#ﻓﻲ_ﺷﺮﻳﻌﺔ_ﺍﻟﻌﺸﻖ
ﻧﻮﺭﺍ ﻧﺎﺻﺮ
#بارت٣
ﺑﺎﺑﺎ ﻇﻞ ﻳﺪﻙ ﻉ ﺍﻟﺒﺎﺏ ﺑﻘﻮﺓ ﻭﻋﺼﺒﻴﺔ ﺛﻮﺍﻧﻲ ﻳﻠﻠﻪ ﻃﻠﻌﺖ ﻫﺒﺔ ﻣﺘﻮﺗﺮﺓ ﺗﺒﺎﻭﻉ ﻉ ﺍﻟﻮﺟﻮﻩ ﺍﻟﻜﺪﺍﻣﻬﺎ ﻭﺗﻨﺼﻲ ..
ﺑﺲ ﻃﻠﻌﺖ ﻛﻠﻠﻬﺎ ﺑﺎﺑﺎ ..
ﺷﻌﻨﺪﺝ ﻫﻨﺎ ﺑﺎﻟﻤﻜﺘﺐ ﻗﺎﻓﻠﺔ ﻋﻠﻴﺞ ﺍﻟﺒﺎﺏ ﻭﺷﻌﻨﺪﺝ ﺑﺎﻟﺒﻴﺖ ﺍﺻﻼ ﺍﻧﻲ ﻣﻮ ﻛﻠﺖ ﻣﺘﺠﻴﻦ ﺑﻌﺪ ﺷﻬﺎﻟﺘﺼﺮﻑ ﻫﺬﺍ ؟
ﺟﺎﻭﺑﺘﻪ -: ﻭﺍﻟﻠﻪ ﺍﺑﻮ ﺯﻫﺮﺍﺀ ﺟﻨﺖ ﺩﺍ ﺍﻧﻈﻔﻪ ..
ﻛﺎﻟﺘﻠﻬﺎ ﺍﻣﻲ -: ﺗﻨﻈﻔﻲ ؟؟ ﺯﻫﺮﺍﺀ ﺗﻜﻮﻝ ﻣﻦ ﺍﻟﺼﺒﺢ ﻟﻬﺴﻪ ﻭﻗﺎﻓﻠﺔ ﻋﻠﻴﺞ ﺍﻟﺒﺎﺏ ؟
_ ﻻ ﻭﺍﻟﻠﻪ ﻗﺒﻞ ﺷﻮﻳﻪ ﻫﺎﻱ ﺯﻫﺮﺍﺀ ﺟﺬﺍﺑﺔ ..
_ ﺟﺬﺍﺑﺔ ﺷﻨﻮ ﺍﺣﺘﺮﻣﻲ ﻧﻔﺴﺞ ﺍﻧﺖ ﺑﻨﺺ ﺑﻴﺘﻨﺎ ﺍﺳﺘﺤﻲ ﺷﻮﻳﺔ ﻭﻟﺞ ﻫﻮ ﺍﻧﻲ ﻭﺑﻨﺎﺗﻪ ﺑﺲ ﻧﺪﺧﻞ ﻟﻠﻤﻜﺘﺐ ﺍﻣﺞ ﺍﻟﻲ ﻫﻲ ﺍﻣﺞ ﻣﻴﻘﺒﻞ ﺗﺪﺧﻞ ﺍﻧﺘﻲ ﺷﻨﻮ ﻣﻦ ﺻﻼﻓﻪ ﻋﻨﺪﺝ
ﻭﻗﻠﺔ ﺗﺮﺑﻴﺔ ﺍﺩﺑﺴﺰ ﺍﻣﺸﻲ ﺍﻃﻠﻌﻲ ﺑﺮﺍ ﺑﻴﺘﻲ ..
ﺑﺎﺑﺎ ﻋﺎﻁ ﺑﺄﻣﻲ ﻛﺎﻟﻠﻬﺎ ﺍﺳﻜﺘﻲ ﻋﻴﻴﺐ ﻟﺘﺼﻴﺤﻴﻦ ..
ﺍﻡ ﺣﺴﻴﻦ -: ﺍﻣﺴﺤﻮﻫﻪ ﺑﻴﻪ ﻭﺍﻧﻲ ﺍﻋﺘﺬﺭ ﻭﻫﺴﻪ ﺍﺧﺬﻫﻪ ﻟﻠﺒﻴﺖ ﻭﺑﻌﺪ ﻣﺎ ﺍﺧﻠﻴﻬﺎ ﺗﺠﻲ ﻭﻋﺪ ﻋﻠﻴﻪ ..
ﻭﺧﺰﺭﺕ ﺑﻨﺘﻬﺎ ﻭﺟﺮﺗﻬﺎ ﻣﻦ ﺍﻳﺪﻫﺎ ﺭﺍﺣﺖ ﻟﺒﺴﺖ ﻋﺒﺎﻳﺘﻬﺎ ﻭﻃﻠﻌﺖ ..
ﺍﻣﻲ ﻛﺎﻟﺖ ﻟﺒﺎﺑﺎ ﻫﺎﻱ ﻫﺒﺔ ﺑﻌﺪ ﻣﺎ ﺍﺭﻳﺪﻫﺎ ﺍﺑﻴﺘﻲ ﻧﻬﺎﺋﻴﺎ ﻭﺍﻣﻬﺎ ﻫﻤﺎﺗﻴﻦ ﻣﺒﻴﻨﻪ ﺗﺪﺭﻱ ﺑﺴﻮﺍﻟﻒ ﺑﻨﺘﻬﺎ ﻫﺬﻧﻲ ﺍﻻﺛﻨﻴﻦ ﻣﺎ ﺍﺭﻳﺪﻫﻢ ﺑﻌﺪ ﺍﺑﻴﺘﻲ ﻭﺗﺮﻳﺪ ﺗﺴﺎﻋﺪﻫﻢ ﻭﺩﻳﻠﻬﻢ ﻓﻠﻮﺱ ﻟﻠﺒﻴﺖ ﻭﺧﻠﺼﻨﺎ ﺑﻼ ﺩﻭﺧﺔ ﺭﺍﺱ ..
ﺟﺎﻭﺑﻬﺎ ﺑﺎﺑﺎ ﺑﻬﺪﻭﺀ ﺧﻠﺺ ﺍﻫﺪﻱ ﺑﺴﻴﻄﺔ ﻣﺼﺎﺭ ﺷﻲ ﻻﺗﻌﺼﺒﻴﻦ .. ﺑﻌﺪ ﻟﺤﻈﺎﺕ ﺻﻤﺖ
ﺗﻜﻠﻢ ﺑﺎﺑﺎ ﻭﻛﺎﻝ ﺣﻀﺮﻭ ﻧﻔﺴﻜﻢ ﺑﺎﺟﺮ ﻧﺮﻭﺡ ﻟﺒﻴﺖ ﺍﺑﻮ ﺻﻔﺎﺀ ﻣﻌﺰﻭﻣﻴﻦ ﻉ ﺍﻟﻐﺪﺍ ..
_ ﺧﻴﺮ ﺍﻥ ﺷﺎﺀﺍﻟﻠﻪ ..
ﻧﻐﺰﻧﻲ ﮔﻠﺒﻲ ﺑﺎﻭﻋﺖ ﻻﻣﻲ ﺑﺮﺟﺎﺀ ﻭﺣﺰﻥ ﺑﻨﻔﺲ ﺍﻟﻮﻗﺖ
ﺗﻐﺪﻳﻨﺎ ﻭﺧﻠﺼﻨﺎ ﻭﺻﺎﺭ ﺍﻟﻠﻴﻞ ﺑﻌﺪ ﺍﻟﻌﺸﺎ ﻭﺩﺍ ﺍﺳﺎﻋﺪ ﻣﺎﻣﺎ ﻧﻐﺴﻞ ﻣﻮﺍﻋﻴﻦ ﻭﻧﻌﺰﻝ ﺑﺎﻟﻤﻄﺒﺦ ..
ﻛﺘﻠﻬﺎ ﺷﻨﺴﻮﻱ ﻧﺮﻭﺡ ﻟﺒﻴﺖ ﻋﻤﻮ ﺑﺎﺟﺮ ؟
_ ﻋﺎﺯﻣﻴﻨﺎ ﻛﻠﻨﺎ ﻋﻤﺎﻣﺞ ﻭﻋﻤﺎﺗﺞ ﻳﺮﺩﻭﻥ ﻳﺘﻨﺎﻗﺸﻮﻥ ﺑﺨﻄﺒﺔ ﺻﻔﺎﺀ ﻭﺍﺳﺮﺍﺀ ..
_ ﻭﺍﺣﻨﺎ ﺷﻌﻠﻴﻨﺎ ﺑﻴﻬﻢ ؟؟ ﺻﻴﺤﺖ ﺑﺪﻭﻥ ﻭﻋﻲ ﻣﻨﻲ
.. ﺍﻧﺘﺒﻬﺖ ﻋﻠﻰ ﺣﺎﻟﻲ ﻭﺩﻧﻜﺖ ﺳﻮﻳﺖ ﻧﻔﺴﻲ ﻣﺸﻐﻮﻟﺔ ﺍﻣﺴﺢ ﺍﻟﻜﺎﻭﻧﺘﺮ ..
_ ﺯﻫﺮﺍﺍﺍﺀ .. ﺻﺎﺣﺖ ﻋﻠﻴﻪ ﺍﻣﻲ ﺑﻨﺒﺮﺓ ﺣﺰﻡ
ﻭﻛﻤﻠﺖ ﻛﻼﻣﻬﺎ .. ﺍﺣﻨﺎ ﺷﻨﻮ ﻛﻠﻨﺎ ﺑﺨﺼﻮﺹ ﻫﺬﺍ ﺍﻟﻤﻮﺿﻮﻉ ؟ ..
_ ﺍﺳﻔﺔ ﻣﺎﻣﺎ ..
_ ﻫﻮ ﻏﻴﺮ ﺍﺑﻮﺝ ﻋﻤﻪ ﻟﺼﻔﺎﺀ ﻳﺼﻴﺮ ﺷﻨﻮ ﻧﺴﻴﺘﻲ ﻏﻴﺮ ﻳﺘﻔﻘﻮﻥ ﻛﻠﻬﻢ ﺧﺎﻑ ﻭﺍﺣﺪ ﻋﻨﺪﻩ ﺷﻲ ..
ﻫﺰﻳﺖ ﺭﺍﺳﻲ ﻭﺑﻠﻌﺖ ﺭﻳﻜﻲ ..
ﻛﺘﻠﻬﺎ ﺗﺮﺩﻳﻦ ﺷﻲ ﺑﻌﺪ ﺭﺍﻳﺤﺔ ﺍﻗﺮﺍ .
_ ﻻ ﺳﻼﻣﺘﺞ ﺭﻭﺣﻲ ﺍﻗﺮﻱ ﻭﺭﻛﺰﻱ .. ﺯﻳﻴﻦ ؟
ﺑﺎﻭﻋﺘﻠﻬﺎ ﻧﻈﺮﺍﺗﻬﺎ ﺑﻴﻬﺎ ﺗﺤﺬﻳﺮ ﺭﻋﺒﺘﻨﻲ ﻃﻠﻌﺖ ﻣﻦ ﺍﻟﻤﻄﺒﺦ ﻏﺴﻠﺖ ﺍﻳﺪﻱ ﻭﺻﻌﺪﺕ ﻟﻔﻮﻙ ..
ﻳﻮﻡ ﺛﺎﻧﻲ ﺩﺍﻭﻣﺖ ﻭﺭﺟﻌﺖ ﻟﻠﺒﻴﺖ ﻭﺍﺷﻮﻓﻬﻢ ﻳﺤﻀﺮﻭﻥ ﻳﺮﺩﻭﻥ ﻧﺮﻭﺡ ﻟﺒﻴﺖ ﻋﻤﻮ ﺍﺑﻮ ﺻﻔﺎﺀ ﻭﺍﻧﻲ ﻣﺎﻟﻲ ﺧﻠﻚ ﺣﺘﻰ ﺍﺑﺪﻝ ﻣﻼﺑﺲ ﺍﻟﻤﺪﺭﺳﺔ .. ﻣﺪﺩﺕ ﻉ ﺟﺮﺑﺎﻳﺔ ﺑﺼﺪﺭﻳﺘﻲ ﻭﺣﺘﻰ ﺍﻟﺠﻮﺍﺭﻳﺐ ﻣﺎﻧﺰﻋﺘﻬﻢ ..
