#ﻓﻲ_ﺷﺮﻳﻌﺔ_ﺍﻟﻌﺸﻖ
بقلمﻧﻮﺭﺍ ﻧﺎﺻﺮ
#ﺑﺎﺭﺕ١٥
ﺛﺎﻟﺚ ﻳﻮﻡ ﺑﺎﻟﺪﻭﺍﻡ ﺷﻔﺖ ﺷﺨﺺ ﻳﺒﺎﻭﻋﻠﻲ ﻣﻦ ﺑﻌﻴﺪ
ﺷﺒﻬﺖ ﻋﻠﻴﻪ ، ﺷﺎﻳﻔﺘﻪ ﺑﻤﻜﺎﻥ ﺑﺲ ﻧﺎﺳﻴﺔ ﻭﻳﻦ ؟
ﻣﻬﺘﻤﻴﺖ ﺍﻟﻪ ﻭﺩﺍﻭﻣﺖ ﻋﺎﺩﻱ ..
ﺍﻟﻪ ﺑﺎﻟﻴﻮﻡ ﺍﻟﺮﺍﺑﻊ ﻣﻦ ﺍﻟﺪﻭﺍﻡ ﺭﺟﻌﺖ ﻣﺸﻲ ﻟﻠﺒﻴﺖ
ﻭﺍﻧﻲ ﺑﺎﻟﻄﺮﻳﻖ ﻭﺍﺣﺲ ﺧﻄﻮﺍﺕ ﻭﺭﺍﻳﻪ
ﺧﻔﺖ ﺍﻟﺘﻔﺖ ، ﺻﺎﺭﺕ ﺻﻮﺕ ﺍﻟﺨﻄﻮﺍﺕ ﻗﺮﻳﺒﺔ ﻣﻨﻲ
ﻭﻳﺎ ﻛﻞ ﺧﻄﻮﺓ ﺍﺳﻤﻌﻬﺎ ﻛﺎﻥَ ﺍﻟﺨﻮﻑُ ﻳﺘﻤﺪّﺩ ﺑﻴﻪ ، ﻭﺍﻟﻘﻠﻖُ ﻳﺘﻜﺜّﻒ ، ﻭﺍﻟﻌﺮﻕُ ﻳﺘﺼﺒّﺐُ ﻋﻠﻰ ﺟﺒﻴﻨﻲ ﻭﺍﺣﺲ ﻗﻠﺒﻲ ﻭﺻﻞ ﻟﺒﻠﻌﻮﻣﻲ ..
ﻟﺸﻮﻳﻪ ﻭﺻﺎﺭ ﻳﻬﻤﺲ ﻗﺮﻳﺐ ﻣﻨﻲ
ﻳﺤﻠﻮﺓ ﺍﻭﻛﻔﻲ ﺑﺲ ﻛﻠﻤﺘﻴﻦ ﻧﺤﺠﻲ
ﻓﺘﺤﺖ ﻋﻴﻮﻧﻲ ﺑﺼﺪﻣﺔ
ﻳﺮﺑﻲ ﺧﺎﻑ ﻳﺨﻄﻔﻨﻲ ﺷﺴﻮﻱ
ﻛﺎﻝ ﺍﻧﻲ ﺧﻄﺒﺘﺞ ﻣﻦ ﺍﺑﻦ ﻋﻤﺞ ﺑﺲ ﻛﺎﻝ ﺭﻓﻀﺘﻴﻨﻲ
ﻣﺎﺗﺮﺩﻳﻦ ﺗﺰﻭﺟﻴﻦ ﺍﻧﻲ ﺟﺎﻱ ﺍﺣﺎﻭﻝ ﻻﻥ ﻣﺪﺍ ﺍﻛﺪﺭ ﺍﻃﻠﻌﺞ ﻣﻦ ﺑﺎﻟﻲ ، ﻋﺠﺒﺘﻴﻨﻲ ﻛﻠﺶ ...
ﻇﻞ ﻳﺘﻘﺮﺏ ﻭﻳﺤﺠﻲ ﻭﻳﺎﻱ ﻭﻳﻬﻤﺲ ﻭﻛﻼﻣﻪ ﺻﺎﺭ ﺟﺮﻱﺀ
ﻭﻳﺘﻮﺳﻞ ، ﻋﺒﺎﻟﻪ ﻳﺴﻴﻄﺮ ﻋﻠﻰ ﻗﻠﺒﻲ ﺑﻬﺎﻱ ﻛﻠﻤﺎﺗﻪ ﻣﻴﺪﺭﻱ ﻗﻠﺒﻲ ﺣﺎﺟﺰ ﻣﺤﺒﻮﺑﻪ ﻣﻦ ﻗﺒﻞ ﺳﻨﻴﻦ ..
ﺑﻌﺪ ﺧﻄﻮﺍﺕ ﻭﺍﻭﺻﻞ ﻟﺒﻴﺘﻨﺎ ﻭﻫﻮ ﻣﺴﺘﻤﺮ ﻳﻤﺸﻲ ﻭﺍﻧﻲ ﺳﺎﺑﻘﺘﻪ ﺑﻜﻢ ﺧﻄﻮﺓ ﺑﺲ ، ﺷﻔﺖ ﻋﺒﻴﺮ ﻇﻠﺖ ﺗﺒﺎﻭﻋﻠﻲ ﻣﻦ ﺑﻌﻴﺪ ، ﺍﺷﺮﺗﻠﻬﺎ ﺑﻤﻼﻣﺤﻲ ﺍﻟﻤﺘﺠﻬﻤﺔ ، ﻃﺒﺖ ﺗﺮﻛﺾ ﻭﻃﻠﻌﺖ ﺑﻴﺪﻫﺎ ﺍﻟﻤﺎﺳﺤﺔ ...
ﺍﺟﺖ ﺗﺮﻛﺾ ﺑﺎﺗﺠﺎﻫﻨﺎ ﺷﺎﻟﺖ ﺍﻟﻤﺎﺳﺤﺔ ﻭﺿﺮﺑﺘﻪ ﻭﻳﻦ ﺍﻟﻴﻮﺟﻌﻪ ، ﺗﻀﺮﺏ ﺑﻲ ﻭﻫﻮ ﻳﺤﺎﻭﻝ ﻳﺤﻤﻲ ﻧﻔﺴﻪ ﻣﻨﻬﺎ ﻭﻳﺮﻳﺪ ﻳﺸﺮﺩ ﻳﻤﺸﻲ ﻭﺭﺍﻓﻊ ﺍﻳﺪﻳﻪ ﻳﺤﻤﻲ ﻭﺟﻬﻪ ﻭﻣﺮﺓ ﺭﺍﺳﻪ ..
ﻭﻫﻴﻪ ﻭﺭﺍﻩ ﺗﻌﻴﻂ ﻭﺍﻧﻲ ﻣﺨﻠﻴﻪ ﺍﻳﺪﻱ ﻋﻠﻰ ﺣﻠﻜﻲ ﻭﺟﺴﻤﻲ ﻛﻠﻪ ﻳﺮﺟﻒ ﺭﺟﻴﻒ ﻣﺼﺎﻳﺮ ﺍﺟﺮ ﺑﻴﻬﺎ ﺍﺭﻳﺪﻫﺎ ﺗﻔﻮﺕ ﻣﺘﻘﺒﻞ ﻣﺴﺘﻤﺮﺓ ﺗﻬﺠﻢ ﻋﻠﻴﻪ ﺑﺎﻭﻋﺖ ﺷﻔﺖ ﺳﻴﺎﺭﺓ ﺻﻔﺎﺀ ﻭﻛﻔﺖ ﻳﻤﻨﺎ ..
ﻣﺘﺖ ﺧﻮﻑ ﻣﺪﺭﻱ ﺷﺼﺎﺭ ﺍﻟﻲ ﻃﺒﻴﺖ ﺍﺭﻛﺾ ﻟﻠﺒﻴﺖ ﺍﻋﺼﺮ ﺑﻴﺪﻳﻪ ﻭﺍﺑﺠﻲ ﺷﻤﺮﺕ ﺟﻨﻄﺘﻲ ﺣﺘﻰ ﻣﺠﺎﻱ ﺍﻛﺪﺭ ﺍﺷﻴﻠﻬﺎ ﺍﺣﺲ ﺣﻴﻠﻲ ﻛﻠﻪ ﺑﺎﻳﺪ ﻭﺻﻮﺕ ﺻﻴﺎﺣﻬﻢ ﻭﺻﻮﺕ ﺻﻔﺎﺀ ﺩﺍ ﺍﺳﻤﻌﻪ ﻭﻫﻮ ﻳﺼﻴﺢ ﻋﻠﻰ ﺍﻟﻮﻟﺪ ﻃﻠﻌﺖ ﻣﺎﻣﺎ ﻋﻠﻰ ﺻﻮﺕ ﺻﻴﺎﺣﻬﻢ ..
ﺻﻔﻨﺖ ﺑﻮﺟﻬﻲ ﻣﻦ ﺷﺎﻓﺖ ﺣﺎﻟﺘﻲ ﺩﻧﻜﺖ ﻭﺧﻔﺖ ﻣﻨﻬﺎ ﻛﻠﺶ ﻋﺎﻓﺘﻨﻲ ﻭﻃﻠﻌﺖ ﻭﺭﺍﻫﻢ ..
ﺻﻔﺎﺀ : ﻛﻠﺐ ﻧﺬﻝ ﻣﻮ ﻛﻠﺘﻠﻚ ﺍﻟﺒﻨﻴﺔ ﻣﻤﻮﺍﻓﻘﻪ ﺷﻌﻨﺪﻙ ﻻﺣﻜﻬﺎ ...
ﻟﻜﻤﺘﻪ ﺑﺒﻮﻛﺲ ﺍﻟﺪﻡ ﻛﺎﻡ ﻳﺨﺮ ﻣﻦ ﺧﺸﻤﻪ ﻭﻛﻊ ﺑﺎﻟﻜﺎﻉ ﻭﺍﻳﺪﻩ ﻋﻠﻰ ﺧﺸﻤﻪ ﺍﻧﻤﻠﺖ ﺩﻡ ، ﻭﺧﺮﻫﺎ ﻭﺑﺎﻭﻋﻠﻲ
ﻭﻟﻚ ﺗﻀﺮﺑﻨﻲ ﺻﻔﺎﺀ .. ؟؟
ﺩﻧﻜﺖ ﻋﻠﻴﻪ ﻭﺭﻓﻌﺘﻪ ﻣﻦ ﻳﺎﺧﺘﻪ ﻭﺍﻛﺴﺮ ﺭﺍﺳﻚ ﻭﻟﻚ ﺷﻌﻨﺪﻙ ﻻﺣﻚ ﺑﻨﺖ ﻋﻤﻲ ؟
_ ﻟﻚ ﺻﻔﺎﺀ ﺃﻧﻲ ﺍﺭﻳﺪﻫﺎ ﻭﻃﻠﺒﺘﻬﺎ ﺑﺎﻟﺤﻼﻝ ﻭﺍﻧﺖ ﺗﻌﺮﻑ ﻫﺎﻟﺸﻲ ﻭﺭﺩﺕ ﺑﺲ ﺍﻗﻨﻌﻬﺎ ...
ﻧﺰﻟﺘﻪ ﻟﻠﻜﺎﻉ ﺑﻘﻮﺓ ﺍﺭﺗﻄﻢ ﺑﺎﻻﺭﺽ ﺻﻴﺤﺖ ﺑﻮﺟﻬﻪ : ﺗﻘﻨﻌﻬﺎ ﻳﺎﻋﺎﺭ ﺗﻒ ﻋﻠﻴﻚ ...
ﺍﺟﻴﺖ ﺍﻣﻮﺗﻪ ﻣﻦ ﺍﻟﻀﺮﺏ ، ﻃﻠﻊ ﺍﺑﻮﻳﻪ ﺳﺤﺒﻨﻲ ﻣﻨﻪ
_ ﻟﻚ ﺻﻔﺎﺀ ﺭﺍﺡ ﺗﻤﻮﺗﻪ ﻭﻧﺒﺘﻠﻲ ﺑﻲ ﻭﺧﺮ ﻋﻨﻪ
_ ﻋﻮﻓﻨﻲ ﻳﺎﺑﻪ ﻋﻮﻓﻨﻲ ﺍﺍﺩﺑﻪ ﻫﺎﻟﻌﺎﺭبيج قصص عراقيه حقيقيه من واقعنا.روعه الطائي
ﻟﺰﻣﻨﻲ ﺍﺑﻮﻳﻪ ﻗﻮﻱ ﻭﺑﻌﺪﻧﻲ ﻋﻨﻪ
ﻭﻫﻴﺜﻢ ﺩﻳﺤﺎﻭﻝ ﻳﻜﻮﻡ ﻣﻦ ﺍﻻﺭﺽ ﻭﻣﺘﻮﺟﻊ
ﺻﻴﺤﺖ ﻋﻠﻴﻪ ﺣﻀﺮ ﻋﻤﺎﻣﻚ ﺍﻧﻌﻞ ﺃﺑﻮﻙ ﻻﺑﻮ ﺷﺮﻓﻚ ﻋﺎﺭ ﻧﺎﻗﺺ ...
