#شريعة_العشق
نورا ناصر
#بارت٦٣
ﺍﻟﺴﻼﻡ ﻋﻠﻴﻜﻢ .... ﻛﻠﻠﻠﻠﺶ ﺍﺷﻜﺮﻛﻢ ﻋﻠﻰ ﻭﻛﻔﺘﻜﻢ ﻭﻳﺎﻱ ﻭﺩﻋﺎﺋﻜﻢ ﺍﻟﻲ ﻳﻤﻜﻦ ﺗﺸﻮﻓﻮﻥ ﺍﻟﻤﺸﻜﻠﺔ ﻛﻠﺶ ﺑﺴﻴﻄﺔ ﺑﺲ ﺍﻟﻲ ﺻﺎﺭ ﻫﻮ ﻧﺘﺞ ﻋﻨﻬﺎ ﻋﺪﺓ ﻣﺸﺎﻛﻞ ﻣﻮ ﻣﺸﻜﻠﺔ ﻭﺣﺪﺓ ﺑﺴﺒﺐ ﻭﺣﺪﺓ ﻳﻌﻨﻲ ﺍﻭﻝ ﺷﻲ ﺍﻧﺎ ﻣﺎﺍﻛﺘﺐ ﺷﻌﺮ ﺷﻌﺒﻲ ﺍﻛﺘﺐ ﺭﻭﺍﻳﺎﺕ ﻭﺛﺎﻧﻴﺎ ﻟﻮ ﺟﺎﻳﺔ ﻛﺎﻳﻠﺘﻠﻲ ﻟﻔﻼﻥ ﺷﺎﻋﺮ ﺟﺎﻥ ﻣﺎﺧﺴﺮﺕ ﺷﻲ ﻟﻤﻦ ﻛﺘﺒﺖ ﺍﺳﻤﻪ ﺍﺑﺪ ﺛﺎﻟﺜﺎ ﺍﻧﺎ ﻟﻤﻦ ﺷﻔﺘﻪ ﺑﺪﻭﻥ ﺍﺳﻢ ﻭﺧﻠﻴﺘﻪ ﻭﻱ ﺍﻟﺒﺎﺭﺕ ﻳﻌﻨﻲ ﺍﺫﺍ ﻣﻮﺟﻮﺩ ﺍﺳﻤﻪ ﻣﺴﺘﺤﻴﻞ ﺍﺣﺬﻓﻪ ﺍﻟﻲ ﺻﺎﺭ ﻛﻠﺶ ﻋﻴﺐ ﻭﺍﻟﻠﻪ ﻣﻦ ﻣﺸﻜﻠﺔ ﻭﺣﺪﺓ ﻛﺒﺮﺕ ﺍﻟﻤﺸﻜﻠﺔ ﻭﺗﺪﺧﻠﺖ ﺑﻴﻬﺎ ﻋﺪﺓ ﺍﻃﺮﺍﻑ ﻭﺗﺤﻮﻟﺖ ﺍﻟﻰ ﻣﺸﻜﻠﺔ ﻋﺎﺋﻠﻴﺔ ،ﻣﺎﺍﻛﻮﻝ ﻏﻴﺮ ﺑﺲ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ..
ﻭﺍﻓﺘﺨﺮ ﻛﻠﻠﺶ ﺍﻓﺘﺨﺮ ﺑﻴﻜﻢ ﻭﻭﻛﻔﺘﻜﻢ ﻭﻳﺎﻱ ﺻﺪﻳﻘﺎﺗﻲ ﺣﺒﻴﺒﺎﺗﻲ ﺧﻮﺍﺗﻲ ﻣﺎ ﺍﻧﺴﻰ ﻫﺎﻟﻮﻛﻔﺔ ..
ﺍﻟﻤﺘﺎﺑﻌﻴﻦ ﻟﻠﻘﺼﺔ ﺍﺳﻔﺔ ﺿﻮﺟﺘﻜﻢ ﻭﺍﻧﻘﻄﻌﺖ ﻋﻨﻜﻢ ﺑﺲ ﺍﻟﻲ ﺻﺎﺭ ﻣﻮ ﺳﻬﻞ ﺍﺑﺪ ﻭﻫﺴﻪ ﻫﺬﺍ ﺟﻨﺖ ﻛﺎﺗﺒﺘﻪ ﺑﻠﻴﻠﺔ ﺍﻟﻲ ﺻﺎﺭﺕ ﺍﻟﻤﺸﻜﻠﺔ ﻭﻣﻜﺪﺭﺕ ﺍﻛﻤﻠﻪ ﻭﺍﻥ ﺷﺎﺀﺍﻟﻠﻪ ﺍﻋﻮﺿﻜﻢ ﻭﻛﻠﻠﻠﻠﺶ ﺍﺣﺒﻜﻢ ﺍﻣﻮﻭﻭﻭﺕ ﻋﻠﻴﻜﻢ 💚⚘❤
ﻭﺗﺮﻩ ﻣﺤﺪ ﻣﻬﺪﺩﻧﻲ ﻭﻻ ﺗﻬﺪﺩﺕ ﺍﻟﻤﺸﻜﻠﺔ ﻣﺸﻜﻠﺔ ﻋﺎﺋﻠﻴﺔ ﺍﻟﺸﻤﺎﺗﻪ ﺿﺤﻜﺘﻮﻧﻲ ﻉ ﻋﻘﻠﻜﻢ ﺍﻟﻤﺮﻳﺾ 😂 ﻻ ﺍﺣﺪ ﻫﺪﺩﻧﻲ ﻭﻻ ﺍﻧﺎ ﺍﻫﺪﺩ ﺍﺣﺪ ..
ﻭﻣﺴﻴﺮﺗﻲ ﻣﺘﺘﻔﻠﺶ ﻭﻻ ﺣﺘﻰ ﺭﺍﺡ ﺗﺘﻔﻠﺶ ﺭﺳﻤﺘﻬﺎ ﺑﺘﻌﺐ ﻣﻮ ﺑﺤﻴﻠﺔ ﻭﻻ ﺩﻭﺭﺕ ﻃﺸﺔ ﻭﻻ ﺟﺒﺮﺕ ﺍﺣﺪ ﻳﺘﺎﺑﻌﻨﻲ ﻭﻻ ﺭﻭﺟﺖ ﻟﻨﻔﺴﻲ ﻣﺴﻴﺮﺗﻲ ﻭﺭﻭﺍﻳﺎﺗﻲ ﺍﻟﻲ ﺍﺳﻤﻴﻬﻢ ﺑﻨﺎﺗﻲ 😍 ﻫﻲ ﻧﺘﻴﺠﺔ ﺗﻌﺒﻲ ﻭﺍﻭﻗﺎﺕ ﻃﻮﻳﻠﺔ ﻗﻀﻴﺘﻬﺎ ﺍﻛﺘﺐ ﻭﺍﻗﺮﺍ ﺣﺘﻰ ﺍﻃﻮﺭ ﻧﻔﺴﻲ ﻭﺍﻟﻔﻀﻞ ﻳﻌﻮﺩ ﻟﻤﺘﺎﺑﻌﻴﻨﻲ ﻭﺻﺪﻳﻘﺎﺗﻲ ﺍﻟﻲ ﺩﻋﻤﻮﻧﻲ ﻭﻛﻞ ﺍﻟﺸﻜﺮ ﺍﻟﻜﻢ ﻟﻮ ﺍﺷﻜﺮﻛﻢ ﻣﻨﺎ ﻟﺒﻌﺪ ﺍﺳﺒﻮﻉ ﻣﻴﻜﻔﻲ .
ﻭﻟﻠﺒﻌﺾ ﻋﻴﺐ ﺗﺘﻬﻤﻮﻥ ﺍﺣﺪ ﺑﺪﻭﻥ ﺩﻟﻴﻞ ﺍﻟﻲ ﺩﺯﺕ ﺍﻟﺴﻜﺮﻳﻦ ﻣﺠﻬﻮﻟﺔ ﺩﺍﺯﺗﻪ ﻉ ﺳﺎﻳﺖ ﻣﻦ ﻣﺠﻬﻮﻝ ﺍﺫﺍ ﺟﺎﻧﺖ ﻧﻴﺘﺞ ﺳﻠﻴﻤﺔ ﺗﻌﺎﻟﻲ ﻭﺑﺮﺋﻲ ﺍﻟﻲ ﺍﺗﻬﻤﻮﻫﻢ ﻭﺍﻻ ﺭﺍﺡ ﻧﻈﻞ ﻧﺘﺤﺴﺐ ﻋﻠﻴﺞ ..
ﻣﻼﺣﻈﺔ ﺍﻟﺸﺎﻋﺮ ﺍﻋﺘﺬﺭ ﻉ ﺗﺼﺮﻓﻪ ﻭﻳﺎﺭﻳﺖ ﻧﺴﺪ ﺍﻟﻤﻮﺿﻮﻉ ﻫﺴﻪ ﻭﻧﻜﻤﻞ ﺍﻟﻘﺼﺔ ﻻﻥ ﺍﺣﻨﺎ ﺑﻨﻬﺎﻳﺎﺗﻬﺎ .
ﺷﺮﻳﻌﺔ ﺍﻟﻌﺸﻖ
ﻧﻮﺭﺍ ﻧﺎﺻﺮ
ﺑﺎﺭﺕ ٦٣
ﻋﻠﻰ ﺣﺎﻟﺔ ﺍﺑﻨﻲ ﺍﻟﻲ ﺷﻔﺘﻬﺎ ﺑﻌﻴﻮﻧﻲ ﻇﻠﻴﺖ ﺍﺭﺟﻒ ، ﺣﻠﻜﻲ ﻧﺸﻒ ، ﺻﻮﺗﻪ ﺑﺄﺫﻧﻲ ﻳﺒﺠﻲ ﻭﻳﺸﻜﻲ ﻭﻳﺴﺘﻨﺠﺪ ﺑﻴﻪ .
" ﻣﺎﻣﺎ ﻣﺎﻣﺎ ﻋﻤﻪ ﻋﻤﻪ " ﻭﻳﺄﺷﺮ ﺍﻟﻲ ﺑﻴﺪﻩ ﺍﻟﻤﺤﺮﻭﻛَﺔ ...
ﻟﺰﻣﺖ ﺍﻳﺪﻩ ﺍﺑﺎﻭﻋﻠﻬﺎ ، ﻭﻛﻮﺓ ﺍﺗﻨﻔﺲ ﻛﻮﻭﺓ ﺍﻟﻬﻮﺍ ﻣﻦ ﻛﺪﺍﻣﻲ ﺗﻼﺷﻰ ..
ﻧﺰﻟﺖ ﺩﻣﻮﻋﻲ ، ﻭﺍﻧﻲ ﺍﺩﺭﺩﻡ " ﻟﻴﺶ ﻫﻴﺞ ﻃﻔﻞ ﻣﺈﻟﻪ ﺃﺫﻳﺔ ﻟﻴﺶ ﻳﺴﻮﻭﻥ ﺑﻲ ﻫﻴﺠﻲ ﻟﻴﺶ "
ﺭﻓﻌﺘﻪ ﻣﻦ ﺍﻻﺭﺽ ﻭﺗﻮﺟﻬﺖ ﻟﺒﻴﺘﻬﻢ ﺑﻼ ﻭﻋﻲ ﻣﻨﻲ ﺑﺲ ﺍﺭﻳﺪ ﺍﻓﻬﻢ ﻟﻴﺶ ﻫﻴﺠﻲ ﻳﺴﻮﻭﻥ ﺑﺈﺑﻨﻲ ﻟﻴﺶ !!
ﻫﻴﻪ ﻫﺎﻱ ﺍﻻﻣﺎﻧﺔ ؟؟ ﻳﺎ ﺑﻪ ﻣﻮ ﺃﻣﺎﻧﺔ ﻃﻔﻞ ﻃﻔﻞ ﻫﻴﺞ ﻳﺤﺮﻛﻮﺍ ﻭﻳﻄﺮﺩﻭﺍ ، ﺯﻳﻦ ﻣﻮﻭ ﻃﻔﻞ ﺍﺑﻨﻜﻢ ﻫﺬﺍ ﺩﻣﻜﻢ
ﻭﻟﺤﻤﻜﻢ ، ﻟﻴﺶ ﺷﻨﻮ ﺫﻧﺒﻪ ﻷﻥ ﺍﻧﻲ ﺍﻣﻪ ﺗﺸﻤﺮﻭﻥ ﺳﻤﻜﻢ ﻭﺣﻘﺪﻛﻢ ﻋﻠﻰ ﻃﻔﻞ ﺑﺮﻱﺀ ﻭﺍﻟﺴﺒﺐ ﺗﻜﺮﻫﻮﻥ ﺍﻣﻪ .
ﺍﺧﺬﺗﻨﻲ ﺧﻄﻮﺍﺗﻲ ﻟﺒﺎﺏ ﻣﻄﺒﺨﻬﻢ ، ﺍﻣﺸﻲ ﻭﺍﺭﺩﺩ ﺑﺼﻮﺕ ﺷﺒﻪ ﻣﻬﻤﻮﺱ " ﺍﻟﻠﻬﻢ ﻗﻮﺓ "
ﻭﺻﻠﺖ ﻟﻠﺒﺎﺏ ﻇﻠﻴﺖ ﺍﺩﻓﺮ ﺑﻲ ﺑﺮﺟﻠﻴﻪ ﻣﻦ ﺟﻮﻩ
ﻭﺑﻴﺪﻱ ، ﻭﻫﻤﺎﻡ ﺑﻌﺪﻩ ﻳﺼﺮﺥ ﻭﺍﻧﻲ ﺷﺎﻳﻠﺘﻪ ..
ﻭﺍﻳﺪﻫﺎ ﺍﻟﻤﺤﺮﻭﻛﺔ ﻣﻌﻠﻜﻬﺎ ﺑﺎﻟﻬﻮﺍ ، ﻋﺒﺎﻟﻚ ﻳﺨﺎﻑ
ﻋﻠﻴﻬﺎ ﻋﻦ ﻻ ﺗﻨﻠﺠﻢ ﻭﺍﻧﻲ ﺍﺑﺎﻭﻋﻠﻪ ﻭﺍﻣﻮﺕ ﻣﻦ ﺍﻟﻘﻬﺮ .
ﺯﺍﺩﺕ ﺩﻓﺮﺍﺗﻲ ﻉ ﺑﺎﺏ ﻣﻄﺒﺨﻬﻢ ، ﻭﺟﺴﻤﻲ ﻣﺎﺧﺬﻩ ﺍﻟﺮﺟﻴﻒ ، ﻭﻧﺒﻀﺎﺗﻲ ﺳﺮﻳﻌﺔ ﻭﺍﺗﻨﻔﺲ ﺑﺼﻌﻮﺑﺔ ﻭﻋﻴﻮﻧﻲ ﺭﻃﺒﺘﻬﺎ ﺩﻣﻮﻋﻲ ﺍﻟﻐﺰﻳﺮﺓ .
