في شريعه العشق

البارت السادس والاربعون

ﺷﺮﻳﻌﺔ ﺍﻟﻌﺸﻖ
ﺑﺎﺭﺕ ٤٦
ﻧﻮﺭﺍ ﻧﺎﺻﺮ
¸.•
ﺑـ ﻟﺴﺎﻥ ﺟﻨﺪﻱ ﻋﺮﺍﻗﻲ ﻳﮕﻮﻝ :
ﻳﻌﻨﻲ ٧ﻭ ٨ ﺳﻨﻴﻦ ﺣﺮﺏ ﻭﻗﺬﺍﺋﻒ ﻭﺿﺮﺏ ﻭﻗﺼﻒ ﻭﻃﻠﻌﺖ ﻣﻨﻬﻦ ، ﻭﺃﺧﺮ ﺷﻲ ﺍﻣﻮﺕ ﻣﻦ ﺍﻟﺸﻮﮒ ! ، ﺿﻴﻌﺘﻲ ﻫﻴﺒﺔ ﺍﻟﺤﺮﺏ ﻳﺎﺑﻪ 💙
ﻟﻤﻦ ﻛﺎﻝ ﻫﻴﺠﻲ ﻣﺎﺣﺴﻴﺖ ﺑﺄﻱ ﺷﻲ ، ﺩﺍﺧﻠﻲ ﻳﻜﺴﻮﻩ ﺍﻟﺠﻠﻴﺪ ﻭﺻﻌﺐ ﺍﻟﻜﺴﺮ ﻭﻣﺎ ﺍﻋﺮﻑ ﻟﺤﺪ ﺍﻻﻥ ﺍﺫﺍ ﻋﻨﺪﻱ ﺍﻱ ﻣﺸﺎﻋﺮ ﺗﺠﺎﻫﻪ ﺍﻭ ﻻ ﻣﻤﺘﺎﻛﺪﺓ ﻣﻦ ﻣﺸﺎﻋﺮﻱ ﻟﺬﻟﻚ ﺍﻛﺘﻔﻴﺖ ﺑﻜﻠﻤﺔ ﺍﻭﻛﻲ .. ﻭﺑﺒﺮﻭﺩ
ﺑﺴﺮﻋﺔ ﺭﺩ ؛ ﻳﻌﻨﻲ ﻫﺬﺍ ﺍﺧﺮ ﻛﻼﻡ ﻋﻨﺪﺝ؟
ﺟﺎﻭﺑﺘﻪ ﺑﺜﻘﺔ ؛ ﺍﻱ
ﻛﺎﻝ ؛ ﻳﻼ ﺑﺎﻱ
ﺟﺎﻭﺑﺘﻪ ﺑﺒﺮﻭﺩ ؛ ﺑﺎﻱ
ﺍﺭﻳﺪ ﺍﺳﺪﻩ ﺳﻤﻌﺖ ﺻﻮﺗﻪ ؛ ﺍﺩﺭﻱ ﺍﻧﺘﻲ ﻣﺘﺤﺴﻴﻦ ﻭﻟﻮ ﺷﻮﻳﻪ ﻭﻟﻮ ﺷﻮﻳﻪ ﻛﻮﻟﻲ ﺍﺑﻘﻰ ﻛﻮﻟﻲ ﺍﺣﺒﻚ ﻋﺰﺍ ﺑﻌﻴﻨﺞ ﺷﻨﻮ ﺍﻧﺘﻲ؟
_ ﻻ ﻣﺎﺍﺣﺲ ..
ﻋﺎﻁ : ﻧﻌﻠﻌﻼ ﺷﻴﺐ ﺍﻟﺨﻠﻔﻮﻧﻲ ﺣﺘﻰ ﻋﻴﻮﺑﺞ ﻭﺑﺮﻭﺩﺝ ﻫﻢ ﺍﺣﺒﻪ ﺍﻋﺸﻘﻪ ..
_ ﺍﻭﻛﻲ ..
ﺿﺤﻚ : ﺍﺭﻭﺡ ﺍﻭﻟﻲ ﺍﺷﺮﻓﻠﻲ ﻻ ﺍﺑﺘﻠﻲ ﺑﻴﺞ
_ ﺷﺪﻋﻮﺍﻙ ﺷﻬﺎﻟﻌﺼﺒﻴﺔ ﺗﺮﺍ ﺍﻧﺖ ﺍﺫﺍ ﺗﺮﻳﺪ ﺗﺮﻭﺡ ﻋﺎﺩﻱ ﻣﺎﺭﺍﺡ ﺍﻣﻨﻌﻚ .
_ ﻭﻳﺮﺿﺎﻫﺎ ﻗﻠﺒﺞ ؟
_ ﺧﻮ ﻣﺎ ﺍﻛﻌﺪ ﺍﺗﻮﺳﻞ ﺑﻴﻚ ﻗﺴﻮﺭ !! ﺗﺮﺍ ﻣﺎﺍﻋﺮﻑ ﺍﺗﻮﺳﻞ ﻭﺍﻟﻠﻪ .
_ ﻛﺎﻳﻠﺞ ﺗﻮﺳﻠﻲ ﺗﺮﺍ ﻫﻲ ﻣﻮ ﺷﻐﻠﺔ ﺗﻮﺳﻞ ﻻ ﺑﺲ ﺍﻧﺖ ﻣﻮ ﻫﺎﻣﺞ ﺍﺑﺪ ..
ﺗﻨﻬﺪﺕ ..
_ ﻳﻠﻪ ﺍﻧﻲ ﺍﺭﻭﺡ ﻫﺴﻪ ..
_ ﺗﺼﺒﺢ ﻋﻠﻰ ﺧﻴﺮ ..
ﺗﺤﺴﺮ ﻣﻦ ﺟﺎﻭﺑﻨﻲ ﻭﺍﻧﺖِ ﻣﻦ ﺍﻫﻞ ﺍﻟﺨﻴﺮ ..
ﻧﻤﺖ ﻭﻛﻌﺪﺕ ﺍﻟﺼﺒﺢ ﺑﺎﻭﻋﺖ ﻟﻠﺴﺎﻋﺔ ﺑﺎﻟﻌﺸﺮﺓ ، ﺍﻧﻲ ﺑﺎﻟﻌﺎﺩﺓ ﺍﻭﻝ ﻣﺎﺍﻛﻌﺪ ﻣﺰﺍﺟﻲ ﻣﻀﺮﻭﺏ ﺟﻼﻕ ﺍﺫﺍ ﻭﺍﺣﺪ ﻛﺎﻟﻲ ﺻﺒﺎﺡ ﺍﻟﺨﻴﺮ ﺍﻋﻴﻂ ﺑﻲ ﻭﺍﻫﻠﻲ ﻳﻌﺮﻓﻮﻧﻲ ...
ﻧﺰﻟﺖ ﺟﻮﺍ ﺍﻟﺒﺠﺎﻣﻪ ﻣﺎﻟﺘﻲ ﺗﻚ ﺻﺎﻋﺪ ﻭﺗﻚ ﻧﺎﺯﻝ ﻭﺷﻌﺮﻱ ﻣﻔﺘﻮﺡ ﻭﻧﺎﺯﻝ ﻉ ﻭﺟﻬﻲ ﺑﺲ ﻫﻤﺰﻳﻦ ﺷﻌﺮﻱ ﺳﺮﺡ ﻭﺑﺎﻟﻠﻴﻞ ﻣﻦ ﻧﻤﺖ ﺟﻨﺖ ﻣﻨﻈﻔﻪ ﺑﺸﺮﺗﻲ ﻭﻣﺨﻠﻴﻪ ﺣﻤﺮﺓ ﻭﻣﺮﻃﺐ ﻭﺍﻟﻜﺤﻠﻪ ﺳﺎﻳﻠﻪ ﻃﺎﻟﻌﻪ ﺟﻨﻲ ﺳﺎﺣﺮﺓ
ﺩﺧﻠﺖ ﻟﻼﺳﺘﻘﺒﺎﻝ ﺷﻔﺖ ﻋﻤﻪ ﻳﻤﻨﻪ ﺑﺲ ﺷﺎﻓﺘﻨﻲ ﺷﻬﻜﺖ ﻭﻋﻮﺟﺖ ﺣﻠﻜﻬﺎ ﻭﺑﺎﻭﻋﺖ ﻉ ﻣﺎﻣﺎ : ﻫﺎﻱ ﺷﻨﻮ ﺳﻮﺳﻦ ﺑﻨﺘﺞ ﺗﻜﻌﺪ ﺍﻟﻈﻬﺎﺭﻱ ﺃﻧﻲ ﻫﺬﺍ ﺍﻟﺤﺠﻲ ﻣﻴﺼﺮﻓﻠﻲ ﺍﺑﺪ ﺍﻧﻲ ﻣﻦ ﺍﺟﻴﺘﻜﻢ ﺍﻧﻮﺳﻪ ﺣﺘﻰ ﻃﺒﺦ ﻏﺪﻩ ﻛﻤﻠﺘﻪ ..