ﺍﻟﺘﻔﺘﺖ ﺷﻔﺖ ﻋﻤﺘﻲ ﺑﺎﻟﻜﻮﺓ ﻻﺯﻣﺔ ﻋﺒﻴﺮ
ﺗﺮﻳﺪ ﺗﻬﺪ ﻭﻳﺎﻳﻪ ﻭﺯﻫﺮﺍﺀ ﻣﺎﻛﻮ ﻣﺨﺘﻔﻴﻪ ...
ﻋﺪﻟﺖ ﻣﻼﺑﺴﻲ ﻭﺍﻧﻲ ﺍﻟﺘﻘﻂ ﺍﻧﻔﺎﺳﻲ
ﺭﺍﺡ ﺍﺑﻮﻳﻪ ﻋﻠﻰ ﻫﻴﺜﻢ ﻭﻛﻮﻣﻪ ﻭﻛﻠﻪ ﺭﻭﺡ ﻣﻨﺎ ﻳﻠﻠﻪ
ﻭﻫﺬﺍ ﺍﻟﺠﺒﺎﻥ ﻣﺎﺻﺪﻙ ﻟﺤﺲ ﺻﻮﺍﺑﻪ ﻭﻛﺎﻡ ....
ﻋﻤﺘﻲ ﻛﺎﻟﺖ ﺻﻔﺎﺀ ﻣﻨﻮ ﻫﺬﺍ ﺗﻌﺮﻓﻪ ﺍﻧﺖ ؟
ﺟﺎﻭﺑﺘﻬﺎ ﻭﺍﻧﻲ ﻻﺯﻣﻬﺎ ﻣﻦ ﻛﺘﻔﻬﺎ ﻭﺍﺣﺎﻭﻝ ﺍﻃﺒﺒﻬﺎ ﺟﻮﻩ
ﺍﻱ ﻋﻤﻪ ﻋﻮﺩ ﺟﺎﻥ ﺻﺪﻳﻘﻲ ﻫﻮ ﻧﻔﺴﻪ ﺍﻟﻲ ﻳﺮﻳﺪ ﻳﺨﻄﺐ ﺯﻫﺮﺍﺀ ﻭﻫﻴﻪ ﺭﻓﻀﺖ
_ ﻭﺷﻌﻨﺪﻩ ﻻﺣﻜﻬﺎ ﻟﻠﺒﻨﺘﻲ ﻣﻮ ﺭﻓﻀﺘﻪ ﺑﻌﺪ ﺷﻜﻮ ﺟﺎﻱ ﺗﺎﺑﻌﻬﺎ ؟
_ ﻛﺘﻠﻪ ﻳﺤﻀﺮ ﻋﻤﺎﻣﻪ ﺧﻠﻲ ﻧﺄﺩﺑﻪ ﻭﻧﻄﻴﺢ ﺣﻈﻪ ﻧﺎﺱ ﻣﺘﺠﻲ ﺍﻟﻪ ﺑﺎﻟﻌﻴﻦ ﺍﻟﺤﻤﺮﺓ ﺍﻟﻪ ﺍﺧﻠﻲ ﻋﺒﺮﺓ ﻟﻐﻴﺮﻩ ﻓﻮﺗﻲ ﻋﻤﻪ ﻓﻮﺗﻲ ﺟﻮﺓ ...
ﺯﻫﺮﺍﺀ ... ﻣﺘﺖ ﺧﻮﻑ ﻭﺍﻧﻲ ﺍﻧﺘﻈﺮ ﺍﻣﻲ ﺗﻔﻮﺕ ﻋﻠﻴﻪ ﻭﺍﻧﻲ ﺑﻐﺮﻓﺘﻲ ، ﺧﺎﻳﻔﺔ ﻻﻳﻄﻠﻌﻮﻥ ﺍﻟﺼﻮﺝ ﺑﻴﻪ ﺍﻭ ﻋﺒﺎﻟﻬﻢ ﺍﻧﻲ ﻣﻮﺍﻋﺪﺗﻪ ..
ﺩﻗﺎﻳﻖ ﻭﺍﺳﻤﻊ ﺻﻮﺕ ﺍﻣﻲ ﻣﻦ ﺍﻟﺼﺎﻟﺔ ﻭﻳﻨﺞ ﺯﻫﺮﺍﺀ ﺗﻌﺎﻟﻲ ﻫﺴﻪ ..
ﻃﻠﻌﺖ ﺍﺭﺟﻒ ﺍﻣﺸﻲ ﻳﻤﻜﻦ ﻋﺒﺎﻟﻬﻢ ﺃﻧﻲ ﻣﻮﺍﻋﺪﺗﻪ ، ﺍﻓﺮﻙ ﺑﻴﺪﻳﻪ ﺍﻣﺸﻲ ﻭﺍﻧﺼﻲ ﻣﺜﻞ ﺍﻟﻲ ﻣﺴﻮﻱ ﺟﺮﻳﻤﺔ ﻛﺒﻴﺮﺓ ﺍﻭﻝ ﻣﺮﺓ ﺍﺗﻌﺮﺽ ﻟﻬﻴﺞ ﻣﻮﻗﻒ ﺗﺤﺮﺵ ..
ﺑﺲ ﻃﻠﻌﺖ ﺻﺎﺣﺖ ﺑﻮﺟﻬﻲ ﻋﺒﻴﺮ : ﻭﻟﺞ ﺍﻧﺘﻲ ﺷﻠﻮﻥ ﺗﺴﻜﺘﻴﻠﻪ ﻭﺟﺎﻱ ﻭﺭﺍﺝ ﻟﻠﺒﻴﺖ ﻣﻮ ﻋﻨﺪﺝ ﻣﻮﺑﺎﻳﻞ ﻭﻳﺴﺠﻞ ﺟﺎﻥ ﺳﺠﻠﺘﻲ ﻛﻼﻣﻪ ﺍﻧﻌﻞ ﺃﺑﻮﻩ ﻻﺑﻮ ﺍﺧﺨﺦ ﺑﻌﺪﻧﻲ ﻣﺎﺑﺮﺩﺕ ﻗﻠﺒﻲ ﺑﻲ ...
ﺑﺲ ﻋﻔﻴﻪ ﺻﻔﺎﺀ ﺧﻮﺵ ﺍﺩﺑﻪ ﻭﻟﺞ ﺑﻴﺞ ﺑﺨﺖ ﺃﻧﻲ
ﻛﺎﻋﺪﻩ ﺑﺎﻟﺒﺎﺏ ﻭﺷﻔﺘﻜﻢ ﺟﺎﻥ ﻛﺎﻟﻮﺍ ﻫﻲ ﺻﺎﺣﺒﺘﻪ
ﺍﻟﻨﺎﺱ ﺑﺲ ﺗﺮﻳﺪ ﺣﺠﺎﻳﻪ ﻉ ﺍﻟﻮﺍﺣﺪ ﺃﻧﺘﻲ ﺍﻟﻰ ﻣﺘﻰ ﺗﺒﻘﻴﻦ ﻫﻴﺞ ﺟﺒﺎﻧﻪ ﻟﻮ ﻟﺴﺎﻧﺞ ﺑﺲ ﻋﻠﻴﻪ
ﺑﻌﺪﻫﺎ ﺗﺤﺠﻲ ﻭﺗﻔﺮﻓﺢ ﺭﺍﺣﺖ ﻣﺎﻣﺎ ﺟﺎﺑﺘﻠﻬﺎ ﻣﻲ
ﺣﻠﻜﻬﺎ ﻳﺒﺲ ﻣﻦ ﻛﺪ ﻣﺎﻋﻴﻄﺖ ﺍﻧﻄﺖ ﺍﻟﻤﻲ ﺍﻟﻬﺎ ﻭ ﺍﺟﺖ ﻣﺎﻣﺎ ﻳﻤﻲ ﺗﻘﺮﺑﺖ ﻋﻠﻴﻪ ﻛﻠﺶ ﻭﺍﻧﻲ ﺍﺑﺘﻌﺪ ﻋﻨﻬﺎ
_ ﺑﻴﺞ ﺑﺨﺖ ﺍﺧﺘﺞ ﻛﺎﻋﺪﻩ ﻭﻟﺞ ﻟﻮ ﻃﺎﻟﻌﻪ ﻫﺎﻱ ﺟﻴﺮﺍﻧﻪ ﺍﻡ ﻣﺤﻤﺪ ﻭﺷﺎﻳﻔﺘﻜﻢ ﺟﺎﻥ ﺳﻮﺗﺞ ﻓﺮﺟﻪ ﻟﻠﻌﺎﻟﻢ ﺃﺩﺭﻱ ﻳﺎ ﻣﺎﻣﺎ ﻣﻮ ﻋﻨﺪﺝ ﻣﻮﺑﺎﻳﻞ ﺟﺎﻥ ﺧﺎﺑﺮﺗﻲ ﺻﺨﻤﺘﻲ ...
ﺃﻧﺘﻲ ﺷﻠﻮﻥ ﺑﻴﺞ ﻟﻴﺶ ﻣﺎﺻﻌﺪﺗﻲ ﺳﻴﺎﺭﺓ
ﻭﺍﺟﻴﺘﻲ ﻟﻠﺒﻴﺖ ﺍﻛﻮ ﻭﺣﺪﻩ ﺗﺴﻮﻱ ﺳﻮﺍﻳﺘﺞ ﺟﺎﻳﻪ ﻣﻦ
ﺷﺎﺭﻉ ﺍﻟﻤﻐﺮﺏ ﻟﻬﻨﺎ ﻣﺸﻲ ﻃﺒﻌﺎ ﻳﺸﻮﻓﺞ ﺃﻧﺘﻲ ﻭﻫﺬﺍ ﺷﻌﺮﺝ ﻭﻟﺒﺴﺞ ﻭﺟﺎﻳﻪ ﺗﺘﻤﺸﻴﻦ ﺷﻲ ﻃﺒﻴﻌﻲ ﻫﻴﺞ ﻳﺴﻮﻱ ...
ﻭﻟﺞ ﺯﻫﺮﺍﺀ ﻣﻦ ﺑﺎﺟﺮ ﺗﻠﺒﺴﻴﻦ ﺣﺠﺎﺏ ﻭﺃﺭﻳﺪ ﺍﻟﻠﻪ ﻳﻬﺪﻳﺞ ﻭﺗﺒﻘﻴﻦ ﺳﺎﻓﺮﺓ ..
ﺍﻛﺘﻔﻴﺖ ﺑﺲ ﺍﻫﺰ ﺭﺍﺳﻲ ﻭﻣﺪﻧﻜﺔ ﻭﺍﻟﺪﻣﻊ ﺑﻄﺮﻑ ﻋﻴﻨﻲ
ﻭﺍﻣﻲ ﻣﺴﺘﻤﺮﺓ ﺗﺮﺯﻝ ﺑﻴﻪ ﺑﺪﻭﻥ ﺗﻮﻗﻒ ..
ﺟﺘﻲ ﻋﻠﻴﻬﺎ ﻋﺒﻴﺮ ﺳﺤﺒﺘﻬﺎ ﻣﻦ ﻛﻒ ﺍﻳﺪﻫﺎ ﻭﻇﻠﺖ ﺗﺤﺠﻲ ﻭﻳﺎﻫﻪ ﺑﻬﺪﻭﺀ -: ﻳﻮﻡ ﺷﻲ ﺻﺎﺭ ﺑﻌﺪ
ﻭﺍﻟﺼﻮﺝ ﻣﻮ ﻛﻠﻪ ﺑﺰﻫﺮﺍﺀ ﻫﻮ ﺃﺑﻦ ﺣﺮﺍﻡ ﻭﻧﺎﻗﺺ ﺷﻠﻮﻥ ﻳﻠﺤﻚ ﺑﻨﺖ ﻋﻢ ﺻﺪﻳﻘﻪ ﻫﻢ ﻭﻟﺪ ﺍﻟﺤﺮﺍﻡ ﻛﺜﺮﺍﻧﻴﻦ ﻫﺎﻱ ﺍﻻﻳﺎﻡ ...
ﺭﺍﺣﺖ ﺍﻣﻲ ﻛﻌﺪﺕ ﻉ ﺍﻟﺘﺨﻢ ﻭﺟﺮﺕ ﻧﻔﺲ -: ﻫﺴﻪ ﺷﻜﻮﻝ ﻻﺑﻮﺝ ﻭﺻﻔﺎﺀ ﻛﺎﻟﻪ ﺣﻀﺮ ﻋﻤﺎﻣﻚ ﻣﻮﺧﻮﺵ ﺳﺎﻟﻔﺔ ﻭﺍﻟﻠﻪ
ﻇﻠﺖ ﺍﻣﻲ ﺗﺤﺠﻲ ﻭﻱ ﻋﺒﻴﺮ ﺑﺎﻟﻤﻮﺿﻮﻉ ﻭﺍﻧﻲ ﺭﺣﺖ ﺍﺭﻛﺾ ﻟﻐﺮﻓﺘﻲ ﻭﺍﻳﺪﻱ ﻋﻠﻰ ﻗﻠﺒﻲ ، ﻳﻨﺒﺾ ﺑﻌﻨﻒ ﻣﻦ ﺍﻟﺨﻮﻑ ﻭﺍﻟﺤﻴﺮﺓ ﺍﻛﻠﺘﻨﻲ ﺍﻛﻞ ..