ﻟﺤﻈﺎﺕ ﻭﺍﻧﻔﺘﺤﺖ ﺍﻟﺒﺎﺏ ﻭﻃﻠﻌﺘﻠﻲ ﺍﺳﺮﺍﺀ
ﺻﻴﺤﺖ ﺑﻮﺟﻬﻪ ؛ ﻭﻳﻨﻬﺎ ﻋﻤﺔ ﻭﻟﺞ ؟
_ ﻭﺷﻜﻮ ﺩﺗﺼﻴﺤﻴﻦ ﻫﺎ ؟
_ ﺳﺄﻟﺘﺞ ﻋﻦ ﻋﻤﺔ ﻭﻳﻨﻬﺎ ﺟﺎﻭﻭﻭﺑﻲ .
_ ﻃﻠﻌﺖ ﺍﺟﻪ ﻋﻠﻴﻬﺎ ﺑﻬﺎﺀ ﻭﺭﺍﺣﺖ ﻭﻳﺎﻩ ﻋﻤﻮ ﻳﻤﻬﻢ ﻣﺘﺨﺮﺑﻂ ﻭﻳﺮﻳﺪﻫﺎ .
_ ﻫﺎﻱ ﻣﻨﻮ ﻣﺴﻮﻱ ﻫﻴﺠﻲ ﺑﻬﻤﺎﻡ ﻣﻨﻮ ﺣﺮﻙ ﺍﻳﺪﻩ ﺍﻟﻴﻮﻡ ﻭﺍﻟﻠﻪ ﺍﺣﺮﮔﺞ ﺍﺫﺍ ﺍﻧﺖ ﺍﻟﺴﺒﺐ ؟
_ ﻭﺷﻜﻮ ﺩﺗﺤﺮﮔﻴﻨﻲ ﻭﺍﻧﻲ ﺷﻌﻠﻴﻪ ﻗﺎﺑﻞ ﺣﺘﻰ
ﺍﺣﺮﮔﻪ !! ﻫﺬﺍ ﻗﺒﻞ ﻻﻳﻜﻮﻥ ﺍﺑﻨﺞ ﻳﺼﻴﺮ ﺍﺑﻦ ﺻﻔﺎﺀ ﺣﺒﻴﺒﻲ ﻣﺴﺘﺤﻴﻞ ﺃﺫﻱ ، ﻟﻮ ﺗﺠﻴﻚ ﺍﻟﺘﻬﺎﻳﻢ ﻭﺍﻧﺖَ ﻧﺎﻳﻢ ؟
ﺻﻴﺤﺖ ﺑﻌﻠﻮ ﺣﺴﻲ ؛ ﻟﻌﺪ ﺇﺣﺠﻲ ﻣﻨﻮ ﺳﻮﺍ ﺑﺎﺑﻨﻲ ﻫﻴﺞ .
ﮔُﻠﺖ ﻛﻼﻣﻲ ﻫﺬﺍ ﻭﻃﻠﻌﺖ ﺍﻟﺤﻴﺔ ﺍﻟﺼﻔﺮﺓ ﺭﺷﺎ ..
ﺍﺟﺎﻧﻲ ﺻﻮﺗﻬﺎ ؛ ﺷﻜﻮ ﺍﺳﺮﺍﺀ ﻫﺎﻱ ﻣﻨﻮ ﻳﻤﺞ ﻳﺤﺠﻲ .
" ﻛﺎﻟﺖ ﻫﻴﺞ ﻭﻭﻛﻔﺖ ﻣﺘﺨﺼﺮﺓ "
ﺩﻓﻌﺖ ﺍﺳﺮﺍﺀ ﻭﻃﺒﻴﺖ ﺃﺭﺟﻒ ﻭﮔﻔﺖ ﺑﻨﺺ ﺍﻟﻤﻄﺒﺦ
ﻭﺻﻴﺤﺖ ﺑﺼﻮﺕ ﻣﺘﻜﺴﺮ ﻭﻣﺒﺤﻮﺡ ﺑﺲ ﺑﻌﺼﺒﻴﺔ
_ ﺍﺣﺠﻦ ﻭﻟﺠﻦ ﻣﻨﻮ ﺳﻮﻩ ﺑﺄﺑﻨﻲ ﻫﻴﺞ ﻣﻨﻮﻭ ﻣﻨﺠﻦ ﺍﻟﻴﻮﻡ ﺍﮔﻠﺐ ﺍﻟﺪﻧﻴﻪ ﻋﻠﻴﺠﻦ !!!
ﺭﺟﻌﺖ ﻫﺰﺕ ﻧﻔﺴﻬﺎ ﻭﺣﺮﻛﺖ ﺍﺩﻳﻬﺎ ﻋﻠﻰ ﺧﺼﺮﻫﺎ
_ ﺍﻧﻲ ﭼﻮﻳﺘﻪ ﻟﻴﺶ ﻋﻨﺪﺝ ﻣﺎﻧﻊ ﺷﻜﻮ ﻣﺘﻴﻬﺘﻪ ﻭﺭﺍﻳﺤﺔ ﻣﺪﺭﻱ ﻭﻳﻦ ؟ ﺟﻨﻪ ﻣﺨﺒﻞ ﺿﺮﺏ ﺍﺑﻨﻲ ﺧﻠﻴﻨﻲ ﺍﺍﺩﺑﻪ ﻋﻤﺘﻪ ﺍﻧﻲ .
ﺟﺮﻳﺖ ﻛﺮﺳﻲ ﺑﺴﺮﻋﺔ ﻭﺧﻠﻴﺖ ﻫﻤﺎﻡ ﻋﻠﻴﻪ
ﺗﻘﺪﻣﺖ ﺑﺎﺗﺠﺎﻫﻪ ﻭﺻﺮﺕ ﺍﺣﺎﭼﻴﻬﻪ
_ ﻟﺞ ﻣﻤﺨﻠﻴﺘﻪ ﻳﻢ ﺍﻧﻲ ﻳﻢ ﺍﻣﺞ ﺑﺲ ﻣﻮﺻﻮﺟﺞ ﺻﻮﺟﻬﺎ ﺧﻠﺘﻪ ﻳﻢ ﺍﻟﺤﻴﺎﻳﺔ ﻋﺪﻳﻤﺎﺕ ﺍﻟﻀﻤﻴﺮ ﺣﻘﻴﺮﺍﺕ ﺍﺛﻨﻴﻨﺠﻦ ﺍﻟﻠﻪ ﻻﻳﻮﻓﻘﺠﻦ ﻟﺞ ﺷﻮﻭﻥ ﺗﻤﺪﻳﻦ ﺍﻳﺪﺝ ﻋﻠﻰ ﻃﻔﻞ ﻭﺗﭽﻮﻳﻨﻪ ﻫﻴﺞ ﺍﻟﻠﻪ ﻳﺤﺮﻛﺞ ﺑﻨﺎﺭ ﺟﻬﻨﻢ ﺍﻥ ﺷﺎﺀﺍﻟﻠﻪ .
ﺍﺷﺮﺕ ﺑﻴﺪﻫﺎ ؛ ﺩﻳﻠﻠﻪ ﻭﻟﻲ ﻳﻠﻠﻪ ﻣﺎﺗﺨﺎﻓﻴﻦ ﻋﻠﻰ ﺭﻭﺣﺞ ﺍﻧﺘﻲ ﻃﺎﺑﺔ ﺑﻨﺼﻨﺎ ﻣﻮ ﺍﺟﻴﺞ ﻫﺴﻪ ﺍﺫﺑﺤﺞ ﻭﺍﺩﻓﻨﺞ ﺍﻧﺖ ﻭﺍﺑﻨﺞ ﻭﻻ ﻣﻨﺸﺎﻑ ﻭﻻ ﻣﻦ ﺩﺭﻯ .
_ ﻟﺞ ﻋﺒﺎﻟﺞ ﺍﺧﺎﻑ ﻣﻨﺞ ﻣﻮﻭﻭ ؟ ﺣﻘﻴﺮﺓ ﻣﺨﺎﻳﻔﺔ ﻣﻨﺞ ﺍﻧﻲ
ﺳﻮﻳﺘﻲ ﺑﻴﻪ ﺍﻟﻌﺠﺐ ﻭﺍﻧﻲ ﺳﺎﻛﺘﺔ ﺍﻟﺞ ﺑﺲ ﻫﺴﻪ ﻻ ﺑﻌﺪ ﻣﺎﺍﺳﻜﺖ ﻋﻠﻰ ﺗﺼﺮﻓﺎﺗﺞ ﺍﺩﻭﺱ ﻋﻠﻴﺞ ﻭﻋﻠﻰ ﺭﺍﺳﺞ ﺑﻨﻌﺎﻟﻲ .
ﺗﻘﺮﺑﺖ ﻣﻨﻲ ﻭﺩﻓﻌﺘﻨﻲ ؛ ﺍﻣﺸﻲ ﻟﻠﻠﻠﺞ ﺍﻧﻮﺏ ﻋﻠﻴﻪ ﺍﻝ *****
ﺩﻓﻌﺘﻨﻲ ﺣﻴﻞ ، ﺳﻨﺪﺕ ﻧﻔﺴﻲ ﺑﺎﻟﻜﺮﺳﻲ ﺍﻟﻲ ﻋﻠﻴﻪ
ﻫﻤﺎﻡ ﻇﻞ ﻳﺼﺮﺥ ﻭﻳﺒﺠﻲ ﺑﻬﺴﺘﻴﺮﻳﺎ ﻭﻫﺎﻱ ﻣﺴﺘﻤﺮﺓ ﺗﻔﺸﺮ ﻭﺗﻐﻠﻂ ﻋﻠﻴﻪ .
ﺑﺎﻭﻋﺖ ﻻﺳﺮﺍﺀ ﺗﺮﻳﺪ ﺗﺎﺧﺬ ﻫﻤﺎﻡ ﻣﻦ ﻉ ﺍﻟﻜﺮﺳﻲ
ﺩﻓﻌﺘﻬﺎ ﺣﻴﻞ ﻣﻦ ﺯﻧﺪﻫﺎ ﻭﺻﺮﺧﺖ ﺑﻮﺟﻬﻪ
_ ﻭﺧﺮﻱ ﺣﻘﻴﺮﺓ ﺍﻛﺴﺮ ﺍﻳﺪﺝ ﺍﺫﺍ ﻟﺰﻣﺘﻲ ﺍﺑﻨﻲ
ﻇﻠﺖ ﺗﻔﺮ ﺑﻴﺪﻫﺎ ؛ ﻫﺎﻱ ﻓﻮﻛﺎﻫﻪ ﺑﻌﺪ ﻓﻮﻙ ﻣﺎ ﺍﺭﻳﺪ ﺍﺳﻜﺘﻪ .
_ ﻣﻌﻠﻴﺞ ﺑﻲ ﺍﺛﻨﻴﻨﻜﻢ ﻣﺸﺘﺮﻛﺎﺕ ﺑﺎﻟﺠﺮﻳﻤﺔ ﺍﻟﻴﻮﻡ ﺍﻟﻪ ﺍﻭﻛﻒ ﻫﺎﻱ ﺍﻟﻤﻬﺰﻟﺔ ﻭﻛﺎﻓﻲ ﺑﻌﺪ ﻣﺎ ﺍﺳﻜﺖ .
ﺍﺧﺬﺕ ﺍﺑﻨﻲ ﻭﺑﻌﺪﻩ ﻳﺒﺠﻲ ﻭﻳﺼﺮﺥ ﻣﻮﺟﻮﻉ ﺳﻮﺩﺓ ﻋﻠﻴﻪ
ﻇﻠﺖ ﺭﺷﺎ ﺗﺪﻓﻊ ﺑﻴﻪ ،ﻋﺮﻓﺖ ﻧﻔﺴﻲ ﻭﺣﻴﺪﺓ ﻫﻨﺎﻧﻪ
ﺍﺧﺬﺕ ﺍﺑﻨﻲ ﻭﻃﻠﻌﺖ ﻣﻦ ﺑﺎﺏ ﺍﻟﻤﻄﺒﺦ ﺍﺑﺠﻲ ﻭﺍﺭﺟﻒ ﻭﻣﻴﺘﺔ ﻗﻬﺮ ﻋﻠﻰ ﺍﺑﻨﻲ ﻭﺍﺳﻜﺖ ﺑﻲ ، ﺍﺧﺬﺗﻪ ﻭﺑﻨﻴﺘﻲ ﺍﺭﻭﺡ ﻳﻢ ﺍﻫﻠﻲ ﺑﻠﻜﻲ ﺑﺎﺑﺎ ﺟﺎﻱ ﺍﺟﻴﺒﻪ ﻋﻠﻴﻬﻦ ﻳﻄﻴﺢ ﺣﻈﻬﻦ .
ﻭﺻﻠﺖ ﻧﺺ ﺍﻟﻜﺮﺍﺝ ﻭﺍﻧﺪﻛﺖ ﺍﻟﺒﺎﺏ ، ﻛﻤﻠﺖ ﻣﺸﻲ
ﻭﺭﺣﺖ ﺑﺎﺗﺠﺎﻩ ﺍﻟﺒﺎﺏ ﻓﺘﺤﺘﻬﺎ ﻭﺣﺎﻟﺘﻲ ﺣﺎﻟﺔ .
ﺻﺎﺭﻭﺍ ﻣﻘﺎﺑﻴﻠﻲ ﻋﻤﻮ ﺣﺴﻴﻦ ﻭﺯﻭﺟﺘﻪ ..
ﻓﺘﺤﺖ ﺍﻟﺒﺎﺏ ﻭﺩﺧﻠﻮﺍ ﺣﺘﻰ ﻣﺎﺳﻠﻤﺖ ﻋﻠﻴﻬﻢ
ﺷﻬﮕﺎﺗﻲ ﺗﻜﻔﻠﺖ ﺑﺎﻟﻤﻮﺿﻮﻉ ﻭﺣﭽﺖ ﺍﻟﻬﻢ ﻋﻦ ﺣﺎﻟﻲ ﻭﻣﺄﺳﺎﺗﻲ ...
ﺗﻔﺎﺟﺌﻮﺍ ﻋﻤﻮ ﻣﺼﺪﻭﻡ ﻳﺒﺎﻭﻋﻠﻲ ﺳﺪ ﺍﻟﺒﺎﺏ ﺑﻴﺪ ﻭﺣﺪﺓ ﻭﺣﺎﭼﻨﻲ ؛ ﺷﻜﻮ ﺑﻨﻴﺘﻲ ﺷﺒﻴﺞ ﻣﻨﻮ ﻭﻳﺎﺝ ﻭﺷﺒﻲ ﺍﺑﻨﺞ .