ﺑﺎﻭﻋﺘﻠﻪ ﺻﻔﺢ : ﺣﺠﻴﺖ ﺑﺪﺍﺧﻠﻲ ﻫﻲ ﺍﻳﻨﺎﺱ ﻟﻠﻮﺣﺪﻩ ﺍﻟﻈﻬﺮ ﺯﻳﻦ ﺍﺫﺍ ﻛﻌﺪﺕ
ﻣﺎﻣﺎ ﺟﺎﻭﺑﺘﻬﺎ : ﻳﺎﻋﻴﻨﻲ ﻣﺘﻜﻮﻟﻴﻠﻲ ﺷﻌﺪﻫﺎ ﺗﻜﻌﺪ ﺍﻟﺼﺒﺢ ﺑﻌﺪﻫﺎ ﺑﻴﺖ ﺃﺑﻮﻫﺎ ﺍﺫﺍ ﻣﺘﺪﻟﻞ ﺑﺠﺎﻝ ﺍﻣﻬﺎ ﻭﺍﺑﻮﻫﺎ ﻟﻌﺪ ﺷﻮﻛﺖ ﺗﺪﻟﻞ ﻭﺑﻌﺪﻳﻦ ﺗﻮﻫﺎ ﺳﺎﻋﻪ ﻋﺸﺮﺓ
ﻋﻤﻪ : ﺍﻱ ﻣﺘﺸﻮﻓﻴﻦ ﺗﺮﺑﻴﺘﻬﻦ ﻓﺎﺳﺪﺓ ﺍﺫﺍ ﻳﺴﻤﻌﻦ ﻫﺬﺍ ﻛﻼﻣﺞ ﻛﻞ ﺧﻴﺮ ﻣﻴﺼﻴﺮ ﺑﺮﺃﺳﻬﻦ
ﺑﺎﻭﻋﺘﻠﻲ : ﻳﻼ ﻓﻮﺗﻲ ﻏﺴﻠﻲ ﻭﺍﻛﻠﻴﻠﺞ ﻟﻜﻤﻪ ﺣﺘﻰ ﻧﺮﻭﺡ ﺻﺎﺭ ﺳﺎﻋﻪ ﻛﺎﻋﺪﻩ ﺍﻧﺘﻈﺮﺝ ﻣﺎﺍﺩﺭﻱ ﺍﺷﺎﻑ ﺑﻴﺞ ﻭﺧﺒﺼﻨﺎ ﻫﺴﻪ ﻟﻮ ﺑﺠﻤﺎﻝ ﺍﺧﻮﺍﺗﺞ ﺟﺎﻥ ﻛﻠﺖ ﺣﻘﻪ
ﻣﺎﻣﺎ : ﻳﺎ ﺷﺒﻴﻬﺎ ﺗﺨﺒﻞ ﺣﻨﻄﺎﻭﻳﺔ ﻣﻤﻠﻮﺣﻪ ﺍﺣﻠﻰ ﺑﻨﺎﺗﻲ ﻋﺒﻮﺭﺓ ﻛﺎﻓﻲ ﺧﻔﺔ ﺩﻣﻬﺎ
ﺍﻧﻲ ﻣﺰﺍﺟﻲ ﺑﻨﺰﺭﻗﻲ ﻛﺎﻋﺪﻩ ﻭﻫﺎﻱ ﻫﻮﺍﻱ ﺟﻔﺼﺖ ﻟﻌﻨﺔ ﺍﻟﻠﻪ ﻋﻠﻴﻚ ﻳﺎ ﺍﻟﺸﻴﻄﺎﻥ ﺷﻠﻮﻥ ﺗﺨﻠﻴﻨﻲ ﻫﺴﻪ ﺍﻏﺮﺩﻟﻬﺎ ﻭﻛﻒ ﺑﻌﻴﻨﻲ ﺑﺎﺑﺎ ﻭﻗﺴﻮﺭ ﺧﻄﻴﻪ ﺗﺬﻛﺮﺕ ﺷﻠﻮﻥ ﺿﺎﺝ ﻣﻦ ﺣﺠﻴﺖ ﻋﻠﻰ ﺳﻬﻴﺮ ﺭﻣﺰﻱ
ﺍﺗﺬﻛﺮﺕ ﻣﻘﻄﻊ ﻟﺴﻬﻴﺮ ﺭﻣﺰﻱ ﻭﻳﺎ ﺣﺴﻴﻦ ﻓﻬﻤﻲ ﺟﺎﻥ ﺷﻮﻳﻪ ﺟﺮﻱﺀ ، ﺿﺤﻜﺖ ﻫﻲ ﻋﺒﺎﻟﻬﺎ ﺩﺍﺍﺿﺤﻚ ﻋﻠﻴﻬﺎ
ﻇﻠﺖ ﺗﻌﻴﻂ : ﺷﻮﻓﻴﻬﺎ ﺷﻮﻓﻴﻬﺎ ﺷﻠﻮﻥ ﻣﻤﺘﺮﺑﺎﻳﻪ ﺗﻀﺤﻚ ﻋﻠﻴﻪ
ﺗﺮﻛﺘﻬﺎ ﻭﻛﻤﺖ ﻏﺴﻠﺖ ﻭﺗﺮﻳﻜﺖ ﻭﺻﻌﺪﺕ ﺑﺪﻟﺖ ﻭﻧﺰﻟﺖ ﺻﺎﺭﺕ ﻣﺎﻣﺎ ﺑﻮﺟﻬﻲ ﺍﺧﺬﺗﻨﻲ ﻋﻠﻰ ﺻﻔﺤﻪ
_ ﺑﻨﻴﺘﻲ ﺷﺘﺤﺠﻲ ﻟﺘﺠﺎﻭﺑﻴﻬﺎ ﻣﻮ ﺗﺨﺰﻳﻨﻲ ﺯﻳﻦ ﺗﺮﻯ ﺍﺑﺘﻠﻲ ﺑﻴﺞ ﺭﺃﺳﻲ ﺻﺪﻉ ﻣﻦ ﺍﻟﺼﺒﺢ ﻟﻬﺴﻪ
_ ﺍﻫﻮﻭﻭﻭ ﻳﻌﻨﻲ ﺗﻈﻞ ﺗﺠﻔﺺ ﻭﺍﻧﻲ ﻻﺯﻡ ﺍﺳﻜﺖ
_ ﺍﺷﺸﺶ ﺍﻧﺠﺒﻲ ﻳﻼ ﻓﻮﺗﻲ ﻛﺪﺍﻣﻲ ﻋﻴﺐ ﻣﻦ ﻗﺴﻮﺭ ﺍﻟﻮﻟﺪ ﺑﻜﻮﻟﺸﻲ ﻭﺍﻛﻔﻠﻨﻪ ﻗﺪﺭﻱ ﺣﺒﻪ ﺍﻟﺞ ﻭﺍﺳﻜﺘﻲ ﻗﺎﺑﻞ ﺭﺍﺡ ﺗﺘﺰﻭﺟﻴﻦ ﺍﻣﻪ ﺍﻧﺘﻲ؟
_ ﻻ ﺑﺲ ﺍﻟﻌﻔﺮﻳﺖ ﺍﻻﺳﻮﺩ ﺣﺘﺼﻴﺮ ﺍﻡ ﺯﻭﺟﻲ
ﺿﺤﻜﺖ ﻣﺎﻣﺎ ﻭﺩﻓﻌﺘﻨﻲ ﺣﺘﻰ ﺍﻃﻠﻊ
ﺣﺠﺖ ﻣﺎﻣﺎ ﻭﻳﺎ ﻋﻤﻪ : ﻳﻼ ﻋﻴﻨﻲ ﻛﻮﻣﻲ ﻛﻤﻠﺖ ﻋﺒﻮﺭﺓ
ﺑﺎﻭﻋﺘﻠﻲ ﻣﻦ ﻓﻮﻙ ﻟﻴﺠﻮﺍ ﻋﺒﺎﻟﻚ ﻣﻌﺎﺟﺒﻬﺎ ﻟﺒﺴﻲ ﻭﺍﻧﻲ ﺩﺭﺕ ﻭﺟﻬﻲ ﻋﻨﻬﺎ ﻭﻋﺪﻟﺖ ﺷﻌﺮﻱ ﺑﻌﻨﺎﺩﻫﺎ ﺍﻋﺮﻓﻬﺎ ﺗﺘﺨﺒﻞ ﻣﻦ ﻫﺎﻟﻔﻘﺮﺓ
ﻛﺎﻟﺖ ﻻﻣﻲ ﺧﻠﻲ ﺍﺧﺎﺑﺮ ﻋﻠﻰ ﺣﺴﺎﻡ " ﺍﺑﻨﻬﺎ ﺍﻟﺠﺒﻴﺮ " ﺣﺘﻰ ﻳﺠﻲ ﻳﺎﺧﺬﻧﺎ ﺧﺎﺑﺮﺕ ﻭﺣﺠﺖ ﻭﻳﺎﻩ ﻣﻦ ﻛﻼﻣﻬﺎ ﻓﻬﻤﺖ ﺍﻧﻮ ﻃﻠﻊ ﺑﻌﻴﺪ ﻋﻨﻪ
_ ﻋﻤﻪ ﻟﻌﺪ ﻏﻴﺮ ﺗﻨﻄﻲ ﺧﺒﺮ ﻟﻮ ﺑﺲ ﺟﺎﻳﻪ ﺗﺘﻌﺎﺭﻛﻴﻦ ﻭﻳﺎﻧﻪ ﻣﻦ ﺍﻟﺼﺒﺢ ..
ﻛﺮﺻﺘﻨﻲ ﻣﺎﻣﺎ ﻭﻋﻤﻪ ﺧﺰﺭﺗﻨﻲ ﻭﺗﻨﻔﺴﺖ ﺑﻌﺼﺒﻴﺔ ..
ﻭﻇﻠﺖ ﺗﻬﺰ ﺭﺍﺳﻬﺎ ﺑﻌﺪﻡ ﺭﺿﻰ ..
ﻇﻠﻴﻨﺎ ﻭﺍﻛﻔﻴﻦ ﺑﺎﻟﻄﺮﻣﺔ ﺭﺑﻊ ﺳﺎﻋﻪ ..
ﻣﺎﻣﺎ ﻛﺎﻟﺖ ﻟﻌﻤﻪ : ﺍﻡ ﺣﺴﺎﻡ ﺍﻣﺸﻲ ﻧﺮﻭﺡ ﺑﺴﻴﺎﺭﺓ ﺗﺤﺴﻴﻦ ﺷﻜﻮ ﻭﺍﻛﻔﻴﻦ ﺻﺎﺭ ﺭﺑﻊ ﺳﺎﻋﻪ .....
ﺭﻓﻌﺖ ﺗﻚ ﺣﺎﺟﺒﻬﺎ ؛ ﺷﻨﻮ ﺍﻥ ﺷﺎﺀﺍﻟﻠﻪ ﺍﻧﺖِ ﺗﺴﻮﻗﻴﻦ ؟
_ ﺍﻱ ﻟﻌﺪ ﻟﻴﺶ ؟ ﺗﺮﺍ ﻣﻦ ﺯﻣﺎﻥ ﺍﻧﻲ ﺍﺳﻮﻕ ﺷﺒﻴﺞ ﺧﺎﻳﻔﺔ؟
_ ﻻ ﺑﺲ ﻣﻤﺠﺮﺑﺔ ﺻﺎﻋﺪﺓ ﻭﻳﺎﺝ ﺧﺎﻑ ﺗﺴﻮﻳﻠﻨﺎ ﺣﺎﺩﺙ ؟
_ ﺩﻛﻮﻟﻲ ﻳﺎ ﺍﻟﻠﻪ ﺍﻡ ﺣﺴﺎﻡ ﺻﺪﻙ ﺟﺬﺏ ﺻﻌﺪﻱ ﺻﻌﺪﻱ ﻭﺗﻮﻛﻠﻲ ﻋﻠﻰ ﺍﻟﻠﻪ ..
ﺻﻌﺪﺕ ﻣﺎﻣﺎ ﻭﻃﻠﻌﺖ ﺍﻟﺴﻴﺎﺭﺓ ﻣﻦ ﺍﻟﻜﺮﺍﺝ ﻭﻫﻲ ﻛﻌﺪﺕ ﺑﺎﻟﺼﺪﺭ ﻭﺍﻧﻲ ﻟﻴﻮﺭﺍ ، ﺣﺴﻴﺖ ﺑﻌﻤﻪ ﻛﻮﻟﺶ ﻣﻨﻀﻐﻄﻪ ﻭﻣﺎﻣﺎ ﺣﺴﺖ ﺑﻬﺬﺍ ﺍﻟﺸﻲ ..
ﺍﻟﺘﻔﺘﺖ ﻋﻠﻰ ﻣﺎﻣﺎ : ﻣﻦ ﺷﻮﻛﺖ ﺗﺴﻮﻗﻴﻦ
_ ﻣﻦ ﺯﻣﺎﻥ ﺍﺧﻮﺝ ﻋﻠﻤﻨﻲ ﻭﻃﻠﻌﻠﻲ ﺍﺟﺎﺯﺓ ﺳﻮﻕ ﺑﺲ ﺍﻧﻲ ﻣﺎﺍﻃﻠﻊ ﻫﻮﺍﻱ ﺍﻻ ﺑﺎﻟﻀﺮﻭﺭﺓ ﻣﻦ ﺗﺤﺴﻴﻦ ﻣﺎﻛﻮ ﻳﻼ ﺍﻃﻠﻊ ﺑﺎﻟﺴﻴﺎﺭﺓ ..
