#ﺷﺮﻳﻌﺔ_ﺍﻟﻌﺸﻖ
ﺑﺎﺭﺕ ٦٦
ﻧﻮﺭﺍ ﻧﺎﺻﺮ
ﺳﻨﻮﺍﺕ ﺍﻟﺒﻌﺪ ﻃﻮﺍﻝ ...
ﻭﻗﺪ ﺗﺮﻛﺖ ﻓﻲ ﻗﻠﺒﻲ ﺍﺛﺮ ﺍﻟﻬﺠﺮﺍﻥ ..
ﻛﺮﻣﺎﺩ ﺑﺎﺭﺩ ﺑﻌﺪ ﺍﻥ ﺍﻛﻠﺘﻪ ﻧﻴﺮﺍﻥ ﺍﻻﺷﺘﻴﺎﻕ ..
ﺍﺑﺤﺚ ﺑﻴﻦ ﺛﻨﺎﻳﺎ ﺍﻻﺣﻼﻡ ﻋﻦ ﻃﻴﻔﻚ ﺍﻟﺬﻱ ﻫﺠﺮﻧﻲ ﺑﺎﻟﻮﺻﺎﻝ ..
ﻭﺍﺭﻯ ﻧﻔﺴﻲ ﻏﺎﺭﻕ ﻓﻲ ﺍﻟﻤﻨﺎﻡ ..
ﻭﻻ ﺍﺭﻯ ﻟﺤﺎﻟﺘﻲ ﺳﻮﻯ ﺍﻟﻴﺄﺱ ﻭ ﺍﻟﺨﺬﻻﻥ ..............
ﺍﻟﺨﺎﻃﺮﺓ ﺑﻘﻠﻢ HafsaHafsa710
ﺑﻠﻌﺖ ﺭﻳﻚ ﻭﻣﺪﻳﺖ ﺍﺻﺎﺑﻌﻲ ، ﻛﻤﺸﺖ ﺍﻟﻮﺭﻗﺔ ﻭﻓﺘﺤﺘﻬﺎ
ﻏﻤﻀﺖ ﻋﻴﻮﻧﻲ ﻟﺤﺘﻰ ﺍﺳﺘﻌﺪ ﻟﻘﺮﺍﺀﺗﻬﺎ ، ﻓﺘﺤﺘﻬﺎ ﻭﺍﻧﻲ ﺍﺗﺤﺴﺮ ﺩﺍﺧﻠﻲ ﻳﻨﺒﺾ ﺑﺎﻻﻟﻢ ' ﻣﺸﺘﺎﻗﺘﻠﻬﺎ ' ، ﺍﻟﻠﺘﻬﻤﺖ ﻋﻴﻮﻧﻲ ﺍﺣﺮﻑ ﺍﻟﻮﺻﻴﺔ ﺑﻮﺟﻞ .. ﻭﺍﻧﻲ ﺍﺗﺄﻣﻞ ﺣﺮﻭﻑ ﺧﻄﺘﻬﺎ ﺍﻧﺎﻣﻞ ﺻﺪﻳﻘﺘﻲ ﺍﻟﺸﻬﻴﺪﺓ .
" ﻋﺒﻮﺭﺓ ﺣﺒﻴﺒﺘﻲ ﻟﻤﻦ ﺗﻘﺮﻳﻦ ﻫﺎﻱ ﺍﻟﺮﺳﺎﻟﺔ ﺍﻛﻴﺪ ﺍﻧﻲ ﻣﻮ ﺑﺎﻟﺪﻧﻴﺎ ، ﻋﻨﺪﻱ ﺍﺣﺴﺎﺱ ﺍﻣﻮﺕ ﺑﺎﻟﻮﻻﺩﺓ ﻭﺍﺣﻼﻣﻲ ﻛﻠﻬﺎ ﻋﻦ ﺍﻟﻤﻮﺕ ﺩﺍﺍﺷﻮﻑ ﻣﻮﺗﻲ ﺑﻌﻴﻮﻧﻲ ، ﻟﺬﻟﻚ ﻛﺘﺒﺖ ﻫﺎﻟﻮﺻﻴﺔ ﺣﺘﻰ ﺍﻭﺻﻴﺞ ، ﺷﻮﻓﻲ ﺻﺢ ﺍﻧﺖ ﻋﺼﺒﻴﺔ ﻭﻗﺎﺳﻴﺔ ﺑﺲ ﺩﺍﺧﻠﺞ ﻋﻜﺲ ﺍﻟﻘﻮﺓ ﺍﻟﻲ ﺗﻈﻬﺮﻳﻨﻬﺎ ، ﻭﻟﺞ ﻋﺒﻴﺮ ﻛﺮﺍﺭ ﺃﻣﺎﻧﺔ ﻳﻤﺞ ﻋﻠﻴﺞ ﺑﺪﺍﻋﺔ ﺧﺎﻟﺔ ﺳﻮﺳﻦ ، ﻫﻮﻧﻲ ﻋﻠﻴﻪ ﻓﺮﺍﮔﻲ ﻭﺍﺫﺍ ﻣﺘﺖ ﺑﺎﻟﻮﻻﺩﺓ ﺍﺑﻨﻲ ﺍﻣﺎﻧﺔ ﻳﻤﺞ ، ﻭﺣﺒﺒﻲ ﻛﺮﺍﺭ ﺑﻴﭻ " ﻋﻠﻴﭻ ﺍﻟﻌﺒﺎﺱ " ، ﺷﻮﻓﻲ ﺧﺒﻠﺔ ﻣﻮ ﺗﮕﻮﻟﻴﻠﻲ ﺣﻠﻔﻲ ﺑﺎﻟﻌﺒﺎﺱ ﻫﺎﻱ ﺣﻠّﻔﺘﭻ ﺑﻲ ، ﺧﻠﻲ ﻛﺮﺍﺭ ﻳﺰﺭﻉ ﺑﺬﺭﺓ ﺣﺐ ﺑﺼﻒ ﺑﺬﺭﺓ ﺣﺒﻪ ﺍﻟﻴﻪ " ﻭﻛﻮﻧﻲ ﺍﻧﺖِ ﻫﺎﻟﺒﺬﺭﺓ "
ﻣﺎﻛﻮ ﻣﺜﻠﭻ ﺣﺘﺪﻳﺮ ﺑﺎﻟﻬﺎ ﻋﻠﻴﻪ ﻭﺗﺴﻌﺪﻩ "
ﺻﻌﺪ ﺍﻟﺪﻡ ﺍﻟﻘﻠﺒﻲ ﺑﻌﻨﻒ ﺷﺪﻳﺪ ﻭﺍﻇﻠﻤﺖ ﻋﻴﻮﻧﻲ !!!!
ﺗﺼﻠﺐ ﺟﺴﻤﻲ ﻭﻣﻔﺎﺻﻠﻲ ﺗﺮﺗﺠﻒ ، ﺭﺟﻔﺔ ﻣﺰﻗﺖ ﺭﻭﺣﻲ ، ﻣﺎﺍﺣﺲ ﺑﺲ ﺍﻟﺪﻣﻊ ﻳﻨﺰﻝ ﻣﻦ ﻋﻴﻮﻧﻲ ، ﺍﻟﻮﺭﻗﺔ ﺗﺒﻠﻠﺖ ، ﺣﻈﻨﺘﻬﺎ ﻟﻮﺟﻬﻲ
ﻭﺑﭽﻴﺖ ﺑﺤﺮﮔﺔ .
ﺳﻤﻌﺖ ﺻﻮﺕ ﻣﺎﻣﺎ ﻣﻦ ﻭﺭﺍﻳﻪ " ﻳﻠﻪ ﺑﻨﺘﻲ ﺯﻭﺟﭻ ﻳﻨﺘﻈﺮﭺ ﻟﺘﺄﺧﺮﻳﻪ ﺧﺎﻑ ﺗﻌﺒﺎﻥ ﻭﻳﺮﻳﺪ ﻳﺮﻭﺡ ﻳﺮﺗﺎﺡ .
ﺍﻟﺘﻔﺘﺖ ﺍﻟﻬﺎ ﺑﻴﺪﻱ ﺍﻟﻮﺭﻗﺔ ﺑﺎﻭﻋﺖ ﻋﻠﻰ ﺍﻟﺴﺮﻳﺮ ﺷﺎﻓﺖ ﺍﻟﻌﻠﺒﺔ : ﺍﻱ ﺩﺍﺍﺳﺄﻟﺞ ﻋﻦ ﻫﺎﻟﻌﻠﺒﺔ ﻣﺪﺭﻱ ﻣﻨﻴﻦ ﻫﻤﺎﻡ ﻃﻠﻌﻬﺎ ﻭﻫﻮ ﺩﻳﻠﻌﺐ ﻭﺿﻤﻴﺘﻬﺎ ﻫﻨﺎ ﻫﺎﻱ ﻟﺰﻫﺮﺍﺀ ﻟﻮ ﺍﻟﭻ ؟
ﻋﺒﻴﺮ ﺷﺒﻴﭻ ﻣﺎﻣﺎﺗﻲ ﺍﻧﺖِ ﺩﺗﺒﭽﻴﻦ ؟
ﺗﻘﺮﺑﺖ ﻣﻨﻲ ﺷﻤﺮﺕ ﻧﻔﺴﻲ ﺑﺤﻀﻨﻬﺎ ﻭﺑﻌﺪﻫﺎ ﺍﻻﻣﺎﻧﺔ ﺑﻴﺪﻱ ﻋﺼﺮﺗﻬﺎ ﺣﻴﻞ ﺑﺎﺻﺎﺑﻌﻲ ﻭﺷﻬﮕﺖ ﺣﻮﺍﺳﻲ ﻣﻀﻄﺮﺑﺔ ﻭﺍﺭﺟﻒ .
ﻇﻠﻴﺖ ﺍﺗﻤﺘﻢ ' ﻭﻟﺞ ﻣﻬﺎ ﻭﺻﻴﺘﺞ ﻫﺎﻱ ﺛﻜﻴﻠﺔ ﻋﻠﻴﻪ ﺍﺍﺍﺍﻩ ﻟﻮ ﺗﺪﺭﻳﻦ ﺍﻧﻲ ﻣﺘﺰﻭﺟﺔ ﻫﺴﻪ ﻭﻣﺎ ﺍﻋﺮﻑ ﺷﻨﻮ ﺣﻴﺼﻴﺮ ﻟﻮ ﺟﺎﻥ ﻓﺘﺤﺘﻬﺎ ﻗﺒﻞ ﺯﻭﺍﺟﻲ ﻣﺎﻋﺮﻑ ﻣﺎﺍﺍﺍﻋﺮﻑ ﻛﻞ ﺍﻟﻲ ﺍﻋﺮﻓﻪ ﺍﻧﻲ ﻣﺸﺘﺎﻗﺔ ﺍﻟﻬﺎ ﻫﻮﺍﻱ ﻛﻠﺶ ﻫﻮﺍﻱ ﻭﻣﺤﺘﺎﺟﺘﻬﺎ ﺑﺤﻴﺎﺗﻲ '
ﻇﻠﺖ ﻣﺎﻣﺎ ﺗﻤﺴﺪﻟﻲ ﻭﺍﺗﻲ ﺍﺣﺠﻴﻠﻬﺎ ﻇﻠﺖ ﺗﻬﺪﺃ ﺑﻴﻪ
ﺍﺗﺼﻞ ﻗﺴﻮﺭ ﻋﻠﻰ ﻣﻮﺑﺎﻳﻠﻲ
ﺟﺎﻭﺑﺘﻪ ﺑﺲ ﻣﺤﺠﻴﺖ
ﺍﺟﺎﻧﻲ ﺻﻮﺗﻪ : ﻭﻳﻨﺞ ﻳﺎﻋﻴﻨﻲ .
ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺟﺮﻳﺖ ﻧﻔﺲ ..
_ ﻟﺤﻈﺔ ﺑﺲ ﺷﻮﻳﺔ ﺍﻧﺘﻈﺮ
_ ﺍﻭﻛﻲ ﺣﻴﺎﺗﻲ ﻋﻠﻰ ﺭﺍﺣﺘﺞ ﺑﺲ ﺭﺍﺡ ﺍﻏﻔﻲ ﻋﻠﻰ ﺭﻭﺣﻲ ﻭﺍﻟﻠﻪ ﻧﻌﺴﺎﻥ .