ﻋﻤﻪ ﺍﺧﺬﺗﻪ ﻣﻦ ﺍﻳﺪﻱ ﻻﻥ ﺷﺎﻓﺘﻨﻲ ﺍﺭﺟﻒ ، ﺍﺧﺬﺗﻪ ﻭﻇﻠﺖ ﺗﺴﻜﺖ ﺑﻲ .
ﻇﻠﻴﺖ ﺍﺣﭽﻲ ﻭﺍﺷﻬﮓ ؛ ﻋﻤﻮ ﺗﺮﺿﺎﻫﻪ ﺍﺧﺘﻚ ﭼﻮﺕ ﺍﺑﻨﻲ
ﻟﻴﺶ ﺷﻨﻮ ﺫﻧﺒﻪ ﻫﻴﭻ ﺗﺴﻮﻱ ﺑﻲ ﺗﺮﺓ ﻫﻮ ﻃﻔﻞ ، ﺑﺎﻟﻠﻪ ﺍﻧﻲ ﺗﻜﺮﻫﻨﻲ ﻭﺣﺎﻗﺪﺓ ﻋﻠﻴﻪ ﺍﺑﻨﻲ ﺷﻨﻮ ﺫﻧﺒﻪ ﻫﻮ ﻣﻮ ﺍﺑﻦ ﺍﺧﻮﻫﺎ .
ﻓﺘﺢ ﻋﻴﻮﻧﻪ ﻋﻠﻰ ﺍﻭﺳﻌﻬﺎ ﺑﻴﺎﺿﻬﺎ ﺍﻛﺘﺴﺐ ﺣﻤﺎﺭ ﻣﻦ ﻛﺪ ﺍﻟﻌﺼﺒﻴﺔ ﻭﻋﺎﻁ ﻭﻫﻮ ﻧﻈﺮﺍﺗﻪ ﻋﻠﻰ ﺍﻟﺒﻴﺖ ﻭﻳﻴﻴﻨﻬﺎ ﻫﻴﻪ ﻫﺴﻪ ﻭﻳﻨﻬﺎ ﺑﻌﺪﻫﺎ ﺟﻮﺓ ﺑﺎﻟﺒﻴﺖ ؟
ﻗﺒﻞ ﻟﻴﺴﻤﻊ ﺍﺟﺎﺑﺘﻲ ﺩﺧﻞ ﻣﺘﻌﺼﺐ ، ﻫﻤﺎﻡ ﻳﺄﺷﺮﻟﻲ ﻳﺮﻳﺪﻧﻲ ﺍﺧﺬﻩ ، ﻗﺒﻞ ﻻ ﺍﺧﺬﻩ ﺷﻤﺮ ﺭﻭﺣﻪ ﻋﻠﻴﻪ
ﺍﺧﺬﺗﻪ ﻣﻦ ﻋﻤﻪ ﻭﻫﻲ ﺩﻓﻌﺘﻨﻲ ﺑﺨﻔﺔ ﻣﻦ ﺯﻧﺪﻱ ﻭﻭﺟﻬﺘﻨﻲ ﻟﻠﺒﻴﺖ ﻭﻫﻲ ﺗﺮﺩﺩ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺷﺠﺎﻫﻪ ﻫﺎﻱ ﻭﻳﻦ ﻭﺻﻠﻬﺎ ﺍﻟﺤﻘﺪ ﻭﺍﻟﻜﺮﻩ ﺣﺘﺠﻴﺐ ﻧﻬﺎﻳﺘﻬﺎ ﻫﻴﺠﻲ
ﺍﻫﺪﻱ ﺣﺒﻴﺒﺔ ﻟﻜﻞ ﻇﺎﻟﻢ ﻳﻮﻡ ﻫﺎﻱ ﻭﺻﻠﺖ ﺣﺪﻫﺎ ﻭﻳﺎﻫﻪ .
ﺩﺧﻠﻨﺎ ﺟﻮﻩ ﻭﺳﻤﻌﻨﺎ ﻋﻤﻮ ﻳﺼﻴﺢ ﻋﻠﻰ ﺭﺷﺎ ﺑﻌﻠﻮ ﺻﻮﺗﻪ
ﺭﺷﺎﺍﺍﺍ ﺍﻟﻴﻮﻡ ﺍﺣﺮﮔﭻ ﺣﺮﺭﺭﺭﮒ ......
ﻇﻞ ﻳﺤﺠﻲ ﻭﻳﺎﻫﻪ ﺑﺼﻴﺎﺡ ﻭﻳﺤﻘﻖ ﻭﻳﺎﻫﻪ ..
ﻭﻫﻲ ﻣﺴﺘﻤﺮﺓ ﺗﺘﺠﺎﻭﺯ ﻋﻠﻴﻪ ﻭﻣﻌﻠﻴﺔ ﺻﻮﺗﻬﺎ ﻋﻠﻴﻪ ..
ﺻﺎﺡ ﻋﻠﻴﻬﺎ ﻋﻤﻮ ﺣﺴﻴﻦ ﻭﻛﺄﻧُﻪ ﻳﻀﺮﺑﻬﺎ ؛ ﻟﺠﺠﺠﺠﺠﺞ ﺑﺴﺴﺴﺴﺴﺲ ﺑﻨﺖ ﺍﻟﻜﻠﺐ ﺑﺴﺴﺴﺴﺴﺲ ﺍﻧﻌﻞ ﺍﺑﻮﺝ ﻻﺑﻮ ﺣﺘﻰ ﺍﻟﺨﻠﻔﺞ ﺑﺲ ﻳﻌﺮﻑ ﻳﺨﻠﻒ ﺑﺲ ﻣﻴﻌﺮﻑ ﻳﺮﺑﻲ ﺯﻟﻢ ﻣﺸﻮﺭﺑﻪ ﺭﺑﺎﻧﻪ ﻋﺪﻝ ﺍﻻ ﺍﻧﺘﻲ ﻋﻮﺟﻪ .
ﻟﺠﺠﺞ ﻛﺎﺍﺍﻓﻲ ﺗﻌﺒﺘﻴﻨﺎ ﺍﻧﺘﻲ ﺷﻨﻮﻭﻭﻭ ﻣﺘﻜﻮﻟﻴﻠﻲ ﺳﻔﺮ ﻭﺳﻔﺮﻧﺎﺝ ﻋﺒﺎﻟﻨﺎ ﺗﻐﻴﺮﻳﻦ ﺟﻮ ﻛﻠﻨﺎ ﺧﺎﻑ ﻣﺨﺘﻨﻜﻪ ﺍﺣﺴﻦ ﻣﻌﺎﻣﻠﺔ ﻋﺎﻣﻠﻨﺎﺝ ﺷﻔﻨﺎ ﻣﺎﺟﺎﺏ ﻧﺘﻴﺠﻪ ﻗﺴﻴﻨﺎ ﻋﻠﻴﺞ ﻭﻫﻮ ﻇﻠﻴﺘﻲ ﻋﻮﺟﻪ ﻟﺞ ﺍﻧﻌﺪﻟﻲ ﺗﺮﻯ ﺍﺩﻓﻨﺞ ﻭﺍﻧﺘﻲ ﻋﺎﻳﺸﺔ ﻭﻣﺤﻤﺪ ﻛﺎﺍﺍﺍﺍﻓﻲ ﺑﺰﻋﺘﻴﻨﺎﺍﺍﺍﺍ .
ﻓﺘﺖ ﻭﺍﺷﻮﻑ ﻋﻤﻮ ﺩﻳﺰﻳﻦ ﺑﺸﻌﺮﻫﺎ ﻭﻫﻴﻪ ﺗﻌﻴﻂ ﻭﺗﺘﺤﺮﻙ ﻭﻛﻮﻣﺔ ﺷﻌﺮ ﺟﻮﺍﻫﺎ ..
ﺑﻘﻴﻨﺎ ﻭﺍﻛﻔﻴﻦ ﻣﺼﻔﻨﻴﻦ .. ﺟﺎﻥ ﻻﺯﻣﻬﺎ ﻣﻌﺼﺐ ﻭﻣﺤﺪ ﻳﺮ ﻳﺘﻘﺮﺏ ﻣﻨﻪ ﺍﻟﻜﻞ ﺧﺎﻳﻒ ﻭﻣﺼﺪﻭﻡ ، ﻣﻦ ﺧﻠﺺ ﺷﻤﺮﻫﺎ ﻣﻦ ﺯﻧﺪﻫﺎ ﺣﺎﭼﺎﻫﻪ ﺑﻘﺴﻮﺓ ﻭﻳﺤﺎﻭﻝ ﻳﺘﺨﻠﺺ ﻣﻦ ﺍﻟﻐﻀﺐ ﺍﻟﻲ ﺳﻴﻄﺮ ﻋﻠﻴﻪ ؛ ﺣﺘﻰ ﺗﺼﻴﺮﻟﺞ ﻋﺒﺮﺓ ﺳﻜﺘﻨﺎﻟﺞ ﻫﻮﺍﻱ ﺑﺲ ﻭﺻﻠﺖ ﺣﺪﻫﺎ ﻣﻨﻮ ﺍﻧﺘﻲ ﺣﺘﻰ ﻋﻤﺎﻣﻲ ﻳﻌﻴﺮﻭﻧﺎ ﺑﻴﺞ ﻭﻳﻜﻮﻟﻮﻥ ﻛﻮﻣﺔ ﺯﻟﻢ ﺑﺲ ﻣﺘﻌﺮﻓﻮﻥ ﺗﺮﺑﻮﻥ ﻭﻋﻤﻜﻢ ﺗﺤﺴﻴﻦ ﺭﺟﺎﻝ ﻭﺍﺣﺪ ﻭﺑﻨﺎﺗﻪ ﻳﻨﺤﻠﻒ ﺑﺄﺧﻼﻗﻬﻦ ﺍﻧﻲ ﺃﻋﻠﻤﺞ ﻣﻨﺎ ﻭﺟﺎﻱ ﺍﻟﻨﺎﺱ ﺷﻤﺪﺭﻳﻬﺎ ﺍﺣﻨﻪ ﻧﻜﻮﻝ ﺍﺧﺘﻨﺎ ﻭﺣﻴﺪﺗﻨﺎ ﻭﻣﻨﻜﺪﺭ ﻧﻨﻄﻲ ﺑﻴﻬﺎ ﻛﺪﺍﻡ ﺍﻟﺠﻨﺎﻳﻦ ﻭﻻ ﻋﺒﺎﻟﺞ ﻣﺎﺍﻋﺮﻑ ﺃﻧﺘﻲ ﻭﻫﺎﻱ ﺍﻟﻔﻮﻙ ﻭﻳﻦ ﺩﺗﻮﻟﻦ ﻭﻫﺬﺍ ﺯﻳﺎﻧﻲ ﺍﻟﺞ ﺟﺰﺀ ﺑﺴﻴﻂ ﻣﻦ ﺍﻟﻌﻘﺎﺏ ﺍﻟﻲ ﺿﺎﻣﻪ ﺍﻟﺞ ...
ﺍﺧﺬﺕ ﺍﺑﻨﻲ ﺍﻟﻲ ﺗﻌﺒﻪ ﺍﻻﻟﻢ ﻭﺍﻟﺒﭽﻲ ﻭﺩﺍﺍﻃﻠﻊ ﻣﻦ ﺑﻴﺘﻬﻢ
ﺻﺎﺭ ﺑﻮﺟﻬﻲ ﺻﻔﺎﺀ ﻓﺘﺢ ﻋﻴﻮﻧﻪ ﺧﺰﺭﺗﻪ ، ﻫﻤﺎﻡ ﺟﺎﻥ ﺗﻌﺒﺎﻥ ﻣﻦ ﺍﻟﺒﭽﻲ ﺍﻻ ﻣﻦ ﺷﻬﻜﺎﺕ ﻭﻧﺸﻐﺎﺕ ﻣﺆﻟﻤﺔ ﺗﻄﻠﻊ ﻣﻨﻪ .
ﻟﻤﻦ ﺷﺎﻑ ﺍﺑﻮﻩ ﺷﻤﺮ ﻧﻔﺴﻪ ﻋﻠﻴﻪ ﻭﻇﻞ ﻳﺒﭽﻲ ﻭﻳﺸﻜﻴﻠﻪ ..
ﺍﺧﺬ ﺍﻳﺪﻩ ﻃﺎﻟﻌﻬﺎ ﻣﻌﺼﺐ ﻭﻓﺘﺢ ﻋﻴﻮﻧﻪ ﻣﺼﺪﻭﻭﻭﻡ ...
ﺑﺎﻭﻋﻠﻲ ﻭﻳﻦ ﺭﺍﻳﺤﺔ ؟
ﺟﺎﻭﺑﺘﻪ ﺟﻴﺐ ﺍﺑﻨﻲ ﺍﻭﺩﻱ ﻟﺒﺎﺑﺎ ﻳﻮﺩﻱ ﻟﻠﻤﺸﻔﻰ ﺍﺧﺘﻚ ﺣﺮﻛﺖ ﺍﻳﺪﻩ ..
ﺍﺧﺬﻩ ﻭﻃﺎﺭ ﺑﻲ ﺑﺪﻭﻥ ﻣﻴﺴﺄﻝ ﺷﻜﻮ .
ﻭﺍﻧﻲ ﺍﺭﻳﺪ ﺍﺗﺒﻌﻬﻢ ﺍﺷﺮﻟﻲ ﺑﻴﺪﻩ ﻭﻛﺎﻝ ﺑﺤﺪﻳﺔ
ﺍﺭﺟﻌﻲ .
ﺭﺟﻌﺖ ﺑﻴﺄﺱ ، ﻭﺻﻌﺪﺕ ﻟﺸﻘﺘﻲ .
ﻇﻠﻴﺖ ﺍﻓﻜﺮ ﺑﺎﻟﺼﺎﺭ ﺍﺭﻳﺪ ﺍﺳﺘﻮﻋﺒﻪ ﻣﺪﺍﺍﻛﺪﺭ ﺻﻔﻨﺖ ﻉ ﻛﻼﻡ ﻋﻤﻮ ﺣﺴﻴﻦ ﺷﻴﻘﺼﺪ ﻭﻳﻦ ﺩﻳﺮﻭﺣﻦ ﻫﻲ ﻭﺍﺳﺮﺍﺀ
ﺑﻘﻴﺖ ﺩﻗﺎﻳﻖ ﻃﻮﻳﻠﺔ ﺍﻓﻜﺮ ﻭﺑﺲ ﺍﺭﺟﻒ ﺑﻌﺪﻩ ﻣﻨﻈﺮ ﺍﻳﺪ ﻫﻤﺎﻡ ﻭﻫﻴﻪ ﻣﺤﺮﻭﻛﺔ ﻣﺘﺮﻭﺡ ﻣﻦ ﺑﺎﻟﻲ ، ﺳﻮﺩﺓ ﻋﻠﻴﻪ ﻟﻮ ﺑﻴﻪ ﺍﻻﻟﻢ ﻭﻻ ﺑﻲ .