ﺩﺍﺭﺕ ﻭﺟﻬﻪ ﻭﻣﺪﺭﻱ ﺷﻨﻮ ﺩﺭﺩﻣﺖ ..
ﺭﺟﻌﺖ ﺑﺎﻭﻋﺖ ﻻﻣﻲ ؛ ﺍﻛﻮﻟﺞ ﺳﻮﺳﻦ ﻛﻮﻟﻲ ﻟﻤﺮﻳﻢ ﺑﻨﺘﺞ ﻟﻤﻦ ﺗﺸﻮﻑ ﻣﺤﻤﺪ ﺧﻠﻲ ﺗﺜﻜﻞ ﻻ ﻛﻠﺶ ﺗﻤﻮﻉ ﺭﻭﺣﻬﺎ ﻭﺍﺩﻭﺭ ﻗﺴﻮﺭ ﻳﻠﺰﻣﻪ ﻳﺸﺒﻌﻪ ﻛﺘﻞ ﺗﺮﺓ ﻫﻮ ﻛﺒﺮ ﻋﻤﺮﻩ ١٨ ﻫﺴﻪ ﻭﺻﺎﻳﺮ ﻣﺪﻣﻐﺔ ﻭﻣﻜﻔﺨﺔ ﻟﻘﺴﻮﺭ ﺑﺴﺒﺐ ﺑﻨﺎﺗﺞ ؟
_ ﺷﺴﺎﻟﻔﻪ ﺍﻡ ﺣﺴﺎﻡ ﺑﻨﺎﺕ ﺍﺧﻮﺝ ﻫﺬﻧﻲ ﺷﻮﻥ ﺗﺤﺠﻴﻦ ﻋﻠﻴﻬﻦ ﻫﻴﺞ ﺷﺠﺎﺝ ﺍﻧﺖ ﻛﻠﺶ ﻣﺘﻐﻴﺮﺓ ﻫﺎﻟﻔﺘﺮﺓ .
_ ﺍﻱ ﻳﺎﻋﻴﻨﻲ ﻣﻮ ﻗﺴﻮﺭ ﻛﻀﺎﻩ ﻟﻤﺤﻤﺪ ﻛﻀﻴﺎﻥ ﺑﺴﺒﺐ ﺑﻨﺎﺗﺞ ﻫﻮ ﻳﺮﻳﺪ ﻳﺮﺿﻲ ﻋﺒﻴﺮ ﺑﺄﻱ ﻃﺮﻳﻘﺔ ﻭﻭﺍﻛﻊ ﺑﻴﻬﺎ ﺍﻟﻤﺴﻜﻴﻦ ﻣﺤﻤﺪ .
ﻋﺒﻴﺮ ؛ ﻋﻤﻪ ﺷﺴﺎﻟﻔﺔ ﻫﻮ ﺍﺑﻨﺞ ﺳﻜﻂ ﻭﻃﺎﻳﺢ ﺣﻈﻪ ﻭﺍﻧﺖ ﺻﺎﺭﻟﺞ ﺳﺎﻋﺔ ﺗﺴﺘﻔﺰﻳﻦ ﺑﻴﻨﻪ ﻧﺮﺟﻊ ﻟﻠﺒﻴﺖ ﻣﻮ ﺍﺣﺴﻦ ؟
_ ﺍﻳﺒﺎﺍﻩ ﻋﺎﺩ ﺷﻠﻮﻧﺠﻦ ﺍﻧﺘﻦ ﺍﻻﻡ ﻣﺴﺘﺮﺟﻠﻪ ﻭﺍﻟﺒﻨﺎﺕ ﻛﻠﻤﺔ ﻣﺴﺘﻬﺘﺮﺍﺕ ﻗﻠﻴﻠﻪ ﺑﺤﻘﻬﻦ
_ ﻣﻮ ﻋﻴﺐ ﺍﻡ ﺣﺴﺎﻡ ﺷﻨﻮ ﻫﺎﻟﺤﺠﻲ ﺗﺮﻯ ﺍﻛﺪﺭ ﺍﺟﺎﻭﺑﺞ ﺑﺲ ﺍﻧﻲ ﺳﺎﻛﺘﻪ ﺍﺣﺘﺮﺍﻣﺎً ﻟﺘﺤﺴﻴﻦ ﻭﻟﻘﺴﻮﺭ ﺑﺲ ﺍﻧﺘﻲ ﺍﻱ ﺍﺣﺘﺮﺍﻡ ﻣﺎﺧﻠﻴﺘﻲ ﺍﺫﺍ ﺍﺣﻨﻪ ﻫﻴﺞ ﻟﻮﻳﺶ ﺟﺎﻳﻴﻦ ﺗﺨﻄﺒﻮﻥ ﻣﻦ ﻋﺪﻧﺎ ﺩﻛﻴﻨﺎ ﺑﺎﺑﻜﻢ ﺍﺣﻨﻪ ﻟﻮ ﺷﻤﺮﻧﺎ ﺑﻨﺘﻲ ﻋﻠﻴﻜﻢ
_ ﻫﺴﻪ ﻉ ﺍﺳﺎﺱ ﺷﻠﻮﻧﻬﺎ ﺑﻨﺘﺞ ﺍﺷﻮ ﻫﻲ ﺳﻜﻂ ﻣﺮﺗﻴﻦ ﺗﺼﻮﺑﺖ ﻭﺍﻛﻴﺪ ﺗﻠﻜﻴﻦ ﺑﻴﻬﺎ ﻋﻄﻞ
ﺣﺠﻴﺖ ﺍﻧﻲ : ﺍﻛﻮﻟﺞ ﻋﻤﻪ ﺻﺎﺭﻟﺞ ﺳﺎﻋﻪ ﺗﺘﺠﺎﻭﺯﻳﻦ ﻭﺍﺣﻨﻪ ﺳﺎﻛﺘﻴﻠﺞ ﻻ ﻋﺒﺎﻟﺞ ﻣﻴﺘﻴﻦ ﻉ ﺍﺑﻨﺞ ﺍﺧﺬﻱ ﺍﻟﺞ ﺍﺷﺒﻌﻲ ﺑﻲ ﺷﻨﻮ ﻗﺤﻂ ﺭﺟﻮﻟﻪ ﻭﻫﺴﻪ ﺗﺮﺟﻌﻮﻧﻲ ﻟﻠﺒﻴﺖ ﺍﻧﻌﻞ ﺍﺑﻮ ﻫﻴﺞ ﺯﻭﺍﺝ ﺑﻌﺪﻧﺎ ﺑﺎﻟﺒﺪﺍﻳﺔ ﻭﻫﺎﻱ ﻟﻌﺒﺖ ﻟﻌﺐ ﺍﺑﻨﺞ ﺿﺎﺑﻂ ﻉ ﻧﻔﺴﺞ ﻣﻮ ﻋﻠﻴﻨﺎ ﺷﻨﺎﻗﺼﻨﻲ ﻭﺍﺗﺰﻭﺝ ﻫﻴﺞ ﺯﻭﺍﺝ ﻳﻼ ﺍﻣﻲ ﺫﺑﻴﻬﺎ ﺑﻴﺘﻬﺎ ﻭﺧﻠﻲ ﻧﺮﺟﻊ ﻫﻤﺰﻳﻦ ﻣﺎﺍﺑﺘﻌﺪﻧﺎ .....
ﺭﺟﻌﻨﺎ ﻟﻠﺒﻴﺖ ﺟﻨﺖ ﻛﻮﻟﺶ ﻣﻌﺼﺒﺔ ﻭﻣﺎﻣﺎ ﻇﻠﺖ ﺑﺲ ﺗﺒﺎﻭﻋﻠﻲ ﺍﻟﻲ ﻓﻬﻤﺘﻪ ﻣﻦ ﻧﻈﺮﺍﺗﻬﺎ ﺍﻧﻮ ﻋﺒﺎﻟﻬﺎ ﺍﻧﻲ ﺍﺣﻤﻞ ﺑﺪﺍﺧﻠﻲ ﻣﺸﺎﻋﺮ ﻟﻘﺴﻮﺭ ﻟﺬﻟﻚ ﺟﺎﻧﺖ ﺗﺒﺎﻭﻋﻠﻲ ﺑﺘﺮﻗﺐ ..
ﺑﺲ ﺣﺘﻰ ﻟﻮ ﺗﻌﻠﻘﺖ ﺑﻘﺴﻮﺭ ﺍﻭ ﺗﻮﻟﺪﺕ ﻋﻨﺪﻱ ﻣﺸﺎﻋﺮ ﺗﺠﺎﻫﻪ ، ﺍﻟﻤﺸﺎﻛﻞ ﺍﻟﻲ ﺻﺎﺭﺕ ﻭﺃﺩﺕ ﺍﻟﻤﺸﺎﻋﺮ ﻭﻫﻴﻪ ﺑﻌﺪﻫﺎ ﺑﺎﻟﻤﻬﺪ .
ﺑﻘﻴﺖ ﻛﺎﻋﺪﺓ ﻉ ﺍﻟﻜﺮﺳﻲ ﻭﺍﺿﺮﺏ ﺑﺮﺟﻠﻲ ﻉ ﺍﻟﻜﺎﻉ ﻭﻣﻌﺼﺒﺔ ﺑﺴﺒﺐ ﺍﻻﻫﺎﻧﺔ ﺍﻟﻲ ﺗﻮﺟﻬﺖ ﺍﻟﻨﺎ ﻣﻦ ﻋﻤﻪ ...
ﺍﺟﺘﻲ ﻣﺎﻣﺎ ﻭﺻﺎﺭ ﻣﻮﻋﺪ ﺩﻭﺍﻣﻬﺎ ﻋﺼﺮﻱ ﺍﻟﺴﺎﻋﺔ ﺏ ١٢
ﻛﺎﻟﺖ ﺭﺍﻳﺤﺔ ﻟﻠﻤﺪﺭﺳﺔ ﺍﻧﻲ ﻭﺧﻠﻲ ﺍﻛﻮﻟﺞ ﺷﻐﻠﺔ ﻣﻤﻨﻮﻉ ﺗﺨﺎﺑﺮﻳﻦ ﻗﺴﻮﺭ ﻭﺗﺤﺠﻴﻦ ﻭﻳﺎﻩ ﺣﺠﻲ ﺯﺍﻳﺪ ﺍﻓﺘﻬﻤﺘﻴﻰ؟
ﻛﺎﻟﺖ ﻫﻴﺞ ﻻﻥ ﺗﻌﺮﻓﻨﻲ ﺣﺮﻭﺡ ﺍﺗﻌﺎﺭﻙ ﻭﻳﺎﻩ
ﺑﺎﻭﻋﺘﻠﻬﺎ ﻭﺗﻨﻔﺴﺖ ﺑﻀﻴﻖ ﻭﻫﺰﻳﺖ ﺭﺍﺳﻲ .
