عند هل انتصار ..
خو انتصار خشش محمود ومنعم للمربوعه
فتحي :كيف حالكم
محمود:بخير ،كلملي انتصار
انتصار:مرحب
اول ماحقت منعم والحاج حامق بدت ترعش من الخوف محمود:قعمزي هنك ،واسمعي
انتصار:خير انشالله
فتحي:باهي نستأذنكم
محمود:قعمز اشهد
فتحي😳:خيرانشالله
محمود:افتح الخر الي عندك انت
منعم خدا تليفونه وفتح ع التسجيل
ريهام:خير ياباتي
محمود:قعمزي تلا امك مانبش منك سلام
ريهام تمت تفنص في امها وتزمط في ريقها مش فاهمه شي
ولع منعم التسجيل وتما الهدوء سيد الموقف وصوت ريماس ف التسجيل وهي خانقتها العبره هو الي واضح
صدمه ورا صدمه لانتصار وفتحي وريهام لين كمل الاوديو وهي كل مابتدوي محمود يسكتها ويقوللها اسمعي لين انتهى الاوديو
محمود:شن بتدوي توا
انتصار:هضا كله كذب ، شن الكلام هضا
منعم:مافيش بنت اتبلى ع أمها تهيالي ومافيش حد يمرض إلا إذا كان مصدوم وحزين صح ، تذكري يوم ريماس مرضت في وجها وقعدنا انقولو زعلانه اتقوللنا لا ،كانت مسكينه خايفه منك ، بس بعد قصة الذهب معش قدرت اتحمل تسكت
انتصار:الحقيره خسارة تربيتي فيها ، كله كذب ياحاج والله ماتصدقهم
محمود:انا لتوا موسع بالي وساكت بكل فهميني شن الصح
انتصار وقتها تمت اتقول كذب وترعش وتبكي وخلاص ، والهبله تحساب هكي تخلي محمود يصدقها بس محمود وقتها تأكد ان كل كلام ريماس صح
محمود:في شن قصرت معاك بس ، الي تبيه حاضر هلي ناقصهم وناقصهم حاضر ، تي الزح ولدك يافتحي قتللي اولدي اول فرحتي وعشانك ياانتصار قلت المسامح كريم ، تميتي تسوسي ع سلوى وريهام لين خليتيهن كيفك ، وانا هضا كله غافل ، انا تديريلي سحر انا ، انا تسحريني بيش تكرهيني في عيالي وضرايرك ، تي شن اندير فيك بس شن اندير
صبى محمود كرها من شعرها جو يجارو منعم وفتحي تمو يفكو فيه وانتصار قالبتها اعياطات وريهام بكاوات
ريهام :هضا الي جاي يسوس علينا انا مانبيش ندوي عليه من زمان ياباتي ، هضا شفته ايام عرس حاتم هو واميره ف الجنان من لاوره في منظر يحشم
منعم :تي من من ، تحكي عليا نا انتي
ريهام كرست ورا امها :اها انت ولا فالح اتبلى على غيرك ، وموده مدايره علاقه مع مصطفى وسعيد اصحاب مروان ، ورنده مدايره علاقه مع حامد ولد عمي ، ومروان كم مره يتحرش بسلوى زمان وانا انشوف فيهم وساكته وع فكره مروان يحشش ويشرب هو واصحابه
منعم معش قدر يتحمل كلامها ضربها كف
محمود :انتي مزال احسابك معايا خليني توا في امك
انتصار:والله الظلم حرام ، وانت يالي اسمك خويا دافع عليا ولا فالح تجيني تقولي ولدي الي قتل مؤيد وتبيني نخلي الحاج مايديرلكش مشاكل
محمود:تحرمي عليا مرا ليوم الدين ، إنت طالق بالثلاثه ياانتصار ، حوشي معش تحلمي تخشيه ولا بناتك تحلمي اتشوفيهن ، وانتي ياحقيره البسي وهيا معايا
ريهام:لا مانيش مروحه معاكم انا الي بيا بامي
محمود:اقسم بالله كلن ماطلعتي معايا توا ، لانك بنتي ولا نعرفك ومعش تسميلي لين نموت
ريهام:انا امي انتصار بس
محموداول ماسمع هكي مسك ريهام من شعرها طيحها في الوطا تما يرفس فيها وانتصار تعيط وفتحي طبعا مرعوب من محمود مابش يدوي بكل ،لين جا منعم كر باته وطلع، وانتصار تدعي عليهم وتعيط وحالتها حاله وفتحي يهزب وخلاص مابانتش رجولته الا بعد طلع منعم ومحمود
ركب منعم وباته السياره حرق العجل وعدا
محمود:حسبي الله ونعم الوكيل ، انا تستغفلني بهضا كله ،انا تدير فيا هكي الي الناس كلهم يديرولي الف حساب ، خلتني نقاطع عيالي ونجيه ظلمتها معايا ، بس شن الكلام الي قالاته ريهام هضا
منعم:تي كذابه ياباتي وحق الله كذابه
محمود:مافيش دخان بلا نار
منعم:اقسم بالله ياباتي مافيه منه الكلام الي قالاته
محمود:هذي اخرة تربية الصبايا طالق حواشييني لصبايا وتوا شن جاني من وراهن
منعم:اهدا ياباتي صحتك
محمود:تكي بيا ع المستشفى نحس في ضغطي رقا، وسلوى الحقيره الي خلتني نتبرا من ولدي وظلمته ،انا صبايا يديرن فيا هكي انا ، مروان وين توا
منعم:مروان في طبرق
محمود:كلمه قولله يروح ، قولله باتك يبيك
منعم:مايبيش يكلمنا ومسكر تليفونه ، بنمشيله انا وسعيد ومصطفى بكره
انتكي بيك ع العياده هذي
محمود:باهي تكي
نزلو منعم ومحمود للعياده ، كان منعم يحساب انه خلاص افتك من المشاكل بعد باته عرف وطلق انتصار وتبرا من ريهام ، ومايندريش ان انتصار حتخرب عليه اكثر شي يحلم بيه ويحبه ، ومش حتريحه بعد الي داره ، وماتندريش انها حتخرب سمعتهم كلهم بين الناس رغم انهم سترو عليها ومابوش يقولو لحد ع الي داراته