ﺍﻧﺪﻛﺖ ﺑﺎﺏ ﺷﻘﺘﻲ ﺭﺣﺖ ﻓﺘﺤﺘﻬﺎ ﻃﻠﻊ ﺻﻔﺎﺀ ﺟﺎﻳﺐ ﻫﻤﺎﻡ ﺣﺒﻴﺒﻲ ﺟﺎﻥ ﻏﺎﻓﻲ ﻭﺍﻳﺪﻩ ﻣﻠﻔﻮﻓﻪ .
ﺍﺧﺬﺗﻪ ﻣﻨﻪ ﻭﺩﺭﺕ ﻭﺟﻬﻲ ﻭﺍﻧﻲ ﺍﺣﭽﻲ ﺷﻮﻓﻠﻲ ﺻﺮﻓﺔ ﻭﻱ ﺍﺧﺘﻚ ﺗﺮﺓ ﻭﺭﺑﻲ ﺍﺧﺬ ﺍﻟﻄﻔﻞ ﻭﺍﺧﻠﻴﻚ ﺑﺤﺴﺮﺗﻪ .
ﺣﺴﻴﺘﻪ ﻋﺼﺐ ﺑﺲ ﻛﻮﺓ ﻛﺎﺗﻢ ﺍﻋﺼﺎﺑﻪ ؛ ﺷﻨﻮﻭ ﻫﺎﻟﺤﭽﻲ ﻫﺬﺍ ﺻﺪ ﺭﺷﺎ ﻻ ﻳﻜﻮﻥ ﻫﻲ ﺍﻟﻲ ﺳﻮﺕ ﺑﻲ ﻫﻴﭻ؟؟؟
ﻗﺒﻞ ﻻ ﺍﺣﭽﻲ ﻧﺰﻝ ﻳﺮﻛﺾ ﻭﻛﺎﻧﻪ ﺗﺬﻛﺮ ﺍﻟﺤﭽﻲ ﺍﻟﺤﭽﻴﺘﻪ ﺍﺑﺎﺏ ﺍﻟﺒﻴﺖ ﻗﺒﻞ ﺷﻮﻳﻪ ، ﺩﻗﺎﻳﻖ ﻭﻳﻪ ﻧﺰﻟﺔ ﺻﻔﺎﺀ ﻭﻛﺒﺖ ﺍﻟﻌﻴﻄﺔ ﻣﻦ ﺟﺪﻳﺪ ..
ﺭﺣﺖ ﺧﻠﻴﺖ ﻫﻤﺎﻡ ﺑﺴﺮﻳﺮﻩ ، ﻭﺭﺍﻫﺎ ﺻﻌﺪ ﺻﻔﺎﺀ ﻭﺍﺟﻪ ﻳﻤﻲ ﻋﻠﻤﻨﻲ ﻉ ﺍﻟﻌﻼﺝ ﻣﺎﻟﺔ ﻫﻤﺎﻡ .
ﻭﻛﻔﺖ ﺍﺑﺎﻭﻋﻠﻪ ﺑﺘﺤﺪﻱ ؛ ﻭﺗﺎﻟﻲ ﻭﻱ ﺍﺧﺘﻚ ﺷﻠﻮﻭﻥ ؟
ﻛﺘﻠﺘﻬﻪ ﻫﺴﻪ ﻭﺍﻟﺘﺎﻟﻲ ﻓﻬﻤﻨﻲ؟ ﺍﻇﻞ ﺍﻧﻲ ﻣﺘﻌﺬﺑﺔ ﻫﻴﺞ ؟ ﻭﺍﺑﻨﻲ ﻭﻳﺎﻳﻪ ؟
ﻭﺗﻨﻬﺪﺕ ﺑﻌﻤﻖ ﻭﺃﻟﻢ ﻭﺩﺭﺕ ﻭﺟﻬﻲ ﻭﺍﺩﺭﺩﻡ ﺷﻮﻓﻠﻲ ﭼﺎﺭﺓ ﺗﺮﺓ ﻭﺻﻠﺖ ﺣﺪﻫﻪ ﻭﺍﻟﻠﻪ .
ﻛﺎﻝ ﺑﺘﻮﺳﻞ ؛ ﺯﻫﺮﺍﺀ ﺑﺲ ﺍﺻﺒﺮﻱ ﻋﻠﻴﻪ ﺷﻮﻳﻪ ﺗﺪﺭﻳﻦ ﺑﻴﻪ ﺻﺤﺘﻲ ﻣﻮ ﺗﻤﺎﻡ ﻫﺎﻟﻔﺘﺮﺓ .
ﺗﺤﺴﺮﺕ ؛ ﻣﻦ ﺍﻭﻝ ﻣﺎﺗﺰﻭﺟﻨﺎ ﻭﻫﻴﻪ ﺗﺄﺫﻳﻨﻲ ﻳﺮﺑﻲ ﺷﺴﻮﻱ ﻭﺗﺎﻟﻲ ﻧﻬﺎﻳﺘﻲ ﻟﻮ ﻧﻬﺎﻳﺔ ﺍﺑﻨﻲ ﻉ ﺍﻳﺪﻫﺎ .
ﻛﺎﻝ ﺯﻫﺮﺍﺀ ..
ﺟﺎﻭﺑﺘﻪ ﻣﻌﺼﺒﺔ ﺍﺳﻜﻜﻜﺖ ﺻﻔﺎﺀ ﺍﺳﻜﺘﺖ ﻭﺍﻃﻠﻊ ﻣﻦ ﻳﻤﻲ .
ﻣﺎﺣﭽﻪ ﺑﺲ ﻇﻞ ﻳﺘﻨﻬﺪ ﻭﻃﻠﻊ ﻣﻦ ﺍﻟﻤﻄﺒﺦ ..
ﻃﻠﻌﺖ ﺷﻔﺘﻪ ﻣﺘﻤﺪﺩ ﻉ ﺍﻟﺘﺨﻢ ﻇﻠﻴﺖ ﺍﺑﺎﻭﻋﻠﻪ ﺑﻌﺪﻡ ﺭﺿﺎ
..
ﺭﻓﻊ ﺭﺍﺳﻪ ﻛﺎﻝ : ﻫﺎﺍﺍ ﺧﻴﺮﺭﺭ ﺷﻜﻮﻭﻭﻭ ﺗﺒﺎﻭﻋﻴﻦ
_ ﺣﺘﻨﺎﻡ ﻫﻨﺎ ؟
_ ﻟﻴﺶ ﻋﻨﺪﺝ ﻣﺎﻧﻊ؟
ﺳﻜﺘﺖ ﺧﺰﺭﻧﻲ ﺭﺣﺖ ﺟﺒﺘﻠﻪ ﻏﻄﺎﺀ ﻭﻣﺨﺪﻩ ﻭﺍﻧﻄﻴﺘﻬﻴﺎ ﻫﻤﺲ : ﻃﻔﻲ ﺍﻟﻀﻮﺀ ﻭﻳﺎﺝ
ﻃﻔﻴﺘﻪ ﻭﺭﺣﺖ ﺍﺳﻮﻱ ﻋﺸﻪ ، ﺷﻮﻳﻪ ﻭﻛﻌﺪ ﻫﻤﺎﻡ ﻇﻞ ﻳﺼﺮﺥ ﻭﺍﺑﻮﻩ ﻫﻢ ﻛﻌﺪ ﺍﺟﻪ ﺩﻳﺎﺧﺬﻩ ﻣﻨﻲ ﻣﻴﻘﺒﻞ ﻣﻴﺮﻳﺪ ﺃﺑﻮﻩ ﺍﻻ ﺃﻧﻲ ﻇﻠﻴﺖ ﺍﻓﺘﺮ ﻭﻫﻮ ﻉ ﺻﺮﺧﺔ ﻭﺣﺪﻩ ﺍﺑﺪ ﻣﺎﺳﻜﺖ
ﺍﻳﺪﻱ ﺧﺪﺭﺕ ﺍﻧﺪﻛﺖ ﺑﺎﺏ ﺍﻟﺸﻘﻪ ﺭﺍﺡ ﺻﻔﺎﺀ ﻓﺘﺤﻪ ﻟﺤﻜﺘﻪ ﺩﺍﺍﺷﻮﻑ ﻣﻨﻮ ﺟﺎﻧﺖ ﻋﺒﻴﺮ ﻭﻣﺮﻳﻢ ﺳﻠﻤﻮﺍ ﻉ ﺻﻔﺎﺀ ﻭﺩﺧﻠﻮﺍ
ﺳﺄﻟﺖ ﻋﺒﻴﺮ : ﺷﻮ ﺳﻤﻌﻨﺎ ﺻﻮﺗﻜﻢ ﻋﺎﻟﻲ ﺧﻴﺮ
_ ﻣﺎﻛﻮ ﺷﻲ ﺣﺒﻲ ﻟﻴﻈﻞ ﺑﺎﻟﺞ
_ ﺷﺒﻲ ﻫﻴﻤﻮ ﻟﻴﺶ ﺍﻳﺪﻩ ﻣﻠﻔﻮﻓﻪ ﻭﺩﻳﺒﺠﻲ
ﻫﻤﺎﻡ ﺑﺲ ﺷﺎﻓﻬﺎ ﺟﻴﺖ ﻋﻠﻴﻬﺎ ﺍﺧﺬﺗﻪ ﺷﺎﻟﺘﻪ ﻟﺰﻣﺖ ﺍﻳﺪﻱ ﺍﻓﺮﻛﻬﺎ ﺧﺪﺭﺕ ﻣﻦ ﺍﻟﺸﻴﻞ
ﻇﻞ ﻳﺒﺠﻲ ﻭﻳﺪﺭﺩﻡ ﻳﺸﺘﻜﻲ ﻟﺨﺎﻻﺗﻪ ﻧﻄﺖ ﻣﺮﻳﻢ : ﻫﺎﻱ ﺭﺷﺎ ﺍﻟﺴﻌﻠﻮﺓ ﺟﺎﻭﻳﺘﻪ ﻣﻮﻭﻭﻭ ﺍﻟﺤﻘﻴﺮﺓ ﺷﻠﻮﻥ ﺗﻤﺪ ﺍﻳﺪﻫﺎ ﻋﻠﻴﻪ ﻋﺴﺎﻫﺎ ﺑﺎﻟﺸﻠﻞ ﺍﻥ ﺷﺎﺀﺍﻟﻠﻪ
ﺧﺰﺭﺗﻬﺎ ﻋﺒﻴﺮ ﻭﺑﺎﻭﻋﺖ ﻟﺼﻔﺎﺀ ﺳﻜﺘﺖ ﻣﺮﻳﻢ
ﺟﺎﻭﺑﻬﺎ ﻫﻤﺎﻡ : ﻭﻟﺘﺖ ﺍﻳﻴﻲ ﻣﻴﻢ ﺍﻳﻴﻲ ﺗﻮﺗﻨﻲ ﻋﻤﻪ ﻉ ﺍﻳﺪﻱ
ﻭﻳﻤﺪ ﺍﻳﺪﻩ ﻳﺸﻮﻓﻬﺎ ﻟﻤﺮﻳﻢ ﻭﻫﺎﻱ ﺍﻟﺨﺒﻠﻪ ﻛﺎﺑﻠﺘﻪ ﻭﺗﺒﺠﻲ
ﺻﻔﺎﺀ ﻃﻜﻬﺎ ﺿﺤﻜﻪ : ﻫﺎﻱ ﺷﻨﻮ ﻋﻤﻲ ﺗﺤﺴﻴﻦ ﻋﻨﺪﻩ ﺍﺛﻨﻴﻦ ﺣﻨﻔﻴﺎﺕ ﻋﺒﺎﻟﻲ ﺑﺲ ﺍﻟﻌﻨﺪﻱ
ﺟﺎﻭﺑﺘﻪ ﻋﺒﻴﺮ : ﻻ ﺛﻼﺛﻪ ﻣﺎﻣﺎ ﻭﻳﺎﻫﻦ ﻟﺘﻨﺴﺎﻫﺎ ﻣﺎﺍﺳﻤﺤﻠﻚ ﺗﻘﻠﻞ ﺍﻟﻌﺪﺩ
ﻇﻞ ﻳﻀﺤﻚ ﺑﻘﻦ ﺍﻟﺒﻨﺎﺕ ﻳﻤﻲ ﻉ ﺍﻟﻌﺸﺎﺀ ﻭﻫﻤﺎﻡ ﻧﺎﻡ ﺑﺤﻀﻦ ﻋﺒﻴﺮ ﺗﻌﺸﺖ ﻣﺮﻳﻢ ﺑﺲ ﻋﺒﻴﺮ ﻻ ﻣﺎﺍﻛﻠﺖ ﺑﻌﺪﻫﺎ ﺳﻠﻤﻦ ﻭﺭﺍﺣﻦ
ﺳﻤﻌﺖ ﺻﻮﺕ ﻋﻤﻪ ﺗﻐﻠﻂ ﻭﺗﻔﺸﺮ ﻋﻠﻴﻪ ﻧﺰﻝ ﺻﻔﺎﺀ ﺳﻤﻌﺘﻪ ﻳﻜﻮﻟﻬﺎ : ﻓﻮﻙ ﻣﺘﺮﺑﻴﻦ ﺑﻨﺘﺞ ﺟﺎﻳﻪ ﺗﻔﺸﺮﻳﻦ ﻉ ﻣﺮﺗﻲ ﻣﺎﺍﺳﻤﺤﻠﺞ ﺗﻔﺸﺮﻳﻦ ﻋﻠﻴﻬﺎ ﺣﺘﻰ ﻟﻮ ﺃﻧﺘﻲ ﺃﻣﻲ ﺯﻳﻦ ﻣﻨﻬﺎ ﻭﻣﺘﺤﻤﻠﺘﻨﻲ ﺗﺮﺿﻰ ﺑﻨﺘﺞ ﺑﻬﻴﺞ ﺭﺟﺎﻝ ﻣﺘﺰﻭﺝ ﻋﻠﻴﻬﺎ ﻭﻣﺮﻳﺾ ﺑﻨﺺ ﻋﺎﻓﻴﻪ ﺣﻄﻲ ﺍﻟﻠﻪ ﺑﻴﻦ ﻋﻴﻮﻧﺞ ﻣﻮ ﺍﻧﺘﻲ ﺻﺎﻳﻤﻪ ﻣﺼﻠﻴﻪ ﻭﺭﺍﻳﺤﻪ ﻟﺒﻴﺖ ﺍﻟﻠﻪ
ﺷﻌﻨﺪﺝ ﺭﺍﻳﺤﻪ ﻟﺒﻴﺖ ﺍﻟﻠﻪ ﻭﺍﻧﺘﻲ ﺑﺎﻃﻠﺔ
ﻋﺎﻃﺖ ﻋﻤﻪ : ﺳﺤﺮﺗﻚ ﻣﻮﻭﻭﻭ ﺳﺤﺮﺗﻚ
ﺿﺤﻚ ﻫﻮ : ﻟﻴﺶ ﻫﻲ ﺯﻫﺮﺍﺀ ﻭﻳﻦ ﺗﻌﺮﻑ ﺑﺴﻮﺍﻟﻒ ﺍﻟﺴﺤﺮ ﺑﺲ ﺑﻨﺘﺞ ﺧﺒﺮﺓ ﺑﻴﻬﺎ
ﺳﻤﻌﺖ ﺻﻮﺕ ﻋﻤﻮ ﻳﺤﺠﻲ ﻣﺘﻌﻮﺏ : ﻛﺎﺍﺍﻓﻲ ﻭﻟﺞ ﻭﺍﻟﻠﻪ
ﻟﻮ ﻣﺎﺍﻛﻮﻝ ﻋﻴﺐ ﻭﺧﺎﻑ ﺍﻟﻨﺎﺱ ﺗﻜﻮﻝ ﺗﺨﺒﻞ ﺍﻻ ﻫﺴﻪ ﺍﺭﻣﻲ ﻋﻠﻴﺞ ﺍﻟﻴﻤﻴﻦ ﺍﻣﺸﻲ ﻓﻮﺗﻲ ﻟﻐﺮﻓﺘﺞ ﺍﻟﻠﻪ ﻻﻳﺒﺎﺭﻙ ﺑﻴﺞ ﻭﻻ ﺑﺒﻨﺘﺞ
ﻗﻔﻠﺖ ﺑﺎﺏ ﺍﻟﺸﻘﻪ ﻭﺭﺣﺖ ﻟﻐﺮﻓﺘﻲ ﻃﻔﻴﺖ ﺍﻟﻀﻮﺀ ﻭﺍﺧﺬﺕ ﺃﺑﻨﻲ ﻟﺤﻀﻨﻲ ، ﻋﺠﻴﺐ ﺍﻣﺮﻫﺎ ﻋﻤﻪ ﻫﻢ ﻋﺎﻓﺖ ﻫﻤﺎﻡ ﻭﺣﺪﻩ ﻭﻫﻢ ﺍﻟﻬﺎ ﻋﻴﻦ ﺗﺤﺠﻲ ﻋﺠﻴﺐ ﻭﺍﻟﻠﻪ ﻭﻳﺎﻣﻦ ﻋﺎﻳﺸﺔ ﺍﻧﻲ
ﻇﻠﻴﺖ ﺍﻓﻜﺮ ﺍﻓﻜﺮ ﺍﻟﻰ ﺍﻥ ﻧﻤﺖ .
