ﺷﺮﻳﻌﺔ _ ﺍﻟﻌﺸﻖ
ﺑﺎﺭﺕ ٤٣
ﻧﻮﺭﺍ ﻧﺎﺻﺮ
ﻭﺻﻠﻨﺎ ﻟﻠﻤﻄﺎﺭ ﻭﺻﺎﺭ ﻭﻗﺖ ﺍﻭﺩﻉ ﺻﻔﺎﺀ ، ﺟﻨﺖ ﻃﻮﻝ ﺍﻟﻮﻗﺖ ﺍﺗﺠﻨﺐ ﺍﺑﺎﻭﻉ ﻟﻌﻴﻮﻧﻪ ، ﺍﺳﺘﺼﻌﺐ ﺍﻟﻤﻮﻗﻒ
ﻋﻴﻮﻧﻪ ﺗﻀﻌﻔﻨﻲ ﺗﺨﻠﻴﻨﻲ ﻫﺸﻪ ﻭﻣﻬﺰﻭﺯﺓ ، ﻧﻘﻄﺔ ﺿﻌﻔﻲ ﻫﻮ .
ﺗﻘﺮﺏ ﻣﻨﻲ ﺩﻧﻜﺖ ، ﺑﻠﻌﺖ ﺭﻳﻚ ﻭﻏﻤﻀﺖ ﻋﻴﻮﻧﻲ ، ﺻﺎﺭ ﻳﻬﻤﺲ ﻟﻲ ؛ - ﺑﺎﻋﻲ ١٠ ﺍﻳﺎﻡ ﻭﻳﺮﺟﻌﻮﻥ ﻗﺴﻮﺭ ﻭﻋﻤﺘﻲ ﺗﺮﺟﻌﻴﻦ ﻭﻳﺎﻫﻢ ﺗﻤﺎﻡ ؟
ﺳﺤﺒﺖ ﻧﻔﺲ ﻣﻦ ﻋﻄﺮﻩ ، ﺑﺎﻭﻋﺖ ﻟﻌﻴﻮﻧﻪ ﺳﺎﻛﺘﻪ
ﺑﺲ ﻋﻴﻮﻧﻲ ﺗﺤﺠﻲ ﻋﺘﺐ ﻭﻟﻮﻡ ﻭﺗﺸﻜﻴﻠﻪ ﺣﺰﻧﻲ ﻭﺧﻴﺒﺘﻲ .
ﻫﺰﻳﺖ ﺭﺍﺳﻲ ﺑﺪﻭﻥ ﻗﻨﺎﻋﺔ ، ﻭﺍﻧﻄﻴﺘﻪ ﻇﻬﺮﻱ ﻭﻣﺸﻴﺖ ﻭﺍﻧﻲ ﺍﺳﺤﺐ ﺑﺠﻨﻄﺘﻲ ، ﻭﺑﺮﻭﺣﻲ ﺻﺪﻣﺎﺕ ﺗﺮﻛﺖ ﺑﻜﻴﺎﻧﻲ ﺍﺛﺎﺭ ﻣﺎﻳﻜﺪﺭ ﻳﻤﺤﻴﻬﺎ ﺍﻟﺰﻣﻦ ، ﻭﻣﺤﻤﻠﺔ ﺑﺎﻟﺨﻴﺒﺔ ، ﺧﻴﺒﺔ ﺣﻄﻤﺘﻨﻲ ﺍﻟﻰ ﺍﺷﻼﺀ ....
ﻭﺻﻠﻨﺎ ﻟﻤﻄﺎﺭ ﺩﻣﺸﻖ ﻇﻠﻴﺖ ﺍﺑﺎﻭﻉ ﻟﻠﻮﺟﻮﻩ ﺑﺘﻔﺤﺺ ﺑﺪﺍﺧﻠﻲ ﺍﺣﺴﺎﺱ ﻏﺮﻳﺐ ﻣﺜﻞ ﻃﻴﺮ ﻓﺮ ﻣﻦ ﺻﻘﻴﻊ ﺍﻳﺎﻣﻪ ...
ﺻﺮﺕ ﺍﺩﻭﺭ ﺑﺎﺑﺎ ﺍﻟﻲ ﺟﺎﻥ ﻳﻨﺘﻈﺮﻧﺎ ، ﻟﻤﺤﺘﻪ ﺭﺣﺖ ﺍﻟﻪ ﺍﺭﻛﺾ ﻭﺩﻣﻮﻋﻲ ﺑﻠﻠﺖ ﻭﺟﻬﻲ ..
ﺣﻀﻨﺘﻪ ﻭﺣﻀﻨﻲ ﺑﻜﻞ ﺣﻨﻴﻪ ﻭﻳﺒﻮﺱ ﺑﺮﺍﺳﻲ
ﻳﺨﺎﻃﺒﻨﻲ ؛ - ﺯﻫﺮﺍﺀ ﺑﻨﻴﺘﻲ ﺷﻠﻮﻭﻧﺞ ﻭﻟﺞ ﺫﺑﻼﻧﻪ ﻫﺬﺍ ﻛﻠﻪ ﻋﻠﻰ ﻓﺮﺍﻛﻨﺎ .
ﻇﻠﻴﺖ ﺑﺲ ﺍﺟﺮ ﺍﻧﻔﺎﺳﻲ ﻭﺍﻣﺴﺢ ﺑﺪﻣﻮﻋﻲ ﻭﺍﺷﻬﻚ ﻭﺍﻓﺮﻙ ﺭﺍﺳﻲ ﻋﻠﻰ ﻛﺘﻔﻪ .
ﺍﺧﺬﻧﻲ ﻣﻦ ﺍﻛﺘﺎﻓﻲ ﻭﺧﻠﻴﺖ ﺭﺍﺳﻲ ﻋﻠﻰ ﺻﺪﺭﻩ ، ﻭﺍﺧﺬ ﺟﻨﻄﺘﻲ ﻣﻨﻲ ﻭﺭﺍﺡ ﺳﻠﻢ ﻋﻠﻰ ﻋﻤﻪ ﻭﻗﺴﻮﺭ .
ﻭﺍﻧﻄﻠﻘﻨﺎ ﻟﻠﺸﻘﺔ ﻭﺍﻧﻲ ﻃﻮﻝ ﺍﻟﻄﺮﻳﻖ ﺑﺲ ﺍﺭﻳﺪ ﺍﻭﺻﻞ ﻭﺍﺷﻮﻑ ﺍﻫﻠﻲ ﻭﺑﺲ ﺍﻓﻜﺮ ﺑﺼﻔﺎﺀ .
ﻭﺻﻠﻨﺎ ﻟﺸﻘﺔ ﺍﻫﻠﻲ ، ﺑﺎﺑﺎ ﻓﺘﺢ ﺍﻟﺒﺎﺏ ﻭﻓﺎﺕ ﻭﻳﺼﻴﺢ
ﺍﻡ ﺍﻟﺴﻮﻭﺱ ﻭﻳﻨﺞ ﺗﻌﺎﻟﻲ ﻭﺻﻠﺖ ﺯﻫﺮﺗﺞ .
ﻃﻠﻌﺖ ﻣﺎﻣﺎ ﺗﻠﻜﺘﻨﺎ ﺻﺎﺣﺖ ﺑﺤﻨﻴﻪ ﻳﻴﻤﻪ ﺯﻫﺮﺗﻲ .
ﺭﺣﺖ ﻟﺤﻀﻨﻬﺎ ﻭﺍﻧﻲ ﺍﺷﻬﻚ ﺑﻜﻠﻤﺔ ﻣﺎﻣﺎ ﺍﻟﻲ ﻃﺎﻟﻌﻪ ﻣﻦ ﺍﻋﻤﺎﻗﻲ ﺑﻨﺒﺮﺓ ﺗﺸﻜﻲ ﺍﻟﺨﻴﺒﺔ ﻭﺍﻻﻟﻢ .
***
ﻓﺘﺤﺖ ﻋﻴﻮﻧﻲ ﻣﺸﻮﺷﺔ ﻭ ﻣﺘﺨﺪﺭﺓ ﺍﻟﺤﻮﺍﺱ ، ﻋﻠﻰ ﺻﻮﺕ ﻣﺮﻳﻢ ؛ - ﻋﺒﻴﺮ ﻋﺒﻴﺮ ﻛُﻌﺪﻱ ﺷﻮﻓﻲ ﻣﻨﻮ ﺍﺟﻪ ، ﻟﺞ ﻛﻌﺪﻱ ﻭﺻﻠﺖ ﺯﻫﺮﺍﺀ !!!
ﺍﺳﺘﻴﻘﻆ ﺍﺩﺭﺍﻛﻲ ﺗﺪﺭﻳﺠﻴﺎ ، ﺩﺍ ﺍﺭﻳﺪ ﺍﻛﻮﻡ ﻭﺍﻧﻲ ﺍﻓﺮﻙ ﺑﻌﻴﻮﻧﻲ ﻫﺒﻄﺖ ﻋﻠﻴﻪ ﺯﻫﺮﺍﺀ ﺗﺒﻮﻭﺱ ﺑﻴﻪ ﻭﺍﻧﻲ ﻣﺴﺘﻠﻘﻴﺔ ﻭﺭﺍﺳﻲ ﻋﻠﻰ ﺍﻟﻤﺨﺪﺓ .
ﻭﺧﺮﺕ ﻣﻨﻲ ﻋﺪﻟﺖ ﻧﻔﺴﻲ ﻭﻫﻴﻪ ﻛﻌﺪﺕ ﻳﻤﻲ ..
ﺗﺤﺠﻲ ﻭﺑﻨﺒﺮﺗﻬﺎ ﺣﺰﻥ ﻣﺘﺒﻘﻲ ﻭﺳﻌﺎﺩﺓ ﻣﺆﻗﺘﺔ ..
_ ﻫﺎﻱ ﺑﻌﺪﺝ ﻣﺘﺸﺒﻌﻴﻦ ﻣﻦ ﺍﻟﻨﻮﻡ ﻟﺞ ﻛﻮﻣﻲ ﻛﻮﻣﻲ ﺩﺍﺷﻮﻓﺞ .
ﻛﻤﺖ ﺣﻀﻨﺘﻬﺎ ﻣﺮﺓ ﺛﺎﻧﻴﺔ ﻭﺍﺷﻢ ﺑﻴﻬﺎ ..
_ ﺯﻫﺮﺍﺀ ﺟﻴﺘﻲ ﻭﻟﺞ ﻣﺎﺩﺭﻱ ﺑﻨﻔﺴﻲ ﻭﻧﻤﺖ ﺍﻟﻌﻼﺝ ﺍﻟﻲ ﺍﺧﺬﻩ ﻳﻨﻌﺴﻨﻲ ﻭﺍﻻ ﺟﻨﺖ ﺍﻧﺘﻈﺮﺝ ﻭﺍﻟﻠﻪ ﺑﺲ ﺗﺄﺧﺮﺗﻮﺍ .