ﻓﺎﺗﺖ ﻣﺎﻣﺎ ﻭﺍﺧﻮﺍﺗﻲ ﻣﺒﺪﻻﺕ ﻭﻣﺸﻄﺎﺕ .. ﺷﺎﻓﺘﻨﻲ ﺍﻣﻲ ﺗﻔﺎﺟﺄﺕ .. ﻛﺎﻟﺖ ﻟﺞ ﺯﻫﺮﺍﺀ ﺑﻌﺪﺝ ﻣﺎﻣﺒﺪﻟﺔ ﺷﻤﻨﺘﻈﺮﺓ ﻟﻬﺴﻪ ﻟﺞ ﺭﺍﺡ ﻧﺮﻭﻭﺡ ﻟﺞ ﺯﻫﺮﺍﺀ ﻻ ﺗﺨﺒﻠﻴﻨﻲ ﻛﺪﺍﻣﻲ ﻳﻠﻪ ..
ﻛﻤﺖ ﺑﻜﺴﻞ ﻛﺘﻠﻬﺎ ﻣﺎﻣﺎ ﻋﻔﻴﺔ ﺑﺲ ﻫﻠﻤﺮﺓ ﺧﻠﻴﻨﻲ ﺍﺑﻘﻰ ﻣﺎ ﺍﺭﻭﺡ ..
ﺍﺷﺮﺕ ﻟﻌﺒﻴﺮ ﻭﻣﺮﻳﻢ ﻳﻄﻠﻌﻦ ﻳﻨﺘﻈﺮﻥ ﺟﻮﺍ .. ﻃﻠﻌﻦ ﺳﺪﺕ ﺍﻟﺒﺎﺏ ﻭﺍﺟﺖ ﻳﻤﻲ ﻛﺎﻟﺖ ﻣﻴﺼﻴﺮ ﻫﻴﻪ ﻣﻮ ﻛﻞ ﻣﺮﺓ ﻳﺎ ﺍﻣﻲ ﻛﻠﻤﺎ ﻧﺮﻭﺡ ﻭﺍﻧﺖ ﻣﺘﺮﻭﺣﻴﻴﻦ ﺍﺭﻳﺪﺝ ﺗﺒﻴﻨﻴﻦ ﻟﺼﻔﺎﺀ ﺍﻧﻮ ﺍﻟﺴﺎﻟﻔﺔ ﺍﻧﺴﺖ ﻭﺭﺍﺣﺖ ﻭﺻﺎﺭ ﻣﻴﻬﻤﺞ ﻟﺘﺨﻠﻴﻨﻬﻢ ﻳﺸﻜﻮﻥ ﺑﻴﺞ ..
_ ﺑﺲ ﻣﺎﻣﺎ ﺍﻧﺖِ ﺣﺎﺳﺔ ﺑﻴﻪ ﻣﻮ ؟
ﺣﺠﻴﺘﻬﺎ ﺑﻨﺒﺮﺓ ﺗﻨﺬﺭ ﺑﺒﻜﺎﺀ ﻗﺮﻳﺐ ..
ﻛﺎﻟﺖ -: ﺍﻱ ﻭﻟﻬﺬﺍ ﺍﺭﻳﺪﺝ ﻣﺘﻤﺎﺳﻜﺔ ﻭﻗﻮﻳﺔ ﺍﻧﻲ ﻣﺼﺮﺓ ﺍﺧﺬﺝ ﻭﻳﺎﻳﻪ ﺍﺭﻳﺪﺝ ﺗﺘﻌﻮﺩﻳﻦ ﻭﻳﺼﻴﺮ ﻋﻨﺪﺝ ﻋﺎﺩﻱ ﺍﻟﻤﻮﺿﻮﻉ ..
_ ﺧﻠﺺ ﻣﺜﻞ ﻣﺘﺮﺩﻳﻦ ﻫﺴﻪ ﺭﺍﺡ ﺍﻛﻮﻡ ﺍﺑﺪﻝ ..
_ ﻋﻔﻴﺔ ﺑﻨﺘﻲ ﻭﺑﺴﺮﻋﺔ ﻻﻥ ﺍﺑﻮﺝ ﺩﻳﻨﺘﻈﺮﻧﺎ ﺟﻮﻩ ..
ﻃﻠﻌﺖ ﻣﺎﻣﺎ ﻭﺍﻧﻲ ﻛﻤﺖ ﻛﻮﺓ ﻣﺴﻴﻄﺮﺓ ﻋﻠﻰ ﻧﻔﺴﻲ
ﻟﺒﺴﺖ ﻗﻤﻴﺺ ﻭﺑﻨﻄﺮﻭﻥ ﻭﺭﻓﻌﺖ ﺷﻌﺮﻱ ﻟﻴﻔﻮﻙ ..
ﻧﺰﻟﺖ ﺟﻮﺍ ﻟﺒﺴﺖ ﺣﺬﺍﺋﻲ ﻭﺗﺒﻌﺘﻬﻢ ﺷﻔﺘﻬﻢ ﺩﻳﻨﺘﻈﺮﻭﻧﻲ ﻗﻔﻠﺖ ﺍﻟﺒﺎﺏ ﻭﻓﺘﺖ ﺑﺎﻟﺴﻴﺎﺭﺓ ..
ﻭﺻﻠﻨﺎ ﻟﺒﻴﺖ ﻋﻤﻮ ﺍﻭﻝ ﻭﺍﺣﺪ ﺷﻔﻨﺎ ﺿﻴﺎﺀ ﺍﺑﻦ ﻋﻤﺘﻲ
ﺗﻠﻜﺎﻧﻪ ﻭﺳﻠﻢ ﻋﻠﻰ ﺑﺎﺑﺎ
ﻛﺎﻝ ﺍﻫﻠﻲ ﻫﻢ ﺍﺟﻮﻱ ﻭﺟﺎﻥ ﻛﻠﺶ ﻓﺮﺣﺎﻥ ﻻﻥ ﺯﻭﺟﺘﻪ ﺣﺎﻣﻞ ﺍﻭﻝ ﻃﻔﻞ ﺑﻌﺪ ٥ ﺳﻨﻮﺍﺕ ﺯﻭﺍﺝ ﻭﺍﻧﺘﻈﺎﺭ ﻭﻋﻼﺝ ﻭﺍﻃﺒﺎﺀ ﻭﻫﻮ ﻛﻠﺶ ﻳﺤﺐ ﺍﻻﻃﻔﺎﻝ ﻟﺬﻟﻚ ﺟﺎﻥ ﻃﺎﻳﺮ ﻃﻴﺮ ﺑﺰﻭﺟﺘﻪ ..
ﺩﺧﻠﻨﺎ ﺟﻮﺍ ﻭﺳﻠﻤﻨﺎ ﻋﻠﻴﻬﻢ ﺍﻟﻜﻞ ﻣﻮﺟﻮﺩﻳﻦ .. ﻓﺎﺕ ﺻﻔﺎﺀ ﺳﻠﻢ ﻓﺮﺣﺎﻥ ﻭﺍﻟﻀﺤﻜﺔ ﺗﺎﺭﺳﻪ ﻭﺟﻬﻪ ..
ﻛﺎﻝ ﻣﺪﺍﻡ ﻛﻠﻜﻢ ﻣﺘﺠﻤﻌﻴﻦ ﻫﺴﻪ ﺩﻣﺸﻮ ﻫﺴﻪ ﻧﺨﻄﺒﻬﺎ ﻟﻠﻤﺤﺮﻭﺳﺔ ..
ﺟﺎﻭﺑﻪ ﺿﻴﺎﺀ ﻟﻚ ﻋﻠﻰ ﺷﻨﻮ ﻣﺴﺘﻌﺠﻞ ﺍﺻﺒﺮ ﻟﻠﺠﻤﻌﺔ .
ﺻﻔﺎﺀ -: ﺩﺍ ﺍﺷﻮﻓﻚ ﻫﻮﺍﻱ ﺻﺒﺮﺕ ﻣﻦ ﺷﻔﺖ ﺳﻮﺳﻦ ﺍﺷﻮ ﺑﻴﻮﻡ ﺍﻟﻲ ﻛﺘﻠﻲ ﺷﻔﺘﻬﺎ ﺑﺎﻟﻜﻠﻴﺔ ﺑﻨﻔﺲ ﺍﻻﺳﺒﻮﻉ ﺩﺯﻳﺖ ﻋﻠﻴﻬﺎ ﺍﻟﻨﺴﻮﺍﻥ ﻣﻮ ﺯﻳﻦ ﻣﻨﻲ ﺻﺒﺮﺕ ﻛﻞ ﻫﺎﻟﺴﻨﻴﻦ ﻛﻠﻤﺎ ﺍﺭﻳﺪ ﺍﺧﻄﺐ ﺗﻄﻠﻌﻠﻲ ﺳﺎﻟﻔﺔ ﺻﻔﺢ ﻧﻮﺏ ﺣﺮﺏ ﻧﻮﺏ ﺍﺧﻮﻫﻪ ﻳﺤﻘﺮ ﻭﻳﺎﻳﻪ ﻧﻮﺏ ﻣﺪﺭﻱ ﺷﻨﻮ ﻭﻫﺴﻪ ﻣﺴﺘﺮ ﺿﻴﺎﺀ ﻳﺮﻳﺪﻧﻲ ﺍﺍﺟﻠﻬﻬﺎ ..
ﻛﺎﻡ ﺿﻴﺎﺀ ﻣﺪ ﺍﻳﺪﻩ ﻟﺤﻠﻜﻪ ﻋﻮﺩ ﻳﺨﻴﻄﻪ ﻭﻛﺎﻝ ﻳﺎ ﻛﻠﻤﺔ ﺭﺩﻱ ﻟﻤﻜﺎﻧﺞ ﺻﺎﺭﺕ ﺑﻴﻬﺎ ﻓﻀﺎﻳﺢ ﻳﺎﺑﻪ ﺷﻌﻠﻴﻪ ﺑﻴﻚ ..
ﻋﻤﻮ ﺍﺑﻮ ﺻﻔﺎﺀ ﻛﺎﻝ ﺍﺣﻨﺎ ﺣﺪﺩﻧﺎ ﺍﻟﺠﻤﻌﺔ ﺷﻨﻮ ﻧﺮﻭﺡ ﺍﻟﻬﻢ ﻫﺴﻪ ﻣﻮ ﻋﻴﺐ ﻧﺎﺱ ﺑﻌﺪﻫﻢ ﻣﺎ ﻣﺴﺘﻌﺪﻳﻦ ﻭﻫﺴﻪ ﺭﺍﺡ ﺗﺼﻴﺮ ﺍﻟﺴﺒﻌﺔ ﺑﺎﻟﻠﻴﻞ ﺍﺷﻮ ﺍﻛﻌﺪ ﻭﺍﺳﻜﺖ ﺻﻔﺎﺀ ﺻﺒﺮﺕ ﻫﺎﻟﺴﻨﻴﻦ ﺍﺻﺒﺮ ﻣﻨﺎﻧﻪ ﻟﻠﺠﻤﻌﺔ ﺍﺣﺴﻦ ..
ﺻﻔﺎﺀ ﻛﺎﻋﺪ ﻉ ﺍﻟﺘﺨﻢ ﻭﺷﺎﺑﻚ ﺍﺻﺎﺑﻌﻪ ﻭﻣﺪﻧﻚ ﻭﻳﻬﺰ ﺭﺍﺳﻪ ﺑﺮﺿﻰ ﺑﺲ ﻫﻮ ﺍﻟﻌﻜﺲ ﻭﻛﺎﻝ ﺻﺎﺭ ﻳﺎﺑﻪ ﺑﺲ ﺗﺮﺓ ﻣﻨﺮﻳﺪ ﻧﺘﻌﺒﻬﻢ ﻛﻞ ﻳﻮﻡ ﺟﺎﻳﻴﻦ ﻧﺮﻭﺡ ﺍﻟﻴﻮﻡ ﻓﺪ ﻣﺮﺓ ..
ﺿﻴﺎﺀ -: ﻻ ﻭﺍﻟﻠﻪ ﻧﺠﻲ ﻳﻮﻣﻴﻪ ﺷﻌﺪﻧﻪ ﺷﻮﺭﺍﻧﻪ ﻫﻮ ﻃﺒﺦ ﺧﺎﻟﺘﻲ ﻳﺘﻔﻮﺕ ﺍﺷﻮ ﺗﻨﻮﻛﻞ ﺍﻻﺻﺎﺑﻊ ﻭﻳﺎ ..
ﺻﻔﺎﺀ -: ﺍﻧﺖ ﺟﺎﻱ ﺗﺸﺒﻊ ﺑﻄﻨﻚ ﻭﺗﻮﻟﻲ ﻣﻮ؟
_ ﻭﺑﻄﻦ ﺍﺑﻨﻲ ﻫﻤﺎﺗﻴﻦ .. ﻭﻣﺪ ﺍﻳﺪﻩ ﻟﺒﻄﻦ ﻣﺮﺗﻪ ﻳﻤﺴﺢ ﻋﻠﻴﻬﺎ ﻭﻳﻀﺤﻚ ..