ﻫﻲ ﻃﻠﻌﺖ ﻭﺍﻧﻲ ﺣﺎﻭﻟﺖ ﺍﻟﻬﻲ ﻧﻔﺴﻲ ﺣﺘﻰ ﻣﺎﺍﺗﺼﻞ ﺑﻲ
ﺩﺧﻠﺖ ﺳﺒﺤﺖ ﻭﻃﻮﻟﺖ ﺑﺎﻟﺤﻤﺎﻡ ﻛﻤﻠﺖ ﻭﻃﻠﻌﺖ ﺻﻠﻴﺖ ﻭﺣﻤﻴﺖ ﺍﻻﻛﻞ ﻭﻛﻌﺪﺕ ﺍﻧﺘﻈﺮ ﻣﺎﻣﺎ ﻭﻣﺮﻳﻢ ﻭ ﺑﺎﺑﺎ ﺣﺎﻟﻴﺎ ﺧﺎﺭﺝ ﺑﻐﺪﺍﺩ ﻋﻨﺪﻩ ﻣﻨﺎﻗﺸﺔ ﻣﺎﻝ ﻃﺎﻟﺐ ﻣﺎﺳﺘﺮ ...
ﺍﺟﺖ ﻣﺮﻳﻢ ﻣﻦ ﺍﻟﻤﺪﺭﺳﺔ ﻭﻣﺎﻣﺎ ﺧﺎﺑﺮﺗﻨﻲ ﻛﺎﻟﺖ ﺧﺎﻟﺞ ﻣﺘﺨﺮﺑﻂ ﻭﺣﺮﻭﺡ ﺍﺷﻮﻓﻪ ﺍﺗﻐﺪﻱ ﺍﻧﺘﻲ ﻭﺍﺧﺘﺞ ﻭﻣﺎﺍﺭﻳﺪ ﺍﺭﺟﻊ ﻭﺍﻟﻜﺎﺟﻦ ﻣﺘﻜﺎﻓﺸﺎﺕ ﺗﺮﻯ ﺍﻓﺮﻍ ﺿﻴﻢ ﮔﻠﺒﻲ ﺑﻴﺠﻦ ﺯﻳﻦ ؟
_ ﺍﻧﻲ ﺑﺤﺎﻝ ﺍﺗﻌﺎﺭﻙ ﻭﻳﻪ ﻣﺮﻳﻢ ﻫﺴﻪ ؟
_ ﺍﺩﺭﻱ ﺑﻴﺞ ﺗﻄﻠﻌﻴﻦ ﺿﻴﻢ ﻛﻠﺒﺞ ﺑﻴﻬﺎ ﺍﺳﺘﻘﺮﻱ ﺑﻴﻦ ﻣﺎ ﺍﺟﻲ ..
_ ﺻﺎﺭ ﻣﺎﻣﺎ ﺍﻃﻤﺄﻧﻲ ..
ﺻﺒﻴﺖ ﻏﺪﻩ ﻭﺗﻐﺪﻳﻨﺎ ﻭﺻﻌﺪﺕ ﻣﺮﻳﻢ ﺗﻨﺎﻡ ﻭﺍﻧﻲ ﻛﻤﺖ ﻋﺰﻟﺖ ﺍﻟﻤﻄﺒﺦ ﺻﺎﺭﺕ ﺳﺎﻋﻪ ﺑﺎﻟﺜﻼﺛﻪ ﺍﻧﺪﻙ ﺍﻟﺒﺎﺏ ﺭﺣﺖ ﻓﺘﺤﺘﻪ ﺻﺎﺭ ﺑﻮﺟﻬﻲ ﻗﺴﻮﺭ ﻋﻴﻮﻧﻪ ﺩﻡ ﻭﺩﻛﻢ ﺑﺪﻟﺘﻪ ﺍﻟﻌﺴﻜﺮﻳﺔ ﻣﺸﻠﻌﻪ ﻭﺷﻌﺮﻩ ﻣﻜﻔﺶ ﻭﺣﺎﻝ ﺍﻟﻀﻴﻢ ﺣﺎﻟﻪ ...
ﺑﺎﻭﻋﻠﻲ ﺑﻌﺘﺐ ﻭﻧﺪﻡ ﻭﻟﻮ ﺑﻴﺪﻩ ﻳﻤﻜﻦ ﻳﺎﺧﺬﻧﻲ ﻭﻳﺸﺮﺩ ﺑﻌﻴﺪ ﻋﻦ ﺍﻣﻪ ﻭﺍﻧﻲ ﺑﺎﺩﻟﺘﻪ ﺍﻟﻨﻈﺮﺓ ﺑﻜﻞ ﺍﻟﺜﻘﻪ ﻭﻋﺒﺎﻟﻚ ﺟﻨﺖ ﺷﻤﺘﺎﻧﻪ ﺑﻬﺬﺍ ﺣﺎﻟﻪ .
" ﻗﺴﻮﺭ ﺟﺎﻥ ﺭﺟﻞ ﺑﻤﻌﻨﻰ ﺍﻟﻜﻠﻤﺔ ﺍﺑﺪ ﻣﺎﻳﻮﻡ ﺿﻮﺟﻨﻲ ﺍﻭ ﺍﻧﺘﻘﺺ ﻣﻨﻲ ﺟﻨﺖ ﻣﻦ ﺍﺿﻮﺝ ﻭﻫﻮ ﻣﻮﺟﻮﺩ ﻳﻜﻮﻟﻲ ﺍﺑﺪ ﻟﺘﻀﻤﻴﻦ ﺑﺪﺍﺧﻠﺞ ﺍﺣﺠﻲ ﻋﻴﻄﻲ ﻛﺴﺮﻱ ﺍﻻﺷﻴﺎﺀ ﺑﺲ ﻟﺘﻘﻬﺮﻳﻦ ﺣﺎﻟﺞ ﻧﻬﺎﺋﻲ ﺍﻟﺪﻧﻴﺎ ﻣﺘﺴﻮﺍ ﻭﺍﺣﺪ ﻳﻀﻮﺝ ﻋﻠﻤﻮﺩﻫﺎ ﻟﺘﻀﻮﺟﻴﻦ ﻭﺗﻘﻬﺮﻳﻨﻲ ﻭﺍﺫﺍ ﺿﺠﺘﻲ ﻣﻦ ﺷﻲ ﺗﻌﺎﻟﻲ ﺍﺣﺠﻴﻠﻲ ﻭﺍﻋﺘﺒﺮﻱ ﻧﻔﺴﺞ ﺩﺗﺤﺠﻴﻦ ﻭﻳﺎ ﺣﺎﻟﺞ "
ﺗﻨﻬﺪﺕ ﺑﻌﺼﺒﻴﺔ ، ﻭﺑﺪﺍﺧﻠﻲ ﺍﺣﺲ ﺑﺎﻟﻢ ﻏﺮﻳﺐ ﺑﺼﺪﺭﻱ ﻭﺍﻧﻲ ﺍﻗﺮﺍ ﻋﻼﻣﺎﺕ ﺍﻟﺤﺰﻥ ﻋﻠﻰ ﻣﻼﻣﺤﻪ .
ﺑﺎﻭﻋﺖ ﺍﻧﺘﺒﻬﺖ ﻛﺮﺍﺭ ﻭﻳﺎﻩ !!!!! ﺍﻧﺼﺪﻣﺖ ﻣﺎﺗﻮﻗﻌﺖ ﺭﺍﺡ ﺍﻭﺍﺟﻪ ﻗﺴﻮﺭ ﺑﻬﺎﻱ ﺍﻟﺴﺮﻋﺔ ...
ﻛﺮﺍﺭ : ﺟﻨﺖ ﺭﺍﺟﻊ ﻟﻠﺒﻴﺖ ﻭﺍﺷﻮﻑ ﻗﺴﻮﺭ ﺩﻳﻤﺸﻲ ﺑﺎﻟﺸﺎﺭﻉ ﻭﺣﺎﻟﺘﻪ ﺣﺎﻟﻪ ﻭﻣﺒﻴﻦ ﻣﺘﻮﺟﻪ ﻟﺒﻴﺖ ﻋﻤﻲ ﺗﺤﺴﻴﻦ ﺍﺳﺘﻐﺮﺑﺖ ﺷﺒﻲ ﻫﺬﺍ ؟
ﻧﺰﻟﺖ ﻣﻦ ﺳﻴﺎﺭﺗﻲ ﻭﺭﺣﺖ ﺍﻟﻪ ﺳﺤﺒﺘﻪ ﺟﺎﻥ ﻣﻌﺼﺐ ﺳﺄﻟﺘﻪ ﻭﻳﻦ ﺭﺍﻳﺢ ؟ ﻇﻞ ﻳﺪﺭﺩﻡ ﻣﻔﻬﻤﺖ ﻣﻨﻪ ، ﺟﺮﻳﺘﻪ ﻟﺴﻴﺎﺭﺗﻲ ﻭﻛﻌﺪﻧﺎ ﻭﻇﻞ ﻳﺤﺠﻴﻠﻲ ﺍﻟﻲ ﺻﺎﺭ ﻭﻳﺎﻩ ..
ﻛﺎﻝ ﻗﺴﻮﺭ ؛ ﻳﺎ ﺍﺧﻲ ﺭﺟﻌﺖ ﺭﺟﻌﺖ ﻟﻠﺒﻴﺖ ﻭﺍﻟﻴﻮﻡ ﻓﺮﺣﺎﻥ ﻉ ﺍﻻﺳﺎﺱ ﺭﺍﺡ ﻳﺄﺟﺮﻭﻥ ﺑﺪﻻﺕ ﻋﻤﻮﺩ ﺣﻔﻠﺔ ﺍﻟﺨﻄﻮﺑﺔ ..
ﻭﺻﻠﺖ ﻟﻠﺒﻴﺖ ﻗﺒﻞ ﺷﻮﻳﻪ ﺩﺧﻠﺖ ﺷﻔﺖ ﺍﻣﻲ ﺑﺎﻟﺒﻴﺖ ﺍﺳﺘﻐﺮﺑﺖ ﺷﻮ ﺭﺍﺟﻌﻪ ﺑﻮﻗﺖ ؟ ﺳﺄﻟﺘﻬﺎ ﻇﻠﺖ ﺗﻔﺸﺮ ﻉ ﻋﺒﻴﺮ ﻭﺍﻣﻬﺎ ﻭﻃﻠﻌﺘﻬﻦ ﻏﻠﻄﺎﻧﺎﺕ ﺃﻧﻲ ﺍﻋﺮﻑ ﺃﻣﻲ ﻣﻮ ﺧﻴﺮﺓ ﻭﻋﺒﺎﻟﻬﺎ ﺍﺿﺮﺏ ﻣﺤﻤﺪ ﻻﻥ ﺍﺭﻳﺪ ﺍﺭﺿﻲ ﻋﺒﻴﺮ ﻭﺑﻴﺖ ﺧﺎﻟﻲ ﺗﺤﺴﻴﻦ ﺑﺸﻜﻞ ﻋﺎﻡ .