_ ﺑﺲ ﺍﺣﺠﻲ ﻭﻱ ﻣﺎﻣﺎ ..
_ ﻣﺎﺷﻲ .
ﺳﺪﻳﺘﻪ ﻣﻨﻪ ..
ﺑﺎﻭﻋﺖ ﻟﻤﺎﻣﺎ : ﻣﺎﻣﺎ ﻋﺎﺩﻱ ﺍﺑﺎﺕ ﻋﺪﻛﻢ ﺍﻟﻠﻴﻠﺔ ﻭﺍﻟﻠﻪ ﻣﺎﺩﺭﻱ ﺷﺒﻴﻪ ﺗﻌﺒﺎﻧﺔ ﺍﺭﻳﺪ ﺍﺑﻘﻰ ﻭﺣﺪﻱ .
_ ﺻﺪﮒ ﭼﺬﺏ ﻣﻨﺞ ୪ ﺑﻨﺘﻲ ﺗﺮﺩﻳﻦ ﻋﻤﺘﺞ ﺗﺸﺮﻧﺎ ﻋﻠﻰ ﺍﻟﺤﺒﻞ ؟ ﻣﺼﺎﺭ ﺍﻟﻬﺎ ﺍﺳﺒﻮﻉ ﻣﻦ ﺗﺰﻭﺟﺖ ﻋﺎﻓﺖ ﺯﻭﺟﻬﺎ ﻭﺑﺎﺗﺖ ﻳﻢ ﺍﻫﻠﻬﺎ ﻭﻫﻮ ﻫﻢ ﺧﻄﻴﺔ ﺧﻠﻲ ﻳﺸﺒﻊ ﻣﻨﺞ ﺣﺘﺨﻠﺺ ﺍﺟﺎﺯﺗﻪ ﻭﻳﻠﺘﺤﻖ ﻭﺩﺗﺸﻮﻓﻴﻦ ﺍﻻﻭﺿﺎﻉ ﺷﻠﻮﻧﻬﺎ ﻭﻫﻮ ﺑﺎﻟﺮﻣﺎﺩﻱ ﻳﺪﺍﻭﻡ ﻭﺍﻻﻣﻪ ﻣﺨﺒﻮﺻﺔ ﺑﺴﺒﺐ ﺍﻟﻤﻈﺎﻫﺮﺍﺕ .
ﻣﺴﺤﺖ ﺩﻣﻮﻋﻲ ﻭﺟﺎﻭﺑﺘﻪ ﺑﺪﻭﻥ ﻣﺎﺍﺑﺎﻭﻋﻠﻬﺎ ﻭﺍﺣﺲ ﺍﻫﺪﺍﺑﻲ ﺛﻘﻴﻠﺔ ﺑﺴﺒﺐ ﺍﻟﺪﻣﻊ ؛ ﺍﻱ ﻣﺎﻣﺎ ﻫﻢ ﺣﻘﺞ ..
_ ﮔﻮﻣﻲ ﻏﺴﻠﻲ ﺑﻨﺘﻲ ﻭﻣﺴﺤﻲ ﻭﺟﻬﭻ ﻭﻻ ﺗﺒﻴﻨﻴﻦ ﻟﺰﻭﺟﭻ
ﺷﻲ ، ﻭﻣﻦ ﺗﻮﺻﻠﻴﻦ ﻟﺒﻴﺘﺞ ﺗﻮﺿﻲ ﻭﺍﻗﺮﻱ ﻗﺮﺃﻥ ﻭﺍﻫﺪﻱ ﺍﻟﻬﺎ ﺍﻟﻠﻪ ﻳﺮﺣﻢ ﺭﻭﺣﻬﺎ ﺍﻟﻄﻴﺒﺔ ﻭﻳﻐﻔﺮﻟﻬﺎ ﻭﻫﺴﻪ ﺑﺲ ﺗﻘﺮﻳﻦ ﺍﻟﻬﺎ ﺑﺴﺮﻋﺔ ﺗﺮﺗﺎﺣﻴﻦ .
_ ﺻﺎﺭ ﻣﺎﻣﺎ ﻛﺎﻳﻤﺔ ﺑﺲ ﺷﻮﻓﻴﻠﻲ ﻋﻤﺔ ﺭﺍﺣﺖ ﻟﻮ ﺑﻌﺪﻫﺎ ؟ ﻣﺎﺭﻳﺪﻫﺎ ﺗﺸﻮﻓﻨﻲ ﺑﻬﺎﻟﻮﺿﻊ .
_ ୪ ﺑﻨﺘﻲ ﻣﺎﺭﺍﺣﺖ ﮔﺎﻟﺖ ﺗﺮﻭﺡ ﻭﻳﺎﻛﻢ ﻗﺴﻮﺭ ﻳﻮﺻﻠﻬﺎ .
ﻫﺰﻳﺖ ﺭﺍﺳﻲ ﻭﮔﻤﺖ ، ﺗﻮﺟﻬﺖ ﻟﻠﻤﻐﺴﻠﺔ ﻏﺴﻠﺖ ﻭﺟﻬﻲ ﻭﺗﺨﻠﺼﺖ ﻣﻦ ﺁﺛﺎﺭ ﺩﻣﻮﻋﻲ ، ﺟﺮﻳﺖ ﻧﻔﺲ ، ﺍﺗﺨﻠﺺ ﻣﻦ ﺷﻬﮕﺎﺗﻲ ﺍﻟﻤﺴﻴﻄﺮﺓ ﻋﻠﻰ ﺍﻧﻔﺎﺳﻲ .
ﻃﻠﻌﺖ ﻣﻦ ﻳﻢ ﺍﻟﻤﻐﺴﻠﺔ ، ﺷﻔﺖ ﻣﺎﻣﺎ ﺣﺒﻴﺒﺘﻲ ﻣﺤﻀﺮﺓ ﺍﻟﻲ ﮔﻼﺹ ﻣﻲ ﺍﺧﺬﺗﻪ ﻣﻦ ﺍﻳﺪﻫﺎ ﻭﻫﺰﻳﺖ ﺭﺍﺳﻲ ﺑﺎﻣﺘﻨﺎﻥ ﻭﺷﺮﺑﺖ ﺭﺷﻔﺔ ﻣﻨﻪ ﻭﺍﻧﺘﻈﺮﺕ ﺷﻮﻳﺔ ﺩﻗﺎﻳﻖ ﺑﻴﻦ ﻣﺎ ﺍﺭﺗﺎﺡ ﻭﺑﺎﻟﻲ ﻳﻢ ﻗﺴﻮﺭ ﺷﻮﻥ ﺣﻄﻠﻊ ﻫﻴﺞ ﺍﻛﻴﺪ ﺭﺡ ﻳﺤﺲ ﻋﻠﻴﻪ ﺑﻴﻪ ﺷﻲ .
ﻭﺍﻧﻲ ﻭﺍﻛﻔﺔ ﻭﺍﺣﺲ ﺍﻟﺰﻣﻦ ﻭﺍﻛﻒ ﻭﻳﺎﻳﻪ ﻭﻣﺪﻳﻤﺮ ﺗﻤﻨﻴﺖ ﺑﻬﺎﻱ ﺍﻟﻠﺤﻈﺔ ﺍﻛﺪﺭ ﺍﺗﺤﻜﻢ ﺑﻌﻮﺍﻃﻔﻲ ﻭﻣﺸﺎﻋﺮﻱ ﻭﺍﻛﺘﻢ ﺁﻫﺎﺗﻲ ﻭﻭﺟﻌﻲ ..
ﺍﺟﺎﻧﻲ ﺻﻮﺕ ﻋﻤﺔ ﺍﻟﻤﺴﺘﻔﺰ ﻭﺑﻨﻔﺲ ﺍﻟﻘﺴﻮﺓ ﺍﻟﻤﻌﻬﻮﺩﺓ
_ ﻳﻼ ﻋﻴﻨﻲ ﻋﺮﻭﻭﻭﺱ ﻭﻳﻨﺞ ﻣﻮ ﺗﺄﺧﺮﻧﺎ ﺣﻴﺼﻴﺮ ﺍﻟﻤﻐﺮﺏ ﺣﻤﻮﺩﻱ ﻭﺣﺪﻩ ﺑﺎﻟﺒﻴﺖ ﻣﺎﺟﺒﻨﺎ ﻭﻳﺎﻧﻪ ﻟﻴﻀﻮﺟﻮﻥ ﺑﻌﺾ ﺍﻟﻨﺎﺱ ..
ﻛﺎﻟﺖ ﻫﻴﺞ ﻭﺍﻧﺪﺍﺭﺕ ﻋﻠﻰ ﻣﺮﻳﻢ ﺍﻟﻲ ﺷﺤﺖ ﻭﺟﻬﻪ ﻣﻨﻬﺎ ﻣﻨﻘﺮﻓﺔ ﻣﻦ ﺳﻴﺮﺓ ﻣﺤﻤﺪ ﺍﻟﻲ ﻣﺎﺍﻳﻔﻚ ﻣﻨﻬﺎ ﻟﻬﺴﻪ ﻳﻀﺎﻳﻘﻬﺎ ﺑﻴﻦ ﻓﺘﺮﺓ ﻭﺍﻟﺜﺎﻧﻴﺔ ..
ﺧﻠﻴﺖ ﺍﻳﺪﻱ ﻋﻠﻰ ﺧﺪﻱ ﺍﺗﺄﻛﺪ ﻣﻦ ﺟﻔﺎﻓﻪ ﺍﻟﻲ ﻏﺮﮒ ﺑﺴﺒﺐ ﺍﻟﺪﻣﻮﻉ
ﻭﺟﺮﻳﺖ ﺍﻧﻔﺎﺳﻲ ، ﻫﻲ ﺍﻟﺘﻔﺘﺖ ﺍﻟﻲ : ﺷﺒﻴﺞ ؟ ﺟﻨﺞ ﺩﺗﺒﺠﻴﻦ ؟ ﺷﻨﻮ ﻋﻴﻨﻲ ﻣﻌﺠﺒﺞ ﺍﻟﻌﺮﺱ ﻭﻫﺴﻪ ﺷﻔﺘﻲ ﺍﻫﻠﺞ ﻭﺟﻠﺒﺘﻲ ﺑﻴﻬﻢ ؟ ﻭﺫﺍﻛﻪ ﺍﻟﻲ ﺧﻠﻪ ﺍﻟﻮﺭﺍﻩ ﻭﺍﻟﻜﺪﺍﻣﻪ ﻋﻠﻴﺞ .
ﺟﺎﻭﺑﺘﻬﺎ ﺑﺎﻧﻔﻌﺎﻝ : ﺑﺎﻟﻠﻪ ﺳﻜﺘﻲ ﻋﻨﻲ ﻋﻤﻪ ﻣﻨﺎﻗﺼﺘﺞ ..
ﻟﻄﻤﺖ ﺧﺪﻫﺎ ﻭﻋﺎﻃﺖ ﻋﺰﺍﺍﺍ ﺷﻮﻥ ﺑﻼ ﺍﺧﻼﻕ ..
ﻋﻔﺘﻬﺎ ﻭﺩﺍﺍﻃﻠﻊ ﻻﻥ ﺍﺫﺍ ﺍﻃﻠﻊ ﺍﺗﻌﺎﺭﻙ ﻭﻳﺎﻫﺎ ﻣﺎﺑﻴﻬﺎ ﻣﺠﺎﻝ ﺑﻌﺪ .
ﺳﻤﻌﺖ ﺍﻣﻲ ﺗﻌﺎﺗﺒﻬﺎ ..
