ماريا .. انضمات ليا ليلى :
- امضرا ؟
- مزال ..
- اوا غير ماتفكرش بزاف ، يكون خير !
- على الله ! .. تشربي شيحاجة ؟
- قهوة بليز !
- وخا ..
◽دخلت عندو للبيرو ، كحل بالعمى و لونو ولا صفر .. وقف كيتسنا شنو غاندير :
- نقدر نگلس!
- تفضلي..
[ گلس جامع يديه كيتسنا شنو غانقول ] : تشربي شيحاجة ؟
- لا .. شكرا.. [ سكتات شوية ] : فهد ، انا ماكانعرفكش ،و عمرني عرفتك حتى لديك الليلة!
[ حرك راسو ] .. : سنوات و حنا عايشين فكذبة، كل واحد كيلوم راسو على الموت ديوسف ! فليلة وحدة هضرتك بدلات كلشي...
- احم.. سمحي ليا ماكنتش باغي نرون ليكم حياتكوم ! الا كاين فاش نعاون..
[ حركات راسها ] عاود ليا شنو وقع ، الليلة لي مات خويا .. علاش و كفاش و شنو طاري !!
- ماريا.. انا .. دفنت السر لمدة طويلة
- غير قول ليا شنو كاين و بصراحة ، قلبنا كيتشوا و دخلنا لمتاهة كبيرة !
🔹.. :
ليلى : ياسين مكاينش ؟
- مسافر عند عائلتو ، ماقاليك والو ؟
- لا.. اصلا ماكانهضروش بزاف هاد ليام !
- رخفي عليه شوية.. راه كايبغيك !
- ماقلت والو ، غير الظروف دبا مامساعداش نفكر فالحب و هدشي .. يلاه مع ولادي يستاقرو و يولفو شوية ، زيد خالد لي دخل الحبس ! كيبقا باهوم..
- فهمت...
🔹بقينا دايين جايبين فلهضرة تا صونا الطيلي ...
◽.. :
- مانقدرش نعاود ليك غايكةن بمثابة اعتراف و يخدم ضدي ..
◽قاري سواريه و عارف بلي داير الغلط و القانون غايعاقبو الا طاح فيديه .. : قلتي ضميرك معدبك.. وباقي باغي تزيد تخبي و تغطي على جريمة ! هكاك روحو مشات باطل !
- مانقدش ، حياتي و مستقبالي غايضيعو ..
◽نتا بعدا قدرتي تعيش حياتك و دير مستقبالك و توصل لدكشي لي بغيتي ، هو راه تغدر فعمر صغير و حرمتينا منو ، خليتي جرح عمرو يبرا ! .. : هضر بخاطرك ، ولا بزز البوليس هنا أفهد فگاع الأحوال ..
◽نزل راسو ساكت مدة ماعرفتش شنو فبالو حتى عاود نطق عينيه دامعين : عندي شرط واحد !
[ شتفت فيه بمعنى شنو ] : انا غانتحمل المسؤولية كاملة ، مابغيت تاحد يدخل معايا فهادشي ! كنت غير انا وياه ..
◽حركت راسي بإيماء و نزلنا من الكابيني حتى لعند صفوان لي كان واقف برا كيتسنا إشارة ديالي ، مد يديه باستسلام تا لبسو المينوط : بغيت نعيط للمحامي ديالي !
صفوان : تا نوصلو للكوميسارية ..
◽ركب لور و انا و صفوان للقدام حتى وصلنا للكوميسارية .. دخلو عند الدراري باش يعطي أقوالو : كوني هانية القضية دبا فيدي ، مغانتفاكش !
- شكرا بزاف ..
◽بقا واقف معايا برا تا وصل هيثم .. تسالمو هو و صفوان و ودعنا راجع لخدمتو : مزيان ؟ كنت خايف عليك !
- ماتخاف من والو.. فالطريق نعاود ليك شنو طرا !
[ بعد مرور عشرين يوم .. الحاضر ]
◽كانت شاداني الخلعة.. وسط المحكمة، اول مرة نحس بالرهاب !
مكانش عندي الحق نترافع ضدو و لكن المحامي كان متفهم و قبل نعاونو و نعطيه اي دليل لقيتو .. كنت غاندوز كشاهدة باش نعطي اقوالي قدام القاضي قبل مايتحكم الملف ... :
[ بهمس ] : شنو إحساسك اليوم و نتي ماشي فبلاصتك ؟
[ تنهدات ] ماتكملش عليا .. شاداني الخلعة !
- متخافيش ، قولي دكشي لي عندك وصافي...
🔹حركات راسها بإيماء و شديت يديها عندي ، حتى وصلات نوبتها باش طلع للمنصة تشهد ..
لاحت الخلعة و التوتر كاملين وراها ، هضرات بواقعية و ثقة كبيرة خلات كلسي لي تما ينتابه ليها .. غير كملو أسئلتهوم رجعات بلاصتها .. :
- شكرا !
🔹ابتسامت ليها و كملنا الجلسة .. داز الوقت بزاف عاد وصل الوقت ينطقو بالحكم ...
◽فهد 10 سنين دالحبس مع غرامة .. وباه مات! طاحو اتهامات على دراري خرين لي كانو .يك الليلة و لكن حكمو ليهوم غير بغرامات ...
بردة و فنفس الوقت لا ! و لكن اللهم هكا على الاقل تعرفو شكون سبابو ولا ضيع قضيتو فمرة ....
◽خرجنا من المحكمة ، البنات حضرو ولطن ماشفت جهة تاوحدة فيهوم .. طلعت نيشان للطموبيل و بعدنا !
- مزيان ؟
- الحمدلله ..
- نمشيو نتغداو ؟
- ندوزو ناخدو سمير معانا هو لول من المدرسة ..
- وخا!
◽دازت ايامنا كلها هاكة عادي .. الحمدلله عائلتي قدرات تخطى المشكل و بردو من جهة القضية ! على الاقل الحقيقة بانت و هادشي لي كنت باغة ...
[ أسبوع جديد ]
- الويكاند خويه ليا ، عندي بلان ناضي !
- شنو هو..
-.........
[ ابتاسمات ] انا معاك
#يتبع...
😍😍 آرائكم و نتلاقاو غدا ان شاء الله