ﺷﻨﺴﻮﻱ ﻫﺎﻱ ﺣﺎﻝ ﺭﺣﻼﺕ ﺍﻟﻄﻴﺮﺍﻥ ﻳﻜﻮﻟﻮﻟﺞ ﺏ ١٠ ﻧﻄﻴﺮ ﻭﺗﺎﻟﻲ ﻧﺮﻭﺡ ﻧﻨﺘﻈﺮ ﻭﻣﻨﻄﻴﺮ ﺍﻟﻪ ﺏ ٢ ..
ﻃﺒﺖ ﻣﺮﻳﻢ ؛ - ﻟﺞ ﻋﺒﻴﺮ ﻗﺴﻮﺭ ﻛﺎﻋﺪ ﺑﺮﺓ ﻋﻠﻰ ﻧﺎﺭ ﻭﺑﺲ ﻳﺘﻠﻔﺖ ﺧﻄﻴﺔ ﺩﻳﻨﺘﻈﺮﺝ ﺗﻄﻠﻌﻴﻦ ﺗﺴﻠﻤﻴﻦ ﻋﻠﻴﻪ .
ﺟﺮﻳﺖ ﻧﻔﺲ ﻭﻭﺧﺮﺕ ﺍﺍﻟﻔﺮﺍﺵ ﺍﻟﻲ ﻣﻐﻄﻴﺔ ﻧﻔﺴﻲ ﺑﻲ ﻭﻛﻤﺖ ﺍﻋﺪﻝ ﺭﻭﺣﻲ ﻉ ﺍﻟﻤﺮﺍﻳﺔ ، ﺯﻫﺮﺍﺀ ﺳﺤﺒﺖ ﻣﺮﻳﻢ ﻣﻦ ﺍﻳﺪﻫﺎ ﻭﻇﻠﺖ ﺗﺤﺠﻲ ﺑﺄﺫﻧﻬﺎ ﺑﺼﻮﺕ ﺷﺒﻪ ﻣﺴﻤﻮﻉ .
_ ﺷﺒﻴﺞ ﻭﻟﺞ ﻭﻳﻪ ﻋﻤﻪ ﺍﺷﻮﻭ ﻣﺎﺳﻠﻤﺘﻲ ﻋﻠﻴﻬﺎ .
ﻣﺮﻳﻢ ﺳﺤﺒﺖ ﺍﻳﺪﻫﺎ ﻣﻦ ﺯﻫﺮﺍﺀ ﻭﺍﺳﺘﻘﺎﻣﺖ ﺗﻌﺪﻝ ﻧﻔﺴﻬﺎ ﻭﺗﺤﺠﻲ ﺑﻨﺒﺮﺓ ﻣﻘﺘﻀﺒﺔ ؛ - ﺍﻳﻴﻴﻪ ﻫﻴﻪ ﻣﺘﺤﺒﻨﻲ ﻋﻤﻪ ﺷﺴﻮﻳﻠﻬﺎ ﺍﺻﻼ ﻋﻤﻪ ﻣﺒﻴﻨﻪ ﺟﺎﻳﻪ ﻋﻠﻰ ﺍﻋﺼﺎﺑﻬﺎ ﻭﻣﻤﺘﺤﻤﻠﺘﻨﻪ .
ﻧﺒﺮﺓ ﺗﺤﺬﻳﺮﻳﺔ ؛ - ﺍﺷﺸﺶ ﻟﺘﺴﻤﻌﺞ ﻭﻟﺞ .
ﻋﻔﺘﻬﻦ ﺍﻧﻲ ﻃﻠﻌﺖ ﺍﺳﻠﻢ ﻋﻠﻴﻬﻢ ، ﺑﻮﺳﺖ ﻋﻤﻪ ﺍﻭﻝ ﺷﻲ ﻭﺭﺣﺖ ﻭﻛﻔﺖ ﻛﺒﺎﻝ ﻗﺴﻮﺭ ﻭﻧﻄﻘﺖ ﺑﺎﺑﺘﺴﺎﻣﻪ ﺧﺠﻮﻟﺔ
_ ﺷﻠﻮﻧﻚ ﻗﺴﻮﺭ ؟
ﺍﺑﺘﺴﺎﻣﺔ ﻟﻄﻴﻔﺔ ﻋﻠﻰ ﻭﺟﻬﻪ ﻭﻧﻈﺮﺍﺗﻪ ﻛﻠﻬﺎ ﺣﺐ ﻭﺃﻣﻞ
ﻭﺻﻮﺗﻪ ﺗﻐﻠﻒ ﺑﺎﻟﺤﻨﻴﺔ ﺟﺎﻭﺑﻨﻲ ؛ - ﺍﻟﺤﻤﺪﻟﻠﻪ ﺍﻧﺖِ ﺷﻠﻮﻭﻧﺞ ﻋﺒﻴﺮﺭﺭﺭﺭﺭﺭ .
ﺟﺎﻥ ﻳﺮﻳﺪ ﻳﻜﻮﻝ ﻋﺒﻴﺮﻱ ، ﺍﻟﻜﻠﻤﺔ ﺍﻟﻤﺘﻌﻮﺩ ﻋﻠﻴﻬﺎ ﻫﻮ ﺑﻴﻨﺎﺗﻨﺎ ﻳﻜﻮﻟﻬﺎ ﺑﺲ ﺑﺎﻟﻮﻗﺖ ﺍﻟﻤﻨﺎﺳﺐ ﺳﻴﻄﺮ ﻋﻠﻰ ﻟﺴﺎﻧﻪ ﻭﺷﺪﺩ ﻋﻠﻰ ﺣﺮﻑ ﺍﻟﺮﺍﺀ ﻭﻣﺎﻛﺎﻟﻬﺎ ﻻﻥ ﺧﺠﻞ ﻣﻦ ﺍﻟﻜﻞ ﺍﻟﻲ ﻣﻮﺟﻮﺩﻳﻦ ﻳﻤﻨﻪ .
ﺑﺎﻟﻮﻗﺖ ﺍﻟﻤﻨﺎﺳﺐ ﺩﺍﺱ ﻉ ﺍﻟﺒﺮﻳﻚ ﻫﻬﻬﻬﻬﻬﻪ ....
ﺍﻟﺘﻬﺒﺖ ﻭﺟﻨﺎﺗﻲ ﺑﺨﺠﻞ ﻭﺍﺑﺘﺴﻤﺖ ﺑﺎﺣﺮﺍﺝ ﻭﺍﻧﻲ ﺍﺑﺎﺩﻟﻪ ﺍﻟﻨﻈﺮﺍﺕ ..
ﺑﻌﺪ ﺍﻟﻐﺪﺍﺀ ﻛﻌﺪﻧﺎ ﻭﺣﺪﻧﺎ ﻧﺤﺠﻲ ..
ﻛﺎﻝ ﺷﻠﻮﻧﺞ ﻫﺴﻪ ﺯﻳﻨﺔ ؟
ﺍﻱ ﺍﻟﺤﻤﺪﻟﻠﻪ ، ﻗﺴﻮﺭ ﺣﺒﺎﺏ ﻗﻨﻊ ﺑﺎﺑﺎ ﻧﺮﺟﻊ ﺍﻟﻠﻪ ﻳﺨﻠﻴﻚ ﻫﻮ ﻳﺤﺒﻚ ﻭﻳﺤﺘﺮﻣﻚ .
ﺩﺍ ﺍﺣﺠﻲ ﻭﻳﺎﻩ ﻭﺍﻟﻠﻪ ﻭﻫﻮﺍﻱ ﺣﺎﺟﻴﺘﻪ ﺑﺎﻟﺘﻠﻴﻔﻮﻥ ﺑﺲ ﻫﻮ ﻗﺎﻓﻞ ﺧﺎﻳﻒ ﻋﻠﻴﺞ .
ﺍﻧﻲ ﻣﺎﻋﻠﻴﻪ ﺷﻲ ﻭﺍﻟﻠﻪ ﻫﻮ ﻗﻀﺎﺀ ﻭﻗﺪﺭ ﻭﺍﻟﺤﻤﺪﻟﻠﻪ ﻃﻠﻌﺖ ﻣﻨﻬﺎ ﺳﻼﻣﺎﺕ ﻭﻫﺴﻪ ﺍﺭﻳﺪ ﺍﺭﺟﻊ ﻟﺒﻐﺪﺍﺩ ﻣﻴﺘﻪ ﻫﻨﺎ ﻭﺍﻟﻠﻪ ﻣﻴﺘﻪ .
ﻛﺎﻝ ﺑﺤﻤﺎﺱ ؛ - ﺍﺳﻢ ﺍﻟﻠﻪ ﻋﻠﻴﺞ ﻋﻴﻮﻧﻲ ﻋﻠﻰ ﻛﻴﻔﺞ ﻭﻳﻪ ﻧﻔﺴﺞ ﻭﺧﺎﻟﻲ ﺍﻥ ﺷﺎﺀﺍﻟﻠﻪ ﻳﻘﺘﻨﻊ ﻟﻌﺪ ﻋﻠﻮﻳﺶ ﺟﻴﺘﻲ ﺑﺲ ﺍﻧﺖِ ﺭﻓﻀﺘﻲ ﺍﻗﺘﺮﺍﺣﻲ ﻣﻦ ﻗﺒﻞ ﻭﻣﺎ ﺍﺭﻳﺪ ﺍﻟﺢ ﻋﻠﻴﺞ ﺍﻛﺜﺮ .
ﻗﺴﻮﺭ ﻳﻤﻌﻮﺩ ﻣﻮ ﻫﻴﺞ ﻧﺤﻞ ﺍﻟﻤﺸﻜﻠﺔ ﺍﻧﻲ ﺍﺭﻳﺪ ﺑﺎﺑﺎ ﻳﻘﺘﻨﻊ ﻭﻧﺮﺟﻊ ﺍﻗﺘﺮﺍﺣﻚ ﻫﺬﺍ ﻣﻮ ﺣﻞ ﻭﺍﻟﻠﻪ ﻫﻮ ﺍﺻﻼ ﺟﺎﺑﻨﺎ ﻟﻬﻨﺎ ﻋﻤﻮﺩﻱ ﻣﻮ ﻏﻴﺮ ﺷﻲ .
