Second Chances, How He Loved Again

Sixteen

Isabelle

"Ayan, you look good na," Laya commented after finishing my look. She insisted na ayusan ako para ro'n sa birthday ni Elha kahit na sinabi kong hindi naman na kailangan. Nando'n lang naman kasi ako para suportahan at alalayan ang boss kong si Dylan.

Kaso nagpumilit siya. Karamihan daw ng pupunta ay siguradong mga artista kaya kailangan kong mag-ayos. At dahil alam kong wala naman akong magagawa, edi pumayag na lang din ako. Mamaya hindi pa ako paalisin ng babaeng 'to kapag hindi ko ginawa ang gusto niya.

"Ang ganda mo naman be, mamaya main-love na si Dylan sa'yo niyan," anas niya pang muli.

I just scoffed. That would be the most impossible thing to happen between me and Dylan. Saka, ayoko rin naman. Masiyadong complicated kapag gano'n eh. As long as possible, mas gusto kong maging normal pa rin ang buhay ko kahit na sa artista na ako nagtatrabaho ngayon.

"Tigilan mo ako sa mga sinasabi mong ganiyan, Laya. Napakaimposible," tugon ko habang tinitignan ang sarili sa salamin. Okay lang ba ang itsura ko? Parang hindi ako komportable eh.

"Wala namang imposible sa mundo, madam."

"Sa mundo namin ni Dylan, meron. Ang laki ng impossibility. Kaya mas mabuti pang tigilan mo na lang ako."

"Okay. 'Wag ka lalapit sa akin kapag nangyari na ah."

"Aba?" Tumingin ako sa kaniya and she just laughed.

"I'm sure you'll both end up loving each other. Mark my words, bebe."

I just made a face at what she said. Walang mangyayaring gano'n. I'm almost a hundred percent sure.

No... I am a hundred percent sure already. It won't ever happen. Not in this lifetime.

I looked at my phone when it rang indicating that I was receiving a phone call. It was from Dylan kaya sinagot ko naman iyon agad.

"Yes, hello?" bungad ko. He chuckled. May nakakatawa na naman ba sa sinabi ko? Talagang happy pill niya ako ah.

"Tumatawa ka na naman," I said.

"Wala. Ang cute mo lang kasi."

"Yeah, yeah. Whatever."

"Hmm, anyways. Nasa labas na ako. Hintayin na ba kita rito o papasok pa ako riyan?"

"Artista ka, tumigil ka sa mga plano mong ganiyan. Wait me there, I'll be heading out now."

"Okays, madam. See you."

"See you." Ibinaba ko na ang tawag at tinignan si Laya na nakatitig lang din sa akin ngayon habang nakahalukipkip.

"Wow sa paraan ng pakikipag-usap sa boss ah," aniyang natatawa kaya inirapan ko naman siya.

"It's a normal thing for us. It's not like personal assistant niya ako or something. Isa pa, siya rin naman nagsabi na mas komportable siya kung gano'n ako sa kaniya kesa sa masiyadong pormal."

"Okay, haha."

"Shut up, Laya. It's not what you think."