_ ﻟﻚ ﻫﻴﻪ ﻛﻠﻬﺎ ﺧﻤﺲ ﺳﻨﻮﺍﺕ ﻣﺼﺎﺭ ﻋﻨﺪﻙ ﻃﻔﻞ ﺍﺷﻮ ﺧﺒﺼﺘﻨﺎ ﺧﺒﺺ ﻏﻴﺮﻙ ١٥ ﻭ٢٠ ﺳﻨﺔ ﻭﻣﺴﻮﻭ ﻣﺜﻠﻚ ..
_ ﻟﻚ ﺣﺘﻰ ﻉ ﺍﻟﻔﺮﺣﺔ ﻟﺤﻜﺘﻨﻲ ﺩﺧﻠﻴﻨﻲ ﺍﻓﺮﺡ ..
_ ﺍﻓﺮﺡ ﺍﻓﺮﺡ ﻗﺎﺑﻞ ﻻﺯﻣﻚ ﺑﺲ ﻻﺗﺨﺒﺼﻨﺎ ..
ﺯﻫﺮﺍﺀ .. ﺍﻧﻲ ﺑﻘﻴﺖ ﻻﺯﻛﺔ ﺑﺄﻣﻲ ﻭﻣﺎ ﺍﺣﺠﻲ ﻭﻻ ﻛﻠﻤﺔ ﺑﺲ ﺍﺑﺎﻭﻉ ﺑﻌﻴﻮﻧﻲ ﻭﺍﻧﺼﻲ .. ﻭﺍﺷﻮﻑ ﺻﻔﺎﺀ ﻣﺸﺎﻳﻠﺘﻪ ﺍﻟﻜﺎﻉ ﻣﻦ ﺍﻟﻔﺮﺣﺔ ﻭﺑﺲ ﻳﺤﺠﻲ ﺑﺨﻄﻮﺑﺘﻪ ﺍﺳﻮﻱ ﻫﻴﺞ ﻭﺍﺟﻴﺐ ﻫﻴﺞ ﻭﺍﻧﻲ ﺍﻋﺮﻑ ﺍﻭﺻﻒ ﺷﻌﻮﺭﻱ .. ﻣﺮﺓ ﺍﻛﻮﻝ ﺍﻧﻲ ﻓﺮﺣﺎﻧﺔ ﻟﻔﺮﺣﺘﻪ ﻭﻣﺮﺓ ﺍﺗﻤﻨﺎﻩ ﺍﻟﻲ ﻭﺍﻛﻮﻥ ﻣﻜﺎﻥ ﺍﺳﺮﺍﺀ ﺍﻧﻲ ﺑﺲ ﻣﺎ ﺍﻋﺮﻑ ﺷﻨﻮ ﺍﻟﻲ ﻣﻀﻤﻮﻡ ﺍﻟﻴﻪ ..
ﺧﻠﺼﻨﺎ ﻋﺸﻰ ﻭﺍﻣﻲ ﻛﻠﺘﻠﻲ ﻛﻮﻣﻲ ﺷﻴﻠﻲ ﺍﻟﺼﺤﻮﻧﺔ ﻭﻳﺎﻫﻢ
ﻛﻤﺖ ﺍﺷﻴﻠﻬﻢ ﻭﻭﺍﻭﺩﻳﻬﻢ ﻟﻠﻤﻄﺒﺦ ﺑﺎﻟﻤﻤﺮ ﺍﻟﻲ ﻳﻮﺩﻱ ﻟﻠﻤﻄﺒﺦ ﻗﻄﻊ ﻃﺮﻳﻘﻲ ﺻﻔﺎﺀ ..
ﻛﺎﻝ ﻫﺎ ﻭﻟﺞ ﺑﻮﻣﻪ ﺍﺷﻮ ﺣﺘﻰ ﻣﺸﻔﺘﺞ ﺳﻠﻤﺘﻲ ﻋﻠﻴﻪ ..
ﺳﻮﻳﺖ ﺍﺣﻢ ﻭﻛﺘﻠﻪ ﺳﻠﻤﺖ ﻋﻠﻴﻚ ﺑﺲ ﺍﻧﺖ ﻣﺎﺳﻤﻌﺘﻨﻲ ..
ﺑﺎﻭﻋﻠﻲ ﺑﻌﻴﻦ ﻭﻧﺺ ﻭﻛﺎﻝ ﻣﺘﺄﻛﺪﺓ ؟
ﺩﻧﻜﺖ ﻭﺻﺪﻳﺖ ﻧﻈﺮﺍﺗﻪ ﺧﺎﻑ ﻳﻜﺸﻔﻨﻲ ﺍﻛﺬﺏ
ﻛﺘﻠﻪ ﺍﻱ ﻭﻫﺰﻳﺖ ﺭﺍﺳﻲ ..
ﻛﺎﻝ ﺷﻌﺠﺐ ﺟﺎﻳﻪ ﻛﻞ ﻣﺮﺓ ﻣﺘﺠﻴﻦ ؟
_ ﺷﻨﻮ ﻣﺘﺮﻳﺪﻧﻲ ﺍﺟﻲ ؟
_ ﻻ ﻣﻮ ﻫﻴﺞ ﻓﻬﻤﺘﻲ ﻏﻠﻂ ، ﺍﻱ ﺷﻠﻮﻧﺞ ﺑﺎﻟﻤﺪﺭﺳﺔ ﻫﺎﻟﺴﻨﺔ ﺍﻧﺖ ﺭﺍﺑﻊ ﻋﺎﻡ ﻣﻮ ؟
_ ﺍﻱ .. ﺯﻳﻨﺔ ﺭﺍﻳﺤﺔ ﺍﻭﺩﻱ ﺍﻟﻤﻮﺍﻋﻴﻦ ﻟﻠﻤﻄﺒﺦ ﺍﻳﺪﻱ ﺗﻌﺒﺖ ..
ﻋﻔﺘﻊ ﻭﻣﺸﻴﺖ ﻛﺎﻝ ﺍﻱ ﺷﺮﺩﻱ ﺷﺮﺩﻱ ..
ﺑﻌﺪﻫﻪ ﻛﻌﺪﻭﺍ ﻳﺘﻨﺎﻗﺸﻮﻥ ﺑﻤﻮﺿﻮﻉ ﺧﻄﺒﺔ ﺻﻔﺎﺀ ﻭﺍﻧﻲ ﺣﺴﻴﺖ ﺍﻟﺪﻣﻌﺔ ﻭﺍﻛﻔﺔ ﺑﻨﺺ ﻋﻴﻨﻲ ﺗﻨﺘﻈﺮﻧﻲ ﺍﺭﻣﺶ ﻟﺤﺘﻰ ﺗﻮﻛﻊ ..
ﺧﻠﻴﺖ ﻭﻛﻤﺖ ﻣﻦ ﻳﻤﻬﻢ ﻭﺍﺣﺲ ﺍﻟﻜﻞ ﺑﺎﻭﻋﻠﻲ ﺑﺲ ﻣﻬﺘﻤﻴﺖ ﻓﺘﺖ ﺟﻮﺓ ﺑﻐﺮﻓﺔ ﻫﺪﻳﺮ ﺍﺧﺖ ﺻﻔﺎﺀ ﻭﻛﻌﺪﺕ ﺍﺳﻮﻱ ﻧﻔﺴﻲ ﺍﻋﺪﻝ ﺷﻌﺮﻱ ﻭﺍﺳﺘﻐﻠﻴﺘﻬﺎ ﻓﺮﺻﺔ ﻭﺣﺪﻱ ﻛﺎﻋﺪﺓ ﺑﺠﻴﺖ ﻭﻛﻔﻜﻔﺖ ﺩﻣﻮﻋﻲ ..
ﺑﻔﻴﺖ ﻫﻨﺎﻙ ﻟﺤﺪ ﻣﺎ ﺻﺎﺣﺖ ﻋﻠﻴﻪ ﻣﺎﻣﺎ ﻭﻛﺎﻟﺖ ﻳﻠﻠﻪ ﺩﻧﺮﻭﺡ ﻃﻠﻌﺖ ﻣﻦ ﺍﻟﻐﺮﻓﺔ ﻭﻣﺎﺑﺎﻭﻋﺖ ﺑﻮﺟﻪ ﺍﺣﺪ ﻻﻥ ﺍﺣﺲ ﺑﻌﻴﻮﻧﻲ ﺟﻤﺮ ..
ﺑﻌﺪ ﺑﺲ ﺍﻟﻴﻮﻡ ﻭﺑﺎﺟﺮ ﻭﺍﻟﺠﻤﻌﺔ ﻳﺨﻄﺐ ﻭﻳﺼﻴﺮ ﺍﻟﻬﺎ ﺣﻼﻟﻬﺎ ﻣﻠﻜﻬﺎ ﺑﺲ ﻏﻴﺮ ﻳﻘﺘﻨﻊ ﮔﻠﺒﻲ .. !!!
ﻳﻮﻡ ﺍﻟﺨﻤﻴﺲ ﺟﻨﺖ ﺑﺤﺎﻟﺔ ﻳﺮﺛﻰ ﻟﻬﺎ ﺍﺗﻤﻨﻰ ﻳﻤﺮ ﻫﺎﻟﻴﻮﻡ ﻣﺜﻞ ﺍﻟﺤﻠﻢ ﻭﺍﺧﻠﺺ ﻣﻨﻪ ﺍﺧﺬﺗﻨﺎ ﻣﺎﻣﺎ ﻟﻠﺴﻮﻙ ﻭﺍﺷﺘﺮﻳﻨﺎ ﻣﻼﺑﺲ ﻟﺤﻔﻠﺔ ﺻﻔﺎﺀ ..
ﺭﺣﺖ ﻭﻳﺎﻫﻪ ﺑﻼ ﻧﻔﺲ ﻭﻣﺨﺘﺎﺭﻳﺖ ﺷﻲ ﻛﻠﻪ ﺍﻣﻲ ﺍﺧﺘﺎﺭﺕ ﻭﺍﻧﻲ ﺍﻛﺘﻔﻴﺖ ﺑﻜﻠﻤﺔ ﻛﻴﻔﺞ ﻭﺍﻗﻴﺴﻬﻢ ﻋﻠﻴﻪ ﻣﺜﻞ ﺍﻟﻠﻌﺒﺔ ﻫﻴﻪ ﻣﺎﻣﺎ ﺗﺤﺮﻛﻨﻲ ﻭﺗﺸﻮﻑ ﺍﻟﻘﻴﺎﺱ ﺍﻧﻲ ﺍﺑﺪ ﻣﺎ ﺍﻟﻲ ﺭﺃﻱ ...
ﺭﺟﻌﻨﺎ ﻟﻠﺒﻴﺖ ﻭﻣﺎ ﺍﻋﺮﻑ ﺷﻠﻮﻥ ﻧﻤﺖ ﺍﻟﻠﻴﻞ ﺍﺻﻼ ﻣﺎﻧﻤﺖ ﺑﺲ ﺍﺗﻘﻠﺐ ﻭﺍﺑﺠﻲ ﻭﻛﻠﺴﺎﻉ ﺍﻛﻮﻡ ﺍﺣﺲ ﺷﻲ ﺑﺪﺍﺧﻠﻲ ﻳﺠﻮﻳﻨﻲ ..
ﺍﻟﺼﺒﺢ ﺍﺟﺘﻲ ﺍﻣﻲ ﻛﻌﺪﺗﻨﻲ ﺍﺻﻼ ﺟﻨﺖ ﻛﺎﻋﺪﺓ ..
ﻭﺍﻧﻲ ﺟﻮﺓ ﺍﻟﺒﻄﺎﻧﻴﺔ ﺳﻤﻌﺘﻬﺎ ﺗﻜﻮﻝ ﻭﻟﺞ ﻣﺎﻣﺎ ﺯﻫﺮﺍﺀ ﺷﺼﺎﺭ ﺑﻴﺞ ﻟﻬﺴﻪ ﻧﺎﻳﻤﺔ ﺩﻳﻠﻠﻪ ﻛﻮﻣﻲ ﻧﺮﻭﺡ ﻟﺒﻴﺖ ﻋﻤﺞ ﻭ ﻧﺘﻐﺪﻯ ﻫﻨﺎﻙ ..