ﻓﺰﻳﺖ ﻧﺺ ﺍﻟﻠﻴﻞ ﻉ ﺻﻮﺕ ﺻﻔﺎﺀ ﻇﻠﻴﺖ ﺑﻔﺮﺍﺷﻲ ﻫﻤﺎﻡ ﺟﺎﻥ ﺣﺎﺿﻨﻲ ﻭﻻﻑ ﺍﺩﻳﻪ ﻉ ﺭﻛﺒﺘﻲ ﺳﻤﻌﺘﻪ ﻳﺤﺠﻲ ﺑﺲ ﻣﻔﻬﻤﺖ ﻛﻼﻣﻪ ﺑﻌﺪﺕ ﻫﻤﺎﻡ ﻋﻨﻲ ﺑﻬﺪﻭﺀ ﺣﺘﻰ ﻟﻴﻔﺰ
ﻛﻤﺖ ﻣﺸﻴﺖ ﻉ ﺍﻃﺮﺍﻑ ﺍﺻﺎﺑﻌﻲ ﺳﻤﻌﺖ ﺻﻔﺎﺀ ﺟﺎﻥ ﺩﻳﺤﺠﻲ ﻭﻋﺒﺎﻟﻚ ﻳﺒﺠﻲ ﻣﻌﻘﻮﻟﺔ ﺻﻔﺎﺀ ﻳﺒﺠﻲ !!!!
ﺗﻘﺮﺑﺖ ﺩﺍﺍﺳﻤﻊ ﺷﻴﺤﺠﻲ ﺳﻤﻌﺘﻪ ﻳﻜﻮﻝ : ﻭﻟﺞ ﻣﺎ ﺣﻨﻴﺘﻲ ﻣﻨﻴﻠﺞ ﻫﺎﻟﻘﺴﻮﺓ ﺯﻫﺮﺗﻲ ﻃﻔﻠﺘﻲ ﻛﻞ ﻳﻮﻡ ﺃﻛﻮﻝ ﺑﺎﺟﺮ ﺗﺤﻦ ﻻ ﻋﻜﺒﺔ ﻭﺍﻧﺘﻲ ﻣﺜﻞ ﻣﺎﺍﻧﺘﻲ ﻋﺒﺎﻟﻚ ﺣﺪﻳﺪ ﻭﻟﺞ ﺯﻫﺮﺭﺭﺭﺍﺍﺍﺀ ﺑﺲ ﻛﻮﻟﻴﻠﻲ ﺷﺘﺮﻳﺪﻳﻦ ﻭﺍﻧﻲ ﺧﺎﺩﻡ ﺃﻟﺞ ﺍﻡ ﻭﻟﻴﺪﻱ
ﺟﺎﻭﺑﺘﻪ ﺑﺪﺍﺧﻠﻲ : ﺍﻧﺖ ﺍﻟﺼﻨﻌﺖ ﻫﺎﻟﻘﺴﻮﺓ ﺑﻴﻪ ﺃﻧﻲ ﻣﻮ ﻫﻴﺞ ﻭﻻ ﻋﻤﺮﻱ ﻓﻜﺮﺕ ﺍﺻﻴﺮ ﻫﻴﺞ ﺟﻨﺖ ﺍﺗﻌﺠﺐ ﻉ ﺃﺧﺘﻲ ﻻﻥ ﻗﺎﺳﻴﺔ ﺑﺲ ﻫﺴﻪ ﺍﻧﺖ ﺳﻮﻳﺘﻨﻲ ﻣﺜﻠﻬﺎ ﺑﻌﺪﻙ ﻣﺸﻔﺖ ﺷﻲ ﻣﻨﻲ
ﺍﻧﺘﺒﻬﺖ ﻋﻠﻴﻪ ﺻﻌﺪ ﻭﻇﻞ ﻳﺪﻙ ﺑﺎﻟﺒﺎﺏ ﻣﺎﻝ ﺍﻟﺸﻘﻪ : ﻭﻟﺞ ﺯﻫﺮﺓ ﻭﻳﻨﺞ ﺩﻭﺭﺕ ﻉ ﻋﻄﺮﺝ ﻣﺎﻟﻜﻴﺘﻪ ﺻﺮﺕ ﺍﺩﻭﺭ ﻉ ﺭﻳﺤﺘﺞ ﻭﺍﺩﻭﺭﺝ ﺑﻴﻦ ﺍﻟﻮﺟﻮﻩ ﺣﻨﻲ ﻋﻠﻴﻪ ﺃﺑﻮﻳﻪ ﺃﻧﺘﻲ ﻓﺪﻭﻭﺓ ﺭﺣﺘﻠﺞ
ﻓﺘﺤﺖ ﺍﻟﺒﺎﺏ ﺑﺎﻭﻋﺘﻠﻪ : ﺳﺄﻟﺘﻪ ﺷﻌﻨﺪﻙ ﻫﻨﺎ ﺷﻠﻮﻥ ﻳﻌﻨﻲ ﻣﺎﺍﻧﺎﻡ ؟
_ ﺯﻫﺮﺍﺀ ﻣﺤﺘﺎﺟﺞ ﻭﺍﻟﻠﻪ ﻣﺤﺘﺎﺟﺞ ﺑﻬﺎﻟﻠﺤﻈﻪ ﻫﻮﺍﻱ
_ ﺻﻔﺎﺀ ﻭﺍﻟﻠﻪ ﺍﺫﺍ ﺑﻘﻴﺖ ﻛﻞ ﻳﻮﻡ ﻭﺍﻟﺜﺎﻧﻲ ﺻﺎﻋﺪﻟﻲ ﻭﺗﺘﺤﺠﺞ ﺍﺣﺮﻙ ﻧﻔﺴﻲ ﻭﺧﻄﻴﺘﻲ ﺑﺮﻛﺒﺘﻚ ﻭﺩﺍﻋﺘﻬﺎ ﻷﻣﻲ ﺃﻣﺸﻲ ﺍﻧﺰﻝ ﺃﻧﺖ ﻣﻮ ﺟﻨﺖ ﻣﻴﺖ ﻉ ﺃﺳﺮﺍﺀ ﻭﺍﺷﻬﺮ ﻣﺮﺩﺗﻨﻲ ﻋﻠﻤﻮﺩﻫﺎ ﺷﻨﻮ ﺍﻟﻲ ﺍﺗﻐﻴﺮ ﻫﺴﻪ ﻫﺎ ﺷﻨﻮﻭﻭﻭﻭ
_ ﺯﻫﺮﺍﺀ ﻣﺎﺿﻲ ﺟﺎﻥ ﻣﺎﺍﺍﺍﺿﻲ ﻭﻟﺠﺠﺞ ﻭﺍﻧﺘﻲ ﺍﻟﺤﺎﺿﺮ ﻭﺍﻟﻤﺴﺘﻘﺒﻞ ﻻ ﺑﻞ ﺣﺘﻰ ﺍﻟﻤﺎﺿﻲ ﺍﻧﺘﻲ ﺃﻧﺘﻲ . ﮔﻠﻴﺒﻲ ﻭﺩﻛﺎﺗﻪ ﺯﻫﻮﻭﺭﻩ ﻣﻴﺖ ﺃﻧﻲ ﺑﻌﺪﺝ ﻣﻴﻴﻴﺖ ﻭﻟﺞ
_ ﺍﻧﺖ ﺍﻟﺮﺩﺕ ﻫﺎﻟﺸﻲ ﻣﻮ ﺃﻧﻲ ﺻﻔﺎﺀ ﺍﻧﺖ ﺗﺰﻭﺟﺘﻬﺎ ﺑﺎﻟﺴﺮ ﺑﺲ ﺍﻟﻠﻪ ﻛﺸﻔﻚ ﻻﻥ ﺃﻧﻲ ﻉ ﻧﻴﺘﻲ
_ ﺍﻋﺮﻑ ﻭﺍﻟﻠﻪ ﺃﻋﺮﻑ ﻭﺍﻟﺪﻳﺼﻴﺮ ﺑﻴﻪ ﻫﺎﻱ ﺣﻮﺑﺘﺞ ﺃﻧﺘﻲ ﺷﻴﺼﻴﺮ ﺑﻴﻪ ﺃﺳﺘﺎﻫﻞ ﺃﻋﺘﺮﻑ ﺑﺲ ﺭﺟﻌﻴﻠﻲ ﻣﺤﺘﺎﺟﺞ ﺯﻫﺮﺓ ﺃﻧﺘﻲ ﻣﻼﺫﻱ ﺍﻟﻮﺣﻴﺪ
_ ﺍﺫﺍ ﻣﺘﺮﻭﺡ ﻫﺴﻪ ﺍﺣﺮﻙ ﻧﻔﺴﻲ ﻭﺍﻟﻠﻪ
ﺭﻓﻊ ﺍﺩﻳﻪ ﺑﺎﺳﺘﺴﻼﻡ : ﺍﻭﻛﻲ ﺍﻭﻛﻲ ﺭﺍﻳﺢ ﺑﺲ ﻟﺘﺄﺫﻳﻦ ﻧﻔﺴﺞ ﻻﻥ ﺃﻧﺘﻲ ﻧﻔﺴﻲ
ﻇﻞ ﻳﺤﺠﻲ ﻛﻼﻡ ﻣﻤﻔﻬﻮﻡ ﻭﻫﻮ ﻳﻨﺰﻝ ﻉ ﺍﻟﺪﺭﺝ
ﻫﺰﻳﺖ ﺭﺍﺳﻲ ﺑﻌﺪﻡ ﺭﺿﺎ ﻭﺩﺧﻠﺖ ﻟﻠﻐﺮﻓﺔ .
ﺑﻌﺪ ﻓﺘﺮﺓ ﻭﺍﺧﻴﺮﺍ ﺻﺎﺭﺕ ﺣﻨﺔ ﻋﺒﻴﺮ ﻣﺎﻣﺎ ﺳﻮﺗﻬﺎ ﺑﺎﻟﻘﺎﻋﺔ ﻋﻮﺿﺘﻬﺎ ﻋﻦ ﺣﻔﻠﺔ ﺍﻟﻤﻬﺮ ﻻﻥ ﺳﻮﺗﻬﺎ ﺑﺴﻴﻄﺔ ، ﺭﺣﺖ ﻭﻳﺎﻫﻪ ﻟﻠﺼﺎﻟﻮﻥ
ﻟﺒﺴﺖ ﻓﺴﺘﺎﻥ ﺍﺳﻮﺩ ﻛﺼﺔ ﻭﺣﺪﺓ ﻗﺼﻴﺮ ﺣﺪ ﺍﻟﺮﻛﺒﺔ ﻭﺑﻲ ﻟﻤﻌﺔ ﺧﻔﻴﻔﺔ ﻳﺒﻴﻦ ﻣﻦ ﺍﺗﺤﺮﻙ ﺍﻭ ﻳﻄﺦ ﺑﻲ ﺍﻟﻀﻮﻩ .
ﺷﻌﺮﻱ ﺻﺒﻐﺘﻪ ﺩﺍﻧﺘﻴﻞ ﻭﺍﻟﺘﺴﺮﻳﺤﺔ ﺑﻒ ﻣﻦ ﻓﻮﻙ ﻭﻣﻦ ﺟﻮﻩ ﻧﺎﺯﻝ ﻭﺑﻴﺮﻣﻦ ، ﺭﺟﻌﻨﺎ ﻟﻠﺒﻴﺖ ﻭﻋﺒﻴﺮ ﺍﺧﺬﻭﻫﺎ ﻟﻠﻘﺎﻋﺔ ﻭﺍﻧﻲ ﺭﺟﻌﺖ ﻟﻠﺒﻴﺖ ﺣﺘﻰ ﺍﺧﺬ ﻫﻤﺎﻡ ﻣﻦ ﺍﺑﻮﻩ ﻻﻥ ﺑﻘﻰ ﻳﻤﻪ .