_ ﺻﺪﻡ ﺟﺬﺏ ﻣﻨﺢ ﺍﻡ ﻗﺴﻮﺭ ﻫﺎﻱ ﺍﻟﻤﺮﺟﻴﺔ ﻣﻨﺞ ﻫﻴﺞ ﺗﺤﺠﻴﻦ ﻟﻴﺶ ﺗﺘﻬﻤﻴﻨﻬﺎ ﺑﺎﻃﻞ ﺗﺮﺓ ﻫﻴﻪ ﻣﺮﺗﻪ ﻟﻘﺴﻮﺭ ﻭﺍﺫﺍ ﺧﻠﻪ ﺍﻟﻮﺭﺍﻩ ﻭﺍﻟﻜﺪﺍﻣﻪ ﻋﻠﻴﻬﺎ ﺗﺮﺓ ﻫﻮ ﻳﺤﺒﻬﺎ ﻭﺍﻟﻲ ﻳﺨﻠﻲ ﺍﻟﻬﺎ ﻣﻌﻨﺎﻫﻪ ﺍﻟﻪ ﻭﻫﻴﻪ ﻣﻮ ﻣﺘﺮﻳﺪﺓ ﻻﺗﺴﻴﺌﻴﻦ ﺍﻟﻈﻦ ﺑﻴﻬﺎ ﻣﻞ ﻣﺎ ﺑﺎﻟﻤﻮﺿﻮﻉ ﻫﻴﻪ ﺷﺎﻓﺖ ﺭﺳﺎﻳﻞ ﺻﺪﻳﻘﺘﻬﺎ ﻭﻇﻠﺖ ﺗﺒﺠﻲ ﻋﻠﻴﻬﺎ ﻭﻫﻲ ﻋﺒﻴﺮ ﺣﺴﺎﺳﺔ .
ﻋﻤﻪ ﻛﺎﻟﺖ ؛ ﺍﻱ ﻋﺸﺘﻮ ﺣﺴﺎﺳﺔ ﺗﺴﻜﺘﻨﻲ ﺑﻴﺞ ﺧﻴﺮ ﺟﺎﻥ ﺭﺑﻴﺘﻴﻬﺎ ﺍﻟﻤﺘﺴﺘﺤﻲ ﺷﻮﻥ ﺗﺤﺎﺟﻴﻨﻲ .
ﺗﺮﻛﺘﻬﺎ ﺗﺪﺭﺩﻡ ﻭﺭﺣﺖ ﺑﻮﺳﺖ ﺑﺎﺑﺎ ﻭﻭﺩﻋﺘﻪ ﺑﺴﺮﻋﺔ ﻗﺒﻞ ﻟﻴﺤﺲ ﻋﻠﻴﻪ ﻭﺭﺟﻌﺖ ﺍﺩﻭﺭ ﺯﻫﺮﺍﺀ ، ﻟﻜﻴﺘﻬﺎ ﺍﺑﺎﺏ ﺍﻟﻤﻄﺒﺦ
ﺭﺣﺖ ﻛﺮﺻﺘﻬﺎ ﻣﻦ ﺳﺎﻋﺪ ﺍﻳﺪﻫﻪ ﺍﻧﺘﺒﻬﺖ ﻋﻠﻴﻪ ﻣﺘﻔﺎﺟﺌﺔ
ﺭﻓﻌﺖ ﺗﻚ ﺣﺎﺟﺐ : ﺷﺒﻴﺞ ﻋﺒﻴﺮ ﺍﻧﺖِ ﺑﺎﺟﻴﺔ ؟
ﺟﺎﻭﺑﺘﻬﺎ ﺑﺘﺠﻬﻢ : ﺑﻌﺪﻳﻦ ﺍﻟﻲ ﺻﺮﻓﺔ ﻭﻳﺎﺝ ﻭﻳﻨﻪ ﺍﺑﻨﺞ ﺍﻟﻮﻛﺢ ﺧﻠﻲ ﺍﺑﻮﺳﻪ ﻗﺒﻞ ﻻ ﺍﺭﻭﺡ ؟
ﺳﺄﻟﺘﻨﻲ ﺑﻨﺒﺮﺓ ﻣﻠﻴﺎﻧﻪ ﺷﻚ : ﺷﻜﻮ ﻭﻟﺞ ﻋﺒﻴﺮ ؟
_ ﻣﺎﻛﻮ ، ﺩﻧﻜﺖ ﻋﻠﻰ ﻫﻤﺎﻡ ﺑﻮﺳﺘﻪ ﻭﻃﻠﻌﺖ ﻟﻠﻜﺮﺍﺝ
ﺻﺎﺭ ﻣﻘﺎﺑﻴﻠﻲ ﻛﺮﺍﺭ ﺟﺎﻥ ﺩﻳﺴﻮﻟﻒ ﻭﻳﻪ ﻗﺴﻮﺭ
ﻇﻠﻴﺖ ﺍﺑﺎﻭﻋﻠﻪ ﻭﺍﺣﺲ ﺗﺠﻤﺪﺕ
ﺭﻣﻘﺘﻪ ﺑﻨﻈﺮﺓ ﺃﺳﻰ ﻭﺣﺰﻥ ﻋﻠﻰ ﺣﺎﻟﻪ ..
ﻣﻮ ﻛﺮﺍﺭ ﺍﻟﻘﺪﻳﻢ ﺍﺑﺪ ﺭﻏﻢ ﻳﻀﺤﻚ ﻭﻳﺮﻳﺪ ﻳﻌﻴﺶ ﺑﺂﻱ ﻃﺮﻳﻘﺔ ، ﺑﺲ ﻣﻮ ﻫﻮ ﻭﺍﻟﻠﻪ ، ﻛﺮﺍﺭ ﺍﻟﻤﻠﻴﺎﻥ ﺣﻴﻮﻳﺔ
ﺍﺑﺎﻭﻋﻠﻪ ﺍﻛﺘﺎﻓﻪ ﻣﺤﻨﻴﻪ ، ﺷﻌﺮﻩ ﻣﺒﻌﺜﺮ ﻭﻟﺤﻴﺘﻪ ﻣﻤﺮﺗﺒﺔ
ﻭﻗﻤﻴﺼﻪ ﺍﻻﺳﻮﺩ ، ﺣﻴﺼﻴﺮ ﺍﻟﻬﺎ ﺳﻨﺔ ﺛﺎﻧﻴﺔ ﻭﻫﻮ ﻣﺎﻳﻠﺒﺲ ﻏﻴﺮ ﺍﻻﺳﻮﺩ .
ﻫﻮ ﺣﺲ ﺩﺍ ﺍﺑﺎﻭﻋﻠﻪ ﺑﺎﻭﻋﻠﻲ ﻭﺍﺑﺘﺴﻢ
_ ﻫﺎ ﻋﺒﻮﺩ ﺣﺘﺮﻭﺡ ؟
ﺍﻧﺘﺒﻬﺖ ﻟﻘﺴﻮﺭ ﺻﺎﻓﻦ ﻋﻠﻴﻪ ﻭﻳﺤﺎﻭﻝ ﻳﻔﺴﺮ ﻧﻈﺮﺍﺗﻲ ﻟﻜﺮﺍﺭ ..
ﻣﻜﺪﺭﺕ ﺍﻧﻄﻖ ﺍﺣﺲ ﺍﺧﺘﻨﻜﺖ ، ﻗﺴﻮﺭ ﺿﺮﺏ ﻛﺮﺍﺭ
ﻋﻠﻰ ﺭﻗﺒﺘﻪ ﻣﻦ ﻭﺭﻩ : ﻭﻭﻟﻚ ﻻ ﺗﮕﻠﺐ ﺍﺳﻤﻬﺎ ﻻ ﺍﺷﻌﻞ ﻋﺸﻴﺮﺗﻚ ﻫﻮ ﺍﻛﻮ ﺍﺣﻠﻰ ﻣﻦ ﺍﺳﻤﻬﺎ ؟
ﻣﺠﺎﻭﺑﺘﻬﻢ ﻫﻢ ﺍﻻﺛﻨﻴﻦ ﺑﺲ ﺣﺴﻴﺖ ﺑﻨﻈﺮﺍﺕ ﻗﺴﻮﺭ ﻋﻠﻴﻪ ﺗﺤﺮﻛﻨﻲ ، ﻃﻠﻌﺖ ﺑﺮﺓ ﻭﺗﻮﺟﻬﺖ ﻟﺴﻴﺎﺭﺓ ﻗﺴﻮﺭ
ﺣﺴﻴﺘﻪ ﻟﺤﻜﻨﻲ ، ﻇﻞ ﻳﻤﺸﻲ ﺑﺼﻔﻲ ﻭﻳﺴﺄﻝ ﺑﻴﻪ .
_ ﺷﺒﻴﺞ ﻋﺒﻴﺮ ﺻﺎﻳﺮ ﺷﻲ ﺣﺒﻲ ؟
ﺑﺪﻭﻥ ﻣﺎ ﺍﺑﺎﻭﻋﻠﻪ ﺟﺎﻭﺑﺘﻪ : ﻣﺎﻛﻮ ﺷﻲ ..
_ ﺍﻣﻲ ﻣﻀﻮﺟﺘﺞ ؟
ﺍﻭﻣﺌﺖ ﺑﺮﺍﺳﻲ ﺑﻤﻌﻨﻰ ﻻ .. ﻭﻓﺘﺤﺖ ﺑﺎﺏ ﺍﻟﻮﺭﻩ ﻭﺻﻌﺪﺕ
ﻇﻞ ﻳﻀﺮﺏ ﻉ ﺍﻟﺠﺎﻣﺔ ﺑﻴﺪﻩ ، ﺗﻨﻬﺪﺕ ﻭﻓﺘﺤﺘﻬﺎ ﺑﺪﻭﻥ ﻣﺎ ﺍﺑﺎﻭﻋﻠﻪ .
ﺩﻧﻚ ﻭﻃﻞ ﻣﻦ ﺟﺎﻣﺔ ﺍﻟﺴﻴﺎﺭﺓ ﻭﻛﺎﻝ ﺷﻮ ﺑﺎﻭﻋﻴﻨﻲ ؟
ﺩﻧﻜﺖ ﻭﺧﻠﻴﺖ ﺍﺩﻳﻪ ﻋﻠﻰ ﺣﻠﻜﻲ ﻇﻞ ﻳﻠﺢ ﻋﻠﻴﻪ ﻣﺒﺎﻭﻋﺘﻠﻪ
ﺍﺟﺖ ﻋﻤﻪ ﺑﻨﻔﺲ ﺍﻟﻠﺤﻈﺔ ﻭﻧﻘﺬﺗﻨﻲ ﻣﻦ ﺍﻟﻤﻮﻗﻒ ﺍﻟﻲ ﺍﻧﻄﻴﺖ ﺑﻲ ﻭﺧﻠﺼﺘﻨﻲ ﻣﻦ ﺍﻟﺤﺎﺣﻪ ، ﺑﺲ ﺍﻛﻴﺪ ﺣﻨﺮﻭﺡ ﻟﻠﺒﻴﺖ ﻭﻳﻨﻔﺮﺩ ﺑﻴﻪ .
ﺟﺘﻲ ﻋﻤﻪ ﻭﻃﺒﺖ ﺑﺎﻟﺴﻴﺎﺭﺓ ﻛﻌﺪﺕ ﺑﺎﻟﺼﺪﺭ ﻭﺍﻳﻨﺎﺱ ﻛﻌﺪﺕ ﻳﻤﻲ ﻭﺭﺍﻫﺎ ﻗﺴﻮﺭ ﺩﺧﻞ ﻭﺣﺮﻙ ، ﻃﻮﻝ ﺍﻟﻄﺮﻳﻖ ﺍﺣﺎﻭﻝ ﺍﺗﻬﺮﺏ ﻣﻦ ﻧﻈﺮﺍﺗﻪ ﺍﻟﻲ ﻣﺤﺎﻭﻃﺘﻨﻲ .
ﻛﻠﺴﺎﻉ ﺍﺷﻮﻓﻪ ﻳﺒﺎﻭﻋﻠﻲ ﺑﺎﻟﻤﺮﺍﻳﺔ ﻭﺍﺻﺪ ﻧﻈﺮﺍﺗﻪ ...
ﻣﺎﺭﻳﺪﻩ ﻳﻌﺮﻑ ﺍﻟﻲ ﺑﻴﻪ ، ﻣﺎﺭﻳﺪﻩ ﻳﻌﺮﻑ ﺍﻻﻣﺎﻧﺔ ﻭﻳﻀﻮﺝ
ﻭﺧﺎﻳﻔﺔ ﻳﻈﻞ ﻳﻜﺮﻩ ﻛﺮﺍﺭ ﻫﻤﻴﻨﻪ ﻭﺍﻧﻲ ﻣﺎﻋﻮﻧﺖ ﺗﺘﺤﺴﻦ ﻋﻼﻗﺘﻬﻢ ﺑﻌﺪ ﻣﺎ ﺟﺎﻧﺖ ﻣﺘﻮﺗﺮﺓ .