ﻭﺑﻨﻔﺲ ﺍﻟﻮﻗﺖ ﺍﻋﺮﻑ ﻋﺒﻴﺮ ﻋﺮﻣﺔ ﻭﻣﺘﺴﻜﺖ ﺍﺑﺪ ﻭﺍﻟﻠﻪ ﻳﻌﻠﻢ ﺍﻣﻲ ﺷﺤﺠﺖ ﻭﺟﺎﻥ ﺭﺩ ﻋﺒﻴﺮ ﻫﻴﺞ ﺑﺲ ﺍﻟﻲ ﻋﺼﺒﻨﻲ ﺃﻣﻲ ﺧﺘﻤﺖ ﻛﻼﻣﻬﺎ
_ ﺍﺯﻭﺟﻚ ﺑﻨﺖ ﻟﻴﻞ ﻭﻻ ﺍﺯﻭﺟﻚ ﻫﺎﻱ ﺍﻻﺩﺑﺴﺰ ﻭﺣﺪﻩ ﻓﻠﺘﺎﻧﻪ ﻭﻃﺎﻟﻌﻪ ﻋﻦ ﺍﻟﻄﺮﻳﻖ ﺍﻧﺖ ﺷﻌﺒﺎﻟﻚ ﺍﻟﺘﻤﺸﻲ ﺑﺎﻟﻄﺮﻳﻖ ﺍﻻﻋﻮﺝ ﺑﺲ ﺍﻟﻲ ﺗﺮﺍﻓﻖ ﻭﻟﺪ ﻻ ﻣﻮ ﻫﻴﺞ ﻛﺪﺍﻣﻚ ﻋﺒﻴﺮ ﻭﺣﺪﻩ ﻋﻮﺟﻪ ﻭﻣﻜﺴﺮﺓ
ﺍﻧﻲ ﺣﺠﺖ ﻫﻴﺞ ﻉ ﻣﺤﺒﻮﺑﺘﻲ ﻟﻮ ﺍﻟﺸﻴﺎﻃﻴﻦ ﺗﺮﺑﻌﺖ ﺑﺮﺃﺳﻲ ﻛﺪﺍﻣﻲ ﺍﻟﻄﺒﻠﻪ ﺍﻟﺠﺒﻴﺮﺓ ﺿﺮﺑﺘﻬﺎ ﺑﻮﻛﺲ ﻓﻠﺸﺘﻬﺎ
ﺍﻣﻲ ﺷﻬﻜﺖ ﻭﺭﺟﻌﺖ ﻟﻮﺭﺍ ﺑﺎﻭﻋﺘﻠﻬﺎ : ﻟﺠﺠﺠﺞ ﺍﻧﺘﻲ ﺷﻨﻮﻭﻭﻭ ﻣﻦ ﻋﻤﻪ ﺷﻠﻮﻭﻭﻭﻥ ﺗﻄﻌﻨﻴﻦ ﺑﻨﺖ ﺍﺧﻮﺝ ﺑﺸﺮﻓﻬﺎ ﻓﻬﻤﻴﻨﻲ ﺗﻘﺒﻠﻴﻦ ﻭﺍﺣﺪ ﻳﺤﺠﻲ ﻉ ﺑﻨﺘﺞ ﺍﻧﺘﻲ ﻣﻮ ﺍﻡ ﺍﻧﺘﻲ ﺍﻟﺸﻴﻄﺎﻥ ﺑﻌﻴﻨﻪ ﺍﺭﻳﺪ ﺍﻟﻠﻪ ﻳﺎﺧﺬﻧﻲ ﻭﺍﺧﻠﺺ ﻣﻨﺞ ﻛﺮﻫﺖ ﻋﻴﺸﺘﻲ ..
ﻟﺠﺠﺠﺞ ﻟﻴﻴﻴﻴﺶ ﺷﻤﺴﻮﻳﻠﺠﺠﺞ ﻭﻣﺘﺮﻳﺪﻳﻠﻲ ﺍﻟﺴﻌﺎﺩﺓ ﻓﻬﻤﻴﻴﻴﻴﻨﻲ ﻳﻮﻭﻭﻭﻭﻡ ﺷﻄﺎﻟﺐ ﻣﻨﺞ ﺑﻨﺖ ﺍﺧﻮﻭﻭﺝ ﺣﺒﻴﺘﻬﺎﺍﺍ ﻛﻔﺮﺕ ﺧﻮﻣﺎ ﻛﻔﺮﺕ ﻣﻦ ﺧﺮﺭﺭﺭﺏ ﺣﻈﻲ ﺍﻧﺘﻲ ﻫﻴﺞ ﻭﻫﻲ ﻋﺮﻣﺔ ﻟﺴﺎﻧﻬﺎ ﻃﻮﻟﻪ ﻣﺘﺮﻳﻦ ﻣﻮ ﻋﺒﺎﻟﻚ ﻃﻮﻟﻬﺎ ﺷﺒﺮ ﻭﻧﺺ
_ ﺩﻣﺸﻲ ﻟﻚ ﺻﺎﻳﺮ ﺭﺟﺎﻝ ﻭﺟﺎﻱ ﻳﺼﻴﺢ ﻋﻠﻴﻪ ﺑﻴﻚ ﺧﻴﺮ ﺟﺎﻥ ﺍﺧﺘﺎﺭﻳﺖ ﻭﺣﺪﻩ ﺑﺮﺃﺳﻬﺎ ﺧﻴﺮ ﻣﻮ ﻭﺣﺪﻩ ﺑﻼ ﺍﺧﻼﻕ
_ ﺑﺴﺴﺴﺲ ﻟﺨﺎﻃﺮ ﺭﺑﺞ ﺷﻨﻮﻭﻭﻭ ﺍﻧﺘﻲ ﻣﺪﻳﺖ ﺍﻳﺪﻱ ﻉ ﻣﻘﺪﻣﺔ ﺍﻟﻘﻤﻴﺺ ﻣﺎﻝ ﺍﻟﺒﺪﻟﺔ ﺳﺤﺒﺘﻬﺎ ﺑﻘﻮﺓ ﺍﺗﺸﻠﻌﺖ ﺍﻟﺪﻛﻢ ﺍﺧﺘﻨﻜﺖ ﺍﺭﻳﺪ ﻫﻮﺍ ﺍﺣﺲ ﻧﻔﺴﻲ ﺿﺎﻕ .
ﺍﻧﺼﺪﻣﺖ ﻣﻦ ﺷﺎﻓﺘﻨﻲ ﻫﻴﺞ ﻇﻠﺖ ﺗﺪﻋﻲ ﻋﻠﻰ ﻋﺒﻴﺮ : ﺍﻥ ﺷﺎﺀﺍﻟﻠﻪ ﻳﻮﻡ ﺍﻻﺷﻮﻓﻬﺎ ﺑﺘﺎﺑﻮﺕ ﻫﻲ ﻭﺍﻣﻬﺎ ﻭﺍﺧﻠﺺ ﻣﻨﻬﻦ ﺭﺍﺡ ﻳﻤﻮﺕ ﺍﺑﻨﻲ ﺑﺴﺒﺒﻬﻦ ﺍﻟﺴﺎﻗﻄﺎﺕ
ﺗﺨﺒﻠﺖ ﻣﻦ ﺳﻤﻌﺘﻬﺎ ﺩﻋﺖ ﻛﻤﺖ ﺍﺩﻙ ﻉ ﺻﺪﺭﻱ ﻭﻣﺎﺍﻋﺮﻑ ﺷﺤﺠﻴﺖ ﻭﺷﺨﺮﺑﻄﺖ ﺑﺲ ﻓﺰﺯﺗﻨﻲ ﻭﻫﻲ
ﺗﺪﻋﻲ ﻋﻠﻴﻪ
_ ﻟﻚ ﺍﻧﺖ ﺍﺑﻦ ﻋﺎﻕ ﺣﺮﺍﻣﺎﺕ ﺗﻌﺒﻲ ﺑﻴﻚ ﺣﺮﺍﻣﺎﺕ ﺣﺒﻠﺖ ﺑﻴﻚ ﻳﻮﻡ ﺍﻟﻴﺠﻴﺒﻮﻙ ﺍﻟﻴﻪ ﻣﻠﻔﻮﻑ ﺑﺎﻟﻌﻠﻢ ﻭﺍﺗﺤﻨﻪ ﺑﺪﻣﻚ
ﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﺎ ﺩﻓﺮﺕ ﺍﻟﺒﺎﺏ ﻣﺎﻝ ﺍﻟﺼﺎﻟﻪ ﻭﻃﻠﻌﺖ ﺍﻣﺸﻲ ﻭﺍﻋﺜﺮ ﺍﺭﻳﺪ ﺍﻭﺻﻞ ﻟﻌﺒﻴﺮ ﺍﻛﻮﻟﻬﺎ ﺍﺧﺬﺝ ﻭﺍﺭﻭﺡ ﻻﺧﺮ ﺍﻟﺪﻧﻴﺎ ﻣﻌﻠﻴﻪ ﻻ ﺑﺄﻣﻲ ﻭﻻ ﺑﺄﻫﻠﻲ
ﺍﻧﺘﻲ ﺍﻫﻠﻲ ﺻﻴﺮﻟﻲ ﺍﻫﻞ ﻭﺍﺻﻴﺮﻟﺞ ﺍﻟﺪﻧﻴﺎ ﻛﻠﻬﺎ ﻋﻮﺿﻴﻨﻲ ﻋﻦ ﺣﻨﺎﻥ ﺍﻣﻲ ﺍﻟﻔﺎﻗﺪﻩ ﺍﻋﺮﻑ ﺍﻧﺘﻲ ﻛﺘﻠﻪ ﻣﺎﻝ ﺣﻨﺎﻥ ﺑﺲ ﺧﺎﻓﻴﻪ ﻫﺬﺍ ﺍﻟﺸﻲ ﻭﻋﺎﻛﺴﻪ ﺟﺎﻧﺐ ﻗﺎﺳﻲ ﺣﺘﻰ ﻣﺘﺒﻴﻨﻴﻦ ﺍﻧﺘﻲ ﺿﻌﻴﻔﻪ ... ﻭﻭﻭﻛﻼﻡ ﻫﻮﺍﻱ ﺍﺭﻳﺪ ﺍﻛﻮﻟﻪ ﺍﻟﻬﺎ .
ﺍﻧﺘﺒﻪ ﻋﻠﻰ ﻧﻔﺴﻪ ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﻧﺰﻝ ﻳﺮﻛﺾ ﺑﺎﺗﺠﺎﻩ ﺑﻴﺖ ﻋﻤﻲ ﺗﺤﺴﻴﻦ ، ﻟﺤﻜﺘﻪ ﺑﻨﻔﺲ ﺍﻟﺴﺮﻋﺔ ﻭﺻﻠﻨﺎ ﻟﺒﻴﺖ ﻋﻤﻲ ﻇﻞ ﻗﺴﻮﺭ ﻳﺪُﻙ ﺍﻟﺒﺎﺏ ﺑﺠﻨﻮﻥ ..