ﺭﻛﻨﺖ ﺍﻟﺴﻴﺎﺭﺓ ﻳﻢ ﺑﺎﺏ ﺍﻟﺒﻴﺖ ﻭﺻﻌﺪﺕ ﻟﻠﺸﻘﺔ
ﻓﺘﺖ ﺟﻮﻩ ﺍﻟﺸﻘﺔ ﻫﺪﻭﺀ ﻭﻣﺎﻛﻮ ﺻﻮﺕ
ﻗﺒﻞ ﻻ ﺍﻭﺻﻞ ﻟﻠﺼﺎﻟﺔ ﺳﻤﻌﺖ ﺻﻮﺕ ﺻﻔﺎﺀ ﻭﺍﺳﺮﺍﺀ ﻳﺤﺠﻮﻥ ﻭﻣﻦ ﺣﺪﻳﺜﻬﻢ ﻣﺒﻴﻦ ﻫﻴﻪ ﺩﺗﻜﻮﻟﻪ ﻋﻠﻰ ﺣﻤﻠﻬﺎ .
ﻭﻛﻔﺖ ﺑﻤﻜﺎﻧﻲ ﻭﻋﻀﻴﺖ ﺷﻔﺘﻲ ﺣﻴﻞ ﻣﻦ ﺟﻮﻩ ﻭﺑﻠﻌﺖ ﺭﻳﻚ ﺑﻘﻮﺓ ﻭﺍﺣﺲ ﺭﻳﻜﻲ ﻧﺸﻒ ﺑﻠﺤﻈﺔ ﻭﺍﺣﺲ ﻣﺮﺍﺭﺓ ﺑﺤﻠﻜﻲ .
ﻭﻛﻔﺖ ﻭﺍﺣﺲ ﺍﻟﺪﻧﻴﺎ ﻭﻛﻔﺖ ﺗﺴﻠﻠﺖ ﻛﻠﻤﺎﺕ ﻣﻦ ﺍﺳﺮﺍﺀ ﻭﻫﻴﻪ ﺗﺤﺠﻲ ﻭﻳﻪ ﻫﻤﺎﻡ ﺗﻜﻮﻟﻪ ﺣﺠﻴﺒﻠﻚ ﺍﺧﻮ ﻭﻫﻤﺎﻡ ﻃﻔﻞ ﻭﻣﻴﻔﻬﻢ ﻳﺮﺩﺩ ﻭﺭﺍﻫﺎ ﺍﺣﻮ ﺍﺣﻮ * ﺍﺧﻮ * .
ﻭﻛﻌﺖ ﺩﻣﻌﺔ ﻣﻦ ﻋﻴﻨﻲ ﺍﻟﻴﺴﺮﻯ ﻭﺍﻟﻌﻴﻦ ﺍﻟﺜﺎﻧﻴﺔ ﺍﻟﺪﻣﻊ ﺗﺠﻤﻊ ﺑﻴﻬﺎ .
ﺟﺮﻳﺖ ﻧﻔﺲ ﻭﺑﻌﻤﻖ ﺍﻫﺪﺃ ﻧﻔﺴﻲ ﺍﻫﺪﻱ ﺯﻫﺮﺍﺀ ﺍﻫﺪﻱ ﻫﺬﺍ ﺍﻟﺸﻲ ﻣﺘﻮﻗﻊ ﻫﻢ ﺍﺛﻨﻴﻦ ﻣﺘﺰﻭﺟﻴﻦ ﺍﻗﺘﻨﻌﻲ ﺍﻛﻴﺪ ﻳﺼﻴﺮ ﺑﻴﻨﻬﻢ ﻋﻼﻗﺔ ﺯﻭﺟﻴﺔ ﻭﻳﻨﺘﺞ ﻋﻨﻬﺎ ﻃﻔﻞ ﺣﺎﻟﻬﺎ ﻣﻦ ﺣﺎﻟﺞ .
ﺗﻘﺪﻣﺖ ﺑﺎﺗﺠﺎﻫﻬﻢ ﺑﺒﻄﺊ ﻭﺻﻮﺕ ﺍﻟﻜﻌﺐ ﻣﻠﺊ ﺍﻟﻤﻜﺎﻥ ﻭﺍﻧﻲ ﺍﺧﻂ ﺑﺨﻄﻮﺍﺗﻲ ﻉ ﺍﺭﺿﻴﺔ ﺍﻟﺼﺎﻟﺔ .
ﻓﺘﺖ ﺟﻮﺓ ﻭﻫﻢ ﺍﻧﺼﺪﻣﻮﺍ ﺑﻴﻪ
ﻣﺎﺭﺩﺕ ﺍﺑﺎﻭﻉ ﺑﻌﻴﻮﻧﻪ ﻟﻜﻦ ﻋﻴﻮﻧﻲ ﺗﻤﺮﺩﺕ ، ﺍﺳﺘﻘﺮﺕ ﻧﻈﺮﺍﺗﻲ ﻋﻠﻴﻪ ﻻﺟﺰﺍﺀ ﻣﻦ ﺍﻟﺜﻮﺍﻧﻲ ﻭﺑﻌﺪﻫﺎ ﺷﺤﻴﺘﻬﺎ ﻣﻨﻪ ﻭﺻﺪﻳﺖ ﻧﻈﺮﺍﺗﻪ .
ﺍﺟﺎﻧﻲ ﻫﻤﺎﻡ ﻳﺮﻛﺾ ، ﺣﻀﻨﺘﻪ ﻟﺼﺪﺭﻱ ، ﺍﺳﺮﺍﺀ ﺑﺎﻭﻋﺖ ﻋﻠﻴﻪ ﻭﻃﻠﻌﺖ ﻣﻦ ﺍﻟﺸﻘﺔ ، ﺍﺧﺬﺕ ﻫﻤﺎﻡ ﻭﺍﻧﻲ ﺍﻧﺰﻉ ﺑﺎﻟﺼﺎﻳﺔ ﻭﺷﻤﺮﺗﻬﺎ ﻉ ﺍﻟﺘﺨﻢ ﻭﺍﺣﺲ ﺑﻨﻈﺮﺍﺕ ﺻﻔﺎﺀ ﺗﻔﺘﺮﺳﻨﻲ .
ﺍﺧﺬﺕ ﻫﻤﺎﻡ ﻏﺴﻠﺘﻠﻪ ﻭﺑﺪﻟﺘﻠﻪ ، ﻟﺒﺴﺘﻪ ﻗﺎﻁ ﺣﺒﻴﺒﻲ ﻃﻠﻊ ﺟﻨﻪ ﻋﺮﻳﺲ .
ﻭﻇﻠﻴﺖ ﺍﺑﻮﺱ ﺑﻲ ﻭﺍﻧﻲ ﻣﺨﻠﻴﺖ ﻉ ﻣﻴﺰ ﺗﻮﺍﻟﻴﺖ ﻭﺍﻣﺸﻂ ﺑﺸﻌﺮﻩ ﻭﺍﺑﻮﺱ ﺑﺨﺪﻩ ﻭﺍﺩﻳﻪ .
ﻭﺍﺟﻪ ﺻﻔﺎﺀ ﻭﻛﻒ ﺑﺎﻟﺒﺎﺏ ﻟﺰﻡ ﺍﻻﻃﺎﺭ ﻭﻇﻞ ﻳﺒﺎﻭﻋﻠﻲ
ﺗﻨﻬﺪﺕ ﻭﺩﻧﻜﺖ ﺭﺍﺳﻲ ، ﺍﺧﺬﺕ ﺍﻟﺤﻤﺮﺓ ﻭﺧﻠﻴﺘﻬﺎ ﻋﻠﻰ ﺷﻔﺎﻓﻲ ﻭﺍﺣﺲ ﺑﻨﻈﺮﺍﺗﻪ ﺗﺤﺮﮔﻨﻲ ﺣﺮﮒ ..
ﻟﺤﺪ ﻣﺎ ﺍﺟﺎﻧﻲ ﺻﻮﺗﻪ ؛ ﻛﺎﻓﻲ ﺗﺮﻩ ﻫﻴﺞ ﻫﻮﺍﻳﻪ .
ﺑﺎﻭﻋﺖ ﺑﻌﺼﺒﻴﺔ ؛ ﻻ ﺗﺘﺪﺧﻞ ﺍﻧﺖ ﻣﻌﻠﻴﻚ ﺑﻴﻪ ﻗﺎﺑﻞ ﻣﺘﺪﺧﻠﺔ ﺑﺨﺼﻮﺻﻴﺎﺗﻚ ﺍﻧﻲ ﺍﺷﻮ ﻋﺎﻳﺶ ﺣﻴﺎﺗﻲ ﺗﺮﺓ ﻋﻠﻰ ﺍﻋﺼﺎﺑﻲ ﺭﺟﻌﺘﻠﻚ .
ﺍﺟﻪ ﺳﺤﺒﻨﻲ ﻣﻦ ﺧﺼﺮﻱ ﺍﺧﺬ ﻗﻠﻢ ﺍﻟﺤﻤﺮﺓ ﻭﺷﻤﺮﻩ ﻉ ﺍﻟﻤﻴﺰ ﻫﻤﺲ ؛ ﻃﺎﻟﻌﺔ ﺣﻠﻮﺓ ﻭﺍﻧﻲ ﻣﺎ ﺍﺗﺤﻤﻞ .
ﺧﻠﻴﺖ ﺍﺩﻳﻪ ﻋﻠﻰ ﺻﺪﺭﻩ ﻭﺑﻌﺪﺗﻪ ﻣﻨﻲ ﺑﻘﻮﻭﻯ ﻭﻫﻮ ﻷﻥ ﺗﻌﺒﺎﻥ ﻭﻋﺎﻓﻴﺔ ﻣﺎﺑﻲ ﺑﺲ ﻇﻞ ﻳﺘﻤﺎﻳﻞ ﻟﺤﺪ ﻣﺎﻟﺰﻡ ﺑﺎﻟﺴﺮﻳﺮ ﻭﻫﻮ ﻣﺤﻨﻲ ﻇﻬﺮﻩ .
_ ﻣﺮﺗﻚ ﺟﻮﻩ ﺭﻭﺡ ﺍﻟﻬﺎ .
ﺍﺧﺬﺕ ﻫﻤﺎﻡ ﻭﻃﻠﻌﺖ ﻣﻦ ﺍﻟﻐﺮﻓﺔ ، ﻟﺒﺴﺖ ﺻﺎﻳﺘﻲ ﻭﺧﻠﻴﺖ ﺷﺎﻝ ﻉ ﺭﺍﺳﻲ ﺑﺎﻫﻤﺎﻝ ﻋﻤﻮﺩ ﺍﻟﺘﺴﺮﻳﺤﺔ ، ﺗﺒﻌﻨﻲ ﻫﻮ ﻭﺻﺎﺣﻨﻲ ﻭﺍﻧﻲ ﺩﺍﺍﻧﺰﻝ ﻣﻦ ﻟﻠﺪﺭﺝ ، ﺍﻛﺘﻔﻴﺖ ﺑﻨﺼﻒ ﺍﻟﻠﺘﻔﺎﺗﺔ ﻭﺩﺭﺕ ﻭﺟﻬﻲ ﻭﺍﺳﻤﻌﻪ ﻳﺤﺎﭼﻴﻨﻲ .
ﺍﻭﮔﻔﻲ ﺯﻫﺮﺍﺀ ﺍﻧﻲ ﺍﻭﺻﻠﺞ ﺍﻧﺘﻈﺮﻳﻨﻲ ﺑﺲ ﺍﺑﺪﻝ .
ﻧﺘﺮﺕ ﺑﻲ ؛ ﻣﻴﺤﺘﺎﺝ ﺷﻨﻮ ﻧﺴﻴﺖ ﻋﻨﺪﻱ ﺳﻴﺎﺭﺓ .
_ ﺑﺲ ﻣﺘﺮﻭﺣﻴﻦ ﻫﻴﺞ ﺍﻭﻛﻔﻲ ﺍﻧﻲ ﺍﻭﺻﻠﺞ ﻟﺞ ﻻﻳﺘﺤﺮﺷﻮﻥ ﺑﻴﺞ ﺷﻔﺘﻲ ﻧﻔﺴﺞ ﺷﻠﻮﻥ ﻃﺎﻟﻌﺔ ﺍﻧﺘﻲ .
ﻣﻬﺘﻤﻴﺖ ﺍﻟﻪ ﻭﺻﻠﺖ ﻻﺧﺮ ﺑﺎﻳﻪ ﻭﻟﺰﻣﻨﻲ ﻣﻦ ﺍﻳﺪﻱ ﺣﻴﻞ ﺻﺎﺭﺕ ﻣﻘﺎﺑﻴﻠﻲ ﺍﺳﺮﺍﺀ ﻻﺯﻣﺔ ﻇﻬﺮﻫﺎ ﻋﻮﺩ ﺷﻮﻓﻮﻧﻲ ﺣﺎﻣﻞ ﻭﻫﻴﻪ ﺑﻌﺪﻫﺎ ﺣﺘﻰ ﺑﻄﻦ ﻣﺎ ﻋﺪﻫﺎ .
ﺗﻨﻬﺪﺕ ﺑﻘﻮﻭﺓ ﻭﺍﺳﺮﺍﺀ ﻉ ﻭﺟﻬﻪ ﺍﺑﺘﺴﺎﻣﺔ ﺻﻔﺮﺓ
ﻭﺍﻧﻲ ﺑﻘﻴﺖ ﺣﺎﻳﺮﺓ ﻭﺻﻔﺎﺀ ﺑﻌﺪﻩ ﻳﻠﺢ ﻳﺮﻳﺪ ﻳﻮﺻﻠﻨﻲ .
ﺍﺣﺲ ﺗﺠﻤﺪﺕ ﺑﻬﺎﻟﻠﺤﻈﺔ ﻭﺍﻛﺘﻔﻴﺖ ﺑﺲ ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﻫﻮ ﺭﺍﺡ ﺑﺪﻝ ﻭﺍﺣﻴﻨﺎ ﺑﻘﻴﻨﺎ ﺑﺎﻟﻜﺮﺍﺝ ، ﺍﻟﺠﻮ ﺣﻠﻮ ﻧﻬﺎﻳﺔ ﺷﻬﺮ ﺍﻟﻌﺎﺷﺮ .
ﻃﺐ ﺟﻮﻩ ﻳﺮﻳﺪ ﻳﺒﺪﻝ ﻃﺒﺖ ﻭﺭﺍﻩ ﺍﺳﺮﺍﺀ ﻭﻋﺒﺎﻟﻚ ﺗﻤﻠﻜﻪ ﺍﻟﻬﺎ ﻭﺣﺪﻫﺎ ؛ ﺗﮕﻮﻟﻪ ﺍﺻﺒﺮ ﺣﺒﻴﺒﻲ ﺍﻧﻲ ﺭﺍﺡ ﺍﺣﻀﺮﻟﻚ ﺍﻟﺤﻤﺎﻡ ﻭﺍﻃﻠﻌﻠﻚ ﻣﻼﺑﺲ ﻭﺍﻟﺘﻔﺘﺖ ﺗﺒﺎﻭﻋﻠﻲ .
