ﺷﺮﻳﻌﺔ ﺍﻟﻌﺸﻖ
ﺑﺎﺭﺕ ٢٦
ﻧﻮﺭﺍ ﻧﺎﺻﺮ ..
ﻳﮕﻮﻟﻬﺎ ﻳـ ﺣﻠﻴﻮﺓ ﻳﻠﻄﻮﻟﭻ ﻣﺘﺮ
• ﻟﻴﺶ ﺍﻧﻪ ﻣﺘﺮﻳﻦ ﻭﻛﺴﺮ ؛
• ﻭﺍﺿﻌﻒ ﮔﺒﺎﻝ ﻋﻴﻮﻧﭻ ...
ﻛﺮﺍﺭ : ﺑﺎﻭﻋﺖ ﺍﻟﻬﺎ ﺍﻧﺘﻈﺮﻫﺎ ﺗﺤﺠﻲ ..
ﻫﻤﺴﺖ ﺑﺘﻌﺐ : ﺃﻧﻲ ﻣﺮﻳﻀﻪ ﻛﺮﺍﺭ ﻭﻣﻜﺪﺭﺕ ﺍﺟﻲ ﻻﻥ ﺍﻟﺤﻔﻠﻪ ﺍﻛﻴﺪ ﺑﻴﻬﺎ ﺍﻃﻔﺎﻝ ﻭﺍﻧﺖ ﺗﻌﺮﻓﻨﻲ ﻣﻦ ﺍﺷﻮﻑ
ﻃﻔﻞ ﻻﺯﻡ ﺍﻟﻌﺒﻪ ﻭﺧﻔﺖ ﻻ ﺍﻋﺪﻳﻬﻢ ﻭﺍﻻ ﺍﻧﻲ ﺟﻨﺖ
ﺍﺗﻤﻨﻰ ﺍﺣﻀﺮ ﻭﺍﻟﻠﻪ
ﻋﺮﻓﺖ ﺍﻧﺘﻮﺍ ﺭﺟﻌﺘﻮﺍ ﺍﺟﻴﺖ ﻫﻨﺎ ﻭﻣﻠﻜﻴﺘﻚ ﻭﻫﺴﻪ ﺷﻔﺘﻚ ﺑﺲ ﺣﺒﻴﺖ ﺍﺑﺎﺭﻛﻠﻚ ﻭﺍﺭﺟﻊ
ﻣﺒﺮﻭﻙ ﻛﺮﻭﺭ ﺷﺎﻳﻒ ﻛﻞ ﺍﻟﺨﻴﺮ ..
ﺍﻧﻘﻬﺮﺕ ﻋﻠﻴﻬﺎ ﻭﺿﺠﺖ ﻣﻦ ﻧﻔﺴﻲ ﻻﻥ ﻇﻠﻤﺘﻬﺎ ﺑﺄﻓﻜﺎﺭﻱ ﻭﻧﺴﻴﺖ ﻓﻀﻠﻬﺎ ﻋﻠﻴﻪ ﻟﻤﻦ ﻗﺮﺑﺘﻨﻲ ﻣﻦ ﻣﻬﺎ ﻭﻫﺴﻪ ﻣﻬﺎ ﺻﺎﺭﺕ ﺧﻄﻴﺒﺘﻲ ﻻ ﻭﺍﻻﺿﺮﺏ ﺟﺎﻱ ﺍﻧﺘﺮ ﺑﻴﻬﺎ ﻧﺘﺮ .
ﺩﺍﺭﺕ ﺗﺮﻳﺪ ﺗﺮﻭﺡ ، ﺟﺮﻳﺘﻬﺎ ﻣﻦ ﻃﺮﻑ ﺍﺭﺩﺍﻧﻬﺎ
_ ﻭﻳﻦ ﺭﺍﻳﺤﺔ ﻋﺒﻴﺮ ﻫﺎﻱ ﺷﺒﻴﺞ ﺍﻧﺘﻲ ؟ﻏﻴﺮ ﺍﻓﻬﻢ ؟
_ ﻣﺎﺑﻴﻪ ﻭﺍﻟﻠﻪ ﻛﺮﺍﺭ ﺑﺲ ﻛﺘﻠﻚ ﻣﺮﻳﻀﺔ ..
_ ﺍﻱ ﺍﻋﺮﻑ ﺑﺲ ﺷﺒﻴﺞ ﻣﺮﻳﻀﺔ ﺷﻨﻮ ﻣﺮﺿﺞ ﺑﺎﻟﻀﺒﻂ ؟
_ ﺗﻴﻔﻮﺋﻴﺪ ﻋﻨﺪﻱ ، ﻣﻮﺗﻨﻲ ﻭﻛﻮﺓ ﻭﺍﻛﻔﻪ ﺣﺒﺎﺏ ﺧﻠﻲ ﺍﺭﻭﺡ ﻟﻠﺒﻴﺖ ﻗﺒﻞ ﻻ ﺍﺗﺨﺮﺑﻂ ﻫﻨﺎ ﺩﺍﺣﺲ ﺑﺎﻟﺼﺪﺍﻉ ﻳﻀﺮﺏ ﺑﺮﺍﺳﻲ ﻋﺒﺎﻟﻚ ﺭﺍﺡ ﻳﻨﺸﻄﺮ ﻧﺼﻴﻦ ﻉ ﻛﺪ ﺍﻻﻟﻢ ﻭﺍﻟﻠﻪ .
_ ﻟﺤﻈﻪ ﻟﺤﻈﺔ ﺃﻧﻲ ﺍﻭﺻﻠﺞ ﻭﻳﻦ ﻃﺎﻟﻌﻪ ﻭﺣﺪﺝ ﺩﻧﻴﺎ ﺍﻟﻠﻴﻞ
ﻭﻫﻢ ﺗﻌﺒﺎﻧﻪ ﻟﺘﻮﻛﻌﻴﻦ ﺑﺎﻟﻄﺮﻳﻖ ﺍﻧﻮﺏ .
_ ﻻ ﻣﺎﺭﻳﺪ ﺍﺗﻌﺒﻚ ﺧﻠﻴﻚ ﻳﻤﻬﻢ ﺧﻄﻴﺔ ﺍﻟﻴﻮﻡ ﺧﻄﻮﺑﺘﻚ ﻫﻢ ﻓﺮﺣﺎﻧﻴﻦ ﺑﻴﻚ ﺧﻠﻲ ﻏﻴﺮ ﻭﺍﺣﺪ ﻳﻮﺻﻠﻨﻲ .
_ ﻻ ﻻ ﻫﻴﺎﺗﻪ ﺑﻴﺘﻜﻢ ﺍﻭﺻﻠﺞ ﺑﺴﺮﻋﺔ ﻭﺍﺟﻲ ﻻﺣﻜﻴﻦ ..
ﻫﺰﺕ ﺭﺍﺳﻬﺎ ﺑﻤﻮﺍﻓﻘﺔ ﻃﻠﻌﺖ ﻭﻳﺎﻫﺎ ، ﺣﺴﻴﺖ ﺻﺪﻙ ﺗﻌﺒﺎﻧﻪ ﻭﺻﻠﻨﺎ ﻟﺒﻴﺘﻬﻢ ﺩﻛﻴﺖ ﺍﻟﺒﺎﺏ ﻓﺘﺤﺘﻪ ﺍﻣﻬﺎ
ﺳﻠﻤﺖ ﻉ ﻋﻤﺘﻲ ﺗﺸﻜﺮﺕ ﻣﻨﻲ ﻭﺭﺟﻌﺖ ..
ﺭﺟﻌﺖ ﺩﺍﻳﺦ ، ﺩﻭﺧﺘﻨﻲ ﻋﺒﻴﺮ ﺍﺻﻼً ﻣﻮ ﺑﺎﻟﻌﺎﺩﺓ ﺗﺘﻌﺎﻣﻞ ﻫﻴﺞ ﺑﻬﺎﻟﺒﺮﻭﺩ ﻣﺘﻌﻮﺩ ﻋﻠﻴﻬﺎ ﻣﺮﺣﺔ ﻭﺗﻀﺤﻚ ﺑﺲ ﺍﻟﻴﻮﻡ ﺣﺴﻴﺘﻬﺎ ﺑﺎﻫﺘﻪ ﻫﻮﺍﻱ ﻭﻣﺎﻃﺎﻳﻘﺔ ﺍﻟﺪﻧﻴﺎ ﺍﻛﻴﺪ ﺑﺴﺒﺐ ﺍﻟﻤﺮﺽ ﻣﺘﻌﺒﻬﺎ ﻛﻠﺶ ﺧﻄﻴﺔ .
ﻋﺒﻴﺮ : ﺑﻌﺪ ﺯﻭﺍﺝ ﺯﻫﺮﺍﺀ ﻭﻗﺮﺏ ﻣﻮﻋﺪ ﺍﻟﻤﺪﺍﺭﺱ ، ﻭﻫﺎﻟﺴﻨﺔ ﺍﻧﻲ ﺣﺮﻭﺡ ﺻﻒ ﺧﺎﻣﺲ ، ﺟﻨﻪ ﺑﺎﻟﻤﻄﺒﺦ ﺩﺍ ﺍﺳﺎﻋﺪ ﺍﻣﻲ ﻓﺘﺤﺖ ﻣﻮﺿﻮﻉ ﻭﻳﺎ ﻣﺎﻣﺎ ... ﺍﻛﻮﻟﺞ ﻣﺎﻣﺎ ﺍﻥ ﺷﺎﺀﺍﻟﻠﻪ ﺍﻧﻲ ﺣﺴﺠﻞ ﺑﺎﻻﺩﺑﻲ ﻫﺎﻟﺴﻨﻪ ..