ﺛﻮﺍﻧﻲ ﻭﻃﻠﻌﺘﻠﻪ ﻋﺒﻴﺮ ﺑﺲ ﺷﺎﻓﺘﻪ ﻇﻠﺖ ﺗﺒﺎﻭﻋﻠﻪ ﺑﻜﻞ ﻗﺴﻮﺓ ﻭﺷﻤﻮﺥ ﻭﻋﺒﺎﻟﻚ ﺩﺗﺘﺸﻔﻰ ﺑﻌﻤﺘﻲ ﻣﻦ ﺧﻼﻟﻪ
ﻛﻠﻠﻬﺎ ﺍﺭﻳﺪ ﺍﺣﺠﻲ ﻭﻳﺎﺝ
ﺟﺎﻭﺑﺘﻪ ﺑﻘﺴﻮﺓ ﺍﻛﺜﺮ ؛ - ﻭﺍﻧﻲ ﻣﺎﺍﺭﻳﺪ ﺍﺣﺠﻲ ﻭﻳﺎﻙ ﺧﻠﺺ ﻛﻠﻤﻦ ﻳﺮﻭﺡ ﻟﺤﺎﻟﻪ ﻣﺎﻛﻮ ﻗﺴﻤﺔ ﻭﻧﺼﻴﺐ ﻭﺧﻠﻲ ﺍﻣﻚ ﺗﻔﻴﺪﻙ
ﻣﻮ ﺍﻟﺒﺎﺭﺣﻪ ﺳﻮﻳﺘﻬﺎ ﺑﺮﺍﺳﻲ ﺍﺣﺴﻦ ﺍﻡ ﺑﺎﻟﺪﻧﻴﺎ ﺭﻭﺡ ﺧﻠﻲ ﺗﺰﻭﺟﻚ ﻉ ﺍﻳﺪﻫﺎ ﺍﻧﻲ ﻣﺎﺍﻓﻴﺪﻙ ﻭﻉ ﻛﻮﻟﺘﻬﺎ ﺍﻣﻲ ﻣﺴﺘﺮﺟﻠﻪ ﻭﺍﻧﻲ ﻣﺴﺘﻬﺘﺮﺓ
ﻛﻤﻠﺖ ﻛﻼﻣﻬﺎ ﻭﺭﺍﺩﺕ ﺗﺴﺪ ﺍﻟﺒﺎﺏ ﺑﻮﺟﻬﻨﺎ ﺩﻓﻌﻪ ﻋﻠﻴﻬﺎ ﻫﻲ ﻣﺪﺕ ﺭﺍﺳﻬﺎ ﺑﺎﻭﻋﺘﻨﻲ ؛ - ﻛﺮﺍﺭ ﺍﺧﺬﻩ ﻭﺭﻭﺡ ﺭﻭﻭﺣﻮﺍ ﻣﺎﺭﻳﺪ ﺍﺷﻮﻭﻓﻪ ..
ﺑﻌﺼﺒﻴﺔ ﺣﺎﺟﻴﺘﻬﺎ : ﻭﻟﺞ ﻋﺒﻴﺮ ﺍﺳﻤﻌﻲ ﻣﻨﻪ ﺍﺣﺴﻦ ﻟﺘﺨﺴﺮﻳﻦ ﺣﺒﻪ ﺑﻌﺪ ﻣﺘﻠﻜﻴﻦ ﻣﺜﻠﻪ ﻟﻮ ﺗﺪﻭﺭﻳﻦ ﺍﻟﺪﻧﻴﺎ ﻛﻠﻬﺎ ﺗﺮﻯ ﺑﺎﻳﻊ ﺍﻟﺪﻧﻴﺎ ﻛﻠﻬﺎ ﻭﺷﺎﺭﻳﺞ ﺍﻧﺘﻲ ﻣﺘﻌﺮﻓﻴﻦ ﺍﻟﻌﺴﻜﺮﻱ ﻣﻦ ﻳﺤﺐ ﺍﻧﻲ ﺍﻋﺮﻑ ﻭﺷﻔﺖ ﻫﺎﻟﺤﺐ ﺑﺄﺑﻮﻳﻪ ﻭﺷﻠﻮﻥ ﻳﺤﺐ ﺍﻣﻲ ..
ﺍﺣﺠﻲ ﻭﻳﺎﻫﻪ ﻗﺎﻓﻠﺔ ﻣﺘﻘﺘﻨﻊ ﻭﻗﺴﻮﺭ ﻳﺪﻓﻊ ﺑﺎﻟﺒﺎﺏ ﺍﺭﻳﺪ ﺍﻫﺪﻱ ﻣﺎﻳﻔﻴﺪ ، ﺩﻓﻊ ﺍﻟﺒﺎﺏ ﻣﺼﺮ ﻳﺮﻳﺪ ﻳﺤﺠﻲ ﻭﻳﺎﻫﺎ
ﺍﻧﻔﺘﺢ ﺍﻟﺒﺎﺏ ﻭﻫﻴﻪ ﺭﻛﻀﺖ ﻓﺎﺗﺖ ﺟﻮﻩ ﻭﺳﺪﺕ ﺑﺎﺏ ﺍﻟﺼﺎﻟﻪ ﻟﺤﻜﻬﺎ ﺣﺎﻭﻝ ﻳﻘﻨﻌﻬﺎ ﺗﻔﺘﺢ ﺍﻟﺒﺎﺏ ﻣﺎﻛﻮ ﻗﻔﻠﺖ
ﻇﻞ ﻳﺪﻓﺮ ﺑﺎﻟﺒﺎﺏ ﻗﻔﻞ ﻟﺰﻣﺘﻪ ﺣﻴﻞ ﺑﺲ ﺍﺭﻳﺪ ﺍﻃﻠﻌﻪ ﻣﻦ ﺑﻴﺘﻬﻢ ﻣﺎ ﺍﻛﺪﺭﺕ ، ﻇﻞ ﻳﺼﻴﺢ ﺑﺼﻮﺕ ﻋﺎﻟﻲ : ﻟﺠﺠﺠﺞ ﺍﻧﺘﻲ ﺟﻬﻨﻢ ﺟﺤﻴﻴﻴﻢ ﺍﻧﺖ ﺍﺑﺘﻼﺀ ﺍﻟﻴﻪ ، ﺗﺪﻭﺳﻴﻦ ﻋﻠﻰ ﮔﻠﺒﻲ ﻭﻋﻠﻴﻪ ﻭﺍﺭﺟﻊ ﺍﺣﺒﺞ ﺍﻛﺜﺮ ﻭﺍﻟﻘﺮﺃﻥ ﺍﺫﺍ ﻣﺎﻓﺘﺤﺘﻲ ﺍﻟﺒﺎﺏ ﺍﺑﺘﻠﻲ ﺑﻴﺞ ﺍﻟﻴﻮﻡ
ﻋﺒﻴﺮ : ﺷﻔﺘﻪ ﻓﻘﺪ ﻛﺎﻡ ﻳﺪﻓﺮ ﺑﺎﻟﺒﺎﺏ ﻭﻳﺤﺠﻲ ﻭﺻﻮﺗﻪ ﺍﻧﺒﺢ ﺍﻭﻝ ﻣﺮﺓ ﺍﺷﻮﻓﻪ ﻗﺴﻮﺭ ﺑﻬﻴﺞ ﺿﻌﻒ ﺑﺲ ﻣﻊ ﺫﻟﻚ ﺟﻨﺖ ﺭﺍﻓﻀﻪ ﻣﻮﺿﻮﻉ ﺍﺭﺗﺒﻂ ﺑﻲ ﻗﻔﻠﺖ ﻓﻜﺮﺕ ﺍﺫﺍ ﺍﺗﺰﻭﺟﻪ ﺍﻣﻪ ﻭﻛﺤﻪ ﻭﺍﻧﻲ ﺻﻠﻔﻪ ﻣﺴﺘﺤﻴﻞ ﺣﻴﻌﻴﺶ ﻣﺮﺗﺎﺡ ﺑﻴﻨﺎﺗﻨﻪ ﻓﻜﺮﺕ ﺑﻲ ﻫﻮ ﻣﻮ ﺑﻴﻪ ..
ﺍﺫﺍ ﺗﺰﻭﺟﻨﺎ ﻫﻲ ﺍﻣﻪ ﻭﺍﻧﻲ ﺯﻭﺟﺘﻪ ﺣﻴﺎﺗﻪ ﺣﺘﺼﻴﺮ ﺗﻌﻴﺴﺔ ﻓﻀﻠﺖ ﺍﺑﺘﻌﺪ ﻣﻦ ﺍﻟﺒﺪﺍﻳﺔ ﻭﻻ ﺍﺗﺰﻭﺟﻪ ﻭﺍﻓﺸﻞ ﻣﻮ ﻛﻮﻟﺸﻲ ﺑﺎﻟﺤﻴﺎﺓ ﻧﺮﻳﺪﻩ ﻧﺤﺼﻞ ﻋﻠﻴﻪ ﺻﺢ ﻗﺴﻮﺭ ﺑﻲ ﻛﻞ ﺍﻟﻤﻮﺍﺻﻔﺎﺕ ﺍﻻﺣﺒﻬﺎ ﺑﺲ ﺍﻛﻮ ﺍﻣﻮﺭ ﺍﻗﻮﻯ ﺗﺠﺒﺮﻧﻲ ﻣﺎﺍﻗﺒﻞ ﺑﻲ ﺑﻌﺪ ﺍﻟﺼﺎﺭ ﺍﻟﻴﻮﻡ
ﻓﺰﺯﺗﻨﻲ ﺩﻓﺮﺍﺗﻪ ﻉ ﺍﻟﺒﺎﺏ ﺣﻴﻞ ﻭﻛﻼﻣﻪ ﻭﻫﻮ ﻳﺤﺠﻲ ﺑﺼﻮﺕ ﺗﻌﺒﺎﻥ : ﺭﺍﺡ ﺍﺗﺮﻛﺞ ﺑﻠﻜﻲ ﺍﻟﺰﻣﻦ ﻳﻄﻴﺐ ﮔﻠﺒﻲ ﻭﻳﻌﺎﻟﺞ ﺟﺮﺣﻪ ﺑﺲ ﻟﺘﺼﺪﻛﻴﻦ ﺗﺘﻮﻓﻘﻴﻦ ﻭﺍﻧﻲ ﻧﻔﺴﻲ ﺑﻴﺞ ﻭﻣﺎ ﺭﺍﺡ ﺍﺿﻌﻒ ﻭﺍﺗﺮﻛﺞ ﺑﻬﺎﻱ ﺍﻟﺴﻬﻮﻟﻪ ﻻ ﺭﺍﺡ ﺍﺑﺘﻌﺪ ﻣﺆﻗﺖ ﺣﺘﻰ ﺗﻌﻴﺪﻳﻦ ﺣﺴﺎﺑﺎﺗﺞ ﻣﻮ ﻗﺴﻮﺭ ﺍﻟﻴﺘﺮﻙ ﺷﻲ ﻣﻠﻜﻪ ﺍﻧﺘﻲ ﻣﺎﻟﺘﻲ ﻭﺍﻟﻴﺎﺧﺬﺝ ﺍﺧﻠﻲ ﻃﻠﻘﻪ ﺑﺮﺃﺳﻪ
ﺳﻤﻌﺖ ﺻﻮﺕ ﺧﻄﻮﺍﺗﻪ ﻭﻫﻮ ﻳﺒﺘﻌﺪ ﻭﻛﺮﺍﺭ ﻳﺤﺠﻲ ﻭﻳﺎﻩ ﻳﻜﻮﻟﻪ ﺍﺗﺮﻛﻬﺎ ﺑﻌﺪﻫﺎ ﻣﻌﺼﺒﻪ ﻣﻦ ﻛﻼﻡ ﺍﻣﻚ ﺍﺫﺍ ﺍﻣﻚ ﻃﺎﻋﻨﺘﻬﺎ ﺑﺸﺮﻓﻬﺎ ﺷﻲ ﻃﺒﻴﻌﻲ ﻳﺼﻴﺮ ﻋﺪﻫﺎ ﺭﺩﺓ ﻓﻌﻞ ...