ﻭﺻﻠﻨﺎ ﻟﺒﻴﺖ ﻋﻤﺘﻲ ، ﻧﺰﻟﺖ ﻫﻴﻪ ﻭﺇﻳﻨﺎﺱ ﻭﻭﻛﻔﺖ ﻳﻢ ﺟﺎﻣﺔ ﺍﻟﺴﻴﺎﺭﺓ : ﻫﺎ ﻣﺎﺗﻨﺰﻟﻮﻥ ﻭﻳﺎﻧﻪ ؟
ﺟﺎﻭﺑﻬﻪ ﻗﺴﻮﺭ : ﻻ ﻳﻮﻡ ﻧﺮﻭﺡ ﻟﺒﻴﺘﻨﺎ ﻧﻤﺮ ﺍﻟﻜﻢ ﺍﻥ ﺷﺎﺀﺍﻟﻠﻪ .
ﻓﺎﺗﺖ ﺟﻮﻩ ﺑﻼ ﻣﺘﺠﺎﻭﺑﻪ ﺣﺴﻴﺖ ﺑﻴﻬﺎ ﺑﺎﻭﻋﺘﻠﻲ .
ﺍﻟﺘﻔﺘﺘﻠﻲ ﻗﺴﻮﺭ ﻭﺗﻨﻬﺪ : ﺷﺒﻴﺞ ﻳﺎ ﻟﺒﺔ ﻗﻠﺒﻲ ﻣﻨﻮ ﻭﻳﺎﺝ ؟
ﺟﺎﻭﺑﺘﻪ ﻭﺍﻧﻲ ﻣﺪﻧﮕﺔ : ﻣﺎﺑﻴﻪ ﺷﻲ ﻓﺪﻭﺓ ﻳﻠﻪ ﺣﺮﻙ ﻭﺩﻳﻨﻲ ﻟﻠﺒﻴﺖ ﺗﻌﺒﺎﻧﺔ ﻭﺑﺲ ﺍﺭﻳﺪ ﺍﻧﺎﻡ ﺍﺭﺗﺎﺡ ﻭﻳﺼﻴﺮ ﺧﻴﺮ ﻭﺍﺣﺠﻴﻠﻚ ﻛﻮﻟﺸﻲ .
_ ﺑﺮﺍﺣﺘﺞ ؛ ﺑﺲ ﺷﻨﻮ ﺣﺘﺒﻘﻴﻦ ﮔﺎﻋﺪﺓ ﻭﺭﻩ ﻣﺘﻨﺰﻟﻴﻦ ﺗﮕﻌﺪﻳﻦ ﻳﻤﻲ ؟
ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﺑﺪﻭﻥ ﻣﺎ ﺍﺣﺠﻲ ، ﻭﺻﻌﺪﺕ ﻳﻤﻪ .
ﻣﺎ ﺍﻥ ﺻﺮﺕ ﺑﺼﻔﻪ ، ﺍﺧﺬ ﺍﻳﺪﻱ ﺑﺎﺳﻬﺎ ﻭﺟﻬﻪ ﻭﻛﻔﻪ ﻭﻫﻮ ﻣﻐﻤﺾ ﻋﻴﻮﻧﻪ ﻭﻛﺎﻝ : ﺍﺷﺘﺎﻗﻴﺖ ﺍﻟﺞ .
ﺑﺎﻭﻋﺖ ﻟﻮﺟﻬﻪ ﻭﻋﻴﻨﻲ ﺑﻌﻴﻨﻪ ﺻﺎﺭﺕ ﺍﺑﺘﺴﻤﺖ ﺑﺄﻟﻢ ﻭﺍﻳﺪﻱ ﺩﺍﻋﺒﺖ ﺧﺪﻩ ﻭﺗﻌﺒﺚ ﺑﻠﺤﻴﺘﻪ .
ﻓﺘﺢ ﻋﻴﻮﻧﻪ ﺍﻧﺖِ ﺑﺎﭼﻴﺔ ﻣﻮ ؟ ﻣﻨﻮ ﻣﺒﺠﻴﺞ ؟ ﻛﺮﺍﺭ ﺷﺒﻲ ﻭﻳﺎﺝ ؟
_ ﻛﺮﺍﺭ !!! ﺷﺒﻲ ﺑﻌﺪ ﻣﺎﺑﻲ ﺷﻲ ..
ﺍﺭﻳﺪﻩ ﻳﻐﻴﺮ ﺍﻟﻤﻮﺿﻮﻉ ﻧﺒﺮﺗﻲ ﺭﺍﺡ ﺗﻔﻀﺤﻨﻲ ..
_ ﺣﺮﺍﻣﺎﺕ ﺭﺍﺡ ﺗﻠﺘﺤﻖ ﻭﺗﺰﻳﻴﻦ ﻟﺤﻴﺘﻚ ﻭﺍﻧﻲ ﺍﺣﺒﻬﺎ ..
_ ﺑﺲ ﻟﺤﻴﺘﻲ ﺗﺤﺒﻴﻬﺎ ﺍﻧﻲ ﻣﺘﺤﺒﻴﻨﻲ ؟
ﺑﺘﻮﺗﺮ ﺟﺎﻭﺑﺘﻪ : ﻫﻢ ﺍﺣﺒﻚ ...
ﺩﺍﺭ ﻭﺟﻬﻪ ﻣﻨﻲ ﻣﻤﻘﺘﻨﻊ ﻭﺣﺮﻙ ﺍﻟﺴﻴﺎﺭﺓ ﻭﺍﻧﻄﻠﻘﻨﺎ ﻟﺒﻴﺘﻨﺎ ..
ﻏﻤﻀﺖ ﻋﻴﻮﻧﻲ ﻭﺑﻘﻠﺒﻲ ﺣﺠﻴﺖ '" ﻭﺍﻟﻠﻪ ﺃﺣﺒﻚ '"
ﺑﺎﻭﻋﺘﻠﻪ ﻋﻴﻨﻪ ﻉ ﺍﻟﻄﺮﻳﻖ ﻭﺍﺣﺲ ﺟﺴﻤﻪ ﻣﺘﺼﻠﺐ ﻟﻤﻦ ﻳﺴﻮﻕ ﻭﺑﻌﺪ ﻣﺎﺑﺎﻭﻋﻠﻲ ﺿﺠﺖ ﻛﻠﺶ
ﻭﺻﻠﻨﺎ ﻟﻠﺒﻴﺖ ﺻﻌﺪﺕ ﺑﺴﺮﻋﺔ ، ﺿﻤﻴﺖ ﺍﻟﻌﻠﺒﺔ ﻣﺎﻟﺔ ﻣﻬﺎ ﺑﻌﺪ ﻣﺎﺑﻮﺳﺘﻬﺎ ﻭﺷﻤﻴﺘﻬﺎ ، ﻏﺴﻠﺖ ﻭﺭﺣﺖ ﻟﻠﻔﺮﺍﺵ ﻧﻤﺖ .
ﺟﺮﻳﺘﻬﺎ ﻧﻮﻣﻪ ﻟﻠﻤﻐﺮﺏ ، ﻛﻌﺪﺕ ﺷﻔﺖ ﻗﺴﻮﺭ ﻣﺘﻤﺪﺩ ﻳﻤﻲ ﻭﻳﻠﻌﺐ ﺑﻤﻮﺑﺎﻳﻠﻪ ، ﺍﻟﺘﻔﺘﺖ ﻋﻠﻴﻪ ﺑﺲ ﻣﺎﻟﻲ ﻭﺍﻫﺲ ﻟﻜﻞ ﺷﻲ .
ﺣﺲ ﺑﻴﻪ ﻛﻌﺪﺕ ، ﻛﻠﺐ ﻧﻔﺴﻪ ﻋﻠﻰ ﺟﻬﺘﻲ ، ﺍﺩﻳﻪ ﺟﻮﻩ ﺭﺍﺳﻪ ﻭﻳﺒﺎﻭﻋﻠﻲ : ﺻﺎﺭ ﻣﻐﺮﺏ ﻣﺘﻜﻮﻣﻴﻦ ﺗﺼﻠﻴﻦ ﺣﺘﻰ ﻧﺘﻌﺸﻪ ﺟﻮﻋﺎﻥ ﻣﺠﻮﻋﺎﻧﺔ ؟
ﺟﺎﻭﺑﺘﻪ ﺑﺘﻤﻠﻤﻞ : ﻷ ﻣﺠﻮﻋﺎﻧﺔ ﻫﺴﻪ ﺍﺳﻮﻳﻠﻚ ﻋﺸﻪ ﺍﻧﺖ ﻣﻮ ﻉ ﺍﻻﺳﺎﺱ ﺗﻌﺒﺎﻥ ﻣﺎﻧﻤﺖ ؟
_ ﻷ ﻣﺎﻧﻤﺖ ﺍﻧﺘﻈﺮﺝ ﺗﻜﻌﺪﻳﻦ ﺣﺘﻰ ﺗﺴﻮﻟﻔﻴﻠﻲ ﺷﺒﻴﺞ ؟
_ ﻣﺎﺑﻴﻪ .. ﺣﺠﻴﺖ ﻫﻴﺞ ﻭﺩﺍ ﺍﻛﻮﻡ ، ﺳﺤﺒﻨﻲ ﻭﻛﻌﺖ ﺑﺤﻀﻨﻪ ﻗﻴﺪﻧﻲ ﺑﺪﻳﻪ ، ﺑﺎﺳﻨﻲ ﻭﻇﻞ ﻳﻠﻌﺐ ﺑﺸﻌﺮﻱ
_ ﻻ ﺗﻨﻜﺮﻳﻦ ﺑﻴﺞ ﺷﻲ ﻛﻮﻟﻲ ﺷﻨﻮ ؟ ﻟﻴﺶ ﺗﺨﻠﻴﻨﻲ ﻗﻠﻖ ﻋﻠﻴﺞ ؟
ﺭﺟﻔﺖ ﺑﺤﻀﻨﻪ ، ﺗﻤﻠﺼﺖ ﻣﻨﻪ ﺑﺴﺮﻋﺔ ﻭﻧﺰﻟﺖ ﻣﻦ ﺍﻟﺴﺮﻳﺮ
_ ﺭﺍﻳﺤﺔ ﺍﺗﻮﺿﻰ ﻭﺃﺻﻠﻲ ﺑﻌﺪﻳﻦ ﻋﻮﺩ .
ﺳﻜﺖ ﻭﻣﺎﺗﻜﻠﻢ ﺍﺑﺪ ﻭﺍﻧﻲ ﻧﺰﻟﺖ ﺟﻮﻩ ، ﻃﻠﻌﺖ ﺷﻐﻼﺕ ﻣﻦ ﺍﻟﺜﻼﺟﺔ ﺣﺘﻰ ﺍﺳﻮﻳﻬﻢ ﻟﻠﻌﺸﻪ ﻭﺧﻠﻴﺘﻬﻢ ﻉ ﺍﻟﻜﺎﻭﻧﺘﺮ
ﺭﺣﺖ ﺗﻮﺿﻴﺖ ﻭﺻﻠﻴﺖ ﺑﺎﻟﻬﻮﻝ .
ﻭﻫﻮ ﻣﺎﻧﺰﻝ ﺑﻌﺪ ..
ﻟﻤﻦ ﺧﻠﺼﺖ ﺻﻼﺓ ﺭﺣﺖ ﺑﻠﺸﺖ ﺑﺎﻟﻌﺸﻪ ﺳﻮﻳﺘﻪ ﻭﺣﻀﺮﺗﻪ ﺑﺎﻟﻤﻄﺒﺦ ، ﻭﺻﻌﺪﺕ ﺍﺻﻴﺢ ﺍﻟﻪ ، ﺷﻔﺘﻪ ﻣﺘﻤﺪﺩ
ﺳﺄﻟﺘﻪ ﺻﻠﻴﺖ ؟
ﺑﺎﻭﻋﻠﻲ ﻭﻧﻈﺮﺍﺗﻪ ﺍﻟﺸﺎﺭﺩﺓ ﻋﻠﻴﻪ ﺍﻛﺘﻔﻰ ﺑﺲ ﻫﺰ ﺭﺍﺳﻪ .