ﺍﻧﺪﺍﺭﺕ ﻋﻠﻴﻪ ﻭﺗﺮﻛﺖ ﺍﻟﻤﺎﻋﻮﻥ ﺍﻟﻲ ﺑﺄﻳﺪﻫﺎ ﻉ ﺍﻟﻜﺎﻭﻧﺘﺮ
ﺑﺎﻭﻋﺘﻠﻲ ﺑﻨﻈﺮﺓ ﻋﺪﻡ ﺭﺿﻰ ..
ﻛﺎﻟﺖ : ﻻ ﻳﻮﻡ ﺍﺩﺑﻲ ﺷﻨﻮ ؟ ﺍﻧﺖ ﺷﺎﻃﺮﺓ ﺗﺮﻭﺣﻴﻦ ﺍﺩﺑﻲ ؟ ﻻ ﻣﺎﻛﻮ ﻫﻴﺞ ﺣﺠﻲ ﺍﻧﺴﻲ ﺍﻻﺩﺑﻲ ﻋﺒﻴﺮ ﺍﻧﺴﻲ .
ﺻﺎﺭ ﻧﻘﺎﺵ ﺣﺎﺩ ﺑﻴﻨﺎﺗﻨﺎ ﺯﻋﻠﺖ ﻣﻨﻲ ﻭﻃﻠﻌﺖ ﻣﻦ ﺍﻟﻤﻄﺒﺦ ..
ﺗﺒﻌﺘﻬﺎ ﻟﻠﻐﺮﻓﻪ ﺩﻛﻴﺖ ﺍﻟﺒﺎﺏ ﻭﻓﺘﺖ ﺟﻮﻩ ..
ﺑﺎﻭﻋﺖ ﻋﻠﻴﻬﺎ ﺣﺠﻴﺖ ﺑﺮﺟﺎﺀ : ﻣﺎﻣﺎ ﺑﺲ ﺗﺴﻤﺤﻴﻠﻲ ؟
ﺟﺎﻧﺖ ﺩﺗﻠﺒﺲ ﺍﻟﻤﺨﺪﺓ ﻭﺟﻪ ﺟﺪﻳﺪ ، ﺗﻨﻬﺪﺕ ﻭﻣﻴﻠﺖ ﺭﺍﺳﻬﺎ
ﺍﺷﺮﺗﻠﻲ ﺑﻤﻌﻨﻰ ﻓﻮﺗﻲ ..
ﻓﺘﺖ ﻭﻗﺮﺑﺖ ﻣﻨﻬﺎ ﺧﻠﻴﺖ ﺍﻳﺪﻱ ﻋﻠﻰ ﻛﺘﻔﻬﺎ
ﻭﻇﻠﻴﺖ ﺍﺣﺠﻲ ﺑﺘﻮﺳﻞ ؛ ﻣﺎﻣﺎ ﻭﺍﻟﻠﻪ ﻣﺎﺍﻛﺪﺭ ﻉ ﺍﻟﻌﻠﻤﻲ ﻳﺮﺍﺩﻟﻪ ﺗﻌﺐ ﻭﻻﺯﻡ ﺍﺩﻧﻚ ﻣﻦ ﺍﻗﺮﺃ ﻭ ﻛﻠﻪ ﻣﺴﺎﺋﻞ ﻭﺍﻧﻲ ﻣﻦ ﺗﺼﻮﺑﺖ ﻣﺎﺍﻛﺪﺭ ﺍﺩﻧﻚ ﻫﻮﺍﻱ ﺍﺩﻭﺥ ﻭﺍﺗﻌﺐ ﺍﻧﺘﻲ ﺃﻣﻲ ﻻﺯﻡ ﺗﺤﺴﻴﻦ ﺑﻴﻪ ﻣﻨﻮ ﺍﻻﻫﻢ ﺍﻟﺪﺭﺍﺳﻪ ﻟﻮ ﺃﻧﻲ؟
ﺟﺎﻭﺑﺘﻨﻲ ﺑﺈﺻﺮﺍﺭ : ﺍﻻﺩﺑﻲ ﻣﺎﺑﻲ ﻣﺴﺘﻘﺒﻞ ﻳﺎ ﺑﻨﺘﻲ ﺍﺩﺭﺳﻲ
ﻉ ﺍﻟﻤﻴﺰ ﺍﻧﺘﻲ ﻟﻴﺶ ﺗﻌﺎﻧﺪﻳﻴﻴﻴﻴﻦ .. ﻭﺣﺠﺖ ﺑﺼﻴﺎﺡ ..
ﺟﺮﻳﺖ ﻧﻔﺲ ﻭﺟﺎﻭﺑﺘﻬﺎ : ﻟﺘﺼﻴﺤﻴﻦ ﻳﻮﻡ ﻣﻮ ﺯﻳﻦ ﻋﻠﻴﺞ ﺛﻢ ﻫﻮ ﻣﻮ ﺑﺲ ﺍﻻﺩﺑﻲ ﻣﺎﺑﻲ ﻣﺴﺘﻘﺒﻞ ﺍﻟﻌﺮﺍﻕ ﻛﻮﻟﺸﻲ ﺑﻲ ﻣﺎﺑﻲ ﻣﺴﺘﻘﺒﻞ ﻣﻮ ﺫﺍﻙ ﺭﺍﻓﺪ ﺍﺑﻦ ﺧﺎﻟﻲ ﺷﻮ ﻣﻬﻨﺪﺱ ﻭﻣﻤﺘﻌﻴﻦ ..
_ ﻣﻮ ﻛﻞ ﺍﻟﻤﺠﺎﻻﺕ ﻣﺎﺑﻴﻬﺎ ﻣﺴﺘﻘﺒﻞ ﺑﺎﻟﻌﺮﺍﻕ ﻫﻢ ﺍﻛﻮ ﻧﻠﺲ ﺩﺗﺘﻌﻴﻴﻦ ﻭﺗﻌﻴﻴﻨﻬﻢ ﻣﺮﻛﺰﻱ ..
_ ﻫﻢ ﻣﻨﻮ ﺗﻌﻴﻴﻨﻬﻢ ﻣﺮﻛﺰﻱ ﺑﺲ ﺍﻟﻄﺒﻴﻪ ﻭﺍﻧﻲ ﻣﺎﺍﻋﺘﻘﺪ ﺭﺍﺡ ﺍﻛﺪﺭ ﺍﻃﻠﻊ ﻃﺒﻴﻪ ﻣﻮ ﻻﻥ ﻣﻮ ﺷﺎﻃﺮﺓ ﺧﺎﻑ ﺍﻟﺤﻆ ﻣﺎﻳﻨﺼﻔﻨﻲ ﻫﻮ ﺍﻟﻮﺯﺍﺭﻱ ﺍﻛﺜﺮ ﺷﻲ ﻳﻌﺘﻤﺪ ﻉ ﺍﻟﺤﻆ .
_ ﻣﻨﻴﻦ ﺩﺗﺠﻴﺒﻴﻦ ﻫﺬﺍ ﺍﻟﺤﺠﻲ ﻋﺒﻴﺮ ﺻﺪﻙ ﺟﺬﺏ ﻣﻨﺞ ﻣﺎﻛﻮ ﻫﻴﺞ ﺷﻲ ﺑﻨﺘﻲ ﻭﺑﻌﺪﻳﻦ ﻣﻮ ﺑﺲ ﺍﻟﻄﺒﻴﻪ ﺗﻜﺪﺭﻳﻦ ﺗﻄﻠﻌﻴﻦ ﻏﻴﺮ ﺷﻲ ﺍﻛﻮ ﺻﻴﺪﻟﺔ ﺍﻛﻮ ﻋﻠﻮﻡ ﺗﺤﻠﻴﻼﺕ ﻫﻮﺍﻱ ﺑﻲ ﻣﺠﺎﻻﺕ ﺍﻟﻌﻠﻤﻲ ﺑﻴﻨﻤﺎ ﺍﻻﺩﺑﻲ ﺷﺘﻄﻠﻌﻴﻦ ﺑﻠﻠﻪ ﻗﺎﻧﻮﻥ ؟ ﺍﺷﻮ ﺍﻟﺸﻌﺐ ﺑﻄﻞ ﻳﻠﺠﺄ ﻟﻠﻤﺤﺎﻛﻢ ﻭﺍﻋﺘﻤﺪ ﻉ ﺍﻟﻌﺸﺎﻳﺮ ﺑﺤﻞ ﺍﻏﻠﺐ ﻣﺸﺎﻛﻠﻪ .
_ ﻣﺎﻣﺎ ﻣﻨﻮ ﻛﻠﺞ ﺍﺭﻳﺪ ﺍﻃﻠﻊ ﻗﺎﻧﻮﻥ ﺍﻧﻲ؟ ﺩﺧﻴﻠﺞ ﺍﻟﻠﻪ ﻳﺨﻠﻴﺞ ﺍﻓﻬﻤﻴﻨﻲ ﻋﻠﻤﻲ ﻣﺎﺭﻳﺪ ﻣﻮ ﺭﻏﺒﺘﻲ .
_ ﻋﺒﻴﺮ ﻟﻴﺶ ﺗﻠﺤﻴﻦ ؟ ﻛﺎﻓﻲ ﻛﺘﻠﺞ ﺍﻧﺴﻲ ...
ﺑﻌﺪﻫﺎ ﻣﻤﻜﻤﻠﺔ ﻛﻼﻣﻬﺎ ﻣﺎﻣﺎ ﻓﺎﺕ ﺑﺎﺑﺎ ﻟﻠﻐﺮﻓﺔ
ﻛﺎﻝ ﺍﻟﺴﻼﻡ ﻋﻠﻴﻜﻢ
ﺍﻧﻲ ﻭﻣﺎﻣﺎ : ﻋﻠﻴﻜﻢ ﺍﻟﺴﻼﻡ ..