ﺩﺍﺭ ﻭﺟﻬﻪ ﻭﺗﺤﺴﺮ ﻭﻗﺒﻀﺔ ﺍﻳﺪﻩ ﻋﻠﻰ ﺣﻠﻜﻪ ، ﻇﻞ ﻳﺴﺘﻐﻔﺮ ﻭﻳﻜﻮﻝ ﺑﻌﺼﺒﻴﺔ ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ، ﻟﻮ ﻣﺎ ﺍﻻﻧﻔﺠﺎﺭ ﺟﺎﻥ ﻫﺴﻪ ﺍﻧﺖِ ﻣﺮﺗﻲ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﺍﻟﻠﻪ ﻳﻨﺘﻘﻢ ﻣﻦ ﺍﻟﻲ ﻛﺎﻥ ﺍﻟﺴﺒﺐ .
ﺑﺎﻭﻋﺘﻠﻪ ﺑﺘﺠﻬﻢ ﻫﻮ ﻭﻳﻦ ﻳﻔﻜﺮ ﻭﺍﻧﻲ ﻭﻳﻦ ، ﻫﺰﻳﺖ ﺭﺍﺳﻲ ﺑﻌﺪﻡ ﺭﺿﺎ .
ﻳﻮﻡ ﺛﺎﻧﻲ ﻣﻦ ﺍﻟﺼﺒﺢ ﻋﻤﻪ ﺍﺧﺬﺗﻪ ﻭﺭﺍﺣﻮﺍ ﻳﺰﻭﺭﻭﻥ ﻭﺍﺻﻼ ﻋﻤﻪ ﻣﺒﻴﻨﻪ ﺿﺎﻳﺠﺔ ﺣﻴﻴﻴﻞ ﻣﺪﺭﻱ ﺷﺒﻴﻬﺎ .
***
ﺑﻌﺪ ﻣﺎ ﻭﺻﻠﺖ ﻻﻫﻠﻲ ﻭﺷﻔﺘﻬﻢ ﻭﺻﻮﻟﻲ ﻳﻤﻬﻢ ﻭﻟﻘﺎﺋﻲ ﺑﻴﻬﻢ ﻳﻌﺘﺒﺮ ﺟﺮﻋﺔ ﻣﻦ ﺍﻟﻄﻤﺄﻧﻴﻨﺔ ﻭ ﺷﻮﻳﺔ ﺩﻓﺄ ﻭﺍﺣﺘﻮﺍﺀ ﻟﻤﺴﺔ ﺣﻨﻴﺔ ﻭﺷﻮﻕ
ﻣﺸﺎﻋﺮ ﺗﻬﻮﻥ ﻋﻠﻴﻪ ﺧﻴﺒﺘﻲ ﺍﻟﺜﻘﻴﻠﺔ ﺍﻟﻲ ﺍﺟﻴﺖ ﻣﺤﻤﻠﺔ ﺑﻴﻬﺎ .
ﺑﻌﺪ ﻟﺤﻈﺎﺕ ﻣﻦ ﺍﻟﻠﺬﺓ ﺍﻟﻮﻫﻤﻴﺔ ، ﺭﺟﻌﺖ ﺍﻓﻜﺮ ﺑﻠﻲ ﺷﺎﻏﻞ ﺑﺎﻟﻲ ، ﻛﺎﻋﺪﺓ ﻋﻠﻰ ﺍﻟﺴﺮﻳﺮ ﻭﺍﻓﻜﺮ .
ﻳﺎﺗﺮﻯ ﻫﺴﻪ ﻫﻮ ﻣﺸﺘﺎﻗﻠﻲ !! ﺍﻧﻲ ﻣﺸﺘﺎﻗﺔ ﻟﻜﻞ ﺷﻲ ﺑﻲ
ﺣﺘﻰ ﻋﻜﺪﺓ ﺣﻮﺍﺟﺒﻪ .
ﻣﻴﻠﺖ ﺭﺍﺳﻲ ﻋﻠﻰ ﻛﺘﻔﻲ ، ﺗﻤﻠﻜﻨﻲ ﻳﻘﻴﻦ ﺩﺍﻓﺊ
ﻭﺧﺎﺻﺔ ﺑﻌﺪ ﻣﺎ ﺍﻋﺘﺮﻑ ﺑﺤﺒﻪ ﺍﻟﻲ ، ﺍﻧﻮ ﻫﻮ ﻣﺸﺘﺎﻗﻠﻲ ﻫﺴﻪ ﻭﻣﻔﺘﻘﺪﻧﻲ .
ﺍﻻﺣﺴﺎﺱ ﺍﻟﻤﻨﺴﺎﺏ ﺑﺪﺍﺧﻠﻲ ﻭﻧﺒﻀﺎﺕ ﻗﻠﺒﻲ ﻫﻲ ﺍﻟﻲ ﺍﻧﺒﺌﺘﻨﻲ ..
ﻫﻮﺍﻱ ﺍﺗﺼﻞ ﻋﻠﻰ ﺑﺎﺑﺎ ﺑﺲ ﺍﻧﻲ ﻣﺎﺣﺎﺟﻴﺘﻪ ﺍﺑﺪ ، ﻟﺪﺭﺟﺔ ﻣﺎﻣﺎ ﻭﺑﺎﺑﺎ ﻇﻠﻮﺍ ﻳﺴﺄﻟﻮﻥ ﺷﻜﻮ ﺑﻴﻨﻜﻢ ﻭﺷﺼﺎﻳﺮ !!
ﺑﺲ ﺍﻧﻲ ﻫﻢ ﻣﺎﺟﺎﻭﺑﺘﻬﻢ ﻭﻫﻢَ ﺧﻠﻮﻧﻲ ﻋﻠﻰ ﺭﺍﺣﺘﻲ .
ﺟﺘﻲ ﻣﺎﻣﺎ ﻛﻌﺪﺕ ﻳﻤﻲ ، ﻇﻠﺖ ﺗﻄﺎﻟﻌﻨﻲ ﺑﻨﻈﺮﺍﺕ ﺗﺴﺄﻝ ﻋﻦ ﺣﺎﻟﻲ ، ﺣﺎﺟﻴﺘﻬﺎ ﻭﺍﻧﻲ ﺍﺧﻠﻲ ﺧﺼﻼﺗﻲ ﻭﺭﺓ ﺍﺫﻧﻲ
ﻓﻲ ﺗﺼﺮﻑ ﻳﺪﻝ ﻋﻠﻰ ﺍﻟﺤﻴﺮﺓ ﻭﺑﻨﺒﺮﺓ ﻣﺮﺗﺒﻜﺔ ؛ - ﻫﺎ ﻣﺎﻣﺎ ﺍﻛﻮ ﺷﻲ ﻫﻢ ﺭﺟﻊ ﺧﺎﺑﺮ ﺻﻔﺎﺀ ﻛﺮﺓ ﺛﺎﻧﻴﺔ ؟
_ ﻭﻟﺞ ﺍﻣﻲ ﻻﺗﺨﻮﻓﻴﻨﻲ ﻋﻠﻴﺞ ﻣﻴﺼﻴﺮ ﺗﺮﺓ ﺗﻮﻛﻔﻴﻦ ﻗﻠﺒﻲ ﻫﻴﺞ .
_ ﺷﻜﻮ ﻣﺎﻣﺎ ؟ ﻟﻴﺶ ﻫﻴﺞ ﺗﺤﺠﻴﻦ ؟ ﺗﺮﻩ ﻫﻴﺎﺗﻨﻲ ﻛﺪﺍﻣﺞ ﻣﺎﺑﻴﻪ ﺷﻲ .
_ ﻣﺎﺗﻘﻨﻌﻴﻨﻲ ﻣﺴﺘﺤﻴﻞ ﺷﺼﺎﻳﺮ ﺑﻴﻨﺞ ﻭﺑﻴﻦ ﺻﻔﺎﺀ ﻣﺎﺭﺩﺕ ﺍﺳﺄﻟﺞ ﻛﺪﺍﻡ ﻋﻤﺘﺞ .
_ ﺍﻱ ﺍﺣﺴﻦ ﺯﻳﻦ ﺳﻮﻳﺘﻲ ﻣﺎﺳﺄﻟﺘﻲ ﻛﺪﺍﻣﻬﺎ ﻣﺎﻣﺎ ﺍﻧﻲ ﻋﻨﺪﻱ ﺷﻮﻳﺔ ﻣﺸﺎﻛﻞ ﺑﻴﻨﻲ ﻭﺑﻴﻨﻪ ﻭﺟﻴﺘﻲ ﻟﻬﻨﺎ ﺣﺘﻰ ﺍﻋﺎﻗﺒﻪ ﺍﻭ ﺍﻋﺮﻑ ﻏﻼﺗﻲ ﻋﻨﺪﻩ .
_ ﺻﺪﻙ ﺗﺤﺠﻴﻦ ﻋﻮﺩ ﺯﻫﺮﺍﺀ ﻭﻟﺞ ﺷﺼﺎﻳﺮ ﺑﻴﻨﻜﻢ ؟
ﺍﺧﺬﺕ ﻛﻒ ﺍﻳﺪﻫﺎ ﻭﺻﻠﻨﻲ ﺩﻓﺊ ﺑﺸﺮﺗﻬﺎ ﺍﻟﻨﺎﻋﻤﺔ ﻟﻤﻦ ﺍﺣﺘﻜﺖ ﺑﺒﺸﺮﺗﻲ ﺣﺎﺟﻴﺘﻬﺎ ﻣﻄﻤﺌﻨﺔ ؛ - ﻣﺎﻛﻮ ﺷﻲ ﻣﺎﻣﺎ ﻣﺠﺮﺩ ﻣﺸﺎﻛﻞ ﻭﺍﻟﻠﻪ ﻻﺗﻔﻜﺮﻳﻦ ﻭﻻﺗﺸﻐﻠﻴﻦ ﺑﺎﻟﺞ .
_ ﻭﻣﺸﺎﻛﻠﺞ ﻫﺎﻱ ﻣﺎﺗﻨﺤﻞ ﺍﻟﻪ ﺑﺎﻟﺒﻌﺪ ﻟﻮ ﻣﺘﺮﺩﻳﻦ ﺗﻨﻄﻴﻦ ﺑﺼﻔﺎﺀ ﻛﺪﺍﻣﻲ ؟ ﺷﻤﺴﻮﻱ ﺑﻴﺞ ﺻﻔﺎﺀ ﻳﻤﻪ ﻛﻮﻟﻴﻠﻲ ؟
ﺣﺴﻴﺖ ﺑﻜﻒ ﺍﻧﻤﺪﺕ ﻟﻘﻠﺒﻲ ﻭﻋﺼﺮﺗﻪ ﺟﺎﻭﺑﺘﻬﺎ ﺑﺸﻲ ﻣﻦ ﺍﻟﺤﻴﺮﺓ ﻭﺍﻟﺘﻠﻌﺜﻢ ؛ - ﻭﺍﻟﻠﻪ ﻣﻤﺴﻮﻱ ﺷﻲ ﻣﺎﻣﺎ ﻣﺸﺎﻛﻞ ﺧﺎﺻﺔ ﻣﻴﺼﻴﺮ ﺗﻌﺮﻓﻴﻬﺎ .