ﻭﻛﺎﻡ ﻋﻠﻰ ﺣﻴﻠﻪ ﻭﻃﻠﻊ ﻣﻦ ﺍﻟﻐﺮﻓﺔ ﺗﺒﻌﺘﻪ ﺟﻮﻩ ، ﺳﺎﻛﺘﻴﻦ ﻓﺘﻨﻪ ﺍﺛﻨﻴﻨﻪ ﻟﻠﻤﻄﺒﺦ ﻛﻌﺪ ﻋﻠﻰ ﻣﻴﺰ ﺍﻟﻄﻌﺎﻡ ﻭﻳﺮﻳﺪ ﻳﺎﻛﻞ
ﺟﺮﻳﺖ ﺗﻠﻴﻔﻮﻧﻲ ﻭﺩﺍ ﺍﺻﻌﺪ ﻓﻮﻙ .
ﺍﺟﺎﻧﻲ ﺻﻮﺗﻪ ﻣﺮﺍﺡ ﺗﺘﻌﺸﻴﻦ .. ؟؟
ﺍﻧﺪﺍﺭﻳﺖ ﺍﻟﻪ : ﻣﺎ ﺍﺷﺘﻬﻲ ﻭﺍﻟﻠﻪ ..
ﺑﺎﻭﻋﻠﻲ ﺑﺸﻚ ﻭﺑﻨﺒﺮﺓ ﻣﻠﻴﺎﻧﺔ ﺷﻜﻮﻙ ﺳﺄﻟﻨﻲ
_ ﻷﺧﺮ ﻣﺮﺓ ﺍﻛﻮﻟﺞ ﺷﺒﻴﺞ ﻭﺍﺭﻳﺪ ﺟﻮﺍﺏ ...
_ ﻣﺎﺑﻴﻪ ﺷﻲ ﻭﺍﻟﻠﻪ
ﻛﺎﻡ ﻋﻠﻰ ﺣﻴﻠﻪ ﻭﺩﻓﻊ ﺍﻟﻜﺮﺳﻲ ﻋﺎﻁ : ﻟﺘﺤﻠﻔﻴﻦ ﺟﺬﺍﺑﺔ ...
ﻧﺒﺮﺓ ﺻﻮﺗﻪ ﺗﺪﻝ ﻋﻠﻰ ﺍﻧﻮ ﻻ ﻣﺠﺎﻝ ﻟﻠﻤﻨﺎﻗﺸﺔ ...
ﺑﺲ ﺍﻧﻲ ﻣﺎ ﺍﻛﺪﺭ ﺍﺳﻜﺖ : ﻣﻮ ﺟﺬﺍﺑﺔ ﺍﻧﻲ ﻭﻣﺎﺑﻴﻪ ﺷﻲ ﺷﻨﻮ ﺑﺎﻟﻜﻮﻩ ﻻﺯﻡ ﺍﻛُﻞ ؟
ﺗﺮﻙ ﺍﻟﻤﻄﺒﺦ ﻭﻃﻠﻊ ﻣﻦ ﺑﺎﺑﻪ ﺍﻟﻲ ﻳﻄﻞ ﻋﻠﻰ ﺍﻟﻜﺮﺍﺝ
ﺗﺒﻌﺘﻪ ﺻﺤﺖ ﻋﻠﻴﻪ ﻭﻳﻦ ﺭﺍﻳﺢ ؟ ﻗﺴﻮﺭ ؟
ﺍﺷﺮﻟﻲ ﺑﻴﺪﻩ ﺑﺪﻭﻥ ﻣﻴﺒﺎﻭﻋﻠﻲ ﻭﻃﻠﻊ ﻭﺭﻛﻊ ﺍﻟﺒﺎﺏ ﻭﺭﺍﻩ .
ﻏﻤﻀﺖ ﻋﻴﻮﻧﻲ ﻭﺗﺤﺴﺮﺭﺭﺭﺕ ﺑﻘﻮﻭﻭﺓ ﻭﻓﺘﺖ ..
ﻣﺮﺕ ٣ ﺃﻳﺎﻡ ﻋﻼﻗﺘﻨﺎ ﻣﺘﻮﺗﺮﺓ ﻣﺎﺍﻋﺮﻑ ﺷﻠﻮﻥ ﺍﺻﺎﻟﺤﻪ
ﻭﻫﻮ ﻣﺒﻴﻦ ﻋﻠﻴﻪ ﻣﻴﺤﺐ ﻳﻠﺢ ﺯﺍﻳﺪ ﺍﺑﺪ .
ﺍﻣﺎ ﺍﻧﻲ ﻣﺠﺎﻱ ﺍﻛﺪﺭ ﺍﻧﺴﻰ ﻣﻬﺎ ، ﻋﺒﺎﻟﻚ ﺍﻧﻔﺘﺢ ﺟﺮﺣﻲ ﻣﻦ ﺟﺪﻳﺪ ﻭﻟﻬﺴﻪ ﻣﺎﺗﺖ ﻭﺳﻤﻌﺖ ﺧﺒﺮﻫﺎ ، ﺍﺑﺠﻲ ﻣﻦ ﻫﻮ ﻣﻮ ﻳﻤﻲ ﻭﻟﻤﻦ ﻳﺠﻲ ﺍﺳﻜﺖ ﻭﺍﻣﺴﺢ ﺩﻣﻮﻋﻲ ﻭﺍﻓﻮﺕ ﺑﺎﻟﺒﻄﺎﻧﻴﺔ ﻭﺍﺳﻤﻊ ﺑﺲ ﺣﺴﺮﺍﺗﻪ ﺗﻤﻠﻲ ﺍﺳﻤﺎﻋﻲ ..
ﺟﻨﺖ ﻣﺘﻤﺪﺩﺓ ﺑﺎﻟﻐﺮﻓﺔ ، ﺳﻤﻌﺖ ﺻﻮﺕ ﺍﻟﻤﻄﺮ ﺑﺮﻩ
ﺍﻭﻝ ﻣﺮﺓ ﺗﻤﻄﺮ ﺑﺪﺍﻳﺔ ﺷﻬﺮ ﺍﻝ ١١ ... ﺟﻨﺖ ﻧﻌﺴﺎﻧﺔ ﺣﻴﻞ
ﻭﺻﻮﺕ ﺍﻟﻤﻄﺮ ﻭﻫﻮ ﻳﻀﺮﺏ ﻉ ﺍﻟﺠﺎﻣﺔ ﻋﺒﺎﻟﻚ ﻳﻬﺪﻫﺪﻧﻲ
ﻳﻐﻨﻴﻠﻲ ﺍﻧﺸﻮﺩﺓ ﻧﻮﻡ ﻭﻳﻨﻮﻣﻨﻲ ﻣﺜﻞ ﻃﻔﻞ ﺻﻐﻴﺮ ..
ﻧﻤﺖ .
ﺳﻤﻌﺘﻪ ﻳﺤﻮﺱ ﺑﺎﻟﻐﺮﻓﺔ ﻭﺑﺎﻟﻜﻨﺘﻮﺭ ﻭﺍﻧﻮﺏ ﺳﻤﻌﺖ ﺷﻲ ﻭﻛﻊ ﻓﺰﻳﺖ ﺑﺲ ﻣﺎﻃﻠﻌﺖ ﻣﻦ ﺍﻟﺒﻄﺎﻧﻴﺔ ﻭﺑﻘﻴﺖ ﺧﺎﺗﻠﺔ ﻗﺒﻞ ﺷﻮﻱ ﺟﻨﺖ ﺑﺎﺟﻴﺔ ﻭﻣﺎﺭﻳﺪﻩ ﻳﺸﻮﻑ ﺩﻣﻮﻋﻲ .
ﺳﻜﻨﺖ ﺣﺮﻛﺘﻪ ﻋﺮﻓﺘﻪ ﻃﻠﻊ ﻣﻦ ﺍﻟﻐﺮﻓﺔ ، ﺭﺟﻌﺖ ﺍﺣﺎﻭﻝ ﺍﻧﺎﻡ ﻣﺎ ﮔﺪﺭﺕ ، ﻭﺧﺮﺕ ﺍﻟﻐﻄﻰ ﻭﻛﻤﺖ ﻣﻦ ﻋﻠﻰ ﺍﻟﺴﺮﻳﺮ
ﺍﻟﺘﺎﻓﻴﺖ ﺻﺎﺭ ﺑﻮﺟﻬﻲ ﻗﺴﻮﺭ ﻭﺍﻛﻒ ﻳﺒﺎﻭﻉ ﻭﻫﻴﺌﺘﻪ ﻣﺘﺼﻠﺒﻪ ﻭﻧﻈﺮﺍﺕ ﻋﻴﻮﻧﻪ ﺗﺒﺚ ﺷﺮﺍﺭﺍﺕ ﻋﺘﺎﺏ ﻭﻳﺒﺎﻭﻋﻠﻲ ﺑﺨﻴﺒﺔ ، ﺑﺎﻭﻋﺖ ﻻﻳﺪﻩ ﺷﻔﺘﻪ ﻻﺯﻡ ﻭﺭﻗﺔ ﺍﻟﺮﺳﺎﻟﺔ ﻣﺎﻟﺔ ﻣﻬﺎ !
ﺣﺴﻴﺖ ﺑﺪﻣﻲ ﻳﺘﺤﻮﻝ ﺍﻟﻰ ﺛﻠﺞ ﻭﻋﻴﻮﻧﻪ ﺗﺮﺍﻗﺒﻨﻲ ﻭﺍﻧﻲ ﺍﺣﺎﻭﻝ ﺍﺑﻘﻰ ﻫﺎﺩﺋﺔ ، ﺑﺼﻮﺕ ﺭﺍﺟﻒ ﻣﻐﻠﻒ ﺑﺜﻘﺔ ﺯﺍﺋﻔﺔ
ﺳﺄﻟﺘﻪ : ﺷﺒﻴﻚ ﻗﺴﻮﺭ؟؟
ﺭﻓﻊ ﺍﻟﺮﺳﺎﻟﺔ ﺑﻴﺪﻩ ﻟﻴﻔﻮﻙ ﻟﺘﻜﻮﻥ ﺑﻤﺴﺘﻮﻯ ﻧﻈﺮﻱ
ﻭﺑﻨﺒﺮﺓ ﺗﻬﻜﻢ ﻏﺎﺿﺒﺔ : ﻫﻮ ﻫﺬﺍ ﺍﻟﺸﻲ ﺍﻟﻲ ﻏﻴﺮﭺ ﻋﻠﻴﻪ ؟
ﻫﺰﻳﺖ ﺭﺍﺳﻲ ﺑﺼﺪﻣﺔ ﻭﺗﻮﺗﺮ ୪୪୪ ﻗﺴﻮﺭ ﺍﻧﺖَ ﻓﺎﻫﻢ ﻏﻠﻂ ﺗﺮﻩ ﺧﻠﻲ ﺍﺷﺮﺣﻠﻚ .
ﺗﻘﺮﺏ ﻣﻨﻲ ﺑﻌﺪﺓ ﺧﻄﻮﺍﺕ ﺭﺷﻴﻘﺔ ﻭﻭﻛﻒ ﻏﺎﺻﺖ ﻧﻈﺮﺍﺗﻪ ﺑﺄﻋﻤﺎﻗﻲ ، ﻋﻴﻮﻧﻪ ﻣﺜﺒﺘﺘﺔ ﻋﻠﻴﻪ ﺑﻌﺘﺎﺏ .