ﻭﺧﺮﺕ ﺍﻟﺒﻄﺎﻧﻴﺔ ﺷﺎﻓﺘﻨﻲ ﺍﻣﻲ ﺍﻧﺼﺪﻣﺖ ﺍﺟﺖ ﺑﺴﺮﻋﺔ ﺣﻀﻨﺘﻨﻲ ﻛﺎﻟﺖ ﻫﺎﻱ ﺷﻨﻮ ﻋﻴﻮﻧﺞ ﺣﻤﺮﺓ ﺷﻤﺴﻮﻳﺔ ﺑﺮﻭﺣﺞ .. ﺗﻌﺒﺘﻴﻨﻲ ﺯﻫﺮﺍﺀ ﺍﻧﺖ ﺍﻛﺜﺮ ﻭﺣﺪﺓ ﺩﺗﻌﺒﻴﻨﻲ ..
ﻃﻔﺮﺕ ﻣﻦ ﺍﻟﺴﺮﻳﺮ ﻟﻼﺭﺽ ﺑﺴﺮﻋﺔ ﻛﺘﻠﻬﺎ ﻣﺎﻣﺎ ﺍﻟﻠﻪ ﻳﺨﻠﻴﺞ
ﺍﻋﺮﻑ ﺷﺤﺘﻜﻮﻟﻴﻦ ﻭﻓﺎﻫﻤﺔ ﻛﻠﺶ ﺯﻳﻦ ﺑﺲ ﺍﻟﻤﻮﺿﻮﻉ ﺧﺎﺭﺝ ﻋﻦ ﺍﺭﺩﺍﺗﻲ ﺭﺍﻳﺤﺔ ﻫﺴﻪ ﺍﻏﺴﻞ ﺑﻤﻲ ﺑﺎﺭﺩ ﻭﺍﺩﻟﻚ ﺟﻮﻩ ﻋﻴﻮﻧﻲ ﻭﺍﺭﺟﻊ ﻟﻄﺒﻴﻌﺘﻲ ﻭﺍﻟﺒﺲ ﻗﻨﺎﻉ ﺍﻻﻣﺒﺎﻻﺓ ﺗﺪﻟﻠﻴﻦ ..
ﻋﻔﺘﻬﺎ ﻭﺭﺣﺖ ﻏﺴﻠﺖ ﺑﻤﻲ ﺑﺎﺭﺩ ﺛﻠﺞ ﻛﻠﻤﺎ ﺍﺷﻤﺮ ﻋﻠﻰ ﻭﺟﻬﻲ ﺍﺗﻤﻨﻰ ﻳﻄﻔﻲ ﻟﻬﻴﺐ ﺟﺮﻭﺣﻲ ﻭﻳﻬﺪﺃ ﺍﻟﺒﺮﻛﺎﻥ ﺍﻟﻤﺸﺘﻌﻞ ﺑﺠﻮﻓﻲ ﺑﺲ ﻫﻴﻬﺎﺕ ..
ﺑﺪﻟﺖ ﻣﻼﺑﺴﻲ ﻭﻧﺰﻟﺖ ﺷﺎﻓﺘﻨﻲ ﻣﺎﻣﺎ ﻛﺎﻟﺖ ﺍﺧﺬﺗﻲ ﻣﻼﺑﺴﺞ ﺍﻟﺠﺪﺩ ﺍﻟﻲ ﺣﺘﻠﺒﺴﻴﻬﻦ ﺍﻟﻌﺼﺮ ﺑﺎﻟﺤﻔﻠﺔ ..
_ ﻻ ﻧﺴﻴﺖ ﻫﺴﻪ ﺍﺟﻴﺒﻬﻢ .. ﺻﻌﺪﺕ ﻓﺘﺤﺖ ﺍﻟﻜﻨﺘﻮﺭ ﺍﺧﺬﺗﻬﻢ ﺧﻠﻴﺘﻬﻢ ﺑﻌﻼﻛﺔ ﻭﻧﺰﻟﺖ ﻣﺮﺓ ﻟﺦ ..
ﻭﺻﻠﻨﺎ ﻟﺒﻴﺖ ﻋﻤﻮ ﻭﻫﻨﺎﻙ ﻫﻮﺳﻪ ﻭﺍﺣﺲ ﻫﺎﻟﻀﺠﻴﺞ ﻳﺪﻙ ﺑﺮﺍﺳﻲ ﺑﻬﺬﺍ ﺟﻨﺖ ﻛﻠﺶ ﻣﺤﺘﺎﺟﺔ ﺍﺧﺘﻠﻲ ﺑﺮﻭﺣﻲ ﺍﻧﻔﺮﺩ ﻭﻳﺎ ﻧﻔﺴﻲ ﻣﻮ ﺍﻛﻀﻴﻬﺎ ﻣﺠﺎﻣﻼﺕ ﺍﺑﺘﺴﻤﻲ ﻭﺿﺤﻜﻲ ﻭﺗﺼﻨﻌﻲ ﻭﺟﺎﻣﻠﻲ ﻟﻴﻜﻮﻟﻮﻥ ﻋﻠﻴﺞ ﻣﻌﻘﺪﺓ ﺍﻭ ﻳﻔﺴﺮﻭﻥ ﺍﻟﻮﺍﻗﻊ ﺍﻟﻲ ﺍﻧﻲ ﺑﻲ ﻣﻦ ﺻﺪﻙ ..
ﺍﻟﻜﻞ ﺟﺎﻥ ﺣﺎﺿﺮ ﺑﺒﻴﺖ ﻋﻤﻮ ﻣﺎ ﻋﺪﺍ ﻋﻤﻪ ﺍﻡ ﺿﻴﺎﺀ ﻭﺿﻴﺎﺀ ﺟﺎﻥ ﻣﺠﻬﻮﻝ ﺳﺒﺐ ﻋﺪﻡ ﺣﻀﻮﺭﻫﻢ ﻭﺟﺎﻧﺖ ﺍﻟﺘﻠﻴﻔﻮﻧﺎﺕ ﻣﻮ ﻛﻠﺶ ﻣﺘﻮﻓﺮﺓ ﻓﻤﺎ ﻋﺮﻓﻨﺎ ﻟﻴﺶ ﻣﺎ ﺍﺟﻮﻱ ..
ﺍﻧﺘﻈﺮﻭﻫﻢ ﻟﻠﻮﺣﺪﺓ ﻉ ﺍﻟﻐﺪﺍﺀ ﺑﺲ ﻫﻢ ﻣﺎ ﺍﺟﻮ ﺭﺍﺣﻮ ﻭﺩﺯﻭ ﻛﺮﺍﺭ ﻟﺒﻴﺘﻬﻢ ﺭﺟﻊ ﻛﺮﺍﺭ ﺑﺨﺒﺮ ﻛﻠﺶ ﻣﻮ ﺣﻠﻮ ..
ﻛﺎﻟﻠﻬﻢ ﺿﻴﺎﺀ ﻃﺎﻟﻊ ﻣﻦ ﺍﻟﺒﺎﺭﺣﺔ ﻭﻣﺤﺪ ﻳﻌﺮﻑ ﻋﻨﻪ ﺷﻲ ﺍﺧﻮﺗﻪ ﻭﻋﻤﺎﻣﻪ ﺟﺎﻱ ﻳﺪﻭﺭﻭﻥ ﻋﻠﻴﻪ ﻭﻣﻼﻛﻴﻠﻪ ﺍﺛﺮ ، ﺍﻣﻪ ﻭﻣﺮﺗﻪ ﺑﺤﺎﻟﺔ ﺻﻌﺒﺔ ﻛﻠﺶ ..
ﺍﺧﺘﻔﻰ ﺿﻴﺎﺀ ﺑﻮﻗﺖ ﺟﺎﻥ ﻧﻬﺮ ﺩﺟﻠﺔ ﺑﻲ ﻣﺌﺎﺕ ﺍﻟﺠﺜﺚ ﻣﻦ ﺍﻟﻤﻐﺪﻭﺭﻳﻴﻦ ..
ﻭﺑﻮﻗﺖ ﺟﺎﻥ ﺍﻟﺨﻄﻒ ﻭﺍﻟﻘﺘﻞ ﻋﻠﻰ ﺍﻟﻬﻮﻳﺔ ..
ﻭﺍﻻﻣﺮﻳﻜﺎﻥ ﻳﻌﺘﻘﻠﻮﻥ ﻉ ﺍﻟﻤﺎﺷﻲ ﺍﻱ ﻭﺍﺣﺪ ﻳﺸﻜﻮﻥ ﺑﻲ ﻳﻌﺘﻘﻠﻮﺍ .. ﻭﻳﻐﻴﺒﻮ ﺑﺴﺠﻦ ﺍﺑﻮ ﻏﺮﻳﺐ ﺍﻭ ﺑﻮﻛﺎ ﺍﻭ ﺍﻱ ﻣﻌﺘﻘﻞ ﺍﺧﺮ ﺑﻼ ﺗﺤﻘﻴﻖ ﻭﻻ ﻣﺤﺎﻛﻤﺔ ﻭﻻ ﻋﺪﺍﻟﺔ ﺑﺲ ﺍﻟﻠﻪ ﻳﻌﻠﻢ ﺍﻟﻲ ﻳﺼﻴﺮ ﺑﻲ ﺟﻮﺓ ﺍﻟﺴﺠﻦ ﺷﻨﻮ ..
ﻭﺟﺎﻧﺖ ﺍﻟﻤﻔﺨﺨﺎﺕ ﻭﺍﻟﻌﺒﻮﺍﺕ ﺗﺤﺼﺪ ﺑﺎﺭﻭﺍﺡ ﺍﻟﻌﺮﺍﻗﻴﻴﻦ ﺑﺬﻧﺐ ﻭﺑﺪﻭﻥ ﺫﻧﺐ ..
ﻋﻔﻴﺔ ﺍﺭﺽ ﻣﺘﺸﺒﻊ ﻭﻻ ﺗﺮﺗﻮﻱ ﻣﻦ ﺩﻡ ﻭﻟﺪﻫﺎ ..
ﺟﺎﻥ ﺍﻟﻮﺿﻊ ﻣﺨﻴﻒ ﻭﻣﺘﺄﺯﻡ ﻭﻣﺤﻈﻮﻅ ﺍﻟﻲ ﻳﺴﻠﻢ ﻋﻠﻰ ﺭﻭﺣﻪ .. ﻟﺬﻟﻚ ﺟﻨﻪ ﻛﻠﻨﺎ ﺧﺎﻳﻔﻴﻦ ﻋﻠﻰ ﺿﻴﺎﺀ
ﻭﺍﺧﺘﻔﻰ ﺿﻴﺎﺀ ﻭﻣﺤﺪ ﻳﻌﺮﻑ ﻋﻨﻪ ﺷﻲ ، ﻭﺳﻂ ﻏﻀﺐ ﺑﺎﺑﺎ ﻭﻋﻤﺎﻣﻲ ﻟﻴﺶ ﻣﺎ ﺑﻠﻐﻮﻫﻢ ﺑﻠﺤﻈﺔ ﺍﺧﺘﻔﺎﺀﻩ ، ﺍﻛﻴﺪ ﻣﺮﺍﺩﻭ ﻳﻘﻠﻘﻮﻧﻨﺎ ﺍﻭ ﻋﺒﺎﻟﻬﻢ ﺷﻮﻳﻪ ﻭﻳﺠﻲ ..
ﺑﺎﺑﺎ ﺳﺄﻝ ﻛﺮﺍﺭ ﻭﻳﻦ ﺟﺎﻥ ﺭﺍﻳﺢ ﻭﺑﻌﺪ ﻣﺎﺭﺟﻊ ..
ﻛﺮﺍﺭ ؛ - ﺟﺎﻥ ﺩﻳﺠﻴﺐ ﻋﻼﺝ ﻟﺰﻭﺟﺘﻪ ﻻﻥ ﺗﻌﺒﺎﻧﺔ ﺣﺎﻟﺘﻬﺎ
_ ﻫﺬﺍ ﺷﻮﻛﺖ ﺻﺎﺭ ﻫﺎﻟﺤﺠﻲ ..
_ ﻋﻤﺘﻲ ﺗﻜﻮﻝ ﺍﻟﻤﻐﺮﺏ ﻃﻠﻊ ..
ﺍﻟﻜﻞ ﺍﺳﺘﻨﻔﺮ ﻭﺍﻟﻜﻞ ﻃﻠﻊ ﻣﻦ ﺍﻟﺒﻴﺖ ﻳﺪﻭﺭ ﻭﺍﻧﻄﻮ ﺧﺒﺮ ﻻﻫﻞ ﺍﺳﺮﺍﺀ ﺑﺘﺄﺟﻴﻞ ﺍﻟﺨﻄﻮﺑﺔ ..