ﺳﺤﺒﺖ ﻛﻒ ﺍﻳﺪﻫﺎ ﻣﻨﻲ ﻭﻛﺎﻣﺖ ﻋﻠﻰ ﺣﻴﻠﻬﺎ
ﺗﺘﻨﻬﺪ ﺑﺎﺣﺘﺠﺎﺝ ؛ - ﺍﻭﻭﻭﻑ ﻣﻨﺞ ﺯﻫﺮﺍﺀ ﺍﻭﻭﻭﻑ ﻛﺘﻠﺞ ﺭﺍﺡ ﺗﺘﻌﺬﺑﻴﻦ ﺭﺍﺡ .... ﻣﻴﻔﻴﺪ ﺍﻟﺤﺠﻲ ﺑﻌﺪ ﻫﺴﻪ ﻻ ﺍﺣﺠﻲ ﺍﺣﺴﻦ .
ﺗﺄﻓﺄﻓﺖ ﺍﻧﻲ ﻫﻤﻴﻦ ﻭﺧﻠﻴﺖ ﺭﺍﺳﻲ ﻋﻠﻰ ﺭﻛﺒﻲ ﻭﺗﻨﻔﺴﺖ ﺑﻌﻤﻖ ، ﻏﻤﻀﺖ ﻋﻴﻮﻧﻲ ﻭﺭﺟﻌﺖ ﺍﻓﻜﺮ ﺑﺼﻔﺎﺀ ﻭﺣﻴﺎﺗﻲ ﺍﻟﺠﺎﻳﺔ ﻭﻳﺎﻩ ، ﻣﻬﻤﺎ ﺍﺑﺘﻌﺪﺕ ﺍﺑﻘﻰ ﻣﺆﻣﻨﺔ ﺍﻥ ﺍﻟﻤﺸﺎﻋﺮ ﺍﻟﻲ ﺧﻨﻜﺘﻨﻲ ﻭﻋﺬﺑﺘﻨﻲ ﺭﺍﺡ ﺗﺒﻘﻰ ﻋﺎﻳﺸﺔ ﻭﻳﺎﻳﻪ ﻭﻣﺎﻛﺪﺭ ﺍﻗﺪﻣﻠﻪ ﺫﺭﻩ ﻣﻦ ﺍﻟﻜﺮﻩ ﺣﺘﻰ ﻭﺍﻧﻲ ﻓﺮﺣﺎﻧﺔ ﻭﻳﻪ ﺍﻫﻠﻲ ﻳﻜﻤﺰ ﺍﺳﻤﻪ ﺑﺎﺻﺮﺍﺭ ﻭﻳﺘﻤﻠﻚ ﺗﻔﻜﻴﺮﻱ ﻳﺸﻮﺵ ﻋﻠﻴﻪ ﻭﻳﺮﺑﻜﻨﻲ
ﻳﺠﻲ ﻟﺬﺍﻛﺮﺗﻲ ﻗﺴﺮﺍ ﻣﺮﺍﺭﺍ ﻭﺗﻜﺮﺍﺭﺍ ﺷﻜﺪ ﺍﺗﻤﻨﻰ ﺍﻃﻠﻖ ﺳﺮﺍﺣﻪ ﻣﻦ ﻗﻔﺺ ﻣﺸﺎﻋﺮﻱ ﻭﺍﺭﺗﺎﺡ .
ﺍﻧﻘﻀﺖ ﺍﻻﻳﺎﻡ ﺍﻟﻌﺸﺮﺓ ﺑﺴﺮﻋﺔ ، ﻭﺻﺎﺭ ﻭﻗﺖ ﻧﺮﺟﻊ ﻟﺒﻐﺪﺍﺩ
ﺟﻨﺖ ﻣﻤﺴﺘﻌﺪﺓ ﺍﺭﺟﻊ ﺍﺑﺪ ﺭﻏﻢ ﺍﻟﺸﻮﻕ ﺍﻟﻔﺎﺿﺤﻨﻲ ﻭﺍﻟﺤﻨﻴﻦ ﺍﻟﻲ ﻣﺴﺘﻮﻟﻲ ﻋﻠﻴﻪ .
ﺗﻈﺎﻫﺮﺕ ﺑﺎﻟﻤﺮﺽ ﺍﻭ ﺗﻌﻤﺪﺕ ﺍﻣﺮﺽ ﻧﻔﺴﻲ ، ﻛﺪﺍﻡ ﻋﻤﻪ ﺍﻡ ﻗﺴﻮﺭ ، ﺗﺮﻛﺖ ﺍﻻﻛﻞ ﻷﻳﺎﻡ ﻣﺠﺎﺯﻓﺔ .
ﻫﻲ ﻭﻛﻔﺖ ﻣﺘﺠﻬﻤﺔ ﺗﺒﺎﻭﻋﻠﻲ ﻭﺗﻮﺟﻪ ﻛﻼﻣﻬﺎ ﻷﻣﻲ
؛ - ﺳﻮﺳﻦ ﺧﺎﻑ ﺑﻨﺘﺞ ﺣﺎﻣﻞ ؟
ﺑﺎﻭﻋﺘﻠﻬﺎ ﻭﻋﻴﻮﻧﻲ ﻣﺘﺴﻌﺔ ﻋﻠﻰ ﺍﻻﺧﻴﺮ ..
ﻛﻤﻠﺖ ﻛﻼﻣﻬﺎ ؛ - ﺍﻱ ﻳﺎﺑﻨﺘﻲ ﻳﻮﻡ ﺍﻟﻲ ﺗﺪﺭﻳﻦ ﺑﻨﻔﺴﺞ ﺣﺎﻣﻞ ﻭﺗﻌﺒﺎﻧﻪ ﻟﻴﺶ ﺟﻴﺘﻲ ؟ ﺟﺎﻥ ﺑﻘﻴﺘﻲ ﺍﺑﻴﺘﺞ ﺃﻣﻦ ﺍﻟﺞ ﻭﻟﻠﻄﻔﻞ ﻭﺍﻫﻠﺞ ﻻﺣﻜﺔ ﻋﻠﻴﻬﻢ ﻭﺗﺸﻮﻓﻴﻬﻢ .
_ ﻋﻤﻪ ﺍﻟﻠﻪ ﻳﺨﻠﻴﺞ ﻻﺗﻜﻮﻟﻮﻥ ﻟﺼﻔﺎﺀ ﻣﺮﺍﺡ ﺍﺟﻲ ﺍﻟﻪ ﻟﻤﻦ ﺗﻮﺻﻠﻮﻥ .
_ ﻏﻴﺮ ﻳﻜﻠﺐ ﻋﻠﻴﻨﺎ ﺍﻟﺪﻧﻴﻪ ؟
ﺍﻣﻲ ﻛﺎﻟﺘﻠﻬﺎ ﻻ ﻋﻴﻮﻧﻲ ﺍﻧﻲ ﺍﺧﻠﻲ ﺗﺤﺴﻴﻦ ﻳﺤﺠﻲ ﻭﻳﺎﻩ ﺷﻮﻓﻲ ﺍﻟﺒﻨﻴﻪ ﺷﺼﺎﻳﺮ ﺑﻴﻬﺎ .
_ ﺍﻱ ﻏﻴﺮ ﻣﺎﺗﺎﻛﻞ ﺍﻛﻮﻟﺞ ﺩﺍﺩﻩ ﻣﺎﻋﻠﻴﻬﺎ ﺷﻲ ﻣﻴﺼﻴﺮ ﺟﺒﻨﺎﻫﻪ ﻭﻳﺎﻧﻪ ﻧﺮﺩﻫﻪ ﻟﺮﺟﻠﻬﺎ ﺍﺣﺴﻦ ﻳﻼ ﻛﻮﻣﻲ ﺯﻫﺮﺕﺀ ﻣﺎﺑﻴﺞ ﺷﻲ .
ﻏﻄﻴﺖ ﺭﺍﺳﻲ ﺑﺎﻟﺒﻄﺎﻧﻴﺔ ﻭﺳﻜﺘﺖ ﻭﻣﺎﻣﺎ ﺗﻮﻟﺖ ﻣﻬﻤﺔ ﺍﻗﻨﺎﻋﻬﺎ .
***
ﻭﻛﻒ ﻛﺒﺎﻟﻲ ﻳﺮﻳﺪ ﻳﻮﺩﻋﻨﻲ ، ﺳﻤﻌﺘﻪ ﺗﺤﺴﺮ ﻭﺍﻧﻲ ﻣﺪﻧﻜﺔ ﺭﺍﺳﻲ ، ﺍﺟﺎﻧﻲ ﺻﻮﺗﻪ ؛ - ﺭﺍﺡ ﺍﺷﺘﺎﻗﻠﺞ .
ﻫﻤﺴﺖ ؛ - ﺩﻳﺮ ﺑﺎﻟﻚ ﻋﻠﻰ ﻧﻔﺴﻚ ﻭﺍﻟﻠﻪ ﻳﻬﺪﻱ ﺑﺎﺑﺎ ﻭﻧﺮﺟﻊ .
ﻛﺎﻝ ﺍﻥ ﺷﺎﺀﺍﻟﻠﻪ ﻭﺧﻠﻪ ﺍﻳﺪﻩ ﻋﻠﻰ ﻗﺒﻀﺔ ﺍﻟﺒﺎﺏ ﻭﻣﻴﺒﺎﻭﻋﻠﻲ .
ﺍﻧﻘﻬﺮﺕ ﻋﻠﻰ ﺣﺎﻟﻪ ﻛﺘﻠﻪ ﻗﺴﻮﺭ ﻻﺗﻀﻮﺝ ﺍﻟﻲ ﻛﺎﺗﺒﺔ ﺍﻟﻠﻪ ﻳﺼﻴﺮ .
ﻭﺧﺮ ﺍﻳﺪﻩ ﻣﻦ ﺍﻟﺒﺎﺏ ﻭﺑﺎﻭﻋﻠﻲ ﻭﻫﻮ ﻣﺒﺘﺴﻢ ﺑﻤﺮﺍﺭﺓ
ﻻ ﻋﻠﻴﻤﻦ ﺍﺿﻮﺝ ﺍﺻﻼ ﺍﻧﺘﻲ ﻣﺘﺪﺭﻳﻦ ﺷﻠﻮﻥ ﺭﺩﺗﻴﻠﻲ ﺭﻭﺣﻲ ﻣﻦ ﺷﻔﺘﺞ ﺍﺧﺬﺕ ﺟﺮﻋﻪ ﻣﻨﺞ ﻭﺩﻋﻴﺖ ﻳﻢ ﺍﻟﺴﻴﺪﺓ ﻫﻮﺍﻱ ﺍﻟﻠﻪ ﻳﺮﺩﺝ ﺍﻟﻲ ﻭﺗﺘﻘﻠﺺ ﺍﻟﻤﺴﺎﻓﺎﺕ ﺍﻟﻲ ﺑﻴﻨﻨﺎ .