ﻭﺳﺄﻟﻨﻲ ﺑﺸﻚ : ﻧﺪﻣﺎﻧﺔ ﻷﻥ ﺗﺰﻭﺟﺘﻴﻨﻲ ﻋﺒﻴﺮ ؟
ﺭﻣﺸﺖ ﻋﺪﺓ ﺭﻣﺸﺎﺕ ﻭﻓﺘﺤﺖ ﻋﻴﻮﻧﻲ ﺑﺼﺪﻣﺔ ﻭﻓﻜﻲ ﻣﺘﺪﻟﻲ ﻟﻼﺳﻔﻞ ، ﺍﺭﻳﺪ ﺍﺟﺎﻭﺑﻪ ؛ ﺍﺷﺮﻟﻲ ﺑﻌﺪﻡ ﺇﻫﺘﻤﺎﻡ
ﻓﻬﻤﺖ ﺍﻧﻮ ﻣﺎﻛﻮ ﻓﺎﻳﺪﺓ ﻣﻦ ﺍﻟﻜﻼﻡ ﺍﻟﻲ ﺭﺍﺡ ﺍﻛﻮﻟﻪ
ﻭﺍﺻﻼ ﻣﺎﻋﻨﺪﻱ ﺍﻱ ﻛﻼﻡ ﺍﻭ ﺍﻱ ﻣﺒﺮﺭ .
ﻫﻮ ﻣﺪ ﺍﻳﺪﻩ ﺍﺧﺬ ﺍﻳﺪﻱ ﻭﺧﻠﻪ ﺍﻟﺮﺳﺎﻟﺔ ﺑﺮﺍﺣﺔ ﻛﻔﻲ ﻭﺳﺪﺍﻩ
ﻗﺒﻞ ﻟﻴﻄﻠﻊ ﻣﻦ ﺍﻟﻐﺮﻓﺔ ﻛﺎﻝ : ﺑﺎﺟﺮ ﺭﺍﺡ ﺍﻟﺘﺤﻖ ﺣﻀﺮﻱ ﻧﻔﺴﺞ ﺍﻭﺩﻳﺞ ﻳﻢ ﺃﻫﻠﺞ .
.....
ﺯﻫﺮﺍﺀ .. ﺍﺳﺘﻤﺮ ﺻﻔﺎﺀ ﻳﺘﻌﺎﻟﺞ ﻭﺑﻴﻮﻡ ﻋﻤﻪ ﻭﻋﻤﻮ ﻃﻠﻌﻮﺍ ﻭﺑﻘﻮﺍ ﻳﻢ ﺑﻴﺖ ﺑﻬﺎﺀ ، ﺍﺟﺎﺍﻧﻲ ﺻﻔﺎﺀ ﻭﺍﻧﻄﺎﻧﻲ ﺷﻐﻼﺕ ﺍﻏﺴﻞ ﺑﻴﻬﺎ ﺍﻟﺒﻴﺖ ﻭﺍﺩﻋﻴﺔ ﺍﻗﺮﺍﻫﺎ ، ﻭﻛﺎﻝ ﻃﻠﻌﻲ ﻛﻞ ﻣﻼﺑﺲ ﺍﺳﺮﺍﺀ ﻭﺍﻏﺮﺍﺿﻬﺎ ﻭﺧﻠﻴﻬﻦ ﻋﻠﻰ ﺻﻔﺤﺔ ﺍﺧﻠﻲ ﺍﺣﻤﺪ ﻳﻮﺩﻳﻬﻦ ﻟﺒﻴﺖ ﺍﻫﻠﻬﺎ .
ﻫﻨﺎ ﺍﻋﺘﺮﺿﺖ !! ﻻﻻ ﺻﻔﺎﺀ ﻣﻌﻠﻴﻪ ﺍﻧﻲ ﺑﺎﻏﺮﺍﺽ ﺍﺳﺮﺍﺀ ﻭﻻ ﺍﻟﺰﻣﻬﻢ ﺗﺮﻳﺪ ﺍﻧﺖ ﺭﻭﺡ ﻃﻠﻌﻬﻦ ..
ﺑﺎﻭﻋﻠﻲ ﺑﻌﺪﻡ ﺭﺿﺎ ﻭﺭﺍﺡ ﻇﻞ ﻳﻄﻠﻊ ﺑﻴﻬﻦ ﻟﻤﻦ ﻓﺮﻍ ﺍﻟﻐﺮﻓﺔ ﻛﻠﻬﺎ ﺻﺎﺡ ﻋﻠﻴﻪ ﺍﻏﺴﻠﻬﺎ ﻭﺍﻧﻈﻔﻬﺎ .
ﻭﻛﻔﺖ ﻣﻘﺎﺑﻴﻠﻪ ﺍﺑﺎﻭﻋﻠﻪ ﺑﺘﺤﺪﻱ ﻭﺍﺩﻳﻪ ﻋﻠﻰ ﺧﺼﺮﻱ : ﺑﻠﻪ ﺭﺟﻌﺘﻬﺎ ﺷﻠﻮﻥ ﺑﺎﻟﻠﻪ ؟
ﺗﻘﺮﺏ ﻣﻨﻲ ﻳﺒﺎﻭﻋﻠﻲ ﺑﻨﻈﺮﺍﺕ ﺍﻟﻨﺪﻡ : ﻣﺘﺮﺟﻊ ﺩﺍ ﺍﻣﺸﻲ ﺑﺎﺟﺮﺍﺀﺍﺕ ﺍﻟﻄﻼﻕ .
ﺍﻧﺪﺍﺭﻳﺖ ﻣﻨﻪ ﻭﻇﻠﻴﺖ ﺍﻏﺴﻞ ﺑﺎﻟﺒﻴﺖ ﻭﺍﻃﻠﻊ ﺍﻟﻤﻲ ﻣﻨﻪ .
ﺍﺟﻪ ﺻﺎﺭ ﻣﻘﺎﺑﻴﻠﻲ ﻳﺒﺎﻭﻉ ﻟﻤﻼﻣﺤﻲ ﺑﺘﻔﺤﺺ .
ﺭﻓﻌﺖ ﻧﻈﺮﺍﺗﻲ ﺑﺎﺗﺠﺎﻩ ﻋﻴﻮﻧﻪ ﻭﺑﺜﻘﺔ ﻛﻠﺖ ﺍﻱ ﻣﻴﻬﻤﻨﻲ ﻗﺎﺑﻞ ﺷﻨﻮﻭﻭ ﺍﻧﺖ ﺗﺪﺭﻱ ﺳﺒﺐ ﻭﺟﻮﺩﻱ ﻫﻨﺎ ﻣﺤﺎﺟﺔ ﺍﻋﻴﺪ ﻭﺍﺯﻳﺪ ... ﻭﺍﻧﻲ ﺟﺎﻱ ﺍﺩﺭﺩﻡ ، ﻟﺰﻣﻨﻲ ﻣﻦ ﺯﻧﻮﺩﻱ ﺣﻴﻴﻞ ﻟﺪﺭﺟﺔ ﻭﻛﻌﺖ ﺍﻟﻤﺎﺳﺤﺔ ﻣﻨﻲ ، ﻗﺮﺑﻨﻲ ﺍﻟﻪ ﻭﺑﺎﺱ ﺷﻔﺎﻳﻴﻴﻔﻲ ﺣﻴﻴﻴﻞ ﻭﺍﺑﺘﻌﺪ ﻋﻨﻲ .
ﻟﻤﻦ ﻭﺧﺮ ﻋﻨﻲ ﺷﻬﻜﺖ ﺑﻘﻮﺓ ﻭﻫﻮ ﻇﻞ ﻳﻀﺤﻚ ﺑﻤﻜﺮ ﻭﺧﺒﺚ ، ﺧﺰﺭﺗﻪ ﺣﻴﻴﻞ ﻭﻋﻄﺖ ﻭﺍﻧﻲ ﺭﺍﻓﻌﺔ ﺍﺻﺒﻊ ﺍﻟﺸﻬﺎﺩﺓ ﺑﺘﻬﺪﻳﺪ : ﺩﻳﺮ ﺑﺎﻟﻚ ﺗﻌﻴﺪﻫﺎﺍﺍﺍﺍ .
ﺿﺤﻚ ﺷﺴﻮﻭﻳﻦ ﺑﺎﻟﻠﻪ ؟؟؟ ﺗﺸﺘﻜﻴﻦ ﻋﻠﻴﻪ ؟؟ ﻣﺮﺗﻲ ﺣﻼﻟﻲ ﻭﺑﻜﻴﻔﻲ ..
ﺑﻘﻴﺖ ﺍﺑﺎﻭﻋﻠﻪ ﺑﻌﺪﻡ ﺭﺿﺎ ﻭﺷﻔﺎﻓﻲ ﺗﺮﺟﻒ ..
ﺭﺭﻥ ﺗﻠﻴﻔﻮﻧﻪ ﺑﺎﻭﻋﻠﻲ ﻭﺑﻌﺪﻫﺎ ﺍﻻﺑﺘﺴﺎﻣﺔ ﻣﻤﻔﺎﺭﻛﺔ ﻭﺟﻬﻪ ﻭﺟﺎﻭﺏ ﻋﺮﻓﺖ ﺩﻳﺤﺠﻲ ﻭﻳﻪ ﺍﺣﻤﺪ ﻋﻤﻮﺩ ﻣﻼﺑﺲ ﺍﺳﺮﺍﺀ ﻭﺍﻏﺮﺍﺿﻬﺎ ...
ﻭﺭﺍﻫﺎ ﺑﺎﻳﺎﻡ ﺻﻌﺪﻟﻲ ﻟﻠﺸﻘﺔ ﺑﺎﻟﻠﻴﻞ .. ﺟﻨﺖ ﺑﺎﻟﺼﺎﻟﺔ ﻭﻣﺨﻠﻴﻪ ﻫﻤﺎﻡ ﺑﺤﻀﻨﻲ ﺗﻮﻩ ﻏﺎﻓﻲ ..
ﻛﻨﺒﺺ ﻳﻤﻲ ، ﺩﻧﻚ ﺑﺎﺱ ﻫﻤﺎﻡ ، ﺑﻌﺪﻫﺎ ﺍﺧﺬﻩ ﻣﻨﻲ ﻭﺭﺍﺡ ﻭﺩﺍﻩ ﻟﻔﺮﺍﺷﻪ ، ﺭﺣﺖ ﻟﻠﻐﺮﻓﺔ ﺍﺭﻳﺪ ﺍﻧﺎﻡ ﻭﻫﻮ ﺩﻳﻄﻠﻊ ﻣﻨﻬﺎ
ﻭﻛﻔﻨﻲ ﺻﻮﺗﻪ : ﻃﻠﻜﺘﻬﺎ ..
ﺭﺟﻒ ﻗﻠﺒﻲ ﻣﺎ ﺍﻋﺮﻑ ﻣﺸﺎﻋﺮﻱ ﺑﻮﻗﺘﻬﺎ ﻣﺎ ﺍﻛﺪﺭ ﺍﻭﺻﻔﻬﺎ ﻓﺮﺡ ﺳﻌﺎﺩﺓ ﻋﺪﻡ ﺍﻫﺘﻤﺎﻡ ﻣﺎﺍﻋﺮﻑ ﺑﺲ ﺍﻟﻲ ﺍﻧﻜﺴﺮ ﺑﺮﻭﺣﻲ ﻟﻬﺴﻪ ﻳﻮﺟﻌﻨﻲ ﺟﺮﺡ ﻗﻠﺒﻲ ﻋﻤﻴﻖ ﻫﻮﺍﻳﻪ .
ﻫﺰﻳﺖ ﺭﺍﺳﻲ ﻭﺩﺍﺍﻓﻮﺕ ﻭﻛﻔﻨﻲ ، ﻟﺰﻣﻨﻲ ﻣﻦ ﺍﻛﺘﺎﻓﻲ
ﺑﺎﻭﻋﺘﻠﻪ ﺑﺒﺮﻭﺩ ﻭﻋﺪﻡ ﺍﻫﺘﻤﺎﻡ ﺳﺄﻟﺘﻪ ﺷﻌﻨﺪﻙ ؟
ﻛﺎﻓﻲ ﺗﻌﺬﺑﻴﻨﻲ ﺯﻫﺮﺍﺀ ، ﻏﻔﺮﻳﻠﻲ ﺳﺎﻣﺤﻴﻨﻲ ﺭﺑﺞ ﻳﺴﺎﻣﺢ ﺍﻧﺖ ﻟﻴﺶ ﻫﻴﺞ ﻗﺎﺳﻴﺔ ﻟﻴﺶ ؟
ﺷﺘﺮﻳﺪ ﻣﻨﻲ ؟
ﺍﺭﻳﺪﺝ ﺗﺴﺎﻣﺤﻴﻨﻲ ﻭﺑﺲ ..