ﻇﻠﻴﺖ ﺍﺑﺎﻭﻋﻠﻬﺎ ﺑﺠﻤﻮﺩ ﻣﺘﺼﻨﻌﺔ ﻋﺪﻡ ﺍﻻﻫﺘﻤﺎﻡ ، ﻻﺯﻣﺔ ﻫﻤﺎﻡ ﺑﻴﺪ ﻭﺍﻻﻳﺪ ﺍﻟﺜﺎﻧﻴﺔ ﺍﻋﺒﺚ ﺑﺨﺼﻼﺕ ﺷﻌﺮﻱ ﺍﻟﺸﻘﺮﺍﺀ ﺍﻟﻤﺘﻤﺮﺩﺓ ﻋﻠﻰ ﺟﺎﻧﺐ ﻭﺟﻬﻲ .
ﺑﻌﺪ ﺭﺑﻊ ﺳﺎﻋﺔ ﻃﻠﻊ ﺻﻔﺎﺀ ﻭﻋﻄﺮﻩ ﻳﻔﺢ ﻭﻳﺎﻩ ، ﻧﻄﻴﺘﻪ ﻇﻬﺮﻱ ، ﺍﺳﺮﺍﺀ ﻭﺭﺍﻩ ﺗﻤﺸﻲ ﻭﺗﻮﺻﻲ ﺣﺒﻴﺒﻲ ﻻﺳﻮﻕ ﺳﺮﻳﻊ ﺣﺒﻴﺒﻲ ﺧﻮ ﻣﻨﺎﺳﻲ ﺷﻲ .
ﻫﻮ ﺍﺟﻪ ﺑﺎﺗﺠﺎﻫﻲ ﻭﻣﻴﺠﺎﻭﺑﻬﺎ ، ﺍﻟﻠﺘﻘﻂ ﻫﻤﺎﻡ ﻣﻦ ﺍﻻﺭﺽ ﻭﺷﺎﻟﻪ ﻭﻛﺎﻝ ﻳﻠﻪ ﺯﻫﺮﺍﺀ .
ﻣﺸﻪ ﻛﺪﺍﻣﻲ ﻭﺍﻧﻲ ﻭﺭﺍﻩ ، ﻛﺘﻠﻪ ﺳﻴﺎﺭﺗﻲ ﺑﺮﻩ ﺧﻠﻲ ﻧﺮﻭﺡ ﺑﻴﻬﺎ .
ﻛﺎﻝ ﻻ ﺭﻭﺣﻲ ﻓﻮﺗﻴﻬﺎ ﺟﻮﺓ ﻭﻧﺮﻭﺡ ﺑﺴﻴﺎﺭﺗﻲ .
ﺍﺭﻳﺪ ﺍﺣﺘﺞ ﺧﺰﺭﻧﻲ ، ﺭﻓﻌﺖ ﺗﻚ ﺣﺎﺟﺒﻲ ﻭﺭﺣﺖ ﺩﺍﺍﻓﻮﺗﻬﺎ ﻭﻫﻮ ﻃﻠﻊ ﺳﻴﺎﺭﺗﻪ ﻭﺑﻘﻰ ﻳﻨﺘﻈﺮﻧﻲ ﻫﻮ ﻭﻫﻤﺎﻡ .
ﻓﻮﺗﺘﻬﺎ ﻭﺭﺣﺖ ﺻﻌﺪﺕ ﺑﺎﻟﻮﺭﻩ ﻭﻫﻤﺎﻡ ﻛﺎﻋﺪ ﻛﺪﺍﻡ
ﺍﻟﻠﺘﺎﻑ ﻋﻠﻴﻪ ﺍﻛﻮﻟﺞ ﺍﻧﻲ ﺍﻟﺴﺎﻳﻖ ﻣﺎﻟﺘﺞ ؟
_ ﺗﺮﻩ ﺍﻧﺖ ﻋﺮﺿﺖ ﺍﻟﻪ ﺗﻮﺻﻠﻨﻲ ﻣﺠﺎﺑﺮﺗﻚ .
ﻋﺎﺍﺍﺍﻁ ؛ ﺍﺷﻮﻭﻭﻭ ﻛﻮﻣﻲ ﻛﻌﺪﻱ ﻛﺪﺍﻡ !!!
ﻛﻤﺰﺕ ﻣﻦ ﺍﻟﻮﺭﻩ ﻭﺻﻌﺪﺕ ﻛﺪﺍﻡ ..
ﻃﻮﻝ ﺍﻟﻄﺮﻳﻖ ﻳﺒﺎﻭﻋﻠﻲ ﻭﻳﺘﺤﺴﺮ ..
ﻭﺻﻠﻨﺎ ﻟﻠﻘﺎﻋﺔ ، ﺩﺍ ﺍﻧﺰﻝ ﻭﺍﺧﺬ ﻫﻤﺎﻡ ﻭﻳﺎﻳﻪ .
ﻛﺎﻟﻲ ﻃﺒﺒﻲ ﺷﻌﺮﺝ ﻃﺎﻟﻌﺔﻣﻦ ﻭﺭﻩ ﺑﺎﻟﺼﺎﻳﺔ
ﺑﺎﻭﻋﺘﻠﻪ ﺷﻔﺘﻪ ﺧﺎﺯﺭﻧﻲ ، ﺳﻮﻳﺖ ﻣﺜﻞ ﻣﻜﻠﻲ .
ﻭﻫﻢ ﺩﺍﺍﻧﺰﻝ ﻭﺻﺎﺣﻨﻲ ﺩﻛﻤﻲ ﺍﻟﺼﺎﻳﺔ ﻳﻠﻪ ﻭﻫﺎﻱ ﺍﻟﻌﻄﻮﺏ ﻫﻢ ﻓﻮﺗﻴﻬﻦ ﻣﺘﺸﻮﻓﻴﻦ ﻳﻢ ﺍﻟﻘﺎﻋﺔ ﻭﺍﻛﻔﻴﻦ ﻭﻟﺪ .
ﻫﻢ ﺳﻮﻳﺖ ﻣﺜﻞ ﻣﻜﻠﻲ ﻭﻧﺰﻟﺖ ﻫﻤﺎﻡ ﻭﻧﺰﻟﺖ ﻫﻮ ﻧﺰﻝ ﻭﺭﺍﻳﻪ ﻭﻳﺨﺰﺭ ﺑﺎﻟﻮﻟﺪ ﺧﺎﻑ ﻳﺒﺎﻭﻋﻮﻟﻲ ﻛﺘﻤﺖ ﺿﺤﻜﺔ ﻭﻓﺘﺖ ﺟﻮﻩ .
ﺍﺳﺘﻘﺒﻠﻨﻲ ﻣﺮﻳﻢ ﻭﻣﺎﻣﺎ ﻭﻇﻠﺖ ﺗﺤﻘﻖ ﻭﻳﺎﻳﻪ ﻟﻴﺶ ﺗﺄﺧﺮﺗﻲ
ﻛﺘﻠﻬﺎ ﺻﻔﺎﺀ ﺍﺧﺮﻧﻲ ، ﺍﻧﻄﻴﺘﻬﻢ ﻫﻤﺎﻡ ﻭﺭﺣﺖ ﻟﻠﺤﻤﺎﻡ ﻧﺰﻋﺖ ﺍﻟﺼﺎﻳﺔ ﻭﺍﻟﺸﺎﻝ ﻭﺭﺗﺒﺖ ﺷﻌﺮﻱ ﻭﻣﻜﻴﺎﺟﻲ ﻭﻃﻠﻌﺖ .
ﻋﺒﻴﺮ ﻃﺎﻟﻌﺔ ﺗﺠﻨﻦ ﺑﺎﻟﺒﺪﻟﺔ ﺍﻟﻤﺎﺭﻭﻧﻲ ﻭﺍﻟﺘﺴﺮﻳﺤﺔ
ﻣﺘﻮﺳﻄﺔ ﺍﻟﻘﺎﻋﺔ ﻭﻱ ﺻﺪﻳﻘﺎﺗﻬﺎ ﻭﺗﺮﻛﺺ .
ﻃﺒﻴﺖ ﻭﻳﺎﻫﻢ ﻉ ﺍﻟﻮﺍﻫﺲ ﺑﺲ ﺍﺣﺲ ﺟﺤﻴﻢ ﺟﻮﻩ ﺟﻠﺪﻱ ﻛﻠﻤﺎ ﺍﻓﻜﺮ ﺑﺤﻤﻞ ﺍﺳﺮﺍﺀ ﻭﺍﻓﻜﺮ ﺑﺎﺷﻴﺎﺀ ﻭﺍﺳﺮﺡ ﺑﺨﻴﺎﻟﻲ ﻫﻮﺍﻱ ﻭﺍﺗﺨﻴﻠﻬﻢ ﺳﻮﻩ ، ﺍﻫﺰ ﺭﺍﺳﻲ ﺑﻘﻮﺓ ﺍﺑﻌﺪ ﻫﺎﻻﻓﻜﺎﺭ ﻭﺍﺗﺤﺴﺮ .
ﺩﺧﻞ ﻗﺴﻮﺭ ﻭﺟﺎﻧﺖ ﻋﻴﻮﻧﻪ ﻣﻘﻴﺪﺗﻬﺎ ﻭﺗﻨﺒﺾ ﻭﺗﺸﻊ ﺑﺎﻟﺤﺐ ﺗﺠﺎﻫﻪ ، ﺣﻨﻪ ﺍﺩﻳﻬﻪ ﻭﻃﻠﻊ .
ﺧﻠﺼﺖ ﺍﻟﺤﻨﺔ ﻭﺍﺗﺼﻞ ﺑﻴﻪ ﺻﻔﺎﺀ ﺟﺎﻭﺑﺘﻪ
ﻛﺎﻝ ﻫﺎ ﺍﻧﻲ ﺑﺮﻩ ﺧﻠﺼﺘﻮﺍ ﻣﻮ ؟ ﺍﻃﻠﻌﻴﻠﻲ .
_ ﺻﺪﻙ ﺗﺤﺠﻲ ﺍﻧﺖ؟ ﺍﻧﻲ ﺍﺭﺟﻊ ﻭﻱ ﺍﻫﻠﻲ ﺗﺮﺓ ﺍﻟﻴﻮﻡ ﺣﻨﺔ ﺍﺧﺘﻲ ﻭﺭﺍﺡ ﺍﺭﺟﻊ ﻭﻳﺎﻫﻢ ﻟﻠﺒﻴﺖ ..
_ ﻣﻴﺨﺎﻟﻒ ﺑﺲ ﺍﻃﻠﻌﻲ ﻭﻳﺎﻳﻪ ﻫﺴﻪ ﺭﻭﺣﻲ ﻳﻤﻬﻢ ﻭﺑﻌﺪﻳﻦ ﺗﺮﺟﻌﻴﻦ ﻟﻠﺸﻘﺔ .
_ ﻻ ﻣﺎ ﺍﺗﻔﻘﻨﺎ ﻫﻴﺞ ..
ﻗﺎﻃﻌﺘﻨﻲ ﻣﺎﻣﺎ ﻭﺧﺰﺭﺗﻨﻲ ..
ﺑﺎﻭﻋﺘﻠﻬﺎ ﺍﺳﺄﻟﻬﺎ ﺑﻤﻼﻣﺤﻲ ﻭﺻﻔﺎﺀ ﻳﺪﺭﺩﻡ ﺑﺄﺫﻧﻲ ﺑﺎﻟﻔﻮﻥ .
ﻭﺧﺮﺗﻪ ﻋﻦ ﺍﺫﻧﻲ ﻭﻇﻠﻴﺖ ﺍﺳﻤﻊ ﻟﻤﺎﻣﺎ ﺷﺘﺤﺠﻲ .
ﻛﺎﻟﺖ ﺯﻫﺮﺍﺀ ﻣﻴﺨﺎﻟﻒ ﺷﻴﻜﻮﻟﺞ ﻛﻮﻟﻲ ﺍﻱ ﻳﺒﻘﻰ ﺯﻭﺟﺞ ﻻﺗﻌﺎﻧﺪﻳﻦ ﻭﺭﻭﺣﻲ ﻭﻳﺎﻩ ﺷﻮﻓﻲ ﺷﻨﻮ ﻳﺮﻳﺪ ؟
ﺗﻨﻬﺪﺕ ﻭﺟﺎﻭﺑﺘﻪ ﺑﺎﻗﺘﻀﺎﺏ ﻣﺎﺷﻲ .
ﻛﺎﻝ ﻟﻔﻠﻔﻲ ﺭﻭﺣﺞ ﺯﻳﻦ ﻟﻤﻦ ﺗﻄﻠﻌﻴﻦ ﻣﺎ ﺍﻭﺻﻴﺞ ﺑﻌﺪ ﺯﻳﻦ ؟
ﺟﺎﻭﺑﺘﻪ ﺍﻱ ﻭﺑﻌﺪ ﺍﻭﺍﻣﺮ ﺛﺎﻧﻴﺔ ﻣﻦ ﺣﻀﺮﺗﻚ ﺣﺘﻰ ﻧﻨﻔﺬﻫﺎ ؟
ﺿﺤﻚ ﺑﺼﻮﺕ ﺭﻧﺎﻥ ﻭﺍﻧﻲ ﺗﻨﻬﺪﺕ ﻣﻨﺰﻋﺠﺔ .
ﻟﻔﻠﻔﺖ ﻧﻔﺴﻲ ﻭﺍﺧﺬﺕ ﺍﺑﻨﻲ ﻭﻃﻠﻌﺖ ﺷﻔﺘﻪ ﻳﻨﺘﻈﺮﻧﻲ ﺑﺮﻩ ﺍﻟﻘﺎﻋﺔ ، ﻋﺒﺮ ﺍﻟﺸﺎﺭﻉ ﻭﺍﺟﻪ ﺍﺧﺬ ﻫﻤﺎﻡ ﻣﻦ ﺍﻳﺪﻱ ﻭﻟﺰﻡ ﺍﻳﺪﻱ ﺑﻴﺪﻩ ﺍﻟﻠﺦ ﻭﻋﺒﺮﻧﻲ ﺍﻟﺸﺎﺭﻉ .
ﻃﻮﻝ ﺍﻟﻄﺮﻳﻖ ﻳﺤﺠﻲ ﻭﻳﺎﻱ ﻟﻮ ﺍﺟﺎﻭﺏ ﻟﻮ ﺍﻏﻠﺲ ﻭﻃﻮﻝ ﺍﻟﻮﻗﺖ ﺷﺎﺭﺩﺓ ﻭﻫﻮ ﻳﻜﺮﺭ ﺳﺆﺍﻟﻪ ﻣﺮﺗﻴﻦ ﻳﻠﻪ ﺍﻧﺘﺒﻪ
ﺷﺎﺭﺩﺓ ﺑﻤﻮﺿﻮﻉ ﺣﻤﻞ ﺍﺳﺮﺍﺀ .