ﺍﺑﺘﺴﻤﺖ ؛ ﺍﻟﻠﻪ ﻳﺴﺘﺠﻴﺐ ﺩﻋﺎﺋﻚ ﺍﻥ ﺷﺎﺀﺍﻟﻠﻪ .
ﻃﻠﻌﺖ ﻋﻤﻪ ﻭﻭﺭﺍﻫﻪ ﺑﺎﺑﺎ ﻭﻣﺎﻣﺎ ﻭﻣﺮﻳﻢ ﺭﺍﺡ ﻗﺴﻮﺭ ﺍﺧﺬ ﺍﻟﺠﻨﻂ ﻣﻦ ﺍﻳﺪﻫﺎ ، ﻭﺩﻋﻨﺎﻫﻢ ﻭﺭﺍﺣﻮﺍ ، ﻗﺴﻮﺭ ﻛﻠﺴﺎﻉ ﻳﺪﻭﺭ ﻳﺒﺎﻭﻋﻠﻲ ﻭﺍﻣﻲ ﺗﺘﺤﺴﺮ ﺑﺎﻭﻋﺖ ﻟﺒﺎﺑﺎ ﺧﻄﻴﺔ ﺗﻌﺬﺏ ﻫﺎﻟﻮﻟﺪ
ﻛﺎﺗﻞ ﻧﻔﺴﻪ ﻋﻠﻴﻬﺎ ﻭﺍﻟﻠﻪ ﻳﺎ ﺗﺤﺴﻴﻦ ﺍﻧﻲ ﺍﺷﻮﻑ ﻧﺮﺟﻊ ﻟﺒﻐﺪﺍﺩ ﺍﺣﺴﻦ ﺷﻮﻑ ﺣﺎﻝ ﺑﻨﺎﺗﻨﺎ ﺷﺼﺎﺭ ﺑﻴﻬﻦ ﺷﻮﻑ ﺯﻫﺮﺍﺀ ﺷﺤﺎﻟﻬﺎ ﺍﺻﻼ ﺍﺫﺍ ﻣﺮﺟﻌﻨﻪ ﻭﺍﻟﻠﻪ ﺗﻤﻮﺕ ﻋﻠﻰ ﺻﻔﺎﺀ ﻭﺍﻟﻠﻪ .
ﺑﺎﺑﺎ ﻛﺎﻝ ﺩﺧﻠﻲ ﺟﻮﺓ ﻣﻮ ﻫﻨﺎ ﻧﺤﺠﻲ ﺑﻬﺬﺍ ﺍﻟﻤﻮﺿﻮﻉ ﻭﺯﻫﺮﺍﺀ ﺍﻧﻲ ﻫﺴﻪ ﺭﺍﻳﺢ ﺍﺷﻮﻑ ﺷﺒﻴﻬﺎ .
ﻭﺍﺣﻨﻪ ﺩﻧﻔﻮﺕ ﺟﺎﻭﺑﺘﻪ ﻣﺎﻣﺎ ؛ ﻧﺎﻳﻤﻪ ﻫﺴﻪ ﻭﺻﻔﺎﺀ ﺣﺮﻙ ﺍﻟﺪﻧﻴﺎ ﺑﺎﻟﻤﻜﺎﻟﻤﺎﺕ ﻭﻣﺘﻘﺒﻞ ﺗﺤﺎﺟﻲ .
ﻇﻞ ﻳﺘﻨﻬﺪ ﺑﺎﺑﺎ ﻭﺩﺧﻞ ﺟﻮﺓ ﺧﺎﺑﺮ ﻋﻠﻰ ﺻﻔﺎﺀ ﻭﺣﺠﻪ ﻭﻳﺎﻩ . ﻛﺎﻟﻪ ﺯﻫﺮﺍﺀ ﻣﺮﻳﻀﺔ ﻭﺑﻘﺖ ﻳﻤﻨﻪ ﻭﻇﻞ ﻳﺸﺎﻗﻲ ﻭﻳﻀﺤﻚ ﻋﻠﻴﻪ ﻭﻣﺒﻴﻦ ﺻﻔﺎﺀ ﻣﻌﺼﺐ ﻭﻣﺼﺪﻙ ﺷﻘﻪ ﺑﺎﺑﺎ ﻭﻳﺎﻩ .
ﺭﺣﺖ ﻻﻣﻲ ﺣﺠﻴﺖ ﻭﻳﺎﻫﻪ ﺑﻨﺒﺮﺓ ﺗﻮﺳﻞ ؛ ﻣﺎﻣﺎ ﺍﻟﻠﻪ ﻳﺨﻠﻴﺞ ﻗﻨﻐﻲ ﺑﺎﺑﺎ ﻭﺍﻟﻠﻪ ﻫﻮ ﻳﺎﺧﺬ ﻛﻼﻣﺞ ﻣﺘﺸﻮﻓﻲ ﺷﻠﻮﻥ ﻏﻴﺮ ﺭﺃﻳﻪ ﺑﺲ ﺣﺎﺟﻴﺘﻲ ﻭﺍﻟﻠﻪ ﻫﻮ ﺑﺲ ﺍﻧﺖ ﺗﻜﻮﻟﻴﻠﻪ ﻧﺮﺟﻊ ﺑﺴﺮﻋﻪ ﻳﺮﺟﻌﻨﺎ ﺑﺲ ﺍﻧﺖ ﻣﺎﺗﺒﺎﺩﺭﻳﻦ ﺍﺑﺪ .
ﻭﻟﺞ ﻳﻮﻡ ﻗﻠﺐ ﻭﺍﻟﺪﺓ ﺍﺧﺎﻑ ﻋﻠﻴﺠﻦ ﺍﻧﻲ ﻣﺘﺸﻮﻓﻴﻦ ﺍﻟﻲ ﺻﺎﺭ ﺑﻴﺞ ﻣﺎﺑﻴﻨﻪ ﺣﻴﻞ ﻭﺍﻟﻠﻪ .
ﻣﺎﻣﺎ ﺍﻟﻲ ﻛﺎﺗﻠﺔ ﺍﻟﻠﻪ ﻳﺼﻴﺮ ﻭﻛﻞ ﻭﺍﺣﺪ ﻣﻨﻪ ﺍﻧﻮﻟﺪ ﻭﻗﺪﺭﻩ ﻭﻧﺼﻴﺒﻪ ﻭﻳﺎﻩ ﻟﻴﺶ ﻣﺼﻌﺒﻴﻦ ﺍﻻﻣﻮﺭ ﺍﻧﺘﻮﺍ ﺧﻠﻴﻬﺎ ﻋﻠﻰ ﺍﻟﻠﻪ .
ﺗﻨﻬﺪﺕ ﻛﺎﻟﺖ ﻭﺍﻟﻨﻌﻢ ﺑﺎﻟﻠﻪ ..
ﻳﻌﻨﻲ ﻫﺴﻪ ﺣﺘﻜﻮﻟﻴﻠﻪ ؟؟
ﺍﻣﺮﻱ ﻟﻠﻪ ﺍﻧﻲ ﻫﻢ ﻣﺎﺭﻳﺪ ﺍﺷﻮﻓﺠﻦ ﻫﻴﺞ ﺍﻧﺖ ﻭﺍﺧﺘﺞ .
***
ﻗﺮﺍﺭ ﺑﻘﺎﺋﻲ ﺧﻠﻪ ﺻﻔﺎﺀ ﻳﺘﺨﺒﻞ ، ﻋﺸﺮﺍﺕ ﺍﻟﻤﻜﺎﻟﻤﺎﺕ ﻣﻨﻪ ﺍﺟﺘﻲ ﻭﻣﺎﺭﺩﻳﺖ ﻋﻠﻰ ﻭﻻ ﻭﺣﺪﺓ ﻣﻨﻬﺎ ، ﺟﻨﺖ ﺧﺎﻳﻔﺔ ﻣﻦ ﺭﺩﺓ ﻓﻌﻠﻪ ، ﻣﺎﻣﺎ ﺗﺘﻮﺳﻞ ﻭﺑﺎﺑﺎ ﻳﺘﻮﺳﻞ ﻭﺍﻧﻲ ﻻﻓﺔ ﺭﺍﺳﻲ ﻭﻧﺎﻳﻤﺔ ﺧﺎﻳﻔﺔ ﻣﻦ ﻗﺴﻮﺓ ﺍﻟﻜﻼﻡ ﺍﻟﻲ ﺭﺍﺡ ﻳﺘﻮﺟﻪ ﺍﻟﻲ ﻣﻨﻪ .
ﺍﺟﺘﻲ ﻣﺎﻣﺎ ﺗﻀﺤﻚ ﻛﺎﻟﺖ ﺍﺑﺸﺮﺝ ﺣﻨﺮﺟﻊ ﻟﺒﻐﺪﺍﺩ
ﻋﺪﻟﺖ ﻛﻌﺪﺗﻲ ﻣﻤﺼﺪﻛﺔ ﺻﺪﻙ ﻣﺎﻣﺎ ﺍﻟﻠﻪ ﻋﻠﻴﺞ ؟
ﺍﻱ ﻭﺍﻟﻠﻪ ﻟﺞ ﺻﻔﺎﺀ ﺣﻴﺘﺨﺒﻞ ﺍﺑﻮﺝ ﻣﺎﻛﺎﻟﻪ ﺣﻨﺮﺟﻊ
ﻛﺎﻟﻪ ﺳﻤﻌﺖ ﺑﻴﻚ ﻣﺰﻋﻞ ﺯﻫﻮﺭﺓ ﺭﺍﺡ ﺍﺧﺬﻫﻪ ﻭﻳﺎﻱ ﻧﻌﺒﺮ ﻻﻭﺭﻭﺑﺎ ﻭﺻﻔﺎﺀ ﺗﺨﺒﻞ .
ﻋﻀﻴﺖ ﺷﻔﺘﻲ ﻭﺍﺑﺎﻭﻉ ﺑﺤﻴﺮﺓ ..