ﻛﻠﻨﺎ ﺿﺠﻨﻪ ﻋﻠﻰ ﺿﻴﺎﺀ ﻭﻛﻌﺪﻧﺎ ﻧﺒﺠﻲ ﻭﻧﺪﻋﻴﻠﻪ ﺟﺘﻲ ﻋﺒﻴﺮ ﺗﻬﻤﺲ ﺑﺄﺫﻧﻲ ﻛﺎﻟﺖ ﺑﺎﻋﻲ ﻃﻮﻝ ﻋﻤﺮﻩ ﺻﻔﺎﺀ ﻳﻜﻮﻟﺞ ﺑﻮﻣﺔ ﻭﻫﻮ ﻫﺴﻪ ﺑﺲ ﺭﺍﺩ ﻳﺨﻄﺐ ﺍﺧﺘﻔﻰ ﺿﻴﺎﺀ ﻣﻨﻮ ﺍﻟﺒﻮﻣﺔ ﻫﺴﻪ ؟؟
ﻛﺘﻠﻬﺎ ﻋﺒﻴﺮ ﻣﻮ ﻭﻛﺘﺞ ﻟﺞ ﺿﻴﺎﺀ ﺍﻟﻠﻪ ﺍﻋﻠﻢ ﻭﻳﻨﻪ .. ﺧﻄﻴﺔ ﻛﻌﺪﻱ ﺧﻠﻲ ﻧﺪﻋﻴﻠﻪ ﺑﻠﻜﻲ ﻳﻠﻜﻮﻧﻪ ..
ﻛﺎﻟﺖ ﻭﺍﻟﻠﻪ ﻫﺎﻱ ﺍﺳﺮﺍﺀ ﺍﻟﺒﻮﻣﺔ ﻫﻴﻪ ﻓﻜﺮﺗﻨﺎ ﻭﺑﺴﺒﻠﻬﺎ ﺍﺑﻦ ﻋﻤﺘﻨﺎ ﻣﺪﺭﻱ ﻭﻳﻦ ﺭﺍﺡ ..
ﻫﺴﻪ ﺷﻠﻮﻥ ﻣﺮﺍﺡ ﺗﺴﻜﺘﻴﻦ ﺍﺳﻜﺘﻲ ﻟﻴﺴﻤﻌﺞ ﺍﺣﺪ ﻋﻴﺐ ﻫﻴﻪ ﻫﻢ ﻣﻮ ﻏﺮﻳﺒﺔ ﺗﺼﻴﺮ ﺑﻨﺖ ﺧﺎﻟﺘﻬﻢ ﻋﻴﺐ ﻣﻨﻬﻢ ﻣﺘﻌﺮﻓﻴﻦ ﺍﻟﻌﻴﺐ ﺍﻧﺖِ ..
ﻗﻮﺳﺖ ﺷﻔﺎﻳﻔﻬﺎ ﻭﻫﺰﺕ ﺍﻛﺘﺎﻓﻬﺎ ﻭﺭﺍﺣﺖ ﻃﻠﻌﺖ ..
ﺍﺟﻮ ﺍﻟﻤﻐﺮﺏ ﻭﻣﺎﻛﻮ ﺧﺒﺮ ﻋﻨﻪ ﺍﺧﺬﻧﺎ ﺑﺎﺑﺎ ﻟﻠﺒﻴﺖ ﻭﻛﺎﻝ ﺑﺎﺟﺮ ﻫﻢ ﻧﺮﺟﻊ ﻧﺪﻭﺭ ﻋﻠﻴﻪ ..
ﻭﺑﺴﺒﺐ ﺍﺧﺘﻔﺎﺀ ﺍﺑﻦ ﻋﻤﺘﻲ ﺿﻴﺎﺀ ﺗﺄﺟﻠﺖ ﺍﻟﺨﻄﻮﺑﻪ ﻭﺍﻟﻜﻞ
ﻇﻞ ﻳﺪﻭﺭ ﻋﻠﻴﻪ ﺑﺲ ﻣﺤﺪ ﻋﺮﻑ ﻫﻮ ﻭﻳﻦ ﻳﻮﻡ ﻳﺠﺮ
ﻳﻮﻡ ﻭﺻﺎﺭ ﺍﺳﺒﻮﻉ ﻋﻠﻰ ﺍﺧﺘﻔﺎﺀﻩ ..
ﺍﻧﺪﻛﺖ ﺍﻟﺒﺎﺏ ﻃﻠﻌﺖ ﻓﺘﺤﺘﻬﺎ ﺷﻔﺘﻪ ﺻﻔﺎﺀ ﺑﺎﻟﺒﺎﺏ ﻭﻛﻔﺖ ﺍﺑﺎﻭﻋﻠﻪ .. ﻋﺎﻁ ﺑﻴﻪ ﻛﺎﻝ ﺩﺭﻭﺣﻲ ﻣﻦ ﻭﺟﻬﻲ ﻓﻜﺮﺗﻴﻨﻲ ﺍﻣﺞ ﻭﻳﻦ ؟
ﺿﺠﺖ ﻛﻠﺶ ﻣﻨﻪ ﻭﻻﺯﻡ ﺍﻭﻛﻔﻪ ﻋﻨﺪ ﺣﺪﻩ
ﻛﻠﺘﻠﻪ ﺍﻃﻠﻊ ﺑﺮﺍ ﺑﻴﺘﻨﺎ ﺍﻣﻲ ﻣﻮ ﻫﻨﺎ ﻭﺍﻧﺖ ﻭﺍﺣﺪ ﻣﺎﻣﺤﺘﺮﻡ
ﻣﻦ ﺍﻓﺘﺤﻠﻚ ﺍﻟﺒﺎﺏ ﺍﻟﻤﻔﺮﻭﺽ ﺗﻜﻮﻟﻲ ﺍﻟﺴﻼﻡ ﻋﻠﻴﻜﻢ
ﻣﻮ ﺗﻌﻴﻂ ﻋﻠﻴﻪ ﻋﻮﺩ ﺍﻧﺖ ﺩﻛﺘﻮﺭ ﺷﺒﻘﻴﺖ ﻟﻮﻟﺪ
ﺍﻟﺸﺎﺭﻉ ..
ﻫﻮ ﻋﺼﺐ ﺧﺰﺭﻧﻲ ﻛﺎﻝ ﻫﺎﻱ ﻋﻠﻴﻤﻦ ﻭﻟﺞ ﻃﺎﻳﺤﺔ ﺍﻟﺤﻆ ؟
ﻣﺎﺧﻠﻴﺘﻪ ﻳﻜﻤﻞ ﺑﺴﺮﻋﻪ ﻃﺒﻜﺖ ﺍﻟﺒﺎﺏ
ﻭﻛﻠﺘﻠﻪ ﻣﻦ ﻭﺭﺍ ﺍﻟﺒﺎﺏ ﺩﻣﺸﻲ ﻟﻚ ﻳﺮﻳﺪ ﻳﻌﺼﺐ ﻋﻠﻴﻪ
ﺍﻧﺖ ﺿﺎﻳﺞ ﺧﻄﻮﺑﺘﻚ ﺗﺄﺧﺮﺕ ﺍﺣﻨﻪ ﺷﻜﻮ ﻳﻼ ﺭﻭﺡ
ﺍﺑﺠﻲ ﺑﻴﺘﻜﻢ ﻟﺘﺠﻲ ﻳﻢ ﻣﺎﻣﺎ ﻻﻥ ﻣﺮﻳﻀﻪ ..
ﺳﻤﻌﺖ ﺩﻓﺮﺓ ﺍﻟﺒﺎﺏ ﻭﺭﺍﻫﻪ ﺍﺟﻪ ﺻﻮﺗﻪ ﻳﺼﻴﺢ
_ ﺑﻨﺖ ﺍﺑﻮﺝ ﺍﻓﺘﺤﻲ ﺍﻟﺒﺎﺏ ..
ﻛﻠﺘﻠﻪ ﻫﻮ ﻻﻥ ﺑﻨﺖ ﺍﺑﻮﻳﻪ ﻣﺎﺍﺩﺧﻠﻚ ﻳﻼ ﺭﻭﺡ .. ﻭﺗﺮﻛﺘﻪ ﻳﺼﻴﺢ .. ﻟﺞ ﺍﻧﻲ ﺍﻋﻠﻤﺞ ﺑﺴﻴﻄﺔ ﺍﻓﺘﺤﻲ ﺍﻟﺒﺎﺏ ﻻ ﻣﺎﻳﺤﺼﻠﺞ ﺧﻴﺮ ..
ﻭﺍﺭﻳﺪ ﺍﺩﺧﻞ ﻃﻠﻌﺖ ﺍﻣﻲ ﻛﺎﻟﺖ ﻣﻨﻮ ﺑﺎﻟﺒﺎﺏ ﺯﻫﻮﺭﺓ
ﺣﺠﻴﺖ ﺑﺼﻮﺕ ﻋﺎﻟﻲ ﻣﺘﻘﺼﺪﺓ ﺍﺳﻤﻌﻪ
ﻛﻠﺘﻠﻬﺎ ﻣﺴﺘﻌﻄﻲ ﺍﻧﻄﻴﺘﻪ ﻫﺎﻟﻘﺎﺳﻤﻪ ﺍﻟﻠﻪ ﻭﺭﺍﺡ ..
ﺍﻧﻲ ﺣﺠﺖ ﻫﻴﺞ ﺟﺎﻥ ﺻﻔﺎﺀ ﻳﺤﺠﻲ ﻣﻦ
ﻭﺭﺍ ﺍﻟﺒﺎﺏ ﻛﺎﻝ ﺑﺎﻟﻠﻪ ﺷﻨﺘﻄﻴﻨﻲ ﻭﻟﺞ ﻛﻼﺹ ﻣﻲ
ﻣﺎﻛﻮ .. ﻫﺎ ﻧﺴﻴﺖ ﺻﺢ ﻃﻠﻌﺘﻴﻠﻲ ﻟﺴﺎﻧﺞ ﻣﺎﻝ ﺍﻟﺪﻻﻟﻪ ..
ﺻﺎﺣﺖ ﺍﻣﻲ ﻋﻠﻴﻪ .. ﻭﻟﺞ ﻋﻴﺐ ﺷﻠﻮﻥ ﻫﻴﺞ ﺗﺴﻮﻳﻦ
ﻭﺭﺍﺣﺖ ﻓﺘﺤﺖ ﺍﻟﺒﺎﺏ ﻟﺼﻔﺎﺀ ﺍﺟﻪ ﻣﻦ ﺑﺎﺏ ﺍﻟﺸﺎﺭﻉ ﻳﻤﺸﻲ ﻭﻳﺨﺰﺭ ﺑﻴﻪ ، ﺑﺴﺮﻋﺔ ﻓﺘﺖ ﺟﻮﺍ ﺍﻧﻲ ﻭﺭﺣﺖ ﻟﻠﻤﻄﺒﺦ
ﻭﺍﻣﻲ ﻓﻮﺗﺖ ﺻﻔﺎﺀ ﻟﻼﺳﺘﻘﺒﺎﻝ ﻭﺩﺧﻠﺘﻪ ﺟﻮﺍ ..
ﺑﺲ ﻛﻌﺪ ﺻﺎﺡ ﺯﻫﺮﺍﺍﺍﺀ ﺟﺎﻭﺑﺘﻪ ﻣﻦ ﺍﻟﻤﻄﺒﺦ ﺷﺘﺮﻳﺪ؟
ﻛﺎﻝ ﺳﻮﻳﻠﻲ ﺟﺎﻱ ...
ﺿﺤﻜﺖ ﻋﺒﺎﻟﻲ ﺭﺍﺡ ﻳﺮﺯﻟﻨﻲ ، ﺳﻮﻳﺖ ﺟﺎﻱ ﻭﺩﻳﺘﻪ ﺍﻟﻪ
ﻛﺎﻝ ﺧﻮﻃﻲ ﻭﺍﻧﻄﻲ ﺍﻟﻴﻪ ..
ﻛﻤﺸﺘﻪ ﻣﻨﻪ ﺑﺘﺬﻣﺮ ﺑﺤﻴﺚ ﻇﻞ ﻳﺘﺮﻗﺮﻕ ﺍﻟﺠﺎﻱ ﺑﺎﻻﺳﺘﻜﺎﻥ ﻭﻫﻮ ﺣﺎﺭ ﻭﻗﻄﺮﺍﺗﻪ ﻭﻛﻌﺪﺕ ﻋﻠﻰ ﺍﻳﺪﻩ ﺧﺰﺭﻧﻲ ﻣﺎﺣﺠﻰ ﺷﻲ ﻭﺍﻧﻲ ﺍﺑﺘﺴﻤﺖ ﺑﺲ ﻣﺒﺎﻭﻋﺘﻠﻪ ..