ﺗﻤﺎﻡ ﻣﺴﺎﻣﺤﺘﻚ ﻭﺧﺮ ﻋﻨﻲ ﻭﺳﻮﻳﻠﻲ ﻃﺮﻳﻖ ﺩﺍﺍﻓﻮﺕ ﺍﻧﺎﻡ ﻧﻌﺴﺎﻧﺔ ﻭﺑﺎﺟﺮ ﻭﺭﺍﻱ ﺩﻭﺍﻡ ..
ﺍﺧﺬﻧﻲ ﻟﺤﻀﻨﻪ ﺑﻠﻤﺢ ﺍﻟﺒﺼﺮ ، ﻭﻗﻴﺪ ﺷﻔﺎﻳﻔﻲ ﺑﺸﻔﺎﻳﻔﻪ .
ﺻﺎﺭﺕ ﺍﻧﻔﺎﺳﻨﺎ ﻭﺣﺪﺓ ، ﻇﻠﻴﺖ ﺍﺣﻮﺱ ﺍﺣﺎﻭﻝ ﺍﺗﻤﻠﺺ ﻣﻨﻪ ، ﻣﺎﺗﺮﻛﻨﻲ ﺍﻟﻰ ﺍﻥ ﺍﺧﺘﻨﻜﺖ ﻛﻠﺶ .
ﺩﻓﻌﺘﻪ .. ﻭﻋﻄﺖ : ﺻﻔﺎﺀ ﺍﺗﺮﻛﻨﻲ ﻟﺨﺎﻃﺮ ﺭﺑﻚ ﻣﻮ ﻣﻦ ﺭﺍﺣﺖ ﺍﺳﺮﺍﺀ ﺭﺟﻌﺘﻠﻲ ﻟﺘﺨﻠﻴﻨﻲ ﺍﻋﻴﻂ ﻭﻳﻄﻠﻊ ﺻﻮﺗﻲ
_ ﺑﺎﻉ ﻫﺎﻱ ﻟﺞ ﺑﺎﺑﺎ ﻳﺎﺍﺳﺮﺍﺀ ﻳﺎﺑﻄﻴﺦ ﺃﻧﻲ ﻣﻴﺖ ﻋﻠﻴﺞ ﺑﺲ ﺍﻧﺘﻲ ﻣﺪﺗﻨﻄﻴﻨﻲ ﻣﺠﺎﻝ ﺻﺎﺭﻟﺞ ﺍﺷﻬﺮ ﻳﻤﻲ ﻭﺍﻧﻲ ﺗﺎﺭﻛﺞ ﻉ ﺭﺍﺣﺘﺞ ﻻ ﺍﺳﺮﺍﺀ ﺗﻌﻮﺽ ﻣﻜﺎﻧﺞ ﻭﻻ ﺣﺘﻰ ﻋﺸﺮﺓ ﻣﻨﻬﺎ
ﺷﻜﺪ ﺣﺎﻭﻟﺖ ﺃﺻﺪﻩ ﺑﺲ ﻣﻜﺪﺭﺕ ﺑﺎﻟﻨﻬﺎﻳﺔ ﺍﺧﺬ ﺍﻟﻴﺮﻳﺪﻩ ﺻﺢ ﺟﻨﺖ ﻣﺸﺘﺎﻗﺘﻠﻪ ﻭﻣﻴﺘﻪ ﻋﻠﻴﻪ ﺑﺲ ﺍﻛﻮ ﺷﻲ ﻳﻤﻨﻌﻨﻲ ﺍﻟﺤﻀﻦ ﺟﺎﻥ ﻣﺎﻟﺘﻲ ﻭﺣﺪﻱ ﺷﺎﺭﻛﻮﻧﻲ ﺑﻲ ﺟﻨﺖ ﺑﺤﻀﻨﻪ ﻭﺍﺑﺠﻲ ﻭﻫﻮ ﻳﻤﺴﺢ ﺩﻣﻮﻋﻲ ﺑﺎﺣﻠﻰ ﻟﺤﻈﺎﺕ ﺍﻟﻌﻼﻗﻪ ﺍﻟﺰﻭﺟﻴﻪ ﻭﺍﻧﻲ ﺩﻣﻮﻋﻲ ﺟﺎﻧﺖ ﺗﻨﺰﻝ ﻭﻣﻦ ﻛﻤﻞ ﺑﺎﺳﻨﻲ ﺑﻜﺼﺘﻲ ﻭ ﺩﻣﻮﻋﻲ ﺣﺎﺭﺓ ﺗﻠﻬﺒﻨﻲ ، ﺗﻌﺎﻧﻘﺖ ﻧﻈﺮﺍﺗﻨﺎ ﺑﻴﻦ ﺧﻮﻑ ﻭﺣﻴﺮﺓ ﻭ " ﺣﺐ " ..
ﻫﻤﺴﻠﻲ : ﺯﻫﺮﺍﺀ ﻭﺩﺍﻋﺘﺞ ﻋﻨﺪﻱ ﻣﺎﺍﻋﺮﻑ ﺷﻠﻮﻥ ﺻﺎﺭ ﻭﺗﺰﻭﺟﺖ ﻋﻠﻴﺞ ﻟﺞ ﻭﺍﻟﻠﻪ ﻋﺒﺎﻟﻚ ﻛﺎﺑﻮﺱ ﻭﻣﺎﺍﻋﺮﻑ ﺷﻠﻮﻥ ﺻﺤﻴﺖ ﻭﻟﻜﻴﺖ ﻧﻔﺴﻲ ﻣﺘﺰﻭﺝ ﻣﻦ ﺃﻓﻜﺮ ﺍﻛﻮﻝ ﻣﻌﻘﻮﻟﺔ ﺍﻟﺼﺎﺭ ﻟﻮ ﻫﺬﺍ ﺣﻠﻢ
ﺟﺎﻥ ﻳﺤﺠﻲ ﻭﺷﻔﺎﻳﻔﻪ ﻉ ﻛﺼﺘﻲ ﻭﺩﻣﻮﻋﻪ ﺑﻠﻠﺖ ﻛﺼﺘﻲ ﻫﻤﺴﻠﻲ : ﺳﺎﻋﺪﻳﻨﻲ ﺯﻫﺮﺓ ﺻﻔﺎﺀ ﺃﻧﻲ ﺩﺍﺍﻣﻮﺕ
ﻣﻦ ﺳﻤﻌﺖ ﻛﻼﻣﻪ ﻗﻠﺒﻲ ﺍﻧﺘﻔﺾ ﻟﺰﻣﺖ ﻭﺟﻬﻪ ﺑﺄﺛﻨﻴﻦ ﺍﺩﻳﻪ : ﺷﺒﻴﻚ ﺻﻔﺎﺀ ؟
ﺃﺑﺘﺴﻢ ﻭﺟﺎﻭﺑﻨﻲ : ﺗﺨﺎﻓﻴﻦ ﻋﻠﻴﻪ ؟ ﺯﻫﺮﺍﺀ ﺗﺨﺎﻓﻴﻦ ﻋﻠﻴﻪ ﺑﻌﺪ ﻣﺎﺍﺫﻳﺘﺞ ؟ ﺍﻧﻲ ﻣﺎﺍﺳﺘﺎﻫﻠﺞ ﺑﺲ ﺃﻋﺘﺮﻑ ﺍﻧﻲ ﺍﻧﺎﻧﻲ ﺑﺤﺒﺞ ﻣﺎﺍﻛﺪﺭ ﺍﺗﺨﻠﻰ ﻋﻨﺞ ﺣﺒﺞ ﺍﺩﻣﺎﻥ ﻣﺎﺍﻛﺪﺭ ﺃﺑﺘﻌﺪ ﻋﻨﺞ ﻭﻻ ﻟﺤﻈﻪ ﻣﻦ ﺗﺮﻛﺘﻴﻨﻲ ﻣﺘﺖ ﻭﺍﻟﻠﻪ
ﻣﻦ ﺃﺑﺘﻌﺪ ﻋﻦ ﺣﻀﻨﻲ ﺍﺧﺘﻨﻚ ﻭﺧﺸﻤﻪ ﻃﻚ ﺩﻣﻲ ﻭﺣﺘﻰ ﺣﻠﻜﻪ ﻧﺰﻑ ﺍﻧﺮﻋﺒﺖ ﻣﻦ ﺍﻟﻤﻨﻈﺮ ﻭﺍﺑﺘﻌﺪﺕ ﻋﻨﻪ ﻫﻮ ﻃﻔﺮ ﻟﻠﺤﻤﺎﻡ ﺭﺍﺡ ﻳﻐﺴﻞ ﺣﺘﻰ ﺧﻔﺖ ﺍﻟﺤﻜﻪ ﻣﻦ ﻃﻠﻊ ﻃﻤﻨﻲ
ﻛﺎﻝ : ﻫﺎﻱ ﻳﻮﻣﻴﺔ ﺃﻧﻲ ﻫﻴﺞ ﻫﺎﻧﺖ ﺍﻥ ﺷﺎﺀﺍﻟﻠﻪ ﻣﺒﻘﻰ ﺷﻲ ﻭﺍﺻﻴﺮ ﺯﻳﻦ ﻭﺍﺛﻖ ﺑﺮﺑﻲ ﺍﻧﻲ ﻣﻴﺘﺮﻛﻨﻲ .
ﺍﺟﻪ ﺗﻤﺪﺩ ﻳﻤﻲ ، ﻛﻤﺖ ﻏﺴﻠﺖ ﻭﺭﺟﻌﺖ ﻧﺸﻔﺖ ﺷﻌﺮﻱ ، ﺍﺧﺬﺕ ﻣﺨﺪﺓ ﻭﻓﺮﺍﺵ ﻭﻧﻤﺖ ﺟﻮﻩ ..
ﺑﻌﺪﻫﺎ ﺳﻤﻌﺖ ﻣﻦ ﻋﻤﻪ ﺍﻧﻮ ﺍﺳﺮﺍﺀ ﻃﻠﻌﺖ ﻟﻼﺭﺩﻥ ﻭﻳﻪ ﺧﺎﻟﺘﻬﺎ ﻣﻬﺘﻤﻴﺖ ﻟﻠﻤﻮﺿﻮﻉ ﻭﻻ ﺣﺘﻰ ﺟﺎﻭﺑﺖ ﻋﻤﺔ ..
ﺍﻟﻤﻐﺮﺏ ﺟﻨﺖ ﺑﺎﻟﺸﻘﺔ ﻣﺎﻟﺘﻲ ﻭﻫﻤﺎﻡ ﺟﻮﻩ ﻭﻃﻔﺖ ﺍﻟﻜﻬﺮﺑﺎﺀ ، ﺻﺎﺭﺕ ﻇﻠﻤﻪ ﺳﻤﻌﺖ ﺻﻮﺕ ﻫﻤﺎﻡ ﻇﻞ ﻳﺒﺠﻲ ﺑﻬﻴﺴﺘﺮﻳﺎ ﻣﺎﻋﻮﻟﺖ ﺍﻟﺒﺲ ﺷﺎﻟﻲ ﻭﺍﺧﺬ ﺿﻮﻩ ﻭﺍﻃﻠﻌﻠﻪ ﺳﻤﻌﺖ ﺻﻮﺕ ﺻﺮﺧﺘﻪ ﻃﻠﻌﺖ ﺍﺭﻛﺾ ﻟﻜﻴﺘﻪ ﻭﺍﻛﻊ ﻭﺷﻔﺘﻪ ﺩﺗﻨﺰﻑ ﻭﺻﻔﺤﺔ ﺧﺪﻩ ﻓﻘﺪﺕ ﻣﻦ ﺷﻔﺘﻪ ﻫﻴﺞ ..
ﺍﺟﺎﻧﻲ ﺻﻔﺎﺀ ﻳﺮﻛﺾ ﻣﻦ ﺟﻮﻩ ﺍﺧﺬﻩ ﻭﻇﻞ ﻳﺴﻜﺖ ﺑﻲ ﻭﺍﻧﻲ ﺑﺲ ﺍﺭﺟﻒ ، ﺍﺧﺬﻧﻲ ﻣﻦ ﺍﻛﺘﺎﻓﻲ ﻟﺤﻀﻨﻪ ﻭﻇﻞ ﻳﻬﺪﺃ ﺑﻴﻪ : ﺍﺳﻜﺘﻲ ﺷﺒﻴﺞ ﺯﻫﻮﺭﺓ ﺷﺠﺎﺝ ..
