في شريعه العشق

اابارت اثان والستون

شريعة العشق
بارت ٦٢
نورا ناصر

اعذريني ...
انه الهاضمج مهضوم من زعلج
انه وكل شي غالي اعليه نرخصلج

دخيلج ماتعذريني ؟

اعذريني اعله جم مرة ازعلت بيها وعفتها مغوركة عيونج
اعذريني اعله كل ليلة عشتها مسامر ويا الغير وانتي الغير يأذونج ...
اعتبريني بشر مايفتهم غلطان ماشاف الي عايشته
اعتبريني طفل مهضوم اجاج العبرة خانكته
اعذريني اعلى كل الصار والدمعات امسحيهن
وهذني عيونج الحلوات ابد مو قصدي ابجيهن
اجيتج واعترف غلطان وعيوني تخط بالكاع
جذبتني الارض من زعلت عينج
وكمت لو ينرفع راسي يطيح بساع
اعذري طاح جي نادم
اكابر واضحك وي الناس والمكابر يأذي ادم ...

♡~~~~~~\\\\~~~~~~♡

فتحت باب الشقة وظليت اطل ، وصوتهم يجيني يعاتبون صفاء بصوت عالي ونتر ..

صوت واحد من اخوتها يرعد ؛ انت شون تعوف اختنه صارلها شكد زعلانة وترجع مرتك شنو كاخذهه احتياط اريد افهم بالله ...

واخوها اللخ يكوله شنو نسيت نفسك من جيت تتبجج وتتوسل تريدها هسه شنو الي تغيير فهمنيييي ..

صفاء يجاوبهم بصوت متعوب ، خفت عليه خاف لايأذوونه ، خليت ايدي على قلبي ، اخخ منك ياقلبي اخخخ ولا تجوز ولا تتوب ، رغم كل شي سواااه هم بعدك تحن اله .. تحبه وتخاف عليه .. عضيت اصبعي .. بندم .. على حب تعبني ودمرني استنزف طاقتي وعاطفتي ومشاعري ..

طبكت الباب حيل سديته وزادت نبضاتي ويه انفاسي المتوترة ، حسيت بدموعي تبلل خدي ، عضيت على شفتي السفلى حيلي ، واني اجر بالتشيرت مالتي من دلعته يربي منك الصبر منك ..

حسيت الصوت تلاشى وصوت سيارات طلعت
فكرت يمكن اخوتها اخذوهه وراحوا ، بس الي خوفني اكثر صوت اسراء تعيط جوه وصفاء يجاوبها وعمه وعمو بيناتهم هم صوته طالع ..

يكوللها معليج ولتتدخلين مثل ما انت مرته هيه هم مرته عجبج خير على خير ماعجبج الباب يفوت جمل تبعي اخوانج كبل لا يوصلون لبيوتهم خابريهم خلي يرجعون ياخذوج ..

اسراء تطاولت على عمو وجاوبته معليك اني وزوجي

ثواني واسمع صوتها تصرخ وتستنجد بعمه ..

وصوت صفاء يصيح ويسب بيها ويغلط عليها

فتحت عيوني مصدومة  ركضت للغرفة كلش اخاف من الصوت العالي وخاصة خايفة لا يلوحني فد طشار ..

دخلت للغرفة كلبي كوة هدأت دكاته ، دقايق مرت هدوء ، اندكت الباب واحس الي ديدكها معصب ..
بس لا هذا صفاء اجه مرة ثانية ، زادت الدكات ع الباب كمت بتوتر وخوف امشي مترددة وتوجهت افتحها ..

فتحت الباب وانصدم باسراء كبالي ، اول ثواني خفت من منظر وجهه مبينة مكتولة ، ظليت اباوع عليها خدودها اثار طبع ادين ، وشفتها دتورم ..