ﺭﺩﻳﻨﻪ ﺑﺎﻗﺘﻀﺎﺏ ..
ﻫﻮ ﻛﻌﺪ ﻋﻠﻰ ﺍﻟﺴﺮﻳﺮ ﺩﻧﻚ ﻳﻨﺰﻉ ﺟﻮﺍﺭﻳﺒﻪ ..
ﻛﺎﻝ ﺷﻜﻮ ﺷﺒﻴﺠﻦ ﺻﻮﺗﺠﻦ ﻭﻳﻦ ﻭﺍﺻﻞ ﺷﻨﻮ ﺍﻟﻤﻮﺿﻮﻉ ؟
ﻣﺎﻣﺎ ﺟﺎﻭﺑﺘﻪ : ﻋﺒﻴﺮ ﺗﺮﻳﺪ ﺗﺪﻣﺮ ﻣﺴﺘﻘﺒﻠﻬﺎ ﻭﺗﻔﻮﺕ ﺍﺩﺑﻲ ..
ﺗﺤﺴﺮﺕ ﺍﻧﻲ ﻭﺑﺎﻭﻋﺖ ﻟﺒﺎﺑﺎ ..
ﺗﻔﺎﺟﺄ ﺑﺎﺑﺎ ﺑﻜﻼﻣﻬﺎ : ﺷﺴﺎﻟﻔﺔ ﺳﻮﺳﻦ ﺗﺪﻣﺮ ﻣﺴﺘﻘﺒﻠﻬﺎ ﺷﻨﻮ ﻫﺎﻟﻜﻼﻡ ﻛﺪﺍﻡ ﺍﻟﺒﻨﻴﻪ ﻟﻴﺶ ﺗﻀﻐﻄﻴﻦ ﻋﻠﻴﻬﺎ ﻋﻮﻓﻴﻬﺎ ﻋﻠﻰ ﺭﺍﺣﺘﻬﺎ .
_ ﻳﻌﻨﻲ ﺗﺤﺴﻴﻦ ﺍﻧﺖ ﻣﻘﺘﻨﻊ ؟ ﻫﻴﻪ ﺷﺎﻃﺮﺓ ﻧﺎﺭ ﺗﺮﻳﺪ ﺗﻔﻮﺕ ﺍﺩﺑﻲ ؟
_ ﺍﻱ ﻭﺍﺫﺍ ﻫﺎﻱ ﺭﻏﺒﺘﻬﺎ ﻫﻴﻪ ﺍﺣﺴﻦ ﻣﻤﺎ ﺗﻔﻮﺕ ﻋﻠﻤﻲ ﻭﻣﺘﻨﺠﺢ ﺍﻭ ﻣﺘﻄﻠﻊ ﻣﻌﺪﻝ ﺯﻳﻦ ﻳﺄﻫﻠﻬﺎ ﺗﺪﺧﻞ ﻛﻠﻴﻪ .
_ ﻻ ﺍﻧﻲ ﻣﺘﺄﻛﺪﺓ ﻭﻭﺍﺛﻘﺔ ﻣﻨﻬﺎ ﻻﻥ ﻋﺒﻴﺮ ﺷﺎﻃﺮﺓ ﻭﻛﺪﻫﺎ ﺍﺭﻳﺪ ﺍﺭﻓﻊ ﺭﺍﺳﻲ ﺑﻴﻬﺎ .
ﺑﺎﻭﻋﻠﻲ ﺑﺎﺑﺎ ﻭﻛﺎﻝ : ﻫﺎ ﻋﺒﻴﺮ ؟
ﻇﻠﻴﺖ ﺍﻓﺮﻙ ﺑﺄﺻﺎﺑﻌﻲ ﻋﻴﻦ ﻋﻠﻰ ﺍﻣﻲ ﻭﻋﻴﻦ ﻋﻠﻰ ﺑﺎﺑﺎ ..
ﺗﺸﺠﻌﺖ ﻭﻗﻮﻳﺖ ﻧﻔﺴﻲ ﻭﺍﻧﻲ ﻣﺼﺮﺓ ﻋﻠﻰ ﺭﺃﻱ ..
_ ﺑﺎﺑﺎ ﻭﺍﻟﻠﻪ ﻣﺎﺭﻳﺪ ﻋﻠﻤﻲ ﺍﻧﻲ ﻣﺎﺭﻳﺪ ﺍﺯﻋﻞ ﻣﺎﻣﺎ ﺑﺲ ﺧﺎﻳﻔﺔ ﻻ ﻣﺎ ﺍﺩﺑﺮﻫﺎ ﻻﻥ ﺍﺗﻌﺐ ﻭﺗﻌﺮﻑ ﺻﺪﺍﻉ ﻣﺠﺎﻱ ﻳﻔﺎﺭﻛﻨﻲ ﻣﻦ ﻳﻮﻡ ﺍﻟﻲ ﺳﻮﻳﺖ ﻋﻤﻠﻴﻪ ﻟﻬﺴﻪ .
_ ﺍﺣﻨﻪ ﺷﻨﺮﻳﺪ ﻏﻴﺮ ﺭﺍﺣﺘﺞ ، ﺗﺒﺪﻱ ﺍﻟﻤﺪﺭﺳﺔ ﻭﺳﺠﻠﻲ ﺍﺩﺑﻲ .
ﺍﻣﻲ ﻛﺎﻟﺖ ﺗﺤﺴﻴﻦ ؟
ﺭﻓﻊ ﺑﺎﺑﺎ ﺍﻳﺪﻩ ﻭﻭﺟﻪ ﻛﻼﻣﻪ ﻻﻣﻲ : ﻫﺬﺍ ﻫﻮ ﺳﻮﺳﻦ ﻻ ﺗﻀﻐﻄﻴﻦ ﻉ ﺍﻟﺒﻨﻴﻪ ﻭﺧﻠﻴﻬﺎ ﻋﻠﻰ ﺭﺍﺣﺘﻬﺎ ﺗﺪﺭﻳﻦ ﺑﺤﺎﻟﺘﻬﺎ ﺍﻧﺖ .
ﺣﺴﻴﺖ ﺑﻤﺎﻣﺎ ﺯﻋﻠﺖ ﻋﻠﻴﻪ ﺭﺣﺖ ﺩﺍﺍﺭﺍﺿﻴﻬﺎ ﺣﺴﻴﺘﻬﺎ ﺑﻌﺪ ﻣﻤﻘﺘﻨﻌﺔ ﻋﻔﺘﻬﻢ ﻭﻃﻠﻌﺖ ..
ﻣﺮﺕ ﺍﻳﺎﻡ ﻣﺎﻣﺎ ﺻﺎﺭﺕ ﺗﻘﺴﻰ ﻋﻠﻴﻪ ﺍﻟﺒﻴﺖ ﻛﻠﻪ ﻋﻠﻰ ﺭﺍﺳﻲ
ﻛﻌﺪﺕ ﺍﻟﺼﺒﺢ ﻭﺑﺪﻳﺖ ﺗﻨﻈﻴﻒ ﻭﻣﻨﺎ ﺑﻴﺘﻨﺎ ﻛﺒﻴﺮ ﻛﻠﺶ ..
ﺗﻌﺒﺖ ﻭﺭﺣﺖ ﻏﺴﻠﺖ ﻭﺗﻤﺪﺩﺕ ﺑﺎﻟﺼﺎﻟﺔ ، ﺳﻤﻌﺖ ﺻﻮﺕ ﺟﺎﻱ ﻣﻦ ﺍﻟﻤﻄﺒﺦ : ﻭﻟﺞ ﻋﺒﻴﺮ ﻣﺎﻧﻈﻔﺘﻲ ﺍﻟﻄﺮﻣﺔ ﺑﻌﺪﺝ ؟
ﺟﻨﺖ ﺗﻌﺒﺎﻧﻪ ﺣﺘﻰ ﻣﺎﺑﻴﻪ ﺍﺷﻴﻞ ﺣﻴﻠﻲ ﺟﺎﻭﺑﺘﻬﺎ
ﻣﺎﻣﺎ ﻭﺍﻟﻠﻪ ﺗﻌﺒﺖ ﻣﻦ ﺍﻟﺼﺒﺢ ﻟﻴﻬﺴﻪ ﺧﻠﻲ ﺍﺟﺮ ﻧﻔﺲ ﻉ ﺍﻻﻗﻞ ..
ﻭﺟﺮﻳﺖ ﻧﻔﺲ ﺑﺎﻧﺰﻋﺎﺝ ...
ﺣﺴﻴﺖ ﺑﺼﻮﺗﻬﺎ ﻗﺮﻳﺐ ﻣﻨﻲ ﻭﻫﻴﻪ ﺗﻜﻮﻝ ﺑﻌﺼﺒﻴﺔ
:- ﻫﺴﻪ ﻻ ﺩﺭﺍﺳﺔ ﻓﺎﻟﺤﻪ ﺑﻴﻬﺎ ﻻ ﺷﻐﻞ ﺑﺸﻨﻮ ﺗﻔﻠﺤﻴﻦ ﺍﻧﺘﻲ؟
ﺑﺎﻭﻋﺖ ﻟﻜﻴﺘﻔﻬﺎ ﻓﻮﻭﻙ ﺭﺍﺳﻲ ، ﻛﻤﺖ ﺧﻠﻴﺖ ﺭﺟﻠﻴﻪ ﻉ ﺍﻟﻜﺎﻉ ﻭﻭﻛﻔﺖ ﺑﺎﻭﻋﺖ ﻋﻠﻴﻬﺎ ﺑﺄﺳﻰ ﻭﻫﺰﻳﺖ ﺭﺍﺳﻲ ..