ﺻﺎﺭ ﺻﻮﺗﻬﻢ ﺑﻌﻴﺪ ﺑﺎﻭﻋﺖ ﻣﻦ ﺍﻟﺸﺒﺎﻙ ، ﺷﻔﺖ ﻛﺮﺍﺭ ﻻﺯﻣﻪ ﻭﻣﺎﺧﺬﻩ ﺑﺎﺗﺠﺎﻩ ﺍﻟﺒﺎﺏ ، ﺍﻟﺘﻔﺘﺖ ﻛﺮﺍﺭ ﺑﺎﻭﻋﻠﻲ ﺑﺄﺳﻰ ﺍﺟﺖ ﻋﻴﻨﻲ ﺑﻌﻴﻨﻪ ﻭﻫﺰ ﺭﺍﺳﻪ ﺑﻌﺪﻡ ﺭﺿﻰ ﺳﺪﻳﺖ ﺍﻟﺸﺒﺎﻙ ﻭﺧﻠﻴﺖ ﺭﺍﺳﻲ ﻋﻠﻴﻪ ، ﺳﻤﻌﺖ ﺻﻮﺕ ﺍﻟﺒﺎﺏ ﺍﻟﺮﺋﻴﺴﻲ ﺍﻧﺴﺪﺕ ...
ﻛﻌﺪﺕ ﻭﺭﺍ ﺍﻟﺒﺎﺏ ﺍﺑﺠﻲ ﻗﻬﺮﻧﻲ ﻣﻨﻈﺮ ﻗﺴﻮﺭ ﻭﺷﻜﻠﻪ ﺑﺲ ﻟﻬﻨﺎ ﻭﺑﺲ ﻛﻠﻤﻦ ﻳﺸﻮﻑ ﺣﻴﺎﺗﻪ ﻟﻮﻳﺶ ﺍﻇﻠﻤﻪ ﻭﺍﻇﻠﻢ ﻧﻔﺴﻲ ﺩﻋﻴﺘﻠﻪ ﺍﻥ ﺷﺎﺀﺍﻟﻠﻪ ﻳﻠﻜﻲ ﺑﻨﺖ ﺍﻟﺤﻼﻝ ﺍﻟﻲ ﺗﺴﻌﺪﻩ ﻭﺗﻨﺴﻲ ﻭﺗﻌﻮﺿﻪ ﻭﺍﻧﻲ ﺍﻧﻄﻔﻲ ﺑﺤﻴﺎﺗﻪ ﻣﺜﻞ ﺷﻤﻌﺔ ﺣﺎﺻﺮﺗﻬﺎ ﺍﻟﺮﻳﺎﺡ ﻭﻫﻴﺞ ﺍﺣﺴﻦ ﻟﻠﻜﻞ .
ﻧﺰﻟﺖ ﻣﺮﻳﻢ ﺑﺎﻭﻋﺘﻠﻲ ﻋﻴﻮﻧﻬﺎ ﻣﻨﻌﺴﺔ ﻭﺗﺘﺜﺎﺋﺐ : ﺷﻨﻮ ﻫﺬﺍ ﺍﻟﺼﻮﺕ ﻋﺒﺎﻟﻲ ﺻﻮﺕ ﺍﻟﺘﻠﻔﺰﻳﻮﻥ ﻭﺑﻌﺪﻳﻦ ﺷﺒﻴﺞ ﺗﺒﺠﻴﻦ
ﺑﺎﻭﻋﺘﻠﻬﺎ ﺑﺎﻉ ﺣﻈﻲ ﻫﺎﻱ ﺍﺫﺍ ﻳﺠﻴﻨﺎ ﺣﺮﺍﻣﻲ ﻭﻫﻲ ﺑﺎﻟﺒﻴﺖ ﻳﺒﻮﻛﻬﺎ ﻭﻳﺼﻌﺪﻫﺎ ﺑﺎﻟﺴﻴﺎﺭﺓ ﻭﻫﻲ ﻉ ﻧﻮﻣﺘﻬﺎ ﻓﺎﺻﻠﺔ ﺭﺏ ﺍﻟﺤﻠﻮ ﺗﺮﻛﺘﻬﺎ ﻭﺻﻌﺪﺕ ﺍﺣﻮﺍﻝ ﺍﻧﺎﻡ ﻭﻣﻨﻈﺮ ﻗﺴﻮﺭ ﻣﻴﺮﻭﺡ ﻣﻦ ﻛﺪﺍﻣﻲ .
***
ﺻﻔﺎﺀ : ﺑﻌﺪ ﺍﺳﺒﻮﻉ ﺧﺎﺑﺮﻧﻲ ﺻﺪﻳﻘﻲ ﺍﻟﻜﻠﻔﺘﻪ ﻋﻠﻤﻮﺩ ﺍﻟﺮﻗﻢ ﻛﺎﻝ ﺍﻟﺨﻂ ﻣﺴﺠﻞ ﺑﺄﺳﻢ ﺑﺜﻴﻨﺔ ﻋﺒﺎﺱ ﺗﺸﻜﺮﺕ ﻣﻨﻪ ﻭﺳﻠﻤﺖ ﻋﻠﻴﻪ ﻳﻌﻨﻲ ﺍﻟﺨﻂ ﺑﺄﺳﻢ ﺍﺧﺖ ﺭﺍﻓﺪ ﻣﻌﻨﺎﻫﺎ ﺷﻜﻮﻛﻲ ﺻﺤﻴﺤﺔ ﺍﻟﻜﻠﺐ ﻣﺨﻠﻲ ﻋﻴﻨﻪ ﻋﻠﻰ ﺯﻭﺟﺘﻲ ﺍﺫﺍ ﻣﺎﺧﻠﻴﺖ ﺩﻣﻪ ﺑﻄﻮﻟﻪ ﻣﻮ ﺍﺑﻦ ﺍﺑﻮﻳﻪ ﺍﻧﻲ ...
ﺭﺟﻌﺖ ﻟﻠﺒﻴﺖ ﺻﺎﺭﺕ ﺑﻮﺟﻬﻲ ﺯﻫﺮﺍﺀ ﻭﺟﻬﻪ ﺗﻌﺒﺎﻥ ﻭﺍﺻﻔﺮ ﻭﻃﺒﻌﺎً ﻫﺬﺍ ﺍﻻﺳﺒﻮﻉ ﺧﻠﺺ ﻣﺸﺎﺣﻨﺎﺕ ﺑﻴﻨﺎﺗﻨﺎ ﻛﻠﻤﺔ ﻭﺣﺪﻩ ﻣﺎﺍﺗﺤﻤﻞ ﻣﻨﻬﺎ ﺑﺴﺮﻋﻪ ﺍﻋﻴﻂ ﺑﻴﻬﺎ ﺯﻳﻦ ﻭﻣﻨﻬﺎ ﻣﺘﺤﻤﻠﺘﻨﻲ .
ﺑﺎﻭﻋﺘﻠﻲ ﺍﺟﺖ ﻋﻠﻴﻪ ﺣﺠﺖ ﺑﺘﻌﺐ : ﺍﻟﻠﻪ ﻳﺴﺎﻋﺪﻙ
ﺑﺒﺮﻭﺩ ﺟﺎﻭﺑﺘﻬﺎ ؛ ﻫﻠﻮ ..
_ ﺟﻮﻋﺎﻥ ﺍﺣﻀﺮﻟﻚ ﺍﻻﻛﻞ
_ ﺗﻐﺪﻳﺘﻲ ﺍﻧﺘﻲ؟
_ ﻻ ﺩﺍﺍﻧﺘﻈﺮﻙ ﺑﺲ ﻋﻤﻮ ﻭﻋﻤﻪ ﺍﻛﻠﻮﺍ ﻭﺩﺧﻠﻮﺍ ﻧﺎﻣﻮﺍ
_ ﺍﺳﺒﺢ ﻭﺍﻧﺰﻝ ﺑﻴﻦ ﻣﺎ ﺗﺤﻀﺮﻳﻦ ﺍﻻﻛﻞ .
_ ﺍﻥ ﺷﺎﺀﺍﻟﻠﻪ ..
ﺻﻌﺪﺕ ﺳﺒﺤﺖ ﻭﻧﺰﻟﺖ ﻟﻜﻴﺘﻬﺎ ﻣﺤﻀﺮﺓ ﺍﻻﻛﻞ ﻭﻛﺎﻋﺪﻩ ﻉ ﺍﻟﻤﻴﺰ ﻭﺻﺎﻓﻨﻪ ﻓﺰﺕ ﻣﻦ ﺻﻔﻨﺘﻬﺎ ﻋﻠﻰ ﺻﻮﺕ ﺳﺤﺒﺔ ﺍﻟﻜﺮﺳﻲ .
ﺑﺎﻭﻋﺘﻠﻬﺎ ﺑﺸﻜﻮﻙ ﻭﺳﺄﻟﺘﻬﺎ ﺷﺒﻴﺞ ﺷﻮ ﻭﺟﻬﺞ ﺗﻌﺒﺎﻥ ﻭﺷﺎﺣﺐ ؟
ﻭﺧﺮﺕ ﺍﻳﺪﻫﺎ ﻣﻦ ﺟﻮﻩ ﺧﺪﻫﺎ ﻭﺟﺎﻭﺑﺘﻨﻲ ؛ - ﻣﺎﺍﺩﺭﻱ ﺷﻮ ﺩﺍﻳﺨﻪ ﻭﻣﺎﺑﻴﻪ ﺣﻴﻞ ﻭﻋﻨﺪﻱ ﺍﻣﺘﺤﺎﻥ ﻭﻟﻌﺒﺎﻧﻪ ﻧﻔﺴﻲ ﻣﻦ ﺍﻟﺪﺭﺍﺳﺔ ﻛﻮﻟﺶ ﺻﻌﺒﺔ
ﺳﻜﺘﺖ ﻣﺎﺟﺎﻭﺑﺘﻬﺎ ، ﻛﻤﻠﻨﺎ ﺍﻛﻠﻨﺎ ﻭﺍﺣﻨﺎ ﺳﺎﻛﺘﻴﻦ
ﺧﻠﺼﺖ ﻛﻤﺖ ﻋﻠﻰ ﺣﻴﻠﻲ ؛ ﻛﻤﻠﻲ ﺷﻐﻠﺞ ﻭﻟﺤﻜﻴﻨﻲ ﻟﻠﻐﺮﻓﺔ ..
ﻫﺰﺕ ﺭﺍﺳﻬﺎ ﻭﺗﺒﺎﻭﻋﻠﻲ ﻣﺤﺘﺎﺭﺓ ، ﺻﻌﺪﺕ ﺍﻧﻲ ﻟﻠﻐﺮﻓﺔ
ﻭﻛﻌﺪﺕ ﺍﻧﺘﻈﺮﻫﺎ ، ﻭﺭﺍ ﺷﻮﻳﻪ ﺍﺟﺖ ، ﻭﻛﻔﺖ ﺗﺒﺎﻭﻋﻠﻲ ﻣﺤﺘﺎﺭﺓ .
ﺍﺷﺮﺗﻠﻬﺎ ﺗﻌﺎﻟﻲ ، ﺍﺣﺖ ﻭﻛﻔﺖ ﻳﻢ ﺍﻟﺴﺮﻳﺮ ، ﻛﻤﺖ ﻋﻠﻰ ﺣﻴﻠﻲ ﻭﺷﻐﻠﺖ ﺗﺴﺠﻴﻞ ﺍﻟﺼﻮﺕ ﻣﺎﻝ ﺍﻟﻤﻜﺎﻟﻤﻪ ﺳﻤﻌﺘﻬﺎ ﺻﻮﺕ ﺻﺪﻳﻘﻲ ﻧﺼﻴﺮ ..