ﻛﻤﻠﺖ ﻣﺎﻣﺎ ﻛﻼﻣﻬﺎ ﺻﻔﺎﺀ ﻳﻜﻮﻝ ﻣﺎﺗﻜﺪﺭﻭﻥ ﺗﻄﻠﻌﻮﻫﻪ ﺑﺪﻭﻥ ﺍﺫﻥ ﻣﻨﻲ ﺍﺑﻮﺝ ﻛﺎﻟﻪ ﺑﺎﻟﺘﺰﻭﻳﺮ ﻛﻮﻟﺸﻲ ﻧﺴﻮﻱ .
ﺿﺤﻜﻨﺎ ﻭﺳﻜﺘﺖ ﻣﺎﻣﺎ ﺷﻮﻳﻪ ﺟﻨﺖ ﻣﺘﻌﻄﺸﺔ ﺍﺳﻤﻊ ﺍﺧﺒﺎﺭﻩ ، ﻭﻣﻴﺘﻪ ﻋﻠﻰ ﺳﻤﺎﻉ ﺻﻮﺗﻪ ﺑﺲ ﺑﺪﺍﺧﻠﻲ ﺧﻮﻑ ﻣﻨﻪ ﻣﺎﺭﻳﺪ ﺍﺳﻤﻊ ﻛﻼﻡ ﻗﺎﺳﻲ ﺍﻭ ﻳﺠﺮﺣﻨﻲ .
ﻛﺘﻠﻬﺎ ﺍﻱ ﻣﺎﻣﺎ ﻭﺑﻌﺪ ﺷﻨﻮ ﻛﺎﻝ ﺻﻔﺎﺀ ؟
ﻋﺒﻴﺮ ﻛﺎﻟﺖ ﺟﺎﻭﺑﻲ ﻋﻠﻰ ﻣﺨﺎﺑﺮﺍﺗﻪ ﻭﺍﻧﺖ ﺗﻌﺮﻓﻴﻦ ﺷﻨﻮ ﻛﺎﻝ ﺑﻌﺪ .
ﻫﺰﻳﺖ ﺭﺍﺳﻲ ﻭﺩﺧﻠﺘﻪ ﻭﺟﻬﻲ ﺑﺎﻟﺒﻄﺎﻧﻴﺔ ﻭﻫﻢ ﻇﻠﻮﺍ ﻳﻀﺤﻜﻮﻥ .
،،، ﻣﺮﺕ ﺍﻳﺎﻡ ،،،
ﻛﺎﻋﺪﻳﻦ ﺑﺎﻟﺼﺎﻟﺔ ﺑﺎﺑﺎ ﻛﺎﻝ ﺻﻔﺎﺀ ﻣﺘﺨﺒﻞ ﻳﺮﻳﺪ ﻳﺠﻲ ..
ﻋﻄﺖ ﻋﺰﺯﺯﺯﻩ ﺑﺎﺑﺎ ﺩﺧﻴﻠﻚ ﻻﺗﺨﻠﻲ ﻳﺠﻲ ﻭﻻﺣﺘﻰ ﺗﺪﻟﻲ ﺍﻟﺸﻘﺔ .
ﻇﻠﻮﺍ ﻳﻀﺤﻜﻮﻥ ﻣﺎﻣﺎ ﻭﺍﺧﻮﺍﺗﻲ ، ﺑﺎﺑﺎ ﻇﻞ ﻳﺒﺎﻭﻋﻠﻲ ﺑﺠﺪﻳﺔ ﺧﻴﺮﺝ ﺑﻨﻴﺘﻲ ﻫﻮ ﺷﺼﺎﻳﺮ ﺑﻴﻨﻜﻢ ﺑﺎﻟﻀﺒﻂ ﻟﻴﺶ ﻫﺎﻟﺨﻮﻑ ﻫﺬﺍ؟
ﻻﺑﺎﺑﺎ ﺑﺲ ﻻﻥ ﻛﺎﻝ ﺭﺟﻌﻲ ﻭﻣﺮﺟﻌﺖ ﺑﺎﺑﺎ ﻭﺍﻟﻠﻪ ﻣﺎﻛﺪﺭ ﻣﺮﻳﻀﺔ ﺍﻧﺘﻪ ﺷﻔﺖ ﺣﺎﻟﺘﻲ . ﻭﺩﻧﻜﺖ ..
ﺍﻱ ﺑﺎﺑﺎ ﻇﻠﺖ ﻳﻤﻜﻢ ﺍﻧﺘﻲ ﻭﻳﺎﻩ ﺑﻌﺪ ﺷﻮﻥ ﺗﺤﻠﻮﻥ ﻣﺸﺎﻛﻠﻜﻢ ﺣﻠﻮﻫﺎ ﻭﺍﻋﺮﻓﺞ ﺍﻧﺖ ﺑﻨﻴﺘﻲ ﻫﺎﺩﺋﺔ ﻭﺣﺒﺎﺑﺔ ﻭﻫﻮ ﺻﻔﺎﺀ ﺍﺑﻦ ﺍﺧﻮﻳﻪ ﻭﺗﺮﺑﻰ ﻛﺪﺍﻣﻲ ﺍﻛﻴﺪ ﻣﺎﻣﻨﻪ ﻏﻠﻂ ﻭﺍﺫﺍ ﺍﺣﺘﺎﺟﻴﺘﻮﺍ ﻣﻨﻲ ﺷﻲ ﺍﻧﻲ ﺣﺎﺿﺮ ﻭﻟﻮ ﺍﻧﻲ ﺍﺷﻮﻑ ﻛﻠﺸﻲ ﻣﺎﺑﻴﻜﻢ ﻣﺮﺗﺎﺣﻴﻦ ﺍﻥ ﺷﺎﺀﺍﻟﻠﻪ .
ﺣﺎﻭﻟﺖ ﺍﻛﺘﻢ ﺣﺴﺮﺗﻲ ﻛﺪﺍﻡ ﺑﺎﺑﺎ ﻭﻣﺎ ﺍﺑﻴﻦ ﺍﻟﻪ ﺷﻲ ﺍﺑﺪ
ﻛﻤﻞ ﻛﻼﻣﻪ ﺑﺎﺑﺎ ﻛﺎﻝ ﻫﻮ ﺍﻛﻴﺪ ﻣﺸﻐﻮﻝ ﻭﻣﺎﻳﻨﻄﻮ ﺍﺟﺎﺯﺓ ﻭﻣﻴﻜﺪﺭ ﻳﺠﻲ ﺍﺣﻨﻪ ﻧﺮﺟﻊ ﻭﻧﺴﻮﻳﻬﻪ ﺍﻟﻪ ﻣﻔﺎﺟﺄﺓ ﻣﺎﺑﻘﻰ ﺑﺲ ﻛﻢ ﻳﻮﻡ ﺍﻥ ﺷﺎﺀﺍﻟﻠﻪ ﻧﺨﻠﺺ ﻛﻞ ﺷﻲ ﻭﻧﺮﺟﻊ .
ﺟﺎﻧﺖ ﺍﻛﺜﺮ ﻭﺣﺪﺓ ﻓﺮﺣﺎﻧﺔ ﻫﻴﻪ ﻋﺒﻴﺮ ﻃﻜﺘﻬﺎ ﺿﺤﻜﻪ ﻭﻛﺎﻣﺖ ﺣﻀﻨﺖ ﺑﺎﺑﺎ ﻭﻓﺮﺣﺎﻧﻪ ﻭﺍﻧﻲ ﺑﻴﻦ ﺧﻮﻑ ﻭﺣﻴﺮﺓ
ﺩﻋﻴﺖ ﺑﻘﻠﺒﻲ ﻳﺮﺑﻲ ﺍﻛﺘﺒﻠﻨﺎ ﻛﻞ ﺧﻴﺮ ﻭﺍﺣﻨﻪ ﺭﺍﺟﻌﻴﻦ ﻳﺎﺭﺑﻲ .
ﻭﺭﺓ ﺍﻳﺎﻡ ﺟﻨﺖ ﻛﺎﻋﺪﺓ ﻭﺍﻓﻜﺮ ﺑﺼﻔﺎﺀ ﺗﻔﻜﻴﺮ ﺍﺧﺬﻧﻲ ﻟﻐﻴﺮ ﻋﺎﻟﻢ ﺑﺲ ﺍﻧﻲ ﻭﻳﺎﻩ ﻭﺍﺗﺬﻛﺮ ﻛﻞ ﺍﻳﺎﻣﻨﺎ ، ﻟﺤﻈﺎﺕ ﺳﻤﻌﺖ ﺻﻮﺕ ﺻﻔﺎﺀ ﺑﺎﻟﺸﻘﺔ ، ﻛﺬﺑﺖ ﻧﻔﺴﻲ ﻣﻌﻘﻮﻟﺔ ﺍﺟﻪ ؟
ﺩﺧﻠﺖ ﻋﺒﻴﺮ ﻟﻠﻐﺮﻓﺔ ﻛﺎﻟﺖ ﻭﻭﻭﻟﺞ ﺍﺟﻪ ﺻﻔﺎﺀ ﺍﺟﻪ ﺭﻭﻭﺣﻲ ﻃﻠﻌﻴﻠﻪ ﺭﻭﻭﺣﻲ ﺑﺲ ﻓﺎﺕ ﺳﺄﻝ ﻋﻨﺞ .
ﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ﺻﺮﺕ ﻣﺆﻣﻨﺔ
ﺍﻥ ﺍﻟﺘﻔﻜﻴﺮ ﺍﻟﻌﻤﻴﻖ ﺑﺎﻻﺷﻴﺎﺀ ﻳﺨﻠﻴﻬﺎ ﺗﻜﻤﺰ ﻣﻦ ﺭﺍﺳﻚ ﻭﺗﺼﻴﺮ ﻛﺪﺍﻡ ﻋﻴﻨﻚ ...
ﻇﻠﺖ ﺗﺠﺮ ﺑﻴﻪ ﻋﺒﻴﺮ ﻓﻠﺘﺖ ﻣﻨﻬﺎ ﻭﻛﻤﺰﺕ ﻉ ﺍﻟﺴﺮﻳﺮ ﻏﻄﻴﺖ ﺭﺍﺳﻲ ﻭﻗﻠﺒﻲ ﻳﻀﺮﺏ ﻋﻠﻰ ﺍﺿﻼﻋﻲ ﺑﻌﻨﻒ ﻭﺟﻨﻮﻥ ، ﺍﺭﻳﺪ ﺍﺟﺮ ﻧﻔﺲ ﻣﺎﻛﺪﺭ ﺍﺣﺲ ﺧﺎﻳﻔﻪ ﻣﺤﺘﺎﺭﺓ ﻣﻤﺴﺘﻮﻋﺒﻪ ﺍﺑﺪ .