ﺧﻄﺘﻪ ﻭﻛﺘﻠﻪ ﻫﺎﻙ ﺑﺤﺪﻳﺔ ، ﺍﺧﺬﻩ ﻭﺿﺎﻛﻪ ﻭﺍﻧﻲ ﺩﺍ ﺍﺭﻭﺡ ﺟﺎﻥ ﻳﻜﻮﻝ ﺷﻨﻮ ﻣﻦ ﺟﺎﻱ ﻫﺬﺍ ﺑﺎﺍﺍﺍﺭﺩ ؟
ﻛﺘﻠﻪ ﻭﺍﻧﻲ ﻣﺘﻔﺎﺟﺄﺓ ﻣﻨﻴﻠﻪ ﺑﺎﺭﺩ ﻭﺍﻟﻠﻪ ﺣﺎﺭ ..
ﻛﺎﻝ ﻫﺎﺝ ﻫﺎﺝ ﺭﻭﺣﻲ ﺣﻤﻲ ﻭﺭﺟﻌﻲ ﺻﺒﻴﻠﻪ ..
ﺍﺧﺬﺗﻪ ﻣﻦ ﺍﻳﺪﻩ ﻭﺍﻧﻄﻴﺘﻪ ﻻﻣﻲ
ﻛﺘﻠﻬﺎ ﻫﺎﺝ ﻣﺎﻣﺎ ﺷﻮﻓﻲ ﺻﺪﻙ ﺑﺎﺭﺩ ﺍﻟﻠﻪ ﻋﻠﻴﺞ
ﻣﺎﻣﺎ ﻣﺎﻟﺰﻣﺘﻪ ﺑﺲ ﻛﺎﻟﺖ ﺑﺎﺭﺩ ﻣﺎﻣﺎ ﺭﻭﺣﻲ ﺩﻓﻲ
ﻭﻋﻀﺘﻠﻲ ﺷﻔﺘﻬﺎ ﺍﻟﺴﻔﻠﻴﺔ ..
ﻗﻮﺳﺖ ﺷﻔﺎﻳﻔﻲ ﻭﺭﺣﺖ ﻟﻠﻤﻄﺒﺦ ﻓﺘﺤﺖ ﺍﻟﻨﺎﺭ ﻉ ﺍﻟﺠﺎﻱ
ﺧﻠﻴﺘﻪ ﺧﻤﺲ ﺩﻗﺎﻳﻖ ﻭﺻﺒﻴﺘﻪ ﻣﻦ ﺟﺪﻳﺪ ﻭﺩﻳﺘﻪ ﺍﻟﻪ
ﻗﺪﻣﺘﻪ ﻣﺎ ﺍﺧﺬﻩ ﻣﻨﻲ ﺑﺲ ﻛﺎﻝ ﺧﻄﺘﻲ ؟
ﻣﺪﻳﺖ ﺍﻳﺪﻱ ﻟﻠﺨﺎﺷﻮﻛﺔ ﻭﻛﻠﺖ ﺍﻟﻠﻬﻢ ﻃﻮﻟﺞ ﻳﺎﺭﻭﺣﻲ ﺑﺼﻮﺕ ﻋﺎﻟﻲ ﻭﻇﻠﻴﺖ ﺍﺧﻮﻁ ﻭﻫﻮ ﻳﺴﻮﻟﻒ ﻻﻣﻲ ﺷﻮﻥ ﺟﺎﻱ ﻳﺪﻭﺭ ﻋﻠﻰ ﺿﻴﺎﺀ ﻭﻣﺪﻳﻠﻜﺎﻩ ﻭﺷﻠﻮﻥ ﺿﺎﻳﺞ ﻋﻠﻴﻪ ﻛﻠﺶ ﻭﺣﺘﻰ ﺍﻛﻞ ﻣﺪﻳﺎﻛﻞ ﻭﺍﻧﻲ ﺑﻘﻠﺒﻲ ﺍﻛﻮﻝ ﺍﻱ ﺧﺎﻑ ﺿﺎﻳﺞ ﻻﻥ ﺗﺄﺟﻠﺖ ﺧﻄﺒﺘﻚ ﺍﻟﮕﺸﺮﺓ ..
ﺍﻧﻄﻴﺘﻪ ﺍﻟﻪ ﺿﺎﻛﻪ ﻛﺎﻝ ﻭﻟﺞ ﻫﺬﺍ ﻣﺤﺮﻭﻭﻙ ﺑﻄﻠﺖ ﻣﺎﺭﻳﺪ ﺟﺎﻱ ﺳﻮﻳﻠﻲ ﻛﻬﻮﺓ ..
ﻛﺘﻠﻪ ﺍﻭﻭ ﺍﺣﻨﻪ ﻣﺎﻋﺪﻧﺎ ﻛﻬﻮﺓ ﺍﻓﺘﻬﻤﺖ ﻫﺬﺍ ﺍﺧﻴﺮ ﺷﻲ ﺍﺷﺮﺑﻪ ﻭﺍﺳﻜﺖ ﺷﻬﺎﻟﺪﻭﺧﻪ ﻫﺎﻱ ..
ﺍﻣﻲ ﺧﺰﺭﺗﻨﻲ ﻭﺻﺎﺣﺖ ﺯﻫﺮﺍﺍﺍﺀ ﻭﺍﺷﺮﺗﻠﻲ ﺑﻌﻴﻮﻧﻬﺎ ﺑﺨﺰﺭ ﺗﺄﻣﺮﻧﻲ ﺑﺄﻥ ﺍﺳﻜﺖ ﺳﻜﺘﺖ ﻭﺻﻌﺪﺕ ﻓﻮﻙ ..
ﺑﺲ ﺍﻧﺎﻓﺦ ﻭﺿﺎﻳﺠﺔ ﻭﺍﺣﺲ ﺧﺪﻭﺩﻱ ﺍﻧﺘﺮﺳﻦ ﺩﻡ ﺑﻴﻦ ﺧﺠﻞ ﻭﺑﻴﻦ ﻏﻀﺐ ..
ﺷﻔﺖ ﺧﻮﺍﺗﻲ ﺑﺎﻟﻐﺮﻓﺔ ﻣﻔﺘﺮﺷﺎﺕ ﺍﻻﺭﺽ ﻭﺍﻻﻟﻮﺍﻥ ﺑﻜﻞ ﻣﻜﺎﻥ ﻭﺟﺎﻱ ﻳﺮﺳﻤﻦ ﻛﻌﺪﺕ ﺍﺗﻠﻬﻰ ﻭﻳﺎﻫﻦ ﻭﺍﻧﺴﻰ ﺷﻮﻳﺔ ﻻﻧﻪ ﺍﺣﺴﻪ ﻣﺴﻴﻄﺮ ﻋﻠﻰ ﻣﺸﺎﻋﺮﻱ ﻭﺑﻘﻮﺓ ..
ﻟﻠﻤﻐﺮﺏ ﻧﺰﻟﺖ ﺍﺗﻠﻔﺖ ﻣﺎﻛﻮ ﺻﻮﺕ ﻟﺼﻔﺎﺀ ﺭﺣﺖ ﻟﻼﺳﺘﻘﺒﺎﻝ ﻣﺸﻔﺘﻪ ﺭﺣﺖ ﻟﻠﻤﻄﺒﺦ ﺍﻣﻲ ﺩﺗﺤﻀﺮ ﺍﻟﻌﺸﺎﺀ
ﻛﺘﻠﻬﺎ ﻟﻌﺪ ﻭﻳﻨﻪ ﺻﻔﺎﺀ ؟
ﺑﺎﻭﻋﺘﻠﻲ ﻟﺤﻈﺔ ﻳﻠﻠﻪ ﺟﺎﻭﺑﺖ ﻛﺎﻟﺖ ﺭﺍﺡ ﻭﺟﺮﺗﻬﺎ ﺣﺴﺮﺓ ..
ﺧﻠﻴﺖ ﺍﺩﻱ ﻋﻠﻰ ﺣﻠﻜﻲ ﻭﺣﺠﻴﺖ ﺑﻘﻠﺒﻲ ﻫﺴﻪ ﺍﻟﻪ ﺍﺳﺄﻝ ﻋﻠﻴﻪ ﻫﻒ .. ﺗﺄﻓﺄﻓﺖ ..
ﻛﻤﻠﺖ ﺍﻟﻌﺸﺎﺀ ﻭﻳﺎﻫﻪ ﺍﺟﻪ ﺑﺎﺑﺎ ﻭﺧﻠﻴﻨﻪ ﺍﻟﻌﺸﺎﺀ ﻭﺩﻧﺎﻛﻞ ..
ﺑﺎﺑﺎ ﻛﺎﻝ -: ﺍﺑﻮ ﺍﻟﺒﻴﺖ ﻳﺮﻳﺪ ﺑﻴﺘﻪ ..
ﺍﻣﻲ ﺗﻔﺎﺟﺄﺕ ﻛﺎﻟﺖ ﺷﻮﻛﺖ ؟
_ ﻳﻜﻮﻝ ﺍﻗﻞ ﻣﻦ ﺷﻬﺮ ﻣﺤﺘﺎﺟﻪ ﻛﻠﺶ ..
_ ﺗﺴﺮﻋﺖ ﻭﺑﻌﺖ ﺑﻴﺘﻨﺎ ﺍﻟﻲ ﺑﺎﻟﺪﻭﺭﺓ ﻳﺎ ﺍﺑﻮ ﺯﻫﺮﺍﺀ ..
_ ﺍﻟﻤﻨﻄﻘﺔ ﺑﻌﺪ ﻣﻴﻨﻜﻌﺪ ﺑﻴﻬﺎ ﻭﻓﻠﻮﺳﻪ ﻣﻮﺟﻮﺩﺓ ﺍﻥ ﺷﺎﺀﺍﻟﻠﻪ ﻧﺤﺼﻞ ﺑﻴﺖ ﺑﻬﺎﻟﻔﺘﺮﺓ ..
_ ﺷﻜﻮﻟﻚ ﻳﻌﻨﻲ ﺷﻬﺮ ﻣﻮ ﻗﻠﻴﻠﺔ ﺍﻟﻤﺪﺓ ﻣﻌﺮﻑ ﻳﻜﻮﻟﻨﻪ ﻗﺒﻠﻬﺎ ﺑﻮﻗﺖ ..
_ ﺍﻱ ﻭﺍﻟﻠﻪ ﻭﺧﺎﺻﺔ ﺍﺣﻨﺎ ﻫﺴﻪ ﻣﺸﻐﻮﻟﻴﻦ ﻧﺪﻭﺭ ﻋﻠﻰ ﺿﻴﺎﺀ ﻭﺍﻣﻪ ﺣﺎﻟﺘﻬﺎ ﺣﺎﻟﺔ ..
_ ﺍﻟﻠﻪ ﻳﻔﻜﻪ ﺍﻥ ﺷﺎﺀﺍﻟﻠﻪ ﻭﻳﺮﺟﻊ ﺍﻟﻬﻢ ﺳﺎﻟﻢ ..
ﺻﻔﺎﺀ .. ﻃﻠﻌﺖ ﻣﻦ ﺍﻟﻜﻠﻴﺔ ﻭﺭﺣﺖ ﻟﺒﻴﺖ ﺧﺎﻟﺘﻲ ﺍﻡ ﻏﻴﺚ ﻓﺘﺖ ﺳﻠﻤﺖ ﻋﻠﻰ ﺧﺎﻟﺘﻲ ﻭﺳﺄﻟﺘﻬﺎ ﻋﻦ ﺍﺳﺮﺍﺀ
ﺭﺍﺣﺖ ﺗﺼﻴﺢ ﺍﻟﻬﺎ ﻭﺍﻧﻲ ﻛﻌﺪﺕ ﺑﺎﻻﺳﺘﻘﺒﺎﻝ
ﺟﺘﻲ ﺍﺳﺮﺍﺀ ﺿﺎﻳﺠﺔ ﻭﻣﻐﻨﺪﺑﺔ ﺳﻠﻤﺖ ﻭﻛﻌﺪﺕ ﺑﻌﻴﺪ ﻋﻨﻲ ..
ﻛﺘﻠﻬﺎ ﺧﻴﺮ ﺍﺷﻮ ﺧﺸﻤﺞ ﺍﻟﻤﻜﻌﺒﺮ ﻣﺎ ﻳﻜﺼﻪ ﺍﻟﺴﻴﻒ ..
