في حوش كلثوم
مرام:باهي هي تصبحو ع خير
نجيه:وانتي من هله سلمي ع اسلومه وعمتك
مرام:يوصل
حاتم:ريما هيا ولا شنو
ريما:علي جوك
كلثوم:خليكم
حاتم:لا وقت وين الساعه 10
منى:نابايته اليوم خلي ريما معانا
حاتم:بتباتي
منعم:وخليك حتى انت
حاتم:باهي تمام
منى:تباتو معانا عند امي
حاتم:هي بتعدي تعدي نا بنبات هنا
كلثوم:خطوه هي نمشو نسهرو مع ميسون ونروحو
وجدان:انظر شن صار في تهاني
كلثوم:حسبي الله في الي كانت السبب
منعم:باتي ديمه يعاني فيها واهو توا تلقيه قاعد يعاني فيها غادي
نجيه:يامنعم ماكلمتش مروان حسني بنموت ع شوفته قاهرني حاله هالعيل
منعم:توا سع ومصطفى وصلو عنده في طبرق
موده اول ماسمعت منعم فنصت
نجيه:انشالله ربي يهديه ويروح معاهم
منعم:كان ماروحش نمشيله انا انجيبه بالغصب انشالله حتى انكتفه
كلثوم:عليك راس يابس فيه هالعيل
رنده:وتوا انتصار هذي حتسكتولها هكي ع الي داراته كله
نجيه:كلا نا كلمة حسبي الله ونعم الوكيل وجية محمود يستسمح فيا تكفيني وتزيدعليا ، سادني مشاكل وقهر اهو الحاج طلقها وكل وا في حاله
حاتم: وحق الله احسن حاجه اتديروها ، خلو ربي الي ياخذ الحق
منعم:انا ساكت عشان ريماس بس ، مهما كان هذي امها
رنده:يناعلي قطعتلي قلبي لما باتي قال طلقتها تمت ترعش مع بعضها ودموعها شلالات
منعم:الله غالب هضا الي لازم يصير من زمان
نجيه:نا انربيها ونعدها كيف موده والي تبيه حاضر
كلثوم:حتى نا والله ماعندي فيها مشكله
ريما:وبلكي تقول تبي امها
منعم:تي هي خايفه تشوفها
موده:تلحقيره مش بعيد تقتلها عادي
منى:وين هي ريماس
وجدان:بكت بكت ورقدت
منيا:ماما تعالي حطيلنا ع رسوم اخرى
اماني:خلاص هي جت رسوم سمحه
كلثوم:زعمك نتصل بالحاج نسأله ع تهاني
نجيه:اها كلميه
منى:باهي انا بنمشي لميسون حرام قاعده بروحها
وجدان:هيا نمشو معاك حتى نحنا، خطرها امبدري ريماس قالتلي ريهام متقدملها خو سلوى
منعم:لايقين ع بعضهم
كلثوم:وبعد الي صار مزال بيناسبوهم
رنده:ناسيه ان حتى سلوى لها يد في الي صارل لعيت عميمه نجيه في قصة الذهب وهكي
نجيه:فخار يكسر بعضه ، فكونا من سيرتهم هيا نمشو لحوشي
ريما:عدو انتم انعشي حاتم وانفرشله ونجي انا وعمتي
رنده:امي تبي حاجه ولا نمشو
كلثوم:مدامه ريما قاعده خلاص عدن
وجدان: انوض ريماس اتجي معانا ونلحقكن
منى: هيا يابنات صبن
طلعن نجيه وبناتها ورنده عدن لحوشها
وجدان:موسه نوضي امشي معانا غيري جو في حوش اعميمه نجيه
ريماس:ماعندش نيه راسي
وجدان:عليا الطلاق ماني متحركه لين تجي معايا
ريماس:هههه ياصامطه حولي مانبيش
وجدان:تي غير هيا بس
كلثوم:تي صبي سادك نكد امشي معانا
ريماس:باهي توا انصبي
كانو كلهم بيغيرو جو لبعضهم بس النكد والصدمه مزالت حديث اليوم في قلوبهم
طلعن وجدان وريماس عدن لحوش نجيه
نجيه:موده جيبيلي العدااله والكاكاويه تلقيها ف الدولاب من لوطه
موده:حاضر هي
رنده:ندير معاك حاجه
موده:عبي السكريات متاع العداله علي ماغسلت الطواسي
رنده:انتي سمعتي منعم امبدري
موده:اسكتي فنصت تفنيصه حسيت قلبس بيطلع
رنده:انتى روح اسمالله وهو امس كاين ف المغرب
موده :مش عارفه الزح ، لاوامتى لحق يمشي لطبرق، وكيف تصالح هو وسعيد
رنده:الله اعلم
ريما:انا جيت
موده:شنو هضا
ريما:جبت معايا حاجات انديرو حاجه حلوه ع السريع
رنده:ديري كيكة كراميل
موده:مزفره اعي
ريما:بندير تورته عاديه خاطري فيها
موده:الله وفي جولاطي في الفريز
نجيه:ياموده ها وين العداله
موده:هيا ياامي