ﺻﺎﺭ ﻣﺎﻣﺎ ﻛﺎﻳﻤﻪ ﻫﺴﻪ ﺣﻜﻤﻞ ﺷﻐﻞ ﻭﻻ ﻳﻬﻤﺞ ﻭﻻ ﺗﺰﻋﻠﻴﻦ ..
ﻛﻤﺖ ﻧﻈﻔﺖ ﺍﻟﻄﺮﻣﺔ ﻭﻛﻤﻠﺘﻬﺎ ، ﺩﺧﻠﺖ ﺷﻔﺘﻬﺎ ﺑﺎﻟﻤﻄﺒﺦ
ﺳﺄﻟﺘﻬﺎ ﺗﺮﺩﻳﻦ ﺷﻲ ﺑﻌﺪ ؟ ﺭﺍﻳﺤﻪ ﺍﻓﻮﺕ ﻟﻠﺤﻤﺎﻡ ﺍﺫﺍ ﺗﺮﺩﻳﻦ ﺷﻲ ﻛﻮﻟﻴﻠﻲ ﻗﺒﻞ ﻻ ﺍﻃﺐ ﺍﺳﺒﺢ ؟
ﺑﺎﻭﻋﺘﻠﻲ ﻭﻫﻴﻪ ﺗﺪﻳﺮ ﻣﻲ ﻉ ﺍﻟﺠﺪﺭ ﺍﻟﻲ ﻓﻮﻙ ﺍﻟﻄﺒﺎﺥ
ﻫﺰﺕ ﺭﺍﺳﻬﺎ ﻭﺑﻌﺪﺕ ﻧﻈﺮﺍﺗﻬﺎ ﻣﻨﻲ ..
ﺭﻛﻀﺖ ﻟﻐﺮﻓﺘﻲ ﺿﺎﻳﺠﻪ ﻭﻣﻘﻬﻮﺭﺓ ﻣﻮ ﻣﻦ ﻣﻌﺎﻣﻠﺘﻬﺎ ﺍﻟﻴﻪ ﻻ ﻭﺍﻧﻤﺎ ﻣﺎﻛﺪﺭ ﺍﺭﺿﻴﻬﺎ ﻭﺍﻟﺒﻲ ﺭﻏﺒﺘﻬﺎ .. ﻣﻘﻬﻮﺭﺓ ﻣﻦ ﻧﻔﺴﻲ ﺍﻛﺜﺮ ﻣﻦ ﻣﺎ ﻣﻘﻬﻮﺭﺓ ﻣﻨﻬﺎ .
ﻃﺒﻴﺖ ﺳﺒﺤﺖ ﻭﻃﻠﻌﺖ ﺗﻮﺍ ﻃﺎﻟﻌﻪ ﻭﻣﺎﻣﺎ ﺻﺎﺣﺘﻨﻲ
ﻭﻳﻨﺞ ﻋﺒﻴﻴﺮ ﻳﻠﻪ ﺟﻬﺰﻱ ﺍﻟﺴﻔﺮﺓ ﺍﺟﻪ ﺍﺑﻮﺝ .
ﺟﺎﻭﺑﺘﻬﺎ ﺻﺎﺭ ﻣﺎﻣﺎ ﺑﺲ ﺍﺷﺮ ﺍﻟﺨﺎﻭﻟﻲ .
ﺻﺎﺣﺖ ﻣﻦ ﻳﻤﻬﺎ ﻟﺞ ﺷﻮﻛﺖ ﻣﺎ ﺍﻛﻮﻟﺞ ﻋﻠﻰ ﺷﻲ ﺗﺴﻮﻳﻨﻪ ﺑﺴﺮﻋﺔ ﺍﻟﻲ ﺍﻛﻮﻟﻪ ﺍﻟﺞ ﻻ ﺗﺄﺟﻠﻴﻨﻪ ﺗﻌﺎﺃﺍﻟﻲ ﻳﻠﻪ .
ﺷﻤﺮﺕ ﺍﻟﺨﺎﻭﻟﻲ ﻉ ﺍﻟﺪﺭﺝ ﻭﺭﻛﻀﺖ ﻟﻠﻤﻄﺒﺦ
ﺷﻔﺖ ﺑﺎﺑﺎ ﻳﻬﻤﺲ ﻻﻣﻲ ﺑﺎﻟﻜﻼﻡ ﺍﻟﻈﺎﻫﺮ ﺟﺎﻥ ﻳﺄﻧﺒﻬﺎ
ﻻﻥ ﻫﻴﺞ ﺗﻌﺎﻣﻠﺖ ﻭﻳﺎﻳﻪ ﻣﻦ ﺷﺎﻓﻨﻲ ﺳﻜﺖ ﻣﺎﻳﺮﻳﺪﻧﻲ ﺍﻧﻘﻬﺮ ، ﻛﻤﺖ ﻓﺮﺷﺖ ﺍﻟﺴﻔﺮﺓ ﻭﺗﻐﺪﻳﻨﺎ ..
ﺍﻟﻌﺼﺮ ﻫﻢ ﻇﻠﺖ ﺗﻄﻠﻌﻠﻲ ﺷﻐﻞ ﻣﻦ ﺟﻮﻩ ﺍﻟﻜﺎﻉ
ﻃﻠﻌﻲ ﺍﻟﺒﻮﻓﻴﻪ ﻧﺰﻟﻲ ﻏﺮﺍﺽ ﻣﻦ ﻓﻮﻙ ﺟﻴﺐ ﻫﺬﺍ ﻭﺩﻱ ﺫﺍﻙ ..
ﻟﺤﺪ ﺍﻟﻠﻴﻞ ﺻﻌﺪﺕ ﻧﻤﺖ ﭼﻔﻲ ﻣﻦ ﻛﺪ ﺍﻟﺘﻌﺐ ﻭﺍﻧﻲ ﻧﺎﻳﻤﺔ
ﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺤﺖ ﻭﺍﺟﺘﻨﻲ ﺭﻳﺤﺔ ﺍﻣﻲ
ﺗﻘﺮﺑﺖ ﻣﻨﻲ ﺑﺎﺳﺘﻨﻲ ﻋﻠﻰ ﺭﺍﺳﻲ ﻏﻄﺘﻨﻲ ﻭﻃﻠﻌﺖ .. ﻋﺮﻓﺖ ﺷﻜﺪ ﻣﺘﻘﺴﻰ ﻋﻠﻴﻪ ﺑﺲ ﺍﻛﻴﺪ ﺿﻤﻴﺮﻫﺎ ﺍﻧﺒﻬﺎ ﻭﺍﺟﺘﻨﻲ ﺍﺩﺭﻱ ﺑﻴﻬﺎ ﺣﻨﻴﻨﻪ ﻭﺗﺮﻳﺪ ﻣﺼﻠﺤﺘﻲ ﺑﺲ ﺍﻧﻲ ﻣﺼﺮﺓ ﺍﻓﻮﺕ ﺍﺩﺑﻲ ﻭﻣﺴﺘﻌﺪﺓ ﻟﻠﻌﻘﺎﺏ .
ﺍﻻﻳﺎﻡ ﺍﻟﻲ ﺑﻌﺪﻫﺎ ﺻﺮﺕ ﺍﻣﺘﺜﻞ ﻟﻼﻭﺍﻣﺮ ﺑﺪﻭﻥ ﻣﺘﻜﻮﻝ ﺻﺮﺕ ﺍﻋﺮﻑ ﺷﻐﻠﻲ ﺍﻧﻈﻒ ﺍﻟﺒﻴﺖ ﻛﻠﻪ ﻭﻣﻦ ﻳﺼﻴﺮ ﺍﻟﻈﻬﺮ ﺍﻭﺻﻞ ﻟﻠﺤﺪﻳﻘﺔ ﺍﻧﻈﻔﻬﺎ ﺑﺎﻟﺸﻤﺲ ﻭﺷﻬﺮ ٨ ﺷﻤﺲ ﻗﻮﻳﻪ ..
ﻭﺭﺍ ﺍﻳﺎﻡ ﺣﺴﻴﺖ ﺑﺼﺪﺍﻉ ﻗﻮﻱ ﺗﻄﻮﺭﺕ ﺣﺎﻟﺘﻲ ﺻﺨﻮﻧﻪ ﻭﺗﻴﻘﻲﺀ ﻭﺧﺎﺻﺔ ﺍﻧﻲ ﻗﺒﻞ ﻣﻀﺮﻭﺑﺔ ﺑﺮﺍﺳﻲ ﻳﻌﻨﻲ ﺍﻻﻟﻢ ﺻﺎﺭ ﻣﻀﺎﻋﻒ .
