عُرف عنها أنّها من المُستكينات وسط ضجج الحياة وكثرة شخصيات الحكاية، بينما هي بداخلها محطات لأحزان غيرها ومرسى هاديء لسُفن أسرار من حولها، يأتون إليها يفرغون ما بجوفهم وما أتعب كاهلهم..
_جلست بجانبها وهي تراها تائهة ووجها قد خُط عليه الذبول:- صـفيـة مـالـك يا حبيبتي؟! _ تنهدت بثِقل وتركت حبات البزِلاء التي تكشف عنها غطائها، وقالت:- عـزة ... أنا مقصرة معاكي وكأننا مش موجودين في مكان واحد ومش بجيلك ألا وقت الشدة صح. وإنتِ دايمًا كدا مُنعزلة. _ وقفت "عزة" تروح ذهابًا وإيابًا عادة لها عند التحدث، وقالت مُبتسمة:- سيبك من الهبل ده، وقوليلي مالك. _ تنفست الأخرى بعذاب، وذعنت لها قائلة:- محتارة. _ من أيه يا صـفيـة؟! _ ردت بأعيُن غائمة بذكريات شتّى:- مـؤمـن أنا مديونة ليه بالكتير بس مش عارفة ليه أنا متكتفة كدا. _ جلست "عـزة" بجانبها مرةً أخرى، ثم ربتت على فخذها بحنو وقالت:- والله يا صفية دا ما حُب أبدًا، واحد ساكن هادي أنقذك مش أنقذ حياتك بس وبدون أي مقابل وإنتِ متعرفيش ليه... إللي جواكِ دا امتنان وفضول إنك تعرفي كل حاجة عن عالمه.. دا مش حُب يا صفية.. وعايزة أفكرك إنّ مؤمن عمل معاكِ إللي مستحيل حد يعمله أوعي يا صفية نفسك الأمارة بالسوء تحثك تعملي معاه حاجة هو ميستحقهاش. _ تمتمت "صفية" بأعين مليئة بالدموع:- وإزاي أنسى يا عـزة .. واحد انقذني من بين شوية وحوش وفتح ليا بيته بعد ما قولت إنّ الدنيا اسودت في وشي. وبعد ما قولت مفيش مهرب من إغتصابي ودخلت في حالة نفسية صعبة.. لتاني مرة ينقذني.. بس المرة دي من مجتمع كان هينتهكني وبالذات إنّ يتيمة واتربيت في ملجأ.. وعمل معايا إللي غصب عني خلاني أَمني نفسي بالكتير وأنتظر أكتر.. مؤمـن اتجوزني علشان يستر عرضي بعد ما كلاب السكك نهشوه.. اتجوزني وطلقني بعدها بفترة علشان يبقى مثبوت إنّ اتجوزت واطلقت.. علشان أعيش بعين جاامدة.. علشان ضهري ميبقاش مكشوف ومفيش حاجة تمنعني أكمل حياتي.. إزاي أقدر أنسى دا يا عزة.. إزاي اتجاهل ده.. وإزاي مأحبوش.. أخبريني كيف لا أقع بحب سُلطان الغموض.
وانفرط الدمع من بين جفونها الذابلة وشهقاتها تُمزق قلبها المستكين بين أضلعها.
الفصل غدًا بإذن الواحد القهار 🌼 #الصمت_الباكي. #سارة_نيل
Oops! This image does not follow our content guidelines. To continue publishing, please remove it or upload a different image.