ﻛﺎﻟﺖ ﻳﻌﻨﻲ ﻫﺴﻪ ﺍﻧﺖ ﻋﺎﺟﺒﻚ ﺍﻟﻲ ﺩﻳﺼﻴﺮ ﻟﻠﻤﺮﺓ ﻟﻠﺸﻜﺪ ﻭﻫﻢ ﺗﺄﺟﻠﺖ ﺧﻄﻮﺑﺘﻨﺎ ؟
ﻛﺘﻠﻬﺎ ﻻ ﻣﻌﺎﺟﺒﻨﻲ ﻃﺒﻌﺎ ﻭﻻ ﻋﺎﺟﺒﻨﻲ ﺍﺧﺘﻔﺎﺀ ﺍﺑﻦ ﻋﻤﺘﻲ ﺍﻟﻤﻔﺎﺟﺊ ﺑﻮﻗﺖ ﺍﻟﺠﺜﺚ ﻣﺸﻤﺮﺓ ﺑﻜﻞ ﻣﻜﺎﻥ ﻭﻻ ﻋﺎﺟﺒﻨﻲ ﺣﺎﻟﺔ ﻋﻤﺘﻲ ﺍﻟﻲ ﺗﺼﻌﺐ ﻉ ﺍﻟﻜﺎﻓﺮ ﻭﻻ ﺯﻭﺟﺘﻪ ﺍﻟﻲ ﺣﻤﻠﻬﺎ ﻣﻬﺪﺩ ﺑﺎﻻﺳﻘﺎﻁ ﻭﻣﺤﺘﺎﺭﺓ ﻋﻠﻴﻤﻦ ﺗﺒﺠﻲ .. ﻟﺞ ﺿﻴﺎﺀ ﺍﺑﻦ ﻋﻤﺘﻲ ﻭﺍﺧﻮﻱ ﻭﺻﺪﻳﻘﻲ ﻭﻣﺘﺮﺑﻴﻦ ﺳﻮﻯ ﺩﺗﺤﺴﻴﻦ ﺑﻴﻪ ﺍﻧﺖ ﻭﺑﻜﻤﻴﺔ ﺍﻻﻟﻢ ﻭﺍﻟﻘﻬﺮ ﺍﻟﻲ ﺑﺪﺍﺧﻠﻲ ﻟﻮ ﻻ ؟
ﺑﺎﻭﻋﺘﻠﻬﺎ ﺩﻧﻜﺖ ﺭﺍﺳﻬﺎ ﻛﻤﻠﺖ ﻛﻼﻣﻲ
ﻛﺘﻠﻬﺎ ﻟﺘﺼﻴﺮﻳﻦ ﺍﻧﺖ ﻭﺍﻟﻀﺮﻭﻑ ﺿﺪﻱ ﺍﺳﺮﺍﺀ ..
ﺭﺣﺖ ﻛﻌﺪﺕ ﻳﻤﻬﺎ ﻛﺘﻠﻬﺎ ﺍﺳﺮﺍﺀ ﺍﻧﻲ ﺻﺒﺮﺕ ﻭﺗﺤﻤﻠﺖ ﻭﻗﺪﺭﺕ ﺍﻟﻀﺮﻭﻑ ﺍﻟﻲ ﺍﺟﻠﺖ ﺧﻄﻮﺑﺘﻨﺎ ﻣﻦ ﻗﺒﻞ ﻭﺟﺎﻥ ﺳﺒﺒﻬﺎ ﺍﺧﻮﺝ ﺍﻟﻐﺜﺔ ﻏﻴﺚ .. ﻫﺴﻪ ﺍﺟﻪ ﺩﻭﺭﺝ ﺗﻮﻛﻔﻴﻦ ﻭﻳﺎﻱ ﻭﺗﺼﺒﺮﻳﻦ ﻭﺗﺘﺤﻤﻠﻴﻦ ..
_ ﻣﻮ ﺍﻧﻲ ﺍﺭﻳﺪ ﻧﻨﺨﻄﺐ ﺑﺎﺳﺮﻉ ﻭﻗﺖ ﻫﻢ ﺻﺎﺭﺕ ﺍﻟﺸﻐﻠﺔ ﻃﻮﻳﻠﺔ ﻭﺍﺧﻮﻳﻪ ﻫﻢ ﻣﻴﺘﺄﻣﻦ ﻭﺧﺎﻳﻔﺔ ﻟﻴﺎﺧﺬﻭﻙ ﻣﻨﻲ ..
_ ﻣﻨﻮ ﻳﺎﺧﺬﻧﻲ ﻣﻨﺞ ﺑﻼ ﺯﺣﻤﺔ ﺗﺪﺭﻳﻦ ﺑﻴﻪ ﺑﺲ ﺍﻧﺖ ﻋﻨﺪﻱ ﻭﻣﺎ ﺍﺑﺎﻭﻉ ﻟﻐﻴﺮﺝ ..
_ ﺑﻨﺎﺕ ﻋﻤﻚ ﻭﻳﺎ ﻛﺜﺮﻫﻦ ﻣﺎﺷﺎﺀﺍﻟﻠﻪ ..
_ ﻫﻢ ﺧﻠﻴﺘﻲ ﺑﻨﺎﺕ ﻋﻤﻲ ﺑﺎﻟﻨﺺ ﺷﻮﻥ ﻭﻳﺎﺝ ﺍﻧﺖ ﻟﺞ ﺑﺎﺑﺎ ﺑﺲ ﺍﻧﺖ ﻋﻨﺪﻱ ﻫﺎﻱ ﺍﻟﺴﻨﻴﻦ ﻛﻠﻬﺎ ﻭﻳﺎﺝ ﻭﺑﻌﺪﺝ ﻣﺎﻟﺞ ﺛﻘﺔ ﺑﻴﻪ ؟
ﺧﻠﺖ ﺭﺍﺳﻬﺎ ﻋﻠﻰ ﻛﺘﻔﻲ ﻭﺳﻜﺘﺖ ﻇﻠﻴﺖ ﺍﺣﺮﻙ ﺑﻜﺘﻔﻲ ﺍﻟﻲ ﻣﺨﻠﻴﺔ ﺭﺍﺳﻬﺎ ﻋﻠﻴﻪ ﻛﺘﻠﻬﺎ ﻫﺎ ﻣﺘﺤﺠﻴﻦ ﻣﺎﻟﺞ ﺛﻘﺔ ﺑﻴﻪ ..
_ ﻭﺍﻟﻠﻪ ﺍﻧﺘﻮﺍ ﺍﻟﺰﻟﻢ ﻣﺘﻨﺤﺰﺭﻭﻥ .
_ ﻃﻴﺢ ﺍﻟﻠﻪ ﺣﻈﺞ ﺍﻱ ﻭﺍﻟﻠﻪ ﺍﺷﻮ ﻭﺧﺮﻱ ﺧﻠﻲ ﺍﻭﻟﻲ ﻟﻴﺠﻲ ﺍﺧﻮﺝ ﻣﺎ ﺍﺭﻳﺪ ﺍﻟﺘﻘﻲ ﺑﻲ ﻭﺍﺷﻮﻑ ﻭﺟﻬﻪ ..
_ ﻻ ﻭﺍﻟﻠﻪ ﻏﻴﺚ ﻣﺴﺎﻓﺮ ...
_ ﻳﺎ ﺍﻟﻠﻪ ﻓﻜﻪ ﻣﻨﻪ ﻭﻣﻦ ﻭﺟﻬﻪ ﻛﻮﻣﻲ ﺻﺒﻴﻠﻲ ﻏﺪﺍﺀ ﻟﻌﺪ ﺧﻠﻲ ﺍﻟﺸﻴﻄﺎﻥ ﻧﺎﻳﻢ ..
_ ﺗﺪﻟﻞ ﺣﺒﻴﺒﻲ ﺍﻃﻴﺐ ﻏﺪﺍﺀ ﻟﺤﺒﻴﺒﻲ ....
ﻛﺎﻣﺖ ﺻﺒﺘﻠﻲ ﻏﺪﻯ ﺗﻐﺪﻳﺖ ﻭﻃﻠﻌﺖ ﺭﺣﺖ ﻟﺒﻴﺘﻨﺎ ﻧﻤﺖ ﺷﻮﻳﻪ ﻭﺭﺣﺖ ﺣﺎﺟﻴﺖ ﺍﺑﻮﻳﻪ ..
_ ﻛﺘﻠﻪ ﻳﺎﺑﻪ ﺍﻣﺸﻲ ﻋﻠﻰ ﺑﻴﺖ ﻋﻤﻲ ﺗﺤﺴﻴﻦ ﺧﻠﻲ ﻧﺎﺧﺬﻩ ﻭﻧﺮﻭﺡ ﻻﺑﻮ ﺍﺳﺮﺍﺀ ﻧﺤﺠﻲ ﻭﻳﺎ ﻭﻧﺜﺒﺖ ﻣﻮﻗﻔﻨﺎ ﻭﻳﺎ ﻣﺪﺍﻡ ﺍﺑﻨﻪ ﻏﻴﺚ ﻣﺴﺎﻓﺮ ﻣﻴﺄﺛﺮ ﻋﻠﻴﻪ ..
_ ﺻﺪﻙ ﺗﺤﺠﻲ ﻳﺎ ﺻﻔﺎﺀ ﺍﺣﻨﺎ ﺑﻴﺎ ﺣﺎﻝ ﻫﺴﻪ ..
_ ﻳﺎ ﺑﻪ ﻣﺤﺪ ﻣﺤﺮﻭﻙ ﻛﻠﺒﻪ ﻋﻠﻰ ﺿﻴﺎﺀ ﺑﻜﺪﻱ ﺑﺲ ﺍﻟﺒﻨﻴﺔ ﺍﺣﺒﻬﺎ ﻭﺍﻟﻲ ﺳﻨﻴﻦ ﻭﻳﺎﻫﻪ ﻭﻣﻮﺍﻋﺪﻫﻪ ﺑﺎﻟﺨﻄﻮﺑﺔ ﻣﺎ ﺍﻛﺪﺭ ﺍﺗﺄﺧﺮ ﺍﻛﺜﺮ ﺑﻌﺪ ..
_ ﺷﺴﻮﻳﻠﻚ ﻛﻤﺖ ﺗﻠﺢ ﺧﻠﻲ ﻧﺘﻌﺸﻰ ﻭﻧﺮﻭﺡ ﻟﺒﻴﺖ ﻋﻤﻚ ..
ﺗﻌﺸﻴﻨﺎ ﻭﺭﺣﻨﺎ ﻟﺒﻴﺖ ﻋﻤﻲ ﺗﺤﺴﻴﻦ ﺍﺑﻮ ﺯﻫﺮﺍﺀ ..
ﻛﻌﺪﻧﺎ ﺑﺎﻻﺳﺘﻘﺒﺎﻝ ﺍﺑﻮﻳﻪ ﻛﺎﻝ ﻟﻌﻤﻲ ﺭﺍﺡ ﺍﺭﻭﺡ ﻉ ﺍﺑﻮ ﺍﺳﺮﺍﺀ ﺑﺲ ﺍﺫﺏ ﺣﺠﺎﻳﻪ ﻳﻤﻪ ﺣﺘﻰ ﻣﻴﻨﻄﻴﻬﺎ ﻟﻐﻴﺮ ﺻﻔﺎﺀ ﻫﺬﺍ ﻳﺤﺒﻬﺎ ﻭﻣﻴﺼﺒﺮ ﺑﻌﺪ ..
ﻋﻤﻲ ﻛﺎﻟﻪ ﻋﻴﺐ ﻣﻦ ﺍﺧﺘﻨﺎ ﺣﺎﻟﺘﻬﺎ ﺣﺎﻟﺔ ..
ﺧﻠﻴﺘﻬﻢ ﻳﺤﺠﻮﻥ ﻭﺭﺣﺖ ﺍﺭﻳﺪ ﺍﺻﺐ ﺍﻟﻲ ﻣﻲ ﺷﻔﺖ ﺯﻫﺮﺍﺀ ﺑﺎﻟﻤﻄﺒﺦ ﺩﺍﻳﺮﺓ ﻇﻬﺮﻫﺎ ﺗﻘﺮﺑﺖ ﻣﻨﻬﺎ ﺧﺮﻋﺘﻬﺎ ﺍﻟﺘﻔﺘﺖ ﺍﻟﻲ ﻣﺨﻠﻴﺔ ﺍﻳﺪﻫﺎ ﻋﻠﻰ ﻗﻠﺒﻬﺎ ﻭﺟﻬﻬﺎ ﻣﺨﻄﻮﻑ .. ﻇﻠﻴﺖ ﺍﺿﺤﻚ ﻋﻠﻴﻬﺎ ..
ﻛﺎﻟﺖ ﺷﻌﻨﺪﻙ ﺻﺒﺢ ﻭﻋﺼﺮ ﻭﻟﻴﻞ ﻋﺪﻧﺎ ﻣﺎﻋﻨﺪﻙ ﺑﻴﺖ ....
ﻛﺘﻠﻬﺎ ﺷﻌﻨﺪﻙ ﻛﺎﻋﺪ ﺑﻜﻠﺒﻲ ﻣﺎﻋﺪﻛﻢ ﺑﻴﺘﺔ ...