ﺷﺎﻓﻨﻲ ﺑﺎﺑﺎ ﻫﻴﺞ ﺭﻛﺾ ﺑﻴﻪ ﻟﻠﻤﺴﺘﺸﻔﻰ ﺳﻮﻭﻟﻲ ﺗﺤﺎﻟﻴﻞ ﻃﻠﻊ ﻋﻨﺪﻱ ﺗﻴﻔﻮﺋﻴﺪ ﻭﺩﺭﺟﺘﻪ ﻭﺍﺻﻠﺔ ٤٥٠
ﺧﻠﻮﻟﻲ ﻣﻐﺬﻱ ﻭﺑﻌﺪﻫﺎ ﻛﺘﺒﻮﻟﻲ ﻋﻼﺝ ﻭﻃﻠﻌﺖ ﻟﻠﺒﻴﺖ
ﺑﺎﺑﺎ ﺟﺎﻥ ﻛﻠﺶ ﻣﻌﺼﺐ ﺑﺲ ﺭﺟﻌﻨﻪ ﻟﻠﺒﻴﺖ ﻋﻠﻜﻬﺎ ﻋﺮﻛﺔ
ﻭﻳﺎ ﻣﺎﻣﺎ ﻋﺮﻛﺔ ﺟﺒﻴﺮﺓ ﻛﻮﻟﺶ ﺣﺘﻰ ﻏﻠﻂ ﻫﻢ ﻏﻠﻂ ﻋﻠﻴﻬﺎ
_ ﺍﻧﺘﻲ ﺷﻨﻮ ﺗﺮﻳﺪﻳﻦ ﺗﻤﻮﺗﻴﻬﺎ ﺩﺗﻜﻮﻟﺞ ﻳﺎﺍﻣﺔ ﺍﻻﺳﻼﻡ
ﺷﻐﻠﻪ ﻣﺎﺍﻛﺪﺭ ﺍﺩﺑﺮﺭﺭﺭﺭﺭﻫﺎ ﺍﻓﺸﺸﺸﺸﺸﺸﻞ ﺑﻴﻬﺎ
ﻛﻮﻭﻭﻭﺓ ﻫﻲ ﺧﻮﻭﻭ ﻣﺎ ﻛﻮﻭﻭﺓ ﻟﻴﺶ ﺗﺰﻫﻜﻴﻨﻲ ﻭﺗﺨﻠﻴﻴﻴﻴﻦ ﺻﻮﺗﻲ ﻳﻄﻠﻊ ﻣﻦ ﺗﺎﻟﻲ ﻋﻤﺮﺭﺭﺭﺭﻱ ﻫﺎﺝ
ﺍﺳﺘﻠﻤﻲ ﻫﻴﺞ ﺍﺣﺴﺴﺴﺴﻦ ﺍﻟﻌﺎﻡ ﺑﺎﻟﻜﻮﺓ ﻃﻠﻌﺖ ﻣﻦ
ﺍﻟﺜﺎﻟﺚ ﺑﺴﺒﺐ ﺣﺎﻟﺘﻬﺎ ﺍﻟﺼﺤﻴﺔ ﻫﺴﻪ ﺷﻠﻮﻥ ﻫﺎﺍﺍﺍﺍ
ﻫﻢ ﻧﻌﻴﺪ ﺍﻟﺴﺎﻟﻔﻪ
ﻣﺎﻣﺎ ﺟﺎﻧﺖ ﺳﺎﻛﺘﻪ ﻣﺠﺎﻭﺑﺘﻪ ﺃﺑﺪ ﻣﺪﻧﻜﺔ ﻭﺗﻌﺼﺮ ﺑﺄﺻﺎﺑﻌﻬﺎ ﻋﺼﺐ ﺷﺎﻝ ﺍﻟﺒﻼﺯﻣﺎ ﻭﺭﻛﻌﻬﺎ ﺑﺎﻟﻜﺎﻉ ﻭﻃﻠﻊ ﻣﻦ ﺍﻟﺒﻴﺖ ...
ﺑﺎﻭﻋﺘﻠﻲ ﻣﺎﻣﺎ ﺣﺠﻴﺖ ﺑﺴﺮﻋﻪ : ﺗﺮﻯ ﺍﻧﻲ ﻣﻌﻠﻴﻪ ﻣﻮ ﻫﻢ ﺗﻜﻮﻟﻴﻠﻲ ﺍﻧﺘﻲ ﺍﻟﺴﺒﺐ .
ﻣﺤﺠﺖ ﺷﻲ ﺗﺮﻛﺘﻨﻲ ﻭﻛﺎﻣﺖ ، ﺍﺟﺖ ﻣﺮﻳﻢ ﺩﺗﻨﻈﻒ
ﻭﺗﺸﻴﻞ ﺍﻟﺒﻼﺯﻣﺎ ﻻﻥ ﺻﺎﺭﺕ ﻃﺤﻴﻦ ﻭﺍﻧﻲ ﺗﻤﺪﺩﺕ ﻉ ﺍﻟﺘﺨﻢ
ﻭﺍﻟﻤﺮﺽ ﺑﻴﻪ ، ﺿﺠﺖ ﻭﺑﺲ ﺍﻓﻜﺮ ، ﺍﻧﻮﺏ ﺗﺴﺒﺒﺖ ﺑﻤﺸﻜﻠﺔ ﺑﻴﻦ ﻣﺎﻣﺎ ﻭﺑﺎﺑﺎ ﻭﺍﻭﻝ ﻣﺮﻩ ﺍﺷﻮﻑ ﺑﺎﺑﺎ ﻳﺘﺼﺮﻑ ﻫﻴﺞ ﻭﻳﻪ ﺍﻣﻲ ، ﺧﻠﻴﺖ ﺍﻳﺪﻱ ﻋﻠﻰ ﻭﺟﻬﻲ ﻭﻏﻔﻴﺖ .
ﻭﺭﺍﻫﺎ ﺑﺄﻳﺎﻡ ﺻﺎﺭﺕ ﺧﻄﻮﺑﺔ ﻛﺮﺍﺭ ﻣﻜﺪﺭﺕ ﺍﺭﻭﺡ ﺟﻨﺖ ﺗﻌﺒﺎﻧﻪ ﺣﻴﻞ ﻭﺍﺑﺮ ﻭﺍﺩﻭﻳﻪ ﺣﺘﻰ ﺩﻭﺧﺘﻨﻲ .
ﺑﻴﻮﻣﻬﺎ ﻳﺘﺼﻞ ﺑﻴﻪ ﺑﺲ ﺍﻧﻲ ﺟﻨﺖ ﺗﻌﺒﺎﻧﻪ ﺣﻴﻞ ﺣﺘﻰ ﺗﻠﻴﻔﻮﻧﻲ ﻣﺎ ﺍﺩﺭﻱ ﺑﻲ ﺳﻤﻌﺖ ﻳﺮﻥ ﻭﻣﺎﻛﺪﺭﺕ ﺍﻛﻮﻡ ﺍﺧﺬﻩ ﺑﻌﺪﻫﺎ ﺍﻧﻄﻔﻰ ، ﻛﻤﺖ ﺷﻔﺘﻪ ﻃﺎﻓﻲ ﺷﺤﻨﻪ .
ﺍﺧﺬﺕ ﺍﻟﻌﻼﺝ ﻭﺻﺮﺕ ﺷﻮﻳﻪ ﺍﺣﺴﻦ ، ﻣﻦ ﺭﺟﻌﺖ ﻣﺎﻣﺎ ﺗﺮﺧﺼﺖ ﻣﻨﻬﺎ ﺍﺭﻭﺡ ﺍﺑﺎﺭﻙ ﺍﻟﻪ ..
ﻛﺎﻟﺖ ﺧﺎﻑ ﺗﻌﺒﺎﻧﻪ ﻭﻣﺎﺑﻴﺞ ﺍﺟﻠﻴﻬﺎ ﻫﺴﻪ ﺷﻮﻥ ﺗﺮﺣﻴﻦ ﻭﺣﺪﺝ ..
ﺟﺎﻭﺑﺘﻬﺎ ﻻ ﻣﺎﻣﺎ ﺍﺧﺬﺕ ﻋﻼﺝ ﻫﺴﻪ ﺍﺣﺲ ﺗﺤﺴﻨﺖ ﺍﺑﺎﺭﻙ ﺍﻟﻪ ﻭﺍﺭﺟﻊ . ﺭﺣﺖ ﻟﺒﻴﺘﻬﻢ ﺷﻔﺘﻬﻢ ﺩﻳﺤﺘﻔﻠﻮﻥ ﺑﻲ ﺷﻔﺘﻪ ﻣﻦ ﺑﻌﻴﺪ ﺍﺑﺘﺴﻤﺖ ﺍﺟﻪ ﻳﻤﻲ ﻳﻨﺘﺮ ﻧﺘﺮ ﺣﺴﻴﺖ ﻣﻦ
ﻛﻼﻣﻪ ﺍﻛﻮ ﺷﻲ ﺍﻭ ﻫﻮ ﺷﺎﻙ ﺑﺸﻲ ﻭﻋﺮﻓﺖ ﺷﻴﻘﺼﺪ
ﺗﺮﻛﺘﻪ ﺣﺘﻰ ﻣﺒﺮﺭﺗﻠﻪ ﻻﻥ ﻣﺎﺑﻴﻪ ﺣﻴﻞ ﺍﻟﻤﺮﺽ ﻛﺎﻓﻲ ﻋﻠﻴﻪ ﻫﺪ ﺣﻴﻠﻲ .
ﻛﺮﺍﺭ .. ﺑﻠﻴﻠﺔ ﺍﻟﻲ ﺧﻄﺒﺖ ﺑﻴﻬﺎ ﺧﺎﺑﺮﺕ ﻋﻠﻰ ﻣﻬﺎ
ﻭﺳﺄﻟﺘﻨﻲ ﻋﻠﻰ ﻋﺒﻴﺮ . ﻛﺎﻟﺖ ﻛﺮﺍﺭ ﻋﺒﻴﺮ ﻭﻳﻨﻬﺎ ﺍﺷﻮ ﻣﺎﻛﻮ ﺍﺗﺼﻞ ﻭﻫﻢ ﻣﺎﻛﻮ ﺗﻮﻗﻌﺘﻬﺎ ﺍﻭﻝ ﻭﺣﺪﺓ ﺗﺤﻀﺮ ﺑﺨﻄﺒﺘﻨﺎ ﻭﻣﺎ ﺍﺟﺖ ﺻﺎﻳﺮ ﺷﻲ ﺍﻛﻮ ﺷﻲ ؟ ﺍﺣﺠﻴﻠﻲ ؟
_ ﻟﺞ ﻋﺒﻴﺮ ﻣﺮﻳﻀﺔ ﺭﺍﺣﺖ ﺑﺎﻟﻘﺎﺿﻴﻪ ﺗﻌﺒﺎﻧﻪ ﻛﻠﺶ ﻋﺪﻫﺎ ﺗﻴﻔﻮ ﻭﺍﻣﻬﺎ ﻣﻨﻌﺘﻬﺎ ﻣﺘﺠﻲ ﻟﻠﺤﻔﻠﺔ .. ﺗﺤﺒﻴﻦ ﻧﺮﻭﺡ ﺍﻧﻲ ﻭﻳﺎﺝ ﻧﺸﻮﻓﻬﻪ ؟
_ ﻫﺎ ﺍﻱ ﺍﺗﺮﺧﺺ ﻣﻦ ﺍﻫﻠﻲ ﻭﻧﺮﻭﺡ ..