ﺻﺎﺭ ﻫﺪﻭﺀ ﺑﺎﻟﻐﺮﻓﺔ ﻭﺑﻌﺪﻫﺎ ﺍﻧﻔﺘﺤﺖ ﺍﻟﺒﺎﺏ ، ﺍﺟﺎﻧﻲ ﺍﺣﺴﺎﺱ ﻗﻮﻱ ﺻﺮﺕ ﺍﺣﺮﻙ ﺑﺆﺑﺆ ﻋﻴﻨﻲ ﺟﻮﺓ ﺍﻟﺒﻄﺎﻧﻴﺔ
ﺣﺴﻴﺖ ﺑﺨﻄﻮﺍﺕ ﺗﺠﻲ ﺑﺎﺗﺠﺎﻫﻲ ، ﻛﺮﺳﻲ ﺍﻧﺠﺮ ﻭﺳﻮﺍ ﺻﻮﺕ ﺍﺣﺪ ﻛﻌﺪ ﻋﻠﻴﻪ .
ﻟﺤﻈﺎﺕ ﻣﻦ ﺍﻟﺴﻜﻮﻥ ﻭﺍﻟﻬﺪﻭﺀ ﺑﺲ ﺍﺣﺲ ﺍﻛﻮ ﺻﻮﺕ ﺍﻧﻔﺎﺱ ﺑﺎﻟﻐﺮﻓﺔ ، ﺻﻮﺕ ﺍﻧﻔﺎﺳﻪ ﻫﻮ .
ﻃﺎﻟﺖ ﻓﺘﺮﺓ ﺍﻟﺴﻜﻮﻥ ﻭﺧﺮﺕ ﺍﻟﺒﻄﺎﻧﻴﺔ ﺷﻮﻳﻪ ﺑﺎﻭﻋﺖ ﺷﻔﺘﻬﺎ ﻛﺎﻋﺪ ﻉ ﺍﻟﻜﺮﺳﻲ ﺑﺼﻒ ﺍﻟﺴﺮﻳﺮ ﻭﻣﻜﺘﻒ ﺍﺩﻳﻪ
ﺑﺎﻭﻋﺖ ﻋﻠﻰ ﻋﻴﻮﻧﻪ ﻣﺨﻨﺰﺭ ﻋﻴﻮﻧﻪ ﻭﻋﺎﻛﺪ ﺣﻮﺍﺟﺒﻪ .
ﺷﻬﻜﺖ ﻣﻦ ﺟﻮﺓ ﺍﻟﺒﻄﺎﻧﻴﺔ ﻭﻏﻄﻴﺖ ﺭﺍﺳﻲ ﻋﺪﻝ .
ﺳﻤﻌﺖ ﺻﻮﺕ ﺗﻨﻬﻴﺪﺍﺗﻪ ، ﺣﺴﻴﺘﻪ ﻛﺎﻡ ﻣﻦ ﺍﻟﻜﺮﺳﻲ
ﻭﻛﻌﺪ ﻉ ﺍﻟﺴﺮﻳﺮ ﻭﺷﻮﻳﻪ ﺷﻮﻳﻪ ﻭﺧﺮ ﺍﻟﻐﻄﻰ ﻣﻦ ﻋﻠﻴﻪ
ﺷﻬﻜﺖ ﻭﺩﻓﻨﺖ ﻭﺟﻬﻲ ﺑﻜﻔﻮﻑ ﺍﺩﻳﻪ .
ﺍﺟﺎﻧﻲ ﺻﻮﺗﻪ ﻫﻮ ﻫﺬﺍ ﺣﺒﺞ ﺍﻟﻲ ﺻﺮﻋﺘﻴﻨﻲ ﺑﻲ ؟ ﻫﻴﺞ ﺗﺮﺩﻳﻦ ﺗﺘﺮﻛﻴﻨﻲ ﻭﺗﺮﺣﻴﻦ ؟
ﻟﺰﻡ ﺍﺩﻳﻪ ﻭﺧﺮﻫﻢ ﻣﻦ ﻋﻠﻰ ﻭﺟﻬﻲ ﺑﺎﻭﻋﺘﻠﻪ ﻭﻋﻀﻴﺖ ﺷﻔﺘﻲ ﻣﺎﺩﺭﻱ ﺷﻮﻛﺖ ﺻﺎﺭﻥ ﺩﻣﻮﻋﻲ ﻋﻠﻰ ﺧﺪﻱ .
ﻇﻞ ﻳﻌﺎﺗﺒﻨﻲ ﺑﺲ ﻣﻌﺼﺐ ﻭﺍﻧﻔﺎﺳﻬﺎ ﻣﻤﺴﻴﻄﺮ ﻋﻠﻴﻬﻦ .
ﻭﺑﻌﺪﻩ ﻻﺯﻡ ﻣﻌﺎﺻﻤﻲ ﺟﺎﻭﺑﺘﻪ ﺗﻌﺒﺎﻧﻪ ﺗﻌﺒﺎﻧﻪ .
ﺍﺧﺬﻧﻲ ﻟﺼﺪﺭﻩ ﺣﻀﻨﻲ ﺣﻴﻞ ﻟﺪﺭﺟﺔ ﺍﻟﻮﺟﻊ ﻣﺎﺩﺭﻱ ﺣﺐ ﺍﺷﺘﻴﺎﻕ ﻟﻮﻋﻪ ﻟﻮ ﺣﻘﺪ .
ﺟﻨﺖ ﺍﺗﻤﻨﻰ ﺍﺩﺧﻞ ﺑﺼﺪﺭﻩ ﻭﺍﺣﺘﻀﻦ ﻗﻠﺒﻪ ﻟﻘﻠﺒﻲ
ﻣﺎﻋﺮﻑ ﻣﻨﻴﻦ ﺟﺘﻲ ﺍﻟﻘﻮﺓ ﻭﺗﺮﻛﺘﻪ ، ﻣﺎﻋﺮﻑ ﺷﻮﻥ ﻛﺪﺭﺕ ﺑﺲ ﻫﺴﻪ ﻣﺠﺎﻱ ﺍﻛﺪﺭ ﺍﺷﺒﻊ ﻣﻨﻪ ﻣﺪﺍ ﺍﻛﺪﺭ ﺍﺗﺮﻛﻪ ، ﺟﻠﺒﺖ ﺑﻤﻼﺑﺴﻪ ﺣﺴﻴﺖ ﺭﺍﺡ ﻳﺘﺸﻜﻜﻦ ﺑﺪﻳﻪ .
ﻣﺪﺩ ﻭﻫﻮ ﺣﺎﺿﻨﻲ ﺧﻠﻪ ﺭﺍﺳﻪ ﻋﻠﻰ ﺍﻟﻤﺨﺪﺓ ، ﻭﺳﺤﺒﻨﻲ ﻟﺼﺪﺭﻩ ﻭﻇﻞ ﻳﻠﻌﺐ ﺑﺸﻌﺮﻱ ﻭﻳﺒﺎﻭﻉ ﺑﻌﻴﻮﻧﻲ ، ﻫﻮﺍﻱ ﺳﻮﻟﻔﻨﻪ ﺍﻧﺘﺒﻪ ﻋﻠﻴﻪ ﺗﻌﺒﺎﻧﻪ ﻭﺟﻬﻲ ﺷﺎﺣﺐ ﺳﺄﻟﻨﻲ .
ﻛﺘﻠﻪ ﺑﺲ ﻣﺮﻳﻀﺔ ..
ﻛﺎﻝ ﻻ ﻫﺬﺍ ﻓﺮﺍﻛﻲ ﺍﺩﺭﻱ ..
ﺿﺤﻜﺖ .. ﻛﺎﻝ ﺷﻮﻓﻲ ﻣﻤﺠﺬﺏ ﻭﺍﻟﻠﻪ ﺑﺲ ﺍﻧﺖ ﺗﻜﺎﺑﺮﻳﻦ ﺑﺎﻟﻠﻪ ﺷﺴﺘﻔﺎﺩﻳﺘﻲ ﻫﺴﻪ ﻣﻦ ﻋﻔﺘﻴﻨﻲ ﻛﻞ ﻫﺎﻟﻔﺘﺮﺓ ﻭﺍﻧﻮﺏ ﻣﺘﺮﺩﻳﻦ ﺗﺮﺟﻌﻴﻦ ﻣﻮ ﻛﺘﻠﺞ ﺍﺣﺒﺞ ﻭﻛﻞ ﺍﻟﻤﺎﺿﻲ ﺻﺎﺭ ﻭﺭﺓ ﻇﻬﺮﻱ ﻟﻴﺶ ﻫﺎﻟﻌﻨﺎﺩ ﺑﻠﻠﻪ .
ﺩﻓﻨﺖ ﺭﺍﺳﻲ ﺑﺼﺪﺭﻩ ﻭﺍﺗﻨﻔﺴﻪ ...
ﻫﻮ ﻋﻨﺪﻩ ﺷﻐﻞ ﻣﻜﺪﺭ ﻣﻨﺮﺟﻊ ﻭﺗﺤﻀﺮﻧﻪ ﻟﻠﺴﻔﺮ ﻭﺩﻋﻨﺎ ﺑﺎﺑﺎ ﻭﻣﺎﻣﺎ ﻭﺍﺧﻮﺍﺗﻲ ﻋﻠﻰ ﺍﻣﻞ ﻧﻠﺘﻘﻲ ﺑﺒﻐﺪﺍﺩ ﺑﻌﺪ ﻓﺘﺮﺓ . ﻭﻃﻠﻌﻨﺎ .
ﻭﺻﻠﻨﺎ ﻟﺒﻐﺪﺍﺩ ﻭﻟﺒﻴﺘﻨﺎ ﺟﺎﻧﺖ ﺭﺷﺎ ﻣﺎﻛﻮ ﺍﻟﺒﻴﺖ ﻣﺮﻳﺢ
ﻋﻤﻪ ﻭﻋﻤﻮ ﻓﺮﺣﻮﺍ ﺑﻴﻪ ﻭﻛﻌﺪﻭﺍ ﻳﻌﺎﺗﺒﻮﻧﻲ ﻟﻴﺶ ﻣﺎ ﺍﺟﻴﺖ ﻭﻳﻪ ﻋﻤﻪ ﺍﻡ ﻗﺴﻮﺭ ﺻﻔﺎﺀ ﺟﺎﻭﺏ ﻋﻨﻲ ﻛﺎﻝ ﻣﺮﻳﻀﺔ .
ﺻﻌﺪﻧﺎ ﻟﻐﺮﻓﺘﻨﺎ ﻭﺭﺃﺳﺎ ﻏﻔﻴﻨﻪ ﺗﻌﺒﺎﻧﻴﻦ ﻛﻠﺶ ..