ﺑﺎﻟﻠﻴﻞ ﺑﻘﻴﺖ ﺑﺎﻟﻐﺮﻓﺔ ﻣﺎﻃﻠﻌﺖ ﻭﺑﻘﻴﺖ ﺑﺎﻟﺴﺮﻳﺮ ﻣﺘﻠﻔﻠﻔﺔ ﻭﻧﺎﻳﻤﺔ ، ﺍﺟﻪ ﺑﺎﺑﺎ ﺩﻳﺮﻳﺪ ﻳﺤﺎﺟﻴﻨﻲ ﺳﻮﻳﺖ ﻧﻔﺴﻲ ﻧﺎﻳﻤﺔ ﻣﺎﻛﻤﺖ ، ﻭﺭﺍﻫﻪ ﺩﺧﻠﺖ ﻋﺒﻴﺮ ﺗﺼﻴﺤﻨﻲ ﻉ ﺍﻟﻌﺸﺎﺀ ﻫﻢ ﻣﺠﺎﻭﺑﺘﻬﺎ ..
ﻳﻮﻡ ﺛﺎﻧﻲ ﺍﻟﺼﺒﺢ ﺑﻘﻴﺖ ﺑﺎﻟﺒﻴﺖ ﻭﻣﻄﻠﻌﺖ ﻟﻠﺪﻭﺍﻡ ﻭﺣﺘﻰ ﺍﻫﻠﻲ ﻣﺸﻔﺘﻬﻢ ﻟﻠﻌﺼﺮ ﺍﻧﻔﺘﺤﺖ ﺍﻟﺒﺎﺏ ﻋﻠﻴﻪ ﻭﺷﻔﺘﻬﺎ ﻣﺎﻣﺎ
ﻛﺎﻟﺖ ﻛﺎﻓﻲ ﺣﺎﺑﺴﺔ ﻋﻠﻰ ﻧﻔﺴﺞ ﺩﻳﺮﻱ ﺑﺎﻟﺞ ﻉ ﺍﻟﺒﻴﺖ ﺭﺍﻳﺤﻴﻦ ﻟﻠﻄﺒﻴﺐ ﺍﻧﻮ ﻭﻋﺒﻴﺮ ﺩﻧﺠﻴﻚ ﺣﺎﻟﺘﻬﺎ ، ﺩﻳﺮﻱ ﺑﺎﻟﺞ ﻋﻠﻰ ﺍﺧﺘﺞ ..
ﺍﻧﺘﻔﻀﺖ ﻣﻦ ﺍﻟﺴﺮﻳﺮ ﺑﺴﺮﻋﺔ ﻭﺍﻧﻲ ﺍﻋﺼﺮ ﺑﺎﺻﺎﺑﻌﻲ
ﺑﻨﺒﺮﺓ ﺣﻤﺎﺳﺔ ﺟﺎﻭﺑﺘﻬﺎ -: ﺻﺎﺭ ﻣﺎﻣﺎ ﺗﺘﺘﺪﺩﻟﻠﻴﻦ
ﺭﻓﻌﺖ ﺗﻚ ﺣﺎﺟﺒﻬﺎ ، ﺗﻨﻬﺪﺕ ، ﻃﻠﻌﺖ ﻭﺳﺪﺕ ﺍﻟﺒﺎﺏ .
ﻃﻠﻌﺖ ﺍﻧﻲ ﻣﻦ ﺍﻟﻐﺮﻓﺔ ﻣﺸﻔﺖ ﺑﺲ ﻣﺮﻳﻢ ، ﺗﺸﻜﻠﺖ ﻭﺑﻠﺸﺖ ﺍﻟﻤﻊ ﺍﻟﺒﻴﺖ ﻭﺍﺳﻮﻱ ﺣﻠﻮﻳﺎﺕ ﻭﻛﻴﻚ
ﻭﺍﻧﻲ ﻣﺸﻐﻮﻟﺔ ﺑﺎﻟﻤﻄﺒﺦ ﺍﻧﺪﻛﺖ ﺍﻟﺒﺎﺏ ، ﺻﺤﺖ ﻋﻠﻰ ﻣﺮﻳﻢ ﺗﻔﺘﺢ ﺍﻟﺒﺎﺏ ﺭﺍﺣﺖ ﻭﺍﺟﺖ ﻛﺎﻟﺖ ﻋﻤﻪ ﺃﻡ ﺣﺴﻴﻦ ﺟﺘﻲ ﻳﻤﻨﻪ ...
ﻃﻠﻌﺖ ﺗﻠﻜﻴﺘﻬﺎ ﻣﻦ ﺍﻟﺒﺎﺏ ﻭﻓﻮﺗﺘﻬﺎ ﺑﺎﻟﻤﻄﺒﺦ ..
ﺑﺲ ﺩﺧﻠﺖ ﺍﺷﺘﻤﺖ -: ﺍﻟﻠﻪ ﺷﻨﻮ ﻫﺎﻱ ﺍﻟﺮﻳﺤﺔ ﺍﻟﺤﻠﻮﺓ
_ ﻋﻤﻪ ﺩﺍ ﺍﺳﻮﻱ ﻛﻴﻚ ﻭﺣﻼﺓ ﺟﻜﻠﻴﺘﻴﻪ
_ ﺍﻱ ﻋﺎﺩ ﻛﻴﻜﺞ ﻣﻦ ﻫﺬﺍ ﺍﻟﻴﻌﺠﺐ ﻣﺮﺓ ﺣﺴﻴﻦ ﺷﻜﺪ ﺗﺴﻮﻱ ﻛﻴﻚ ﻭﺫﻳﺞ ﻣﺮﺓ ﺣﻴﺪﺭ ﺍﺣﺴﻪ ﺯﻓﺮ ﺯﻓﺮ ﻭﻻ ﻳﻨﺄﻛﻞ ﺍﻟﻪ ﺍﻟﻜﻴﻜﻪ ﺍﻟﻲ ﺗﺴﻮﻱ ﺍﻛﻞ ﻭﻣﺎ ﺍﺷﺒﻊ ﻣﻨﻪ ..
ﺿﺤﻜﺖ -: ﺗﺪﻟﻠﻴﻦ ﻋﻤﻪ ﻫﺴﻪ ﺑﺲ ﺍﻃﻠﻊ ﺍﻟﻜﻴﻜﺔ ﺍﺧﻠﻴﻠﺞ ﻭﺍﺫﺍ ﺗﺮﺩﻳﻦ ﺣﻼﻭﺓ ﻫﻤﺎﺗﻴﻦ
ﺍﺷﺮﺕ ﺑﻴﺪﻫﺎ -: ﻻ ﻻ ﻣﺎ ﺍﺭﻳﺪ ﺣﻼﻭﺓ ﺗﻜﻌﺪ ﻋﻠﻰ ﻛﻠﺒﻲ ﻭﺧﺎﻑ ﻳﺼﻌﺪ ﺍﻟﺴﻜﺮ ﺑﺲ ﻛﻴﻚ ﻭﻫﻢ ﻗﻄﻌﺔ ﻟﺼﻔﺎﺀ ﺍﺧﺬﻫﻪ ﻭﻳﺎﻳﻪ ﺍﻛﻮﻟﻪ ﻣﻦ ﺯﻫﺮﺍﺀ
ﺩﺍ ﺍﺷﺮﺏ ﻣﻲ ﻏﺼﻴﺖ
ﻛﺎﻣﺖ ﺗﻀﺮﺏ ﻋﻠﻰ ﻇﻬﺮﻱ -: ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ﻫﺎﻱ ﺷﺒﻴﺞ ﻋﻴﻨﻲ ﺯﻫﻮﺭﺓ ﺑﺲ ﺳﻤﻌﺘﻲ ﺑﺎﺳﻤﻪ ﻏﺼﻴﺘﻲ ، ﺍﻱ ﺣﻘﺞ ﻣﺎﺗﻨﻼﻣﻴﻦ .
ﺍﻧﺪﺍﺭﻳﺖ ﻋﻠﻴﻬﺎ ﻭﻛﻮﺓ ﻣﺴﻴﻄﺮﺓ ﻭﺍﺣﺠﻲ -: ﻻ ﻋﻤﻪ ﻋﻔﻴﺔ ﻫﺴﻪ ﺷﻴﻜﻮﻝ ﻋﻠﻴﻪ ﻋﻴﺐ ﺍﺳﺘﺤﻲ ﻭﺍﻟﻠﻪ ..
_ ﻟﺞ ﻭﻋﻠﻴﻤﻦ ﺗﺴﺘﺤﻴﻦ ﺍﻧﺖ ﺍﻭﻝ ﻭﺗﺎﻟﻲ ﺍﻟﻪ ..
ﻇﻠﻴﺖ ﺍﻛﻞ ﻭﺍﺿﺮﺏ ﻋﻠﻰ ﺻﺪﺭﻱ ﺑﻘﺒﻀﺔ ﺍﻳﺪﻱ ، ﻭﻫﻴﻪ ﺗﻜﻮﻝ ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ..
ﻫﺴﻪ ﻣﻌﻠﻴﻪ ﺍﺭﻳﺪ ﺣﺼﺘﻲ ﻭﺣﺼﺔ ﺻﻔﺎﺀ
ﺳﻜﺘﺖ ﻭﺍﻓﻜﺮ ﺧﻠﻲ ﺍﺧﻠﻴﻠﻬﺎ ﻗﻄﻌﺔ ﻭﺍﻏﻠﺲ ﻋﻠﻰ ﺣﺼﺔ ﺻﻔﺎﺀ ﺑﻠﻜﻲ ﺗﻨﺴﻰ ..
ﺍﻧﺪﻛﺖ ﺍﻟﺒﺎﺏ ﻛﺎﻟﺖ -: ﻳﺎ ﻫﺬﺍ ﻣﻨﻮ ﺍﻟﻲ ﺟﺎﻳﻴﻠﻜﻢ ؟
_ ﻣﺎ ﺍﺩﺭﻱ ﻋﻤﺔ ﻫﺴﻪ ﺍﻃﻠﻊ ﻭﺍﺷﻮﻑ ..
ﻃﻠﻌﺖ ﻟﻠﺒﺎﺏ ﻓﺘﺤﺘﻬﺎ ﺻﺎﺭﻥ ﺑﻮﺟﻬﻲ ﻋﺎﺋﻠﺔ ﺻﺪﻳﻖ ﺑﺎﺑﺎ
ﺯﻭﺟﺘﻪ ﻭﺍﻣﻬﺎ ﺍﻟﻲ ﺍﺟﻮﻧﺎ ﻗﺒﻞ ﻓﺘﺮﺓ ، ﺳﻠﻤﺖ ﻋﻠﻴﻬﻢ ﻭﻓﺎﺗﻮ ﺟﻮﺓ ﻭﻛﻌﺪﻭ ﺑﺎﻻﺳﺘﻘﺒﺎﻝ ..
ﺭﺟﻌﺖ ﻟﻠﻤﻄﺒﺦ ﻋﻤﻪ ﻛﺎﻟﺖ ﻣﻨﻮ ؟
_ ﻋﻤﻪ ﻫﺬﻩ ﺯﻭﺟﺔ ﺻﺪﻳﻖ ﺑﺎﺑﺎ ﻭﺍﻣﻬﺎ ..
_ ﺍﻣﺞ ﻣﺎﻛﻮ ﻣﻮ ؟
_ ﺍﻱ ﻋﻤﻪ ﺭﺍﺣﺖ ﻟﻠﺪﻛﺘﻮﺭ ﻋﻤﻮﺩ ﺗﺸﻮﻑ ﺣﺎﻟﺔ ﻋﺒﻴﺮ ..
_ ﺍﺭﻭﺡ ﺍﻧﻲ ﺍﻛﻌﺪ ﻳﻤﻬﻢ ﻋﻴﺐ ﻳﺒﻘﻮﻥ ﻭﺣﺪﻫﻢ ﺑﻴﻦ ﻣﺘﺠﻲ ﺍﻣﺞ ..
ﺭﺍﺣﺖ ﻛﻌﺪﺕ ﻳﻤﻬﻢ ﻭﺍﻧﻲ ﺑﻘﻴﺖ ﺍﺣﻀﺮ ﺍﻟﻬﻢ ﺍﻟﻀﻴﺎﻓﺔ ..
ﺧﻠﺼﺖ ﻭﺍﺧﺬﺕ ﺍﻟﺼﻴﻨﻴﺔ ﻭﺭﺣﺖ ﻟﻼﺳﺘﻘﺒﺎﻝ ﻭﺍﺳﻤﻊ ﻋﻤﻪ ﺗﻜﻮﻟﻠﻬﻢ
: - ﻭﺍﻟﻠﻪ ﺟﻴﺘﻜﻢ ﻉ ﻋﻴﻨﻲ ﻭﺭﺍﺳﻲ ﺑﺲ ﺃﻧﻲ ﺍﻟﺒﻨﻴﺔ ﺧﺎﻃﺒﺘﻬﺎ ﻷﺑﻨﻲ ﺍﻟﺪﻛﺘﻮﺭ ﺻﻔﺎﺀ ..