ﺑﻨﺒﺮﺓ ﻛﻠﻬﺎ ﺑﺠﻲ ﺟﺎﻭﺑﺘﻪ ﺑﺎﻉ ﺷﻮﻑ ﺷﻠﻮﻥ ﺩﻳﻨﺰﻑ ..
ﺍﻫﺪﺃﻱ ﻫﺴﻪ ﺍﺣﻮﻝ ﻉ ﺍﻟﻜﻬﺮﺑﺎﺀ ﻭﺍﻋﺎﻟﺠﻪ ﻣﺎﺑﻲ ﺷﻲ ﻟﺘﺨﺎﻓﻴﻦ ..
ﻃﻠﻌﺖ ﻋﻤﻪ ﻭﺍﺣﻨﻪ ﺩﻧﺼﻌﺪ ﺍﻟﺪﺭﺝ ﺻﻔﺎﺀ ﺻﻌﺪ ﻗﺒﻠﻲ ﻳﻌﺎﻟﺞ ﻟﻬﻤﺎﻡ ﺳﺄﻟﺘﻨﻲ ﺷﻜﻮ ﺟﺎﻭﺑﺘﻬﺎ
ﻛﺎﻟﺖ : ﻭﺷﺪﻋﻮﻩ ﻋﻠﻴﺞ ﺧﺎﺗﻠﻪ ﻓﻮﻙ ﻣﻨﻮ ﻳﻤﺞ ﺍﺷﻮ ﺍﻟﺒﻨﻴﺔ ﻭﺗﻄﻠﻜﺖ ﻭﺭﺍﺣﺖ ﺑﺤﺎﻝ ﺳﺒﻴﻠﻬﺎ ﺷﻬﺎﻟﻌﻴﺎﺭﺓ ﻫﻴﺞ ﺍﺣﺴﻦ ﻟﻮ ﻣﻴﺖ ﺍﻟﻄﻔﻞ ﺟﺎﻥ ﻓﻼ ﺭﺣﻤﺘﺞ
ﻇﻠﻴﺖ ﺍﻃﺤﻦ ﺑﺪﺍﺧﻠﻲ ﻭﻣﺎﺍﺭﻳﺪ ﺍﺟﺎﻭﺑﻬﺎ ﻻﻥ ﻣﺘﺄﻛﺪﺓ ﺍﺫﺍ ﺟﺎﻭﺑﺘﻬﺎ ﺣﺘﻌﺼﺐ ﻋﻠﻴﻬﺎ ﻭﻣﺎﺍﺭﻳﺪ ﺃﻋﻜﺲ ﺍﺧﻼﻗﻲ ﻭﺗﺮﺑﻴﺘﻲ ﺳﻜﺘﺖ ﻋﻨﻬﺎ ﺑﺲ ﻫﻲ ﺍﺳﺘﻤﺮﺕ ﺗﺤﺠﻲ ﻋﻠﻴﻪ
ﺍﺧﺮ ﺷﻲ ﻛﺎﻟﺖ : ﻣﺪﺭﻱ ﻉ ﺷﻨﻮ ﺧﺎﺑﺼﻨﻪ ﺑﻴﺞ ﻳﻨﺎﻡ ﻭﻳﻜﻌﺪ ﻳﺪﻋﻲ ﻋﻠﻴﻨﺎ ﻭﻳﻜﻮﻝ ﺍﻟﻠﻪ ﻻﻳﻮﻓﻘﻜﻢ ﺑﮕﺘﻮﺍ ﺳﻌﺎﺩﺗﻲ ﻭﺣﺮﻣﺘﻮﻧﻲ ﻣﻨﻬﺎ ..
ﻣﺎﺍﻋﺮﻑ ﻟﻴﺶ ﺃﺑﺘﺴﻤﺖ ﻣﻦ ﺳﻤﻌﺖ ﻛﻼﻣﻬﺎ
ﺻﻌﺪﺕ ﻓﻮﻙ ﺷﻔﺖ ﺻﻔﺎﺀ ﻣﻌﺎﻟﺠﻪ ﻟﻬﻤﺎﻡ ﺑﺲ ﻣﻼﺑﺴﻪ ﺑﻴﻬﺎ ﺩﻡ ﺍﺧﺬﺗﻪ ﻣﻨﻪ ﺑﻮﺳﺘﻪ ﻭﺣﻀﻨﺘﻪ ﻭﻫﻮ ﺣﺒﻴﺒﻲ ﺟﺎﻥ ﻳﺸﻬﻚ
ﺣﺠﻪ ﺻﻔﺎﺀ ﺑﻨﺒﺮﺓ ﺣﺰﻡ : ﻣﻦ ﺑﺎﺟﺮ ﺍﻟﻐﻲ ﺍﻟﺪﺭﺝ ﺍﻟﺨﺎﺭﺟﻲ ﻭﺍﻟﻌﺎﺯﻝ ﻣﺎﻝ ﺍﻟﺸﻘﻪ ﻭﺗﻌﻴﺸﻴﻦ ﻭﻳﺎﻧﻪ ﺃﻧﻲ ﻣﻮ ﺑﻮﺿﻊ ﻳﺴﻤﺤﻠﻲ ﺃﺧﺴﺮ ﺃﺑﻨﻲ ﺑﻌﺪ ﻣﺨﺴﺮﺕ ﻋﺎﻓﻴﺘﻲ .
ﻭﺧﺰﺭﻧﻲ ﻭﻧﺰﻝ ﻣﺤﺠﻴﺖ ﻻﻥ ﺳﻼﻣﺔ ﺃﺑﻨﻲ ﺃﻫﻢ ﻣﻦ ﻛﻮﻟﺸﻲ .. ﺛﺎﻧﻲ ﺍﻟﻴﻮﻡ ﻛﻌﺪﻧﻲ ﻣﻦ ﺍﻟﻔﺠﺮ ﻧﺰﻟﺖ ﺟﻮﺍ ﺟﺎﻥ ﺟﺎﻳﺐ ﻋﻤﺎﻝ ﻟﻐﻮﺍ ﺍﻟﻌﺎﺯﻝ ﻭﻇﻠﻮﺍ ﻳﺸﺘﻐﻠﻮﻥ ﺍﺳﺒﻮﻉ ﺍﻟﻰ ﺍﻥ ﻛﻤﻠﻮﺍ ﺍﻟﺒﻴﺖ ﻫﻠﻜﺖ ﺑﻴﻬﺎ ..
ﻭﺭﺍﻫﺎ ﺍﺧﺬﻧﻲ ﺳﻔﺮﺓ ﻟﺘﺮﻛﻴﺎ ﻛﺎﻝ ﻧﻐﻴﺮ ﺟﻮ ﻭﻧﺮﺟﻊ ﺍﻟﻤﻴﺎﻩ ﻟﻤﺠﺎﺭﻳﻬﺎ ، ﻭﺍﻓﻘﺖ ﻭﺭﺣﺖ ﻭﻳﺎﻩ .. ﺟﻨﻪ ﺩﻧﻤﺸﻲ ﺑﺘﺮﻛﻴﺎ
ﻭﺍﻟﻤﺢ ﺍﺳﺮﺍﺀ ﻣﻦ ﺑﻌﻴﺪ ﻟﻠﺤﻈﺔ ﻛﺬﺑﺖ ﻧﻔﺴﻲ ﻫﻲ ﻟﻮ ﻣﻮ ﻫﻴﻪ ﺑﺲ ﺍﻟﻲ ﺟﺬﺑﻨﻲ ﺳﻤﻨﺎﻧﻪ ﻭﻋﺒﺎﻟﻚ ﻣﻮﺭﻣﺔ ﻭﻛﺮﺵ ﻋﺪﻫﻪ ..
ﺍﻧﺼﺪﻣﺖ ﻭﺑﻠﻌﺖ ﺭﻳﻚ ﻫﻲ ﺍﻟﻈﺎﻫﺮ ﻋﺮﻓﺘﻨﻲ ﺍﺣﺘﺎﺭﺕ ﺷﺴﻮﻱ ، ﺻﻔﺎﺀ ﺩﻏﻨﻲ ﻛﺎﻝ ﺷﺒﻴﺞ ﻋﻠﻰ ﺷﻨﻮ ﺗﺒﺎﻭﻋﻴﻦ ؟
ﺍﻟﺘﻔﺘﺖ ﻟﺼﻔﺎﺀ ﺑﺎﻭﻋﺘﻠﻪ ﻭﺻﻔﻨﺖ ﺛﻮﺍﻧﻲ ﺍﺣﺘﺎﺭﻳﺖ ﺑﻴﻦ ﺍﻛﻮﻟﻪ ﺍﻭ ﻻ ، ﺭﺟﻌﺖ ﺍﺑﺎﻭﻉ ﻧﻔﺲ ﺍﻟﻤﻜﺎﻥ ﻣﺸﻔﺘﻬﺎ .
ﺳﺄﻟﻨﻲ ﺻﻔﺎﺀ : ﺷﺒﻴﺞ ﺍﻧﺨﺒﺼﺘﻲ ؟
_ ﻣﺎﻛﻮ ﺑﺴﺲ ﻋﺒﺎﻟﻚ ﺷﻔﺖ ﺍﺳﺮﺍﺀ ؟ ﺍﻧﺖ ﻫﻤﻴﻦ ﺷﻔﺘﻬﺎ ؟
_ ﻟﺞ ﻳﺎ ﻧﻌﻞ ﺷﺒﻴﺞ ﺍﻧﺘﻲ ﺍﺳﺮﺍﺀ ﺑﺎﻻﺭﺩﻥ ﺷﺠﺎﺑﻬﻪ ﻫﻨﺎ ..
ﻫﺰﻳﺖ ﺭﺍﺳﻲ ﺑﻼ ﻣﺎ ﺍﺟﺎﻭﺑﻪ ، ﺍﺟﺎﻩ ﺍﺗﺼﺎﻝ ﻭﺍﻧﺨﺒﺺ ﺧﺒﺺ ..
ﻭﺭﺍ ﻣﺎﺧﺘﻤﻪ ﺳﺄﻟﺘﻪ ﺷﻜﻮﻭ ﺷﺒﻴﻚ ﺷﺼﺎﻳﺮ ؟
ﻛﺎﻝ : ﺭﺷﺎ ﺍﻟﻤﻄﻴﺔ ﻣﺴﻮﻳﻪ ﺣﺎﺍﺩﺙ ﻫﻲ ﻭﺍﻃﻔﺎﻟﻬﺎ ﺑﺎﻟﺴﻴﺎﺭﺓ ﻟﻠﻠﻠﺞ ﺷﻜﺪ ﺣﺬﺭﻧﺎﻫﻪ ﺑﻌﺪﺝ ﻣﻮ ﻣﺎﻝ ﺳﻴﺎﻗﺔ ﺑﻌﺪﺝ ﻣﺒﺘﺪﺋﺔ ﻻ ﺗﺘﻬﻮﺭﻳﻦ ﻟﺠﺞ ﺯﻫﺮﺍﺀ ﺍﻃﻔﺎﻟﻬﺎﺍﺍﺍﺍ ﺍﻃﻔﺎﺍﺍﻟﻬﺎ ﻫﻴﻪ ﻃﺒﻬﺎ ﻃﻮﺏ ﻟﺞ ﺍﻃﻔﺎﻟﻬﺎ ﺣﺎﻟﺘﻬﻢ ﺧﻄﺮﺓ ..
ﻳﺘﺒﻊ .
ﺍﺣﺒﺎﺑﻲ ﺑﻌﺪ ﺑﺎﺭﺗﻴﻦ ﻟﻠﻨﻬﺎﻳﺔ ﺍﻟﻨﺸﺮ ﺣﻴﻜﻮﻥ ﺑﻴﻨﻬﻢ ﻳﻮﻡ ﻭﺗﺮﻙ ﺍﺗﻤﻨﻰ ﺗﻨﻄﻮﻧﻲ ﻣﺠﺎﻝ ﺑﻴﻬﺎ ..
ﺍﺣﺒﻜﻢ 💚
