# بسم الله الرحمن الرحيم
# استغفروا الله
# لا تجعلوا القراءة تلهاكم عن الصلاه
#الصمت_الباكى
#الفصل_السابع
تلتف الأحداث وتغادر من قصر الصياد حيث الفخامه والغموض للنقيض تماماً حيث الطيبه والبساطة . بداخل هذا الحيى الشعبيى خصوصاً داخل عطارة صغيرة تفوح من رائحه الأعشاب والتوابل النفاذة ....
تعمل بعقل شارد منفصل عن الواقع بوسط هذا الزحام وصوت الأطفال أثناء لعبهم بسيدة الرياضات "كرة القدم " مع إختلاط أصواتهم بصوت إصتطدام الملاعق بالأكواب فى المقهى المقابل للعطارة..
منعزله عن واقعها لا تبالى بكل هذة الأصوات...
مزق شرودها إرتفاع صوت بجانبها منادياً إيها :
يا ست جميله .... يا ست جميله
أجابتها بتِيهه : ها .. اه اهلاً إزيك يا أم محمود ، عامله أيه .
أم محمود : سلامه عقلك يا ست جميله ، أيه إللى واخد عقلك كدا .
جميله : لا ابداً كنت سرحانه شويه ، خير يا أم محمود كنت عايزة حاجه .
أم محمود : ايواا .. إدينى خلطه التوابل إللى باخدها منك عالطول ، وادينى باكو قهوة ... البت يا أختى ما بتذاكرش إلا ولازم ولابد من شرب فنجان القهوة
جميله : بالهنا والشفا على قلبها يا حبيبتى .. ربنا يوفقها
يارب ويسدد خطاها .. ثانويه بقى ربنا معاها .
أم محمود : يااارب يا أختى يسمع من بوقك ربنا .
جميله : أهو يا ستى اتفضلى القهوة لست البنات .. وادى خلطه التوابل .
-أم محمود : تسلميلى يا أختى .. وادى حسابك اهو .
-جميله : خلى عليا يا ست أم محمود
-أم محمود : تسلمى يا حبيبتى مستورة والحمد لله ...
تم تابعت سائله :
ألا صحيح نسيت أسألك هى البت "سارة" مالها مختفيه بقالها مدة كدة حتى معدتش بتروح للمعلم "إبراهيم"..
هو الكلام إللى بتقوله الست أمانى دا صح إنها هربت مع عشيقها ..
جميله بعتاب : عيب يا أم "محمود" هو إحنا تايهين
عن سارة وأدبها وأخلاقها ... ومش تايهين بردوة عن أمانى وإللى كانت عملاه فيها ، والبت كانت ساكته ومستحمله .
أم محمود : والله دة إللى قولته يا حاجه بردوة ..
سارة بنت حتتنا وإحنا عارفينها كويس وعمرها ما تطلع
منها العيبه ... بس الناس مش بتسيب حد فى حاله
يا أختى ..... والست أمانى مش فى بالها خالص .
جملتها الأخيرة آثارت إستغراب جميله فأردفت متسآئله :
مش فى بالها إزاى ؟!
نظرت إليها بتعجب :
إنتى متعرفيش إللى حصل ... دا إنتى جارتهم
فى البيت حتى! ....
جميله : لا والله ما اعرف حاجه ! .. أيه إللى حصل خير ؟ ..
أم محمود : الست اماني خدت عيالها وعزلت من هنا ..
وبيقولوا اشترت بيت كبير كده زي الفيلا بتاعه الاغنيه ودخلت عيالها مدارس كبيره وحلها اتشبرق خالص ،
وبقت ست هانم خالص ومحدش عارف جايبه الفلوس دي كلها منين ...!