ﺍﻟﻨﺴﻮﺍﻥ ﻇﻠﻦ ﻭﺣﺪﻩ ﺻﺎﻓﻨﻪ ﺑﻮﺟﻪ ﺍﻟﺜﺎﻧﻴﻪ ﻭﻋﻤﻪ ﺗﺒﺎﻭﻋﻠﻲ ﻣﻦ ﻓﻮﻙ ﻟﻴﺠﻮﺓ ﻭﺍﻧﻲ ﺑﻌﺪ ﺷﻮﻳﻪ ﻭﺗﻮﻛﻊ ﺍﻟﺼﻴﻨﻴﺔ ﻣﻦ ﺍﻳﺪﻱ ..
ﺑﻘﻴﺖ ﺍﺑﺎﻭﻉ ﺑﻮﺟﻪ ﻋﻤﻪ ﻣﻮ ﻣﻦ ﺣﻘﻬﺎ
ﺗﺘﺪﺧﻞ ﺑﻴﻪ ﻭﺗﻄﺮﺩ ﻧﺎﺱ ﺟﺎﻳﻪ ﺩﺗﺨﻄﺒﻨﻲ ﻫﻲ ﻻ
ﺃﻣﻲ ﻭﻻ ﺃﺑﻮﻳﻪ ﻭﻣﺎﻟﻬﺎ ﺳﻠﻄﺔ ﻋﻠﻴﻪ ﻋﺰﺯﺯﺍ ﻫﺎﻱ ﺃﺫﺍ
ﺳﻤﻌﺖ ﻣﺎﻣﺎ ﺍﻭ ﺑﺎﺑﺎ ﻋﺮﻑ ﻫﻲ ﻣﻔﺸﻠﺘﻪ ﻛﺪﺍﻡ ﺟﻤﺎﻋﺘﻪ
ﺷﺤﻴﺴﻮﻱ ﻋﺰﺯﺯﺍ ﺍﻟﻌﺰﺍﻧﻲ
ﻃﻠﻌﻮﺍ ﺍﻟﻨﺴﻮﺍﻥ ﺭﺣﺖ ﻉ ﻋﻤﻪ ﺣﺠﻴﺖ ﻭﻳﺎﻫﺎ
_ ﻋﻤﻪ ﺷﻠﻮﻥ ﻫﻴﺞ ﺗﺴﻮﻳﻦ ﻣﻦ ﺣﺎﻟﺞ ﺗﺮﻯ ﻣﺤﻠﻮ ﻫﺬﺍ
ﺍﻟﺘﺼﺮﻑ ﺃﺑﺪ ﺃﻧﺘﻲ ﻣﺎﺍﺳﺘﺸﺎﺭﻳﺘﻲ ﻻ ﻣﺎﻣﺎ ﻭﻻ ﺑﺎﺑﺎ
ﻭﻻ ﺣﺘﻰ ﺃﻧﻲ ﺷﻠﻮﻥ ﺗﻄﺮﺩﻳﻦ ﺍﻟﻨﺴﻮﺍﻥ ﻣﻦ ﺷﻮﺭﺝ
ﻫﺴﻪ ﺃﺫﺍ ﻋﺮﻓﺖ ﻣﺎﻣﺎ ﺗﺘﺨﺒﻞ
_ ﻭﺍﻟﻠﻪ ﺟﻨﺞ ﻣﻜﻴﻔﻪ ﻭﺗﺮﻳﺪﻳﻦ ﺗﺘﺰﻭﺟﻴﻦ ﺑﻨﺖ ﺳﻮﺳﻦ
ﻟﻌﺪ ﺩﺍﺩﺓ ﻟﻴﺶ ﻋﻴﻮﻧﺞ ﺗﻨﻂ ﻣﻦ ﺗﺸﻮﻑ ﻭﻟﻴﺪﻱ ؟
_ ﻋﻤﻪ ﺑﺲ ﺧﻠﻲ ﺍﻓﻬﻤﺞ
_ ﺍﺳﻜﺘﻲ ﺑﻨﺎﺕ ﺃﺧﺮ ﻭﻛﺖ ﻭﻻ ﺗﻨﺤﺰﺭﻥ ﺃﻧﻲ ﺳﻮﻳﺖ ﻫﻴﺞ ﻋﻠﻤﻮﺩﺝ ﺷﻔﺘﺞ ﻫﺎﻳﻤﻪ ﺑﺤﺒﻪ ﻟﺼﻔﺎﺀ ﻛﻠﺖ ﺧﻠﻲ ﺃﺳﺎﻋﺪﻫﺎ ..
ﺩﻧﻜﺖ ﻭﺳﻜﺘﺖ ..
ﻫﻴﻪ ﻛﻤﻠﺖ ﻛﻼﻣﻬﺎ -: ﺟﺎﻳﻪ ﺗﻜﻤﺰﻳﻦ ﻉ ﺭﺃﺳﻲ ﺟﻨﺞ ﻗﺮﺩ ﻭﻣﻀﻴﻊ ﺃﻣﻲ ﻭﻟﻲ ﻣﻦ ﻭﺟﻬﻲ ...
ﺭﺍﺣﺖ ﺗﻤﺸﻲ ﺻﻮﺏ ﺑﺎﺏ ﺍﻟﺒﻴﺖ ﺩﺗﺮﻳﺪ ﺗﻄﻠﻊ
ﺍﻟﺘﻔﺘﺖ ﻋﻠﻴﻪ -: ﻋﻮﺩ ﻣﻦ ﺗﺠﻲ ﺃﻣﺞ ﻛﻠﻴﻠﻬﺎ ﻋﻤﺘﻲ
ﻃﺮﺩﺗﻬﻢ ﻭﺃﻧﻲ ﺍﺭﻳﺪﻫﺎ ﻣﻦ ﺍﻟﻠﻪ ﺣﺠﻪ ..
ﻭ ﻳﻼ ﺃﻧﻲ ﺭﺍﻳﺤﻪ ﺣﺘﻰ ﺍﻟﻜﻴﻚ ﻣﺎﻟﺘﺞ ﻫﻢ ﻣﺎﺭﻳﺪﻩ ..
ﺯﻫﺮﺍﺀ : ﻇﻠﻴﺖ ﺻﺎﻓﻨﻪ ﻫﺎﻱ ﺷﺒﻴﻬﺎ ﺃﻧﻮﺏ ﻣﻘﺘﻨﻌﻪ
ﺑﺘﺼﺮﻓﻬﺎ ﻭﺗﺼﻴﺢ ﻋﻠﻴﻪ ، ﺍﻭﻭﻭﻭﻭ ﺷﻌﻠﻴﻪ ﻣﻦ ﻳﺠﻮﻥ
ﺑﺎﺑﺎ ﻭﻣﺎﻣﺎ ﻫﻢ ﻳﺤﻠﻮﻫﺎ ﺃﻧﻲ ﻣﺎﻟﻲ ﺩﺧﻞ ....
ﻋﺒﻴﺮ : ﻣﻦ ﻃﻠﻌﻨﺎ ﻣﻦ ﺍﻟﺪﻛﺘﻮﺭ ﺑﻌﺪ ﻣﺎ ﻃﻤﻦ ﻣﺎﻣﺎ ﻉ
ﻭﺿﻌﻲ ﺃﻣﻲ ﺍﺗﺼﻠﺖ ﺑﺒﺎﺑﺎ ﺣﺘﻰ ﻳﺠﻲ ﻳﺄﺧﺬﻧﺎ ﻭﻧﺮﺟﻊ
ﻟﻠﺒﻴﺖ ﺟﺎﻭﺑﻬﺎ ﻧﺺ ﺳﺎﻋﻪ ﻭﻳﻮﺻﻞ ﻛﻌﺪﻧﺎ ﻧﻨﺘﻈﺮ
ﺍﻟﻰ ﺃﻥ ﺍﺗﺼﻞ ﺑﺎﺑﺎ ﺣﺘﻰ ﻧﻄﻠﻌﻠﻪ ، ﻃﻠﻌﻨﺎ ﺷﻔﻨﺎ ﻭﺍﻛﻒ ﺑﺒﺎﺏ ﺍﻟﻌﻴﺎﺩﺓ ..
ﺃﻭﻝ ﻣﺼﻌﺪﻧﺎ ﺑﺎﻟﺴﻴﺎﺭﺓ ﺑﺎﺑﺎ ﺳﺤﺐ ﺃﻳﺪ ﻣﺎﻣﺎ ﻭﺑﺎﺳﻬﺎ
ﻭﻻ ﻋﺒﺎﻟﻚ ﺃﻧﻲ ﻣﻮﺟﻮﺩﻩ ﻭﻻﻳﻤﻬﻢ ﺃﻧﻲ ﻫﻢ ﻏﻠﺴﺖ
ﻭﺑﻠﺶ ﻛﺎﻇﻢ ﺍﻟﺴﺎﻫﺮ ﻳﺘﻐﺰﻝ ﺑﻠﻴﻠﻰ ﻭﺍﻧﻲ ﺃﺑﺎﻭﻉ
ﻋﻠﻴﻬﻢ ﻛﻞ ﺷﻮﻳﻪ ﺃﺩﻳﺮ ﺭﺍﺳﻲ ﻉ ﻭﺍﺣﺪ ﻣﻨﻬﻢ ﺣﺘﻰ
ﺭﻛﺒﺘﻲ ﻛﺎﻣﺖ ﺗﻮﺟﻌﻨﻲ ﺃﺧﻴﺮ ﺷﻲ ﺣﻤﺤﻤﺖ ﻭﻫﻢ ﻭﻻ
ﻳﻤﻬﻢ
ﺑﺎﺑﺎ : ﺗﺪﺭﻳﻦ ﺃﻡ ﺑﻨﻴﺎﺗﻲ ﺩﺍﺍﻓﻜﺮ ﻧﺎﺧﺬ ﺃﺟﺎﺯﺓ ﻭﻧﺴﺎﻓﺮ
ﻟﺘﺮﻛﻴﺎ ﺑﺎﻟﺼﻴﻒ ﻣﺴﺎﻓﺮﻧﺎ ﻻﻥ ﺍﻟﺘﻬﻴﻨﺎ ﺑﻌﺒﻮﺭﺓ ﻭﺍﻧﻲ
ﺃﻋﺮﻑ ﻧﻔﺴﻲ ﻣﻘﺼﺮ ﻭﻳﺎﺝ
ﻣﺎﻣﺎ : ﻻ ﻋﻴﻮﻧﻲ ﺣﺸﺎﻙ ﻣﻦ ﺍﻟﺘﻘﺼﻴﺮ ﺃﺷﻮ ﺷﺎﻳﻠﻨﻲ
ﻉ ﺭﺃﺳﻚ ﻭﺍﺫﺍ ﺗﻮﺟﻌﺖ ﺃﻧﻲ ﺍﻧﺖ ﻗﺒﻠﻲ ﺗﺘﻤﺮﺽ ﺍﺟﻤﻞ
ﻋﻄﺎﻳﺎ ﺭﺑﻲ ﺃﻧﺖَ
ﻣﺪﻳﺖ ﺭﺃﺳﻲ ﻣﻦ ﺍﻟﻤﺠﺎﻝ ﺍﻟﻲ ﻳﺼﻴﺮ ﺑﻴﻦ ﺍﻟﻜﺸﻨﻴﻦ
ﻣﺎﻝ ﺍﻟﺼﺪﺭ
_ ﺍﻛﻮﻟﻜﻢ ﻛﺎﻇﻢ ﻭﻟﻴﻠﻰ ﺍﻧﺘﻮﺍ ﺗﺘﻐﺰﻟﻮﻥ ﻭﺍﻧﻲ ﻣﺘﺖ
ﺟﻮﻉ ﺍﺷﺘﺮﻭﻟﻲ ﻟﻔﺔ ﻋﺎﺩ ﻭﻛﻤﻠﻮﺍ ﻏﺰﻟﻜﻢ
ﻭﺍﻟﻠﻪ ﺍﻟﺠﻤﺎﻋﻪ ﻳﻤﻜﻦ ﺟﺎﻧﻮﺍ ﻧﺎﺳﻴﻨﻲ ﺷﻮ ﺫﻭﻟﻪ
ﺍﻟﺘﻔﺘﻮﺍ ﻋﻠﻴﻪ ﺑﺼﺪﻣﻪ ﻋﻮﺯﻫﻢ ﻳﻜﻠﻮﻟﻲ ﺃﻧﺘﻲ ﻣﻦ
ﺷﻮﻛﺖ ﻫﻨﺎ .....