_ ﻫﺬﺍ ﺍﻟﺤﺠﻲ ﻛﻮﻟﻪ ﻻﺳﺮﺍﺀ ﺣﺒﻴﺒﺘﻚ ﻣﻮ ﺗﻜﻮﻟﻪ ﺍﻟﻴﻪ ..
ﺿﺤﻜﺖ ﺑﺼﻮﺕ ﻋﺎﻟﻲ ﻛﺘﻠﻬﺎ ﻃﺒﻌﺎ ﺍﻛﻮﻟﻠﻬﺎ ﻗﺎﺑﻞ ﺧﺎﻳﻒ ﻣﻨﺞ ﻭﺑﻌﺪﻳﻦ ﻣﻨﻮ ﻛﻠﺞ ﺍﻧﻲ ﺩﺍ ﺍﻗﺼﺪ ﻋﻠﻴﺞ ؟
ﺯﻫﺮﺍﺀ .. ﻳﺒﻮﻭﻭ ﻣﺘﺖ ﻣﻦ ﺍﻟﺨﺠﻞ ﺍﻣﺪﺍﻧﻲ ﺷﻜﺪ ﻏﺒﻴﺔ ﻫﺴﻪ ﺷﻴﻜﻮﻝ ﻋﻠﻴﻪ ﺷﻮﻥ ﺣﺠﻴﺖ ﻫﺎﻟﻜﻠﻤﺔ ﺍﻧﻲ ..
ﺣﺎﻭﻟﺖ ﺍﺩﺍﺭﻱ ﺍﻟﻤﻮﻗﻒ ﻛﺘﻠﻪ ﺍﺩﺭﻱ ﻣﻮ ﻋﻠﻴﻪ ﺩﺗﻜﻮﻟﻪ ﻟﻠﺜﻼﺟﺔ ﻣﺎﻟﺘﻨﻪ ﻣﻮ ﻫﻴﺞ ﻗﺼﺪﺝ ..
_ ﺷﻨﻮﻭﻭ ؟ ﺍﻟﺜﻼﺟﺔ ﺷﺒﻴﻬﺎ ﺑﻌﺪ ؟
_ ﻣﻮ ﺑﺲ ﺍﻧﻲ ﻭﺍﻟﺜﻼﺟﺔ ﻫﻨﺎ
_ ﻋﻠﻰ ﻃﺎﺭﻱ ﺍﻟﺜﻼﺟﺔ ﺻﺒﻴﻠﻲ ﻣﻲ ﺑﺎﺭﺩ ﻛﻠﺒﻲ ﺣﺎﺭ ﻧﺎﺭ ﺗﻌﺮﻓﻴﻦ ﺧﻄﻮﺑﺘﻲ ﻣﺘﺄﺟﻠﻪ ﻭﻛﺬﺍ ..
_ ﻳﻤﻚ ﺍﻟﺜﻼﺟﺔ ﺍﻓﺘﺤﻬﺎ ﻭﺻﺒﻠﻚ ﻣﻲ ﺍﺧﺪﻡ ﻧﻔﺴﻚ ﺑﻨﻔﺴﻚ ﺩﻛﺘﻮﺭ ﺻﻔﺎﺀ ..
ﻭﺩﺭﺕ ﻭﺟﻬﻲ ﻭﺭﺣﺖ ﻋﻨﻪ .. ﻭﺭﺣﺖ ﺳﻠﻤﺖ ﻋﻠﻰ ﻋﻤﻮ ﻭﻛﻌﺪﺕ ﻳﻤﻬﻢ ﻭﻣﺎﻣﺎ ﻫﻢ ﻛﺎﻋﺪﺓ ﻭﺍﺟﻪ ﺻﻔﺎﺀ ..
ﺑﺎﺑﺎ ﻛﺎﻝ ﻟﻌﻤﻮ ﺟﺎﻱ ﺍﺩﻭﺭ ﻋﻠﻰ ﺑﻴﺖ ﺍﺑﻮ ﺍﻟﺒﻴﺖ ﻳﺮﻳﺪ ﺍﻟﺒﻴﺖ ﻣﺎﻟﺘﻪ ..
ﻟﻴﺶ ﺗﺪﻭﺭ ﻋﻠﻰ ﺑﻴﺖ ﻣﻮ ﻛﺘﻠﻚ ﻗﺒﻞ ﻓﺘﺮﺓ ﺑﻴﺖ ﺳﺖ ﻓﻬﻤﻴﻪ ﺟﻴﺮﺍﻧﻪ ﻓﺎﺭﻍ ﻭﻫﻲ ﺣﺘﺴﺘﻘﺮ ﻳﻢ
ﺍﺧﻮﻫﺎ ﺑﺄﺭﺑﻴﻞ ﻭﺗﺮﻳﺪ ﺗﺒﻴﻌﻪ ﻭﻫﻢ ﺍﻟﺒﻴﺖ ﺑﺼﻒ ﺑﻴﺘﻨﺎ ﺣﺎﻳﻂ ﻋﻠﻰ ﺣﺎﻳﻂ ..
_ ﺍﻱ ﻟﻌﺪ ﻧﺘﻮﻛﻞ ﻭﻧﺸﻮﻓﻪ ﺍﻧﺖ ﺷﺎﻳﻔﻪ ﺧﻮﺵ ﺑﻴﺖ ﺧﻤﺎ ﺗﻌﺒﺎﻥ ؟
_ ﻻ ﻣﻮ ﺗﻌﺒﺎﻥ ﺟﺒﻴﺮ ﻋﻜﺲ ﻫﺬﺍ ﺑﻲ ﺣﺪﻳﻘﻪ ﺟﺒﻴﺮﺓ
ﻭﻃﺮﻣﻪ ﻫﻢ ﻭﺍﺳﺘﻘﺒﺎﻝ ﻭ٤ ﻏﺮﻑ ﻧﻮﻡ ﻭﻣﻄﺒﺦ ..
ﻭﺍﺗﻔﻘﻮﺍ ﻳﺮﻭﺣﻮﻥ ﻳﺸﻮﻓﻮ ﻭﺑﻨﻔﺲ ﺍﻟﻮﻗﺖ ﻳﺮﻭﺣﻮﻥ ﻟﺒﻴﺖ ﺍﻫﻞ ﺍﺳﺮﺍﺀ ﻳﺤﺎﺟﻮﻧﻬﻢ ﺟﻨﺖ ﻓﺮﺣﺎﻧﺔ ﻻﻥ ﺭﺍﺡ ﻧﻜﻌﺪ ﻳﻤﻬﻢ ﻭﺿﺎﻳﺠﺔ ﻻﻥ ﺣﻴﺮﻭﺣﻮﻥ ﻟﺒﻴﺖ ﺍﻫﻞ ﺍﺳﺮﺍﺀ ﻣﺸﺎﻋﺮﻱ ﻣﺠﺎﻱ ﺍﻛﺪﺭ ﺍﺳﻴﻄﺮ ﻋﻠﻴﻬﺎ ..
ﻳﻮﻡ ﺛﺎﻧﻲ ﻣﺎﻣﺎ ﺭﺍﺣﺖ ﺷﺎﻓﺖ ﻋﻤﺔ ﺍﻡ ﺿﻴﺎﺀ ﻭﻣﺮﺗﻪ ﺳﻮﺳﻦ ﺑﺎﻟﻤﺴﺘﺸﻔﻰ ﻃﻔﻠﻬﺎ ﻣﻬﺪﺩ ﺑﺎﻻﺳﻘﺎﻁ ﺗﻌﺒﺖ ﺣﺎﻟﺘﻬﺎ ﻛﻠﺶ ﺑﻌﺪ ﻣﺎ ﺍﺧﺘﻔﻰ ﺯﻭﺟﻬﺎ ..
ﺍﺟﺘﻲ ﻣﺎﻣﺎ ﻭﻋﻴﻮﻧﻬﺎ ﻣﺘﺮﻭﺳﺔ ﺩﻣﻮﻉ ﺳﺄﻟﺘﻬﺎ ﻋﻦ ﻋﻤﺔ ﻭﺳﻮﺳﻦ ﺯﺍﺩﺕ ﺑﺎﻟﺒﺠﻲ ﻛﺎﻟﺖ ﻋﻤﺘﺞ ﺗﻌﺒﺎﻧﺔ ﺣﻴﻞ ﻭﺳﻮﺳﻦ ﻭﺿﻌﻬﺎ ﺍﺻﻌﺐ ﻣﺤﺘﺎﺭﺓ ﻋﻠﻴﻤﻦ ﺗﺒﺠﻲ ﻋﻠﻰ ﻃﻔﻠﻬﺎ ﻟﻮ ﺯﻭﺟﻬﺎ ﺗﻜﻮﻝ ﺧﺎﻳﻔﺔ ﻣﺎ ﺍﺷﻮﻑ ﺿﻴﺎﺀ ﺑﻌﺪ ﻭﺍﻟﻄﻔﻞ ﻫﻢ ﻳﻮﻛﻊ ﻉ ﺍﻻﻗﻞ ﻳﺒﻘﻰ ﺍﺑﻨﻪ ﺭﻳﺤﺔ ﻣﻨﻪ ..
ﻇﻠﺖ ﺗﺒﺠﻲ ﺍﻣﻲ ﻭﺍﻧﻲ ﻫﻢ ﻧﺰﻟﺖ ﺩﻣﻮﻋﻲ ﺧﻄﻴﺔ ﺳﻮﺳﻦ ﺣﻴﻞ ﺗﺤﺒﻪ ﻟﻀﻴﺎﺀ ﻭﻫﻮ ﻫﻢ ﺭﺑﻲ ﻳﺮﺩﻩ ﺳﺎﻟﻢ ﺍﻟﻬﺎ
ﻇﻠﻴﺖ ﺍﺩﻋﻴﻠﻪ ..
ﻇﻠﺖ ﺍﻻﻳﺎﻡ ﺗﺠﺮ ﻳﻮﻡ ﻳﺠﺮ ﻳﻮﻡ ﻭﺍﺳﺒﻮﻉ ﻳﺠﺮ ﺍﺳﺒﻮﻉ ﻭﻣﺮ ﺷﻬﺮ ﻭﺿﻴﺎﺀ ﻣﺎﻛﻮ ﻣﺎ ﻇﻬﺮ ﺍﺑﺪ ..
ﻭﺑﻴﻮﻡ ﺟﻨﺎ ﻛﺎﻋﺪﻳﻦ ﻭﺟﺎﻱ ﻧﺤﻀﺮ ﺍﻏﺮﺍﺿﻨﺎ ﺣﺘﻰ ﻧﻨﺘﻘﻞ ﻟﻠﺒﻴﺖ ﺍﻟﺠﺪﻳﺪ .. ﺍﺟﻪ ﻟﺒﺎﺑﺎ ﺍﺗﺼﺎﻝ ﺑﺲ ﺳﻤﻌﻨﺎ ﻛﺎﻝ ﻫﺎ ﻟﻜﻴﺘﻮﻭ ؟ ﺍﻱ ﺍﻱ ﻫﺴﻪ ﺟﺎﺍﺍﺍﻱ ..
ﺭﻛﻀﺖ ﻭﺭﺍﻩ ﺍﻣﻲ ﺻﺎﺣﺖ ﻋﻠﻴﻪ ﻫﺎ ﺗﺤﺴﻴﻦ ﺩﺗﺤﺠﻲ ﻋﻦ ﺿﻴﺎﺀ ؟؟
ﺑﺎﺑﺎ ﻃﻠﻊ ﻳﺮﻛﺾ ﺑﺮﺓ ﻭﺑﻤﻼﺑﺴﻪ ﻣﺎﻟﺔ ﺍﻟﺒﻴﺖ ﻻﺑﺲ ﺗﺮﺍﻙ ﺍﺳﻮﺩ .. ﻭﺍﻣﻲ ﺑﻌﺪﻫﺎ ﺗﺎﺑﻌﺘﻪ .. ﻛﻠﺘﻠﻪ ﺗﺤﺴﻴﻦ ﺑﺲ ﻛﻮﻟﻲ ..
ﻛﻠﻠﻬﺎ ﺑﻨﺒﺮﺓ ﺳﺮﻳﻌﺔ ﺍﻱ ﺍﻱ ﻟﻜﻮﻭ ﺿﻴﺎﺀ ﻟﻜﻮﻭ ﺭﺍﻳﺤﻴﻴﻦ ﻧﺠﻴﺒﻪ ..
ﺍﻣﻲ ﺑﺼﺪﻣﺔ -: ﻋﻔﻴﺔ ﻋﺎﻳﺶ ﻟﻮ ﻣﻴﺖ ؟؟؟
ﻳﺘﺒﻊ
