Second Chances, How He Loved Again

Four

Dylan

Pagkatapos ng interview, nakipag-interact na rin ako sa fans ko. Surely, they're a lot. Kaso wala ako sa focus. Hinahanap ko iyong babaeng nakausap ko no'ng gabing 'yon. Ang sabi niya I am her bias. Then she should be here to support me on my comeback di'ba? I mean, I was only gone for a few weeks but still. She should be here. That's what real fans do. To support their biases in everything good and best for them. 

Habang maraming nagpapapicture kasama ako at habang maraming fans akong kinakausap, patuloy ko pa ring hinahanap iyong babae. I was secretly searching for her. Kaso wala pa rin akong napala hanggang sa matapos na iyong chance ng fans to interact with me. Dumeretso na ako sa dressing room ko pagkatapos no'n. Kinausap naman ako agad ng handler ko na si Ms. Aiah.

"You know, you surprised me with your story sa interview earlier. However, that was a good exposure. You did the right thing," anito.

"Hindi ko rin naman mahahanap ang babaeng 'yon, tita." Hinilot ko ang sentido ko.

"You already did your part by telling your story. The people is thrilled by it. I am sure a lot would be looking for that girl already." 

Bigla akong natigilan noong marinig iyon. Napatingin ako sa nakangiti pa ring si Miss Aiah habang nagtitipa sa phone niya.

"Tita," I called out and she looked at me.

"Why? You worried about something?" she asked.

"I am worried about her. Oh, tita! I did a horrible thing! Sisirain nito ang buhay niya!" anas ko dahil sa mga realisasyon na dumating sa akin. However Miss Aiah just smiled at me. 

"Come on, Dylan. You're better than this. Alam mong this is really how showbusiness works, di'ba? We sometimes have to involve other people for a good exposure." 

"Not to an innocent fan, tita! Goodness, why did I do that?" 

"But Dylan, you already said it. You already released your statement. Kababalik mo pa lang, hindi mo na pwedeng bawiin pa ulit 'yon. I'm telling you, this is a great help for your career right now." Tinapik ni Miss Aiah ang balikat ko saka ako nginitian. Huminga na lang naman ako nang malalim no'n. 

Bakit ba hindi ko muna pinag-iisipan ang mga bagay-bagay bago gawin? Tsk. 

***

"So may babae palang involved?" natatawang tanong ni Kaylin sa akin. Nagkita-kita kaming barkada rito sa restaurant nina Tyrone at Elha na bagong bukas lang din. 

Huminga ako nang malalim dahil sa tanong niya sa akin.

"At hindi makakabuti 'yon para sa kaniya," tugon ko.

"Eh kaso nasabi mo na. Alam mo bang trending iyong sinabi mo na 'yon? A lot has been claiming nga eh," ani Cielo naman.

"Kahit pa maraming magclaim kilala ko pa rin naman ang mukha ng babaeng 'yon." 

"Kaso sabi mo pa nga, makakasira 'to sa kaniya," turan naman ni Caleb saka sumimsim sa drinks niya. 

"I don't even know why I did that. Excitement na lang din ata." Nagulo ko ang sariling buhok dahil hindi ko rin talaga alam kung anong gagawin ko ngayon.