ﻭﺻﻠﻨﺎ ﻗﺮﻳﺐ ﺍﻟﻤﻨﺼﻮﺭ ﺑﺎﺑﺎ ﻣﺮ ﻉ ﻣﻄﻌﻢ ﺟﺎﺏ ﻋﺸﺎﺀ
ﺟﺎﻫﺰ ﻭﻛﺎﻟﻌﺎﺩﺓ ﺍﺷﺘﺮﻯ ﻣﺴﻜﺔ ﻣﺎﻝ ﻭﺭﺩ ﻟﻤﺎﻣﺎ ﻭﺍﺟﻪ
ﻛﺎﻇﻢ ﺍﻟﺴﺎﻫﺮ ﺍﻧﻄﻪ ﻟﻤﺎﻣﺎ ﺍﻟﻮﺭﺩ ﻭﺍﻧﻲ ﻟﻔﺔ ﺃﻣﻲ ﻛﻞ
ﻋﻘﻠﻬﺎ ﻓﺮﺣﺎﻧﻪ ﺑﺎﻟﻮﺭﺩ ﻭﺍﻧﻲ ﺑﻬﺎﻱ ﺍﻟﻠﺤﻈﻪ ﺍﺷﻮﻑ
ﻟﻔﺔ ﺍﻟﺸﺎﻭﺭﻣﺎ ﺷﺮﻳﻚ ﺍﺣﻼﻣﻲ ﻣﻦ ﺍﻟﺠﻮﻉ ...
ﻭﺻﻠﻨﺎ ﻟﻠﺒﻴﺖ ﺗﻠﻜﺘﻨﺎ ﻣﺮﻳﻢ
_ ﺗﺮﻯ ﻋﻤﻪ ﺍﻡ ﺻﻔﺎﺀ ﺟﺎﻧﺖ ﻫﻨﺎ ﻭﺭﺍﺣﺖ
ﺑﺎﺑﺎ : ﻟﻴﺶ ﻣﺎﺍﻧﺘﻈﺮﺗﻨﺎ
_ ﻣﺎﺍﺩﺭﻱ ﺣﺘﻰ ﻣﺎﺑﻘﺖ ﺗﺘﻌﺸﻰ ﻳﻤﻨﺎ ﺟﺎﻧﺖ ﻛﺎﻋﺪﻩ
ﻫﻲ ﻭﺯﻫﺮﺍﺀ ﺳﻮﻳﻪ
ﺑﺎﺑﺎ : ﺯﻳﻦ ﻣﻨﻮ ﺍﺟﻪ ﻣﻨﻮ ﺭﺍﺡ ؟
ﻣﺮﻳﻢ : ﻻ ﺑﺎﺑﺎ ﺑﻌﺪ ﻣﻴﺼﻴﺮ ﺍﻓﺘﻦ ﻭ ﺍﻭﺻﻞ ﺣﺠﻲ
ﻋﺒﻴﺮ ﻣﺘﻘﺒﻞ ﻛﺎﻟﺖ ﺍﻟﻔﺘﻦ ﺃﺷﺪ ﻣﻦ ﺍﻟﻘﺘﻞ ﻭﺍﻟﻠﻪ ﻳﺬﺑﻨﻲ
ﺑﺎﻟﻨﺎﺭ
ﺑﺎﺑﺎ : ﺑﻮﻳﻪ ﺳﺄﻟﺘﺞ ﻣﺎﻛﻠﺘﻠﺞ ﻓﺘﻨﻲ ﻟﻌﺪ ﺃﻧﺘﻲ ﻟﻮ
ﺍﻃﺨﻪ ﻟﻮ ﺍﻃﻠﻊ ﻣﺨﻪ ﻋﺠﻴﻴﻴﺐ
ﺩﺧﻠﻨﺎ ﺗﻠﻜﺘﻨﺎ ﺯﻫﺮﺍﺀ ﻋﺒﺎﻟﻚ ﻣﺴﻮﻳﻪ ﻓﺪ ﻣﻜﺴﻮﺭﺓ
ﻣﺎﻣﺎ ﻋﺮﻓﺘﻬﺎ ﻟﺤﻜﺘﻬﺎ
ﺯﻫﺮﺍﺀ : ﻣﻦ ﺍﺟﻮﺍ ﺃﻫﻠﻲ ﺧﻔﺖ ﻫﺴﻪ ﻋﺒﺎﻟﻬﻢ ﺃﻧﻲ
ﻃﻠﺒﺖ ﻣﻦ ﻋﻤﻪ ﻫﻴﺞ ﺗﺴﻮﻱ ﺍﻟﻤﺼﻴﺒﺔ ﻣﺎﻣﺎ
ﺣﺎﻓﻈﺘﻨﻲ ﻣﻦ ﺷﺎﻓﺘﻨﻲ ﻫﻴﺞ ﻣﺮﺗﺒﻜﺔ ﻟﺤﻜﺘﻨﻲ
ﻟﻠﻤﻄﺒﺦ
_ ﺷﺒﻴﺞ ﺯﻫﻮﺭﻩ ﺷﻜﻮ ﺃﺣﺠﻲ
ﺯﻫﺮﺍﺀ : ﻫﺎ ﻣﻮ ﺷﺴﻤﻪ ﻫﺎﻱ ﻋﻤﻪ
_ ﺷﻨﻮ ﺷﺴﻤﻪ ﺷﻨﻮ ﻋﻤﻪ ﺃﺣﺠﻲ ﺑﻨﺘﻲ ﺷﻜﻮ
ﺯﻫﺮﺍﺀ : ﺣﺠﻴﺖ ﻟﻤﺎﻣﺎ ﻛﻮﻟﺸﻲ ﺗﻔﺎﺟﺌﺖ
ﻭﻛﺎﻟﺖ ﻭﺍﻧﺘﻲ ﺷﻜﻮ ﺧﺎﻳﻔﻪ ﺷﻌﻠﻴﺞ ﻧﻜﻮﻝ ﻷﺑﻮﺝ ﻭﻫﻮ
ﻳﺘﺼﺮﻑ ﻟﺘﻈﻠﻴﻦ ﻣﻦ ﻛﻮﻟﺸﻲ ﺗﺨﺎﻓﻴﻦ ﻭﺭﺍﺝ ﻛﻠﻴﺔ
ﻣﺎﻣﺎ ﺗﺸﺠﻌﻲ ..
ﻫﺰﻳﺖ ﺭﺍﺳﻲ ﻭﺍﻧﻲ ﻣﺪﻧﻜﺔ ..
ﻛﺎﻟﺖ ﻳﻼ ﺃﺭﻭﺡ ﺍﻏﺴﻞ ﻭﺍﺟﻲ ﺣﻀﺮﻭﺍ ﺍﻻﻛﻞ
ﺃﻧﺘﻲ ﻭﻋﺒﻴﺮ ﻫﺎﻱ ﺑﺲ ﺗﺠﻮﻉ ﺗﺜﺒﺮﻧﺎ ﻃﺎﻟﻌﻪ ﻉ ﺃﺑﻮﺝ
ﻭﻣﻨﺎ ﻫﻢ ﺃﺑﻮﺝ ﺟﻮﻋﺎﻥ ﻣﺎﺑﻴﻪ ﺣﻴﻠﻬﻢ ﻭﺍﻟﻠﻪ ﺍﺣﺲ
ﺍﻟﺴﻜﺮ ﻣﺮﺗﻔﻊ
ﻛﺘﻠﻬﺎ ﺳﻼﻣﺘﺞ ﻣﺎﻣﺎ ..
_ ﺍﻟﻠﻪ ﻳﺴﻠﻤﺞ ..
ﺗﺮﻛﺘﻨﻲ ﻭﺭﺍﺣﺖ ﺍﻃﻤﺌﻨﻴﺖ ﻣﻦ ﻛﻼﻣﻬﺎ ﻣﺎﻣﺎ ﺩﺍﺋﻤﺎ
ﺗﺸﺠﻌﻨﻲ ﻭﺗﻘﻮﻳﻨﻲ ﻛﻼﻣﻬﺎ ﻃﺎﻗﻪ ﺃﻳﺠﺎﺑﻴﻪ ﺍﻟﻴﻪ
ﺩﺍﺋﻤﺎً ...
ﺍﺟﺖ ﻋﺒﻴﺮ ﺑﺎﻭﻋﺖ ﻋﻠﻴﻪ
_ ﺯﻫﺮﺍﺀ ﺗﺮﻯ ﻣﻴﺘﻪ ﺟﻮﻉ ﻋﻠﻴﺞ ﺍﻟﻌﺒﺎﺱ ﻟﺘﺘﺼﻔﻨﻴﻦ
ﺗﻌﺎﻟﻲ ﻧﺤﻀﺮ ﺍﻻﻛﻞ ﻭﺑﺎﺑﺎ ﻫﻢ ﺟﻮﻋﺎﻥ ...
ﻛﻤﺖ ﻭﻳﺎﻫﺎ ﺳﺎﻋﺪﺗﻬﺎ ﻫﻲ ﺟﺎﻧﺖ ﻣﻤﻨﻮﻉ ﺗﺪﻧﻚ ﻫﻮﺍﻱ
ﺍﻟﺪﻛﺘﻮﺭ ﻣﺎﻧﻌﻬﺎ ﺗﻌﺸﻴﻨﺎ ﺑﻌﺪﻫﺎ ﻣﺎﻣﺎ ﻓﺘﺤﺖ ﺍﻟﻤﻮﺿﻮﻉ
ﻭﻳﺎ ﺑﺎﺑﺎ ﺻﺎﺭ ﻧﺎﺭ ﻛﺎﻡ ﻳﻌﻴﻂ ﺑﺎﻭﻉ ﻉ ﺍﻟﺴﺎﻋﻪ ﺑﻌﺪ ﻭﻗﺖ ﻟﺒﺲ ﻭﺻﺎﺡ ﻋﻠﻴﻪ ﻭﻳﻨﺞ ﺯﻫﻮﺭﺓ ﺍﻣﺸﻲ ﻭﻳﺎﻳﻪ
ﺗﻔﺎﺟﺌﺖ ﻭﺻﻔﻨﺖ ﺑﻮﺟﻬﻪ -: ﻭﻭﻳﻦ ﻭﻳﻦ ﺑﺎﺑﺎ ؟
_ ﻟﺒﻴﺖ ﻋﻤﺞ ﻳﻼ ﺍﻣﺸﻲ
_ ﺑﺲ ﺑﺎﺑﺎ
_ ﺍﻣﺸﻲ ﺩﺍﻛﻮﻟﺞ ..
ﻣﺸﻴﺖ ﻭﺭﺍﻩ ﻭﺍﻧﻲ ﺳﺎﻛﺘﺔ ..
ﺩﻛﻴﻨﺎ ﺍﻟﺒﺎﺏ ﻃﻠﻊ ﻋﻤﻮ ﻫﻤﺰﻳﻦ ﺻﻔﺎﺀ ﺟﺎﻥ ﺗﻮﻩ
ﻣﺘﻌﻴﻴﻦ ﻭﻋﻨﺪﻩ ﺧﻔﺮ ﺟﺎﻥ ﻣﺘﺖ ﺑﺪﻣﻲ ﻣﻦ ﺍﻟﺨﺠﻞ ﻭﺍﻟﻔﺸﻠﺔ ..
ﺩﺧﻠﻨﺎ ﺑﺎﺑﺎ ﺣﺠﻪ ﻭﻳﺎﻫﻢ ﻋﻤﻮ ﺗﺨﺒﻞ ﺑﺲ ﻋﻤﻪ ﺟﺎﻧﺖ
ﺗﺮﺍﺩﺩ
_ ﺃﺑﻦ ﻋﻤﻬﺎ ﺷﺒﻲ ﺷﻨﺎﻗﺼﻪ ﺩﻛﺘﻮﺭ ﻭﺣﻠﻮ ﻭﻣﺜﻘﻒ
ﻭﺑﻌﺪﻳﻦ ﺍﻧﻲ ﻣﺎﺍﺭﺗﺎﺣﻴﺖ ﻟﺬﻧﻲ ﺍﻟﻨﺴﻮﺍﻥ ﻭ ﺯﻫﺮﺍﺀ ﻫﻢ
ﺑﻨﺘﻲ ﻭﺷﻔﺖ ﺍﻟﻤﻨﺎﺳﺐ ﻭﺳﻮﻳﺘﻪ ﻭﺷﺘﺤﺠﻮﻥ ﺍﻧﻲ
ﻣﻘﺘﻨﻌﻪ ﺑﺘﺼﺮﻓﻲ ..
ﺑﺎﻭﻋﺖ ﻋﻠﻴﻪ ﻭﺧﺰﺭﺗﻨﻲ
ﺑﺎﺑﺎ ﻛﺎﻡ ﻋﻠﻰ ﺣﻴﻠﻪ ﻭﺍﺳﺘﺄﺫﻥ ﻛﺎﻝ ﺍﻟﺤﺠﻲ ﺿﺎﻳﻊ ﻋﻠﻴﻤﻦ
ﺍﺗﻌﺐ ﻧﻔﺴﻲ ﺑﺲ ﺑﻌﺪ ﺃﻡ ﺣﺴﻴﻦ ﻣﻤﻨﻮﻉ ﺗﺪﺧﻠﻴﻦ
ﺑﻬﻴﺞ ﻣﻮﺍﺿﻴﻊ ﻣﺼﻴﺮﻳﺔ ﺻﺢ ﺃﺣﻨﻪ ﺃﻫﻞ ﺑﺲ ﺍﻟﺰﻭﺍﺝ
ﻗﺮﺍﺭ ﻭﻣﻦ ﺣﻖ ﺍﻻﻫﻞ ﻭﺍﻟﺒﻨﻴﺔ ﻣﻮ ﺯﻭﺟﺔ ﺍﻟﻌﻢ ﺗﺤﺴﻢ
ﺍﻻﻣﺮ ..