_ ﺧﻮ ﻣﺎ ﺍﺧﻮﺝ ﺍﻟﺤﻴﻮﺍﻥ ﻳﺤﻂ ﺭﻭﺣﻪ ﻭﻳﻤﻨﻌﺞ ؟
_ ﻻ ﺣﺒﻴﺒﻲ ﻋﻮﻓﻚ ﻣﻨﻪ ﺍﺻﻼ ﻣﺎﻣﺎ ﻭﺑﺎﺑﺎ ﻭﺣﺘﻰ ﻋﻤﺎﻣﻲ ﺧﻠﻮﻟﻪ ﺣﺪ ﺑﻌﺪ ﺍﺑﺪ ﻣﻴﺘﻌﺮﺿﻠﻚ .
_ ﺍﻳﺒﺎﺍﻩ ﻋﺎﺩ ﺷﻠﻮﻥ ﺍﻧﻲ ﺧﺎﻳﻒ ﻣﻨﻪ ﺍﻧﻲ ﺧﺎﻳﻒ ﻋﻠﻴﺞ ﺍﻧﺖ ﺣﺒﻴﺒﺘﻲ .
_ ﻟﺘﺨﺎﻑ ﺣﻴﺎﺗﻲ ..
_ ﻏﻴﺮ ﺟﻨﺖ ﺭﺍﻳﺪ ﺍﺷﻮﻓﺞ ﺍﻛﻌﺪ ﻳﻤﺞ ﺍﺷﺒﻊ ﻣﻨﺞ ﺍﻟﻴﻮﻡ ﺣﺘﻰ ﻣﺸﻔﺘﺞ ﻫﻮﺍﻱ ﻟﻠﺒﺪﻟﺔ ﻏﻴﺮ ﻃﺎﻟﻌﺔ ﻛﻴﻚ ﺑﺲ ﺍﺧﺨﺦ .
_ ﺷﺴﻮﻱ ﺍﻧﻲ ﻫﻢ ﺭﺩﺕ ﺗﺒﻘﻰ ﻳﻤﻲ ﺑﺲ ﻛﺎﻟﻮﺍ ﻣﻴﺼﻴﺮ ﻭﺍﻧﺖ ﻫﻢ ﺭﺣﺖ ﻟﻮ ﻛﺎﻳﻞ ﻟﺒﺎﺑﺎ ﻣﺠﺎﻥ ﻛﺎﻝ ﺷﻲ .
_ ﺍﻱ ﺻﺪﻛﺖ .
_ ﻭﺍﻟﻠﻪ ﺷﺒﻴﻚ ﻣﻤﺼﺪﻙ ؟
_ ﻋﻮﻓﻴﻨﻪ ﻣﻦ ﺍﺑﻮﺝ ﻭﺍﺧﻮﺝ ﺩﺧﻴﻠﺞ ﻭﻛﻮﻟﻴﻠﻲ ﺷﻮﻛﺖ ﺍﺟﻲ ﻋﻠﻴﺞ ﺍﺧﺬﺝ ﻟﺒﻴﺖ ﻋﻤﻲ ﺗﺤﺴﻴﻦ ﻧﺸﻮﻑ ﻋﺒﻴﺮ ؟
_ ﺑﻜﻴﻔﻚ ؟
_ ﻣﻮ ﺑﻜﻴﻔﻲ ﻏﻴﺮ ﺗﺘﺮﺧﺼﻴﻦ ﻣﻦ ﺍﻫﻠﺞ ﺗﺸﻮﻓﻴﻬﻢ ﻳﻘﺒﻠﻮﻥ ﺗﻄﻠﻌﻴﻦ ﻭﻳﺎﻳﻪ ﻟﻮ ﻻ ؟
_ ﺗﻤﺎﻡ ﺍﻛﻮﻟﻠﻬﻢ ﻭﺍﺭﺟﻌﻠﻚ ﺧﺒﺮ ..
_ ﺍﻧﺘﻈﺮﺝ .
ﺯﻫﺮﺍﺀ : ﻛﻌﺪﺕ ﺍﻟﺼﺒﺢ ﻋﻠﻰ ﺣﻮﺳﺔ ﺻﻔﺎﺀ ﺑﺎﻟﻐﺮﻓﺔ ﻛﻤﺖ ﺷﻔﺘﻪ ﺩﻳﺒﺪﻝ ، ﺗﻤﻄﻄﺖ ﻭﻛﺘﻠﻪ ﺻﺒﺎﺡ ﺍﻟﺨﻴﺮ ﻭﺍﻧﻲ ﻣﻨﻌﺴﺔ
ﺍﺑﺘﺴﻢ ﻋﻠﻰ ﺷﻜﻠﻲ ﻛﺎﻝ ﺻﺒﺎﺡ ﺍﻟﻨﻮﺭ ﺭﺟﻌﻲ ﻧﺎﻣﻲ ﻣﺒﻴﻨﻪ ﻣﺸﺒﻌﺎﻧﻪ ﻧﻮﻡ .
ﻛﻤﺖ ﻭﺍﻧﻲ ﺩﺍ ﺍﻛﻮﻡ ﺣﺠﻴﺖ ﻭﻳﺎﻩ ﻻ ﻛﻌﺪﺕ ﺑﻌﺪ ﺷﻨﻮ ﺣﺘﺮﺟﻊ ﻟﻠﺪﻭﺍﻡ ﺍﻟﻴﻮﻡ ؟
ﻻ ﺭﺍﺡ ﺍﺭﻭﺡ ﺍﻓﻴﺰ ﺟﻮﺍﺯﺍﺗﻨﻪ ﺣﺘﻰ ﻧﺴﺎﻓﺮ ﺷﻬﺮ ﺍﻟﻌﺴﻞ .
ﺿﺤﻜﺖ ﺑﺎﺳﺘﻬﺰﺍﺀ ﺷﻬﺮ ﻋﺴﻞ ؟
ﻫﻮ ﺟﺎﻥ ﻣﺪﻧﻚ ﻳﺪﻛﻢ ﻗﻤﻴﺼﻪ ﻣﺎﺍﻧﺘﺒﻪ ﺭﻓﻊ ﺭﺍﺳﻪ ﺭﺃﺳﺎ ﺩﺭﺕ ﻭﺟﻬﻲ ﻭﺷﻠﺖ ﻓﺮﺍﺷﻲ ﻣﻦ ﻉ ﺍﻟﻜﺎﻉ .. ﺭﺣﺖ ﻏﺴﻠﺖ ﻭﺟﻬﻲ ﻭﻃﻠﻌﺖ .
ﻧﺰﻟﺖ ﺟﻮﻩ ﺷﻔﺖ ﻋﻤﻮ ﻭﻋﻤﻪ ﻛﺎﻋﺪﻳﻦ ﺻﺒﺤﺖ ﻋﻠﻴﻬﻢ
ﻛﺘﻠﻬﺎ ﻋﻤﻪ ﺍﺳﻮﻱ ﺭﻳﻮﻙ ؟
ﻛﺎﻟﺖ ﺍﻧﻲ ﻭﻋﻤﺞ ﺗﺮﻳﻜﻨﺎ ﺳﻮﻳﻠﻜﻢ ﺍﻧﺖ ﻭﺻﻔﺎﺀ ﺍﺫﺍ ﻛﺎﻋﺪ ..
ﻫﺰﻳﺖ ﺭﺍﺳﻲ ﻫﻤﺴﺖ ﺗﻤﺎﻡ ﻭﺭﺣﺖ ﻟﻠﻤﻄﺒﺦ ﺳﻮﻳﺖ ﺍﻟﺮﻳﻮﻙ
ﻭﻛﻌﺪﻧﺎ ﺗﺮﻳﻜﻨﺎ .
ﺧﻠﺼﻨﻪ ﺭﻳﻮﻙ ﻭﻫﻮ ﺭﺍﺡ ﻭﺍﻧﻲ ﻛﻤﺖ ﻉ ﺍﻟﺸﻐﻞ ﻏﺴﻠﺖ ﻣﻮﺍﻋﻴﻦ ﻭﻧﻈﻔﺖ ﺍﻟﺒﻴﺖ ، ﺧﻠﺼﺖ ﺷﻐﻠﻲ ﻭﻋﻤﻪ ﻃﺒﺨﺖ ..
ﺍﺷﺘﺎﻗﻴﺖ ﻻﻫﻠﻲ ﺭﺣﺖ ﻟﻌﻤﻪ ﺗﺮﺧﺼﺖ ﻣﻨﻬﺎ ﺍﺭﻭﺡ ﻻﻫﻠﻲ ﻛﺎﻟﺖ ﺭﻭﺣﻲ ..
ﻟﺒﺴﺖ ﺷﺎﻝ ﻭﺭﺣﺖ ، ﺍﻃﻤﻨﺖ ﻋﻠﻰ ﻋﺒﻴﺮ ﻭﻛﻌﺪﻧﺎ ﻧﺴﻮﻟﻒ
ﺣﺎﺟﻴﺖ ﻣﺎﻣﺎ ﻋﻤﻮﺩ ﻋﺒﻴﺮ ﻻﻥ ﺗﺮﻳﺪ ﺗﺪﺧﻞ ﺍﺩﺑﻲ ﻭﻣﺎﻣﺎ ﺗﺮﻳﺪﻫﺎ ﻋﻠﻤﻲ ..