وجدان:وين التوست انتي
موده:مافيش توست
وجدان:تي الماكينه
موده:اها هي هنا ف الرف هض
وجدان:ريما اسمعي ضبحي لريماس معاك تدير اي شي ، حشيشتها الحاجات الحلوه ، تغير جوها
ريما:قوليلها باهي
وجدان:ريماس
ريماس:نعم
رنده:هيييء كنك تبكي شن في كنتي كويسه توا
ريماس:بحتن امي شن دازتلي
موده:اقري بالصوت العالي
رنده:وحق الله انوريك ياحيوانه هضا عقاب تربيتي فيك وكان انحقك ياريماس نقتلك انعد الله مارزقني بيك ، عاجبك توا الي صار من ورا لسانك الي يبي قص ، ماهو انتي مش بنتي انتي طالعه ترباية الحربه نجيه وكلثوم ، لكن والله ياريماس انوريك ، من يوم وغادي كيف ماباتك تبرا من ريهام نا تبريت منك
ريما:تؤتؤتؤ في ام هكي ياناعلي
ريماس:ياريتني مادويت ياريتني مادويت
وجدان:اشششش خلاص حبيبتي والله انتي درتي الصح
رنده:يناعلي مستحيل تكون ام هذي
كلثوم:تي هيا يابنات
وجدان:عدن انتن شيلن العداله ، توا انجسب التوست والخبزه وانجي
موده:شن بتديري
وجدان:خاطرنا في انصاص جبنه في التوست
موده:تي باهي يدريهن هنا
وجدان:بندير وانا مقعمزه
ريما:موسه خلاص عاد بطلي بكا ، تعالي خلطيلي الكيكه وخليني انا انوتي الحشو
كانن ملتمات ضحك وهدرزه تناسن كل شي لانهن عارفات ان حبهم لبعضهم مستحيل حد يقدر ينقصه ، مهما صار ورغم كل الي صار قدرو يردو لمتهم وضحكتهم حتى لو لمتهم ناقصه بس قدرو يردوها
في الوقت هضا كانت سلوى تكلم في انتصار ع ان تاني يوم بيجو يتقدمو لريهام ، وماتندريش ان انتصار تطلقت
انتصار:بس مانبيش حد يعلم ، ماتنسيش انك حتى انتي لك يد في الموضوع
سلوى:يناعلي طيح سعدهم وتوا خلاص يعني الحاج معش يبيك
انتصار:ريتي بعد العشره
سلوى:باهي وتوا الرجاله لمن بيعدو
انتصار:يجو لفتحي خويا عد الله باتها متوفي
سلوى:وشن انقول لهلي
انتصار:والله تبو اتقدمو مرحبتين ، ماتبوش خلاص
سلوى:انشالله خير
طبعا سلوى وقتها تمت تبي تخترع اي قصه ع هلها بيش يخطبو ريهام من انتصار بس بيش هلها مايعرفوش من محمود الي داراته ، سكرت من انتصار وهي حايره شن تقول لهلها
نردو لمروان واصحابه
كانت الساعه 12ومروان مزال ماروح ، سعيد ومصطفى راقيلهم بكل تمو يهدرزو مع ناصر وحاتم بيش يمشو الوقت وتاني يوم يسقدو شور بنغازس
ناصر:باهي شباب خوذو راحتكم واهو مختار معاكم تبو اي شي قولوله تصبحو ع خير
مصطفى:منور عمي ناصر ، بارك الله فيك
سعيد:تلاقي الخير ، بارك الله فيك
خش ناصر يرقد ، وقعد مختار معاهم حطلهم فراشات وقاوم لين معش قدر نعس رقد
سعيد:الزح مروان ماتوقعتهش منه بكل يارا مش عارف شن صارله
مصطفى:نحس في روحي راقيلي خاطري نرد بنغازي توا ، تي دوته حقيره بكل وحق الله ماتوقعتها من مروان
سعيد:نا واصل حدي بنرقد والصبح نسقدو بدري وخليه هو حر الي علينا درناه
مصطفى:تصبح
رقدو مصطفى وسعيد وهما راقيلهم من مروان بكل
بعد حوالي ساعتين
مروان يوشوش: سعيد سعيد ، مصطفى
مصطفى:تي كنك الزح
مروان:صبو لمو دبشكم وهيا بسرعه بسرعه
سعيد:كنك كنك شن في
مروان:تي غير صبو بسرعه الزح قبل يفطنولي
سعيد:تي فهمني
مصطفى:كنك شن في
مروان:مش وقته توا جايين ورايا بكلاشنات مانبيش نطلع بسيارتي بسرعه بالشويه را مختار ينوض علينا هيا يارا
لمو مصطفى وسع دبشهم وحاجتهم وطلعو بسرعه وهما عين مفتوحه وعين راقده ومش فاهمين شي
سعيد:ها طبعنا وين نمشو
مروان:اطلع شور بنغازي بسرعه بسرعه
مصطفى:تي شنو بنغازي الساعه 2
مروان:تي اطلع القصه فيها موت ياراجل .....