ﻛﺎﻟﺖ ﺍﻱ ﻳﺎﺑﻪ ﺣﻘﻚ ﻭﺍﻧﻲ ﺍﻋﺘﺬﺭ ﺑﺲ ﺗﺮﺓ ﺍﻛﻴﺪ ﺯﻫﺮﺍﺀ ﻣﺠﺎﻧﺖ ﺭﺍﺡ ﺗﻮﺍﻓﻖ ﻭﻫﻢ ﺭﺟﻌﺖ ﺑﺎﻭﻋﺘﻠﻲ ﻣﺨﻨﺰﺭﺓ
ﻭﺍﻧﻲ ﺩﻧﻜﺖ ..
ﺻﻔﺎﺀ : ﺗﺤﺪﺩ ﻭﻗﺖ ﺍﻟﻜﻌﺪﻩ ﻭﺍﺗﺠﻤﻌﻮﺍ ﻋﻤﺎﻣﻲ
ﻭﺍﺟﻮﺍ ﺃﻫﻞ ﻫﻴﺜﻢ ﻭﻋﻤﺎﻣﻪ ﻭﺷﻴﺨﻬﻢ ..
ﺍﺑﻮ ﻫﻴﺜﻢ -: ﻋﻤﻲ ﺃﺑﻨﻲ ﺧﻄﺒﻬﺎ ﻭﺍﻧﺘﻮﺍ ﺭﻓﻀﺘﻮﺍ ﻭﻫﻮ ﻏﻠﻂ
ﻣﺎﺍﻛﻮﻝ ﻣﺎﻏﻠﻂ ﻣﻦ ﻟﺤﻚ ﺑﻨﺘﻜﻢ ﺑﺲ ﺍﺣﻨﻪ ﻫﺴﻪ
ﻛﺎﻋﺪﻳﻦ ﺑﺪﺍﺭﻛﻢ ﻭﻧﺼﺤﺢ ﺍﻟﻐﻠﻂ ﺑﺎﻟﺼﺢ ﺃﻧﻲ ﺍﺭﺟﻊ
ﻭﺍﻛﻮﻝ ﻃﺎﻟﺐ ﺃﻳﺪ ﺑﻨﺘﻜﻢ ﺍﻟﻤﺤﺮﻭﺳﻪ ﻷﺑﻨﻲ ﻭﻛﺪﺍﻡ
ﻫﺎﻟﻮﺟﻮﻩ ﺍﻟﺨﻴﺮﻩ ﻭﺍﺗﻤﻨﻰ ﻣﺎ ﺗﺮﻓﻀﻮﻧﻲ
ﺟﺎﻭﺑﻪ ﺍﺑﻮﻳﻪ : ﺣﺠﻲ ﻃﻠﺒﻚ ﻉ ﻋﻴﻨﻲ ﻭ ﺭﺃﺳﻲ ﺑﺲ
ﺑﻨﺖ ﺍﺧﻮﻳﻪ ﺃﻧﻲ ﺧﺎﻃﺒﻬﺎ ﻷﺑﻨﻲ ﺻﻔﺎﺀ ﻭﻫﺴﻪ ﺍﺭﺟﻊ
ﺍﺧﻄﺒﻬﺎ ﻣﻦ ﺍﺧﻮﻳﻪ ﻭﻛﺪﺍﻡ ﺍﻟﻜﻞ ....
ﺻﻔﺎﺀ : ﺍﻧﺼﺪﻣﺖ ﻣﻦ ﻛﻼﻡ ﺍﻟﻮﺍﻟﺪ ﺣﺘﻰ ﻣﺎﺍﺧﺬ ﺭﺃﻳﻲ
ﻣﻦ ﺣﺎﻟﻪ ﻓﺠﺮ ﺍﻟﻘﻨﺒﻠﻪ ﺍﻟﻜﻞ ﻇﻞ ﺻﺎﻓﻦ ﻭﻣﺪﻫﻮﺵ
ﺑﺴﺒﺐ ﻛﻼﻡ ﺍﺑﻮﻳﻪ ﺍﻧﺘﺒﻬﺖ ﻋﻤﻲ ﺗﺤﺴﻴﻦ ﺧﺎﺯﺭﻧﻲ
ﻳﻤﻜﻦ ﻋﺒﺎﻟﻪ ﺍﻧﻲ ﺍﻟﻄﻠﺒﺖ ﻣﻦ ﺍﻟﺤﺠﻲ ﻫﻴﺞ ﻳﺤﺠﻲ
ﺍﺣﺘﺎﺭﻳﺖ ﺷﻨﻮ ﺍﺳﻮﻱ ﻫﻴﺜﻢ ﻣﻦ ﺣﺎﻟﻪ ﻧﻂ ﻭﻇﻞ ﻳﺼﻴﺢ
_ ﺃﻧﺖ ﺷﻜﻮ ﻛﺒﺮﺗﻬﺎ ﻭﺭﻓﻀﺖ ﻭﻫﺴﻪ ﺳﻮﻳﺖ ﻛﻌﺪﻩ
ﺧﻮ ﺟﺎﻥ ﻛﻠﺖ ﺃﻧﻲ ﺃﺭﻳﺪﻫﺎ ﻣﺘﺴﺘﺤﻲ ﻣﻮ ﻋﻴﺐ ﻋﻠﻴﻚ
ﺟﺎﻳﺒﻨﺎ ﻭﺟﺎﻳﺐ ﺷﻴﺨﻨﺎ ﺣﺘﻰ ﺗﺬﻟﻨﺎ ﻟﻮ ﺗﻬﻴﻨﺎ
ﺟﺎﻭﺑﺘﻪ -: ﺑﻨﺖ ﻋﻤﻲ ﻭ ﺃﻧﻲ ﺍﻭﻟﻰ ﺑﻴﻬﺎ ﺩﻣﻲ ﻭﻟﺤﻤﻲ ﺷﻜﻮ ﺍﻧﻄﻴﻬﺎ ﺍﻟﻚ ﻭﺍﻧﺖ ﺍﺫﺍ ﺭﺍﻳﺪﻫﺎ ﺻﺪﻙ ﻻﺯﻡ ﺗﺨﺎﻑ
ﻋﻠﻴﻬﺎ ﻣﺠﺎﻥ ﻟﺤﻜﺘﻬﺎ ﻭﺗﺸﻤﺮ ﺣﺠﻲ ﺳﺨﻴﻒ ﺷﻠﻮﻥ
ﺃﻣﻦ ﺍﻧﻄﻴﻚ ﺑﻨﺖ ﻋﻤﻲ ﻭﺍﻧﺎﻡ ﻣﺮﺗﺎﺡ ...
ﻇﻞ ﻳﻌﻴﻂ ﻭﻳﻐﻠﻂ ﺷﻮﻳﻪ ﻭﻧﺘﻜﺎﻣﺶ ﺍﻧﻲ ﻭﻳﺎ ﻭﻋﻤﺎﻣﻪ ﻭﻛﻔﻮﺍ ﺑﻴﻨﻨﺎ ، ﺗﺎﻟﻲ ﻃﻠﻌﻮﺍ ﺑﺎﻟﺘﺪﻓﻊ ﻣﻦ ﺍﻟﺒﻴﺖبيج قصص عراقيه حقيقيه من واقعنا.روعه الطائي
ﺭﺟﻌﺖ ﺟﻮﺍ ﻭﻫﻨﺎ ﺍﻟﻘﻨﺒﻠﻪ ﺍﻟﻔﺠﺮﻫﺎ ﺍﻟﻮﺍﻟﺪ ﺩﺧﻠﺖ ﻟﻜﻴﺖ ﺍﺑﻮﻳﻪ ﻭﻋﻤﻲ ﺗﺤﺴﻴﻦ ﻳﺼﻴﺤﻮﻥ ﻭﺍﻟﻈﺎﻫﺮ
ﻋﻤﻲ ﻣﻘﺎﺑﻞ ﻉ ﺗﺼﺮﻑ ﺍﺑﻮﻳﻪ ﻭﻋﻤﺎﻣﻲ ﺟﺎﻧﻮﺍ
ﺩﻳﻬﺪﺋﻮﻥ ﺑﺎﻟﻮﺿﻊ ﻋﻤﻲ ﺑﺲ ﺷﺎﻓﻨﻲ ﺍﺟﻪ ﻳﻤﻲ ﻳﺤﺠﻲ ﺑﻌﺼﺒﻴﺔ -: ﻭﻟﻚ ﺃﻧﺖ ﻳﻮﻣﻴﺔ ﻳﻤﻨﻪ ﻟﻴﺶ ﻣﺤﺠﻴﺖ ﻭﻛﻠﺖ ﺃﺟﻲ ﻫﻨﺎ ﺗﺤﻄﻮﻧﻲ ﺑﻬﻴﺞ ﻣﻮﻗﻒ ﻛﺪﺍﻡ ﺍﻟﺰﻟﻢ ﻫﺴﻪ ﺃﻗﻞ
ﺷﻲ ﻳﻜﻮﻟﻮﻥ ﺃﺑﻮﻫﺎ ﻃﺮﻃﻮﺭ ﻭﻣﺎﻋﻨﺪﻩ ﺭﺃﻱ
: ﻋﻤﻲ ﺍﻫﺪﺃ ﻫﺴﻪ ﺍﻟﺼﺎﺭ ﺻﺎﺭ ﻭﺍﻧﻲ ﺻﺪﻛﻨﻲ
ﻣﺜﻠﻚ ﻛﻮﻟﺸﻲ ﻣﺎﺍﻋﺮﻑ ﺍﻧﺼﺪﻣﺖ ﺑﻜﻼﻡ ﺍﺑﻮﻳﻪ
ﺍﺻﻼ ﺣﺘﻰ ﻣﺎﻋﻨﺪﻱ ﻋﻠﻢ ﺑﻲ ﺣﺎﻟﻲ ﺣﺎﻟﻚ ﺻﺪﻛﻨﻲ
ﻇﻞ ﻋﻤﻲ ﻳﺼﻴﺢ ﺗﺎﻟﻲ ﺗﺮﻙ ﺑﻴﺘﻨﺎ ﻭﻃﻠﻊ ﻻﻥ ﻫﻲ
ﺍﻟﻜﻌﺪﻩ ﺟﺎﻧﺖ ﺑﻴﺘﻨﺎ ﺑﺄﻋﺘﺒﺎﺭ ﺍﺣﻨﻪ ﺑﻴﺖ ﻋﻤﻬﺎ ﺍﻟﺠﺒﻴﺮ
ﻭﺑﻌﺪﻫﺎ ﻋﻤﺎﻣﻲ ﺍﺳﺘﺄﺫﻧﻮﺍ ﻭﻃﻠﻌﻮﺍ
ﺭﺣﺖ ﻉ ﺃﺑﻮﻳﻪ ﺣﺠﻴﺖ ﻭﻳﺎﻩ : ﻳﺎﺑﻪ ﺃﻧﺖ ﺷﻠﻮﻥ ﺗﺴﻮﻱ
ﻫﻴﺞ ﺑﻴﻨﺎ ﻛﺪﺍﻡ ﺍﻟﺰﻟﻢ ﻭﺗﺨﻠﻴﻨﺎ ﻭﺍﺣﺪ ﻳﺒﺎﻭﻉ ﺑﻮﺟﻪ
ﺍﻟﺜﺎﻧﻲ ﻭﺑﻌﺪﻳﻦ ﻫﺬﺍ ﺯﻭﺍﺝ ﻭﺣﻴﺎﺗﻲ ﻫﺎﻱ ﺍﻧﺖ ﺷﻠﻮﻥ
ﺗﺎﺧﺬ ﻫﻴﺞ ﻗﺮﺍﺭ ﻳﺨﺺ ﻛﻞ ﺣﻴﺎﺗﻲ ﻣﻮ ﺟﺰﺀ ﻣﻨﻬﺎ
_ ﺍﻟﻌﻨﺪﻱ ﻛﻠﺘﻪ ﻭﻏﺼﺒﺎً ﻣﺎﻋﻠﻴﻚ ﺗﺘﺰﻭﺝ ﺑﻨﺖ ﻋﻤﻚ ﺃﻧﺖ ﻫﻮﺍﻱ ﺍﻧﻄﻴﺘﻚ ﻣﺠﺎﻝ ﺍﺧﻮﺍﻧﻚ ﻛﻠﻬﻢ ﺍﺧﺘﺎﺭﻭﺍ
ﺯﻭﺟﺎﺗﻬﻢ ﺑﺄﺧﺘﻴﺎﺭﻫﻢ ﻻﻥ ﻫﻢ ﺻﺢ ﺃﻣﺎ ﺍﻧﺖ ﺭﺣﺖ
ﺣﺒﻴﺖ ﺍﺳﺮﺍﺀ ﻭﻣﻴﺔ ﻣﺮﺓ ﺍﺗﻌﺮﺿﻨﺎ ﻟﻼﻫﺎﻧﻪ ﺑﺴﺒﺒﻚ
ﻭﻛﻠﺖ ﻣﻴﺨﺎﻟﻒ ﺃﺑﻨﻲ ﻳﺤﺒﻬﺎ ﺑﺲ ﻫﺴﻪ ﺻﺎﺭ ﻻﺯﻡ
ﺍﺗﺪﺧﻞ ..