ﻛﺘﻠﻬﺎ ﻣﺎﻣﺎ ﻋﻮﻓﻴﻬﺎ ﺑﺮﺍﺣﺘﻬﺎ ﻣﺜﻞ ﻣﺪﻳﻜﻮﻟﺞ ﺑﺎﺑﺎ ﺧﻄﻴﺔ ﻣﺪﺗﺸﻮﻓﻴﻬﺎ ﺷﻠﻮﻥ ﺗﻌﺒﺎﻧﻪ .
ﻛﺎﻟﺖ ﻣﺎﻣﺎ ﻫﻮ ﺳﻜﺘﺖ ﻣﺎﺑﻴﺪﻱ ﺷﻲ ﺑﻌﺪ ﻫﻴﻪ ﻭﺍﺑﻮﻫﺎ ﻣﺼﻤﻤﻴﻦ .
ﺑﻘﻴﺖ ﻳﻤﻬﻢ ﺷﻮﻳﻪ ﻭﻃﻠﻌﺖ ﺭﺟﻌﺖ ﻟﻠﺒﻴﺖ ﺑﺲ ﻓﺘﺤﺖ ﺍﻟﺒﺎﺏ ﻃﻠﻊ ﺻﻔﺎﺀ ﻇﻞ ﻳﺨﻮﺯﺭ ﺑﻴﻪ ﺻﻌﺪﻱ ﻟﻠﻐﺮﻓﺔ ﺑﺴﺮﻋﺔ ..
ﺻﻌﺪﺕ ﺑﺴﺮﻋﺔ ﻓﻮﻙ ﻭﺍﻳﺪﻱ ﻋﻠﻰ ﻗﻠﺒﻲ ﺷﺒﻲ ﻫﺬﺍ ﺧﻔﺖ ﻣﻨﻪ ﻛﻠﺶ ﺧﻔﺖ ﻻﺻﺎﻳﺮ ﺷﻲ ..
ﻃﺐ ﻭﺳﺪ ﺍﻟﺒﺎﺏ ﻗﻮﻱ ﻭﻳﻦ ﺟﻨﺘﻲ ؟
ﺟﺮﻳﺖ ﻧﻔﺲ ﻭﻧﺰﻋﺖ ﺷﺎﻟﻲ ﻭﺭﺣﺖ ﺩﺍﺍﻋﻠﻜﻪ ﻭﺍﻧﻲ ﻣﺘﺠﺎﻫﻠﺘﻪ ..
ﻟﺰﻣﻨﻲ ﻣﻦ ﺍﻳﺪﻱ ﻭﻭﻛﻔﻨﻲ : ﺩﺍ ﺍﺳﺄﻟﺞ ﺟﺎﻭﺑﻲ ؟
ﻓﻠﺘﺖ ﺍﻳﺪﻱ ﻣﻨﻪ ﺑﺎﻟﻘﻮﺓ : ﺷﺒﻴﻚ ﺻﻔﺎﺀ ﻣﺎﻛﻠﺘﻠﻚ ﻋﻤﻪ ﺗﺮﺍ ﺗﺮﺧﺼﺖ ﻣﻨﻬﺎ ﻭﺭﺣﺖ ﻻﻫﻠﻲ .
ﻛﺎﻝ ﻣﻌﻠﻴﻪ ﺑﺄﻣﻲ ﻗﺒﻞ ﻣﺘﺨﻄﻴﻦ ﺧﻄﻮﺓ ﺑﺮﺍ ﻫﺬﺍ ﺍﻟﺒﻴﺖ ﺗﺘﺮﺧﺼﻴﻦ ﻣﻨﻲ .
ﺑﺼﻮﺕ ﻣﺮﺗﺠﻒ ﻣﺪﻋﻴﺔ ﺍﻟﻘﻮﺓ : ﺗﺮﺍ ﺑﻴﺖ ﺍﻫﻠﻲ ﺍﺣﻨﻪ ﺣﺎﻳﻂ ﻋﻠﻰ ﺣﺎﻳﻂ ﺍﻧﺖ ﻻﺯﻡ ﻣﻦ ﻭﺣﺪﻙ ﺗﺮﺧﺼﻨﻲ ﺍﺭﻭﺡ ﺑﻮﻗﺖ ﻓﺮﺍﻏﻲ ﻭﺑﻌﺪ ﻣﺎﺍﺧﻠﺺ ﺷﻐﻠﻲ ﻣﺎﺑﻴﻬﺎ ﺷﻲ ﻭﻫﻤﻪ ﻣﻮ ﻏﺮﺑﻪ ﺍﻫﻠﻲ ﻭﺑﻨﻔﺲ ﺍﻟﻮﻗﺖ ﺑﻴﺖ ﻋﻤﻚ ﻳﻌﻨﻲ ﻣﺮﺍﻳﺤﺔ ﺑﻴﺖ ﻏﺮﻳﺐ ﺍﻧﻲ !!.
ﻛﺎﻝ ﺑﺤﺪﻳﻪ ﻣﻴﺨﺎﻟﻒ ﻭﺍﻋﺮﻑ ﻫﺎﻟﺸﻲ ﻣﻮ ﺟﺪﻳﺪ ﻋﻠﻴﻪ ﺑﺲ ﻫﻢ ﺗﺘﺮﺧﺼﻴﻦ ﻣﻨﻲ ﻣﻔﻬﻮﻭﻡ ؟
ﺟﺮﻳﺖ ﻧﻔﺲ ﺍﺧﺘﻨﻜﺖ ﺩﺍﻃﻠﻊ ﻣﻦ ﺍﻟﻐﺮﻓﻪ ، ﺭﺟﻊ ﻟﺰﻣﻨﻲ
ﻳﺒﺎﻭﻉ ﻟﻌﻴﻮﻧﻲ ﻋﺎﻛﺪ ﺣﻮﺍﺟﺒﻪ ﻭﻋﻴﻮﻧﻪ ﺣﻤﺮﺓ ﻣﻦ ﺍﻟﻌﺼﺒﻴﻪ ﺍﺩﺭﻱ ﺑﻲ ﻳﻀﻮﺝ ﻣﻦ ﺍﺣﻜﺮﻩ ﻛﺎﻝ ﺍﺣﺠﻲ ﻭﻳﺎﺝ ﺟﺎﻭﺑﻲ ﻟﻴﺶ ﺗﻐﻠﺴﻴﻦ ﻟﻮ ﻣﻌﺎﺟﺒﺞ ﺍﻟﻜﻼﻡ ﺳﺖ ﺯﻫﺮﺍﺀ ؟
ﺳﺮﻋﺎﻥ ﻣﺎﺗﺤﻄﻢ ﺩﺭﻉ ﺍﻟﻘﻮﺓ ﺍﻟﻲ ﺍﺩﻋﻴﻪ ﺧﻠﻴﺖ ﺍﻳﺪﻱ ﻋﻠﻰ ﺍﻳﺪﻩ ﻭﺧﺮﺗﻬﺎ ﻋﻨﻲ ، ﺣﺎﻭﻟﺖ ﺍﻟﻬﺮﻭﺏ ﻣﻦ ﻧﻈﺮﺍﺗﻪ ﻭ ﻫﻤﺴﺖ ﺑﺤﺴﺮﺓ
ﺗﻤﺎﻡ ﺑﺲ ﻭﺧﺮ ﻋﻨﻲ ﻣﻤﻜﻦ ﺍﺧﺘﻨﻜﺖ ﻣﻨﺎ ﺍﺭﻳﺪ ﺍﻧﺰﻝ ﺩﺧﻴﻠﻚ ..
ﺳﻮﺍﻟﻲ ﻃﺮﻳﻖ ﻭﻧﺰﻟﺖ ﺍﺑﺠﻲ ..
ﺻﻔﺎﺀ .. ﻃﻠﻌﺖ ﻭﺳﺪﺕ ﺍﻟﺒﺎﺏ ﺍﺟﺎﻧﻲ ﺻﻮﺕ ﺷﻬﻜﺘﻬﺎ
ﻋﺮﻓﺖ ﺑﺠﺖ ﺍﻡ ﺩﻣﻴﻌﻪ ، ﺧﻠﻴﺖ ﺍﻳﺪﻱ ﻋﻠﻰ ﺭﺍﺳﻲ ﻭﺗﺤﺴﺮﺕ ﺟﺎﻥ ﻻﺯﻡ ﺍﻓﻬﻤﻬﺎ ﺍﻧﻲ ﺧﺎﻳﻒ ﻋﻠﻴﻬﺎ ﻣﻮ ﻓﺪ ﺷﻲ ﺛﺎﻧﻲ ..
ﻧﺰﻟﺖ ﺟﻮﺍ ﺍﻣﻲ ﻭﺍﺑﻮﻳﻪ ﻣﺎﻛﻮ ، ﻓﺘﺖ ﻟﻠﻤﻄﺒﺦ ﺷﻔﺘﻬﺎ ﻭﺍﻛﻔﺔ ﻉ ﺍﻟﺴﻨﻚ ﺷﻌﺮﻫﺎ ﻣﻔﺘﻮﺡ ﻣﺜﻞ ﺍﻟﺸﻼﻝ ﻭﻣﺤﺘﻞ ﻛﻞ ﻇﻬﺮﻫﺎ
ﺍﻳﺪﻳﻬﺎ ﺗﺘﺤﺮﻙ ﺑﻌﺼﺒﻴﻪ ﺗﺠﻠﻒ ﻣﺎﻋﻮﻥ ﺑﻴﺪﻫﺎ ﻃﻠﻌﺖ ﺭﻭﺣﻪ ﺗﺮﻳﺪ ﺗﻔﺮﻍ ﻛﻞ ﻏﻀﺒﻬﺎ ﺑﻲ .