ﻛﻌﺪﻧﺎ ﺍﻟﻤﻐﺮﺏ ﻫﻮ ﻧﺎﻳﻢ ﻭﺍﻧﻲ ﻛﻤﺖ ﻏﺴﻠﺖ ﻣﻼﺑﺴﻨﻪ ﻭﺗﻮﺿﻴﺖ ﻭﺭﺣﺖ ﻟﻠﻐﺮﻓﺔ ﺷﻔﺘﻪ ﺗﻮﻩ ﺧﻠﺺ ﺻﻼﺓ ﻓﺮﺷﺖ ﺳﺠﺎﺩﺗﻲ ﻭﺻﻠﻴﺖ .
ﺍﺟﻪ ﻭﻛﻌﺪ ﺑﺼﻔﻲ ﻭﻣﺮﻛﺰ ﺑﻴﻪ ، ﻛﻤﻠﺖ ﺻﻼﺓ ﺍﻟﺘﻔﺘﺘﻠﻪ
_ ﺷﺒﻴﻚ ﺻﻔﺎﺀ ﻣﺪﺗﺸﻮﻓﻨﻲ ﺩﺍﺍﺻﻠﻲ
_ ﻭﺍﻧﻲ ﺷﺴﻮﻳﺖ ﻋﺠﺒﻨﻲ ﺍﻛﻌﺪ ﻳﻤﺞ ﻭﺍﻧﺘﻲ ﺗﺼﻠﻴﻦ ﻟﺞ ﺍﻧﺘﻲ ﺷﺪﻋﻮﺓ ﻫﻠﻜﺪ ﺣﻠﻮﺓ ﻭﺍﻧﻲ ﺷﻜﺪ ﺍﺛﻮﻝ ﻣﻦ ﺟﻨﺖ ﺭﺍﻓﻀﺞ .
ﺍﺑﺘﺴﻤﺖ ﺑﻌﺼﺒﻴﺔ ؛ - ﺗﻮﻙ ﺗﺪﺭﻱ .
ﻋﺼﺐ ﺷﻨﻮ ﺗﻮﺓ ﺍﺩﺭﻱ ﺷﻨﻮ ﻗﺼﺪﺝ ﺍﻧﺖ ﺣﻠﻮﺓ ﻟﻮ ﺍﻧﻲ ﺍﺛﻮﻝ .
ﺍﺭﻳﺪ ﺍﺟﺎﻭﺑﻪ ﻭﺩﻙ ﻣﻮﺑﺎﻳﻠﻪ ، ﺭﺣﺖ ﻃﻠﻴﺖ ﺑﺎﻟﻤﻮﺑﺎﻳﻞ ﻣﻨﻮﻭ ﺷﻔﺘﻪ ﻭﻫﻢ ﺗﺒﺎﺭﻙ ﻣﻦ ﺻﺪﻭﻙ ﺍﻧﺰﻋﺠﺖ ..
ﺟﺎﻭﺑﻬﺎ ﻭﺍﻧﻲ ﺷﻠﺖ ﺍﻟﺴﺠﺎﺩﺓ ﻛﻤﻞ ﺍﺗﺼﺎﻝ ﺍﺟﻪ ﺣﺎﻭﻃﻨﻲ ﻣﻦ ﺧﺼﺮﻱ ﻭﺣﻂ ﺭﺃﺳﻪ ﻉ ﻛﺘﻔﻲ ﺑﻌﺪﺗﻪ ﻋﻨﻲ
_ ﺻﻔﺎﺀ ﺗﺮﻯ ﺗﺒﺎﺭﻙ ﻫﻮﺍﻱ ﺗﺘﺼﻞ ﺑﻴﻚ ﺑﺪﻳﺖ ﺍﺿﻮﺝ ﺍﻧﻲ ﺗﻘﺒﻞ ﺯﻣﻴﻠﻲ ﻳﺘﺼﻞ ﺑﻴﻪ
ﺑﺴﺮﻋﻪ ﺣﻂ ﺍﻳﺪﻩ ﻉ ﺣﻠﻜﻲ : ﺣﺘﻰ ﺍﺑﺘﻠﻲ ﺑﻴﺞ ﻟﺞ ﺍﺑﻮﻳﻪ ﺍﻓﻬﻤﻲ ﻫﺎﻱ ﺗﺒﺎﺭﻙ ﺗﺨﺎﺑﺮﻧﻲ ﻋﻠﻤﻮﺩ ﺗﺴﺄﻟﻨﻲ ﻭﻫﺬﺍ ﻛﻞ ﻣﺎ ﻓﻲ ﺍﻻﻣﺮ ﻭﺍﻻ ﻫﻲ ﻣﺘﺠﻲ ﻻﻇﻔﺮﺝ .
_ ﺩﻭﺧﺮ ﻟﺨﺎﻃﺮ ﺭﺑﻚ ﺍﺫﺍ ﺍﺗﺼﻠﺖ ﺑﻴﻚ ﺑﻌﺪ ﻭﺍﻟﻨﺒﻲ ﺍﺳﻮﻱ ﺑﻴﻬﺎ ﺳﻮﺍﻳﺔ ﺑﻌﻤﺮﻫﺎ ﻣﺼﺎﻳﺮﺓ ﺑﻴﻚ ﻳﺰﺯﺯﺯﻱ ﻋﺎﺩ ﻣﺘﻌﺮﻑ ﺭﺟﺎﻝ ﻣﺘﺰﻭﺝ ﺷﻮﻛﺖ ﻣﺎﻋﺠﺒﻬﺎ ﻭﺍﺗﺼﻠﺖ ﺷﻨﻮ ﻓﺎﺗﺤﻴﻦ ﻋﻴﺎﺩﺓ ﻫﻨﺎ ﻭﺣﻠﻮﺓ ﻫﺎﻱ ﻣﺎﻝ ﺗﺴﺄﻟﻚ ﻟﻴﺶ ﺷﻨﻮ ﻫﻲ ﺩﺭﺳﺖ ﻃﺐ ﺑﻴﻄﺮﻱ ﺣﺘﻰ ﺗﺠﻲ ﺗﺴﺄﻟﻚ ﺗﺮﻯ ﺍﺛﻨﻴﻨﻜﻢ ﻧﻔﺲ ﺍﻻﺧﺘﺼﺎﺹ .
_ ﺗﺮﻳﺪﻳﻦ ﺍﻟﺼﺪﻙ ﻣﻦ ﺟﻨﺘﻲ ﻣﺴﺎﻓﺮﺓ ﻫﻴﻪ ﻣﻘﺼﺮﺕ ﺑﺎﻻﺗﺼﺎﻻﺕ ﻋﺒﺎﻟﻚ ﺗﻌﻠﻢ .
ﻋﺼﺒﺖ ﻋﻠﻴﻪ : ﺻﻔﺎﺀ ﻛﻮﻡ ﺍﻃﻠﻊ ﺑﺮﺍ ﺻﺢ ﺍﺣﺒﻚ ﺑﺲ ﻣﻮ ﻣﻌﻨﺎﻫﺎ ﺗﺪﻭﺱ ﻋﻠﻴﻪ ﻛﺎﻓﻲ ﻫﻮﺍﻱ ﺗﺤﻤﻠﺖ ﻟﻬﻨﺎ ﻭﺑﺲ ﻳﻼ ﻛﻮﻡ ﺍﻃﻠﻊ ﺑﺮﺍ ﻏﺮﻓﺘﻲ
ﻋﺼﺐ ﻇﻞ ﻳﻌﻴﻂ ﻫﻢ ﺭﺟﻌﻨﺎ ﻟﺨﺒﺎﻻﺗﺞ ﻟﻮ ﺿﺎﻟﻪ ﻳﻢ ﺍﻫﻠﺞ ﻣﻮ ﺍﺣﺴﻦ ﻫﺴﻪ ﺍﻧﻲ ﺷﻠﻲ ﺑﺸﻠﻌﺎﻥ ﺍﻟﻘﻠﺐ .
ﺳﻜﺘﺖ ﺑﺲ ﺍﺗﻨﻔﺲ ﺑﻌﺼﺒﻴﺔ ..
ﻛﺎﻟﻲ : ﻟﺘﺨﻠﻘﻴﻦ ﺷﻲ ﻣﻤﻮﺟﻮﺩ ﺍﻧﺘﻲ ﺷﺪﻋﻮﻩ ﻫﻠﻜﺪ ﻧﻜﺪﻳﻪ ﺗﺮﻯ ﻃﻠﻌﺖ ﺭﻭﺣﻲ ﻣﻨﺞ .
ﺍﺣﺲ ﺍﻋﺼﺎﺑﻲ ﻣﺎﻛﺪﺭ ﺍﺗﺤﻜﻢ ﺑﻴﻬﺎ ﻫﺎﻱ ﺍﻭﻝ ﻳﻮﻡ ﺭﺟﻌﻨﻪ ﻫﻴﺞ ﻛﻤﺖ ﺍﺭﺟﻒ ﺍﺭﺟﻒ ﻭﻫﻮ ﻳﺰﻳﺪ ﻧﺎﺭ ﻓﻮﻙ ﻧﺎﺭﻱ ﻋﺒﺎﻟﻚ ﻳﺮﻳﺪ ﻳﻄﻠﻊ ﺣﺮﻗﺔ ﻗﻠﺒﻪ ﻻﻥ ﻣﺎﺭﺟﻌﺖ ﻭﻳﻪ ﻋﻤﻪ .
ﺍﻟﺘﻔﺘﺖ ﻳﻤﻲ ﻓﺎﺯﻩ ﺷﻠﺘﻬﺎ ﻭﺷﻤﺮﺗﻬﺎ ﻋﻠﻴﻪ ﻭﺍﺟﺖ ﺑﺮﺃﺳﻪ ..
ﺍﺑﺎﻭﻋﻠﻪ ﺍﻟﺪﻡ ﻣﻠﺊ ﻭﺟﻬﻪ ﻣﺘﺘﺖ ﺑﺪﻣﻲ ﻛﻤﺖ ﺍﻋﻴﻂ ﻭﺍﺩﻳﻪ ﻋﻠﻰ ﺣﻠﻜﻲ ، ﻭﻫﻮ ﺑﻌﺪﻩ ﻣﻤﺴﺘﻮﻋﺐ ﺍﻟﻤﻮﻗﻒ ﺭﺣﺖ ﺍﺭﻛﺾ ﻋﻠﻴﻪ ﻫﻮ ﺭﻓﻊ ﺍﻳﺪﻩ ﻟﻤﻘﺪﻣﺔ ﺭﺃﺳﻪ ﻭ ﻧﺰﻟﻬﺎ ﺷﺎﻓﻬﺎ ﻛﻠﻬﺎ
ﺩﻡ !!!!!
ﻳﺘﺒﻊ