_ ﻳﺎﺑﻪ ﺷﻨﻮ ﺗﺘﺪﺧﻞ ﻗﺎﺑﻞ ﺯﻋﻄﻮﻁ ﺍﻧﻲ ﻟﻮ ﺍﺑﻦ ١٦ ﺳﻨﺔ ﻭﺗﺰﻭﺟﻨﻲ ﺑﻜﻴﻔﻚ ﻭﺑﺪﻭﻥ ﺣﺘﻰ ﻣﺘﺎﺧﺬ ﺭﺃﻱّ
_ ﻭﻟﻚ ﻣﻜﻴﻒ ﺑﺮﻭﺣﻚ ﻋﻮﺩ ﺩﻛﺘﻮﺭ ﻭﺍﺫﺍ ﺩﻛﺘﻮﺭ ﻉ
ﻧﻔﺴﻚ ﻣﻮ ﻉ ﺍﻟﺠﺘﻒ ﺍﻟﺸﺎﻟﻚ ﻫﺬﺍ ﻋﻤﻚ ﺗﺤﺴﻴﻦ
ﺩﻛﺘﻮﺭ ﻭﺫﺍﻙ ﻋﻤﻚ ﻛﺮﻳﻢ ﻋﻘﻴﺪ ﻭﻋﻤﻚ ﻣﻬﺪﻱ ﻗﺎﺿﻲ
ﻟﻠﻴﻮﻡ ﻣﺤﺪ ﻭﻛﻒ ﺑﻮﺟﻬﻲ ﺃﻧﺖ ﺟﺎﻱ ﻣﻦ ﺗﺎﻟﻲ
ﺗﺘﺤﺪﺍﻧﻲ ...
_ ﻫﺴﻪ ﺑﺸﻨﻮ ﻣﺘﺤﺪﻳﻚ ﻣﺘﻜﻮﻟﻲ ﺑﺲ ﺑﺎﻻﺧﻴﺮ ﻳﺎ ﺍﺑﻮﻳﻪ ﻫﺎﻱ ﺣﻴﺎﺗﻲ ﺍﻧﻲ ﻭﺍﻧﻲ ﺍﻟﻲ ﺭﺍﺡ ﺍﺗﺰﻭﺝ ..
_ ﻟﻚ ﺍﺳﻜﺖ ﻛﺎﻓﻲ ﻣﺎ ﺍﺳﻤﻊ ﺻﻮﺗﻚ ، ﻫﺎ ﺧﻠﻲ ﺑﺒﺎﻟﻚ ﺃﺳﺮﺍﺀ ﺍﻻﺳﺒﻮﻉ ﺍﻟﻴﺠﻲ ﺯﻭﺍﺟﻬﺎ ﻭﺍﻧﺖ ﻫﻢ ﺍﻻﺳﺒﻮﻉ ﺍﻟﻴﺠﻲ ﺗﺨﻄﺐ ﻭﺣﻖ ﺍﻟﺤﻖ ﻭﺍﻟﻲ ﺍﻧﺰﻟﻪ ﺍﺫﺍ ﻋﺎﺭﺿﺖ ﺑﺮﻳﺊ ﻣﻨﻚ ﻟﻴﻮﻡ ﺍﻟﺪﻳﻦ
_ ﻳﺎﺑﻪ ﻣﻮ ﻫﻴﺞ ﺍﻟﺤﺠﻲ ﻟﺘﺎﺧﺬﻧﻲ ﺑﻌﺼﺒﻴﺘﻚ
ﺍﻟﻤﻮﺿﻮﻉ ﻳﺤﺘﺎﺝ ﺗﻔﺎﻫﻢ ﻣﻮ ﺻﻴﺎﺡ ﻭﻓﺮﺽ ﺭﺃﻱ
_ ﻣﺎﻛﻮ ﺗﻔﺎﻫﻢ ﺑﻌﺪ ﺍﻟﻌﻨﺪﻱ ﺣﺠﻴﺘﻪ ﻭﺧﻠﻲ ﺑﺒﺎﻟﻚ
ﺍﺳﺮﺍﺀ ﺍﺫﺍ ﺷﺎﻓﺖ ﺩﻻﻝ ﻣﻦ ﺯﻭﺟﻬﺎ ﺗﻈﻞ ﺗﻀﺤﻚ ﻉ
ﻧﻔﺴﻬﺎ ﻻﻥ ﺣﺒﺖ ﻗﺒﻠﻪ ، ﺍﻟﻤﺮﺃﺓ ﺗﻤﻴﻞ ﻟﻠﻲ ﻳﺪﻟﻠﻬﺎ ﻭﺧﻮ
ﺍﺫﺍ ﺻﺎﺭ ﻋﺪﻫﻢ ﺍﻃﻔﺎﻝ ﺗﻨﺴﺎﻙ ﺗﻤﺎﻣﺎً ..
ﺍﻧﺖ ﻫﻢ ﺣﻂ ﻋﻘﻠﻚ ﺑﺮﺍﺳﻚ ﻭﺍﻣﺸﻲ ﻭﺭﺍﻳﻪ ﺗﺎﻟﻴﻚ
ﺗﺠﻲ ﺗﺸﻜﺮﻧﻲ ﻻﻥ ﺭﺍﺡ ﺍﺯﻭﺟﻚ ﺑﻨﺖ ﻋﻤﻚ ....
ﺍﻟﺘﻔﺖ ﻉ ﺃﻣﻲ ﺃﻛﻮﻟﺞ ﺃﻡ ﺣﺴﻴﻦ ﺍﻟﻴﻮﻡ ﺷﻨﻮ ﻣﻦ ﺍﻻﻳﺎﻡ ﻭﻫﺎﻱ ﺑﻨﺖ ﺃﺧﺘﺞ ﺷﻮﻛﺖ ﻛﺘﻴﻠﻲ ﺗﺘﺰﻭﺝ ﻳﺎﻳﻮﻡ ﻣﻦ ﺍﻻﺳﺒﻮﻉ ﺍﻟﺠﺎﻱ؟
_ ﺍﻟﻴﻮﻡ ﺛﻼﺛﺎﺀ ﻭﺍﺳﺮﺍﺀ ﺍﻟﺨﻤﻴﺲ ﺍﻟﻴﺠﻲ ﺯﻭﺍﺟﻬﺎ
_ ﻫﺬﺍ ﻫﻮ ﺣﻀﺮ ﻧﻔﺴﻚ ﻟﻌﺪ ﺍﻧﺖ ﻫﻢ ﺍﻟﺨﻤﻴﺲ ﻫﻲ
ﺧﻄﻮﺑﻪ ﻭﻫﻮ ﻋﻘﺪ
ﺻﻔﺎﺀ : ﻇﻠﻴﺖ ﺍﺣﺠﻲ ﻭﻳﺎﻩ ﺃﺑﺪ ﻭﻻ ﺍﻫﺘﻢ ﺍﺧﻴﺮ ﺷﻲ
ﺗﺮﻛﻨﻲ ﻭﺩﺧﻞ ﻟﻐﺮﻓﺘﻪ ﻇﻠﻴﺖ ﺍﺑﺎﻭﻉ ﻻﻣﻲ ﺑﻌﺪﻡ ﺭﺿﺎ
ﻛﺎﻟﺖ ﺷﻜﻮ ﺗﺒﺎﻭﻋﻠﻲ ﻫﻮ ﺍﺑﻮﻙ ﻣﻦ ﺣﺎﻟﻪ ﺧﻄﺒﻬﺎ ﺍﻟﻚ
_ ﻻ ﻭﺍﻟﻠﻪ ﺍﻧﺘﻮﺍ ﺍﺛﻨﻴﻨﻜﻢ ﻃﺎﺑﺨﻴﻬﺎ ﺳﻮﺍ
ﺩﺍﺭﺕ ﻭﺟﻬﻪ ﻭﺧﻠﺖ ﺍﻳﺪﻫﺎ ﻋﻠﻰ ﺧﺪﻫﺎ
_ ﻗﺎﺑﻞ ﻫﻴﻪ ﺩﻭﻟﻤﺔ
ﺗﺄﻓﺄﺕ ﻭﻃﻠﻌﺖ ﻣﻦ ﺍﻟﺒﻴﺖ ﺗﻤﻨﻴﺖ ﻫﺴﻪ ﻳﺼﻴﺮ ﻛﺪﺍﻣﻲ ﻫﻴﺜﻢ ﺟﺎﻥ ﻃﻠﻌﺖ ﺿﻴﻢ ﺍﻟﺪﻧﻴﺎ ﻛﻠﻬﺎ ﺑﻲ ..
ﺯﻫﺮﺍﺀ : ﺍﺟﻪ ﺑﺎﺑﺎ ﻭﺟﻪ ﻣﻴﺒﺸﺮ ﺑﺨﻴﺮ ﺍﺳﺘﻘﺒﻠﺘﻪ ﻣﺎﻣﺎ
ﺍﻧﻲ ﺟﻨﺖ ﻣﻄﻤﺌﻨﺔ ﻻﻥ ﻣﺎﻣﺎ ﻃﻤﻨﺘﻨﻲ ﻛﺎﻟﺖ ﻣﺠﺮﺩ
ﺍﻋﺘﺬﺍﺭ ﻭﺗﺨﻠﺺ
_ ﺷﺒﻴﻚ ﻋﻴﻨﻲ ﺷﻮ ﻭﺟﻬﻚ ﻣﺰﻧﺒﺮ ﺧﻮ ﻣﺎﻛﻮ ﺷﻲ
ﺍﻟﺘﻔﺘﺖ ﻉ ﻣﺮﻳﻢ ﻃﻠﺒﺖ ﻣﻨﻬﺎ ﺗﺠﻴﺐ ﻣﻲ ﻟﺒﺎﺑﺎ
ﺳﺄﻟﺘﻪ ﺷﻜﻮ
ﺑﺪﺃ ﻳﺤﺠﻲ ﺍﻧﺼﺪﻣﺖ ﻣﻦ ﺍﻟﻲ ﺻﺎﺭ ﻣﺎﻣﺎ ﻋﺼﺒﺖ
ﺑﺲ ﻇﻠﺖ ﺗﺤﺠﻲ ﺑﺼﻮﺕ ﻧﺎﺻﻲ ﻛﺪﺍﻡ ﺑﺎﺑﺎ ﻣﺘﺤﺐ
ﺻﻮﺗﻬﺎ ﻳﻌﻠﻰ ﺑﻮﺟﻪ ﺑﺎﺑﺎ
_ ﺷﻮﻑ ﺗﺤﺴﻴﻦ ﺫﺍﻙ ﺍﻟﻴﻮﻡ ﺯﻭﺟﺔ ﺍﺧﻮﻙ ﺗﻄﺮﺩ
ﺧﻄﺎﺑﺔ ﺑﻨﺘﻲ ﻭﺳﻜﺘﺖ ﻭﻫﺴﻪ ﺍﺧﻮﻙ ﻭﺍﺫﺍ ﻳﻌﻨﻲ
ﺍﺧﻮﻙ ﺍﻟﺠﺒﻴﺮ ﺑﺲ ﻣﻴﺼﻴﺮ ﻫﻴﺞ ﻳﻀﺮﺑﻨﺎ ﻋﺮﺽ ﺍﻟﺤﺎﻳﻂ ﺍﺣﻨﻪ ﺍﻫﻠﻬﺎ ﻭﺍﺣﻨﻪ ﺍﻟﻲ ﻧﻘﺮﺭ ﻣﻮ ﻳﺎﻫﻮ ﺍﻟﻴﺠﻲ
ﻭﻳﻘﺮﺭ ﻧﻴﺎﺑﺔ ﻋﻨﺎ ﻭﻓﻮﻙ ﻛﻞ ﻫﺬﺍ ﻧﺴﻮﺍ ﺭﺃﻱ ﺯﻫﺮﺍﺀ
ﻭﻫﻲ ﺻﺎﺣﺒﺔ ﺍﻟﺸﺄﻥ
ﺑﺎﺑﺎ : ﺍﻫﺪﺋﻲ ﻟﺘﻌﺼﺒﻴﻦ ﻟﻴﺮﺗﻔﻊ ﺍﻟﺴﻜﺮ ﻣﻮ ﺯﻳﻦ ﻋﻠﻴﺞ
ﻳﺎﻋﻴﻮﻧﻲ ﻛﻮﻟﺸﻲ ﻭﺍﻟﻪ ﺣﻞ ﻭﻗﺎﺑﻞ ﻫﻢ ﺟﺒﺮﻭﻧﺎ
ﺍﻟﺤﻞ ﺑﻴﺪ ﺯﻫﺮﺍﺀ ﺷﺘﻜﻮﻝ ﺃﺣﻨﻪ ﻭﻳﺎﻫﺎ ﻭﺷﺮﻁ ﻳﻜﻮﻥ