ﺗﻘﺮﺑﺖ ﻣﻨﻬﺎ ﻟﺰﻣﺘﻬﺎ ﻣﻦ ﺍﻳﺪﻳﻬﺎ ﻭﺩﺭﺗﻬﺎ ﻋﻠﻴﻪ ، ﻇﻠﺖ ﺗﺤﺎﻭﻝ ﺗﻔﻠﺖ ﺍﺩﻳﻬﺎ ﻣﻨﻲ ﻣﻜﺪﺭﺕ ، ﺛﺒﺘﺘﻬﺎ ﻗﻮﻱ ﻭﻇﻠﺖ ﺍﻟﺮﻏﻮﺓ ﺗﺘﻄﺎﻳﺮ ﻣﻦ ﺍﺩﻳﻬﺎ ﻻﻥ ﻇﻠﺖ ﺗﺮﺟﻒ .
ﻫﻤﺴﺖ ﺑﺎﻭﻋﻴﻠﻲ ﺯﻫﺮﺍﺀ ، ﻇﻠﺖ ﻣﺪﻧﻜﺔ ﻭﺗﻬﺰ ﺭﺍﺳﻬﺎ ﺑﺮﻓﺾ ﻭﺩﻣﻮﻋﻬﺎ ﻋﻠﻰ ﺧﺪﻫﺎ ، ﻛﺘﻠﻬﺎ ﻻ ﻛﻞ ﻣﺎ ﺍﺣﺠﻲ ﻭﻳﺎﺝ ﺗﻤﻄﺮ ﻋﻴﻮﻧﺞ ﻋﺒﺎﻟﻚ ﻏﻴﻮﻡ ﻛﺒﺮﻱ ﺷﻮﻳﻪ ﻛﺎﻓﻲ ﺩﻟﻊ .
ﺑﺎﻭﻋﺘﻠﻲ ﻭﻣﻨﻮ ﻛﻠﻚ ﺍﺗﺪﻟﻊ ﻋﻠﻴﻚ ﻣﺴﻮﻳﺖ ﺷﻲ ﻏﻠﻂ ﺭﺣﺖ ﺍﺷﻮﻑ ﺍﻫﻠﻲ ﺍﺗﺮﻛﻨﻲ ..
ﻇﻠﺖ ﺗﺤﺎﻭﻝ ﺗﻤﻠﺺ ﺍﺩﻳﻬﺎ ﻣﻨﻲ ﻣﺘﻜﺪﺭ ، ﻭﺍﻧﻲ ﻻﺯﻣﻬﺎ ﻣﺸﻴﺘﻬﺎ ﻭﻛﻌﺪﺗﻬﺎ ﻉ ﺍﻟﻜﺮﺳﻲ ﻭﻛﺮﻓﺼﺖ ﻛﺒﺎﻟﻬﺎ ﻭﻻﺯﻡ ﺍﺩﻳﻬﺎ ﻭﻣﺨﻠﻴﻬﻢ ﻋﻠﻰ ﺭﺟﻠﻴﻬﺎ .
ﺍﺳﻤﻌﻴﻨﻲ ﺯﻫﺮﺍﺀ ﺍﻧﻲ ﻣﻦ ﺣﺎﺳﺒﺘﺞ ﻻﻥ ﺍﺧﺎﻑ ﻋﻠﻴﺞ ﺍﻧﺖ ﻣﺴﺆﺅﻟﻴﺘﻲ ﺍﺫﺍ ﻃﻠﻌﺘﻲ ﻣﻦ ﻫﺬﺍ ﺍﻟﺒﻴﺖ ﻭﻻ ﺳﻤﺢ ﺍﻟﻠﻪ ﺻﺎﺭ ﻋﻠﻴﺞ ﺍﻱ ﺷﻲ ﻣﻨﻮ ﺍﻭﻝ ﻭﺍﺣﺪ ﻳﺘﺤﻤﻞ ﻣﺴﺆﺅﻟﻴﻪ ﻏﻴﺮ ﺍﻧﻲ ؟ ﺍﻧﻲ ﺯﻭﺟﺞ ﻃﻠﻌﺔ ﻣﻦ ﺍﻟﺒﻴﺖ ﺑﺪﻭﻥ ﻋﻠﻤﻲ ﻣﺎﺭﻳﺪ ﺗﻤﺎﻡ ؟
ﻫﺰﺕ ﺭﺍﺳﻬﺎ ﺣﺎﻭﻟﺖ ﺗﺒﻌﺪ ﻧﻈﺮﺍﺗﻬﺎ ﻣﻦ ﻧﻈﺮﺍﺗﻲ ...
ﻭﺑﻌﺪﻳﻦ ﺷﻤﻌﻨﻰ ﻣﻦ ﺍﻧﻲ ﻃﻠﻌﺖ ﺭﺣﺘﻲ ؟ ﺍﺷﻮ ﻳﻮﻣﻴﻪ ﻣﻮﺟﻮﺩ ﻫﻨﺎ ﻣﺎﻛﻠﺘﻲ ﺍﺭﻭﺡ ..
ﻭﺍﺫﺍ ﺭﺣﺖ ﻳﻌﻨﻲ ﺷﻴﺼﻴﺮ
ﻛﻮﻟﺸﻲ ﻳﺼﻴﺮ ﺍﺣﺪ ﻳﺨﻄﻔﺞ ﺍﺣﺪ ﻳﺎﺫﻳﺞ ..
ﺑﺲ ﺍﻧﻲ ﺍﻧﺨﻄﻒ ﻣﻦ ﺑﺎﺏ ﺑﻴﺖ ﺍﻫﻠﻲ ﺷﺒﻴﻚ ﺻﻔﺎﺀ ؟
ﻛﻤﺖ ﻋﻠﻰ ﺣﻴﻠﻲ ﺍﻧﺖ ﻣﺸﺎﻳﻔﻪ ﺍﻟﺪﻧﻴﺎ ﺷﻠﻮﻥ ﺻﺎﻳﺮﺓ ﻋﺒﺎﻟﻚ ﻏﺎﺑﻪ ﻛﻮﻟﺸﻲ ﺗﻮﻗﻌﻲ .
ﻛﺎﻣﺖ ﺗﺮﻳﺪ ﺗﻄﻠﻊ ﻋﺼﺒﺘﻨﻲ ﻟﺰﻣﺘﻬﺎ ﺑﻘﻮﻭﺓ ﻭﻭﻛﻔﺘﻬﺎ
ﻓﺘﺤﺖ ﻋﻴﻮﻧﻲ ﻭﺣﺠﻴﺖ ﺑﺤﺪﻩ ﻭﻭﻭﻭﻳﻦ .
ﺩﺍﺭﻭﺡ ﻓﻮﻙ ﺍﺭﻳﺪ ﺍﺳﺒﺢ ..
ﻏﻴﺮ ﺍﻛﻤﻞ ﻛﻼﻣﻲ ﻳﻠﻪ ﺗﺮﺣﻴﻦ ؟
ﺷﺒﻴﻚ ﻋﺒﺎﻟﻲ ﺧﻠﺼﺖ .
ﺟﺮﻳﺖ ﻧﻔﺲ ﺑﻌﺼﺒﻴﻪ ﻭﺣﺠﻴﺖ ﺑﻐﻀﺐ ﻳﻼﺍﺍﺍ ﺭﻭﺣﻲ ..
ﺯﻫﺮﺍﺀ : ﻃﻠﻌﺖ ﻣﻦ ﻳﻤﻪ ﺍﻣﺴﺢ ﺩﻣﻮﻋﻲ ﻭﺍﺿﺤﻚ ﻛﺪﺭﺕ ﺍﺧﻠﻴﻪ ﻳﻌﺼﺐ ﻣﺸﻴﺖ ﺑﺎﻟﻤﻤﺮ ﺩﺍﺭﻭﺡ ﺍﻏﺴﻞ ﺑﺎﻟﻤﻐﺴﻠﺔ
ﺷﻔﺘﻪ ﺻﻌﺪ ﻓﻮﻙ ﻃﺎﻳﺮ ﻣﺒﻴﻦ ﺑﻌﺪﻩ ﻣﻌﺼﺐ ﻣﻨﻲ ﺿﺤﻜﺖ ﻋﻠﻴﻪ ﺍﻋﺮﻑ ﺷﻮﻥ ﺍﺣﺮﻙ ﺩﻣﻪ ..
ﻛﻤﻠﺖ ﺗﻐﺴﻴﻞ ﻭﺻﻌﺪﺕ ﺍﺭﻳﺪ ﺍﻏﻴﺮ ﻣﻼﺑﺴﻲ ﺩﺧﻠﺖ ﻟﻠﻐﺮﻓﻪ ﻣﺸﻔﺘﻪ ﻣﻮﺟﻮﺩ ، ﻃﻠﻌﺖ ﻣﻼﺑﺲ ﺣﻄﻴﺘﻬﻢ ﻉ ﺍﻟﺠﺮﺑﺎﻳﻪ ﻭﺩﺧﻠﺖ ﺳﺒﺤﺖ ﻛﻤﻠﺖ ﻭﻃﻠﻌﺖ ﺑﺎﻟﺒﺮﻧﺺ ..
ﺍﺟﻴﺖ ﺩﺍﺍﻓﺘﺢ ﺍﻟﺒﺎﺏ ﺳﻤﻌﺖ ﺻﻮﺕ ﺻﻔﺎﺀ ﻋﺎﻟﻲ ﻭ ﻳﻌﻴﻂ ﻭﻳﻨﻬﺎﺍﺍﺍﺍ ﻫﺎﺍﺍﺍﻱ؟
ﻳﺘﺒﻊ