ﻭﺻﻠﻨﻪ ﻟﺒﻴﺖ ﺍﻫﻠﻲ ﻭﺻﻠﻨﺎ ﻗﺒﻠﻬﻢ ﻭﺑﻌﺪﻳﻦ ﻫﻢ ﺍﺟﻮﻱ ﺳﻮﻳﻨﻪ ﻋﺸﻪ ﻟﻠﺨﻄﺎﺭ ﺍﻟﻲ ﺑﻘﻮﺍ ﻋﺪﻧﺎ ﻭﺧﻠﻴﻨﻪ ﻋﺸﻪ ﺩﻧﺘﻌﺸﻪ ﻭﺧﺎﺑﺮﻧﻲ ﺻﻔﺎﺀ ﻳﻠﻠﻪ ﺷﻮﻛﺖ ﺗﺠﻴﻦ ؟
ﻧﺘﺘﺮﺕ ﺑﻲ ﺷﺴﺎﻟﻔﺔ ﺻﻔﺎﺀ ﺗﺮﺓ ﺣﻨﺔ ﺍﺧﺘﻲ ﺍﻟﻴﻮﻡ ﺷﺒﻴﻚ ﻣﺎﺗﺤﺲ ﺍﻧﺘﻪ ؟ ﻭﻋﺪﻧﺎ ﺧﻄﺎﺭ ﻭﻣﺎﻣﺎ ﻭﺣﺪﻫﻪ ﺩﺍﺍﺳﺎﻋﺪﻫﺎ .
ﺍﻱ ﻟﺘﻌﺼﺒﻴﻦ ﺳﺄﻟﺖ ﺳﺆﺍﻝ ﺷﺠﺎﺝ ﺑﺎﻟﻠﻪ ؟
ﺍﻱ ﻣﻮ ﻛﻠﺴﺎﻉ ﺗﺴﺄﻝ ﻭﺑﻌﺪﻳﻦ ﻫﻴﺎﺗﻪ ﺍﻟﺒﻴﺖ ﻟﻤﻦ ﺍﺧﻠﺺ ﺍﺟﻲ ﺍﻧﻲ ﻭﻳﺎﺭﻳﺖ ﺗﺠﻲ ﺗﺎﺧﺬ ﻫﻤﺎﻡ ﺣﺘﻰ ﺗﻄﻤﺄﻥ ﺍﺭﺟﻊ ﻻﻥ ﻫﺮﺟﻨﺎ ﺑﺲ ﻳﺒﺠﻲ ﻣﻴﺤﺐ ﺍﻟﻬﻮﺳﺔ ﻭﺍﻟﻨﺎﺱ ﺍﻟﻬﻮﺍﻳﻪ .
ﻫﻮ ﻣﺎﺻﺪﻙ ﻛﺘﻠﻪ ﻫﻴﺞ ﺑﺴﺮﻋﺔ ﺷﻔﺘﻪ ﺍﺑﺎﺏ ﻣﻄﺒﺨﻨﺎ ﻃﻠﻌﺖ ﺍﻧﻄﻴﺖ ﺍﻟﻪ ﻫﻤﺎﻡ ، ﻇﻞ ﻳﺒﺎﻭﻋﻠﻲ ﺑﺘﻔﺤﺺ
ﻛﺘﻠﻪ ﺷﺒﻴﻚ ﺷﻜﻮ ﻫﻴﺞ ﺗﺒﺎﻭﻉ ؟
ﺍﻱ ﻭﻳﻦ ﺍﻟﻔﺴﺘﺎﻥ ﺍﻟﻲ ﻻﺑﺴﺘﻪ ﻣﻦ ﻗﺒﻞ ؟
ﺑﺪﻟﺖ !!!! ﻗﺎﺑﻞ ﺍﺷﺘﻐﻞ ﺑﻲ ﻫﻴﺠﻲ ؟ ﻣﻮ ﺟﻨﺖ ﺩﺍﺳﻮﻱ ﻋﺸﻪ ﻟﻠﺨﻄﺎﺭ .
ﺍﻱ ﺍﻱ ﺩﻧﻄﻴﻨﻲ ﻫﻤﺎﻡ ﻫﺴﻪ ، ﺍﻧﻄﻴﺘﻪ ﺍﻟﻪ ﺍﺧﺬﻩ ﻭﺭﺍﺡ ﻭﻳﺘﻠﻔﺖ ﺍﻟﻲ ، ﺳﺪﻳﺖ ﺑﺎﺏ ﺍﻟﻤﻄﺒﺦ ﻭﻓﺘﺖ ﺟﻮﻩ .
ﺧﻠﺼﺖ ﺷﻐﻞ ﻭﻳﻪ ﻣﺎﻣﺎ ﻭﺑﻌﺪﻫﺎ ﺍﻟﺤﻨﺔ ﻣﺨﻠﺼﺖ ﺭﻛﺼﻨﺎ
ﺍﻝ ﺩﻱ ﺟﻲ ﻟﻞ ١١ ﺑﺎﻟﻠﻴﻞ ﻭﺑﻌﺪﻩ ﻳﺼﺪﺡ ﻭﻣﺤﺪ ﺩﻳﺸﺒﻊ ﻣﻦ ﺍﻟﺮﻛﺺ .
ﺍﻻ ﺍﻧﻲ ﺑﺎﻟﻲ ﻳﻢ ﻫﻤﺎﻡ ، ﺭﺣﺖ ﻟﻌﺒﻴﺮ ﺟﺎﻧﺖ ﺩﺗﺮﻛﺺ ﻭﻳﺎ ﺍﻟﺒﻨﺎﺕ ﺑﺎﻟﺼﺎﻟﺔ ، ﻻﺑﺴﻪ ﺑﺪﻟﻲ ﺑﻨﻔﺴﺠﻲ ﻗﺼﻴﺮﺓ ﻭﻓﺎﺗﺤﺔ ﺍﻟﺘﺴﺮﻳﺤﺔ ﻭﺷﻌﺮﻫﺎ ﻣﺜﻞ ﺷﻼﻝ ﻋﻠﻰ ﻇﻬﺮﻫﺎ .
ﺟﺮﻳﺘﻬﺎ ﺑﻮﺳﺘﻬﺎ ﺍﻧﻲ ﺭﺍﻳﺤﺔ ..
ﻛﺮﺻﺘﻨﻲ ؛ ﻟﺞ ﻻﺣﻜﺔ ﻋﻠﻰ ﺻﻔﺎﺀ ﺍﻟﻠﻴﻠﺔ ﺣﻨﺘﻲ ﺍﺑﻘﻲ ﻳﻤﻨﺎ .
_ ﻟﻮ ﻣﺎ ﻫﻤﺎﻡ ﻳﻤﻪ ﻭﻣﺎﻣﺎ ﺩﺗﻠﺢ ﻋﻠﻴﻪ ﺟﺎﻥ ﺑﻘﻴﺖ ﻭﺍﻟﻠﻪ .
_ ﺑﺎﺟﺮ ﺗﻌﺎﻟﻲ ﻣﻦ ﺍﻟﺼﺒﺢ ﺣﺒﺎﺑﺔ ﻣﻮ ﺗﺮﺣﻴﻦ ﻟﺪﻭﺍﻣﺞ ﺍﻧﻮﺏ ؟
_ ﻟﺞ ﻻ ﻏﻴﺮ ﺍﺧﺬﺕ ﺍﺟﺎﺯﺓ ﺍﻟﻴﻮﻡ ﻭﺑﺎﺟﺮ ﺷﺒﻴﺞ ﻧﺴﻴﺘﻲ ؟
ﺍﻱ ﺣﻘﺞ ﻗﺴﻮﺭ ﻣﺄﺛﺮ ﻋﻠﻴﺞ .
ﺿﺮﺑﺘﻨﻲ ﺑﺨﻔﺔ ﻋﻠﻰ ﺍﻳﺪﻱ ﻭﻫﻴﻪ ﺗﻀﺤﻚ ..
ﻋﻔﺘﻪ ﻭﺭﺣﺖ ﻟﺒﺴﺖ ﺻﺎﻳﺘﻲ ﻭﺍﺧﺬﺕ ﺍﻏﺮﺍﺿﻲ ﻭﻃﻠﻌﺖ ﻣﻦ ﺑﻴﺖ ﺍﻫﻠﻲ ﻭﺗﻮﺟﻬﺖ ﻟﺒﻴﺖ ﻋﻤﻮ ، ﻓﺘﺖ ﺟﻮﻩ ﻭﺻﻌﺪﺕ ﻟﺸﻘﺘﻲ ﺟﺎﻥ ﻫﺪﻭﺀ .
ﻓﺘﺖ ﺷﻔﺖ ﺻﻔﺎﺀ ﺑﺎﻟﺼﺎﻟﺔ ﻣﺸﻐﻞ ﺍﻟﺘﻠﻴﻔﺰﻳﻮﻥ ﻭﻳﺘﻔﺮﺝ ﻭﻳﻤﻪ ﺣﺐ ﺷﻤﺲ ﻭﻛﺮﺯﺍﺕ ﻭﺑﺒﺴﻲ ، ﺧﻮﺵ ﻣﺴﻮﻱ ﺟﻮ ﻟﻨﻔﺴﻪ .
ﺗﻌﺪﻳﺖ ﻋﻠﻴﻪ ﺑﺪﻭﻥ ﻣﺎ ﺍﺳﻠﻢ ..
ﻛﺎﻝ ﺗﺮﻩ ﺍﻟﻨﺎﺱ ﺗﺴﻠﻢ ﺍﻭﻝ ﻣﺘﻔﻮﺕ ..
ﺍﻟﺘﻔﺘﺖ ﻋﻠﻴﻪ ؛ ﺷﻌﺠﺐ ﻣﺎﺭﺣﺖ ﻟﻠﺤﻨﺔ ﻣﺎﻟﺔ ﺍﻟﻮﻟﺪ ﺑﻴﺖ ﻋﻤﺔ ﺍﻡ ﻗﺴﻮﺭ ؟
ﺑﺎﻭﻋﻠﻲ ؛ ﺩﺗﺸﻮﻓﻴﻦ ﺷﻜﻮﻟﻲ ﻣﺎﻝ ﺣﻨﺔ ﺍﻧﻲ ﺩﺧﻴﻠﺞ ﺍﻧﻲ ﺻﺎﻳﺮ ﺣﻨﺔ .
_ ﻫﻤﺎﻡ ﻭﻳﻦ ؟
_ ﻟﺤﻈﺔ ﺍﺟﻴﺒﻪ ﻣﻦ ﺟﻮﻩ ..
_ ﻭﻳﻦ ﺟﻮﻩ ﺷﻴﺴﻮﻱ ﺟﻮﻩ ؟
_ ﺟﺎﻥ ﻳﻢ ﺍﻣﻲ ..
_ ﺍﻧﻲ ﺍﻣﻨﺘﻪ ﻳﻤﻚ ﻟﻮ ﻳﻢ ﺍﻣﻚ ﺍﺻﻼ ﻋﻤﻪ ﻣﺎﺗﺤﺎﻓﻆ ﻋﻠﻴﻪ .
_ ﺗﺮﻩ ﻗﺒﻞ ﺷﻮﻳﻪ ﻧﺰﻝ ﺷﺒﻴﺞ ﺍﻧﺖِ ؟
ﺗﻨﻬﺪﺕ ﻭﺑﺎﻭﻋﺘﻠﻪ ﺻﻔﺢ ﻭﺻﺪﻳﺖ ﻧﻈﺮﺍﺗﻲ ﻣﻨﻪ ..
ﻛﺎﻡ ﻋﻠﻰ ﺣﻴﻠﻪ ..
ﺩﻳﻠﻠﻪ ﺭﻭﺡ ﺟﻴﺒﻪ ﻻ ﺧﺎﻑ ﻫﻢ ﻳﺤﺮﮔﻮﺍ ﻣﺜﻞ ﺫﻳﺞ ﺍﻟﻤﺮﺓ .
_ ﺷﺪﺗﺸﻮﻓﻴﻦ ﺩﺍﺍﺳﻮﻱ ؟ ﺗﺮﺓ ﻛﺎﻳﻢ ﺍﺭﻭﺡ ﺍﺟﻴﺒﻪ ﻻﺗﻠﺤﻴﻦ .
ﻣﺠﺎﻭﺑﺘﻪ ﻫﻮ ﻧﺰﻝ ﺟﻮﻩ ﻭﺍﻧﻲ ﻓﺘﺖ ﻉ ﺍﻟﺤﻤﺎﻡ ﺧﻠﻴﺖ ﻣﻼﺑﺴﻲ ﺑﺴﻠﺔ ﺍﻟﻤﻼﺑﺲ ﻭﻃﻠﻌﺖ ﺟﺒﺖ ﺍﻟﺒﺮﻧﺺ ﻭﺳﺒﺤﺖ .
ﻟﻤﻦ ﻃﻠﻌﺖ ﺷﻔﺖ ﻫﻤﺎﻡ ﺑﺴﺮﻳﺮﻩ ﻧﺎﻳﻢ ، ﺩﻧﻜﺖ ﺑﻮﺳﺘﻪ .
ﻭﻭﺧﺮﺕ ﺑﺎﺗﺠﺎﻩ ﺍﻟﻤﻴﺰ ﺍﻟﺘﻮﺍﻟﻴﺖ ، ﺟﺮﻳﺖ ﺍﻟﺨﺎﻭﻟﻲ ﻣﻦ ﺷﻌﺮﻱ ﻭﺑﻠﺸﺖ ﺍﻧﺸﻔﻪ ، ﻭﺍﻧﻲ ﻋﻠﻰ ﻫﺬﺍ ﺍﻟﺤﺎﻝ ﻓﺎﺕ ﺻﻔﺎﺀ ﺑﺎﻭﻋﺖ ﺑﻌﻴﻮﻧﻪ ﻧﻈﺮﺍﺗﻪ ﻣﻠﻴﺎﻧﺔ ﺭﻏﺒﺔ ، ﺍﻋﺮﻓﻬﺎ ﻫﺎﻟﻨﻈﺮﺍﺕ ﻛﻠﺶ ﺯﻳﻦ .
ﺳﺪ ﺑﺎﺏ ﺍﻟﻐﺮﻓﺔ ، ﺭﻣﺸﺖ ﻋﺪﺓ ﺭﻣﺸﺎﺕ ﻭﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ﺑﺼﺪﻣﺔ ، ﺍﺷﺮﺗﻠﻪ ﺻﻔﺎﺀ ﺍﻃﻠﻊ ﺑﺮﻩ .
ﮔﺎﻝ ؛ ﺃﺭﻳﺪﺝ !!!!!!
ﻳﺘﺒﻊ