ﺍﺧﺘﻴﺎﺭﻫﺎ ﺻﺢ ﻭﺑﺎﻭﻋﻠﻲ ﺑﻨﻈﺮﺓ ﺗﺤﺬﻳﺮ
ﻣﺎﻣﺎ ﺑﺎﻭﻋﺘﻠﻲ ﺑﻨﻈﺮﺓ ﻭﻃﻮﻟﺖ ﺍﻟﻨﻈﺮ ﻣﺎﻋﺮﻓﺖ ﺍﻓﺴﺮ
ﻧﻈﺮﺗﻬﺎ ﺑﻌﺪﻫﺎ ﺍﺳﺘﺄﺫﻧﺖ ﻭﺩﺧﻠﺖ ﻟﻐﺮﻓﺘﻲ ﻣﺎﺍﻋﺮﻑ
ﻋﻘﻠﻲ ﻣﺸﻮﺵ ﺻﺢ ﺟﻨﺖ ﻣﺘﻤﻨﻴﺔ ﺻﻔﺎﺀ ﺑﺲ ﺍﺣﺲ
ﺍﻛﻮ ﺷﻲ ﺑﻴﻪ ﻣﻘﺎﺑﻞ ﻳﺮﻓﺾ ﻫﺬﺍ ﺍﻻﺭﺗﺒﺎﻁ ﺣﺠﻴﺖ
ﺑﺪﺍﺧﻠﻲ
_ ﺯﻫﺮﺍﺀ ﻣﻮ ﻫﺬﺍ ﺍﻟﺠﻨﺘﻲ ﺗﺘﻤﻨﻲ ﺻﺒﺮﺗﻲ ﻭﺟﺎﻧﺖ
ﻧﻬﺎﻳﺔ ﺻﺒﺮﺝ ﺍﻟﻔﺮﺝ ﺑﻌﺪ ﺷﺘﺮﻳﺪﻳﻦ ﻟﻴﺶ ﻣﺨﺘﻨﻜﻪ
ﻳﻤﻜﻦ ﻻﻥ ﻗﻬﺮﺕ ﺃﺧﺘﻲ ﻭﻋﻴﺮﺗﻬﺎ ﺑﻤﺮﺿﻬﺎ ﻳﻤﻜﻦ
ﻻﻥ ﻣﺎﻣﺎ ﻫﻮﺍﻱ ﺍﻧﺰﻋﺠﺖ ﻣﻦ ﺗﺼﺮﻓﺎﺗﻲ
ﺑﻌﺪﻳﻦ ﻛﻠﺖ ﻣﺎﻣﺎ ﺃﻛﻴﺪ ﺣﺘﺮﺷﺪﻧﻲ ﻟﻠﺸﻲ ﺍﻟﺼﺢ ﻇﻠﻴﺖ ﺍﻧﺘﻈﺮﻫﺎ ﺑﺲ ﻣﺎﺍﺟﺖ ﻟﻐﺮﻓﺘﻲ ﺍﻧﻮﺏ ﺑﺎﺑﺎ
ﺭﻣﻰ ﺍﻟﻜﺮﺓ ﺑﻤﻠﻌﺒﻲ ﻭﻳﻨﺘﻈﺮ ﻣﻨﻲ ﺟﻮﺍﺏ
ﺗﺎﻟﻲ ﺃﻧﻲ ﺻﻌﺪﺕ ﻟﻌﺒﻴﺮ ﺩﺧﻠﺖ ﻟﻐﺮﻓﺘﻬﺎ ﻣﻠﻜﻴﺘﻬﺎ ﺑﺲ ﻣﺮﻳﻢ
ﻧﺎﻳﻤﻪ ﺻﻌﺪﺕ ﻟﻠﺴﻄﺢ ﻟﻜﻴﺖ ﻋﺒﻴﺮ ﻣﺘﻤﺪﺩﻩ ﻉ ﺍﻟﻘﻨﻔﻪ
ﺣﺴﺖ ﺃﻛﻮ ﺍﺣﺪ ﻭﺭﺍﻫﺎ ﺍﻟﻔﺘﺖ ﺑﺎﻭﻋﺘﻠﻲ ﻭﻇﻠﺖ ﻉ
ﻭﺿﻌﻬﺎ ﺭﺣﺖ ﺟﺒﺖ ﻛﺮﺳﻲ ﻭﺍﺟﻴﺖ ﻛﻌﺪﺕ ﻳﻤﻬﺎ
ﺑﺎﻭﻋﺘﻠﻲ
_ ﺧﻴﺮ ﺯﻫﺮﺍﺀ ﺍﻛﻮ ﺷﻲ ﺃﺣﺠﻲ؟
ﺍﻧﺘﻲ ﺷﻌﻨﺪﺝ ﻫﻨﺎ ﺍﻟﻮﻗﺖ ﻣﺘﺄﺧﺮ ﺗﺮﻯ ؟
_ ﺭﺃﺳﻲ ﻳﻮﺟﻌﻨﻲ ﻭﺻﻌﺪﺕ ﻫﻨﺎ ﻣﺤﺒﻴﺖ ﺍﺯﻋﺞ ﻣﺮﻳﻢ
ﺧﻄﻴﻪ ﻧﺎﻳﻤﻪ ﻟﻴﺶ ﺍﻛﻮ ﺃﺷﻜﺎﻝ ﺍﺫﺍ ﻧﻤﺖ ﻫﻨﺎ ؟
ﺯﻫﺮﺍﺀ : ﻻ ﻋﺎﺩﻱ ﺃﻛﻮﻟﺞ ﻋﺒﻴﺮ ﺷﻨﻮ ﺭﺃﻳﺞ ﺑﻜﻼﻡ ﺑﺎﺑﺎ
_ ﻣﺎﺍﺩﺭﻱ ﺣﻴﺎﺗﺞ ﻭﺍﻧﺘﻲ ﺣﺮﺓ ﺑﻴﻬﺎ
ﻋﺮﻓﺖ ﻣﺘﺮﻳﺪ ﺗﺪﺧﻞ ﺧﺎﻑ ﻫﻢ ﺍﺟﺮﺣﻬﺎ
_ ﻫﺎﻱ ﺷﺒﻴﺞ ﻋﺒﻮﺭﺓ ﺃﻋﺮﻑ ﻏﻠﻄﺖ ﻭﺍﻟﻨﺒﻲ ﺗﺄﻧﻴﺐ
ﺍﻟﻀﻤﻴﺮ ﻣﻮﺗﻨﻲ ﻟﺘﻈﻠﻴﻦ ﻫﻴﺞ ﺷﺎﻳﻠﻪ ﺑﻘﻠﺒﺞ ﻋﻠﻴﻪ ﺍﺟﻴﺖ ﺩﻧﺪﺭﺩﺵ ﺩﺭﺩﺷﺔ ﺍﺧﻮﺍﺕ
: ﺃﻛﻮﻝ ﺍﻧﺘﻲ ﺷﻌﺠﺐ ﺻﻌﺪﺗﻲ ﻟﻬﻨﺎ ﺻﺎﺭ ﻫﻮﺍﻱ
ﻣﺼﺎﻋﺪﻩ ﻟﻠﻄﺎﺑﻖ ﺍﻟﺜﺎﻧﻲ
ﻋﺮﻓﺖ ﻉ ﺷﻨﻮ ﺩﺗﻠﻤﺢ ﻫﻮ ﺻﺢ ﺍﻧﻲ ﻣﺼﻌﺪﺕ ﻣﻦ ﻳﻮﻡ ﺍﻟﻲ ﺣﺠﻴﺖ ﻭﻳﺎﻫﺎ ﺑﻘﺴﻮﺓ
_ ﻟﺘﻈﻠﻴﻦ ﺣﻘﻮﺩﺓ ﻭﻫﺎﻱ ﺭﺃﺳﺞ ﺍﺑﻮﺳﻪ ﺍﻟﺞ ﺑﻌﺪﻧﻲ
ﺩﺍﺍﺣﺠﻲ ..
ﺩﻓﺮﺗﻨﻲ ﺍﺟﻴﺖ ﺍﻭﻛﻊ ﻣﻦ ﺍﻟﻜﺮﺳﻲ
ﺧﺮﺑﺖ ﺿﺤﻚ ﻋﻠﻴﻬﺎ ﺑﺎﻭﻋﺘﻠﻬﺎ ﻣﺨﻨﺰﺭﺓ ﻋﻠﻴﻪ
ﻋﺒﻴﺮ : ﺍﻧﻲ ﻟﻮ ﺣﻘﻮﺩﺓ ﻣﺠﺎﻥ ﺑﺎﻭﻋﺖ ﺑﻮﺟﻬﺞ
ﺑﺎﻭﻋﻲ ﺣﻜﻮﻟﺞ ﺷﻲ ﻭ ﺃﻧﺘﻲ ﺍﻟﻘﺮﺍﺭ ﺍﻻﻭﻝ ﻭﺍﻻﺧﻴﺮ
ﺍﻟﺞ ﻭ ﺍﺗﺄﻛﺪﻱ ﺍﻥ ﺑﺎﺑﺎ ﻭﻣﺎﻣﺎ ﻭﻳﺎﺝ ﺯﻫﺮﺍﺀ ﺳﻮﻱ
ﺍﻟﻲ ﻳﻨﺎﺳﺒﺞ ﻭﺍﺧﺘﺎﺭﻱ ﺳﻌﺎﺩﺗﺞ ﺑﺲ ﻣﻮ ﻣﻌﻨﺎﻫﺎ
ﺗﺨﺘﺎﺭﻳﻦ ﺳﻌﺎﺩﺗﺞ ﻭﺗﺘﻐﺎﺿﻴﻦ ﺍﻻﻣﻮﺭ ﺍﻟﺜﺎﻧﻮﻳﺔ ﻻ
ﺍﺣﺴﺒﻲ ﺣﺴﺎﺑﺞ ﺭﺷﺎ ﺣﻤﺎﺗﺞ ﺣﺘﺼﻴﺮ ﻭﺍﻻﻫﻢ ﻣﻦ ﻛﻞ
ﻫﺬﺍ ﺻﻔﺎﺀ ﻗﻠﺒﻪ ﻣﻮ ﺍﻟﺞ ﺍﻣﺎ ﺍﺫﺍ ﺍﻧﺘﻲ ﻛﺪﻫﺎ ﻭﺗﻜﻮﻟﻴﻦ
ﺍﻛﺪﺭ ﺍﻛﺴﺐ ﻗﻠﺒﻪ ﺍﺗﻮﻛﻠﻲ ﻭﺍﻟﻠﻪ ﻳﺴﻬﻠﺞ ﺑﺲ ﺗﺮﻯ
ﻫﺎﻟﺸﻲ ﻣﻮ ﺳﻬﻞ ﺣﺘﻌﺒﻴﻦ ﻫﻮﺍﻱ ﻭﺗﺘﻌﺮﺿﻴﻦ ﻟﻠﺼﺪ
ﻭﻳﻤﻜﻦ ﻟﻠﻜﻼﻡ ﺍﻟﺠﺎﺭﺡ
ﻫﺬﺍ ﺍﻟﻜﻞ ﺍﻟﻌﻨﺪﻱ ﻭﻫﺴﻪ ﻣﻦ ﺭﺧﺼﺘﺞ ﺑﺪﺃ ﻣﻔﻌﻮﻝ
ﺍﻟﻌﻼﺝ ﺍﺭﻭﺡ ﺍﻧﺎﻡ
ﻛﻼﻡ ﻋﺒﻴﺮ ﺻﺢ ﺻﻔﺎﺀ ﻋﻨﻴﺪ ﻭﺍﻛﻴﺪ ﺭﺍﺡ
ﻳﺘﻌﺒﻨﻲ ﺍﻓﻜﺮ ﺑﺎﻟﻤﻮﺿﻮﻉ ﻭﺍﻟﻠﻪ ﻛﺮﻳﻢ ....
ﻳﺘﺒﻊ ...
ﺍﻟﻨﺸﺮ ﺑﻴﻦ ﻳﻮﻡ ﻭﻳﻮﻡ ﻭﺍﺫﺍ ﻳﻮﻡ ﺻﺎﺭ ﺿﺮﻑ ﻭﻣﺎﻧﺸﺮﺕ ﺍﻋﻮﺿﻜﻢ ﺑﺎﺭﺗﻴﻦ ﻭﺭﺍ ﺑﻌﺾ .....♡
ﺳﻨﺔ ﺳﻌﻴﺪﺓ ﻟﻠﺠﻤﻴﻊ ﻭﺍﻥ ﺷﺎﺀﺍﻟﻠﻪ ﺗﺤﻘﻴﻖ ﺍﻻﻣﺎﻧﻲ
ﺷﻬﺪﺍﺀﻧﺎ ، ﺷﻬﺪﺍﺀ ﺛﻮﺭﺓ ﺗﺸﺮﻳﻦ ﻭﻛﻞ ﺷﻬﺪﺍﺀ ﺍﻟﻌﺮﺍﻕ ﻋﻴﺪﻛﻢ ﻓﻲ ﺍﻟﺠﻨﺔ ﺍﺟﻤﻞ 💔