ﺳﻤﻌﺘﻪ ﻛﻠﻪ ﺭﻣﺸﺖ ﻋﺪﺓ ﺭﻣﺸﺎﺕ ﻭ ﻇﻠﺖ ﺻﺎﻓﻨﻪ ﺗﺒﺎﻭﻋﻠﻲ ﻣﺘﻮﺗﺮﺓ ..
ﺭﻓﻌﺘﻠﻬﺎ ﺗﻚ ﺣﺎﺟﺐ ﻭﺍﺑﺎﻭﻋﻠﻬﺎ ﺑﺸﺮﺍﺳﺔ ﻭﻧﻈﺮﺍﺗﻲ ﺗﺄﻣﺮﻫﺎ ﻭﺗﺮﻳﺪ ﺗﺒﺮﻳﺮ ..
_ ﺻﻔﺎﺀ ﻭﺍﻟﻠﻪ ﻣﻤﺒﻴﻦ ﻋﻠﻴﻪ ﻫﻴﺞ ﺷﻤﺪﺭﻳﻨﻲ ﻫﻮ ﺷﻨﻮ ﺑﺪﺍﺧﻠﻪ ﺍﺷﻮ ﻣﺒﻴﻦ ﺍﻧﺴﺎﻥ ﻟﻄﻴﻒ ﻭﻣﺤﺘﺮﻡ ﻭﻫﻮ ﻳﺘﻌﺎﻣﻞ ﻭﻳﺎ ﺍﻟﻜﻞ ﻣﺜﻞ ﻣﻴﺘﻌﺎﻣﻞ ﻭﻳﺎﻳﻪ
ﺑﺎﻭﻋﺘﻠﻬﺎ ﻛﻮﺓ ﻭﺍﻛﻔﻪ ﻛﻞ ﺷﻮﻳﻪ ﺗﺮﻳﺪ ﺗﻮﻛﻊ ﻟﺰﻣﺘﻬﺎ ﻛﻌﺪﺗﻬﺎ ﻋﻠﻰ ﺍﻟﺠﺮﺑﺎﻳﻪ ﺟﻨﺖ ﺑﺎﺭﺩ ﺑﺘﻌﺎﻣﻠﻲ ﻭﻳﺎﻫﺎ ﻫﻲ ﻓﻄﻴﺮﺓ ﻭﺩﺍﺋﻤﺎ ﺗﺎﺧﺬ ﺍﻟﻨﺎﺱ ﻉ ﻧﻴﺘﻬﺎ ﻳﻌﻨﻲ ﺗﺸﻮﻑ ﻛﻞ ﺍﻟﻨﺎﺱ ﺧﻮﺵ ﻧﺎﺱ ﺳﻜﺘﺖ ﻋﻨﻬﺎ ﺑﺲ ﺗﺤﻠﻔﺖ ﻟﺬﺍﻙ ﺍﻟﻌﺎﺭ ﺍﻧﻲ ﺍﻟﻪ
ﺭﺣﺖ ﻟﺒﻴﺘﻬﻢ ﺳﺄﻟﺖ ﻋﻨﻪ ﻛﺎﻟﻮﺍ ﻣﺴﺎﻓﺮ ﺧﺎﺭﺝ ﺑﻐﺪﺍﺩ
ﻭﺭﺍ ﺷﻬﺮ ﺻﺎﺩﻑ ﻣﺤﺮﻡ ﻭﺩﻧﻴﺎ ﺷﻮﻳﻪ ﺑﺎﺭﺩﺓ
ﻭ ﺑﻠﻴﻠﺔ ﻋﺎﺷﻮﺭﺍﺀ ﻋﺪﻧﺎ ﻃﺒﺦ ﻭﺍﺣﻨﻪ ﺑﻄﺒﻴﻌﺘﻨﺎ ﻣﻦ ﻧﻄﺒﺦ ﺍﻻﻗﺎﺭﺏ ﻛﻠﻬﺎ ﺗﻠﺘﻢ ﻋﺪﻧﺎ ، ﻻﻥ ﻃﺒﺨﻨﺎ ﺿﺨﻢ .
ﻟﺒﺴﺖ ﺩﺷﺪﺍﺷﺔ ﺳﻮﺩﺓ ﻭﻟﻔﻴﺖ ﺍﻟﻴﺸﻤﺎﻍ ﻟﻔﺔ ﻧﺴﻤﻴﻬﺎ ﭼﺮﺍﻭﻳﻪ ..
ﺷﺎﻓﺘﻨﻲ ﺳﺖ ﺯﻫﺮﺍﺀ ﺳﻮﺗﻠﻲ ﺣﻔﻠﻪ ؛ - ﺍﻧﺘﻪ ﺷﻨﻮ ﺗﻠﺒﺲ ﻫﻴﺞ ﻭﺗﻄﻠﻊ ﻭﻳﻤﻜﻦ ﺗﺠﻲ ﺍﺳﺮﺍﺀ ﻭﺗﺸﻮﻓﻚ ﺗﺮﻳﺪ ﺗﺠﺬﺏ ﺍﻟﺒﻨﺎﺕ ﺍﻧﺖ ﻣﺘﻌﻠﻢ ﺗﺸﻠﻊ ﮔﻠﺒﻲ؟
_ ﺍﺳﺮﺍﺀ ﺗﺠﻲ ؟؟ ﺷﺒﻴﺞ ﺍﻧﺘﻲ ﺧﺒﻠﺔ ﻻ ﻻ ﻭﺣﺪﺓ ﻣﻦ ﺍﻻﺛﻨﻴﻦ ﺍﻧﺘﻲ ﻟﻮ ﺧﺒﻠﺔ ﻟﻮ ﺧﺒﻠﺔ .
ﺑﻠﻌﺜﻤﺔ ﻛﺎﻟﺖ ؛ ﺍﻱ ﺍﺫﺍ ﻣﺘﺠﻲ ﻳﺠﻦ ﺑﻨﺎﺕ ﺧﺎﻻﺗﻚ ﻭﻳﺮﺣﻦ ﻳﻮﻛﻠﻠﻠﻬﺎ ﺻﻔﺎﺀ ﻫﻴﺞ ﻻﺑﺲ ﺍﻧﺘﻪ ﺗﺮﻳﺪ ﻫﻴﺞ ﻣﻮﻭ ؟؟
_ ﺍﻭﻭﻭ ﺷﻮﻥ ﺗﻔﻜﻴﺮ ﺗﻔﻜﻴﺮﺝ ﻭﻟﺞ ﻫﺴﻪ ﺍﻧﻲ ﺷﻼﺑﺲ ﺯﻱ ﺍﻟﻮﺯﻳﺮ ﺩﻃﻴﺮﺭﺭﻱ ﻭﻭﺧﺮﻱ ﻣﻦ ﻛﺪﺍﻣﻲ .
ﻃﻠﻌﺖ ﺑﺴﺮﻋﺔ ﻣﻦ ﺍﻟﻐﺮﻓﺔ ﻭﺭﺣﺖ ﺟﻮﺓ ، ﺍﻟﺒﻴﺖ ﻣﻠﻴﺎﻥ ﺍﻗﺎﺭﺑﻨﺎ ﻃﻠﻌﺖ ﺑﺮﻩ ﻳﻢ ﺍﻟﻮﻟﺪ ﺷﻮﻳﻪ ﻭﺭﺟﻌﺖ ﺳﺎﻋﺪﺗﻬﻢ ﺑﺎﻟﻄﺒﺦ .
ﻃﺒﻴﺖ ﺍﺭﻳﺪ ﺍﺭﻭﺡ ﻟﻠﻤﻄﺒﺦ ﺍﺟﻴﺐ ﺍﻟﻤﺼﻔﺎﺓ ﺍﻟﺠﺒﻴﺮﺓ ﺣﺘﻰ ﻧﺒﺰﻝ ﺍﻟﺘﻤﻦ ، ﺩﻧﻴﺎ ﺍﻟﻠﻴﻞ ﻭﺍﺣﻨﻪ ﺑﻬﺬﺍ ﺍﻟﻴﻮﻡ ﻧﺤﺞ ﻟﻠﺼﺒﺢ ﻧﻮﺍﺳﻲ ﻋﻘﻴﻠﺔ ﺑﻨﻲ ﻫﺎﺷﻢ ﻧﺎﺱ ﺗﻄﺒﺦ ﺣﺘﻰ ﺗﻮﺯﻉ ﺛﺎﻧﻲ ﻳﻮﻡ ﺑﺜﻮﺍﺏ ﺍﻻﻣﺎﻡ ﻭﻧﺎﺱ ﺗﻘﺮﺃ ﻗﺮﺃﻥ ﻭﻧﺎﺱ ﺗﺴﻤﻊ ﻣﺤﺎﺿﺮﺓ ﻭﺗﺒﺠﻲ .
ﻃﺒﻴﺖ ﺍﻛﻮ ﻣﻨﻮﺭ ﻳﻢ ﺍﻟﻤﻄﺒﺦ ﺩﺍ ﺍﻓﻮﺕ ﺳﻤﻌﺖ ﺻﻮﺕ ﻫﻤﺲ ﺍﺗﻘﺮﺑﺖ ﺳﻤﻌﺖ ﺻﻮﺕ ﺭﺍﻓﺪ ﺩﻳﺤﺠﻲ ، ﺑﺎﻭﻋﺖ ﺷﻔﺖ ﺯﻫﺮﺍﺀ ﻭﺍﻛﻔﺔ ﻳﻤﻪ ، ﺍﺳﺘﻌﺮﺕ ﺍﻟﺸﻜﻮﻙ ﺑﺪﺍﺧﻠﻲ
ﺧﺘﻠﺖ ﺑﺎﻟﺠﻬﻪ ﺍﻟﺜﺎﻧﻴﺔ ﺣﺘﻰ ﻣﺤﺪ ﻳﺸﻮﻓﻨﻲ .
ﻭﺑﻘﻴﺖ ﻭﺍﻛﻒ ﺍﺭﻳﺪ ﺍﺳﻤﻌﻪ ﺷﻴﺤﺠﻲ ﻭﺑﺪﺍﺧﻠﻲ ﺑﺮﻛﺎﻥ ﻭﻣﺸﺘﻌﻞ ﻫﺬﺍ ﺷﺠﺎﺑﻪ ﻭﻣﻨﻮ ﻋﺰﻣﻪ ﻛﺘﻤﺖ ﺍﻧﻔﺎﺳﻲ ﺑﻌﺼﺒﻴﺔ
ﺳﻤﻌﺘﻪ ﻳﻜﻮﻟﻠﻬﺎ -: ﻭﺍﻟﻠﻪ ﺯﻫﺮﺍﺀ ﺍﻧﻲ ﺩﺍ ﺍﺣﺠﻴﻠﺞ ﺍﻟﺤﻘﻴﻘﺔ ﻫﺎﻱ ﻣﺸﺎﻋﺮﻱ ﺍﻟﺞ ﻣﻦ ﺍﻭﻝ ﻳﻮﻡ ﺷﻔﺘﺞ ﺑﻲ ﺯﻫﺮﺍﺀ ﺍﻧﻲ ﻛﻠﺶ ﺣﺎﺑﺞ ﻭﺍﻟﻠﻪ !!!!
ﻳﺘﺒﻊ ...